Wednesday, May 16, 2012

စိပ်ပုတီးပြဿနာ အဖြေရှာ


ရှေးခေတ်က တရုတ်နှင့် ပီရူးနိုင်ငံတို့တွင် ချည်ကြိုးဖြင့် အထုံးပုတီး ပြုလုပ်ပြီး
မှတ်တမ်းမှတ်ရာသဘော အသုံးပြုခဲ့ကြသည်။
တစ်ဖန် ဗြာဟ္မဏ၊ ဟိန္ဒူ၊ ဂျိန်း၊ ခရစ်ယာန်၊ မူစလင်တို့လည်း
သစ်စေ့၊ ၀ါး၊ ဖန်၊ ကျောက်ပုတီးစသည်တို့ကို အသုံးပြုကြသည်။

မြန်မာဗုဒ္ဓဘာသာဝင်တို့သည်လည်း ပုတီးကို အဆင်တန်ဆာ အဖြစ်လည်းကောင်း၊
ဘာသာရေး အသုံးအဆောင် အဖြစ်လည်းကောင်း အသုံးပြုခဲ့ကြသည်။
ဂိုဏ်းသမားတို့ကလည်း ဂိုဏ်းသုံးပစ္စည်းအဖြစ် အသုံးချကြသည်။

မြန်မာနိုင်ငံတွင် အဆင်တန်ဆာအဖြစ် ပုတီးများကို
ပျူခေတ်ကပင် တွင်ကျယ်စွာ သုံးစွဲနေကြသည်။
ဘာသာရေး အသုံးအဆောင်ပုတီးကိုကား နောက်ခေတ်ရောမှ သုံးစွဲခဲ့ကြခြင်း ဖြစ်သည်။
ထိုဘာသာရေး အသုံးဖြစ်သော စိပ်ပုတီးမှာမူ
ဟိန္ဒူတို့ထံမှ နည်းယူ၍ ပြုလုပ်ခဲ့ကြခြင်း ဖြစ်ပေသည်။

ဟိန္ဒူဝါဒ ကျင့်ထုံးများတွင် ဥပါသန ခေါ် ကျင့်ထုံးတစ်ခု ရှိသည်။
ဤကျင့်ထုံးမှာ ဘုရားထီး၊ ဘုရားမတို့၏
ဂုဏ်ကို ဖွဲ့ဆိုထားသော မန္တန်တို့ကို ရွတ်ဆိုရသည့် အလုပ်ဖြစ်သည်။
ထိုဂုဏ်တို့ကို ရွတ်ဖတ် ပူဇော်ရာ၌ ဇပ္ပ ခေါ် စိပ်ပုတီးဖြင့် ရွတ်ဖတ်မှုလည်း ပါဝင်သည်။
ထို့ကြောင့် ဟိန္ဒူတို့က စိပ်ပုတီးကို ဇပ္ပမာလာ ဟု ခေါ်ကြသည်။

ဇပ္ပ = ရွတ်ဆိုခြင်း၊ သရဇ္ဈာယ်ခြင်း ၊
မာလာ= ပန်း၊ သို့မဟုတ် အစဉ်အတန်း-ဟူ၍ အဓိပ္ပယ်ရပေသည်။

ဇပ္ပမာလာ၏ အဓိပ္ပာယ်မှာ တစ်ခုခုကို ရွတ်ဆိုသောအခါ
အကြိမ်ပေါင်းကို မှတ်သားရန်အတွက် သီကုံးထားသည့် အရာဝတ္ထု ဟူ၍ ဖြစ်ပါသည်။
ဟိန္ဒူဘာသာတွင် ဗိဿနိုးဂိုဏ်းဝင်တို့သည် ၁၀၈-လုံး ပုတီးကို အသုံးပြုလေ့ ရှိကြ၏။
မြန်မာတို့ကလည်း ၁၀၈-လုံး ပုတီးကိုပင် အသုံးပြု များကြသည်။

မြန်မာနိုင်ငံ၌ ထေရ၀ါဒ ဗုဒ္ဓဘာသာဝင်တို့သည်
မည်သည့်ခေတ်က စတင်၍ အသုံးပြုခဲ့သည်ဟု မသ်ိရပေ။
ပုဂံခေတ် အပယ်ရတနာလိုဏ်ဂူဘုရားအတွင်း၌
တွေ့ရသည့် နံရံဆေးရေး အထောက်အထားများအရ
ဟိန္ဒူရသေ့ကြီးများဟု ယူဆရသော ရသေ့ကြီးများ ပုံတို့၌
စိပ်ပုတီးများကို ကိုင်ဆောင်ထားကြ၏။
ရသေ့တို့သည် စိပ်ပုတီးကို ကိုင်၍ မန္တန်ရွတ်နေဟန် ရှိပေသည်။

အင်းဝခေတ်တွင်မူ ဗုဒ္ဓဘာသာဝင်တို့လည်း စိပ်ပုတီးကို အသုံးပြုလာကြပြီ ဖြစ်သည်။
အင်းဝခေတ်တွင် ရာဇာဓိရာဇ်နှင့် စကြိုသူမြတ်တို့ တွေ့ဆုံပွဲ၌
သီတင်းသည် ၃၀၀-တို့က စိပ်ပုတီး ကိုယ်စီဖြင့် လိုက်ပါရကြောင်း
သမိုင်းဟောင်းတို့၌ တွေ့ရှိရသည်။

ထေရ၀ါဒ ဗုဒ္ဓဘာသာဝင်တို့သည် ဟိန္ဒူတို့ အထံမှ စိပ်ပုတီးအသုံးကို နည်းယူ၍
အသုံးပြုခဲ့ကြသည်။ ဤသို့ ကျင့်သုံးသည်ကို မှားသည်ဟု မဆိုနိုင်ပါ။
မည်သည့် အယူဝါဒမှ နည်းယူ၍ ကျင့်သုံးသည် ဖြစ်စေ၊ ဗုဒ္ဓဘာသာတို့က
ဗုဒ္ဓဘာသာ နည်းဟန်ဖြင့် အသုံးပြုခြင်းသာ ပဓာန ဖြစ်သည်။

ဟိန္ဒူတို့က မန္တန်ရွတ်ရာ၌ အသုံးပြုသည်။
ဗုဒ္ဓဘာသာတို့က ဗုဒ္ဓဂုဏ်တော် ရွတ်ပွားရာ၌ အသုံးပြုသည်။
ဤသို့ ခြားနားသွားကြပါသည်။
ထို့ကြောင့် ဗုဒ္ဓဘာသာဝင်တို့သည် ဂုဏ်တော်အာရုံ ပွားထုံရန် အလို့ငှာ
စိပ်ပုတီးကို အသုံးပြုသင့်ကြပါသည်။
စန္ဒရားသည် မြန်မာတို့ တီထွင်သော တူရိယာပစ္စည်း မဟုတ်သော်လည်း
မြန်မာတေးကို တီးခတ်ရန်အတွက် အသုံးပြုခဲ့ ကြသကဲ့သို့ မှတ်ယူနိုင်ပေသည်။

သို့ရာတွင် အချို့ပုဂ္ဂိုလ်တို့သည် စိပ်ပုတီးနှင့် ပတ်သက်၍
ယုံကြည်မှု အပိုအကဲများ ဖြစ်လာပါသည်။ နံ့သာပုတီး၊ ဂြိုဟ်တိုင်ပုတီး၊
ဓာတ်သားပုတီး၊ ပန်းပေါင်းပုတီး၊ ဂမုန်းပေါင်းပုတီး စသည်ဖြင့်
စိတ်ကူးပေါ်ရာ တီထွင်၍ အသုံးပြုလာကြသည်။
စိပ်ပုတီး၏ တန်ခိုးကိုလည်း အမျိုးမျိုး ယုံကြည်လာကြသည်။
ပုတီးကို ရေစိမ်သောက်လျှင် ဘာရောဂါ ပျောက်မည် စသည်မျိုး ဖြစ်၏။

အချို့ပုဂ္ဂိုလ်တို့လည်း ပုတီးခေါင်းမှ ကြိုးအဖျားကို ကိုင်ကာ
အသက်ဝင်လာသယောင် ထင်အောင် တောင်ရမ်း မြောက်ရမ်း လုပ်ပြီး
ပရမ်းပတာ ဟောကိန်းဖြင့် လုပ်စားနေကြသည်။
ဤယုံကြည်မှုမျိုးကား
သဘာဝလွန် ယုံကြည်မှု ဖြစ်လာသောကြောင့် အစွန်းရောက်ခဲ့လေပြီ။

ယခုအချိန်တွင် မြန်မာနိုင်ငံ၌
ဘိုးဘိုးအောင်ဆိုသူ၏ စိတ်ကူးယဉ်ဘိုးတော်ပုံ၌လည်းကောင်း၊
အခြားပုဂ္ဂိုလ်ပုံတို့၌လည်းကောင်း စိပ်ပုတီးထည့်၍ ထုလုပ် ရေးဆွဲကြသည်။
စိပ်ပုတီးသည် ဤမျှ တွင်ကျယ်နေပြီ။
ထိုအထဲတွင် ရှင်သီဝလိပုံတော်ကို
စိပ်ပုတီးဖြင့် ထုလုပ်ကြသည်ကား မလျော်ကန်လှပေ။
အဘယ့်ကြောင့်ဆိုသော် ရှင်သီဝလိခေတ်က
စိပ်ပုတီးကို အသုံးပြုလေ့ မရှိသောကြောင့်တည်း။
 
ရေစကြိုအရှင်ဧသိက၊ စစ်တမ်း - စာ ၁၅၆

Thursday, May 3, 2012

အချစ်ကို အမွေပြတ် စွန့်လွှတ်ခြင်း မိတ်ဆက်


“အချစ်ကို အမွေပြတ် စွန့်လွှတ်ခြင်း” 
စာအုပ်လေးကို 
မန္တလေးသာသနာ့တက္ကသိုလ်ကျောင်းသားဘ၀တုန်းက 
ဆရာသမားတော်ခဲ့ဘူးသူ
မောင်သုသု (သုဝဏ္ဏဘူမိ) ရေးခဲ့တာပါ။
စာအုပ်လေးကို 
၂၀၀၄ - ခုနစ်က ထုတ်ဝေခဲ့တာဆိုတော့ အတော်လေးကြာနေပါပြီ။
ဖတ်ပြီးစ ကတည်းက ဖတ်လို့ကောင်းတဲ့ မှတ်သားဖွယ်လေးတွေပါတဲ့
ဒီစာအုပ်လေးကို မျှဝေချင်နေတာ အတော်ကြာပါပြီ။
ဒါပေမဲ့ မမျှဝေဖြစ်ခဲ့ဘူး။
ခုတော့ မအားလပ်တဲ့ကြားက အားသလောက်အချိန်လေးမှာ
 ရသလောက်လေး ရိုက်ပြီး မျှဝေပေးလိုက်ပါပြီ။
အရင်ဆုံး ဒီစာအုပ်လေးနဲ့မိတ်ဆက်ပေးတဲ့
ကိုရွှေသောင်းဝင်းရဲ့ မိတ်ဆက်စာလေးကို အရင်ဖတ်ကြည့်ပါအုံး။
အချစ်ကို အမွေပြတ် စွန့်လွှတ်ရခြင်းအကြောင်း
ကိုရွှေသောင်းဝင်း
အသဲကွဲ ဇာတ်လမ်းတစ်ပုဒ် မဟုတ်ပါ။
နာကြည့်းမုန်းတီးစွာ ထွက်ပေါ်လာတဲ့ ပေါက်ကွဲသံစဉ်လည်း မဟုတ်ပါ။
အချစ်ကို အမျိုးမျိုးဖွင့်ဆိုကြရာမှာ
ကဗျာဆရာ ကိုရင်ရွှေဗျိုင်း (နေနတ်သား) က ပြောတယ်။
“အချစ်ဆိုတာ 
ကံကောင်းသူတို့အတွက် ဆုလာဘ်၊ ကံဆိုးသူတို့အတွက် ကြမ္မာ” တဲ့။
လောကထဲမှာ ချသုံးရင် တကယ်လက်ခံနိုင်စရာ စကားလေးပါပဲ။
လှလည်းလှပါပေရဲ့။

သို့သော် .. တဲ့။
ကျွန်တော်တို့ ငယ်စဉ်က အကုသိုလ် သောမနဿအကြောင်း ဆရာက ပြောပြတယ်။
အကုသိုလ်က မကောင်းတရား၊ 
သောမနဿက ရွှင်လန်းဝမ်းမြောက်မှု အကောင်းတရား။
ဒီတော့ အကုသိုလ် သောမနဿဆိုတာ ဘယ်လိုကောင်းတာလဲ။

ဆရာတော်ဦးဗုဓ်ရဲ့ အဖြေလေးကို ရွတ်ပြတယ်။
တကယ့် မှတ်စရာပါ။
အကုသိုလ် သောမနဿကောင်းပုံက
ဖဲစောင်လေး အတူခြုံ
ဒူးလေးလုံး ဆုံ
မဘုတ်ဆုံ ဘယ်ညာစောင်း
ဘေးသင့်အောင် ကောင်း …. တဲ့။

ဒါဆိုရင် ကဗျာဆရာပြောတဲ့ ဆုလာဘ်ဆိုတာ
ဘေးသင့်အောင်ကောင်းတဲ့ ဆုလာဘ်ပဲ ဖြစ်မှာပါ။
ကြမ္မာနဲ့ရော ဘာထူးလို့လဲ။

အချစ်ဆိုတာကို အမြင်အမျိုးမျိုး အတွေ့အကြုံအမျိုးမျိုးအပေါ်မှာ
အခြေခံပြီး ဖွင့်ဆိုကြတာချည်းပါပဲ။
ဒါပေမဲ့ စာရှုသူများနဲ့ ခံစားမှုချင်းတူချင်လည်း တူမယ်၊
မတူဘဲလည်း ရှိနိုင်တယ်။
တူ မတူမှာ ပဓာနမဟုတ်။ 
ပဓာနဟုတ်သည်ကား 
ဖွင့်ဆိုချက်များ မှန်၊ မမှန်ဟူသော အချက်ပင်။

အချစ်မဲ့ဗုဒ္ဓကတော့ အချစ်ကို သစ္စာအမြင်နဲ့သာ ဖွင့်ဆိုတယ်။
သစ္စာဆိုတာ ထာဝရအမှန်တရားမဟုတ်လား။
အချစ်ဆိုတာ အနှောင်အဖွဲ့တဲ့။ အစေးအညှော်တဲ့။ သမုဒယတဏှာတဲ့။
ဒီသမုဒယတဏှာတွေ 
အနှောင်အဖွဲ့ အစေးအညှော်တွေရှိနေရင် ဘယ်မှာလွတ်လပ်မှာလဲ။
မလွတ်လပ်ရင်ကော ဘယ်မှာ ချမ်းသာနိုင်မလဲ။

ဒီတော့ အချစ်ဆိုတာ ဖက်တွယ်ထားရမယ့် အရာလား။
စွန့်လွတ်ရမယ့်အရာလားဆိုတာ
ဒီစာစဉ်လေးက အဖြေပေးမှာပေါ့။