Monday, April 2, 2012

ဖတ်စရာ မှတ်စရာ (၁၇)


ကြီးကျယ်အောင်မြင်ခဲ့သော စိတ်ကူးယဉ်သမားများ
သမိုင်းတစ်လျှောက်ကြည့်ပါက မည်သည့်နယ်ပယ်၌မဆို
စွမ်းစွမ်းတမံ ဆောင်ရွက်နိုင်ခဲ့ကြသော ပုဂ္ဂိုလ်တိုင်းသည်
သူတပါးမမြင်သည့်အနာဂတ်ကို ကျော်၍တွေးသူ၊ သူတပါးစဉ်းစားသည့်
အတိုင်းအတာပမာဏထက် ကြီးကြီးမားမား ကျယ်ကျယ်ပြန့်ပြန့် ထည့်သွင်းစဉ်းစားသူ၊
လေထဲတွင် တိုက်အိမ် အကြီးစားဆောက်သူများဖြစ်ကြောင်း တွေ့ရမည်ဖြစ်သည်။

တစ်ချိန်သောအခါကမူ မြန်မာ့လွတ်လပ်ရေးဟူသည် မြန်မာမျိုးချစ်တို့၏
စိတ်ကူးယဉ်ကမ္ဘာထဲက တိုက်အိမ်ပင်ဖြစ်၏။
ဗြိတိသျှနေမ၀င် အင်ပိုင်ယာကို အာခံတော်လှန်ဖို့ဆိုသည်မှာ
မစဉ်းစားဝံ့စရာကိစ္စဖြစ်ခဲ့သည်။ သို့သော် တကယ်တမ်း အသက် သွေးချွေးတို့ဖြင့်
အုတ်မြစ်ချ တည်ဆောက်သည့်အခါ၌ စိတ်ကူးတိုက်အိမ်သည်
အကောင်ဒြဗ် ထင်ရှားစွာ ဖြစ်ပေါ်လာပေသည်။

စင်စစ် မြေကြီးပေါ်မှာ ရဲတိုက်ကြီးတစ်ခု တကယ်မဆောင်လုပ်မီ
လေထဲ၌ အရင်ဆောက်ကြည့်ရမည်မှာ သဘာဝဖြစ်၏။
တကယ်ကြီးကျယ်ခိုင်ခံ့သော အဆောက်အအုံတစ်ခု ဆောက်လုပ်ရန်အတွက်
အသေးစိတ် စနစ်တကျ ရေးဆွဲထားသည့် ပုံစံတစ်ခု ရှိရစမြဲဖြစ်သည်။

လက်တွေ့၏ရှေ့၌ စိတ်ကူးရှိရလိမ့်မည်။
သို့သော် စိတ်ကူး၏နောက်မှ လက်တွေ့ (သို့မဟုတ်) စိတ်ကူးကို အကောင်အထည်ဖော်မှု
လိုက်ပါမလာဘူးဆိုလျှင်လည်း ထိုစိတ်ကူးသည် အချည်းနှီး အလဟဿဖြစ်လိမ့်မည်။
အုတ်အင်္ဂတွေမပါဘဲ လေထဲက ရဲတိုက်တစ်ခု မြေပေါ်ကျလာနိုင်မည် မဟုတ်ပေ။

ထို့ကြောင့် စိတ်ကူးယဉ်တတ်ရမည်။
လက်တွေ့အကောင်အထည်ဖော်လိုစိတ်လည်း ရှိရမည်။
လေထဲက တိုက်အိမ်ကို မြင်ယောင်မှန်းဆနေသည့် တစ်ချိန်းတည်းတွင်
ယင်းကို မည်သို့အကွက်ချ တည်ဆောက်မည်ဟူ၍
စိတ်ကူးထဲမှာပင် ပန္နက်ရိုက်မည်ဆိုက သင်သည် လမ်းမှန်ပေါ်ရောက်နေပြီ။
သင်သည် လက်တွေ့ကျသော စိတ်ကူးယဉ်သမားဖြစ်နေပြီ။
ပန္နက်အတိုင်း ဆက်လက်တည်ဆောက်သွားလျှင်ပင်
သင့်တိုက်အိမ်ကြီး မြေမှာ တကယ်ပေါက်လာမည်ဖြစ်သည်။

ဖေမြင့် ၊ အပြောင်မြောက်ဆုံး ဘ၀တစ်ခု တည်ဆောက်ခြင်းမှ