Monday, April 30, 2012

ဖတ်စရာ မှတ်စရာ (၂၉)


သိမ်နဲ့ အမျိုးသမီး

ဗုဒ္ဓဘာသာ မြန်မာတွေကြားမှာ အရိုးစွဲပြီး အမှတ်လွဲနေတတ်တဲ့ 
အလွဲလေးတွေအကြောင်း ထောက်ပြပေးတဲ့ စာတွေရေးပေးနေတာကိုသိတော့ ဆရာတော်တစ်ပါးက သိမ်နဲ့အမျိုးသမီး အကြောင်းကိုလည်း 
စာရေးပေးဖို့ မိန့်ကြားဖူးပါတယ်။ 
ဆရာတော် မမိန့်ခင်ကတည်းက ရေးဖို့ရည်ရွယ်ချက် ရှိနေပေမယ့် 
မရေးဖြစ်ဘဲ အခုမှပဲ အကောင်အထည် ဖော်ဖြစ်ခဲ့ပါတယ်။ 

မြန်မာပြည်ရဲ့ တောရွာအတော်များများမှာ 
တစ်ရွာ သိမ်တစ်လုံးတော့ ရှိနေတတ်ကြပါတယ်။ 
အဲဒီလို သိမ်တွေရှိနေပေမယ့် အမျိုးသမီးတွေ အနေနဲ့ သိမ်ထဲကို 
မဝင်ရဘူး၊ မဝင်ကောင်းဘူးဆိုတဲ့ အစွဲတွေ၊ အပြောတွေကြောင့် 
သေတဲ့အထိ သိမ်ထဲကို မဝင်ဖူးကြတဲ့သူတွေလည်း ရှိနေပြန်ပါတယ်။ 
ရန်ကုန်၊ မန္တလေးလို မြို့ကြီးတွေမှာတော့ 
အခုနောက်ပိုင်း သိမ်တွေထဲမှာ အခမ်းအနားတွေအထိ လုပ်လာကြတဲ့အတွက် 
အမျိုးသမီးနဲ့ သိမ်က သိပ်ပြီး အထူးအဆန်း မဟုတ်တော့ပါဘူး။

ဆန်းနေတာက တောရွာစရိုက်၊ တောနေယဉ်ကျေးမှုနဲ့ 
တောနေဘုန်းကြီး၊ တောနေလူတွေရဲ့ အရိုးစွဲနေတဲ့ အယူအဆတွေပဲ ဖြစ်ပါတယ်။ 
သိမ်ထဲကို အမျိုးသမီး မဝင်ကောင်းတာ ဘာဖြစ်လို့လဲ…၊ 
ဘုရားဟောထားလို့လား…၊ ဝင်ရင်သိမ်ပျက်မှာစိုးလို့လား…၊ ကံပျက်မှာစိုးလို့လား..၊ 
အမျိုးသမီး ဖြစ်နေလို့ မဝင်ရတာလား… စတဲ့ အမေးပေါင်းများစွာနဲ့ 
သိမ်နဲ့အမျိုးသမီး ကိစ္စက အများထောက်ပြစရာ ဖြစ်လာပါတယ်။ 
တကယ်လို့ မေးလာမယ်ဆိုရင်လည်း သိမ်ထဲကို မဝင်ကောင်းဘူးလို့ 
ပြောနေသူတွေ ကိုယ်တိုင်က ရေရေရာရာ ဖြေစရာ ရှိမှာမဟုတ်ပါဘူး။ 
ဒီလို သိမ်တွေ၊ ဘုရားတွေ၊ ကျောင်းကန်တွေမှာ 
အမျိုးသမီး မဝင်ကောင်း၊ မတက်ကောင်းဆိုတဲ့ အရိုးစွဲနေတဲ့ အယူအဆတွေဟာ ဘုရားဟောသလိုလို၊ ရှေးထုံးလိုလို၊ အစဉ်အလာလိုလိုနဲ့ နည်းနည်းလေးတော့ လွဲကိုလွဲနေတော့တာ ဖြစ်ပါတယ်။

သိမ်နဲ့ပတ်သက်ပြီး အမျိုးသမီးများ အနေနဲ့ ရဟန်းတော်များ ကံဆောင်နေတဲ့အချိန်မှာ နယ်နိမိတ်စည်းထဲကို မဝင်ကောင်းဘူးဆိုရင် အထူးပြောစရာ မရှိပါဘူး။ 
ဒါတောင်မှ သိမ်ထဲကို မဝင်ကောင်းတာမဟုတ်ပါဘူး။ 
သိမ်အထဲမှာရှိတဲ့ နယ်နိမိတ်စည်းထဲကို မဝင်ကောင်းတာပါ။ 
ဒါကလည်း နယ်နိမိတ်စည်းထဲမှာရှိတဲ့ရဟန်းတော်များ အာပတ်သင့်မှာ စိုးလို့ပါ။ 
ကံပျက်လို့တော့ မဟုတ်ပါဘူး။ 
ခုဟာက ကံဆောင်နေတဲ့အချိန် မဟုတ်တဲ့ တခြားအချိန်တွေမှာလည်း 
သိမ်ထဲကို အမျိုးသမီးတွေ မဝင်ကောင်းဘူးဆိုတဲ့ 
အယူအဆ၊ အပြောအဆို၊ အစွဲအလမ်းတွေကြောင့် 
သိမ်နဲ့အမျိုးသမီးဟာ 
ဘယ်လိုမှဆက်စပ်လို့မရတဲ့ အရာတစ်ခုလို ဖြစ်နေတော့တာ ဖြစ်ပါတယ်။ 
ဥပါဒါန်ကြောင့် ဥပဒ်ရောက်ဆိုသလို သိမ်ထဲကို ဝင်မိတဲ့ အမျိုးသမီး 
တစ်ခုခုတိုက်ဆိုင်ပြီး ဖြစ်ရင်တောင်မှ ဒါဟာ သိမ်ထဲကို ဝင်လို့ဖြစ်တာဆိုတဲ့ 
အယူအဆတွေက ရှိနေပြန်တော့ တောနေအမျိုးသမီးတွေဟာ 
သိမ်ဆိုရင် ဝေးဝေးကကို ရှောင်နေကြတော့တာ ဖြစ်ပါတယ်။

တကယ်တော့ သိမ်ထဲကို မဝင်ကောင်းတာက အမျိုးသမီးတွေ မဟုတ်ပါဘူး။ 
ရဟန်းတော်တွေပါ။ 
ရဟန်းတော်တွေဟာ ကံဆောင်နေတဲ့အချိန် သိမ်ထဲမှာ ရှိနေပါက 
တစ်ပါးနဲ့တစ်ပါး နှစ်တောင့်ထွာနယ်နိမိတ် ထိစပ်ပြီး 
နယ်နိမိတ်အတွင်းမှာ ရှိနေရမှာ ဖြစ်ပါတယ်။ 
အဲဒီလို မဟုတ်ဘဲ ကံဆောင်နေတဲ့အချိန် သိမ်ထဲမှာရှိနေပြီး 
နယ်နိမိတ်အပြင်ကို ရောက်နေပါက ကံပျက်ပါတယ်။ 
ဒါကြောင့် ကံဆောင်နေတဲ့အချိန်ဆိုရင် ရဟန်းတော်များဟာ 
သိမ်ထဲမှာရှိတဲ့ နယ်နိမိတ်အတွင်းမှာ ရှိရင်ရှိ၊ 
မရှိရင် သိမ်အပြင်မှာပဲ ရှိနေရပါမယ်။ 
သိမ်ထဲမှာရှိနေပြီး နယ်နိမိတ်စည်းအပြင် ရောက်နေတယ်ဆိုရင်တော့ ကံပျက်ပါတယ်။ 
ဒီလို သဘောတွေကြောင့် ဘာပဲဖြစ်ဖြစ် ကံဆောင်နေတဲ့အချိန်မှာ 
ရဟန်းတော်များ အနေနဲ့သိမ်ထဲကို မဝင်ကောင်းဘူးလို့ ဆိုတာဖြစ်ပါတယ်။ 
လူပုဂ္ဂိုလ်တွေ၊ သာမဏေတွေ အနေနဲ့ကတော့ ကံဆောင်နေတဲ့ အချိန်မှာ 
သိမ်ထဲမပြောနဲ့ သိမ်ထဲမှာရှိတဲ့ နယ်နိမိတ်စည်းထဲအထိ ဝင်မိတာတောင်မှ 
ရဟန်းတော်များ ဆောင်နေတဲ့ ကံကပျက်မသွားပါဘူး။ 
နယ်နိမိတ်ထဲမှာ လူသာမဏေ ရှိနေလျက်နဲ့ 
ကံဆောင်နေကြတဲ့ ရဟန်းတော်များမှာပဲ အာပတ်သင့်ပါတယ်။ 
ဒီလိုဆိုတော့ ကံဆောင်နေတဲ့အချိန်မှာ ကံပျက်မှု မပျက်မှုဟာ 
ရဟန်းတော်များနဲ့ပဲ သက်ဆိုင်ပြီး 
လူပုဂ္ဂိုလ်များနဲ့ မသက်ဆိုင်ဘူးဆိုတာ ထင်ရှားပါတယ်။ 
လူပုဂ္ဂိုလ်လို့ဆိုတဲ့အတွက် အမျိုးသမီးများလည်း အကျုံးဝင်ပြီး ဖြစ်ပါတယ်။

ဆိုလိုတာက သိမ်ထဲကို အမျိုးသမီး မဝင်ကောင်းဘူးဆိုတဲ့ အယူအဆတွေမှာ ဝင်ရင်ကံပျက်တတ်တဲ့ အတွက် မဝင်ကောင်းတာ ဖြစ်တယ်လို့ဆိုရင် 
ဒါဟာ လွဲနေတဲ့ အလွဲတစ်ခုပဲ ဖြစ်ကြောင်း ဆိုလိုတာ ဖြစ်ပါတယ်။ 
အမျိုးသမီးဝင်ခြင်းကြောင့် ဘယ်လိုမှ ရဟန်းတော်များ ဆောင်နေတဲ့ ကံကိစ္စ 
ပျက်သွားခြင်း မရှိတဲ့အတွက် ဒီအကြောင်းပြချက်ကြောင့် မဝင်ကောင်းဘူးဆိုရင် မှားနေတာဖြစ်ကြောင်း သိစေလိုတာ ဖြစ်ပါတယ်။ 
သိမ်ထဲမှာ ရဟန်းတော် တစ်ပါးတည်း ရှိတတ်တာတို့၊ 
ဆိတ်ကွယ်ရာ အရပ်မှာ မာတုဂါမ ရှိနေတာဟာ မသင့်လျော်တာတို့၊ 
မာတုဂါမကြောင့် ရဟန်းတော်များအတွက် အန္တရာယ် တစ်စုံတစ်ရာ ဖြစ်နိုင်တာတို့ စတဲ့အကြောင်းပြချက်များကြောင့် မဝင်သင့်တာလို့ ဆိုရင်တော့ အထူးပြောစရာ မရှိပါဘူး။ ဒါတောင်မှ မဝင်ကောင်းလို့မဟုတ်ဘဲ မဝင်သင့်လို့ဆိုတဲ့ သဘောနဲ့ ပြောရတာ ဖြစ်ပါတယ်။

ဝိနည်းတော်အရ အာပတ်သင့်မှု မသင့်မှု အပိုင်းဟာ ရဟန်းတော်နဲ့ပဲ သက်ဆိုင်ပါတယ်။ အမျိုးသမီးမှာ အာပတ်သင့်စရာ အကြောင်းမရှိပါဘူး။ 
ဒီလိုပြောလို့ အမျိုးသမီးတွေ သိမ်ထဲကို 
ဝင်ချင်သလိုဝင် ထွက်ချင်သလို ထွက်ဆိုတဲ့ သဘောမျိုး မဟုတ်ပါဘူး။ 
အမျိုးသမီးလည်း လောကကြောင်းအရ ထိန်းသိမ်းရမှာတွေ ရှိတဲ့အတွက် 
အသိသတိနဲ့ပဲ ကိုယ့်ကိုကိုယ် ထိန်းသိမ်းရမှာ ဖြစ်ပါတယ်။ 
ဒီနေရာမှာ ပြောချင်တာက တိကျတဲ့အကြောင်းပြချက် မရှိဘဲ 
သိမ်ထဲကို အမျိုးသမီး မဝင်ကောင်း၊ မဝင်ရဆိုတဲ့ အမှတ်လွဲမှုအကြောင်းပဲ 
အဓိကပြောချင်တာ ဖြစ်ပါတယ်။ 
လောကကြောင်းအရ၊ အခြေအနေအရက လွဲလို့ သိမ်ထဲကို အမျိုးသမီးတွေ ဝင်ကောင်းတယ်ဆိုတာ သိစေချင်တာ ဖြစ်ပါတယ်။

ဒါကြောင့် မြန်မာဗုဒ္ဓဘာသာ အချို့ရဲ့ လွဲနေတတ်တဲ့ အလွဲတွေထဲမှာ 
သိမ်ထဲကို အမျိုးသမီးတွေ မဝင်းကောင်းဘူးဆိုတဲ့ မရေရာတဲ့ အကြောင်းပြချက်များနဲ့ 
အရိုးစွဲနေတဲ့ သိမှတ်ထားမှုဟာလည်း 
နည်းနည်းလေး လွဲနေတဲ့ အလွဲတစ်ခုဖြစ်တဲ့အတွက် 
ဒီလိုအလွဲ သိမှတ်ထားမှုမျိုးကို သိအောင်ကြိုးစားပြီး ဘုရားဟောမဟုတ်တဲ့၊ 
သံသရာဝဋ်မှ လွတ်မြောက်မှုကို အထောက်အကူ မပြုတဲ့ အလွဲတွေကို ပြုပြင်နိုင်သမျှ ပြုပြင်နိုင်ကြဖို့ အသိပေးတိုက်တွန်းရင်း 
လွဲနေတတ်တဲ့ အလွဲတစ်ခုအဖြစ် ရေးသားတင်ပြလိုက်ရပါတယ်။

Credit: mmcybermedia.com

Friday, April 27, 2012

ဖတ်စရာ မှတ်စရာ (၂၈)


ဝါတွင်းကာလနဲ့ အိမ်ထောင်ပြုခြင်း

မြန်မာဗုဒ္ဓဘာသာ အများစု လွဲနေတတ်တဲ့ အရိုးစွဲနေတဲ့ အလွဲတွေထဲမှာ 
ဝါတွင်းကာလနဲ့ ပတ်သက်တဲ့ အလွဲလေးတွေလည်း ရှိနေပြန်ပါတယ်။ 
ဝါတွင်းကာလ ဘာမလုပ်ရ၊ ညာမလုပ်ရ စတဲ့ 
အပြောအဆို အမှတ်မှား အလွဲတွေကြားထဲက 
ဝါတွင်းကာလ အိမ်ထောင်မပြုရ ဆိုတဲ့အချက်ကလည်း 
တော်တော်ကျယ်ကျယ်ပြန့်ပြန့်ဖြစ်နေတဲ့ အလွဲတစ်ခု ဖြစ်ပါတယ်။ 
ဝါမ၀င်ခင် အိမ်ထောင်ပြုမှ ဖြစ်မယ်၊ ၀ါကျွတ်မှ အိမ်ထောင်ပြုကြမယ်ဆိုတဲ့ 
အရိုးစွဲနေတဲ့ ဒီအချက်အပေါ်မှာ မျက်မှောက်ခေတ်လူငယ် အတော်များများ 
ဘ၀င်မကျ ဖြစ်လာကြတာကို တွေ့ရပါတယ်။ 
ဝါတွင်းကာလ အိမ်ထောင်မပြုရ ဆိုတဲ့ ဒီအယူအဆဟာ 
ဘုရားရှင်ဟောကြားတော်မူ၊ သတ်မှတ်တော်မူခဲ့တာလားလို့ 
မေးလာသူတွေလည်း ရှိပါတယ်။ ဒါကြောင့် ဒီနေရာမှာ ဝါတွင်းကာလ 
အိမ်ထောင်ပြုခြင်းနဲ့ ပတ်သက်တဲ့ အကြောင်းကိုလည်း နည်းနည်းလေးတော့ 
လွဲနေတတ်တဲ့ အလွဲတစ်ခုအဖြစ် တင်ပြရန် အကြောင်းဖန်လာခဲ့ပြန်ပါတယ်။

တကယ်တော့ ၀ါတွင်းဆိုတဲ့ အခေါ်အဝေါ်ဟာ 
ရဟန်းတော်များ ၀ါဆိုဝါကပ်ပြုရမယ် ဆိုတဲ့ ၀ိနည်းဥပဒေ ပညတ်သတ်မှတ်ပြီးချိန်မှသာ 
ရဟန်းတော်များ ၀ါဆိုဝါကပ်ပြုနေတဲ့ သုံးလတာကာလကို ရည်ရွယ်ပြီး 
ခေါ်ဝေါ်သုံးစွဲကြတဲ့ ဝေါဟာရဖြစ်ပါတယ်။ 
ဒီဝါတွင်းဟာ လူတွေအတွက်တော့ မိုးတွင်းကာလပါပဲ။ 
ရဟန်းတော်များ ၀ါတွင်းသုံးလကာလပတ်လုံး တခြားတစ်နေရာသို့ ကြွရောက်တော်မမူဘဲ 
ကိုယ်ဝါဆိုရာ ကျောင်းတိုက်အရာမ်တွင်းမှာပဲ နေထိုင်သီတင်းသုံးကြဖို့ 
သတ်မှတ်ထားတဲ့ ၀ိနည်းဥပဒေဟာ ၀ါတွင်းကာလမှာ အိမ်ထောင်မပြုရဘူးဆိုတဲ့ 
လူတွေကြားမှာ ဖြစ်နေတဲ့ အချက်နဲ့ ဘာမှမသက်ဆိုင်ပါဘူး။ 
ဘယ်သူကဘယ်လို စတင်ခဲ့တယ်၊ ဘယ်တုန်းကစပြီး ပေါ်ပေါက်ခဲ့တယ်ဆိုတာကို 
အတိအကျ ပြောလို့မရတဲ့ ၀ါတွင်းကာလ အိမ်ထောင်မပြုရ ဆိုတဲ့ ဒီယုံကြည်ချက်ဟာ 
ဘုရားဟော မဟုတ်တာကတော့ သေချာပါတယ်။ 
ပိဋကတ်မှာ ပါတဲ့အချက်လည်း မဟုတ်ပါဘူး။ 
ဝါတွင်းကာလမှာ အိမ်ထောင်မပြုရဘူးဆိုတဲ့ သတ်မှတ်ချက်တွေ ရှိတယ်ဆိုရင် 
ဝါဆိုဖို့ ပညတ်ချက်တွေ မသတ်မှတ်ချိန်တုန်းက 
ဘယ်လိုသတ်မှတ်ကြသလဲဆိုတာ စဉ်းစားစရာပါ။ 
ဘုရားရှင်အနေနဲ့ ၀ါဆိုဖို့ ၀ိနည်းဥပဒေ သတ်မှတ်ချိန်ဟာ 
ဘုရားဖြစ်တော်မူပြီး နှစ်ပေါင်းနှစ်ဆယ်ကျော်နောက်ပိုင်းမှ ပေါ်ပေါက်ခဲ့တာပါ။ 
ဝါတွင်းကာလနဲ့ ပတ်သက်ပြီး ဘုရားရှင်ဟာ ရဟန်းတော်များအတွက်သာ 
သီးသန့်ဝိနည်း ဥပဒေထားကာ ပညတ်ချက်ပဲရှိပါတယ်။ 
လူတွေအတွက် ၀ါတွင်းကာလမှာ 
ဘာမလုပ်ရဘူး၊ ဘယ်မသွားရဘူး စတဲ့ ဥပဒေ သတ်မှတ်ချက် မရှိပါဘူး။ 
တစ်ခုတော့ရှိတယ် ဥပုသ်နေ့တွေမှာ ဥပုသ်သီလစောင့်စေလိုတဲ့ ဟောကြားချက်အချို့ရှိပါတယ်။ 
ဒါကလည်း ၀ါတွင်းကာလမှ မဟုတ်ပါဘူး။ 
ဝါတွင်းမဟုတ်တဲ့ အချိန်တွေမှာလည်း ဥပုသ်နေ့များမှာ ဥပုသ်သီလစောင့်လို့ ရပါတယ်။

ဘုရားရှင်ဟာ လူတွေအတွက် ကာမဂုဏ်အာရုံများ နည်းအောင်၊ 
ကိလေသာများပါးအောင် ကျင့်ကြံနေထိုင်ကြဖို့သာ ဟောကြားလေ့ရှိပါတယ်။ 
ဘယ်အချိန်မှာ အိမ်ထောင်မပြုရ၊ ပြုရင်ဘာဖြစ်မယ်ဆိုတဲ့ 
အထူးတလည် ဟောကြားသတ်မှတ်ချက် မရှိပါဘူး။ 
သာသနာ့ဝန်ထမ်းများကိုတော့ အိမ်ထောင်မပြုရ၊ ကာမဂုဏ်မေထုန် မမှီဝဲရဆိုတာကိုတော့ 
အထူးသတ်မှတ် ပညတ်တော်မူပါတယ်။ ဒါ့အပြင် အိမ်ထောင်ရေးနဲ့ ပတ်သက်ပြီး 
ဘုရားရှင် အထူးဟောတော်မူတဲ့အချက်က အိမ်ထောင်ပြုပြီး နောက်ပိုင်း 
အိမ်ထောင်ရေးကို ဘယ်လိုအဆင်ပြေအောင် နေထိုင်ရမယ့်အချက်နဲ့ 
အိမ်ထောင်ပြုသူ လင်ယောက်ျား ဇနီးမယားတို့ လိုက်နာကျင့်ကြံရမယ့် တာဝန်များ၊ 
အိမ်ထောင်ရေးကို ထိခိုက်ပျက်ပြားစေမယ့်အပြင် သံသရာပါ ဒုက္ခရောက်စေမယ့် 
အိမ်ထောင်ရေး ဖောက်ပြန်မှုများကို မပြုလုပ်ကြဖို့ 
ပညတ်သတ်မှတ်တော် မူပေးတဲ့ အချက်ပဲဖြစ်ပါတယ်။ 
ဘယ်အချိန်မှာ အိမ်ထောင်ပြုရမယ်၊ ဘယ်အချိန်မှာ အိမ်ထောင်မပြုရဘူး ဆိုတဲ့အချက် မဟုတ်ပါဘူး။

ဒီလိုဆိုရင် ဘုရားဟောမဟုတ်တဲ့ ဒီဝါတွင်းကာလ အိမ်ထောင်မပြုရဆိုတဲ့ သတ်မှတ်ချက်ဟာ မြန်မာပြည်မှာ ဘာကြောင့် လေးလေးနက်နက် ရှိနေကြတာလဲလို့ မေးစရာ ရှိပါတယ်။ 
ဒီအချက်ကတော့ ရှေးအစဉ်လာကတည်းက အရိုးစွဲလာခဲ့တဲ့ အချက်တွေ ဖြစ်နိုင်ပါတယ်။ ရှေးကလူကြီးသူမများဟာ ဘုရားသာသနာကို အလွန်သက်ဝင် ယုံကြည်ကြပြီး 
ဘာသာရေးကို အထူးအလေးထားတဲ့ သူများဖြစ်ကြပါတယ်။ 
ရဟန်းတော်များ ၀ါတွင်းကာလ ၀ါဆိုဝါကပ်ပြုကြတဲ့ အချိန်မှာ 
ဗုဒ္ဓဘာသာဝင်တွေဖြစ်တဲ့ လူတွေအနေနဲ့လည်း ကာမဂုဏ်အာရုံများနဲ့ ဆက်စပ်နေတဲ့ 
ဒီအိမ်ထောင်ပြု သားမွေးခြင်း ကိစ္စများကို မလုပ်ကြဘဲ 
တစ်နှစ်ပတ်လုံး အလုပ်များနဲ့သာ အချိန်ကုန်နေပြီး မိုးတွင်းကာလမှာသာ အနားရကြတဲ့ 
အချိန်လေးမှာ ကုသိုလ်ကောင်းမှုများ များများလုပ်ဖြစ်ကြဖို့ ကြိုးစားအားထုတ်ရင်း 
ဝါတွင်းကာလမှာ အိမ်ထောင်ပြုခြင်းကို အထူးတလည် မပြုလုပ်ကြခြင်း ဖြစ်နိုင်ပါတယ်။ 
နောက်တစ်ချက် စဉ်းစားမိတာက 
ဝါတွင်းကာလဟာ မိုးရာသီကာလ ဖြစ်တဲ့အတွက် 
မင်္ဂလာအခမ်းအနားများ ကျင်းပပြုလုပ်ဖို့အတွက် 
မိုးအဆက်မပြတ်ရွာမှုက အခက်အခဲဖြစ်စေနိုင်တဲ့ အကြောင်းတစ်ခုဖြစ်စေသလို 
မိုးရာသီကာလ သီးနှံစပါး စိုက်ပျိုးထားချိန်များဖြစ်လို့ စားဝတ်နေရေးအရလည်း 
အခက်အခဲ ဖြစ်နိုင်တဲ့အချက်ကြောင့်လည်း ဖြစ်နိုင်ပါတယ်။ 
ဒါကြောင့် မိုးတွင်ကာလ အိမ်ထောင်ပြုခြင်းကို မပြုလုပ်ကြဘဲ ရှောင်ကြဉ်ကြတာဖြစ်နိုင်ပါတယ်။ ဒီအစဉ်အလာများဟာ အခုခေတ်ရောက်လာတဲ့ အခါမှာတော့ 
ဗေဒင်ယတြာ ဓာတ်ရိုက်ဓာတ်ဆင် ဆရာများရဲ့ လက်ချက်ကြောင့် 
ဝါတွင်းကာလ အိမ်ထောင်ပြုရင်ပဲ တစ်ခုခုဖြစ်နိုင်သလို၊ အိမ်ထောင်ရေးပဲ မတည်မြဲတော့သလို၊ 
တစ်ခုခုပဲ ထဖြစ်တော့မလို ပြောဆိုဟောပြောလာကြရာက 
ဝါတွင်းကာလ အိမ်ထောင်မပြုရဆိုတဲ့ အစဉ်အလာ ယုံကြည်မှုကြီးက 
လွှမ်းမိုးသက်ရောက် လာခဲ့ကြတာလည်း ဖြစ်နိုင်ပါတယ်။

တကယ်တော့ ဘယ်အချိန် အိမ်ထောင်ပြုပြု 
အိမ်ထောင်ပြုသူ နှစ်ဦးရဲ့ အနေအထားကိုလိုက်ပြီး 
အိမ်ထောင်ရေး အဆင်ပြေမှု မပြေမှုဆိုတာ ဖြစ်ကြတာပါ။ 
ဝါတွင်းကာလ အိမ်ထောင်ပြုမိလို့ 
အိမ်ထောင်ရေး အဆင်ပြေမှု မပြေမှု ဖြစ်ရတယ်ဆိုတာမျိုး မရှိပါဘူး။ 
ဝါပမှာ အိမ်ထောင်ပြုသူတွေလည်း အိမ်ထောင်ရေး ပြဿနာတွေ အများကြီး ရှိနေကြပါတယ်။ အဓိကကတော့ တာဝန်ကိုယ်စီကျေပွန်ပြီး အကျင့်သီလ ကောင်းမွန်နေမှုကသာ အဓိကဖြစ်ပါတယ်။ ဘယ်အချိန် အိမ်ထောင်ပြုမှုက အဓိကမကျပါဘူး။ 
သေချာတာကတော့ ဘုရားရှင်အနေနဲ့ 
ဝါတွင်းကာလ အိမ်ထောင် မပြုရဘူးဆိုတဲ့ အချက်ကို 
လုံးဝဟောကြားတော် မမူဘူးဆိုတဲ့ အချက်ကတော့ အသေအချာပဲ ဖြစ်ပါတယ်။

ဒီနေရာမှာ ၀ါတွင်းကာလ အိမ်ထောင်မပြုခြင်းကို ဘုရားဟောလို့ မပြုတာလို့ မမှတ်ကြဘဲ 
ဝါတွင်းကာလ အခိုက်အတန့်လေးမှာ ကိလေသာ အာရုံကာမဂုဏ်များ နည်းနေစေဖို့နဲ့ ကုသိုလ်ကောင်းမှုများ များများလုပ်ခွင့် ရစေဖို့ 
အိမ်ထောင်ပြုခြင်းကို မပြုကြခြင်း ဖြစ်တယ်လို့ 
လက်ခံယုံကြည်လိုက်ကြရင် အလွန်ကောင်းပါတယ်။ 
သေချာတာကတော့ ၀ါတွင်းကာလမှာ လူတွေလည်း အိမ်ထောင်မပြုရ၊ မေထုန်မပြုရ၊ 
ရှစ်ပါးသီလပဲ ဆောက်တည်ပြီး နေရမယ်ဆိုတဲ့ သတ်မှတ်ဟောကြားချက် မရှိပါဘူးဆိုတာပါ။ မိမိတို့အနေဖြင့် ၀ါတွင်းကာလ အိမ်ထောင်ပြုလိုကလည်း ပြုနိုင်ကြပါတယ်။ 
ဝါတွင်းကာလ အိမ်ထောင်ပြုလို့ အပါယ်ငရဲ လားရတယ်ဆိုတာ မရှိပါဘူး။ 
အိမ်ထောင်ကျပြီး အိမ်ထောင်ရေးဖောက်ပြန်လို့ ကာမေသုမိစ္ဆာစာရကံ ကျူးလွန်လို့ 
အပါယ်ငရဲ လားရတာပဲ ရှိပါတယ်။

ဒါကြောင့် ၀ါတွင်းကာလနဲ့ အိမ်ထောင်ပြုခြင်းသည် ဘာမှမသက်ဆိုင်တဲ့အတွက် 
ဘုန်းကြီးတွေရဲ့ ၀ါဆိုချိန်ကြောင့် 
တို့တွေအိမ်ထောင်ပြုရေးကို ထိခိုက်တယ်ဆိုတာ မတွေးကြဖို့နဲ့ 
အိမ်ထောင်ပြုလိုက ၀ါတွင်းဝါပ အဓိကမကျဘဲ အိမ်ထောင်ကျပြီးနောက်ပိုင်း 
အိမ်ထောင်ရှင်နှစ်ဦးတို့ရဲ့ တာဝန်ကျေမှုနဲ့ အိမ်ထောင်ရေး မဖောက်ပြန်မှုကသာ 
အဓိကကျပါကြောင်း ထပ်လောင်းပြောဆိုရင်း 
လွဲနေတတ်တဲ့ အလွဲတစ်ခုအဖြစ် တင်ပြလိုက်ရပါတယ်။

@mmcybermedia

Thursday, April 26, 2012

မရှိမုန့်နဲ့ လျှစ်စစ်မီး


(၁)
ကိုရင်ဘ၀တုန်းက စာမေးပွဲအတွက် ဓမ္မပဒစာဝါတက်တော့
ဓမ္မပဒ၀တ္ထုတွေထဲက (၁၂) ခုမြောက်ဖြစ်တဲ့ ဒေ၀ဒတ်ဝတ္ထုမှာ
သာကီဝင်မင်းသား (၆) ယောက်အကြောင်းကို ဖတ်မှတ်ရတယ်။
သာကီဝင်မင်းသား (၆) ယောက်ဆိုတာက
ဘဒ္ဒိယ၊ အနုရုဒ္ဓါ၊ အာနန္ဒာ၊ ဘဂု၊ ကိမိလ၊ ဒေ၀ဒတ် တို့ဖြစ်တယ်။
သူတို့ဘ၀အကြောင်းလေးတွေက အတော်စိတ်ဝင်စားဖွယ်ကောင်းတယ်။

(၂)
တစ်နေ့ သူတို့တွေ အလောင်းအစားလုပ်ကြတယ်။ ရှုံးသူ အိမ်က မုန့်ယူကျွေးကြေး။ 
လောင်းကစားဝိုင်းမှာ အနုရုဒ္ဓါဆိုသူချည်း ရှုံးတာ။
ရှုံးတိုင်း ရှုံးတိုင်း သူ့မင်းချင်းအစေခံကို အိမ်ကမုန့်အယူခိုင်းပြီး ကျွေးရတာပေါ့။
တစ်ကြိမ်၊ နှစ်ကြိမ်၊ သုံးကြိမ် မက လေးကြိမ်းတိုင်အောင် ဆက်တိုက်ရှုံးတော့
အမေကြော်ထားတဲ့ အိမ်ကမုန့် ကုန်ပြီပေါ့။
ဆိုတော့ အတောင်းလွှတ်လိုက်သူကို 
မုန့်မရှိတော့ဘူး လို့ပြောဆိုကာ အကြောင်းပြန်လိုက်တယ်။
အနုရုဒ္ဓါမင်းသားက မရှိဆိုတဲ့စကား တစ်ခါမျှ မကြားဘူးတဲ့အတွက်
မရှိဆိုတာကို မုန့်အထူးတစ်မျိုးလို့အထင်ရောက်ကာ မရှိမုန့်သာယူခဲ့ပါတော့လို့
ပြောပြီး မင်းချင်းအစေခံကို မိခင်ထံကို ပြန်စေလွှတ်လိုက်ပါတယ်။

ဒါနဲ့ မိခင်လုပ်သူကလည်း 
ဘာမှမပါတဲ့ ခွက်လွတ်တစ်လုံးကို နောက်ခွက်လွတ်တစ်လုံးနဲ့ ဖုံးအုပ်ပြီး ပေးလွှတ်လိုက်တယ်။
အနုရုဒ္ဓါမင်းသားရဲ့ အတိတ်ကုသိုလ်ကံကြောင့်
ဖုံးအုပ်ထားတဲ့ ခွက်ဗလာထဲကို နတ်တွေက နတ်သုဒ္ဓါတွေ ထည့်ပေးတယ်လို့ ဆိုပါတယ်။
အနုရုဒ္ဓါမင်းသားဆီ အဲ့ခွက်ဗလာရောက်သွားတဲ့အချိန်
အဖုံးလဲ ဖွင့်လိုက်ရော၊ 
အင်မတန်အမွှေးအနံ့တွေမြိုင်နေတဲ့ မုန့်တွေ ပြည့်နေတာကို တွေ့သွားတော့တာပေါ့။
အင်မတန်ထူးကဲတဲ့အရသာရှိတဲ့ ဒီလိုမုန့်မျိုး အခုမှ ချက်ကျွေးရလေမလားဆိုပြီး 
မိခင်ကြီးအပေါ်မှာ သားဖြစ်သူ အနုရုဒ္ဓါမင်းသား စိတ်ကွက်တော့တာပဲ။
“ခင်ဗျားတို့ ကျုပ်ကို တကယ်မချစ်ဘူး။ တကယ်မချစ်လို့သာ ဒီလောက်ကောင်းတဲ့မုန့်မျိုး
ဒီအရွယ်ရောက်မှ ချက်ကျွေးတာပေါ့၊ ဘယ့်နှယ် ညာနှယ်နဲ့ စွပ်စွဲပြီး
ကျွန်တော့်ကို တကယ်ချစ်တယ်ဆိုရင်
ဒီနေ့ကစပြီး ဒီမရှိမုန့်သာ ကြော်ကျွေးပါတော့” လို့ ပူဆာတော့တာပဲ။

(၃)
တစ်နေ့ ကိမိလ၊ ဘဒ္ဒိယ၊ အနုရုဒ္ဓါဟူသောမင်းသားသုံးယောက်
ထမင်းဘယ်ကလာသလဲ၊ ထမင်းဘယ်ကဖြစ်သလဲ ဆိုတဲ့အပေါ်မှာ 
အငြင်းအခုံဖြစ်ကြတယ်။
ကိမိလဆိုတဲ့မင်းသားက ထမင်း ကျီ၌ဖြစ်၏ တဲ့။
ဘဒ္ဒိယဆိုတဲ့မင်းသားက ထမင်းမည်သည်ကား အိုးခွက်၌ဖြစ်သည်ဟု ဆိုပြန်တယ်။
အနုရုဒ္ဓါမင်းသားကတော့
“သင်တို့နှစ်ယောက်သည် ဘယ်ဒေသ ဘယ်ဌာနအတွင်းမှ
ထမင်းဖြစ်သည်ကိုမျှ မသိမကျွမ်းကြလေ။
ထမင်းမည်သည်ကား ရတနာတို့ဖြင့်စီခြယ်အပ်သော ရွှေခွက်ထဲ၌
ဖြစ်ပေါ်လာသည်” ဟူ၍ ပြောဆိုပြစ်တင်လိုက်တယ်။
သူ့အလို ထမင်းဟာ ထမင်းပန်းကန်က ဖြစ်လာတယ်ပေါ့။

(၄)
ကိုရင်ဘ၀တုန်းက ဓမ္မပဒစာဝါလိုက်စဉ် 
ဒီသာကီဝင်မင်းသားတွေအကြောင်းသင်ကြားလေ့လာတဲ့အခါ
ဟုတ်ရောဟုတ်ရဲ့လားဆိုတဲ့ သံသယဖြစ်မိတာ အမှန်ပဲ။
ဘယ့်နှယ်ကြောင့် မရှိမုန့်ဆိုတာကို ဒီမင်းသားတွေ တောင်းနေရတာလဲ။
ဘယ့်နှယ်ကြောင့် ဒီမင်းသားတွေ ထမင်းဖြစ်ပေါ်လာရာ အရပ်ကို မသိရတာလဲပေါ့။

(၅)
၁၉၉၉၊ ၂၀၀၀ ခုနစ်တွေတုန်းက သီရိလင်္ကာသွားပြီး ပညာသင်ဖြစ်တယ်။
ကိုးရီးယားက ကိုရင်လေးနဲ့ 
သီရိလင်္ကာဘုန်းကြီးကျောင်းတစ်ကျောင်းမှာ အတူနေရတယ်။
တစ်နေ့ 
မိုးတွေအလွန်အမင်းရွာနေတဲ့အချိန်၊ လျှပ်စစ်မီး ပျက်သွားတယ်။
ကိုးရီးယားက ကိုရင်လေးက အခန်းထဲက ထွက်လာပြီး
“သူ့အနေနဲ့ သူ့ဘ၀မှာ လျှပ်စစ်မီးပျက်တာ မကြုံဘူးကြောင်း၊
လျှပ်စစ်မီးဆိုတာ အိမ်နံရံက ထွက်တယ်လို့ပဲ ထင်ခဲ့ကြောင်း၊
ယခုလိုမီးပျက်သွားတာကို အံ့သြမိကြောင်း” 
တတွတ်တွတ်နဲ့ပြောပါတယ်။

(၆)
ခုခေတ် ဒီကိုးရီးယားကိုရင်လေးက လျှပ်စစ်လာရာအရပ်၊ 
လျှပ်စစ်ဘယ်ကဖြစ်လာတယ်ဆိုတာကို မသိဘူးဆိုတော့
ဟိုးလွန်ခဲ့တဲ့ နှစ်ပေါင်း ၂၆၀၀ ၀န်းကျင်က
သာကီဝင်မင်းသားတွေ ထမင်းဘယ်ကဖြစ်လာတယ်ဆိုတာကို မသိဘူးဆိုတာ 
မလွန်ပါဘူးလို့ နားလည်မိသွားတယ်။

Wednesday, April 25, 2012

ဖတ်စရာ မှတ်စရာ (၂၇)


သူသေကောင်နဲ့ သရဏဂုံ…

တစ်နေ့ အရေးပေါ် နိုင်ငံခြားကခေါ်တဲ့ ဖုန်းဝင်လာလို့ ကိုင်လိုက်တော့ 
“ဘုန်းဘုန်းဘုရား.. တပည့်တော် ဘယ်နိုင်ငံ၊ ဘယ်မြို့မှာ ရောက်နေတဲ့ ဘယ်သူပါဘုရား…၊ 
တပည့်တော် သူငယ်ချင်းတစ်ယောက် မနေ့ကပဲ ရုတ်တရက် ဆုံးသွားလို့၊ 
အဲဒါ တပည့်တော် ရောက်နေတဲ့ နိုင်ငံမှာကလည်း ဘုန်းကြီးမရှိဘူး ဖြစ်နေတာကြောင့် 
သူ့အတွက် သရဏဂုံ တင်တာကို ဖုန်းနဲ့တစ်ဆင့်၊ ဒါမှမဟုတ် အင်တာနက်ကတစ်ဆင့် 
တင်ပေးလို့ ရသလားဘုရား”ဆိုတဲ့ အမေးနဲ့ ထူးထူးဆန်းဆန်း အဖြစ်တစ်ခု သိလိုက်ရပါတယ်။
ခေတ်မီလိုက်တာ သရဏဂုံကိုတောင် ဖုန်းတွေ၊ အင်တာနက်တွေက တစ်ဆင့် တင်လို့ရသလားတဲ့။ 
“သေတဲ့သူက သေသွားမှပဲ သရဏဂုံ မတင်လည်းဖြစ်ပါတယ်၊ 
မီးသဂြုင်္ိဟ်ပြီး သူ့အတွက် ကုသိုလ်လုပ် အမျှပဲ ပေးဝေပေးလိုက်ပါ..”လို့ ပြန်ပြောရင်း 
အလွဲတစ်ခုအတွက် အများဖတ်ပြီး အသိတစ်ခု ရစေဖို့ သူသေကောင်နဲ့ 
သရဏဂုံဆိုတဲ့ ခေါင်းစဉ်နဲ့ ပို့စ်တစ်ခု တင်ပြဖြစ်ပြန်ပါတယ်။

ဟုတ်တယ်။ ဗုဒ္ဓဘာသာတွေရဲ့ အရိုးစွဲနေတဲ့ အလွဲတကာ အလွဲတွေထဲမှာ 
ဒီသေသူကို သရဏဂုံ တင်ရမယ်ဆိုတဲ့ အလွဲကလည်း 
ဖျောက်ဖို့ခက်တဲ့ အလွဲတစ်ခု ဖြစ်နေပါတယ်။ 
တကယ်တော့ သရဏဂုံဆိုတာ တင်ပေးလို့ရတဲ့အရာ မဟုတ်ပါဘူး။ 
ဆောက်တည်မှ ရတဲ့အရာဖြစ်ပါတယ်။ 
ဆောက်တည်မှ ရတဲ့အရာဆိုရင် အသက်ရှိမှ ဆောက်တည်လို့ ရမှာဖြစ်လို့ 
သရဏဂုံတည်အောင် လုပ်နိုင်တာလည်း အသက်ရှင်နေတဲ့သူပဲ လုပ်နိုင်တာ ဖြစ်ပါတယ်။ 

ဒါဆို သေတဲ့သူအတွက် သရဏဂုံဟာ တင်ပေးလို့လည်း မရသလို 
တည်အောင်ဆောက်လို့လည်း မရဘူးဆိုတာ ရှင်းပါတယ်။ 
အဲဒါကိုပဲ ဗုဒ္ဓဘာသာတွေက 
လူသေရင် သရဏဂုံ တင်ရတယ်ဆိုတာကြီးက စွဲနေကြတော့တာ ဖြစ်ပါတယ်။

ဗုဒ္ဓဘာသာမှာ သရဏဂုံ ဆောက်တည်ထားတဲ့ သူတွေအတွက် 
သရဏဂုံ ပျက်ခြင်းအကြောင်း နှစ်မျိုးရှိပါတယ်။ 
တစ်မျိုးက သေသွားရင် သရဏဂုံ ပျက်သွားပြီး 
နောက်တစ်မျိုးကတော့ ရတနာသုံးပါးထက် 
ကျန်တဲ့အရာတွေကို ပိုပြီးအားကိုးယုံကြည် ကိုးကွယ်ရင် သရဏဂုံ ပျက်ပါတယ်။ 

တချို့က ရတနာသုံးပါးအပေါ် ယုံကြည်ကိုးကွယ်မှု မပျက်ပေမယ့် 
အခြေအနေအရ တခြားအယူဝါဒတွေကို ကိုးကွယ်ပူဇော် ပသနေရတာတွေ ရှိပါတယ်။ 
ဥပမာ- ကြောက်လို့ပဲ ဖြစ်ဖြစ်၊ လာဘ်လာဘကြောင့်ပဲ ဖြစ်ဖြစ်၊ 
အစဉ်အလာ ကိုးကွယ်လာမှုများကြောင့်ပဲ ဖြစ်ဖြစ်ပေါ့။ 
ဒီလို ကိုးကွယ်ပူဇော်မှုမျိုးမှာတော့ သရဏဂုံ မပျက်ပါဘူး။ 
သရဏဂုံတော့ ညစ်နွမ်းပါတယ်။

ထားပါတော့။ 
ဒီနေရာမှာ ပြောချင်တာက သေသွားရင် သရဏဂုံ တင်ပေးလို့ မရတော့တဲ့အပြင် 
အသက်ရှင်စဉ်က ဆောက်တည်ခဲ့တဲ့ သရဏဂုံပါ ပျက်သွားတာဖြစ်တဲ့ အတွက် 
သေသူကို သရဏဂုံ တင်တယ်ဆိုတာ မှားနေတဲ့ အယူအဆ ဖြစ်တယ်ဆိုတာ ပြောချင်တာပါ။ 
တစ်ခုတော့ ရှိတယ်။ သေသူကို သရဏဂုံတင်တာ မဟုတ်ဘဲ 
သေတဲ့သူကို ရည်စူးပြီး ကုသိုလ်လုပ် အမျှပေးဝေပေးတာ၊ 
သေသူကို အကြောင်းပြုပြီး ကျန်ခဲ့တဲ့သူတွေမှာ 
သောကပရိဒေ၀ တွေကြောင့် သရဏဂုံညှိုးနွမ်းနေတဲ့အပေါ်မှာ
 ပြန်လည်သတိတရ ဖြစ်လာအောင် ကုသိုလ်လုပ်ကြတယ် ဆိုရင်တော့ 
ဒါဟာ အဓိပ္ပာယ်ပြည့်ဝပြီး စာပေနဲ့ညီကာ သဘာဝလည်း ကျပါတယ်။ 
အဲဒီလိုပဲ ဖြစ်သင့်ပါတယ်။ 

သေသူကို သရဏဂုံတင်တာ မဟုတ်ဘဲ 
သေသူကို ရည်စူးပြီး ကုသိုလ်လုပ်တာ ဆိုရင်တော့ သေတဲ့နေ့ကစပြီး 
အချိန်မရွေး၊ နေရာမရွေး အကန့်အသတ်မရှိ ကုသိုလ်လုပ် အမျှပေးဝေနိုင်ပါတယ်။ 
သေသွားတဲ့သူက သာဓုခေါ်နိုင်လို့ ခေါ်သွားရင် သူ့အတွက် ကောင်းသွားပြီး 
မခေါ်နိုင်လည်း ကျန်တဲ့သူတွေအတွက် ကုသိုလ်ရစေတဲ့ အလုပ်ပဲ ဖြစ်ပါတယ်။

ဒါကြောင့် အရိုးစွဲနေတဲ့ အယူအဆ တစ်ခုဖြစ်တဲ့ 
သေသူကို သရဏဂုံ တင်တယ်ဆိုတဲ့ အစဉ်အလာ အယူအဆဟာ
 ဗုဒ္ဓဘာသာ အလိုအရ လွဲမှားနေပြီး 
လုပ်ပေးလို့ မရတဲ့ အယူအဆ ဖြစ်နေတယ်ဆိုတာကို သဘောပေါက်နားလည်ကာ 
နောက်နောင် ဘယ်သူပဲသေသေ သေသူကို သရဏဂုံတင်တာတွေ လုပ်စရာမလိုဘဲ 
သေသူကို ရည်စူးပြီး ကုသိုလ်လုပ် အမျှပေးတာတွေပဲ လုပ်သင့်တယ်ဆိုတာ 
သတိပြုနိုင်ကြစေဖို့ လွဲနေတဲ့ အလွဲတစ်ခုအဖြစ် 
သူသေကောင်နဲ့ သရဏဂုံအကြောင်း တစေ့တစောင်း ရေးသားတင်ပြလိုက်ရပါတယ်။

Credit: mmcybermedia

Tuesday, April 24, 2012

သွေးလှူဒါန်းပွဲ အဖွင့်အမှာစကား


ဒီနေ့သွေးလှူဒါန်းပွဲနဲ့ ကျန်းမာရေးပညာပေးဟောပြောပွဲကို လာရောက်ဟောပြောပေးတဲ့ ဆရာဝန်ကြီးများ၊ အသိပညာရှင် အတတ်ပညာရှင်များ၊ သွေးလှူရှင်များနဲ့အတူ ပရိသတ်အားလုံးကို မင်္ဂလာပါလို့ ရှေးဦးစွာ နှုတ်ခွန်း ဆက်သလိုက်ပါရစေ။

ဦးဇင်းအနေနဲ့ အခု အဖွင့်အမှာစကားပြောကြားပေးရမယ်ပေါ့။ ကျန်းမာရေး ပညာပေးဟောပြောပေး ရမှာက အခုရှေ့ဆုံးအတန်းမှာ ရောက်နေတဲ့ ဆရာဝန်ကြီးတွေရဲ့အလုပ်ပါ။ သို့သော်လည်း ဦးဇင်းအနေနဲ့ ရံဖန်ရံခါ အခွင့်အခါသင့်တိုင်း ဦးဇင်းနဲ့နီးစပ်တဲ့ မြန်မာပြည်ကလာရောက် အလုပ်လုပ်ကိုင်နေကြတဲ့ လူငယ်လူရွယ် တွေကို ဗုဒ္ဓ ဘာသာရှုဒေါင့်ကနေပြီး ကျန်းမာရေး အသိပညာပေးလေးတွေ ပြောပြလေ့ ရှိပါတယ်။


ဦးဇင်းတို့ဗုဒ္ဓဘာသာစာပေမှာ
(၁) အာယုက္ခယ၊ သက်တမ်းကုန်လို့သေဆုံးခြင်း၊
(၂) ကမ္မက္ခယ၊ ကံကုန်လို့ သေဆုံးခြင်း၊
(၃) ဥဘယက္ခယ၊ အသက် ကံနှစ်မျိုးစလုံးကုန်လို့ သေဆုံးခြင်းနဲ့
(၄) ဥပစ္ဆေဒက၊ ရုတ်တရက် (accident လိုမျိုး) ဖြစ်ပြီးသေဆုံးခြင်းလို့
သေဆုံးရခြင်းသဘောတရား လေးမျိုးရှိတယ်လို့ ဖတ်မှတ်ရပါတယ်။

မလေးရှားနိုင်ငံကိုလာပြီး အလုပ်လုပ်နေကြတဲ့ လူငယ်လူရွယ်တွေ ငယ်ငယ်ရွယ်ရွယ်နဲ့ဆုံးပါးသွားရာမှာ သေခြင်း (၂) မျိုးထဲက တစ်မျိုးမျိုးနဲ့သေကြရတာကို လေ့လာတွေ့ရှိရပါတယ်။

ပထမတစ်မျိုးက အရက်အလွန်အကျွံသောက်လို့ သေဆုံးကြရတာဖြစ်ပြီး နောက်တစ်မျိုးက ကျန်းမာရေးဗဟုသုတနည်းလို့ သေဆုံးကြရတာဖြစ်ပါတယ်။ ဘယ်လိုပဲဖြစ်ဖြစ် အရွယ်မရောက်ခင် သေဆုံးကြရတာဟာ Education (ပညာရေး) ရော Knowledge (ဗဟုသုတ) ပါ နည်းပါးကြလို့ ဖြစ်တယ်ဆိုတာ သံသယဖြစ်ဖွယ်မရှိပါဘူး။

ဒါ့ကြောင့် အရင် ပထမအကြိမ် (ကပုန်း၊ နာရေးကူညီမှုအသင်း) က ဦးစီးကျင်းပတဲ့ သွေးလှူဒါန်းပွဲတုန်းက တက်ရောက်လာတဲ့ ဆရာမဒေါက်တာ စီလေးခိုင်ကို “ကျန်းမာရေးပညာပေးဟောပြောပွဲလေး လုပ်ပေးရရင် ကောင်းမှာပဲ” လို့ အကြံပြုခဲ့ပါတယ်။

ဒီနေ့ ဒီကျန်းမာရေးပညာပေးဟောပြောပွဲ အစီအစဉ်လေးက ဒါကို အကောင်အထည်ဖော်တာပါ။

တကယ်တော့ ဦးဇင်းအနေနဲ့ ဘာသာရေးရှုဒေါင့်ကနေပြီး ကျန်းမာရေးနဲ့ပတ်သက်လို့ အခါအားလျှော်စွာ စွမ်းနိုင်သလောက် ဒီနိုင်ငံကိုရောက်နေတဲ့ မြန်မာကလေးငယ်တွေကို သွန်သင်ဆုံးမလေ့ရှိပါတယ်။


ပြီးခဲ့တဲ့ နှစ်ဆန်း (၁) ရက်နေ့ကပဲ မြန်မာအလုပ်သမား စုစုပေါင်း (၅၀) ၀န်းကျင်ရှိတဲ့ စက်ရုံတစ်ရုံက နှစ်သစ်ကူး အန္တရာယ်ကင်းပရိတ်ရွတ်ပွဲအတွက် ဦးဇင်းကို ပင့်လို့ ကျန်းမာရေးနဲ့ ဆက်စပ်တဲ့ ငါးပါးသီလ ထဲက သုရာမေရယနဲ့ ဆက်စပ်တဲ့ တရားလေး တစ်ပုဒ်ဟောခဲ့ပါသေးတယ်။ မိဝေး ဖဝေး ဆရာသမားဝေးတဲ့ အရပ်ဒေသဖြစ်တဲ့ ဒီမလေးရှာကို ရောက်နေကြတဲ့ လူငယ်တွေအတွက် သုရာမေရယ - သေရည်အရက် မသောက်ဖို့ မကြာမကြာဟောပေးဖြစ်ပါတယ်။ ဘာဖြစ်လို့လဲ ဆိုရင် ဒီအရက်ကို အလွန်အကျွံသောက်လို့ ငယ်ငယ်ရွယ်ရွယ်နဲ့ဆုံးပါးသွားရရှာတဲ့ လူငယ်လေးတွေ မကြာခဏ တွေ့နေ မြင်နေ ကြားနေရလို့ပါ။

ငါးပါးသီလထဲက နောက်ဆုံးသီလက “သုရာမေရယ မဇ္ဇပမာဒဋ္ဌာန - မေ့လျော့ခြင်း၏အကြောင်းဖြစ်သော သေရည်အရက်ကို သောက်ခြင်းမှ ရှောင်ကြဉ်ခြင်း” ပေါ့။ ဆိုတော့ အရက်ကို မေ့လျှော့အောင်သောက်မှ ဒီသီလကျိုးပျက်တာလား၊ ဆေးဖြစ် ၀ါးဖြစ်သောက်ရင် ဒီသီလ မကျိုးဘူးလား။

ဘုရားရှင်သက်ရှိထင်ရှားရှိစဉ်အခါက ရဟန်းတစ်ပါး လေနာရောဂါစွဲကပ်ရာ ဆီကျက်ထဲ အရက်ရောပြီး သုံးစွဲသောက်သုံးခွင့်ပြုခဲ့ကြောင်း ဖတ်မှတ်ဘူးပါတယ်။။ သို့သော် အဲ့ဒီအရက်ကို အရက်အနံ့ အရက်အဆင်း အရက်အရသာမရှိအောင် ကြိုချက်ပြီး သောက်သုံးသင့်ကြောင်း ဘုရားရှင် ထပ်မံမိန့်ကြားခဲ့ပါတယ်။
(၀ိနည်း၊ မဟာဝါ)

ဖတ်ဖူးတဲ့ စာအုပ်ကို အတိအကျမညွှန်းဆိုနိုင်တော့ပါဘူး။ အဲ့စာအုပ်ထဲမှာ အရက်သောက်တဲ့အခါ အဆင့်သုံးဆင့်ရှိတယ်တဲ့။
နံပါတ် ၁ အဆင့်က မဒ၊ တစ်ပက် နှစ်ပက်လောက်သောက်ပြီး ရီဝေေ၀ဖြစ်တဲ့အဆင့်၊
နံပါတ် ၂ အဆင့်က ဥမ္မဒ၊ အနည်းငယ်တိုးသောက်ပြီး စကားများလာတဲ့အဆင့်၊
နံပါတ် ၃ အဆင့်က ပမာဒ၊ တိုးတိုးသောက်လာကာ မူးလာပြီး မေ့လျော့သွားတဲ့အဆင့်တဲ့။

ငါးပါးသီလထဲမှာ ဒီနောက်ဆုံးသီလသဘောက အရက်သောက်ရာမှာ နံပါတ် ၃ အဆင့် မေ့လျော့တဲ့အဆင့်မရောက်အောင် သောက်တတ်ဖို့လိုပါတယ်။ ၁ အဆင့် ၂ အဆင့်ဖြစ်တဲ့ ရီဝေေ၀ စကားများတာလောက်အဆင့်တွေလောက် သောက်တာကတော့ တော်သေးတယ်။ ခွင့်လွတ်မယ်ဆို ခွင့်လွတ်လို့ ရသေးတယ်ပေါ့။ အဲ၊ ၃ အဆင့်ဖြစ်တဲ့ ဇနီးမယား သမီးသား မေ့တဲ့အဆင့်၊ ရတနာသုံးပါး၊ ဆရာသမားတွေကို မေ့တဲ့အဆင့်ရောက်အောင် မသောက်ဖို့ အထူးမှာကြားလိုတယ်လို့ ပြောပြ ဟောပြဖြစ်ပါတယ်။

ဒီတော့ တရားနာပရိသတ်ထဲက တစ်ယောက်က ဦးဇင်းက အရက်သောက်ဖို့ Discount ချပေးတယ်ဟေ့ တဲ့။ တကယ်တော့ Discount ချပေးတာ မဟုတ်ပါဘူး။ ကလေးတွေသောက်နေတာ တော်တော့ကို လွန်နေပြီ။ မသောက်နဲ့လို့ ဒုန်းတိကြီးပြောမရအတူတူ နည်းနည်းတော့သောက်၊ အလွန်အကျွံမသောက်နဲ့လို့ ပြောတာက ပိုအဆင်ပြေမလားလို့ ပြောပြဖြစ်တာပါ။ တကယ်တော့ ငါးခုမြောက်သီလအလိုအရ တစ်စက်မှ မသောက်သင့်တာတော့ အမှန်ပါ။

ဒီနေရာမှာ နောက်တစ်ခုပြောပြချင်တာက ဘုရားရှင်ဟာ စားဝတ်နေရေး ကျန်းမာရေးဆိုတဲ့ ဒီအရေးလေးမျိုးအတွက် ဆွမ်း၊ သင်္ကန်၊ ကျောင်း၊ ဆေးဆိုပြီး ပစ္စည်းလေးပါးကို ရဟန်းတော်တို့ရဲ့ အဓိကလိုအပ်ချက်တစ်ခုအဖြစ် အရေးကြီးတဲ့နေရာမှာ ပြောခဲ့ ဟောခဲ့ပါတယ်။ နောက်ပြီး ၀ိနည်း မဟာဝါပါဠိတော်မှာ ကျန်းမာရေးနဲ့ပတ်သက်တဲ့ ဆေးအခန်းကဏ္ဍကို တခန်းတနား ဖော်ပြထားပါတယ်။
ဘုရားရှင်ဟောကြားခဲ့တဲ့ ဆေးနဲ့ပတ်သက်တဲ့အကြောင်းအရာတွေဟာ ဘယ်လောက်အထိ သိပ္ပံနည်းကျသလဲဆိုတာ သိဘို့ ဒီမှာ ရောက်နေတဲ့ ဆရာဝန်ကြီးတွေနဲ့ လက်တွဲပြီး ဦးဇင်းသုတေသနပြုလုပ်ချင်ပါတယ်။ စာတမ်းလေး ရေးချင်ပါတယ်။

ဥပမာဆိုပါစို့၊ ယားနာ ၀ဲနာပေါက်နေသူကို ဆေးမှုန့်သုတ်လိမ်းပေးဘို့ ဘုရားရှင်က မိန့်ပါတယ်။ ယားတဲ့အဆင့်သာရှိနေသေးပြီး အနာဖြစ်တဲ့အဆင့်မရောက်သေးတဲ့သူကို နွားချေးခြောက်သုံးဖို့ ခွင့်ပြုတာဟာ ဘယ်လိုသဘောဆောက်သလဲ။ ဆက်လက်လေ့လာသင့်ပါတယ်။ အဲ့ဒီဝိနည်းမဟာဝါစာအုပ် ထဲမှာပဲ မြွေအကိုက်ခံရတဲ့ရဟန်းကို ကျင်ကြီး၊ ကျင်ငယ်၊ ပြာ၊ မြေညက် ပေးရမယ်လို့ ဘုရားရှင်မိန့်ပါတယ်။
ထူးဆန်းတာတစ်ခုကိုလည်း တွေ့ရပါတယ်။ ဒကာမတစ်ယောက်က ရဟန်းတစ်ပါးကို ပေးလိုက်တဲ့ ပီယဆေးကြောင့် အနာရောဂါ ပေါ်ပေါက်လာပါတယ်။ ဒါကို ဘုရားရှင်က “ထွန်သွားမှာကပ်နေတဲ့မြေကို ဖျော်ပြီး သောက်ရမယ်” လို့အမိန့်ရှိပါတယ်။

ပိယဆေး အနာနဲ့ ထွန်သွားမှာကပ်နေတဲ့မြေဖျော်သောက်တာ ဘယ်လို ဆက်စပ်မှုရှိသလဲ။

ဟိုနေ့က ဒီနိုင်ငံက ထုတ်တဲ့စာစောင်ထဲမှာ ဗေဒင်ဆရာက တနင်္ဂနွေသားအတွက် ယတြာကို
“သခွားသီးတစ်လုံး၌ သွားကြားထိုးတံ ၂၆ ချောင်းစိုက်ပြီး ရေမျှောပါလေ” တဲ့။
တနင်္ဂနွေသားရယ် သွားကြားထိုးတံ ၂၆ ချောင်းရယ် ရေမျှောရတာရယ်က ဘယ်လို ဆက်စပ်မှုရှိသလဲ။
စဉ်းစားမိတာကို သတိရမိလို့ ပြောပြတာပါ။

ဘာပဲဖြစ်ဖြစ်လေ၊ ဒီနေ့ဒီအချိန်ကာလ သွေးလှူဒါန်းပွဲမှာ ကျန်းမာရေးပညာပေးဟောပြောပေးတာ တကယ်တော့ လူတွေကို ကျန်းမာရေးစောင့်ရှောက်ပေးတာပါပဲ။ ဘုရားရှင်က “ငါဘုရားကို ပြုစုလုပ်ကျွေးလိုသောရဟန်းသည် မကျန်းမာတဲ့သူကို ပြုစုလုပ်ကျွေးရာမည်၏” တဲ့။
ဒီဘုရားရှင်စကားတော်ကို ကြည့်ပြီး ဘုရားရှင်ဟာ မကျန်းမမာသူတွေကို ဘယ်လောက်ပြုစုစေချင်သလဲ၊ ဘုရားရှင်ရဲ့ မကျန်းမမာသူတွေအပေါ် စောင့်ရှောက်စေလိုတဲ့ဆန္ဒ အထင်းသားပေါ်လွင်နေပါတယ်။

ဒါ့ကြောင့် ဒီနေ့ သွေးလှူဒါန်းနေတဲ့သူတွေရော၊ ကျန်းမာရေးပညာပေးဟောပြောနေတဲ့ ပညာရှင်တွေပါ ဘုရားရှင်ဆန္ဒတော်နှင့်အညီ ပြုမူကျင့်ကြံနေထိုင်နေကြခြင်းသာဖြစ်ပါကြောင်း
ပြောကြားရင်း ဦးဇင်းရဲ့ အဖွင့်အမှာစကားကို နိဂုံးချုပ်ပါတယ်။
အားလုံးကို ကျေးဇူးတင်ပါတယ်။

(၂၂၊ ၄၊ ၂၀၁၂ တနင်္ဂနွေနေ့က အဖွင့်အမှာစကားပြောဖြစ်ခဲ့တာကို စာအဖြစ်ပြောင်းလဲတင်ပြလိုက်တာပါ။)

Monday, April 23, 2012

ဖတ်စရာ မှတ်စရာ (၂၆)


မိန်းမ မာယာ (၄၀)
၁။ ၀ိဇမ္ဘတ၀ - ကိုယ်လက်ကို ဆန့်တန်း၏ ။
၂။ ၀ိလာသတိ - တင့်တယ် စမ္ပာယ်၏ ။
၃။ ၀ိနမတိ - ညွတ်၏ ၊ ငုံ့၏ ၊ကုန်း၏ ။
၎။ ၀ိလဇ္ဇတိ - ရှက်နိုးဟန်ပြု၏ ။
၅။ နခေန - လက်သည်းခြေသည်းဖြင့် လက်သည်း ခြေသည်းကိုထိခိုက်ချုပ်ချယ်၏ ။
၆။ ပါဒေန - ခြေတဖက်ဖြင့် ခြေတဖက်ကို နင်း၏ ။
၇။ ကဌေန - သစ်သားတုတ်ဖြင့် မြေကိုရေးခြစ်၏ ။
၈။ ဒါရကံ - သူငယ်ကို မြှောက်ပင့်၏ ။
၉။ ဥလ္လင်္ဃာပေတိ - မြှောက်ပင့်စေ၏ ။
၁၀။ ဥက္ခိပတိ - ချီ၏ ။
၁၁။ ကီဠတိ - ကစား၏ ။
၁၂။ ကီဠာပေတိ - ကစားစေ၏ ။
၁၃။ စုမ္ဗတိ - နမ်းရှုပ်စုပ်၏ ။
၁၄။ စုမ္ဗာပေတိ - သူငယ်ကို နမ်းရှုပ်စေ၏ ။
၁၅။ ဘုဥ္နတိ - စား၏ ။
၁၆။ ဘုဥ္နာပေတိ - စားစေ၏ ။
၁၇။ ဒေါတိ - ပေး၏ ။
၁၈။ ယာစတိ - တောင်း၏ ။
၁၉။ ကတံ - သူငယ်ပြုသည်ကို အတုလိုက်၍ ပြု၏ ။
၂၀။ ဥစ္စံ ဘာသတိ - မြှင့်၍ုဆို၏ ။
၂၁။ နိစံ ဘာသတိ - နိမ့်ချ၍ ဆို၏ ။
၂၂။ အ၀ိဝိစ္စံ ဘာသတိ - ထင်ရှားသိသာစွာ ဆို၏ ။
၂၃။ ၀ိဝိစ္စံ ဘာသတိ - မသိမသာဖုံးကွယ်ကာဆို၏ ။
၂၄။ နစ္စေန ဂီတေ၀ါဒိတေန - ကခြင်း ၊ သီဆိုခြင်း ၊ တီးမှုတ်ခြင်း ၊ ငိုကြွေးခြင်း ၊ တင့်တယ်စမ္ပယ်ခြင်း ၊ တန်ဆာ ဆင်ခြင်းဖြင့် တခစ်ခစ်ရယ်၏ ။
၂၅ ။ ပေက္ခ - တစေ့စောင်း ကြည့်ရှု့၏ ။
၂၆။ ကဋိံ -  ခါးကိုလှုပ်၏ ။
၂၇။ ဂုယှဘဏ္ဍကံ - လျှို့ဝှက်အပ်သော အင်္ဂါကြီးငယ်ကို ပြ၏ ။
၂၈။ ဦရုံ - ပေါင်လှစ်၏ ။
၂၉။ ဦရုံ - ပေါင်ကိုပိတ်၏ ၊ ပြ၏ ။
၃၀။ ထနံ - သားမြတ်ကို ပြ၏ ။
၃၁။ ကစံ္ဆ - လက်ကတီးကြားကို ပြ၏ ။
၃၂။ နာဘိံ - ချက်ကို ပြ၏ ။
၃၃။ အက္ခိံ - မျက်စိကို မှိတ်၏ ။
၃၄။ ဘမုကံ - မျက်မှောင်ကို ချီပင့်၏ ။
၃၅။ သြဌံ - နှုတ်ခမ်းကို ကိုက်၏ ၊ စူ၏ ၊ ရက်၏ ၊ ပြင်၏ ။
၃၆။ ဇိဝှံ - လျှာကို မွှေနှောက်၏ ။
၃၇။ ဒုဿံ - အ၀တ်ထမီကို ကျွတ်စေ၏ ၊ ဖြေ၏ ။
၃၈။ ဒုဿံ - အ၀တ်ထမီကို ခိုင်အောင်ဖွဲ့၏ ၊ တင်းတင်း ၀တ်ခြင်းကိုဆို၏ ။
၃၉။ သိရသံ - ဆံထုံးကို ဖြေ၏ ။
၄၀။ သိရသံ - ဆံထုံးကို ဖွဲ့၏ ၊ ခိုင်ခိုင်ပြင်ထုံး၏ ။

( ဓမ္မပဒနှင့် မဟာကုနာလဇာတ်မှ) ဆရာတော် ဦးသုဝိစိတ္တ ရေးသားပူဇော်သော ဗဟုသုတ ပဒေသာ အ မှတ်(၂) မှ ကောက်နှုတ်တင်ပြပါသည်။
@mmcybermedia
ပုံ။ http://shin-htate-htar.blogspot.com/2011_05_01_archive.html

Saturday, April 21, 2012

ဖတ်စရာ မှတ်စရာ (၂၅)


" ဆရာတော် နာရီကြီး ဘယ်ရောက်သွားသလဲ ဘုရား .. "
" ညက ဒကာ (၂ ) ယောက် လာယူသွားကြတယ်ကွ "
" ဆရာတော် သူခိုးလာခိုးသွားတာဖြစ်မှာပါ။ ဆရာတော် မသိလိုက်ဘူးလား ဘုရား .. "
" သိပါတယ်ကွ၊  သူတို့က မမှီမကမ်းနဲ့ ဖြုတ်နေသံကြားလို့ မတော်လွတ်ကျလို့ မင်းတို့ နိုးကုန်ရင် နာရီလဲအကောင်းမရ၊  ဒုက္ခလည်းရောက်ကြမှာစိုးလို့ ပလ္လင်နောက်မှာ ခွေးခြေရှိတယ်လို့ တောင် ပြောလိုက်သေးတယ် .. "
" ဆရာတော့်နှယ် .. သူခိုးပဲ ဘာလို့ ပြောလိုက်ရတာလဲ။ လှူပစ်လိုက်တယ်ဆိုတာကမှ ဟုတ်သေးတယ် .. "
" ထူးပါဘူးကွ .. သူတို့ လာယူတော့လဲ ကိုယ်ကသွားလှူရ သက်သာသွားတာပေ့ါ။ ညကြီးမင်းကြီး သူများမသိအောင် လာယူတော့ ပုဂ္ဂိုလ် အယုတ်၊ အမြတ်ကလဲ မရွေးရတော့ဘူးပေါ့ .. "
( အောင်ခြင်း ရှစ်ပါး ဆရာတော် ) အမရပူရမြို့  .. ။

" ဆရာတော် .. တပည့်တော်တို့ လှူထားတဲ့ ရေဒီယိုကြီးလဲ မမြင်ပါလား။  ဘယ်နေရာ သွားထားပါသလဲ ဘုရား .. "
" ဘယ်မှ သွားမထားပါဘူး .. သူ့ပိုင်ရှင်က ယူသွားတယ် .. "
" အို .. ဆရာတော်ကလည်း .. ဘယ်ကလာ ပိုင်ရှင်ရှိအုံးမှာလဲ။  တပည့်တော်တို့က ဆရာတော်ကို လှူထားတာပဲ၊  ဆရာတော် ပိုင်တဲ့ပစ္စည်းပေါ့ .. "
" ငါမပိုင်လို့ပေါ့ကွာ၊  ငါပိုင်ရင် ပစ္စည်းက ငါ့အနားမှာရှိနေမှာပေါ။ ခုတော့ သူ့ပိုင်ရှင် အနားရောက်သွားပြီ .. "
" ဆရာတော်ကလည်း ဝေ့လည်လည်ပြောနေပြန်ပါပြီ၊  သူခိုးခိုးသွားတာမဟုတ်လားဘုရား၊  ဒါဆို ဆရာတော် ရေဒီယို ဆုံးပြီပေါ့ .. "
" မဆုံးပါဘူးကွာ၊  ဆုံးတယ်ဆိုတာ မီးလောင်သွားတာတို့၊ မြစ်ထဲပင်လယ်ထဲ ကျသွားတာတို့လို ဘယ်သူမှ သုံးခွင့်မရတာမှ ဆုံးတာ။ ခုဟာက တစ်နေရာမှာ သုံးလို့ရနေအုံးမှာပါ "

( တောင်တွင်းကြီးမြို့  နတ်မှီတောရ ဆရာတော်ဘုရားကြီး )
" ဆရာတော် လုပ်ပါအုံးဘုရား ။ ဒုက္ခတော့ရောက်ကုန်ပြီ၊ ရဲတိုင်မှ ဖြစ်တော့မယ် "
" ဘာတုန်းဟ ကပ္ပိယရဲ့၊  မင်းဟာ အရင်းမပါ၊ အဖျားမပါ ပြူးတူးပြဲတဲနဲ့၊  တိုးတိုးသက်သာ ပြောစမ်းပါ ... "
" ဆရာတော့် ပစ္စည်းတွေ ညက သူခိုး ခိုးသွားပြီဘုရား ။ ဒါကြောင့် ပုလိပ်( ရဲ ) ကို တိုင်မှ ဖြစ်မယ်လို့ ပြောတာပါဘုရား ... "
" ကပ္ပိယ ကိုယ့်ပစ္စည်း သူများအခိုးခံရတယ်ဆိုတာ ကိုယ်ကလည်း သူများပစ္စည်း ခိုးခဲ့ဖူးလို့ ဖြစ်မှာပေါ့ဟဲ့။  သံသရာမှာ ကိုယ်ပြုခဲ့တဲ့ မကောင်းမှုဟာ တစ်ချိန်ချိန်မှာ တူသော အကျိုး ပြန်ပေးတတ်တာ ဓမ္မတာပဲ၊ အသာနေပါ ကပ္ပိယရယ်  မင်းလုပ်လိုက်မှ ငါ သံသရာမှာ သူခိုးဖြစ်ခဲ့ဖူးတာ လူသိကုန်ပါ့မယ် .. "
( ကျေးဇူးတော်ရှင် မဟာစည် ဆရာတော်ဘုရား )

တရားမသိသူများအတွက် ဥစ္စာပျောက်လျှင် ငရဲရောက်ရဧ။်။  တရားသိသူများအတွက်ကား  ဥစ္စာပျောက်တိုင်း ကုသိုလ်ရဧ။် ဟူသော အတွေးတစ်ချက်လေး ရနိုင်ကြပါစေ။
( မထေရ်မြတ်တို့ဧ။် စကားဝိုင်းမှ )

@mmcybermedia

Friday, April 20, 2012

အင်တာနက်လူ့အဖွဲ့အစည်း


အိုင်ပက်ဆိုတာ
ကျွန်တော်တို့ မြောက်ဥက္ကလာ၊ တောင်ဥက္ကလာပလို
မြို့သားတွေနဲ့ မကင်းတဲ့အရာ တစ်ခုဖြစ်တယ်။
နွေရောက်ပြီဆို ရေနည်းတဲ့ကန်တွေ၊ မြောင်းငယ် ချောင်းငယ်တွေကို
မြေနဲ့ တာတမံပိတ်ပြီး အိုင်ထဲက ရေကို ပက်ထုတ်၊
နွံထဲကျန်ခဲ့တဲ့ ရေနည်းငါးတွေကို အလွယ်တကူ ဖမ်း၊
ကိုယ်လည်းစား၊ ပိုတာလည်း ရောင်း
တော်တော်တွက်ခြေကိုက်တဲ့အလုပ် ဖြစ်ပါတယ်လို့
ကျွန်တော်ပြောတော့ ကြားတဲ့လူငယ်တွေက ရယ်ပါတယ်။

သူတို့ပြောတဲ့အိုင်ပက် (iPad) ဆိုတာက
ကွန်ပျူတာသင်ပုန်းကို ခေါ်တယ်တဲ့။
ရေးတေးတေးရှိပါပြီ။ 
ကျွန်တော်တို့က ကျောင်းတက်တုန်း ကျောက်သင်ပုန်း၊ ကျောက်တံ ကိုင်ခဲ့ရသူတွေကိုး။

ခေတ်လူငယ်တွေအတွက်တော့ ဒီပစ္စည်းဟာ မရှိမဖြစ်ပေါ့။
မကြာခင် နာမည်ကြီး ကွန်ပျူတာကုမ္ပဏီ အက်ပဲလ်က
အိုက်ပက်ထုတ်ရောင်းတာ တစ်လအတွင်း
အလုံးရေတစ်သန်း ရောင်းရတယ်တဲ့။

ဗြိတိသျှဘုရင်မကြီးကိုယ်တိုင်တောင် အဲဒီရောဂါစွဲကပ်နေလို့
(သူ့မြေး ၀ီလျံနဲ့ ဟာရီ သုံးနေတာမြင်ပြီး)
အဲဒီအကြောင်းသိတဲ့ အမေရိကန်သမ္မတ အိုဘားမားကတောင်
ဘုရင်မကြီးကို လက်ဆောင်တစ်ခုပေးခဲ့တယ်လို့ သိရပါတယ်။

အဲသလို လက်ဆောင်ပေးမယ့်သူမရှိတဲ့ (၁၇) နှစ်အရွယ်
တရုတ်က လူငယ်လေးတစ်ယောက်ကတော့
သူ့ကျောက်ကပ်ကို ထုတ်ရောင်းပြီး ၀ယ်ခဲ့ပါတယ်တဲ့။
ဒီသတင်းကလည်း ကျောချမ်းစရာပါပဲ။
ခေတ်ပေါ်အသုံးအဆောင်တွေကို ခေတ်နဲ့အမှီလိုက်ပြီး သုံးစွဲချင်တာနဲ့
 လွဲမှားတဲ့အတွေးအခေါ် အကျင့်အကြံတွေ
လူငယ်တွေကြားထဲ အမြစ်မတွယ်အောင် ၀ိုင်းဝန်းထိန်းသိမ်းကြဖို့ လိုပါတယ်။
……….
တစ်ခုထူးခြားတယ်လို့ ဆိုရမယ့်အဖြစ်တစ်ခုကတော့
ပွင့်လင်းလူ့အဖွဲ့အစည်းရဲ့ စံပြနိုင်ငံဖြစ်တဲ့
အမေရိကန်နိုင်ငံသမ္မတ အိုဘားမားဟာ
သူ့သမီးနှစ်ယောက် (တစ်ယောက်က ၁၃ နှစ်၊ တစ်ယောက်က ၁၁ နှစ်)
နာမည်ကျော်ဝက်ဘ်ဆိုက်တစ်ခုဖြစ်တဲ့ ဖေ့စ်ဘွတ်သုံးစွဲခွင့်ကို
ပိတ်ပင်ထားတယ်ဆိုတဲ့ သတင်းပါပဲ။
Facebook ဆိုတာ အင်မတန်ကျယ်ပြန့်တဲ့ လူမှုဆက်ဆံရေးဝက်ဘ်ဆိုက်ပါ။
သမ္မတက သူ့သမီးတွေဟာ သူတို့အလုပ် သူတို့လုပ်ဖို့အတွက်
သူတို့မသိတဲ့လူပေါင်းများစွာ 
(ဖေ့စ်ဘွတ်သုံးစွဲသူ ၈၄၅ သန်း) လိုအပ်မှာ မဟုတ်ဘူးလို့ ဆိုပါတယ်။

မကြာခင် သတင်းတစ်ပုဒ်မှာ 
ဟောလိဝုဒ်အကျော်အမော်တွေဖြစ်တဲ့ တွမ်ခရုစ်တို့၊ အော်လန်ဒိုဘလွန်းတို့ဟာလည်း
အင်တာနက်သုံးစွဲလေ့မရှိကြောင်း ထုတ်ပြောလိုက်တာ တွေလိုက်ရပါတယ်။

နာမည်ကျော်စုံတွဲတွေဖြစ်တဲ့ ဂျိုလီနဲ့ ဘရက်ပစ်တို့ ကလေးတွေကို
(မွေးစားတာရော၊ သူတို့မွေးတာရေား အားလုံး ၆ ယောက်)
အင်တာနက်မှာ သူတို့နာမည်ရှာကြည့်ဖို့ ပိတ်ပင်ထားတယ်တဲ့။
ကလေးတွေရဲ့ ကွန်ပျူတာတွေမှာ သူတို့နာမည်တွေ ရှာမရအောင်
ပိတ်ပင်ထားတာပါပဲ။
ဒါမျိုးတွေလည်း ရှိသေးတယ်လို့ ပြောရတော့မှာပေါ့။

သစ္စာနီ၊ ဗြုတ်စဗြင်းတောင်း ရီဗြူး

Thursday, April 19, 2012

ဖတ်စရာ မှတ်စရာ (၂၅)

နှစ်ဆန်းတစ်ရက်နေ့ တရားပွဲ

“နဘိက္ခဝေ အာယတကေန ဂီတဿရေန ဓမ္မော ဂါယိတဗ္ဗော၊ ယော ဂါယေယျ၊ အာပတ္တိ ဒုက္ကဿ”
“သဘင်သည်များလို ရှည်လျားတဲ့ ဂီတသံ နဲ့ တရားမဟောရ၊ ဟောလျှင် ဒုက္ကအာပတ် သင့်စေ” တဲ့။
ထို့ပြင် အသံရှည်ဆွဲပြီး ဟောတဲ့ အတွက် ရနိုင်တဲ့ အပြစ်(၅)ချက်ကိုလည်း ဆက်လက်၍ မိန့်ဆိုတော် မူလျက် ရှိပါသေးသည်။

“ပဉ္စိမေ ဘိက္ခဝေ အာဒီန၀ါ အယတကေန ဂီတဿရေန ဓမ္မံ ဂါယန္တဿ၊ အတ္တနာပိ တသ္မိံသရေ သာရဇ္ဇတိ၊ ပရေပိ တသ္မိံသရေ သာရဇ္ဇန္တိ၊ ဂဟပတိကာပိ ဥဇ္ဇုာယန္တိ၊ သရကုတ္တိမ္ပိ နိကာမယမာနဿ သမာမိဿ ဘင်္ဂေါ ဟောတိ၊ ပစ္ဆိမာ ဇနတာ ဒိဌါနုဂတိံ အာပဇ္ဇတိ ”

အဓိပ္ပာယ်ကတော့
၁။ ကိုယ့်အသံ ကိုယ်ပြန်၍ နှစ်သက်စွဲမက်နေမိ တတ်ခြင်း၊
၂။ သူတစ်ပါးတို့က ကိုယ့်အသံပေါ် လာ၍ နှစ်သက်စွဲမက်နေတတ်ကြခြင်း၊
၃။ လူတွေရဲ့ ကဲ့ရဲ့မှုကို ခံရတတ်ခြင်း၊
၎။ အသံလုပ်နေရတဲ့ အတွက် ကိုယ့်သမာဓိ ပျက်ပြားရခြင်း၊
၅။ နောင်လာနောက်သားတွေကိုယ်လုပ်သမျှကို အတုလိုက်နေတတ်ခြင်း၊
ဤသို့ အပြစ်(၅)မျိုး ရှိသည်ဟု ဟောတော်မူထားသည်။
စူဠ၀ါပါဠိ၊ ၂၄၃
(မိုးကုတ်ဆရာတော် ဘုရားကြီး၏ တစ်ဘ၀သာသနာ၊ အရှင်ဃောသိတ) စာအုပ်မှ
ကောက်နှုတ်ဖော်ပြပါသည်။

Saturday, April 14, 2012

ဒုလ္လဘရဟန်းခံပ


ဒုလ္လဘရဟန်းခံပွဲ
ဆံချ

မှတ်တမ်းတင်

သင်္ကန်းပေး၊ သင်္ကန်းတောင်း

ဆယ်ပါးသီလခံယူ

သြ၀ါဒပေး

သိမ်ဝင်

သိမ်ဆင်းလောင်းလှူရန်ပြင်ဆင်

တရားပြ၊ တရားထိုင်

Thursday, April 12, 2012

နိဂုံးပိုင်း


အစောကပြောခဲ့သလို မင်းတုန်းမင်းကြီးလက်ထက်မှာ ပဉ္စမသင်္ဂါယနာတင်ပွဲကျင်းပခဲ့ပါတယ်။
သာသနာ အတော် စည်ပင်ပြန့်ပွါးခဲ့ပါတယ်။
မင်းတုန်းမင်းပြီးတော့သီပေါမင်း။
သာသနာတော်တိုးတက်မှု အရှိန်အဟုန်ကောင်းတုန်းပါဘဲ။

နောက် အင်္ဂလိပ်တွေ ၀င်လာတယ်ပဲ ဆိုကြပါဆို့။
ဘာသာခြားတွေ ကိုယ့်နိုင်ငံတွင်းဝင်လာတော့ ရှိရင်းစွဲကိုယ့်ဘာသာကို
ထောက်ပံ့မှုတွေ လျော့နည်းလာတာ အမှန်ပါပဲ။

အဲ့ဒီအချိန် အုပ်ချုပ်တဲ့အင်္ဂလိပ်အစိုးရက ဗုဒ္ဓဘာသာကို အားမပေးတော့
ဘာသာရေးနိုးကြားတဲ့သူတွေက တစ်ပိုင်တစ်နိုင်အဖွဲ့အစည်းတွေ ဖွဲ့ကြတယ်။
အမိနိုင်ငံတော်က မိမိတို့ယုံကြည်ကိုးကွယ်ခဲ့တဲ့ဗုဒ္ဓဘာသာ မပျောက်ပျက်သွားဘို့၊ 
အမိမြန်မာနိုင်ငံတော်မှာ ဗုဒ္ဓဘာသာ ရေရှည်တည်တံ့ဘို့၊ ထွန်းကားပြန့်ပွါးဘို့
ဆရာတော်သံဃာတော်တွေဦးဆောင်ပြီး အထက်ဗမာပြည်၊ အောက်ဗမာပြည်
ဆိုင်ရာဆိုင်ရာဒေသတွေမှာ အဖွဲ့ဖွဲ့ကာ ကြိုးပမ်းခဲ့ကြတယ်။

ဒီလိုအဖွဲ့အစည်းတွေထဲမှာ သံဃသာမဂ္ဂီအဖွဲ့အစည်းကြီးဟာ
အင်မတန် အားကောင်းခဲ့တယ်။
၁၉၂၀ ပြည့်လွန်နှစ်ခန့် အင်္ဂလိပ်အစိုးရအုပ်စိုးစဉ် 
ဒီသံဃာသာမဂ္ဂီအဖွဲ့ကြီးက ဆဋ္ဌသင်္ဂါယနာတင်ဘို့ ဆော်သြခဲ့ပါသေးတယ်။
အင်္ဂလိပ်အစိုးရက ဒီကိစ္စကို ခေါင်းထဲလုံးလုံး မထည့်ခဲ့ပါဘူး။

တကယ်တော့ အင်္ဂလိပ်အစိုးရအုပ်ချုပ်တဲ့အချိန်မှာကိုက
 ဗုဒ္ဓဘာသာ ပိဋကတ်စာပေနှင့်ပတ်သက်ပြီး
စိုးရိမ်ရမည့်အခြေအနေရောက်နေပါပြီ။

လက်ရှိ ပိဋကတ်စာပေတွေကို 
တစ်ဆင့် ကူးယူတဲ့အခါမှာဖြစ်စေ၊ ပုံနှိပ်တဲ့အခါမှာဖြစ်စေ 
ပုဒ်၊ ပါဌ်၊ အက္ခရာ၊ ၀ါကျ ချို့ယွင်းမှုများ တဖြည်းဖြည်း ပေါ်ပေါက်လာနေပါပြီ။
 ပုဒ်၊ ပါဌ်မမှန် အက္ခရာချို့ယွင်းရင် အဓိပ္ပာယ်ပြန်ဆိုမှုမှာလည်း လွဲမှားတော့တာပါဘဲ။
အဓိပ္ပာယ် လွဲမှားပါက သင်ကြားမှု ပရိယတ္တိဒေသနာများ ပျက်စီးသွားတော့တာပေါ့။
ပရိယတ္တိဒေသနာပျက်စီးသွားရင် 
ပဋိပတ္တိအကျင့်တရားတွေလည်း ဘယ်မှန်ကန်တော့ပါ့မလဲ။
အကျင့်လွဲမှားရင် ဘယ်လိုလုပ် ပဋိဝေဓလို့ခေါ်တဲ့ တရားထူးရနိုင်တော့မှာလဲ။

ဒီအရေးကို မြင်လို့ ဒီအရေးကို စိုးရိမ်လို့ အင်္ဂလိပ်အစိုးရလက်ထက်မှာ သံဃသာမဂ္ဂီဆရာတော်များက
ဆဋ္ဌသံဂါယနာတင်ပွဲကျင့်ပဖို့ လှုံ့ဆော်ပေမဲ့ အချည်းနှီးသာဖြစ်ခဲ့ရပါတယ်။

၁၉၄၈ ခုနစ်၊ လွတ်လပ်ရေးရပြီးခါမှ ဦးနုဝန်ကြီးချုပ်ဖြစ်မှ
သံဃာတော်တွေရဲ့ဆန္ဒတော်ဖြစ်တဲ့ ဆဋ္ဌသံဂါယနာတင်ပွဲကို ကျင်းပနိုင်ခဲ့တယ်။
နေရာကတော့ ရန်ကုန်မြို့၊ ကမ္ဘာ အေးကုန်းမြေရှိ မဟာပါသာဏလိုဏ်ဂူတော်ကြီးမှာပါ။

ဒီဆဋ္ဌသံဂါယနာတင်ပွဲကြီးကို
၁၉၅၄ - ခုနစ် မေလ (၁၇) ရက်နေ့မှာ စတင်ကျင်းပပြီး
၁၉၅၆ -ခုနစ်၊ မေလ (၂၄) ရက်နေ့မှာ အောင်မြင်ပြီးဆုံးပါတယ်။

မန္တလေးမြို့မှ ညောင်ရမ်းဆရာတော်ဘုရားကြီးက
သဘာပတိဆရာတော်အဖြစ်ထမ်းဆောင်ပါတယ်။ 
အမေး(ပုစ္ဆက) ဆရာတော်အဖြစ် 
မဟာစည်ဆရာတော်ဘုရားကြီးက တာဝန်ယူဆောင်ရွက်ပြီး
အဖြေ (၀ိဿဇ္ဇက) ဆရာတော်အဖြစ် 
မင်းကွန်းဆရာတော်ဘုရားကြီးက ဆောင်ရွက်တော်မူပါတယ်။

ဆဋ္ဌသံဂါယနာတင်ပွဲကြီးသို့ ထိုင်း၊ ကမ္ဘောဒီးယား၊လော၊ သီရိလင်္ကာနိုင်ငံတို့မှ ထေရ၀ါဒရဟန်းတော် ၁၄၄-ပါး၊ မြန်မာနိုင်ငံမှ ရဟန်းတော် ၂၄၇၃-ပါးတို့က 
၂၄၅-ရက်တိုင်တိုင် ရွတ်တော်မူကြပါတယ်။

ထူးခြားတာက ဒီသံဂါယနာတင်ပွဲကို 
ထေရ၀ါဒမဟုတ်တဲ့ ဂျပန်၊ တိဗက်၊ ဗီယက်နမ်၊ ကိုရီးယား၊ 
ဂျာဗားကျွန်း၊ မလေးကျွန်း၊ ဆစ်ကင်းပြည်စတဲ့ နိုင်ငံတို့မှ 
မဟာယာနဂိုဏ်းဝင် ရဟန်းတော်များလည်း  ကြွရောက်ချီးမြှင့်အားပေးခဲ့ကြပါတယ်။

ဒီခြောက်ကြိမ်မြောက်သံဂါယနာတွင်ပွဲမှာ
ဘုရားရှင်ဟောကြားတော်မူခဲ့တဲ့ ပိဋကတ်စာပေတွေကို
စက္ကူထက်မှာ အက္ခရာတင်ပြီး ပိဋကတ်စာပေသန့်စင်ရေးကို ဆောင်ရွက်နိုင်ခဲ့တယ်။

ဒီပွဲကြီးဖြစ်မြောက်အောင် ထောက်ပံ့ပေးသူများကတော့
ထိုအချိန်က အစိုးရများဖြစ်ကြတဲ့ နိုင်ငံတော်သမ္မတ ဦးဘဦး၊ 
နိုင်ငံတော် အစိုးရအဖွဲ့၏ အကြီးအကဲဖြစ်သူ ၀န်ကြီးချုပ် ဦးနုတို့က
 ကူညီဆောင်ရွက်တာဝန်ယူပေးပါတယ်။

သတိုးသီရိသုဓမ္မ သူဌေးကြီး ဆာဦးသွင်ဦးဆောင်တဲ့ နိုင်ငံတော် ဗုဒ္ဓသာသနာအဖွဲ့ကြီးကလည်း တိုင်းသူပြည်သားတို့ကိုယ်စား ပစ္စည်းလေးပါးနဲ့ ထောက်ပံ့ပူဇော်ဘို့ တာဝန်ယူကြပါတယ်။
ဝန်ကြီးချုပ်ကတော် ဒေါ်မြရီဦးဆောင်တဲ့ အမျိုးသမီးများကလည်း 
သံဂါယနာ ဝေယျာဝစ္စ လုပ်ငန်းများကို အားတက်သရော ပါဝင်ပြီး
 လုပ်အားဒါနများ လှူဒါန်းကြကြောင်း သိရပါတယ်။

ဦးနုတို့ခေတ်ကနေပြီး ယနေ့မျက်မှောက်ခေတ်အထိ 
ဆရာတော် သံဃာတော်အရှင်သူမြတ်တွေဟာ
ကမ္ဘာ့အလည်မှာ ဗုဒ္ဓဘာသာ မကျရှုံးသွားဘို့၊ မပျောက်ကွယ်သွားဖို့
အဓိကအခန်းကဏ္ဍကပါဝင်နေဆဲပါ။

တကယ်လို့သာ ဆရာတော် သံဃာတော်အရှင်သူမြတ်တွေ 
မေ့မေ့လျော့လျော့ ပေါ့ပေါ့ဆဆနေခဲ့မယ်ဆိုရင်
ဗုဒ္ဓဘာသာ ကမ္ဘာမြေကြီးပေါ်က ကွယ်ပျောက်သွားခဲ့ပြီပေါ့။
ဒီနေ့ဒီခေတ်လို တစ်ကမ္ဘာလုံးက ပြောပြောနေတဲ့ 
ကမ္ဘာ့ဘာသာကြီးလေးခုဆိုတဲ့စကားဘယ်ဖြစ်လာနိုင်မလဲ။
 ကမ္ဘာဘာသာကြီးသုံးခုလို့ပဲ သုံးနှုန်းတော့မပေါ့။

တကယ်လို့သာ ရှေးရှေးဆရာတော် သံဃာတော်အရှင်သူမြတ်တွေ 
မေ့မေ့လျော့လျော့ ပေါ့ပေါ့ဆဆနေခဲ့လို့ 
ဗုဒ္ဓဘာသာ ကမ္ဘာမြေကြီးပေါ်က ကွယ်ပျောက်သွားခဲ့ရင်
အခု ဒီစာရေးနေတဲ့အရှင်လည်း ဘုန်းကြီးတစ်ပါးဘယ်ဖြစ်နိုင်တော့မလဲ။
ဘုန်းကြီးတစ်ပါးဖြစ်နေစေဦးတော့။ 
ဗုဒ္ဓဘာသာဘုန်းကြီးတော့ ဖြစ်မှာမဟုတ်တော့ဘူး။
အခြားဘာသာရဲ့ ဘာသာရေးခေါင်းဆောင်တစ်ဦးဦးဖြစ်နေရောပေါ့။
(ဒါမှမဟုတ်၊ အရည်းကြီးဘုန်းကြီးဖြစ်နေရောပေါ့)

ဒီစာကိုဖတ်နေတဲ့သူတွေလည်း ဒီလိုပဲပေါ့။
ဗုဒ္ဓဘာသာဝင်တွေ ဘယ်ဖြစ်နိုင်တော့မှာလဲ။

နောက်တစ်မျိုးစဉ်းစားကြည့်ရအောင်၊
ဒီနေ့ဒီအချိန်ကာလ ဒီနေ့ခေတ်ဗုဒ္ဓဘာသာဝင်တွေ ငါးပါးသီလကျင့်စဉ်မှသည် 
သစ္စာလေးပါး၊ မဂ္ဂင်ရှစ်ပါး၊ ပဋိစ္စသမုပ္ပါဒ် စတဲ့တရားတွေကို
ကျင့်ခွင့်၊ လေ့လာခွင့်ရနေတာဟာ ဒီနေ့ခေတ်ဆရာတော် သံဃာတော်တွေ 
ဟောပြောပြသပေးနေလို့မို့လား။

ကိုယ့်အဖိုးအဖွားတွေခေတ်တုန်းကရော။
သူတို့လည်း သူတို့နဲ့ခေတ်ပြိုင်ဆရာတော် သံဃာတော်တွေရဲ့ ကျေးဇူးကြောင့်
ငါးပါးသီလ၊ သစ္စာလေးပါး၊ မဂ္ဂင်ရှစ်ပါး၊ ပဋိစ္စသမုပ္ပါဒ် စတဲ့တရားတွေကို
ကျင့်ခွင့်၊ လေ့လာခွင့်ရခဲ့ကြတာပေါ့။

ဆိုတော့ကား
မိမိတို့ဗုဒ္ဓဘာသာဝင်တွေရဲ့ သားသမီးတွေ ခေတ်ရောက်ရင် သူတို့လေးတွေကို
ငါးပါးသီလ၊ သစ္စာလေးပါး၊ မဂ္ဂင်ရှစ်ပါး၊ ပဋိစ္စသမုပ္ပါဒ် စတဲ့တရားတွေကို
ဘယ်သူက ပြောပြ ဟောပြပေးမှာလဲ။

ရှင်းပါတယ်။ 
အခုလောလောဆယ် မိမိတို့ရဲ့ သားသမီးလေးတွေနဲ့ ရွယ်တူဖြစ်နေတဲ့
ပရိယတ္တိစာသင်တိုက် အသီးသီးမှာရှိနေတဲ့
ကိုရင်လေးတွေ ဦးဇင်းလေးတွေက ပြောပြ ဟောပြပေးမှာပါ။

ဒါ့ကြောင့်မို့ ဘုရားရှင်ရဲ့တရားတော်တွေကို ပြန်လည်ဖောက်သည်ချပေးနေတဲ့ သံဃာထုအခန်းကဏ္ဍ ပြတ်မသွားအောင်၊ ဆက်လက်တည်တံ့အောင်
ဗုဒ္ဓဘာသာဝင်မိသားစုတွေအနေနဲ့ အသက်ငယ်ရွယ်တဲ့ကိုရင်လေးပင်ဖြစ်လင့်ကစား
“ဒီကိုရင်လေးဟာ ဒို့သားသမီးတွေကို ဗုဒ္ဓဘာသာတရားတော်တွေကို 
ပြန်လည်ဟောကြားပေးမည့် ဆရာတော်ကြီးဖြစ်လာမှာပါလား” လို့နှလုံးသွင်းပြီး
ရိုသေစွာ ဆက်ဆံကာ ထောက်ပံ့မှုများ ပြုလုပ်သင့်ပါတယ်။
ဒါဟာ ဗုဒ္ဓဘာသာကမ္ဘာမြေပေါ်က ပျောက်ကွယ်မသွားအောင် ထောက်ပံ့တာနဲ့ အတူတူပါပဲ။

ဒါတွေကို ဘာလို့ဒီလောက်ရှည်ရှည်ဝေးဝေးကြီး ပြောနေရသလဲ၊ ရေးနေရသလဲဆိုရင်
သံဃာတော်တွေရဲ့ အခန်းကဏ္ဍဟာ 
ဗုဒ္ဓဘာသာမှာ ဘယ်လောက်အရေးပါတယ်ဆိုတာ သိစေချင်လို့ပါ။
ဗုဒ္ဓဘာသာ ဒီနေ့အထိရေရှည် တည်တံ့ပြန့်ပွါးနေတာဟာ 
ဆရာတော်သံဃာတော်တွေရဲ့ လုံ့လအားကြောင့် ဆိုတာကို သိစေချင်လို့ပါ။

ဒါ့အပြင် ဗုဒ္ဓဘာသာဟာ မြန်မာလူမျိုး မြန်မာနိုင်ငံအပေါ်မှာ 
အများကြီးလွှမ်းမိုးမှုရှိပါတယ်။
မြန်မာနိုင်ငံသားအများစုကို ဘာလူမျိုးလဲလို့မေးရင်တောင်
ဗုဒ္ဓဘာသာလူမျိုးလို့ဖြေတဲ့သူတွေကိုတောင် အများကြီးတွေ့ဘူး ကြားဘူးပါတယ်။

ရိုးရာ၊ ယဉ်ကျေးမှု၊ မြို့ပြအဆောက်အဦတွေမှာလည်း
ဗုဒ္ဓဘာသာအငွေ့အသက်တွေ လွှမ်းမိုးခံရတာပါဘဲ။

နောက်ဆုံးကုန်ကုန်ပြောရရင် 
မြန်မာပြည်ယဉ်ကျေးမှုမှာ ဗုဒ္ဓဘာသာယဉ်ကျေးမှုကို ပယ်နှုတ်လိုက်ရင်
သုညယဉ်ကျေးမှုသာ ကျန်မှာပါ။
မြန်မာနဲ့ဗုဒ္ဓဘာသာ၊ မြန်မာနိုင်ငံနဲ့ ဗုဒ္ဓဘာသာခွဲခြားလို့ မရပါဘူး။ 
ဒါ့ကြောင့် ဒို့ဘာသာဖြစ်တဲ့ ဘုရား၊ တရား၊ သံဃာတည်းဟူသော ရတနာသုံးပါးကို
ဒို့ဘာသာဝင်တွေက အဓိပ္ပါယ်ရှိရှိ၊ အနှစ်အသားပါပါ
ကိုးကွယ်ဆည်းကပ်နိုင်ပါစေလို့ ဆန္ဒပြုပါတယ်။



ဒီလို ခြောက်ကြိမ်မြောက်စုပေါင်းရွတ်ဖတ်တဲ့ ဆဋ္ဌသံဂါယနာခေတ်ကနေပြီး
ယနေ့ခေတ်တိုင်အောင်လဲ မြန်မာနိုင်ငံရဟန်းသံဃာတော်တွေရဲ့ အခန်းကဏ္ဍဟာ
မကျရှုံးသေးပါဘူး။ အရေးပါတဲ့အခန်းကဏ္ဍက မြန်မာနိုင်ငံအတွက် ပါဝင်ပတ်သက်နေဆဲဘဲ။
အမျိုးဘာသာ သာသနာရေရှည်တည်တန့်ခိုင်မြဲဘို့အတွက် 
သံဃာတော်တွေဟာ ဆက်လက်ကြိုးစားဆဲပဲ။

မြန်မာ့သမိုင်းထဲမှာ ရဟန်းသံဃာတော်တွေကို ပယ်နှုတ်လိုက်မယ်ဆိုရင်
မြန်မာ့မြေပေါ်မှာ မှီတင်းနေထိုင်ကြသူတွေရဲ့ ဘ၀မှာ အနှစ်သာရဆိုတာ 
ဘာမှရှာလို့ရမှာ မဟုတ်တော့ဘူး။

ဒါ့ကြောင့် မြန်မာနဲ့ ဗုဒ္ဓဘာသာဆိုတာ ခွဲခြားကောင်းတဲ့အရာလဲ မဟုတ်ဘူး။

ဒီနေ့ဒီအချိန်အခါကာလမှာ ငါးပါးသီလမှသည် သစ္စာလေးပါးအသိတရားအထိ
ကျင့်ခွင့်သိခွင့်ရနေတာဟာ ရဟန်းသံဃာတော်မျိုးဆက် တစ်ဆက်မှတစ်ဆက်၊
ခေတ်တစ်ခေတ်မှ တစ်ခေတ် အဆင့်ဆင့် သင်ယူပို့ချလာခဲ့လို့သာ
မြန်မာနိုင်ငံကလူတွေ ကျင့်ခွင့် သိခွင့်ရနေကြတာ။
အရပ်သားလူတွေက ဒီလို ဘုရားရှင်အဆုံးအမသာသနာတော်ကြီးဖြစ်တဲ့
ပိဋကတ်တော်ကြီးတွေကို ရေရှည်ခိုင်မြဲတည့်တန့်အောင် ပြန့်ပွါးအောင် မလုပ်နိုင်ဘူး။
မလုပ်ခဲ့ဘူး။ ရဟန်းသံဃာတော်တွေပဲ လုပ်ခဲ့ရတာ။

ဒီလိုဗုဒ္ဓဘာသာယဉ်ကျေးမှု၊ ကျင့်စဉ်တွေကို မပျောက်ပျက်အောင်
ထိန်းသိမ်းစောင့်ရှောက်ခဲ့တဲ့သံဃာတော်တွေကို 
ကျေးဇူးတင်လွန်းလို့ ကျေးဇူးတင်တဲ့အနေနဲ့
သံဃာတော်တွေကို ကိုးကွယ်ဆည်းကပ်ရတယ်။

ဘုရားရှင်ကတော့ ပရိနိဗ္ဗာန်စံသွားပြီ။ 
ဘုရားရှင်ရဲ့ တရားတော်တွေကို ဘုရားရှင်းရဲ့ကိုယ်စား
သံဃာတော်တွေက ထိန်းသိမ်းစောင့်ရှောက်ခဲ့တဲ့အတွက်
သံဃာတော်တွေကို ကျေးဇူးတင်ရတင်လွန်းလို့
ကိုးကွယ်ဆည်းကပ်နေရတာပါ။

ရွှေတိဂုံလိုဗုဒ္ဓဘာသာတို့အထွဋ်အမြတ်ထားတဲ့စေတီတော်တွေပေါ်မှာ
အင်္ဂလိပ်တို့ ဖိနပ်မချွတ်ဘဲ တက်ရောက်တာကို ကန့်ကွက်တဲ့ကိစ္စလေးတွေကမှအစ
ဆရာတော်သံဃာတော်တွေဟာ ရှေ့တန်းက မားမားမတ်မတ်ပါဝင်ရပ်တည်ခဲ့ပါတယ်။
တကယ်လို့သာ ဆရာတော်သံဃာတော်များက မေ့မေ့လျှော့လျှော့နေခဲ့ကြမယ်ဆိုရင်
ဒီနေ့မြန်မာနိုင်ငံလူဦးရေမှာ ဗုဒ္ဓဘာသာဦးရေ ဒီလောက်များနိုင်စရာအကြောင်းမရှိပါဘူး။
အစ္စလာမ်ဖြစ်တဲ့သူကဖြစ်၊ ခရစ်ယာန်ဖြစ်တဲ့သူကဖြစ် ဖြစ်ကုန်မှာပါ။
ပြောချင်တာကတော့ လူမျိုးမပျောက်အောင် ဘာသာသာသနာမပျောက်အောင်
ဘုန်းကြီးတွေ ဆရာတော်သံဃာတော်တွေက
အခန်းကဏ္ဍတစ်ခုကနေပါဝင်ဆောင်ရွက်ခဲ့ပါတယ်။

အင်္ဂလိပ်ခေတ်ကုန်ဆုံးခါနီး ဗိုလ်ချုပ်လုပ်ကြံခံရပြီး လွတ်လပ်ရေးရလာကာ
ဦးနုခေတ်ရောက်လာတယ်ဆိုပါစို့။

Wednesday, April 11, 2012

ဖတ်စရာ မှတ်စရာ (၂၃)


အရှေ့တိုင်းသားတို့၏ ဒဿနပညာကို သင်ကြားရသောအခါ
အနောက်တိုင်း ဒဿနှင့် လုံးဝမတူသော သဘောကို တွေ့ရလေသည်။

‘အိန္ဒိယတိုင်းသားအတွေးအခေါ်တွေဟာ ဟိန္ဒူအတွေးခေါ်ပဲ ဖြစ်ဖြစ်၊
ဟိန္ဒူမဟုတ်တဲ့အတွေးအခေါ်ပဲ ဖြစ်ဖြစ်၊ 
ဘုရားသခင်ဖန်ဆင်းရှင် ဣဿရိယ နိမ္မာန၀ါဒပဲဖြစ်ဖြစ်၊
ဘုရားသခင် ဂေါ့ဒ်ကို လက်မခံတဲ့ အနိဿရိယ နိမ္မာန၀ါဒပဲဖြစ်ဖြစ်
အားလုံးဟာ လူသားအတွက် ပတ်ဝန်းကျင် သဘာဝလောကကို
ဘယ်လို အသုံးချရမလဲ၊ သဘာဝလောကကို အသုံးချတတ်တဲ့ အသိပညာနှင့်
လောကီအာရုံ ကာမဂုဏ်ချမ်းသာတွေကို ရရှိအောင် ဘယ်လိုလုပ်ရမလဲ ဆိုတဲ့
အသုံးချလိုတဲ့ သဘော သက်သက်မျိုး မရှိဘူး။

အနောက်တိုင်း ဒဿနက 
ဗဟိဒ္ဓလောက (external world) ကိုသာ စူးစမ်းဖို့ ကြိုးစားတယ်။
ဆရာတို့အရှေ့တိုင်းသား အတွေးအခေါ်ပညာရှင်တွေကတော့
အပြင်လောကကိုထက် အဇ္ဈတ္တဖြစ်တဲံ အတွင်းလောက (internal world) ကိုသာ
ပို အရေးထားပြီး စူးစမ်းခဲ့ကြတယ်။

အရှေ့နှင့် အနောက်ဟာ သဘာဝအားဖြင့်  ဆန့်ကျင်ဘက်ဖြစ်သလို
အတွေးဒဿနအားဖြင့်လည်း ဆန့်ကျင်တယ်။
လိုရင်းသဘောမှာ အနောက်တိုင်းသားများက 
လောကီစည်းစိမ် လောကီချမ်းသာကို အထင်ကြီးပြီး ရှာကြတယ်။
အရှေ့တိုင်းကတော့ လောကီချမ်းသာထက် လောကုတ္တရာချမ်းသာဖြစ်တဲ့
ချမ်းသာစစ်ကိုသာ ပိုတန်ဘိုးထားပြီး ရှာကြတယ်။

နောက်တစ်နည်းပြောရရင်
အနောက်တိုင်းသားတွေက လူ့ဘ၀တိုးတက်ဖို့အတွက်
အတတ်ပညာ နည်းနာတွေကို လိုက်ရှာကြတယ်။
အရှေ့တိုင်းသားတွေကတော့ 
ဘ၀လွတ်မြောက်ရေး (ဆင်းရဲကင်းငြိမ်းရေး) အတွက်
အကျင့်စရဏ နည်းလမ်းတွေကို ရှာကြတယ်။

ဆန်းလွင်၊ ရတနာသုံးပါးကို ယုံကြည်ကိုးကွယ်ဆည်းကပ်လာသူ တစ်ယောက်အကြောင်း စာ - ၁၄၄

Tuesday, April 10, 2012

ဘာသာခြားတစ်ဦးအမေး


(အောက်ပါအကြောင်းအရာများသည် ဘာသာခြားတစ်ဦးက မေးသော မေးခွန်းများကို
 ထိုသူနားလည်အောင် အရပ်သုံးစကားများသုံးပြီး ဖြေဆိုထားခြင်းဖြစ်ပါသည်။)

ဗုဒ္ဓဘာသာဝင်တို့ ဘုရားရှိခိုးရခြင်း၏အကြောင်းရင်း
ဘုရားရှိခိုးရခြင်း၏အကြောင်းရင်းမှာ မြတ်စွာဘုရားသည်
ကောင်းသောသဘာဝတရားများ နှင့်
မကောင်းသော သဘာဝတရားများကို ဟောကြားပေးခဲ့သည်။ သင်ကြားပေးခဲ့သည်။
ထိုကြောင့် မြတ်စွာဘုရားကို ဗုဒ္ဓဘာသာဝင်တို့က ဆရာအဖြစ်မှတ်ယူသည်။
ဆရာအဖြစ်မှတ်ယူကာ ကျေးဇူးတင်သည့်အနေဖြင့် ရှိခိုးခြင်းဖြစ်သည်။
မြတ်စွာဘု၇ားကို ကြောက်၍ ရှိခိုးခြင်းမဟုတ်ပါ။
ရှိမခိုးဘဲ နေလိုက နေနိုင်သည်။
ကိုယ်ကျင့်တရားသာ အဓိကဖြစ်သည်။
မိမိကိုယ်တိုင် ကိုယ်ကျင့်တရားကောင်းမွန်ကာ
ပတ်ဝန်းကျင်ကို ငြိမ်းချမ်းအောင် လုပ်ပေးဘို့နှင့်
ကိုယ့်ပတ်ဝတ်ကျင် စိတ်ချမ်းသာအောင် လုပ်ပေးဘို့ အရေးကြီးသည်။

လွတ်လပ်ရေးရအောင်လုပ်ပေးသော အာဇာနည်သူရဲကောင်းများကို
နိုင်ငံသူ နိုင်ငံသားများက အုတ်ဂူသို့သွား၍
ကျေးဇူးတင် အမှတ်ရ အောက်မေ့သည့်အနေဖြင့် အလေးပြုကြသလို
မြတ်စွာဘုရားကို ကျေးဇူးတင်သည့်အနေဖြင့် ရှိခိုးခြင်းသာဖြစ်ပါသည်။

ထိုသို့ရှိခိုးရတွင် အကြိမ်ရေ သတ်မှတ်ချက်မရှိပါ။
ရှိခိုးခြင်းထက် ကိုယ်ကျင့်သီလကို ဦးစားပေးသော ဘာသာဖြစ်သည့်အတွက်
ကိုယ်ကျင့် ကောင်းဘို့သာလိုပါသည်။
ကိုယ်ကျင့်တရားမကောင်းပဲ ၂၄ နာရီပတ်လုံး ရှိခိုးစေကာမူ အချည်းနှီးဖြစ်သည့်အတွက်
ရှိခိုးခြင်းကို ဦးစားမပေးပါ။
သို့သော် အထက်မှာ ဖော်ပြခဲ့သလို ကျေးဇူးတင်သည့်အနေဖြင့် ရှိခိုးလိုက
လွန်ခဲ့သော နှစ်ပေါင်း ၂၆၀၀ ခန့်က ပေါ်ပေါက်ခဲ့တဲ့ ဘုရားရဲ့ ဂုဏ်ကို အာရုံပြုပီး (၁) ကြိမ်
သူ့ရဲ့ တရားတော်ကို အာရုံပြုပီး (၁) ကြိမ်
သူ့တရားတော်တွေကို မပျောက်အောင် ထိမ်းသိန်းစောင့်ရှောက်တဲ့သူတွေရဲ့ ဂုဏ်ကို အာရုံပြုပီး (၁) ကြိမ် စုစုပေါင်း တစ်ခါရှိခိုးခြင်း အမှုပြုက ဦး (၃) ကြိမ်ချလေ့ရှိပါသည်။

ရှိခိုးရာတွင် ခြေ၊ လက်၊ နဖူး၊ တဒေါင်ဆစ်၊ ဒူးတို့ကို ကြမ်းပြင်ထိစေ၍ ရှိခိုးရပါသည်။ ထိုသို့ ကြမ်းပြင်ကို ထိရခြင်းရည်ရွယ်ချက်မှာ ရှိခိုးသူ၏ မာန်မာနများ နှိမ့်ချစေခြင်းပင်ဖြစ်ပါသည်။

ဗုဒ္ဓဘာသာဝင်တို့ ဥပုသ်စောင့်ရခြင်း
ဥပုသ်စောင့်ရခြင်း၏ အဓိက ရည်ရွယ်ချက်မှာ
မတော်မတရားလိုချင်မှု လောဘ၊
ကြမ်းကြုတ်မှု ဒေါသ၊
မိုက်မဲတွေဝေမှု မောဟ တို့ နည်းပါးအောင် လုပ်ခြင်းပင်ဖြစ်ပါသည်။
အဆင်းအာရုံ၊ အသံအာရုံ စသော ငါးဖြာအာရုံတို့အပေါ်မှာ မှီပြီး မကောင်းတဲ့ စိတ် မ၀င်မိအောင်၊ မဖြစ်ပေါ်လာအောင် ကြိုးစားခြင်းကို ဥပုသ်စောင့်ခြင်း ဟုခေါ်ပါသည်။

ဥပုသ်ကို ပုံမှန်အားဖြင့် လပြည့်နေ့နှင့် လကွယ်နေ့များတွင် စောင့်ထိန်းလေ့ရှိပါသည်။
သို့သော် မိမိဆန္ဒအားလျှော်စွာ မည်သည့်နေ့တွင်မဆို စောင့်ထိန်းနိုင်ပါသည်။
အတင်းအကျပ် လုပ်ကို လုပ်ရမယ် ဆိုသော ဖိအားပေးမှုမျိုး ဗုဒ္ဓဘာသာတွင် မရှိပါ။ ဗုဒ္ဓဘာသာလမ်းစဉ်သည် အလယ်အလတ်လမ်းစဉ် ဖြစ်ပါသည်။

ဥပုသ်စောင့်ရာတွင် စည်းကမ်းချက်များမှာ ထွေထွေထူးထူးမရှိပါ။
ရှစ်ပါးဥပုသ်သီလ၊ ကိုးပါးဥပုသ်သီလ၊ ဆယ်ပါးဥပုသ်သီလစသည်ဖြင့် ရှိပါသည်။
မိမိအရွယ်နှင့် မိမိအင်အားနှင့် မိမိအချိန်နှင့်ကိုက်ညီအောင် ဥပုသ်သီလများ စောင့်ထိန်းနိုင်ပါသည်။

ဗုဒ္ဓဘာသာအဓိကပွဲသဘင်များကို ဗုဒ္ဓမြတ်စွာဘုရားက ချမှတ်ခဲ့တာ မဟုတ်ပါ။ နောင်လာနောက်သားများက ဗုဒ္ဓဘာသာအမှတ်တရနေ့များအဖြစ်
သတ်မှတ်ပြီး ကျင်းပကြခြင်းဖြစ်ပါသည်။

ဥပမာ။ မေလ လပြည့်နေတွင် (Vesak Festival) ၀ိသာခါ ပွဲသဘင်ကို ကျင်းပပါသည်။
ထိုပွဲသဘင်သည်
ဘုရားရှင်မွေးနေ့၊ (ဘုရားအဖြစ်သို့ ရောက်မည့်သူ မွေးသည့်နေ့)
ဘုရားအဖြစ်သို့ရောက်သည့်နေ့၊
ဘုရားကွယ်လွန် (ပရိနိဗ္ဗာန်စံသည့်) နေ့တို့ကို ရည်ရွယ်၍ ကျင်းပခြင်းဖြစ်ပါသည်။

ဗုဒ္ဓဘာသာဝင်တစ်ဦးဖြစ်ဘို့ လိုက်နာရမည့်စည်းကမ်းသတ်မှတ်မထားပါ။
ဗုဒ္ဓဘာသာတွင် ငါးပါးသီလရှိပါသည်။
ထိုငါးပါးသီလသည် ဗုဒ္ဓဘာသာဝင်အတွက်သာ မဟုတ်ပါ။
လူသားတိုင်းအတွက်ဖြစ်ပါသည်။

ဗုဒ္ဓဘာသာဝင်တို့၏ ဘုရားကို ကြားဘူးစရာမလိုပါ။
မြင်ဘူးစရာမလိုပါ။
ရှိခိုးစရာ မလိုပါ။ ဆိုလိုတာက ရှိမခိုးဘဲ နေလိုက နေနိုင်သည်။
ငါးပါးသီလ စောင့်ထိန်းက ထိုငါးပါးသီလစောင့်ထိန်းသူသည်
ဗုဒ္ဓဘာသာဝင်ဖြစ်သွားပေတော့သည်။ ငါးပါးသီလစောင့်ထိန်းသူ ဘယ်သူမဆို။
တရုတ်ဖြစ်ဖြစ်၊ နီဂရိုးဖြစ်ဖြစ်၊ အင်္ဂလိပ်ဖြစ်ဖြစ် ၊ မွတ်စလင်ဖြစ်ဖြစ်၊
ခရစ်ယာန်ဖြစ်ဖြစ်၊ ဗုဒ္ဓဘာသာဝင်ဖြစ်ဖြစ် ကောင်းကျိုးခံစားရမည်၊ စောင့်ထိန်းရကျိုး ရရှိမည်၊
ကောင်းတဲ့ ဘုံဘ၀ ရောက်မည်။

ငါးပါးသီလ မစောင့်ထိန်းသူ ဘယ်သူမဆို၊
တရုတ်ဖြစ်ဖြစ်၊ နီဂရိုးဖြစ်ဖြစ်၊ အင်္ဂလိပ်ဖြစ်ဖြစ် ၊ မွတ်စလင်ဖြစ်ဖြစ်၊
ခရစ်ယာန်ဖြစ်ဖြစ်၊ ဗုဒ္ဓဘာသာဝင်ဖြစ်ဖြစ် ကောင်းကျိုးခံစားရမည်၊ စောင့်ထိန်းရကျိုး ရရှိမည်၊
မကောင်းတဲ့ ဘုံဘ၀ ရောက်မည်။

ငါးပါးသီလ
(၁) သူတပါးအသက်မသတ်ရ။
(၂) သူတပါးဥစ္စာ မခိုးရ။
(၃) သူတပါး သားမယား စိတ်နဲ့တောင် မပြစ်မှားရ။
(၄) လိမ်မပြောရ။
(၅) အရက်၊ ဆေးခြောက်စတဲ့ မူယစ်စေတတ်တဲ့အရာဝတ္ထုမှန်သမျှ မသုံးစွဲရ။

ဗုဒ္ဓဘုရားဖြစ်ပေါ်ရခြင်း၏အကြောင်းရင်းမှာ ဆင်းရဲဒုက္ခမှ လုံးဝ လွတ်မြောက်ရေးအတွက်ဖြစ်သည်။ ဗုဒ္ဓဘုရားရှင်သည် သဘာဝတရားကို သိဘို့ ကြိုးစားရင်း နောက်ဆုံးသဘာဝတရားတွေကို သိလာလို့ သိသူ (ဗုဒ္ဓ) ဟု အမည်ရလာခြင်းဖြစ်သည်။
ဗုဒ္ဓဆိုတာ သိသူလို့ အဓိပ္ပါယ်ရပါတယ်။

ဗုဒ္ဓဘာသာတို့၏ အဓိကယုံကြည့်ချက်မှာ ကံ၊ ကံ၏အကျိုးကို ယုံကြည်ခြင်းဖြစ်သည်။
ဖန်ဆင်းရှင် ထာဝရဘုရားသခင်ကို မယုံကြည်။

မွေးခါစကတည်းက မျက်စိကန်းလာတဲ့ခလေးလေးတွေ၊ နားမကြားတဲ့ခလေးတွေ၊
ရုပ်မလှတဲ့သူ၊ ရုပ်လှတဲ့သူ၊ ချမ်းသာတဲ့သူ၊ ဆင်းရဲတဲ့သူတွေ
ဘာကြောင့် ဒီလိုဖြစ်နေကြရတာလဲ ဆိုတဲ့ အကြောင်းအကျိုး သဘာဝကို
လေ့လာလက်ခံယုံကြည်သော ၀ါဒဖြစ်သည်။

ဗုဒ္ဓဘာသာတွင် အကြမ်းအားဖြင့်း ဂိုဏ်းကြီး ၃ ဂိုဏ်းကွဲပြားနေသည်။
ယင်းတို့မှာ
(၁) ထေရ၀ါဒဗုဒ္ဓဘာသာ
(၂) ဟီနယာနဗုဒ္ဓဘာသာ
(၃) မဟာယာနဗုဒ္ဓဘာသာ တို့ဖြစ်သည်။
၁။ ထေရဝါဒဗုဒ္ဓဘာသာ
ထို့ကြောင့်ထေရဝါဒသာသနာဆိုသည်မှာ မြတ်စွာဘုရား ဟောကြားတော်မူထားသော
တရားတော်  မူရင်းအတိုင်း လက်ခံကျင့်သုံးသည်။
ထုတ်ပယ်ခြင်း၊ ဖြည့်စွက်ခြင်းမပြု။
ပန်းတိုင်ဖြစ်သောနိဗ္ဗာန်သို့ ရိုးရိုးသာမန် တပည့်အဖြစ်ဖြင့် ကျင့်သုံး၍လည်း ရောက်နိုင်သည်။ ဘုရားဖြစ်အောင် ကျင့်ကြံ၍လည်း ဘုရားဖြစ်ပြီး ပန်းတိုင်ဖြစ်သောနိဗ္ဗာန်သို့ရောက်နိုင်သည်။
ထေရဝါဒဗုဒ္ဓဘာသာကို
၁။ မြန်မာ၊ ၂။ ထိုင်း၊ ၃။ သီရိလင်္ကာ၊ ၄။ ကမ္ဗောဒီးယား၊ ၅။ လော-နိုင်ငံတို့မှာ
ကိုးကွယ်နေလျက် ရှိကြသည်။
ထေရဝါဒဗုဒ္ဓဘာသာဟူသည်မှာ မြတ်စွာဘုရား၏ တရားတော်ကို
မြတ်စွာဘုရား ဟောကြားတော်မူသည့်အတိုင်း မပြုမပြင်၊ မဖြည့်မစွက်၊ မပယ်မနှုတ်ဘဲ
လိုက်နာကျင့်သုံး သည့် ဗုဒ္ဓဘာသာကို ခေါ်ဆိုခြင်းသာတည်း။

၂။ ဟီနယာနဗုဒ္ဓဘာသာ
ထေရဝါဒဗုဒ္ဓဘာသာကဲ့သို့ မူရင်းတရား အစစ်အမှန်တွေကိုလည်း
အတိအကျ မလိုက်နာနိုင် မဟာယာနတွေလောက်လည်း ပြုပြင်ဖြည့်စွက်ပယ်နှုတ်ဖို့
မလုပ်ချင်သော ဗုဒ္ဓဘာသာကို ဟီနယာနဗုဒ္ဓဘာသာဟု ခေါ်ဆိုသည်။

အခုအခါမှာတော့ ၎င်းဂိုဏ်းတို့သည် မဟာယာန ဗုဒ္ဓဘာသာဂိုဏ်းက
မျိုထားခြင်းကို ခံလိုက်ကြရသည်ဖြစ်၍ မဟာယာနအတွင်းမှာ တိမ်မြုပ်ကြကုန်ပြီး
ပျောက်ကွယ်  သလောက် ဖြစ်သွားကြပါသည်။

ယင်းဂိုဏ်းတို့အား ဟီနယာန=နိမ့်ကျသည့်ယာဉ်ဟူ၍ နာမည်တပ်မှုကို
မဟာယာနတို့က ပြုလုပ်ခဲ့သည်။
ဘီစီ ငါးရာစုခန့်က စတင်ပေါ် ထွန်းခဲ့သည့်ဂိုဏ်းဟု ဆိုနိုင်ပါသည်။

၃။ မဟာယာနဗုဒ္ဓဘာသာ
မဟာယနဂိုဏ်း၏ အဓိကအချက်ကြီးကား ဘုရားလောင်းဝါဒပင်ဖြစ်သည်။
လူတိုင်းလူတိုင်း သတ္တ၀ါတိုင်းသတ္တ၀ါတိုင်း ဘုရားလောင်းဆုကို ယူရသည်။
ဘုရားလောင်းဖြစ်ရမည်။ ဘုရားလောင်းအဖြစ်နှင့် လောကကို ကယ်တင်ရမည်။
ပန်းတိုင်ဖြစ်သော နိဗ္ဗာန်သို့ သွားရမည်။

မြတ်စွာဘုရား ဟောကြားတော်မူသည့်အတိုင်း မဟုတ်ဘဲ
ကာလ၊ ဒေသ၊ ပုဂ္ဂလ အစရှိ သော အခြေအနေအရပ်ရပ်တို့နှင့် ကိုက်ညီအောင်
ဘုရားရှင်၏ တရားတော်တို့ကို ပြုပြင်ပြီး
တပည့်သာဝကအဖြစ်၊ သီးခြားဘုရား (ဘုရားဖြစ်ကာမတ္တ) ပစ္စေကအဖြစ်ဖြင့်
နိဗ္ဗာန်ကိုမရနိုင်ဘဲ သမ္မာသမ္ဗုဒ္ဓအဖြစ်ဖြင့်သာ နိဗ္ဗာန်ကို ရနိုင်သည်ဟူ၍
ယူဆသည့် ဗုဒ္ဓဘာသာကို မဟာယာနဗုဒ္ဓ ဘာသာဟုခေါ်ဆို သည်။ 
ယခု -တိဘက်၊ ဆိကင်၊ ဘူတန်၊ နီပေါ၊ မွန်ဂိုလီးယား၊ တရုတ်၊ ကိုရီးယား၊ ဂျပန်၊ ဗီယက်နမ်
အစရှိသောနိုင်ငံ - တို့မှာမဟာယာနဗုဒ္ဓဘာသာကို ကိုးကွယ်နေကြသည်။

မှတ်ချက်။ ထေရ၀ါဒနှင့် ဟီနယာန မတူပါ။

Monday, April 9, 2012

ဖတ်စရာ မှတ်စရာ (၂၂)


လူတော်ဖြစ်လိုသော်
ဗုဒ္ဓဘာသာစာပေလာအရ လူတော်တစ်ယောက်ဖြစ်ချင်လို့ရင်
၁။ ဓမ္မညူ - ပြဿနာ အကြောင်းအရာ တစ်စုံတစ်ခုရဲ့ ဇစ်မြစ် အကြောင်းကို သိရပါမယ်။
၂။ အတ္ထညူ - ပြဿနာ အကြောင်းအရာရဲ့ နောက်ဆက်တွဲ အကျိုးတရားကို သိရပါမယ်။
၃။ အတ္တညူ - ကိုယ့်ကိုယ်ကို ဘာကောင်လဲဆိုတာကိုလဲ သိဘို့လိုပါတယ်။
၎။ မတ္တညူ - ကိုယ့်လုပ်နိုင်တဲ့ စွမ်းနိုင်တဲ့ ပမာဏကိုလဲ သိရပါမယ်။
၅။ ကာလညူ - အချိန်အခါကိုလဲ သိရပါမယ်။ မှန်ကန်တဲ့အချိန်ကို သိရပါမယ်။
၆။ ပရိသညူ - ပတ်ဝန်းကျင်အနေအထားကိုလဲ သိနေရမယ်။
၇။ ပုဂ္ဂလညူ - ပေါင်းသင့်တဲ့သူလား။ မပေါင်းသင့်တဲ့သူလား ချင့်ချိန်တတ်ရပါမယ်။

ဒီဃနိကာယ် ၃၊ ပါ ၂၀၈။ ဋ္ဌ ၂၂၁။

Sunday, April 8, 2012

မြန်မာနှစ်ကူး အထူးသင်္ကြန်


ဓမ္မမိတ်ဆွေသူတော်စင်အပေါင်းတို့ခင်ဗျာ....
ကျွန်တော်များ ကပုန်းဘုန်းတော်ကြီးကျောင်းတွင် 
နှစ်စဉ်ကျင်းပမြဲဖြစ်သော 
မြန်မာနှစ်ကူးအတာရေသဘင်ပွဲတော်
ဒုလ္လဘရဟန်းခံပွဲ နှင့်
စတုဒိသာကျွေးမွေးပွဲများကို
တစ်ဖက်ပါအစီအစဉ်အတိုင်း 
ဆင်ယင်ကျင်းပမည်ဖြစ်ပါသောကြောင့်
စေတနာရှင် မြန်မာဗုဒ္ဓဘာသာသူတော်စင်များ
လာရောက်ကြည်ညိုသဒ္ဓါပွါးများနိုင်ရန်
လေးစားစွာဖိတ်ကြားအပ်ပါသည်။

]]]]]
နေရာ
ကပုန်းကျောင်း
No. 19, Jalan 38
Desa Jaya, Kepong 52100, KL
ဖုန်း - ၀၁၇ ၂၄၂၂၃၃၆

အစီအစဉ်
၁၂၊ ၄၊ ၂၀၁၂ (ကြာသပတေးနေ့)  ညနေ ငါးနာရီ
ဒုလ္လဘရဟန်းလောင်းဆံချပွဲ
၁၃၊ ၄၊ ၂၀၁၂ (သောကြာ) 
နံနက် ၁၀ နာရီ ဒုလ္လဘရဟန်းသိမ်ဆင်း
နံနက် ၁၀း၃၀ နာရီ ပရိသတ်များဆွမ်းထမင်းဖြင့်ဧည့်ခံ
နံနက် ၁၁း၃၀ နာရီ သံဃာတော်များအား နေ့ဆွမ်းဆက်ကပ်
မွန်းလွဲ ၁ နာရီ ရေစက်ချ၊ အမျှဝေ

အလှူရှင်များ
၁၃၊ ၄၊ ၂၀၁၂ (သောကြာ) နေ့
အရုဏ်ဆွမ်း ကိုသန်းထွန်းအောင်၊ မခင်စန်းရိနှင့် သူငယ်ချင်းများ
နေ့ဆွမ်း မလေးရှားရောက် တပ်ကုန်းသားများ
၁၄၊ ၄၊ ၂၀၁၂ (စနေ) နေ့ 
အရုဏ်ဆွမ်း ကိုဟန်ဇော်ဌေး၊ မအိအိရှိန်
နေ့ဆွမ်း ကိုကျော်စွာငြိမ်း၊ မလေးလေးမြင့်
၁၅၊ ၄၊ ၂၀၁၂ (တနင်္ဂနွေ) နေ့
ကိုအောင်မော်၊ မစိုးဝင်း
ကိုမောင်မောင်ကြီး၊ မနုနုဝင်း
၁၆၊ ၄၊ ၂၀၁၂ (တနင်္လာ) နေ့
အရုဏ်ဆွမ်း        မဌေး (Selayang)
နေ့ဆွမ်း - ဦးစိုး၊ ဒေါ်အေး (Subang)
၁၇၊ ၄၊ ၂၀၁၂ (အင်္ဂါ) တစ်နေ့တာအလှူရှင်
Selayang ဗုဒ္ဓဘာသာလူငယ်များ 
ကြွရောက်လာကြကုန်သောဧည့်ပရိသတ်အပေါင်းတို့အား
မုန့်ဟင်းခါး၊ မုန့်လုံးရေပေါ်၊ ကြာဇံဟင်းခါး၊ ဆွမ်းထမင်းတို့ဖြင့်
တည်ခင်းဧည့်ခံကျွေးမွေါးမည်။

ကျွန်တော်များ ကပုန်းကျောင်းလူငယ်အဖွဲ့မှ ဦးစီးကျင်းပတဲ့
ယခုနှစ် မြန်မာနှစ်ကူး အထူးအစီအစဉ်
အတာသင်္ကြန် မဟာရေသဘင်ပွဲတော်
သင်္ကြန်ရေ ပက်ဖျန်းခြင်းများ၊ ၀ါသနာရှင်များ၏ တစ်ကိုယ်တော်သီဆိုမှု အစီအစဉ်များ၊ 
(လူကြီး၊ လူငယ်) ယိမ်းအဖွဲ့များ။ ဒိုးအဖွဲ့၏ ဖျော်ဖြေဧည့်ခံမှုများ၊
မယ်ဒလင်သမားများ၏ တီးခတ်မှုနှင့် တွဲဖက်သီဆိုမှုများ၊
စတုဒိသာအကျွေးအမွေးများ စသည် စသည်တို့ကို 
မြူးမြူးကြွကြွ စည်စည်ကားကား ပျော်ပျော်ရွှင်ရွှင်ဖြစ်စေဖို့
ကျွန်တော်များ စီစဉ်ထားပါသည်။
ကျင်းပမည့်နေ့ရက်။ ။ ၁၅၊ ၄၊ ၂၀၁၂ (တနင်္ဂနွေနေ့)
ကျင်းပမည့်အချိန်။ ။ နံနက် ၁၀ နာရီမှာ ညနေ ၆ နာရီအထိ
မနက် (၇) နာရီမှ စ၍ ကပုန်းဘုန်းတော်ကြီးကျောင်းတွင် 
စတုဒိသာအကျွေးအမွေးစတင်ပါမည်။
စတုဒိသာကျွေးမွေးလိုသူများ ၀၁၇ ၂၄၂၂၃၃၆ သို့
ကြိုတင်စာရင်းပေးသွင်းနိုင်ပါသည်။
ကိုဝင်းရွှေနှင့် သူငယ်ချင်းများ သင်္ကြန်ထမင်း
Hytex မိသားစု ရွှေရင်အေး
ကိုအောင်ဆန်း (Subang) စမူဆာ
Damasara သူငယ်ချင်းများ မုံ့လုံးရေပေါ်
ကိုမွန်ကြီး+မစိုးဝင်း၊ ကိုမောင်မောင်ကြီး+မနုနုဝင်း ရခိုင်မုန့်တီ
HONG KEE DIM SUM AMANPURI သောက်ရေသန့်
ကျင်းပမည့်နေရာ
ကပုန်းဘုန်းကြီးကျောင်းအနီးရှိ တရုတ်စာသင်ကျောင်းအတွင်း
ကိုသီဟ - ၀၁၂၂၉၇၀၆၅၅ ။ ကိုအောင်မော် - ၀၁၈၂၂၉၉၁၇၃ ။ ကိုဇော်မင်းအောင် - ၀၁၂၂၃၁၄၄၄၇