Monday, January 30, 2012

ပညာရေးလောက လူလိမ်ကြီးများ (၃)



မောင်သာနိုး

အိန္ဒိယပြန်ဘုန်းကြီးလူထွက် MBBS ကြီးလိုပဲ
အခြားဘွဲ့တွေ ယူလာခဲ့ကြသူတွေကို နောင်တွေ့ရတယ်။
အများစုက M.A, ရံဖန်ပဲ Ph.D တွေ့ရတယ်။
တွေ့ရင် စိတ်ထဲက နားလည်လိုက်တယ်။
တချို့များ ဘွဲ့တစ်ခုတည်းတောင် မဟုတ်၊ နှစ်ခု သုံးခု ယူလာတာ။
အကြောင်းမသိရှာသူများကတော့ အထင်ကြီးရှာကြတာပလေ။
အကြောင်းသိသူကသာ ပြုံးမိတာပ။ ထုတ်တော့ မပြောမိပါဘူး။
ဒါပေမဲ့ တခါတလေ အကြောင်းတိုက်ဆိုင်လို့ ဒီအကြောင်း ပြောပြမိတယ်။
အဲဒီအခါ အတုဘွဲ့ယူထားသူကို ကြည်ညိုရင်းစွဲရှိသူက
ဒေါသူပုန်ထ၊ ရန်တွေ့တော့တာကလား။
သူတို့ဆရာသမားကို စော်ကားရက်လေခြင်းပေါ့။

နောက်တော့ ဒီဘွဲ့တွေကို ဟိုသွားယူစရာမလိုဘဲ ဒီကိုလာပေးတဲ့ စနစ်ပေါ်လာတယ်။
အိန္ဒိယကတောင် မဟုတ်၊ အမေရိကန်က၊ အင်္ဂလန်က၊
ပထမတော့ လူပြော သူပြောလောက် ကြားကြားနေရတာ၊
မယုံရအခက် ယုံရအခက်ဖြစ်နေမိသေးတယ်။
နောက်တော့ ကိုယ်ကိုယ်တိုင် မျက်မြင်ကိုယ်တွေ့ ကြုံဖို့ ဖန်လာတာကိုး။
တစ်နေ့တော့ ဖိတ်စာကလေးရောက်လာတယ်။
တက္ကသိုလ်မှာ အတူနေခဲ့ အတူအလုပ်လုပ်ခဲ့သူတစ်ဦးဆီက။
သူတို့အသင်းမှာ ဘယ်နေ့ ဘယ်ရက် ဘယ်အချိန် အမေရိကန် ဘယ်တက္ကသိုလ်က
ဘွဲ့နှင်းသဘင်လာရောက်ကျင်းပမယ် စသဖြင့်ပါတယ်။
စာကို ဖတ်လိုက်ရကတည်းက သိလိုက်ပါပြီ။
ကလိမ်ကညစ်တွေ ခြေလာရှုပ်ပြန်ပြီ။ စားပေါက်ထွင်ပြန်ပြီလို့။
ဒါပေမဲ့ ကိုယ့်အပေါင်းအသင်းတစ်ယောက်ကပါ
ဒီလောက် အောက်တန်းကျ ကလိန်ကျတဲ့ အလုပ်မျိုး လုပ်တဲ့ထဲ ပါနေတယ်ဆိုတာကိုတော့
အံ့သြခြင်းကြီးမက အံ့သြမိတယ်။ စိတ်မကောင်းလည်း ဖြစ်မိတယ်။
အကြောင်းသိရအောင် သွားကို သွားရမယ်လို့လည်း ဆုံးဖြတ်လိုက်မိတယ်။

သွားတော့ တွေ့ရတာပါပဲ။
ဘွဲ့နှင်းသဘင်တဲ့ဗျာ လုပ်နေလိုက်တာ။
ကြက်ပွဲကျနေတာပဲ။
သူတို့အသင်းတည်ရှိရာ အဆောက်အဦရှေ့ မြက်ခင်းပြင်မှာ
ခေါက်ကုလားထိုင်လေးတွေချပြီး ဧည့်သည်တွေ ထိုင်ရတယ်။
ဧည့်သည်တွေကို မျက်နှာချင်းဆိုင်ကာ စားပွဲကြီးတွေနဲ့
သူတို့ဆရာသမားကြီးတွေက ထိုင်ကြတယ်။
ဘွဲ့ယူမယ့်လူတွေ ပေးမယ့်ဆရာတွေက ၀တ်ရုံကြီးတွေနဲ့။
ဧည့်သည်တွေကို ကြည့်လိုက်တော့ သူတို့လူတွေအပြင်
စာရေးဆရာ သတင်းစာဆရာတွေ တော်တော်များများ လာကြတာ တွေ့ရတယ်။
ကျွန်တော်တို့ မိတ်ဆွေကြီးတို့ အမေရိကန်ကြီးတို့က
မိန့်ခွန်းတွေ ဘာတွေ ချွေကြပြီးနောက် ဘွဲ့လက်မှတ်တွေ ပေးတော့တာကိုး။
ဘွဲ့ယူသူ ၂၀ အစိတ်လောက် ရှိမယ်ထင်ပါတယ်။
ရိုးရိုးဘွဲ့အပြင် မဟာဘွဲ့တွေပါတယ်။
ကျွန်တော်တို့ပုဂ္ဂိုလ်ကြီးက ဒေါက်တာဘွဲ့ပေါ့လေ။
သူဦးစီးတဲ့ပွဲပေကိုး။
ဒီလောက်ကတော့ ရှိရမှာပ။

ဘွဲ့နှင်းသဘင်အခန်းအနားပြီးတော့ ပရိသတ်ကို ဒံပေါက်နဲ့ဧည့်ခံတယ်။
စာရေးဆရာနဲ့ သတင်းစာဆရာတွေကိုတော့
သီးခြားဧည့်ခံမယ်ဆိုလို့ အပေါ်ထပ်လိုက်သွားရတယ်။
ဟိုကျတော့ လူက သုံးဆယ်လောက်မှာ
Grand Royal Whisky လေးက တစ်လုံးတည်း။
ဝီစကီကလည်း ရွှေရောင်မဟုတ်။ အနက်ပတ်၊ အမြည်းက မပါ။
လူငယ်တချို့က အောက်ဆင်း ဒံပေါက်သွားတောင်းတယ်။
တော်တော်စိတ်ညစ်ဖို့ကောင်းပါတယ်။
အချဉ်ပေါက်လာပြီး ပညာရေးဆိုတာ လေးနက်သင့်ပုံ၊
ဘွဲ့တစ်ခုကို ငွေပေးဝယ်တာ မဖြစ်သင့်ပုံ ဘာညာနဲ့ နာမည်မဖော်ပဲ
ယေဘုယျသဘော အနားက မိတ်ဆွေတချို့ကို ပြောနေမိတယ်။
ဘေးနားမှာ ၀တ်ရုံကြီးနဲ့ ရပ်နားထောင်သူ ကျောင်းဆရာတစ်ဦးက
သူ့ဦးထုပ်ကို ချွတ်၊ ရယ်သလို မောသလိုနဲ့ ကျွန်တော့်ကို လာဆောင်းပေးမယ်လုပ်တယ်။
လက်ထဲက ဘွဲ့စာရွက်လိပ်ကိုလည်း ‘ဆရာပဲ ယူပါတော့’ လို့
အတင်းထိုးပေးနေတယ်။
ရုတ်တရက်တော့ သူ့ကို သနားသလိုဖြစ်မိသော်လည်း
မဟုတ်တာ မမှန်တာကိုတော့ ဖော်ထုတ်ရမှာပဲလို့လည်း တွေးနေမိတယ်။
(အခုလည်း ဒါ့ကြောင့် ကောက်ရေးလိုက်တာပါပဲ)

မဟေသီ၊ ၂၀၀၄၊ ဧပြီ

Sunday, January 29, 2012

ပညာရေးလောက လူလိမ်များ (၂)



မောင်သာနိုး

နိုင်ငံခြားမှာ ဘွဲ့ကို ငွေပေးဝယ်လို့ရတယ်ဆိုတာကို အထက်တန်းကျောင်းမှာကတည်းက
လူကြီးတွေပြောလို့ ကြားဘူးတယ်။ ဈေးဆိုင်မှာ B.Sc (Cal) ဆိုင်းဘုတ်
ချိတ်ဆွဲထားတာတွေ့ရလို့ ဒီဈေးသည်ကြီးတော်သားပဲလို့ အထင်ကြီးမိတာ။
အကြောင်းသိသူက
“အဲ့ဒါ အိန္ဒိယက ၀ယ်လာတာ” ပြောပြမှ စိတ်ပျက်ရတော့တယ်။
နောက်တက္ကသိုလ်ရောက်လာတော့ ဆရာတွေပြောပြလို့
သူတို့ခေတ်က မြန်မာပြည်မှာ ပထမနှစ်ကိုပဲ ဆက်တိုက်ကျနေလို့
အိန္ဒိယသွားပြီး ဘွဲ့ယူရသူတွေရှိကြောင်း သိရှိရပြန်တယ်။

အိန္ဒိယက ဆေးပညာသင်ယူလာသူတစ်ဦးကိုတော့
ကိုယ်တိုင် ဆေးကုသမှုခံယူ သိရှိခဲ့တာပါ။
မန္တလေးက ကျွန်တော့သူငယ်ချင်းတစ်ဦးရဲ့ ဦးလေးဟာ
အသက်လေးဆယ်လောက်ဘုန်းကြီးလူထွက်ပြီး အိန္ဒိယသွား၊ ဆေးပညာသင်၊
MBBS ဘွဲ့ရခဲ့ပြီး မန္တလေးကွမ်းခြံရပ်မှာ
ဒေါက်တာ.. MBBS (Calcutta) ဆိုင်းဘုတ်ချိတ် ဆေးခန်းဖွင့်နေတာပါ။
အဲဒီတုန်းက (၁၉၅၀-၆၀) ကျွန်တော့်သူငယ်ချင်းအိမ် ညအိပ်သွားစဉ် ဖျားလို့
‘ဒေါက်တာ’ ဆေးထိုးတာ ခံခဲ့ရသေးတယ်။
ထိုးတတ်တယ်၊ သက်သာပါတယ်။
အဲဒီတုန်းက စကားပြောကြရင်း
‘အိန္ဒိယမှာ ဆရာတော်တော်ကြာခဲ့မှာပေါ့’ လို့မေးမိတော့
နှစ်နှစ်လို့ဖြေပါတယ်။
မယုံလို့ ‘နှစ်နှစ်နဲ့ MBBS ရလားဆရာ’ လို့ မေးမိတော့
‘ရပါတယ်’ တဲ့။
နောက်တော့ သူငယ်ချင်းက
‘ဆေးမှူးသင်တန်းလောက်သင်ပေးပြီး MBBS ဘွဲ့ ပေးလိုက်တာနေမှာပါဗျာ’ လို့
လက်ဖက်ရည်ဆိုင်မှာ ပြောပြပါတယ်။

သူက အိန္ဒိယမှာ နှစ်နှစ်သွားနေထိုင်ကာ ပညာသင်လာပြီးမှ MBBS ဘွဲ့ယူလာကာ
မြန်မာပြည်မှာ ဒေါက်တာ ဆိုင်းဘုတ်ချိတ်တာ။
ဘယ်မှ မသွားပဲ ဒေါက်တာ ဆိုင်းဘုတ်ချိတ်၊ ဒေါက်တာ အခေါ်ခံသူလည်း
မန္တလေး ပလိုင်းရပ်မှာ တွေ့ခဲ့ရဖူးသေးတယ်။
ဆေးကုတာတော့ မဟုတ်။
ကလေးတွေကို အင်္ဂလိပ်စာသင်တဲ့ ကျူရှင်ထောင်တာ။
ဘယ်လိုလုပ်ဒေါက်တာဖြစ်လာတာလဲ စပ်စုကြည့်တော့
သူက အရင်က တရုတ်သွားစိုက်ဆရာဆီမှာ တပည့်ခံ အလုပ်လုပ်၊
လက်ထောက်သွားစိုက် ဆရာဖြစ်။
ဒါနဲ့ သွားစိုက်တဲ့ ‘ဒေါက်တာ’ လုပ်လာတာလို့ အကြောင်းသိများက ရှင်းပြတယ်။
နောက်တော့ မန္တလေးမှာ သိပ်မစားသာတော့လို့
မြင်းခြံရောက်သွားတယ် ကြားရတယ်။

(၂၀၀၄၊ ဧပြီ၊ မဟေသီ)

Friday, January 27, 2012

ပညာရေးလောက လူလိမ်များ (၁)



မောင်သာနိုး

၂၀၀၄ ဇန်န၀ါရီ ၁၉ ထုပ် Myanmar Times စာစောင်ထဲမှာ
Student learns hard lesson at foreign school with no teachers ဆိုတဲ့
ခေါင်းစဉ်နဲ့ သတင်းတစ်ပုဒ်ဖတ်လိုက်ရတယ်။
မောင်မြင့်ကျော်ဆိုတဲ့ မန္တလေးက သူငယ်လေးတစ်ဦး ငွေကုန်ကြေးကျခံပြီး
စင်္ကာပူကျောင်းတက်သွားလိုက်တာ ဟိုကျ ဆရာမရှိ ဘာမရှိနဲ့ အညာခံရမှန်းသိပြီး
တစ်ပတ်နဲ့ မန္တလေးပြန်ရောက်လာပုံ သတင်းပါပဲ။
မြန်မာပြည်က မောင်မြင့်ကျော်တင်တော့ မဟုတ်။
ဟိုမှာ ဗီယက်နမ်၊ အင်ဒိုနီးရှားစတဲ့နိုင်ငံတွေက
အလိမ်ခံကျောင်းသားတွေလည်း တွေ့ခဲ့ရသတဲ့။
နှစ်ယောက်ခန်းမှာ လေးငါးယောက် ပြွတ်သိပ်ထားတယ်။
နိုင်ငံတကာလှည့်ပြီး ကြော်ငြာကမ်း လိမ်ခဲ့တာကလား။

ကျောင်းကြော်ငြာစာအုပ်ကလေးတွေက ရောင်စုံရိုက်ထားတာ။ လှမှ လှ။
စကားလုံးတွေကလည်း ခန်းနား။ နည်းပညာတို့ စီးပွားရေးပညာတို့၊ ဘာတို့ ညာတို့နဲ့။
ကျောင်းဒါရိုက်တာဆိုသူကလည်း သူ့ဒရှိုဒလန်တွေနဲ့ ချိတ်ဆက်ကာ
မန္တလေးထိ ရောက်လာ ဟောပြော စည်းရုံးတာ။

စင်္ကာပူမှ လူလိမ်ကျောင်းရှိတာ မဟုတ်ဘူး။ အင်္ဂလန်မှာလည်း ရှိ၊
အခြားတိုင်းပြည်တွေမှာလည်း ရှိတာပါပဲ။
မြန်မာကျောင်းသားနှစ်ဦး London School of Management ဆိုတာဆီ
ပညာသင်ဖို့ အင်္ဂလန်သွားလိုက်တာ ဟိုကျ ဆရာမရှိ၊ လူမရှိ၊ ကုလားထိုင်မရှိ၊
ဘာမှ မရှိတာ ကြုံခဲ့ရပုံကိုလည်း စာစောင်ထဲမှာ ရေးထားသေးတယ်။
အဲ့ဒီလို ကျောင်းတု ကျောင်းလိမ်တွေက ပေါမှ ပေါ။
ဗဟုသုတနည်းပါးသူကလည်း အင်္ဂလန် အမေရိကန်ဆို အထင်ကြီးရှာကြတော့တာကိုး။

မြန်မာပြည်က ပညာရေးလောကမှာ လူလိမ် လူညာတွေ ထွန်းကားတာကတော့
ကျွန်တော်တို့ ငယ်စဉ်ကတည်းကပါပဲ။
ကျွန်တော့ ဇာတိမြို့စစ်ကိုင်းမှာ  အင်္ဂလိပ်စကား ဘာမှ မယ်မယ်ရရ တတ်ပုံမရှိတဲ့
လူတစ်ယောက်က မြန်မာလို အင်္ဂလိပ်အသံထွက်ပါတဲ့ စာအုပ်ကိုင်ပြီး
အင်္ဂလိပ်စကားပြောသင်တန်းဖွင့်တာကို ကြုံဖူးတယ်။
ငွေတစ်ဆယ် (အဲဒီခေတ်က ဒရ၀မ်လစာ) အကုန်ခံတက်ကြည့်ခဲ့လို့ သိခဲ့ရတာ။

နောက်တက္ကသိုလ်ရောက်လာတို့ ဘာသာစုံသင်ခွင့်ရတဲ့ခေတ်မှာ
ခုနစ်တန်းတောင် မအောင်သူက အလွတ်ပညာသင်ကျောင်းဖွင့်ပြီး
ခုနစ်တန်းအောက်လက်မှတ်တွေ ရောင်းစားတာတွေ တွေ့ခဲ့ရတယ်။
နောက်ဆယ်တန်းစာမေးပွဲ မေးခွန်းတုရောင်းစားသူများ၊
ကိုးတန်းတောင်မအောင်သူက ဆယ်တန်းမှာ မြန်မာစာတက်သင်၊
အလားတူအင်္ဂလိပ်စာတက်သင်လုပ်နေကြသူများ။

ကြာပါပြီ။ မော်လမြိုင်မှာ အင်္ဂလိပ်စကားပြောသင်တန်းလာဖွင့်ရာ
ကျွန်တော့တပည့်တစ်ဦးက သွားတက်လိုက်တယ်။ ကြာကြာမတက်လိုက်ရ။
Business ကို ‘ဘူးဇီးနက်’ အသံထွက်တာနဲ့ ထွက်ပြေးခဲ့ရသတဲ့။
ကိုယ်တိုင်တော့ အခြားတစ်ယောက် ‘ဘီးဇီးနက်စ်’ လို့ အသံထွက်တာ ကြားဘူးတယ်။
ရန်ကုန်မှာတော့ ဆယ်တန်းအင်္ဂလိပ်စာသင်တဲ့ ဆရာက
could, would ကို ‘ကွတ်လ်ဒ်’၊ ‘၀တ်လ်ဒ်’ စသဖြင့် ‘လ’ သံ (L သံ) ထည့်ဆို
သင်နေတာ တွေ့ရကြောင်း သူနဲ့ တစ်နေရာတည်း
တွဲသင်ရတဲ့ ရူပဗေဒဆရာက ပြောပြဘူးတယ်။

အဲဒီလို ကိုးတန်းတောင်မအောင်တဲ့ ဆရာဆိုသူက ကြော်ငြာထဲမှာတော့
သူ့ကိုယ်သူ ရန်ကုန်တက္ကသိုလ်မှာ တန်းစဉ်အင်္ဂလိပ်စာဂုဏ်ထူးနဲ့ ရခဲ့တယ်လို့
အရင်က ကြော်ငြာမယ်။ အခုတော့ လန်ဒန်၊ ၀ါရှင်တန် ခေါင်းထဲပေါ်လာရာ
တက္ကသိုလ် နှစ်ခု သုံးခုက အနည်းဆုံး PhD ရခဲ့ကြောင်း
ခပ်တည်တည်ကြော်ငြာမယ်။ သူ့ကြော်ငြာဖတ်ပြီး ဗြောင်ညာရဲတဲ့ သူ့သတ္တိကို
ကျွန်တော် ခေါင်းနားပန်းကြီးမိတယ်။
ဘယ်တုန်းကမှ ဆယ်တန်းမအောင်ခဲ့မှန်း ကျွန်တော်ကောင်းကောင်းသိသူ
တစ်ဦးအိမ် ရောက်သွားရာ ဘွဲ့ဝတ်စုံကြီးနဲ့ အခန့်စား ရိုက်ထားတဲ့ပုံ
ဧည့်ခန်းမှာ ချိတ်ဆွဲထားတာ တွေ့ရလို့ အံ့သြရသေးတယ်။
သူက စာပေးစာယူ သင်တန်း လုပ်စားနေတာ။

နောက်တော့ အဲသလို မြန်မာပြည်မှာ ညာနေကျပုဂ္ဂိုလ်နဲ့
နိုင်ငံခြားက လူလိမ်လူညာ သွားတွဲမိတော့တာကိုး။
အဲဒီတင် လန်ဒန်တက္ကသိုလ်က ဘာဘွဲ့၊ ၀ါရှင်တန်ဘယ်တက္ကသိုလ်က ညာဘွဲ့ရမယ်ဆိုတာတွေ
ကြော်ငြာလောကမှာ တစ်ရှိန်ထိုး ဖောင်းပွသွားတော့တာကလား။
သေသေချာချာတော့ ငယ်စဉ်ကလို သွားရောက်မလေ့လာအား။
ဒါပေမဲ့လို့ ကြော်ငြာကြည့်လိုက်တာနဲ့၊
ဒါမဟုတ်သေးဘူး၊ ညာတာပဲဆိုတာ သိလိုက်တယ်။
ကိုယ်လက်လှမ်းမှီရာကိုတော့ ‘ဒါတွေ မယုံကြနဲ့၊ လိမ်တာ ညာတာတွေဟေ့’ လို့
သတိပေးမိတယ်။ နိုင်ငံခြားက ကျောင်းလိမ်တွေ ဆိုတာက ပေါမှ ပေါ။
Time, Newsweek စတဲ့ သတင်းမဂ္ဂဇင်းတွေမှာကိုပဲ
ဘာဘွဲယူမလဲ၊ MBA လား၊ PhD လား။
ဒီလိပ်စာနဲ့ ဆက်သွယ်ပါဆိုတာတွေ ကြော်ငြာကဏ္ဍထဲ မျက်စိနောက်လောက်အောင်
တွေ့နေရတာကလား။ ဒါတွေကို မတွေ့ဖူးသူက အထင်ကြီးတာ။
ခု ဒါမြန်မာပြည် ရောက်လာတာပါပဲ။
အညှာလွယ်သူတွေကတော့
အဟုတ်မှတ် အလိမ်ခံသွားကြလေရဲ့။

ဆက်ရန်….

ဓာတ်ပုံ၊ http://moemaka.com/2011/12/maung-tha-noe/
မဟေသီ၊ ၂၀၀၄၊ ဧပြီ

Thursday, January 26, 2012

ရတနာ (၄) နိဂုံး



ရတနာ (၄) နိဂုံး
ဘုရားရှင်ပြောတဲ့ နံပါတ် (၅) ခုမြောက်ဖြစ်တဲ့
နောက်ဆုံး ရခဲတဲ့အရာကတော့
ကျေးဇူးရှိတဲ့သူတွေကို ကျေးဇူးသိပြီး ကျေးဇူးပြန်ဆပ်တတ်တဲ့ပုဂ္ဂိုလ်ကိုလည်း
လောကကြီးထဲမှာ တွေ့ရခဲတယ်တဲ့။

သားသမီးဘက်ကကြည့်မယ်ဆိုရင် မိဘတွေဟာ
အင်မတန်ကျေးဇူးကြီးမားတာဘဲ။
ဒီလိုကျေးဇူးကြီးမားတဲ့ မိဘတွေကို ကျေးဇူးသိပြီး
ကျေးဇူးပြန်ဆပ်တတ်တဲ့သားသမီးမျိုး တွေ့ရခဲတယ်။

အထက်တစ်နေရာက ပြောခဲ့တဲ့
ရခဲမှ ရတနာ၊ သိခဲမှ ပညာဆိုတဲ့ မြန်မာစကားအတိုင်း
မိဘတွေကို ကျေးဇူးသိတတ်တဲ့ သားသမီးမျိုးက တကယ့်ကို ရခဲတာ။
ကျေးဇူးသိတတ်တဲ့သားသမီးမျိုးက ရခဲလို့
ရခဲတဲ့ ရတနာဆိုတဲ့စကားနဲ့ တွဲစပ်ပြီး
သားရတနာ သမီးရတနာလို့ ခေါ်ရမှာပါ။

သားသမီးငါးယောက်ရှိတဲ့ မိဘတွေအတွက်
မိဘကို ပြန်လည်စောင့်ရှောက်တဲ့၊ မိဘကို ပြန်လည်ထောက်ပံ့တဲ့
မိဘကို ပြန်လည်ကျေးဇူးပြုတတ်တဲ့ သား သို့မဟုတ် သမီးကို
သားရတနာ သမီးရတနာလို့ ခေါ်ရမယ်။

မိဘကို ပြန်လည်မစောင့်ရှောက်၊ မထောက်ပံ့၊
မိဘကျေးဇူးမသိ ကျေးဇူးမတုန့်ပြန်တဲ့ သား သို့မဟုတ် သမီးမျိုးကို
မိဘတွေက မွေးထုတ်လိုက်တဲ့အတွက်
သား လို့ပဲ ခေါ်ရမယ်၊ သမီးလို့ပဲ ခေါ်ရပါမယ်။
သူတို့ဟာ သားရတနာ မဟုတ်ကြဘူး။ သမီးရတနာ မဟုတ်ကြဘူး။

ကျေးဇူးဆိုတဲ့စကားနဲ့စပ်လို့
သားသမီးများအနေနဲ့ မိဘတွေကို ကျေးဇူးဆပ်ဖို့
အကောင်းဆုံးနည်းလမ်းတွေကို ဘုရားရှင် ညွှန်ပြထားပါတယ်။

ဘုရားရှင် အလိုကျ
သားသမီးများအနေနဲ့ မိဘတွေကို
အကောင်းဆုံး ကျေးဇူးဆပ်နည်းတွေကတော့
(၁) အဿဒ္ဓေ သဒ္ဓါသမ္ပဒါယ သမာဒပေတိ -
ဘာသာရေး မကိုင်းရှိုင်းတဲ့ မိခင်ဖခင်တွေကို ဘာသာရေးကိုင်းရှိုင်းလာအောင်
ပြုမူဆောင်ရွက်ပေးပါ တဲ့။
(၂) ဒုဿီလေ သီလသမ္ပဒါယ သမာဒပေတိ -
သီလမရှိတဲ့ သီလမဆောက်တည်နိုင်တဲ့ မိခင် ဖခင်တွေကို
သီလရှိလာအောင် သီလဆောက်တည်နိုင်လာအောင်
သီလ ဆောက်တည်ချင်လာအောင် ပြုမူဆောက်ရွက်ပေးပါတဲ့။
(၃) မစ္ဆရီ စာဂသမ္ပဒါယ သမာဒပေတိ -
နှမျှောတွန့်တိုပြီး ဒါနမျိုးစေ့မချချင်တဲ့ မိခင်ဖခင်တွေကို
ဒါနအမှုပြုချင်လာအောင် တိုက်တွန်းပေးပါ တဲ့။
(၄) ဒုပ္ပညေ ပညာသမ္ပဒါယ သမာဒပေတိ -
(ဒီမှာ ပညာကို ၀ိပဿနာပညာ ကို ယူလိုက်မယ်၊ ဆိုတော့
ဝိပဿနာပညာမရသေးတဲ့ မိခင်ဖခင်တွေကို ၀ိပဿနာပညာတွေ ရလာအောင်
ပြုမူဆောင်ရွက်ပေးပါတဲ့။

ဒါကို အဖြောင့် ထင်သာမြင်သာအောင် ဘာသာပြန်ပြပေးရရင်
တရားမထိုင်ချင်တဲ့ မိခင်ဖခင်တွေကို
တရားထိုင်ချင်စိတ်ဖြစ်ပေါ်လာအောင် ပြုမူဆောင်ရွက်ပေးပါတဲ့။

ဘုရားရှင်က ဒီလေးမျိုးကို မိဘတွေ ကျင့်သုံးချင်လာအောင်
ကျင့်သုံးလာအောင် သားသမီးတွေအနေနဲ့
ပြုလုပ်ပေးသင့်တယ်၊ ပြုလုပ်ပေးရမယ်တဲ့။
ဒါဟာ မိဘတွေကို အကောင်းဆုံး ကျေးဇူးဆပ်နည်းနဲ့ ကျေးဇူးဆပ်တာပါတဲ့။
ဘုရားရှင်ညွှန်ပြခဲ့တဲ့ ဒီတရား ၄ ပါးကို စဉ်းစားကြည့်လိုက်ရင်
အတိတ်ကံတစ်ခုခုကြောင့် ဒီဘ၀မှာ ဆုံးစည်းလို့ မိသားစုတစ်စုတည်းမှာ
အတူတူလူလာဖြစ်တဲ့သူတွေအနေနဲ့
နိဗ္ဗာန်မရမီ သံသရာခရီးလျှောက်လှမ်းရာမှာ
အဆင့်မြင့်မြင့်လျှောက်လှမ်းရဘို့ ဒီတရားလေးပါးကို ကျင့်သုံးအောင်
အချင်းချင်း တိုက်တွန်းကြဘို့ပါဘဲ။

ဒီတရားလေးပါးကို မိသားစုအချင်းချင်း ကျင့်သုံးစေတာဟာ
သံသရာခရီးလျှောက်လှမ်းရာမှာ အဆင့်မြင့်မြင့် လျှောက်လှမ်းနိုင်ဘို့အရေး
 လက်တွဲ ခေါ်ရာလည်း ရောက်ပါတယ်။
သံသရာခရီးအတွက် ဖေးမကူညီရလည်း ရောက်ပါတယ်။

ဒါ့ကြောင့် ဒီတရားလေးပါး မကျင့်သုံးချင်တဲ့ မကျင့်သုံးနိုင်တဲ့
မိဘတွေကို ကျင့်သုံးစေတာဟာ ဒီဘ၀ကောင်းစားရေးအတွက်သာမဟုတ်ပဲ
သံသရာခရီးကောင်းစားရေးအတွက်ပါဖြစ်လို့
အကောင်းဆုံးကျေးဇူးဆပ်နည်းလို့ ဘုရားရှင်ဟောခဲ့တာနေမှာလို့ စဉ်းစားမိပါတယ်။

ဆိုတော့ကား
မိဘတွေကိုသာမဟုတ်၊
နီးစပ်ရာ ညီ အစ်ကို၊ ဆွေမျိုးသားချင်း၊ မိတ်ဆွေအပေါင်းအသင်းတို့ကိုလည်း
ဒီတရားလေးမျိုးကို ကျင့်သုံးချင်လာအောင် တိုက်တွန်းသင့်ပါကြောင်း။

ဒီရတနာ (၁) (၂) (၃) (၄) တို့ကို
အင်္ဂုတ္တိုရ်၊ ပဉ္စကနိပါတ၊ သာရန္ဒဒသုတ်ကို ကိုယ်ထည်ယူကာ
ဥပရိပဏ္ဏာသပါဠိ၊ စူဠကမ္မ၀ိဘင်္ဂသုတ်
အင်္ဂုတ္တိုရ်၊ ဒုကနိပါတ၊ သမစိတ္တ၀ဂ် ၊ ပိုဒ်ရေ ၃၄ တို့နဲ့ ထုံမွှမ်းပြီး
ကိုယ်ပိုင်စဉ်းစားဟန်တို့ဖြင့် ရောသမမွှေထားပါသည်။

Tuesday, January 24, 2012

ရတနာ (၃)



နံပါတ် (၃) ခုမြောက်ကတော့
ဘုရားရှင်ရဲ့ တရားတော်တွေကို ဟောပြပေးနေပေမဲ့
နားလည်သဘောပေါက်တဲ့သူကိုလည်း တွေ့ရခဲတယ်တဲ့။

ဟုတ်တယ်။
တခါတရံ ဘုန်းကြီးက တရားဟောပလ္လင်ပေါ်ကနေပြီး
အာပေါင်းအာရင်းသန်သန်နဲ့ ဟောကြားပေးနေပေမဲ့
တရားနာပရိသတ်ထဲက နားလည်တဲ့သူ နည်းတယ်။
ဘုန်းကြီးက သတည်း… ဆိုပြီး
အသံရှည်စွဲလိုက်လို့သာ သာဓုခေါ်လိုက်ရတယ်။
ဘာပြောသွားမှန်း ဘာဟောသွားမှန်း မသိလိုက်ဘူး။

တရားနာပရိသတ်ထောင်ချီရှိပေမဲ့ ဘုန်းကြီးဟောသွားတဲ့တရားတော်ကို
နားလည်တဲ့သူက ဆယ်ဂဏန်း၊ အလွန်ဆုံးရှိလှ ရာဂဏန်းလောက်ပဲ ရှိမယ်။

တချို့က လူကသာ တရားဟောမဏ္ဍပ် (ဓမ္မာရုံ) ထဲရောက်နေတာ၊
စိတ်က အိမ်ပြန်ရောက်ချင်ရောက်နေကြတာ။
ဒီလိုစိတ်တွေက ပျံ့လွှင့်နေတော့ ဘုန်းကြီးဟောလိုက်တဲ့တရားတော်ကို
အပြည့်အ၀ နားမလည်တော့ဘူးပေါ့။

ဒါ့ကြောင့် တရားတော်ကို နားလည်တဲ့သူကလည်း တွေ့ရခဲတယ်တဲ့။
ဒါက အပေါ်ယံနားလည်မှုကိုပြောတာပါ။

ဒီထက်နက်နက်နဲနဲပြောရရင်တော့
မိမိတို့ရဲ့ ခန္ဓာငါးပါး ရုပ်နာမ်တရားတွေရဲ့
မမြဲမှု အနိစ္စ၊ ဆင်းရဲမှု ဒုက္ခ၊ အစိုးမရမှု အနတ္တသဘောဆိုတဲ့
လက္ခဏာရေးသုံးမျိုးကို သိတဲ့သူ နားလည်တဲ့သူ တွေ့ရခဲတယ်ပေါ။
ထား။

နံပါတ် (၄) က တရားတော်တွေကို ဟောပြပေးမည့်သူလည်း ရှိတယ်။
ဟောလည်း ဟောပြပေးတယ်။
တရားနာတဲ့သူက နားလည်း နားလည်တယ်။ သိလည်း သိတယ်။

သို့တစေ
နားလည်တဲ့အတိုင်း သိတဲ့အတိုင်း
လိုက်နာကျင့်သုံးတဲ့သူကိုလည်း ဒီလောကကြီးထဲမှာ တွေ့ရခဲတယ်တဲ့။

ဟုတ်တယ်။
တချို့ နားလည်ကြပါတယ်၊ သိကြပါတယ်။
နားလည်တဲ့အတိုင်း သိတဲ့အတိုင်း လိုက်နာကျင့်သုံးမှုတော့ မရှိကြဘူး။

ဗုဒ္ဓစာပေမှာ ဒီလိုလာပါတယ်။
(၁) သူတစ်ပါး အသက်ကို သတ်ဖြတ်ခဲ့သူများသည် အသက်တိုခြင်း ၊
(၂) သူတစ်ပါးကို နှိပ်စက် ညှဉ်းဆဲခဲ့သူများသည် ရောဂါများ ဖြစ်တတ်ခြင်း ၊
(၃) ဒေါသအမျက် ကြီးသူများသည် ရုပ်ဆိုးအကျည်းတန်ခြင်း ၊
(၄) မိမိထက် စည်းစိမ်ဥစ္စာ ရာထူး စသည် သာသူများအပေါ် မနာလိုစိတ် မွေးကြသူများသည် ချစ်ခင် နှစ်သက်ဝန်းရံသူ အခြွေအရံ မရှိနည်းပါးခြင်း၊
(၅) ပစ္စည်းဥစ္စာများကို တွန့်တိုနှမျောသဖြင့်
စွန့်ကြဲပေးကမ်း လှူဒါန်းခြင်း မပြုခဲ့သူများသည် ဆင်းရဲချို့တဲ့ခြင်း ၊
(၆) မာနကြီးပြီး ဂါရ၀တရား (ရိုသေထိုက်သူကို ရိုသေခြင်း) ၊
နိဝါတ တရား (မိမိကိုယ်ကို နှိမ့်ချခြင်း) မရှိသူများသည် ယုတ်နိမ့်သော အမျိုး၌ ဖြစ်ရခြင်း ၊
(၇) မိမိ မသိမတတ်သည်များကို ပညာရှိများထံ ချဉ်းကပ်မေးမြန်း၍ ဘ၀အဆက်ဆက်
ပညာပါရမီ ဖြည့်ဆည်းခဲ့ခြင်း မရှိသူများသည် ဥာဏ်ထိုင်း အသိပညာနည်းခြင်း ဖြစ်တတ်တယ်တဲ့။

ဒီသဘောတွေကို ဘုန်းကြီးတွေ ပြောပြ ဟောပြလေ့ရှိပါတယ်။
လူတွေကလည်း နာယူမှတ်သားလေ့ ရှိပါတယ်။
နားလည်း လည်ကြပါတယ်။

ဒါပေမဲ့
ခန္ဓာကိုယ်ပေါ် ခြင်လားနား ရိုက်လိုက်တာပဲ။
အရက်ဝိုင်းတွေ့ သောက်လိုက်တာပဲ။
ဖဲဝိုင်းတွေ့ ရိုက်လိုက်တာပဲ။
နားလည်ပေမဲ့ သိပေမဲ့ မလိုက်နာ မကျင့်သုံးကြဘူး။

ဒါ့ကြောင့် နားလည်ပေမဲ့ သိပေမဲ့ နားလည်သည့်အတိုင်း သိသည့်အတိုင်း
လိုက်နာကျင့်သုံးတဲ့သူကို တွေ့ရခဲတယ်လို့ ဘုရားရှင်က ဟောကြားခဲ့တာပါ။
နားလည်သည့်အတိုင်း လိုက်နာကျင့်သုံးတဲ့သူ ရှားတယ်လို့ ဆိုလိုတယ်ပေါ့။

Sunday, January 22, 2012

ရတနာ (၂)



အိန္ဒိယ ဝေသာလီတ၀ိုက်က ကုလားတွေ စုရုံးစုရုံးနဲ့
ရတနာငါးမျိုးအကြောင်းပြောဆိုနေတုန်း ဘုရားရှင်ရောက်သွားပါတယ်။

သူတို့ပြောဆိုနေတာတွေကို ဘုရားရှင်သိတော့
“မင်းတို့ပြောနေတဲ့ ဆင်တွေ မြင်းတွေက တကယ့်ရတနာအစစ်မဟုတ်ဘူး၊
ရွှေ ငွေ ကျောက်သံ ပတ္တမြားတွေကလဲ တကယ့်ရတနာ ဘယ်ဟုတ်ရမတုန်း၊
သူဌေးဆိုတာကလဲ အလကားပါ။ မိန်းမများ ရတနာတဲ့၊ အံ့ပါရဲ့၊
တကယ့်ရတနာအစစ်က ဒါတွေကွ” ဆိုပြီး ဆက်လက်ရှင်းပြပါတယ်။

ဘုရားရှင်ရှင်းပြတဲ့ ရခဲတဲ့ ရတနာငါးမျိုးထဲမှာ
နံပါတ်(၁) ရတနာက ဘုရားဖြစ်တယ်။
လောကကြီးထဲမှာ ဘုရားရှင် တစ်ဆူနဲ့တစ်ဆူ ပွင့်ထွန်းပေါ်ပေါက်ဖို့
အင်မတန်ခဲရင်းတဲ့အတွက် ဘုရားရှင်ဟာ ရတနာဖြစ်တယ်။
ဘုရားရတနာဖြစ်တယ်။

ဘုရားရှင်ပွင့်ထွန်းပေါ်ပေါက်ဖို့ ဘယ်လောက်ကြာအောင် စောင့်ရတယ်၊
ဘယ်လောက်ကြာအောင် ပါရမီဖြည့်ကျင့်ရတယ်ဆိုတာ အားလုံးသိပြီးသားဖြစ်လို့
ရှင်းပြဖွယ်မလိုတော့ဘူး။

နံပါတ် (၂) ရတနာက
ဘုရားရှင်ရဲ့ တရားတော်တွေကို တရားတော်အတိုင်း
ပြန်လည်ဟောကြားပေးမည့်သူဖြစ်တယ်။
ဒီလိုလူကလည်း တွေ့ရခဲတယ်တဲ့။

စဉ်းစားကြည့်လိုက်ရင်
ဘုရားရှင်ရဲ့ တရားတော်တွေကို တရားတော်အတိုင်း ပြန်လည်ဟောကြားပေးတဲ့သူ ဆိုတာ
ဘုန်းကြီးတွေပဲ။

ဆိုတော့ မေးစရာရှိတာပေါ့။
“အရှင်ဘုရားကလဲ၊ ဘုန်းကြီးတွေ ပေါမှပေါ၊
ဒါ့ကြောင့် အရှင်ဘုရားပြောတယ်။ (တွေ့) ရခဲမှ ရတနာ တဲ့။
နေ့တိုင်းတွေ့နေရတဲ့ ဒီဘုန်းကြီးတွေကို ဘယ်လိုလုပ်
ရတနာစာရင်းထဲ ထည့်ထားရတာလဲ” လို့။

ဘုန်းကြီးပေါတာတော့ ဟုတ်ပါတယ်။
တရားဟောတဲ့ဘုန်းကြီးတွေ ပေါတာလဲ ဟုတ်ပါတယ်။
ဒါပေမဲ့ ဘုရားရှင်ဟောကြားတော်မူခဲ့တဲ့တရားတော်တွေကို တရားတော်အတိုင်း
တိတိကျကျ မှန်မှန်ကန်ကန် ဟောကြားပေးတဲ့ ဘုန်းကြီးကို
တွေ့ရခဲတယ်လို့ ပြောတာပါ။

ဒီလိုဘုန်းကြီးမျိုးမှ ရတနာနဲ့ တွဲစပ်ပြီး ဘုန်းကြီးရတနာလို့ ခေါ်ရမှာပါ။
ဒီလို မဟုတ်ရင် ဘုန်းကြီးတော့ ဘုန်းကြီးပဲ။ ဘုန်းကြီးရတနာ မဟုတ်ဘူးပေါ့။

သိပြီးဖြစ်တဲ့အတိုင်း တရားဟောဘုန်းကြီးတွေ အများကြီးပဲ။
တရားဟောပလ္လင်ပေါ်ရောက်တာနဲ့ သူပြောချင်ရာ စွပ်ပြောတော့တာပဲ။

ကြားဘူးတာလေး ပြောရအုံးမယ်။
တစ်နေရာမှာ ညတရားပွဲတွေ ကျင်းပတယ်တဲ့။
ကြေငြာတာ ကြော်ငြာတာကတော့ အထူးတရားပွဲ တဲ့။

ဘယ်လိုတရားပွဲတွေက ထူးတဲ့ ရှယ်တဲ့ တရားပွဲ၊
ဘယ်လိုတရားပွဲတွေက မထူးတဲ့ မရှယ်တဲ့ တရားပွဲဆိုတာ ခုထိ
ကိုယ်တော့ သဘောမပေါက်သေးဘူး။
ထား။

အဲ့တရားပွဲမှာ တကယ်နာမည်ကြီးတဲ့ဆရာတော်တွေရော၊
သူ့နည်းသူ့ဟာနဲ့ နာမည်ကြီးတဲ့ဆရာတော်တွေရော၊ မျိုးစုံပေါ့။ ဟောကြတာ။
တစ်ညကျတော့ ခပ်ရွှင်ရွှင် နာမည်အတော်အသင့်ရ
တရားဟောဆရာတော်လေး ပလ္လင်ပေါ်တက်ဟောတာပေါ့။
သီလယူပြီး သူ့တရားပွဲအဖွင့် နှုတ်ခွန်းဆက်စကားက
“ကဲ၊ ပရိသတ်ကြီး၊ မနေ့ညက ဟောသွားတဲ့ဘုန်းကြီးနဲ့
အခုဟောမဲ့ဘုန်းကြီး ဘယ်ဘုန်းကြီးက ပိုချောသတုန်း “ တဲ့။
ပရိသတ်တွေကလဲ ပြုံးပြုံး ပြုံးပြုံးနဲ့တဲ့။
ဒါမျိုးပြောတဲ့ ဟောတဲ့ဘုန်းကြီးတွေကို သဘောကျနေဟန်တူပါရဲ့၊
ဒီလိုဟောနေတဲ့ဘုန်းကြီးမျိုးကတော့ (တွေ့) ရခဲတဲ့ဘုန်းကြီး
ဘုန်းကြီးရတနာလို့ ပြောဘို့ ခက်မယ်ထင်ပါတယ်။

ဒါ့ကြောင့် နာမည်ကြီးတရားဟောဆရာတော်ကြီးတစ်ပါးက
သူ့တပည့်တရားဟောနေတဲ့ ဦးဇင်းငယ်တွေကို
“တရားဟောပလ္လင်ပေါ်တက်ရင် ပလ္လင်နဲ့ ထိုက်တန်တဲ့စကားကို ပြောဆိုရမယ်”လို့
ဆုံးမလေ့ရှိသတဲ့။
အတော်မှတ်သားစရာကောင်းပါတယ်။
တွေးရင် တွေးသလောက် လေးနက်မှုရှိပါတယ်။

ဘုန်းကြီးတွေ ပေါများတာနဲ့ စပ်လို့
နိုင်ငံရပ်ခြားမှာ နှစ်ပေါင်းမြောက်များစွာသီတင်းသုံးသာသနာပြုနေတဲ့
ပီနန်ဆရာတော်ကြီးရဲ့ စကားတစ်ခွန်းကလဲ အတော်ထိတယ်။

အရင်တုန်းကတော့ နိုင်ငံရပ်ခြားမှာ ဗမာဘုန်းကြီး နှစ်ပါး သုံးပါးလောက်သာ ရှိတာမို့လား။
ဒီတော့ ဘုန်းကြီးရဟန်းတွေနဲ့ ကင်းပြီး မနေနိုင်တဲ့ ဗုဒ္ဓဘာသာမြန်မာလူမျိုးတွေက
ပီနန်ဆရာတော်ကြီးကို
“ဗမာဘုန်းကြီးကလဲ ရှားပါလိုက်တာဘုရား၊ မူးလို့တောင် ရှူစရာမရှိတော့ဘူး”
လို့လျှောက်ကြသတဲ့။

အခု ၁၀ စုနှစ်အတောအတွင်း နိုင်ငံအသီးသီးမှာ
ဘုန်းကြီးရဟန်းများရောက်ကုန်ကြပါပြီ။
အမေရိကကိုပဲ ကြည့်မလား၊ အင်္ဂလန်ကိုပဲ ကြည့်မလား၊
အိမ်နီးချင်းနိုင်ငံများဖြစ်ကြတဲ့ မလေးရှား၊ စင်္ကာပူ၊ ထိုင်း စတဲ့နိုင်ငံတွေကိုပဲ ကြည့်မလား။
ပေါမှပေါ။ ဘုန်းကြီးတွေ။

ဒီတော့ အခန်းအနားတစ်ခုမှာ ပီနန်ဆရာတော်ကြီးက အမိန့်ရှိတယ်။
“လွန်ခဲ့တဲ့ ၁၀ နှစ်ဝန်းကျင်တုန်းကတော့ နိုင်ငံရပ်ခြားမှာ
ဗမာဘုန်းကြီးတွေ မူးလို့တောင် ရှူစရာမရှိဘူး။
အခုများတော့ ရှူရလွန်းလို့ လူတွေ မူးတောင် မူးကုန်ပြီ” တဲ့။

ဘယ်လိုပဲဖြစ်ဖြစ်လေ၊
နံပါတ် (၂) ဖြစ်တဲ့ ဘုရားရှင်ဟောကြားတော်မူခဲ့တဲ့တရားတော်များကို
တရားတော်အတိုင်း ပြန်လည်ဟောကြားပေးနိုင်တဲ့သူဖြစ်အောင်
တနည်းအားဖြင့် ဘုန်းကြီးရတနာဖြစ်အောင်
တနည်းအားဖြင့် ဘုန်းကြီးပေါ မဖြစ်အောင်တော့ ကြိုးစားရမှာပ။

Saturday, January 21, 2012

ရတနာ (၁) နောက်ဆက်တွဲ


ဒီပို့စ်ဟာ ရတနာ (၁) ပို့စ်ရဲ့ ဖြေရှင်းချက်ပါ။
ရတနာ (၁) ကိုဖတ်ပြီးမှ ကားမောင်းတာတွေ ငွေကိုင်တာတွေနဲ့ပတ်သက်လို့
အမျိုးမျိုးဝေဘန်လွန်းလို့ ပြန်လည်ရေးသားတင်ပြလိုက်ရတာပါ။
ဗုဒ္ဓသာသနာတော်ကို ကြည့်တဲ့နေရာမှာ (ရတနာ ၁-) ပို့စ်ထဲမှာ ပါသလို 
အချိန်ကာလကိုလည်း  ကြည့်ရပါမယ်။ 
နေရာဒေသကိုလည်း ကြည့်ရပါမယ်။ 
မြန်မာပြည်က ဘုန်းကြီးကိုသာ မြင်လို့ မရပါဘူး။ 
မြန်မာပြည်က ဘုန်းကြီးလိုမျိုးပုံစံတွေ သီရိလင်္ကာမှာလည်း ရှိပါတယ်။ 
ထိုင်းမှာလည်း ရှိပါတယ်။ အမေရိကမှာလည်း ရှိပါတယ်။ 
ဟိုတလောက အမေရိကရောက်မြန်မာဘုန်းကြီးတစ်ပါး ပြောတာက 
"'အမေရိကက ဒကာ ဒကာမတွေက 
ကားမမောင်းတတ်တဲ့ဘုန်းကြီး၊ ကားမရှိတဲ့ဘုန်းကြီးဆိုရင် 
ဆွမ်းစား ကွမ်းစား မပင့်လိုကြဘူး၊ 
သူတို့ကလည်း အိမ်မှာ ဆွမ်းကပ်ဖို့ ဘုန်းကြီးကို ကြိုပို့ လုပ်မပေးနိုင်ဘူး။ 
ဆိုတော့ ကြိုပို့လုပ်ပေးစရာ မလိုတဲ့ ကားလည်းရှိတဲ့ ကိုယ်တိုင်ကားလည်းမောင်းတတ်တဲ့ ဘုန်းကြီးကိုပဲ ဆွမ်းစား ကွမ်းစားပင့်ကြတာ" တဲ့။ 
မလေးရှားနိုင်ငံမှာလည်း မြန်မာပြည်ကလို ဘုန်းကြီးတွေ ပေါမှပေါ။ 
ဟိုတလောက ကထိန်ရာသီတုန်းက ပီနန်းကဘုန်းကြီးတွေကို ကွာလာလမ်ပူမှာရှိတဲ့ကျောင်းတစ်ကျောင်းက ကထိန်ပင့်တော့ 
သူတို့ကားကို သူတို့ကိုယ်တိုင်မောင်းလာတာပဲ။ 
ဒရိုက်ဘာမရှိဘူးလားလို့ မေးတော့ လခမပေးနိုင်လို့ မငှားနိုင်ဘူးလို့ပြောတယ်။ 
ဆိုတော့ သင်္ကန်းဝတ်တုန်းကတော့ သံသရာဝတ်ဆင်းရဲမှ လွတ်မြောက်လိုလို့ 
နိဗ္ဗာန်ကို လိုချင်လို့ဆိုပြီး ၀တ်လာကြတာပါဘဲ။

ဒါပေမဲ့ မသိစိတ်ရဲ့နောက်မှာ ရည်ရွယ်ချက်တွေ ပြောင်းလဲသွားပါဘီ။ 
ဒါ့ကြောင့်လည်း တောထဲသွားပြီး တရားမကျင့်ဘဲ 
အမေရိက၊ အင်္ဂလန်၊ စင်္ကာပူ၊ မလေးရှား၊ ထိုင်းစတဲ့နိုင်ငံတွေမှာ ခိုကပ်ပြီး သာသနာပြုဆိုတဲ့ခေါင်းစဉ်အောက်မှာ သီတင်းသုံးနေထိုင်နေကြတာပါ။ 
ကိုယ့်နေရာမှာ မနေပဲ ကမ္ဘာအေးလိုနေရာမျိုးတွေမှာ ဥက္ကဋ္ဌ၊ အကျိုးတော်ဆောင် ၊ အဖွဲ့ဝင်စတဲ့ရာထူးတွေကို ယူပြီး ငြိမ့်နေကြတာပါ။ 
ဒါ ပြစ်မှားပြီး ပြောတာမဟုတ်ပါဘူး။ 
အဖြစ်ကို မြင်သာအောင် ပြောပြတာပါ။ 
ဒီလိုနေနေတဲ့သူတွေကိုလည်း အပြစ်တင်စရာ မလိုပါဘူး။ 
နိဗ္ဗာန်ရောက်ဖို့မကျင့်ပေမဲ့ ပရဟိတစိတ်လေးတွေ မွေးမြုကာ ရပ်ရွာတွေမှာ မူလတန်းကျောင်းလေးတွေ ဆောက်ပေးတဲ့၊ ဆေးခန်းလေးတွေ ဖွင့်ပေးတဲ့၊ စာကြည့်တိုက်လေးတွေ တည်ထောင်ပေးတဲ့ဘုန်းကြီးတွေ အများကြီးပါ။ 
ဆိုလိုတာက ဘုန်းကြီးကိုတွေ့ရင် 
နိဗ္ဗာန်ကိုသွားဘို့ကျင့်နေသူ ဆိုတဲ့ပေတံတစ်ခုတည်းနဲ့ မတိုင်းတာဘို့ပါပဲ။ 
တခါတရံမှာ အသိဥာဏ်ရှိတဲ့ပြည်သူပြည်သားက 
တိုးတက်ချင်လို့ လုပ်ချင်ကိုင်ချင်စိတ်ရှိပေမဲ့ 
အစိုးရဆိုတာကြီးက ကြားကခံနေလို့ 
အဆင်မပြေတာကို မဝေဘန်ရတော့ဘူးလား။ 
ဘုန်းကြီးအဖွဲ့အစည်းလည်း အတူတူပါပဲ။ 
စေတနာကောင်းဘို့လိုပါတယ်။ 
ဒါကတော့ကောင်းတယ်၊ မှန်တယ်၊ 
ဒါကတော့ မကောင်းဘူး၊မမှန်ဘူးလို့ပြောဘို့ 
ဘုရားရှင်ကိုယ်တိုင်က တိုက်းတွန်းထားတာ ရှိပါတယ်။ 
ငွေကိုင်တဲ့ကိစ္စလည် ဒီနေရာမှာ တခါတည်း ရှင်းလိုက်ပါရစေ။ 
နိဗ္ဇာန်လိုချင်လို့ မြန်မာဘုန်းကြီးတွေ အမေရိကမှာ နေနေတာမဟုတ်ပါဘူး။ 
မလေးရှားမှာ နေနေတာ မဟုတ်ပါဘူး။ 
နိဗ္ဗာန်လိုချင်ရင် တောထွက်ရမှာပါ။ တောထဲမှာ နေရာမှာပါ။
တောထွက်ပြီး တရားကျင့်နေတဲ့ ၀ိနည်းလေးစားတဲ့ 
ငွေမကိုင်တဲ့ဘုန်းကြီးတွေ အများကြီးပါ။ 
အကြိမ်ကြိမ် ရှိခိုးထိုက်ပါတယ်။ ပူဇော်ထိုက်ပါတယ်။ လေးစားထိုက်ပါတယ်။ 
ဒါက တစ်မျိုးပါ။ 
နိဗ္ဗာန်မလိုချင်သေးပဲ ပရဟိတစိတ်ပေါက်နေတဲ့ 
ကိုယ့်နိုင်ငံက လူမျိုးတွေ အဆင့်အတန်းကို မြှင့်ပေးလိုတဲ့ အမေရိကရောက်နေတဲ့ မြန်မာဘုန်းကြီးတစ်ပါးအနေနဲ့ ငွေလိုတယ်။ ငွေကိုယ်ရမယ်။ 
ဒါကို အပြစ်လို့ဆိုမလား။ သူ့စေတနာက ကောင်းနေတာကိုး။ 
ဝိနည်းအရတော့ ငွေကိုင်တဲ့ဘုန်းကြီး အာပတ်သင့်တယ်။ 
ပိဋကတ်ဆိုတာ သုံးပုံရှိတယ်။ 
ဝိနည်းတစ်ခုထဲကို ကြည့်လို့မရပါဘူး။ 
ငွေကိုင်တဲ့ဘုန်းကြီး ၀ိနည်းပိဋကအလို အာပတ်သင့်တယ်။ 
မှန်ပါတယ်။ 
ဒါပေမဲ့ အဘိဓမ္မပိဋကအလို 
သူများအကျိုးလိုလားပြီး စေတနာသန့်သန့်နဲ့ ငွေကိုင်တဲ့ဘုန်းကြီးမှာ 
ကုသိုလ်စိတ်တွေ တိုးပွါးနေပါတယ်။ 
ဒါကို သဘောပေါက်ဖို့လိုပါတယ်။ 
ရွာမှာရှိတဲ့ ရွာကျောင်းဘုန်းကြီးတစ်ပါးက
 ခြံထွက်ဖြစ်တဲ့ အုန်းပင်က အုန်းသီးကို ကြည့်ပြီး လောဘစိတ်တက်နေရင် 
ဝိနည်းအရ အာပတ်မသင့်ပါဘူး။ 
အဘိဓမ္မာအရ အကုသိုလ်ဖြစ်နေပါတယ်။ 
ပိုက်ဆံမကိုင်ပဲနဲ့ ကျောင်းတစ်ကျောင်းပြီး တစ်ကျောင်း 
တိုးချဲ့ဆောက်နေတဲ့ဘုန်းကြီးလည်း အတူတူပါဘဲ။ 
စေတနာအရေးကြီးပါကြောင်းပြောပါရစေ။

Friday, January 20, 2012

ရတနာ (၁)

ရခဲတဲ့ မြတ်နိုးဖွယ်ကောင်းတဲ့ တန်ဘိုးရှိတဲ့အရာကို ရတနာတဲ့။
ရခဲမှ ရတနာ၊ သိခဲမှ ပညာဆိုတဲ့ မြန်မာအဆိုအမိန့်က
ရတနာဆိုတဲ့အဓိပ္ပါယ်ကို ထင်လင်းစေတယ်။
စိန် ရွှေ ငွေ ကျောက်သံ ပတ္တမြား စတာတွေဟာ
လွယ်လွယ်ကူကူနဲ့ မရနိုင်လို့ ရဘို့ရန် ရခဲလို့ ရတနာပစ္စည်းလို့ ခေါ်ကြတယ်။

ဒါ့ကြောင့် ဗမာလူမျိုးတစ်ယောက်ယောက်ကို
ရတနာ လို့ ပြောလိုက်တာနဲ့ သူတို့ရဲ့ အတွေးအာရုံထဲမှာ
စိန် ရွှေ ငွေ ကျောက်သံ ပတ္တမြားတွေ မြင်ရောင်လာတော့တာဘဲ။

ရတနာနဲ့ပတ်သက်လို
လွန်ခဲ့တဲ့နှစ်ပေါင်း ၂၆၀၀ ၀န်းကျင် အိန္ဒိယနိုင်ငံ
ဝေသာလီတ၀ိုက်က ကုလားတွေ ဆွေးနွေးခဲ့ဘူးတယ်။

သူတို့ဆွေးနွေးတာက
ရခဲတဲ့ မြတ်နိုးဖွယ်ကောင်းတဲ့ တန်ဘိုးရှိတဲ့ ရတနာငါးမျိုးရှိတယ်တဲ့။

နံပါတ် (၁) က ဆင်ရတနာ
ရတနာ ဆိုတာက ရခဲတာ၊ မြတ်နိုးဖွယ်ရှိတာ၊ တန်ဘိုးကြီးတာ။
ဆင်ရတနာ ဆိုတော့ တန်ဘိုးကြီးတဲ့ဆင်။
ရိုးရိုးဆင်မဟုတ်ဘူး။ တော်တဲ့ ကောင်းတဲ့ဆင်။
ရှေးတုန်းက စစ်တိုက်ရာမှာ တော်တဲ့ တတ်တဲ့ စစ်ရေးကျွမ်းကျင်ပါးနပ်တဲ့
တန်ဘိုးကြီးတဲ့ဆင် လိုအပ်မှာအမှန်ပဲ။
ဒီလိုဆင်မျိုးက ရခဲလို့ ဆင်ရတနာလို့ ကုလားတွေ ပြောကြတာနေမှာ။

နံပါတ် (၂) က မြင်းရတနာတဲ့။ ဆင်ရတနာနဲ့ သဘောသွား အတူတူပါဘဲ။

နံတ် (၃) ရတနာကတော့
ဗမာလူမျိုးတွေ ရခဲတယ်၊ မြတ်နိုးဖွယ်ဖြစ်တယ်၊ တန်ဘိုးကြီးတယ်လို့ယူဆထားတဲ့
ရွှေ ငွေ ကျောက်သံ ပတ္တမြားတွေပါဘဲ။ ရှင်းပြဖွယ်မလိုတော့ဘူး။

နံပါတ် (၄) ရတနာက မိန်းမတဲ့။ မိန်းမရတနာပေါ့။
မိန်းမကလည်း ရိုးရိုးမိန်းမတော့ မဟုတ်ဘူး။
လွယ်လွယ်ကူကူနဲ့ ရတဲ့မိန်းမ မဟုတ်ဘူး။
ရခဲတဲ့မိန်းမ။ မိန်းမရတနာ။

နောက်ဆုံး နံပါတ် (၅) ရတနာက သူဌေးရတနာတဲ့။
ငွေချမ်းသာ၊ ရွှေချမ်းသာတဲ့သူကိုလည်း
သူဌေးရတနာလို့ ကုလားတွေက ပြောတယ်။

ဒါတွေက ကုလားတွေ စားပွဲဝိုင်းထိုင် ခေါင်းချင်းဆိုင် ဆွေးနွေးပြီး သတ်မှတ်ထားတဲ့ရတနာငါးမျိုးပဲ။

ဒီရတနာငါးမျိုးထဲမှာ ဆင်ရတနာဆိုတာ သူ့ခေတ်သူ့အခါက လိုအပ်နေတော့
ကောင်းပေ့ညွန့်ပေ့ တော်ပေ့တတ်ပေ့ဆိုတဲ့ ဆင်ကို
ရတနာဆိုတဲ့စကားလုံးနဲ့တွဲပြီး ဆင်ရတနာလို့ ခေါ်တာ နားလည်လို့ရပါတယ်။
မြင်းရတနာလည်း ထို့အတူပဲ။
ရွှေငွေ ကျောက်သံ ပတ္တမြားတွေကလည်း တန်ဘိုးရှိတော့ ရတနာတွေပေါ့။
နောက်ဆုံး ပိုက်ဆံချမ်းသာတဲ့သူဌေးသူကြွယ်ကို
ရတနာနဲ့တွဲပြီး သူဌေးရတနာလို့ခေါ်တာလည်း နားလည်လို့ရပါတယ်။

ဘာပြုလို့ မိန်းမကို ရတနာ (မိန်းမရတနာ) လို့ ကုလားတွေ သတ်မှတ်ကြတယ် မသိပါဘူး။

ဘယ်လိုပဲဖြစ်ဖြစ်ပေါ့လေ၊ ဒီငါးမျိုးကို ရတနာငါးမျိုးလို့
လွန်ခဲ့တဲ့နှစ်ပေါင်း ၂၆၀၀ က အိန္ဒိယဒေသက ကုလားတွေ သတ်မှတ်ခဲ့ကြတယ်။

အရာဝတ္ထုတစ်ခုကို ဒီလိုမျိုး သတ်မှတ်ပြဌာန်းတဲ့နေရာမှာ
(၁) အချိန်ကာလ အရ
(၂) အရပ်ဒေသ အရ
မတူညီနိုင်ဘူး။ ကွဲပြားနိုင်တယ်။

လွန်ခဲ့တဲ့နှစ်ပေါင်း ၂၆၀၀ ကျော်က ကုလားတွေက
တန်ဘိုးကြီး ဆင်၊ မြင်းတွေကို ရတနာလို့ သတ်မှတ်ခဲ့ပေမဲ့
ဒီနေ့ခေတ် ၂၁ ရာစု ကုလားတွေ သတ်မှတ်နိုင်မယ် မထင်တော့ဘူး။
ဆင်တွေ မြင်းတွေဟာ ဟိုတုန်းက စစ်တိုက်ဖို့ ခရီးသွားဖို့ အသုံးဝင်ချင် ၀င်မယ်။
ဒီနေ့က ဆင်တွေနဲ့ မြင်းတွေနဲ့ ခရီးသွားရတဲ့ခေတ်လည်း မဟုတ်တော့ဘူး။

ထို့အတူပဲ။
အင်မတန်ကိုယ်လုံးကိုယ်ပေါက်ပြေပြစ်ချောမောလှပတဲ့ မိန်းမကို
သူတို့ခေတ် သူတို့အခါက မိန်းမရတနာလို့ ပြောပေမဲ့
ဒီနေ့ခေတ်တော့ ဟုတ်ချင်မှ ဟုတ်တော့မှာ။။

အဲ့ဒီခေတ် တစ်ချိန်တည်းကတောင်မှ
ဆင်၊ မြင်း၊ မိန်းမ စတာတွေကို ကုလားတွေက ရတနာစာရင်းထဲ ထည့်ထားပေမဲ့
တရုတ်တွေက ထည့်ချင်မှ ထည့်မှာ။

အရပ်ဒေသမတူရင် တန်ဘိုးထားမှုလည်း ကွဲပြားနိုင်တယ်။

ဒါနဲ့စပ်လို့ သီဟိုဠ် (သီရိလင်္ကာ) နိုင်ငံရောက်တုန်းက
အဖြစ်အပျက်လေးကို သတိရမိတယ်။

ဘုန်းကြီးတွေအနေနဲ့ လိုက်နာကျင့်သုံးရမဲ့ဝိနည်းသီလသိက္ခာပုဒ်က ၂၂၇ ခုရှိတယ်။
အဲ့ထဲမှာ သင်္ကန်းကို အ၀န်းညီစွာ (ညီညီညာညာ) ၀တ်ရုံရမည် ဆိုတဲ့
သီလသိက္ခာပုဒ်ပါတယ်။
ဒီသီလသိက္ခာပုဒ်နဲ့ပတ်သက်ပြီး မြန်မာပြည်က ဆရာတော်သံဃာတော်အများစု
လက်ခံကျင့်သုံးတာက
သင်းပိုင်လို့ခေါ်တဲ့ အောက်ပိုင်းဝတ် အောက်ခံဝတ်သင်္ကန်းကို
ဒူးအောက်လက်ရှစ်သစ်ထားပြီး ၀ိုင်းဝန်းညီညာအောင်ပြုလုပ်ကာ ၀တ်ဆင်ရမည်။
ဧကသီသင်္ကန်းလို့ခေါ်တဲ့ အပေါ်ရုံသင်္ကန်းကို ဒူးအောက် လက်လေးသစ်ထားပြီး
ဝိုင်းဝန်းညီညာအောင်ပြုလုပ်ကာ ၀တ်ဆင်ရမည် တဲ့။

သီဟိုဠ်နိုင်ငံရောက်လို့ သီဟိုဠ်သံဃာတော်များကို ကြည့်လိုက်တော့
မြို့ထဲသွားတဲ့အခါမှာဖြစ်စေ၊ ကျောင်းတွင်း နေနေတဲ့အခါမှာဖြစ်စေ
သူတို့ရဲ့သင်္ကန်းက ခြေမျက်စိ ဖုံးတဲ့အထိ ချဝတ်လေ့ရှိတယ်။

ဒါကို ၀ိနည်းနဲ့အညီ
ဒူးအောက် လက်ရှစ်သစ်၊ လက်လေးသစ် ညီညီညာညာဝတ်ဖို့
သီဟိုဠ်ကုလားဦးဇင်းတစ်ပါးကို ပြောကြည့်တယ်။

သူက
ဗမာဘုန်းကြီးတွေ သင်္ကန်းဝတ်တာ တိုလွန်းကြောင်း၊
တိုနှံ့နှံ့ မ၀တ်သင့်ကြောင်း၊ ခြေသလုံးသားပေါ်အောင် မ၀တ်သင့်ကြောင်း၊
ခြေမျက်စိဖုံးမိအောင် ၀တ်သင့်ကြောင်း၊
ဒါမှ ၀ိနည်းနဲ့ညီကြောင်း၊
ခြေသလုံးသားပေါ်နေရင် မိန်းမကလေးတွေမြင်တဲ့အခါ
ရာဂစိတ်ထကြွနိုင်ကြောင်း၊ sexy ဖြစ်ကြောင်း ပြန်ပြောပါတော့တယ်။
ဒါလဲ ဟုတ်ပေသားပဲ။

သူတို့နိုင်ငံက ကုလားမတွေက ယောက်ကျားသားတွေရဲ့ ခြေသလုံးသားမြင်ရင်
လိင်ကိစ္စထကြွတယ်ဆိုဘဲ။
သူ့အလိုအရ သူ့နိုင်ငံစိတ်စရိုက်အရ
သူတို့နိုင်ငံကို သွားပြီး ပညာသင်တဲ့ မြန်မာရဟန်းတော်များ
သင်္ကန်းဝတ်တဲ့အခါ ဒူးအောက် လက်ရှစ်သစ်၊ လက်လေးသစ်မက
ခြေမျက်စိဖုံးအုပ်သည်အထိဝတ်သင့်ပါတယ်။
ခြေသလုံးသား လုံခြုံအောင် ဖုံးအုပ်ထားသင့်ပါတယ်။

ဟိုတလောက အမေရိကရောက်မြန်မာရဟန်းတော်များ
ကားကို ကိုယ်တိုင်မောင်းပြီး ကြွချီနေတာ အာပတ်သင့်၊ မသင့် မေးပါတယ်။
ကားကိုယ်တိုင်မောင်းသွားသောရဟန်း အာပတ်အပြစ်သင့်စေ လို့
ဘုရားရှင် ဥပဒေမထုတ်ခဲ့ပါဘူး။ ဘုရားရှင်လက်ထက် ကားမှ မရှိသေးတာ။

အဲ ဒါပေမဲ့
ဝိနည်းသဘောက မကြည်ညိုသေးတဲ့သူ ကြည်ညိုအောင်၊
ကြည်ညိုပြီးသားသူ ပိုပြီးကြည်ညိုအောင် ကျင့်ဆောင်ရမှာ။

နောက်ပြီးတော့
ဘုရားရှင်ရဲ့ ၀ိနည်းတော်ဥပဒေတွေကို ပညတ်ရခြင်းရဲ့ ရည်ရွယ်ချက်က
ရဟန်းတော်များအနေနဲ့ မိမိတို့မှီခိုပြီးနေနေတဲ့ လူ့အဖွဲ့အစည်းက လက်မခံတဲ့အပြုအမူမျိုးကို
မလုပ်ရပါဘူး။ မလုပ်သင့်ပါဘူး ရှောင်ကြဉ်ရပါမယ်။

ဆိုတော့
ရဟန်းတော်များ မှီခိုနေတဲ့ အမေရိကမှာရောက်နေတဲ့ ဗုဒ္ဓဘာသာ လူ့အဖွဲ့အစည်းက
ရဟန်းတော်များ ကားမောင်းတာကို အပြစ်မမြင်ဘူး၊ အပြစ်လို့ မယူဆဘူး၊
အကြည်ညိုမပျက်ဘူးဆိုရင်
ရဟန်းတော်များ ကားမောင်းတာ ပြဿနာမဟုတ်ပါဘူး။

မြန်မာပြည်မှာတော့ ရဟန်းတော်များ ကားကို ကိုယ်တိုင်မောင်းရင်
နှာခေါင်း ရှုံ့ကြတယ်။ အပြစ်မြင်ကြတယ်။ မကြည်ညိုဘူး။
ဒီတော့ မြန်မာနိုင်ငံက ရဟန်းတော်များအနေနဲ့
(လောလောဆယ်) ကားကိုယ်တိုင်မမောင်းသင့်သေးပါဘူး။

ချုပ်လိုက်ရင်
ရဟန်းတော်များအနေနဲ့ ကိုယ်မှီခိုနေတဲ့အဖွဲ့အစည်း အသိုင်းအ၀န်း
အကြည်ညိုပျက်အောင် အမြင်ကပ်အောင် မနေသင့်ဘူး။
အဆင်မပြေဖြစ်တတ်တယ် လို့ နားလည်မိပါတယ်။

Thursday, January 19, 2012

အမြန်လုပ်ဆောင်ရမည့်အရာ



အမြန်လုပ်ဆောင်ရမည့်အရာ
အားလုံး သိပြီးသားဖြစ်တဲ့အတိုင်း 
ဗုဒ္ဓဘာသာမှာ အကြမ်းအားဖြင့်း ဂိုဏ်းကြီး ၃ ဂိုဏ်းကွဲပြားနေပါတယ်။
အဲ့ဒါတွေကတော့
(၁) မဟာယာနဗုဒ္ဓဘာသာ 
(၂) ဟီနယာနဗုဒ္ဓဘာသာ
(၃) ထေရ၀ါဒဗုဒ္ဓဘာသာ
တို့ဖြစ်ပါတယ်။

၁။ မဟာယာနဗုဒ္ဓဘာသာ
မဟာယနဂိုဏ်းရဲ့ အဓိကအချက်ကြီးက ဘုရားလောင်းဝါဒဖြစ်ပါတယ်။
လူတိုင်းလူတိုင်း သတ္တ၀ါတိုင်းသတ္တ၀ါတိုင်း ဘုရားလောင်းဆုကို ယူရမယ်လို့ ဆိုပါတယ်။
ဘုရားလောင်းဖြစ်ရမယ်၊ ဘုရားလောင်းအဖြစ်နဲ့ လောကကို ကယ်တင်ရမယ်
ပန်းတိုင်ဖြစ်တဲ့ နိဗ္ဗာန်ကို ဘုရားအလောင်းအဖြစ်နဲ့ သွားရမယ်လို့ သူတို့က ယူဆကြပါတယ်။

ဘုရားရှင်တရားတော်တွေကို ဘုရားရှင် ဟောကြားတော်မူသည့်အတိုင်း မဟုတ်ဘဲ
ကာလ၊ ဒေသ၊ ပုဂ္ဂလ အစရှိ သော အခြေအနေအရပ်ရပ်တို့နဲ့ ကိုက်ညီအောင်
ဘုရားရှင်ရဲ့ တရားတော်တို့ကို ပြုပြင်ပြီး
တပည့်သာဝကအဖြစ်၊ သီးခြားဘုရား (ဘုရားဖြစ်ကာမတ္တ) ပစ္စေကအဖြစ်ဖြင့်
နိဗ္ဗာန်ကိုမရနိုင်ဘဲ သမ္မာသမ္ဗုဒ္ဓအဖြစ်ဖြင့်သာ နိဗ္ဗာန်ကို ရနိုင်သည်ဟူ၍
ယူဆသည့် ဗုဒ္ဓဘာသာကို မဟာယာနဗုဒ္ဓ ဘာသာလို့ခေါ်ပါတယ်။

၂။ ဟီနယာနဗုဒ္ဓဘာသာ
ထေရဝါဒဗုဒ္ဓဘာသာကဲ့သို့ မူရင်းတရား အစစ်အမှန်တွေကိုလည်း
အတိအကျ မလိုက်နာနိုင် မဟာယာနတွေလောက်လည်း ပြုပြင်ဖြည့်စွက်ပယ်နှုတ်ဖို့
မလုပ်ချင်တဲ့ ဗုဒ္ဓဘာသာကို ဟီနယာနဗုဒ္ဓဘာသာလို့ ခေါ်ပါတယ်။
အခုအခါမှာတော့ ၎င်းဂိုဏ်းတို့သည် မဟာယာန ဗုဒ္ဓဘာသာဂိုဏ်းက
မျိုထားခြင်းကို ခံလိုက်ကြရသည်လို့ မဟာယာနအတွင်းမှာ တိမ်မြုပ်ကြကုန်ပြီး
ပျောက်ကွယ် သလောက် ဖြစ်သွားပါပြီ။

ဟီနယာန=နိမ့်ကျသည့်ယာဉ်ဟူ၍ နာမည်တပ်မှုကို
မဟာယာနတို့က ပြုလုပ်ခဲ့တာပါ။
ဘီစီ ငါးရာစုခန့်က စတင်ပေါ် ထွန်းခဲ့သည့်ဂိုဏ်းလို့ ဆိုနိုင်ပါတယ်။
ယခု -တိဘက်၊ ဆိကင်၊ ဘူတန်၊ နီပေါ၊ မွန်ဂိုလီးယား၊ တရုတ်၊ ကိုရီးယား၊ ဂျပန်၊ ဗီယက်နမ်
အစရှိသောနိုင်ငံ - တို့မှာမဟာယာနဗုဒ္ဓဘာသာကို ကိုးကွယ်နေကြသည်။
မှတ်ချက်။ ထေရ၀ါဒနှင့် ဟီနယာန မတူပါ။

၃။ ထေရဝါဒဗုဒ္ဓဘာသာ
ထေရဝါဒဗုဒ္ဓဘာသာက မြတ်စွာဘုရား ဟောကြားတော်မူထားတဲ့
တရားတော် မူရင်းအတိုင်း လက်ခံကျင့်သုံးပါတယ်။
ထုတ်ပယ်ခြင်း၊ ဖြည့်စွက်ခြင်းမပြုပါဘူး။
ပန်းတိုင်ဖြစ်သောနိဗ္ဗာန်သို့ ရိုးရိုးသာမန် တပည့်အဖြစ်ဖြင့် ကျင့်သုံး၍လည်း ရောက်နိုင်တယ်။ ဘုရားဖြစ်အောင် ကျင့်ကြံ၍လည်း ဘုရားဖြစ်ပြီး ပန်းတိုင်ဖြစ်သော နိဗ္ဗာန်သို့ရောက်နိုင်တယ်။

ထေရဝါဒဗုဒ္ဓဘာသာကို
၁။ မြန်မာ၊ ၂။ ထိုင်း၊ ၃။ သီရိလင်္ကာ၊ ၄။ ကမ္ဗောဒီးယား၊ ၅။ လော-နိုင်ငံတို့မှာ
ကိုးကွယ်နေလျက် ရှိပါတယ်။
ထေရဝါဒဗုဒ္ဓဘာသာဟူသည်မှာ မြတ်စွာဘုရား၏ တရားတော်ကို
မြတ်စွာဘုရား ဟောကြားတော်မူသည့်အတိုင်း မပြုမပြင်၊ မဖြည့်မစွက်၊ မပယ်မနှုတ်ဘဲ
လိုက်နာကျင့်သုံး သည့် ဗုဒ္ဓဘာသာကို ခေါ်တာပါ။

ထေရ၀ါဒဗုဒ္ဓဘာသာကို လက်ခံထားတဲ့ ငါးနိုင်ငံထဲက
သီရိလင်္ကာမှာ နေခဲ့ဘူးတာဆိုတော့
သီရိလင်္ကာနိုင်ငံအကြောင်း နည်းနည်းလေး ပြောကြည့်ရအောင်။

သီဟိုဠ်နိုင်ငံမှာ ဘာသာရေးပွဲတွေ အထူးသဖြင့် Vesak Festival လို့ခေါ်တဲ့
ကဆုန်လပြည့် ဗုဒ္ဓနေ့ပွဲတော်အခန်းအနားတွေမှာ 
လူကြီး၊ လူငယ်၊ လူရွယ်၊ လူလတ် အကုန်လုံးပါဝင်ဆင်နွှဲကြတာကို
တွေ့ခဲ့ဘူးပါတယ်။

သီဟိုဠ်ဘုန်းကြီးကျောင်းတွေမှာ ကဆုန်လပြည့် ဗုဒ္ဓနေ့မှာ
၁၀-နှစ်၊ ၁၂-နှစ်အရွယ်ကလေးငယ်လေတွေရဲ့ ဗုဒ္ဓ၀င်ပန်းချီပြိုင်ပွဲ၊ 
ပြပွဲလေးတွေကို တခုတ်တရ ကျင်းပပေးပါတယ်။
ဘုန်းကြီးများက ပြိုင်ပွဲဝင်ကလေးတွေကို 
အမှတ်တရပစ္စည်းလေးတွေ လက်ဆောင်ပေးပါတယ်။
မြန်မာပြည်က အောင်ခြင်းရှစ်ပါးလို ဗုဒ္ဓဘာသာဇာတ်လမ်းနဲ့သက်ဆိုင်တဲ့
ကလေးတွေရေးဆွဲထားတဲ့ ပန်းချီကားလေးတွေကို
မိဘတွေ မိဘသူငယ်ချင်းတွေ ရပ်ကွက်လူကြီးလူငယ်တွေ
တငေးတမောလာရောက်ကြည့်ရှုခံစားအားပေးကြပါတယ်။
အတော်ကြည်နူးစရာပါ။

ဒီလို ၁၀-နှစ်၊ ၁၂-နှစ်အရွယ်ကလေးငယ်က ဘာလို့ ဗုဒ္ဓ၀င်တွေကို 
သိပြီး ပန်းချီရေးဆွဲနိုင်ရတာလဲ။

နောက်အံ့သြဖွယ်တစ်ခု ကြုံခဲ့ရပါသေးတယ်။

အင်္ဂလိပ်စာတိုးတက်ဖို့အတွက် သီဟိုဠ်၊ ကိုလံဘိုမြို့မှာရှိတဲ့
အင်္ဂလိပ်စာအလေးပေးသင်ပေးတဲ့ကောလိပ်တစ်ခုတက်ဖြစ်ပါတယ်။
အသက်၁၈ နှစ်ဝန်းကျင်လူငယ်လေးတွေနဲ့အတူတက်ရပါတယ်။
အဲ့ကောလိပ်မှာ နိုင်ငံခြားသားဦးဇင်းတွေလဲ တက်ကြပါတယ်။
အဲ့တုန်းက ကမ္ဗောဒီးယားနိုင်ငံက ဦးဇင်းလေးတစ်ပါးနဲ့ စာသင်ခန်း တစ်ခန်းထဲမှာ
အတူသင်ရတယ်။ အဲ့ဒီဦးဇင်းလေးက အတော်အနောက်သန်တာပဲ။
တစ်နေ့
အတန်းဖော်ကောင်လေးတစ်ယောက်ကို သူပြောတယ်။
မင်းတို့နိုင်ငံက ကလေးမတွေ အသားမဲလို့ မလှဘူးထင်နေတာ။
အင်း၊ တချို့ကလေးမတွေက လှသားပဲ။ ချစ်ဖွယ်ကောင်းသားပဲတဲ့။

သူသုံးနှုန်းတဲ့အင်္ဂလိပ်စကားကကတော့
I thought the girls in your country are not pretty as their complexion is dark;
But some are pretty and lovely လို့ထင်တယ်။
ကောင်းကောင်းတော့ မမှတ်မိတော့ပါဘူး။

ကမ္ဗောဒီယားဦးဇင်းက ဒီလိုပြောတော့
အပြောခံရတဲ့ အတန်းဖော်သီဟိုဠ်ကုလားလေးက
တဏှာယ ဇာယတီ သောကော၊ တဏှာယ ဇာယတီ ဘယံ
တဏှာယ ၀ိပ္ပမုတ္တဿ၊ နတ္တိ သောကော ကုတော ဘယံ
ဆိုတဲ့ ဓမ္မပဒပါဠိတော်မှာလာတဲ့ ဂါထာလေးတစ်ပုဒ်ကို ရွတ်ဆိုပြတယ်ဗျာ။
ကမ္ဗောဒီးယားဦးဇင်းတောင် မျက်လုံးပြူးသွားတယ်။
ဂါထာရဲ့အဓိပ္ပါယ်က 
From craving springs grief, from craving springs fear;
For him who is wholly free from craving
There is no grief, much less fear. တဲ့။

မြန်မာလိုတော့
လိုချင်တတ်မက်တတ်တဲ့တဏှာကြောင့် စိုးရိမ် ကြောက်ရွံ့စိတ်တွေဖြစ်ပေါ်လာတတ်ပြီး
လိုချင်တတ်မက်တတ်တဲ့တဏှာက လွတ်ကင်းအောင် နေထိုင်နိုင်မှသာ
စိုးရိမ်ကြောက်ရွံ့စိတ်တွေ ကင်းဝေးမှာ။

ဒီနေရာမှာ ပြောချင်တာက
သီဟိုဠ်နိုင်ငံက ဆယ်ကျော်သက်တွေ ဘာလို့များ ဘယ်လိုကြောင့်
ဒီလိုပါဠိဂါထာတွေကို သိနေပြီး လိုရင်လိုသလို အသုံးချနိုင်ရတာလဲ။

စုံစမ်းကြည့်တော့ သီဟိုဠ်နိုင်ငံမှာရှိတဲ့
Sunday Dhamma School 
(တနင်္ဂနွေနေ့ ဗုဒ္ဓဘာသာယဉ်ကျေးမှုသင်တန်း) ကြောင့်
ဆိုတာ သိလာရတယ်။

သီဟိုဠ်နိုင်ငံမှာ ဗုဒ္ဓဘာသာကျောင်းသူကျောင်းသားတိုင်း
တနင်္ဂနွေနေ့မှာ ဗုဒ္ဓဘာသာယဉ်ကျေးမှုသင်တန်းကို တက်ရတယ်။
ဒီလိုမျိုးသင်တန်းကို ၁၈၈၁ ခုနစ်ကတည်းက စတင်သင်ကြားပို့ချခဲ့တာတဲ့။
ဆိုတော့ အခု နှစ်ပေါင်း ရာကျော်သွားပြီ။

ဒါ့ကြောင့် အခုသီဟိုဠ်နိုင်ငံကို အုပ်ချုပ်နေတဲ့ သမ္မတ၊ ၀န်ကြီး၊ ဗိုလ်ချုပ်ကြီးများဟာ
Sunday Dhamma School ကျောင်းဆင်းတွေချည်းပါဘဲတဲ့။

Sunday Dhamma School ကို စတင်တည်ထောင်သူကတော့
အမေရိကန်နိုင်ငံသား သာသနာ့အလံကို တည်ထွင်သူ
Henry Olcott ဆိုသူဖြစ်ပါတယ်တဲ့။

(သာသနာ့အလံ တည်ထွင်ထားတာ 
ကမ္ဘာအေးက နိုင်ငံတော်သံဃာ့မဟာနာယကအဖွဲ့ မဟုတ်ဘူးနော်။ :P)
ဗုဒ္ဓ၀င်၊ ရာဇ၀င်၊ ယဉ်ကျေးမှုစတာတွေကို သင်ပေးတာပါ။
နိုင်ငံတော်အစိုးရကိုယ်တိုင်က ပညာရေးစနစ်ကို စနစ်တကျ သတ်မှတ်ပေးပြီး
စည်းမျဉ်းဥပဒေနဲ့အညီ ဖွင့်လစ်ပေးထားတာပါ။
သင်တန်းနေရာက ဘုန်းကြီးကျောင်းမှာပဲ။

အချို့စွမ်းနိုင်တဲ့ဘုန်းကြီးများက
Sunday Dhamma School မှာ ကျောင်းအုပ်အဖြစ်တာဝန်ယူပြီး
ဆရာ ဆရာမများနဲ့ ၀ိုင်းဝန်းသင်ကြားပေးပါတယ်။
အချို့ဘုန်းကြီးများကတော့ အကူလောက်ပါဘဲ။
ဆရာ၊ ဆရာမတွေက စေတနာ့ဝန်ထမ်းတွေပါ။
ဆရာ၊ ဆရာမဖြစ်ဖို့ သင်တန်းတက်ရပါတယ်။

ဆရာဖြစ်သင်တန်းမှာ 
၁၊ ကုသိုလ်ကံ အကုသိုလ်ကံ၊ ကံ၏အကျိုးတရားများ
၂။ ခန္ဓာ၊ အာယတန၊ ဓာတ်၊ သစ္စာ
၃။ ပဋိစ္စသမုပ္ပါဒ်။ သမထ ၀ိပဿနာတို့ဖြစ်ပါတယ်။

Sunday Dhamma School ကျောင်းသူ ကျောင်းသားများလည်း
အစိုးရကျောင်းများမှာ ၅ နှစ်သားအရွယ်က စတင်ပြီး ပညာသင်ယူရသလို
၅ နှစ်သားအရွယ်က စတင်ပညာသင်ယူရပါတယ်။
အစိုးရကျောင်းမှာရှိတဲ့အတန်းလိုပဲ အတန်းများကို ခွဲခြားသတ်မှတ်ထားပါတယ်။

၁။ သူငယ်တန်း
၂။ ၁ တန်းမှ ၁၀ တန်း (Grade 1 to Grade 10)
၃။ နောက်ဆုံးအဆင့် ၁၊ အဆင့် ၂ (Final 1, 2)ဆိုပြီး
အတန်းပေါင်း ၁၃ တန်း (၁၃-နှစ်) သင်ကြားပေးပါတယ်။

ပြဋ္ဌာန်းစာတွေကတော့
ငါးရာ့ငါးဆယ်လာဇာတ်တော်များ၊ ဓမ္မပဒကျမ်းလာ ဘုရားလက်ထက်က အဖြစ်အပျက်များ၊
ဗုဒ္ဓ၀င်ကဗျာများ၊ ပါရမီ ၁၀ပါး၊ ဒါန သီလ စတဲ့ ပုညကိရိယ၀တ္ထု ၁၀ ပါးအကြောင်း၊
ဘုရားဖြစ်တော်စဉ်ဗုဒ္ဓ၀င်၊ ပရိတ်ကြီးပါဠိ အဓိပ္ပါယ်၊ အဘိဓမ္မာသဘောသဘာဝ၊
သုတ္တနိပါတလာ မှတ်သားဖွယ်ရာများ၊ သီဟိုဠ်ဗုဒ္ဓဘာသာသမိုင်း၊ 
ရှေးဟောင်းယဉ်ကျေးမှုဗိသုကာများအကြောင်း၊ 
ရှေးဘုရင်တို့၏အောင်ပွဲနှင့် စစ်သူကြီးများ၏အစွမ်းသတ္တိတို့ကို ဖော်ပြထားတဲ့ ရာဇ၀င်များ၊
ထေရ၀ါဒဗုဒ္ဓဘာသာနဲ့ မဟာယာနဗုဒ္ဓဘာသာအကြောင်းတို့ဖြစ်ပါတယ်။
တနင်္ဂနွေနေ့ နံနက် ၇ - နာရီလောက်ကစပြီး ရိုးရာဝတ်စုံဖြစ်တဲ့ 
အထက်အောက် အဖြူရောင်ဝတ်စုံကိုသာ ၀တ်ဆင်ပြီး
ကျောင်းကို လာကြရပါတယ်။

ပန်း၊ အမွှေးတိုင်၊ ဖယောင်းတိုင်စသည်တို့ကို ယူလာပြီး
ကျောင်းဝင်းရှိ ဗောဓိပင်အနီး ပန်းတင်ခုံပေါ်မှာ တင်ထားရပါတယ်။
၈ နာရီခွဲမှာ ကျောင်းသူ ကျောင်းသားများ သူ့နေရာနှင့်သူ တန်စီပြီး
ပန်း၊ ရေချမ်းစသည်တို့ကို ဘုရားကို ကပ်လှူပါတယ်။
ပြီးတော့ သီလယူပါတယ်။ ကျောင်းတိုက်မှာရှိတဲ့ဆရာတော်က သြ၀ါဒဆက်ပေးပါတယ်။
ပြီးမှ စာသင်ခန်းထဲဝင်ပြီး ဗုဒ္ဓဘာသာယဉ်ကျေးမှုစာများကို စတင်သင်ရပါတယ်။

၁၂ နာရီခွဲမှာ သင်တန်းအားလုံးပြီးပါတယ်။
သင်တန်းပြီးချိန်မှာ ကျောင်းသူကျောင်းသားများဟာ
စာသင်ခန်းထဲကနေပြီး ဗောဓိပင်ရှိရာမျက်နှာမူကာ မေတ္တာပို့ ဆုတောင်းပြီး
စာသင်ခန်းထဲမှ ထွက်ခွါကြရပါတယ်။

ဒီလိုအလေ့အကျင့်ဟာ တစ်ရက်မဟုတ်၊ တစ်လမဟုတ်၊ တစ်နှစ်မဟုတ်၊ 
၁၃-နှစ်ကြာ တက်ရကြောင်းသိရပါတယ်။

နောက်တစ်ခုထပ်သိရတာက 
ဘွဲ့ရလို့ အလုပ်လျှောက်တဲ့အခါမှာလည်း
Sunday Dhamma School အောင်လက်မှတ်က အရေးပါပြန်တယ်တဲ့။
ဒီအောင်လက်မှတ်ပြနိုင်တဲ့သူ၊ 
Sunday Dhamma School မှာ အမှတ်ကောင်းကောင်းနဲ့
အောင်မြင်ခဲ့တဲ့သူဟာ အလုပ်လျှောက်ရာမှာ များစွာ အထောက်အကူဖြစ်တယ်တဲ့။
ဦးစားပေးခံရတယ်တဲ့။

သီဟိုဠ်နိုင်ငံမှာရှိတဲ့ ဗုဒ္ဓဘာသာဝင်တွေနဲ့ပတ်သက်ပြီး
သီဟိုဠ်နိုင်ငံမှာနှစ်အတန်ကြာနေဘူးတဲ့ မြန်မာဘုန်းကြီးတစ်ပါးက
အခုလိုပြောဘူးတယ်။

“သီဟိုဠ်မှာရှိတဲ့ ဗုဒ္ဓဘာသာဝင်ကလေးသူငယ်များဟာ
ဘာသာပြောင်းတယ်ဆိုတာ မရှိဘူး၊ 
ဘာ့ကြောင့်လဲဆိုရင် ကလေးဘ၀က စတင်ပြီး 
အခြေခံဗုဒ္ဓစာပေများကို စနစ်တကျ သင်ယူခဲ့ရသည့်အတွက်
ဗုဒ္ဓဘာသာရဲ့တန်ဘိုးကို ကိုယ်ကိုယ်တိုင်သိရှိနေကြပြီလေ၊ 
ဒီတော့ ကိုယ့်ဗုဒ္ဓဘာသာကို ဘယ်သောအခါမှ ကျောမခိုင်းတော့ဘူး”
ဟုတ်တယ်။ သီဟိုဠ်သားတွေက ဗုဒ္ဓဘာသာကို အသက်နဲ့လဲပြီးချစ်ကြတာ။
ဗုဒ္ဓဘာသာကိုတော့ လာမစော်ကားနဲ့။ နည်းနည်းလေးမှ သည်းမခံဘူး။
ဒါ့ကြောင့် ဗုဒ္ဓဘာသာနဲ့ပတ်သက်လို့ ကမ္ဘာကို တင်ပြစရာရှိရင်
သီဟိုဠ်သားတွေပဲ တင်ပြနေတာ။
ဒို့နိုင်ငံလည်း ဒီလိုသင်တန်းတွေ ဖွင့်ချိန်တန်ပြီ။ 
ဒီတစ်နှစ် နှစ်နှစ်အတွင်း ဒီလိုမျိုးသင်တန်းတွေစနိုင်ရင်
အချိန်မနှောင်းသေးဘူးလို့ ယူဆပါတယ်။
ဒီထက်နောက်ကျသွားရင်တော့…၊

အနာဂတ် မြန်မာပြည် ဗုဒ္ဓဘာသာအခြေအနေ မတွေးဝံ့စရာပင်။

ပြီးခဲ့တဲ့သင်္ကြန်တွင်းက မန္တလေးမြို့၊ နိုင်ငံတော်ပရိယတ္တိသာသနာ့တက္ကသိုလ်မှာ
သာသနာ့ဘောင်တွင်း ခေတ္တခဏ၀င်ရောက်ခဲ့သော ဒုလ္လဘရဟန်းတော်များအား
ဟောပြောဆွေးနွေးခဲ့သောအကြောင်းအရာဖြစ်ပါသည်။
ဒီဟောပြောချက်ကို လင်္ကာတမန်မဂ္ဂဇင်းထဲက နောင်တော်ဦးဒေ၀ိန်ရေးထားသော ဆောင်းပါးနှင့်
ရေစကြိုအရှင်ဧသိကရေးထားသော ထေရ၀ါဒဗုဒ္ဓဘာသာစာအုပ်တို့ကို မှီငြမ်းပြီး
ဟောပြောဆွေးနွေးတင်ပြထားပါသည်။

Wednesday, January 18, 2012

တရုတ်နှစ်ကူးပွဲ

ဗုဒ္ဓဘာသာဝင်သူတော်စင်အပေါင်းတို့ခင်ဗျား...
ကျွန်တော်များကပုန်းဘုန်းတော်ကြီးကျောင်းတွင်
တရုတ်နှစ်သစ်ကူးအချိန်အခါသမယ၀ယ်
နှစ်စဉ်ကျင်းပမြဲဖြစ်သော
စုပေါင်းဒုလ္လဘရဟန်းခံပွဲကြီးကို
တဖက်ပါအစီအစဉ်အတိုင်း စည်ကားသိုက်မြိုက်စွာ
ဆင်ယင်ကျင်းပမည်ဖြစ်ပါသောကြောင့်
စေတနာကြည်လင်ဗုဒ္ဓဘာသာဝင်သူတော်စင်များ
လာရောက်ကြည်ညိုသဒ္ဓါပွါးများနိုင်ရန်အတွက်
လေးစားစွာဖိတ်ကြားအပ်ပါသည်။


အစီအစဉ်
၂၁၊ ၁၊ ၂၀၁၂ စနေနေ့
ညနေ (၅) နာရီ ဆံချ
ညနေ (၇) နာရီ ရှင်သာမဏေ၀တ်

၂၂၊ ၁၊ ၂၀၁၂ တနင်္ဂနွေနေ့
နံက် (၇း၀၀) နာရီ အရုဏ်ဆွမ်းဆက်ကပ်
(၉း၀၀) နာရီ သိမ်ဝင်
(၁၀း၃၀) နာရီ သိမ်ဆင်း (၃၅ ပါးခန့်)
(၁၀း၃၀) နာရီ ပရိသတ်ဧည့်ခံ
(၁၁း၃၀) နာရီ နေ့ဆွမ်းဆက်ကပ်
မွန်းလွဲ (၁း၀၀) နာရီ တရားဟော၊တရားစခန်းပွဲစ

နေရာ
ကပုန်းကျောင်း
19, Jalan 38, Desa Jaya,
Kepong 52100
HP - 017 24 22 336

ဒုလ္လဘရဟန်းတော်များလိုက်နာရမည့်စည်းကမ်းများ 
(Rules & Regulations)
ဒုလ္လဘရဟန်းတော်များသည် 
The Temporary monks
၁။ ကျောင်းတိုက်အတွင်း၌သာ သီတင်းသုံးနေထိုင်ရမည်။ (အရေးပေါ်ကိစ္စတစုံတရာမရှိပဲ (သို့) ကျောင်းထိုင် ဘုန်းကြီး၏ခွင့်ပြုချက်မရပဲ အပြင်သို့ထွက်ခွင့်မပြု)
1: Must stay in the precinct of the monastery for the entire duration of the programme, except in the case of emergency or when special permission is obtained from the Abbot.
၂။ ကျောင်းထိုင်ဆရာတော် (တရားပြဆရာတော်) ၏ တရားနည်းလမ်းကျ ဆုံးမသွန်သင်မှုများကို တသွေ မတိမ်း လိုက်နာကျင့်သုံးရမည်။
2: Must follow the Abbot’s (meditation master’s) instructions, so long as they accord with the Dhamma Vinaya.
၃။ ကျောင်းထိုင်ဆရာတော်၏ခွင့်ပြုချက်မရပဲ မိုဘိုင်းဖုန်းနှင့် အခြားသောဆက်သွယ်ရေးကြိယာ ပစ္စည်း များကို သုံးစွဲခွင့် မပြု။ အကယ်၍ ယင်းပစ္စည်းများ ကျောင်းသို့ သယ်ဆောင်လာပါက ပစ္စည်းလုံခြုံရေး အတွက် ကျောင်းထိုင်ဆရာတော်ထံ အပ်နှံထားပြီး တရားစခန်းပွဲ ပြီးဆုံးသွား သော အခါမှသာလျှင် ပြန်လည် ယူဆောင်သွားရမည်။
3: Mobile phones and pagers are not to be used during the meditation retreat except with special permission of the Abbot. If brought, they must be deposited upon registration for safekeeping until the end of the programme.
၎။ စားဖွယ်သောက်ဖွယ်များ၊ ရေဒီယို၊ လက်ဝတ်ရတနာပစ္စည်းများနှင့် အခြားသောရဟန်းတော်နှင့် မအပ် စပ်သည့် ပစ္စည်းများအား မိမိနှင့်အတူထား၍ သုံဆောင်ခွင့်မပြု။
4: Also not allowed are foodstuff, radio, jewellery and other unsuitable items.
၅။ ဆေးလိပ်၊ စီးကရက်သောက်ခြင်း၊ ကွမ်းဝါခြင်းတို့အား (လုံးဝ) ခွင့်မပြု။
5: Smoking and chewing betel are STRICTLY prohibited.
၆။ မိမိနေရာ၊ မိမိပတ်ဝန်းကျင်နှင့် ကျောင်းတိုက်အသုံးအဆောင်ပစ္စည်းတို့ကို သန့်သန့်ရှင်းရှင်း ရှိနေစေရ မည်။
6: Must maintain cleanliness and care of allocated lodging and other monastery facilities.

ကပုန်းကျောင်းဆရာတော်
(Abbot)

နိဗ္ဗာန်ဆိုတာ



ဒကာကြီး
နိဗ္ဗာန်ဟူသောတရားသည် တကယ်ပင် ရှိပါသလားဘုရား။
အကယ်၍ ရှိပါက ထိုတရားသည် အဘယ်မှာနည်း။
မည်သည့်တရားနှင့် တူပါသနည်းဘုရား။

ဆရာတော်
ဒကာကြီးရဲ့ အမေးပုစ္ဆာဟာ တစ်ချက်ခုတ် သုံးချက်ပြတ် မေးခွန်းဘဲ ဒကာကြီးရဲ့။
မေးခွန်းကို ဖြေရာမှာ ဦးပဉ္ဇင်းဟာ တာဝန်သုံးခုကို တခါတည်း ထမ်းဆောင်ရလိမ့်မယ်။
ပထမတာဝန်က နိဗ္ဗာန်ဆိုတဲ့တရားဟာ တကယ်ရှိကြောင်း ပြဘို့ဖြစ်တယ်။
ဒုတိယတာဝန်ကတော့ နိဗ္ဗာန်ဟာ ဘယ်နေရာမှာရှိတယ်ဆိုတာပြဘို့ ဖြစ်တယ်။
တတိယတာဝန်ကတော့ နိဗ္ဗာန်ရဲ့အသွင်အပြင်လက္ခဏာကို ဖော်ထုတ်ပြဘို့ဖြစ်တယ်။
ပထမဆုံးတာဝန်ဖြစ်တဲ့ နိဗ္ဗာန်ဆိုတဲ့တရားဟာ တကယ်ရှိကြောင်း ပြဘို့ရာ ဒကာကြီးကို
ဦးပဉ္ဇင်းက ပြန်ပြီး မေးရလိမ့်ဦးမယ်။ ကဲ ဒကာကြီးကလဲ ဖြေပါဦး။

ဆရာတော်
ယနေ့ကမ္ဘာပေါ်မှာ ရှိနေကြတဲ့လူတွေ အားလုံးဟာ
အသက်တစ်ရာထိအောင် နေကြရပါ့မလား။

ဒကာကြီး
အသက်တစ်ရာထိအောင် နေကြရမှာ မဟုတ်ပါဘူးဆရာတော်။

ဆရာတော်
သူတို့တတွေ ဘာဖြစ်ကုန်ကြပါမလဲ ဒကာကြီး
ဤတွင် ဆရာတော်က သင်ပုန်းပေါ်၌
တဖက်မှ နိဗ္ဗာန်ဟူသောတရား တကယ်တမ်းတည်ရှိနေပုံနှင့်
အခြားတဖက်မှ စကြာဝဠာကြီးနှင့်တကွ
ဤစကြာဝဠာကြီးပေါ်တွင် ရှိရှိသမျှသောသတ္တ၀ါတို့၏ မတည်မမြဲ ဖောက်ပြန်တတ်သည့်
သဘောတို့ကို အောက်ပါအတိုင်း နှိုင်းယှဉ်ရေးသားပြပါသည်။

စကြာဝဠာကြီးနှင့်ဆန့်ကျင်ဘက်နိဗ္ဗာန်
၁။ သေခြင်းတရားရှိ၏။
၁။ သေခြင်းတရားမရှိ။

၂။ အိုခြင်းတရားရှိ၏။
၂။ အိုခြင်းတရားမရှိ။

၃။ နာခြင်းတရားရှိ၏။
၃။ နာခြင်းတရားမရှိ။

၎။ ဒုက္ခနှင့်ဆင်းရဲခြင်းရှိ၏။
၎။ဒုက္ခနှင့်ဆင်းရဲတို့မှကင်းငြိမ်းသည့်တကယ့်ချမ်းသာသုခရှိ၏။

၅။ မတည်မြဲ။
၅။ တည်မြဲ၏။

၆။ စိတ်နှင့်ကံတို့၏ဖန်ဆင်မှု။
၆။စိတ်နှင့်ကံတို့ကမဖန်ဆင်း (အသင်္ခတဓာတ်)

၇။ ပျက်စီး၏ (အနိစ္စ)
၇။ မပျက်စီးနိုင် (နိစ္စ)

၈။ အစအဆုံးရှိ၏ (အာဒိအနန္တ)
၈။ အစအဆုံးမရှိ (အနာဒိအနန္တ)

၉။ မသန်းရှင်းချေ။
၉။ သန့်ရှင်း၏။

၁၀။ မွေးဖွးကြရ၏ (ဇာတိ)
၁၀။ မွေးဖွားကြရခြင်းမရှိ (အဇာတိ)

၁၁။ မသိမမြင်ခြင်း၊ စွဲလန်းခြင်း၊ လိုချင်တတ်မက်ခြင်း၊ စိတ်ဆိုးခြင်း၊
ကြမ်းတမ်းခြင်း၊ ရန်ငြိုးဖွဲ့ခြင်းစသည့် တရားများရှိ၏။
(အ၀ိဇ္ဇာ၊ ဥပါဒါန်၊ လောဘ၊ ဒေါသ)
၁၁။ ဤတရားများအားလုံးမှ ကင်းစင်၏။
၁၂။ သံယောဇဉ်ကြိုး (၁၀) ချောင်းဖြင့်နှောင်ဖွဲ့ထား၏။
၁၂။ မည်သည့်သံယောဇဉ်ကြိုးမျှ မရှိ။

၁၃။ အနှောင်အဖွဲ့ရှိ၏။
၁၃။ လွတ်လပ်၏။

၁၄။ သံသရာအတွင်း၌ရှိ၏။
၁၄။ သံသရာမှ လွတ်မြောက်၏။

၁၅။ အရသာများရှိ၏။
၁၅။လွတ်မြောက်သည့်အရသာ တစ်ခု တည်းသာ ရှိ၏။

၁၆။ အာသာပြေမှုမရှိ။
၁၆။ အာသာပြေလျက်ရှိ၏။

၁၇။ ချိုးနှိမ်၍ရ၏(သံဝရသဘောရှိ၏)
၁၇။ ချိုးနှိမ်၍ မရ။ အသံဝရသဘောရှိ၏။

၁၈။ အကန့်အသတ်ရှိ၏။
၁၈။ အကန့်အသတ်မရှိ။

၁၉။ ခံစားခြင်း (ဝေဒနာ) နှင့် တတ်မက်ခြင်း (တဏှာ)တရားတို့ဖြင့် အီနေ၏။
၁၉။ ဝေဒနာနှင့်တဏှာတရားတို့မှ လွတ်မြောက်၏။

၂၀။ တကယ်မရှိ(ပရမတ်မဟုတ်) ၊ မမြဲ။
၂၀။ တကယ်ရှိ၏။ (ပရမတ်) မြဲ၏။

၂၁။ စကြာဝဠာသည် တကယ်မရှိ။
၂၁။ နိဗ္ဗာန်သည် တကယ်ရှိ၏။

ဆရာတော်
(အထက်ပါအတိုင်း သင်ပုန်းပေါ်၌ ရေးသားပြပြီးနောက်)
ကဲ၊ ဒကာကြီး၊ အခု ဦးပဉ္ဇင်းရေးပြထားတဲ့ ဆန်းစစ်ချက်အရ နိဗ္ဗာန်ဆိုတဲ့တရားဟာ
တကယ်တမ်းရှိတယ်ဆိုတာကို လက်ခံနိုင်ရလား။

ဒကာကြီး
နိဗ္ဗာန်ဆိုတဲ့တရားဟာ တကယ်ရှိတယ်ဆိုတဲ့အချက်နဲ့ပတ်သက်လို့
ဆရာတော်ရှင်းပြတဲ့အချက်အားလုံးကို တပည့်တော်လက်ခံပါတယ်။
ဒါပေမဲ့ သတ္တ၀ါတွေမှာ ဇာတိတရားချုပ်ငြိမ်းသွားရတယ်ဆိုတဲ့အချက်ကိုတော့
တပည့်တော်ခေါင်းထဲမှာ မရှင်းသေးဘဲ ဖြစ်နေပါတယ်ဆရာတော်။

ဆရာတော်
ဒါဖြင့် ဦးပဉ္ဇင်းက ရှင်းပြရသေးတာပေါ့။
 ဒကာကြီး၊ မွေးဖွားခြင်း (ဇာတိတရား) ဆိုတာဟာ သေခြင်းရဲ့ အကြောင်းတရားဘဲ။
နိဗ္ဗာန်ရောက်ပြီးမှ သတ္တ၀ါတစ်ဦးဦးဟာ ဖွားရအုံးမယ်ဆိုရင်
ထိုသတ္တ၀ါဟာ သေရမှာ အမှန်ဖြစ်တယ်။
အဲဒီလို သေခြင်းတရားရှိနေရင် နိဗ္ဗာန်ဟာ မွေးဖွားခြင်း၊
အိုခြင်း၊ နာခြင်း၊ သေခြင်းဆိုတဲ့တရားတွေ
ချုပ်ငြိမ်းရာတရားမဟုတ်တော့ဘူး။

မြစ်တစ်စင်းဟာ မြစ်ဖျားခံရာဒေသမှာ မွေးဖွားပြီး မြစ်ဝအထိဟာ
ဒီမြစ်ရဲ့ တစ်သက်တာ ဘ၀ဘဲ။

ဒီနည်းအတိုင်းပါဘဲ၊ သတ္တ၀ါတစ်ဦးဦးရဲ့ ဘ၀တစ်သက်တာဟာ
မွေးဖွားတဲ့အချိန်ကစပြီး သေတဲ့အခါမှာ အဆုံးသတ်ရတယ်။
ဒါ့ကြောင့် နိဗ္ဗာန်ဆိုတဲ့တရားထဲမှာ မွေးဖွားခြင်းဆိုတဲ့တရား မရှိတော့ဘူး။

မွေးဖွားခြင်းနဲ့သေခြင်းဟာ ကြိုးတစ်ချောင်းထဲဘဲ။
အစတစ်ဖက်က  မွေးဖွားခြင်းဆိုတာဖြစ်ပြီး
ကျန်အစတစ်ဖက်က သေခြင်းဘဲ။

သည့်ပြင် အချက်တစ်ချက်လဲ ရှိသေးတယ်။
အဲဒါက မွေးဖွားခြင်းနဲ့ သေခြင်းတို့ဟာ ဒုက္ခတရားတွေလဲဖြစ်တယ်။
မြဲလဲမြဲတဲ့ တရားတွေလဲ မဟုတ်ကြဘူး ဒကာကြီး။

ဒကာကြီး
ဆရာတော်ရဲ့ ရှင်းလင်းချက်ဖြင့် မွေးဖွားခြင်းနဲ့ သေခြင်းတရားတို့အကြောင်းကို
တပည့်တော်ရှင်းရှင်းလင်းလင်း နားလည်ပါပြီ ဆရာတော်။
နိဗ္ဗာန်ဆိုတဲ့တရားဟာလဲ မွေးဖွားခြင်း၊ သေခြင်းဆိုတဲ့တရားတို့ရဲ့
ကင်းငြိမ်းရာဖြစ်တယ်ဆိုတာကိုလဲ သိမြင်နားလည်ပါပြီဆရာတော်။

အရှင်အရိယဓမ္မ ၏ ဗုဒ္ဓ၀ါဒပြဿနာများ

Saturday, January 14, 2012

ပန်းတိုင်



သစ္စာလေးပါးထဲမှာ တတိယမြောက်သစ္စာက နိရောဓသစ္စာတဲ့။
နိဗ္ဗာန်အမှန်တရားပေါ့။

ဗုဒ္ဓဘာသာဝင်တို့အဖို့
နိဗ္ဗာန်ဆိုတဲ့စကားလုံးကို ငယ်စဉ်ကတည်းက ရင်းနှီးခဲ့ပါတယ်။
ကကြီး ခခွေး မဆိုတတ်ခင် မရေးတတ်ခင်ကတည်းက
သြကာသကန်တော့ချိုးထဲမှာပါတဲ့
“နိဗ္ဗာန် တရားတော်မြတ်ကို ရရပါလို၏ အရှင်ဘုရား” ဆိုတာကို
မိဘတွေနဲ့အတူ လိုက်ဆိုတတ်နေပြီ။

ကလေးသဘာဝ နိဗ္ဗာန်ဆိုတာကြီးက ဘယ်လိုဟာကြီးလဲ၊ ဘာကြီးလဲ လို့ စပ်စုကြည့်တော့
အလွန်ချမ်းသာတဲ့တရားကြီးပေါ့ကွယ် လောက်သာ မိဘတွေ ဖြေဆိုတတ်တယ်။
ဒီထက်ပို မဖြေတတ်တော့ဘူး။
ဒါပေမဲ့ နိဗ္ဗာန်ဆိုတာ ရယူရမဲ့ လိုအပ်တဲ့ ရှိရမဲ့အရာတစ်ခုလို့တော့ ခံစားမိသလိုပဲ။

ကိုရင်ပေါက်စဘ၀ (အဘိဓမ္မာ) သဂြိုဟ်သင်တော့ စာချဘုန်းကြီးက
ပရမတ်တရား (၄) ပါးကို ပြောပြပါတယ်။
ပရမတ်တရား (၄) ပါးဆိုတာ
စိတ်၊ စေတသိက်၊ ရုပ်၊ နိဗ္ဗာန်တဲ့။
စာချဘုန်းကြီးပြောတဲ့ စိတ်၊ စေတသိက်၊ ရုပ်၊ နိဗ္ဗာန်ဆိုတာ
စိတ္တ၊ စေတသိက၊ ရူပ၊ နိဗ္ဗာန ဆိုတဲ့ပါဠိပုဒ်တွေက လာတာ။
ပရမတ်ဆိုတာကိုက ပရမတ္ထ ဆိုတဲ့ပါဠိပုဒ်က လာတာ။

ဆိုတော့ ငယ်ရွယ်တဲ့ ကိုရင်တစ်ပါးအနေနဲ့
စာချဘုန်းကြီးပြောတဲ့ စိတ်ရဲ့ အဓိပ္ပါယ်ကိုလဲမသိဘူး။
စေတသိက်ရဲ့ အဓိပ္ပါယ်ကိုလဲမသိဘူး။
ရုပ်ရဲ့ အဓိပ္ပါယ်ကိုလဲမသိဘူး။
နိဗ္ဗာန်ရဲ့ အဓိပ္ပါယ်ဆိုတာ ဝေလားဝေး။

စိတ္တကို စိတ်လို့ဘာသာပြန်တာ၊ နိဗ္ဗာနကို နိဗ္ဗာန်လို့ဘာသာပြန်တာဟာ
စရာပေတွာ၊ စရာပေတ်၍။ လို့ဘာသာပြန်တာထက် ပိုပြီးနားလည်ရခက်ပါတယ်။

အဲ၊ ဒါပေမဲ့ သဂြိုဟ်စာအုပ်ရဲ့ တစ်နေရာမှာတော့ နိဗ္ဗာန်နဲ့ပတ်သက်လို့
နိဗ္ဗာန်ဆိုတဲ့သဘောသဘာဝ ခပ်ပျပျ အဓိပ္ပါယ်လေးကို တွေ့လိုက်ရတယ်။
နိဗ္ဗာန်ဆိုတာကို မဂ်ဥာဏ်လေးပါးနဲ့(သာ) မျက်ဝါးထင်ထင် တွေ့မြင်ရတယ်တဲ့။
နိဗ္ဗာန်ဆိုတာ မဂ်ဖိုလ်တို့ရဲ့ အာရုံဖြစ်တယ်တဲ့။
ဝါနလို့ခေါ်တဲ့ တဏှာမှ လွတ်မြောက်တတ်လို့ ထွက်မြောက်တတ်လို့ နိဗ္ဗာန်လို့ခေါ်တယ်တဲ့။
(သဂြိုဟ်-ရုပ်ပိုင်း၊ ပုဒ်ရေ - ၆၂)

ဒါကလဲ ပြီးပြည့်စုံတဲ့ ရှင်းလင်းတဲ့ (သူလို ကိုယ်လို သာမန်လူတွေ)
နားလည်လွယ်တဲ့ ရှင်းလင်းချက်တော့ မဟုတ်သေးပါဘူး။
ဆိုတော့ အဲ့အချိန် သဂြိုဟ်ကို သင်နေရတဲ့အချိန် ကိုရင်ပေါက်စ အရွယ်တုန်းက
နိဗ္ဗာန်ရဲ့ အဓိပ္ပါယ်ကို ဘယ်လိုမှ နားမလည်နိုင်ခဲ့ပါဘူး။

ဒီနိဗ္ဗာန်ကို အင်္ဂလိပ်လိုတော့
Liberation, Deliberance, Emancipation, Cessation, Freedom
စသဖြင့် အမျိုးမျိုး ပြန်ဆိုကြတယ်။
တချို့က Happiness လို့တောင် ပြန်ဆိုကြသေးတယ်။

ဒါနဲ့စပ်လို့ ရထားပေါ်မှာ ခရီးသွားရင်း ဆုံတွေ့ကြတဲ့
ကြားဘူးတဲ့ ဦးဇင်းလေးတစ်ပါးနဲ့ အင်္ဂလိပ်ကြီးတစ်ယောက်
ဘာသာရေးဆွေးနွေးခဲ့တဲ့အဖြစ်အပျက်လေးကို သတိရမိတယ်။
သူတို့နှစ်ဦး ဟိုဟိုဒီဒီ ပြောရင်းဆိုရင်း နိဗ္ဗာန်အကြောင်းရောက်သွားတယ်တဲ့။
နိဗ္ဗာန်ဆိုတာ ဘာပါလဲ လို့ အင်္ဂလိပ်ကြီးက မေးတာပေါ့။
နိဗ္ဗာန်ဆိုတာ Happiness ကိုပြောတာပါလို့ ဦးဇင်းလေးက ဖြေသတဲ့။
အင်္ဂလိပ်ကြီးကလဲ
အိုး၊ ဂလိုလား၊ ဟုတ်ပါဘီဗျာ တဲ့။

နောက်နာရီဝက်လောက်အကြာမှာ ခရီးဖော်ဦးဇင်းက
ဘာကို သဘောကျတယ်မသိပါဘူး။
အသံထွက်ပြီး ဟက်ဟက်ပက်ပက် ရယ် သတဲ့။

ဒါကို အင်္ဂလိပ်ကြီးက
“ဟိုမှာ ခင်ဗျားသူငယ်ချင်း နိဗ္ဗာန်ရောက်နေပြီ” တဲ့။
သူက နိဗ္ဗာန်ကို Happiness လို့ ပြောခဲ့တာကိုး။

ဒီနိဗ္ဗာန်ဆိုတာကို ပြီးပြည့်စုံတဲ့ နားလည်လွယ်တဲ့ မှန်ကန်တဲ့
မြန်မာစကားနဲ့ ဖလှယ်ဘို့ မလွယ်သလို
အင်္ဂလိပ်စကားလုံးနဲ့ ဖလှယ်ဘို့ မလွယ်ဘူး။
မလွယ်ပေမဲ့ အဆင်ပြေသလိုတော့ ပြန်ဆိုနေရတာပဲ။
အဆင်ပြေသလို ပြန်ဆိုပေမဲ့ အဆင်မပြေတဲ့အခါမှာ
အခုနက အင်္ဂလိပ်ကြီးလို နားလည်မှုလွဲသွားရင်တော့
ဒို့နိဗ္ဗာန် ကိုယ်ကျိုးနည်းရချည်ရဲ့။

ဘုရားရှင်ကိုယ်တိုင်ကတော့ ဓမ္မစကြာတရားဦးမှာ
တဏှာယ အသေသ၀ိရာဂနိရောဓော စာဂေါ ပဋိနိဿဂ္ဂေါ မုတ္တိ အနာလယော
လို့ ဟောခဲ့ပါတယ်။
“တဏှာလုံးဝ ကင်းပျောက်ချုပ်ငြိမ်းရာ၊ စွန့်လွတ်ရာ၊ စွန့်ပယ်ရာ၊
လွတ်မြောက်ရာ၊ မကပ်ငြိရာသည် နိဗ္ဗာန်” ပေါ့။

ဘယ်လိုပဲဖြစ်ဖြစ်
နိဗ္ဗာန်ရဲ့ အဓိပ္ပါယ်ကို သိဘို့ ဗုဒ္ဓဘာသာဝင်တိုင်း ကြိုးစားသင့်ပါတယ်။
ဘာလို့လဲဆိုတော့ ဗုဒ္ဓဘာသာတို့ရဲ့ ပန်းတိုင်က နိဗ္ဗာန်ဖြစ်နေလို့ပါပဲ။
ဗုဒ္ဓဘာသာဝင်တိုင်း နိဗ္ဗာန်ဆိုတာကို
ပြောနေကြပေမဲ့ ကြားနေရပေမဲ့ နိဗ္ဗာန်ဆိုတာရဲ့ အဓိပ္ပါယ်ကို
ဂဃနဏ သိတဲ့သူ ရှားတယ်။

(သူများလာထောင်းရင် ပိုနာမှာစိုးလို့)
ကိုယ့်ပေါင်ကို ကိုယ်လှန်ထောင်းရမယ်ဆိုရင်
ဗုဒ္ဓဘာသာဝင်တို့ရဲ့ ခေါင်းဆောင်များဖြစ်တဲ့ ဘုန်းကြီးတွေတောင်
“အရှင်ဘုရား၊ အရှင်ဘုရားတို့ ပြောပြောနေတဲ့ ဟောဟောနေတဲ့ နိဗ္ဗာန်ဆိုတာ ဘာပါလဲဘုရား” လို့ သွားမေးကြည့်။
အင်း၊ အဲ ဆိုတဲ့စကားလုံးတွေ အကြိမ်များစွာ ကြားရမှာဖြစ်ပြီး
နိဗ္ဗာန်ဆိုတာ နိနဲ့ ၀ါန ပေါင်းစပ်ထားတဲ့ပုဒ်ဖြစ်တယ် စသဖြင့်
အငယ်တုန်းက ဆရာဘုန်းကြီးက ကျက်ခိုင်းလို့ ရထားတဲ့ဟာတွေကို
ရွတ်ပြ ဆိုပြ ပါလိမ့်မယ်။ တချို့ဘုန်းကြီးတွေဆို
ငယ်ငယ်တုန်းက စနစ်တကျ မသင့်ခဲ့ရလို့ ဒါကိုတောင်
ကျကျနန မရွတ်ပြ မဆိုပြနိုင်ပါဘူး။

ပါဠိအဘိဓာန်ဆရာကြီးကတောင် နိဗ္ဗာန်ဆိုတဲ့ပုဒ်ကို
မောက္ခ၊ လွတ်မြောက်ရာ
နိရောဓ၊ ချုပ်ငြိမ်းရာ၊
တဏှက္ခယ၊ တတ်မက်မှုတဏှာကုန်ရာ၊
ဒီပ၊ အလင်းရောင် စသဖြင့် ပရိယာယ်စကားလုံး (၄၀) ကျော် ထုတ်ပြသွားပါတယ်။
ဒါကလဲ နိဗ္ဗာန်ကို နားလည်ဘို့အတွက် အဘိဓာန်ဆရာကြီးရဲ့  ကြိုးပမ်းမှုပါပဲ။

ထိုထိုကျမ်းကြီးကျမ်းငယ်အသွယ်သွယ်ကို ကိုးကားမှီငြမ်းပြီး
မြန်မာဘာသာပြန်ဆရာတော်များကလည်း
အလွန်တရာ မြင့်မြတ်တာ၊ အစဉ်ထာဝရတည်မြဲတာ၊ ဖျက်ဆီးလို့ မရတာ၊
မြေ၊ ရေ၊ လေ၊ မီး ဆိုတဲ့ ဓာတ်ကြီးလေးပါးနဲ့ တည်ဆောက်ထားတာ မဟုတ်တာ။
ဆင်းရဲမှုကို ကျော်လွန်တာ၊ အဖြစ်အပျက် မရှိတာတွေဟာ နိဗ္ဗာန်ဆိုပြီး
ပြောတော့တာပဲ။ ဟောတော့တာပဲ။

ရှင်းရှင်းပြောရရင် ဒီရှင်းပြချက်တွေက
နိဗ္ဗာန်ဆိုတာ ဘာလဲ ဆိုတာ
ရှင်းသွားအောင် လုပ်မပေးနိုင်ပါဘူး။
ရှင်းမသွားတဲ့အပြင် ပိုတောင် ရှုတ်ထွေးသွားပါသေးတယ်။
ဒါကလဲ ရှုတ်ထွေးသင့်လို့ ရှုတ်ထွေးတာပါ။

နိဗ္ဗာန်အဓိပ္ပါယ်ကို ရှင်းပြတဲ့သူကလည်း ရိုးရိုးပုဂ္ဂိုလ်၊
ရှင်းပြတာကို နာယူ၊ လေ့လာ၊ နားထောင်တဲ့သူကလည်း ရိုးရိုးပုဂ္ဂိုလ်ဖြစ်နေတော့
ရိုးရိုးပုဂ္ဂိုလ်တို့အရာမဟုတ်တဲ့ နိဗ္ဗာန် ဆိုတာကို
ဘယ်လိုမှ အပြည့်အ၀ နားလည်နိုင်မှာ မဟုတ်ပါဘူး။
ခန့်မှန်းသိလောက်နဲ့ပဲ နိဗ္ဗာန်ကို နားလည်ကျမှာပါ။

လူတွေဟာ ဝေါဟာရပညတ်တစ်ခုကို အဓိပ္ပါယ်ဖော်ဆောင်ရာမှာ
သူတို့မျက်စိနဲ့ မြင်တဲ့အရာဝတ္ထုကိုသာ
သူတို့စိတ်သိနဲ့ အဓိပ္ပါယ်ဖောင်ဆောင်နိုင်ကြတာမဟုတ်ပါလား။

သူတို့မျက်စိနဲ့မမြင်နိုင်တဲ့အရာဝတ္ထုကို
သူတို့စိတ်အသိနဲ့ အဓိပ္ပါယ် မဖောင်ဆောင်နိုင်ကြပါဘူး။
နိဗ္ဗာန်ဆိုတာကြီးကိုလည်း သူတို့မျက်စိနဲ့ မမြင်နိုင်လို့ အဓိပ္ပါယ်မဖော်ဆောင်နိုင်ကြဘူး။
ခန့်မှန်းယော်ရမ်းပြီး နိဗ္ဗာန်ဆိုတာ ဒီလိုကွ၊ ဟိုလိုကွ နဲ့ ပြောဆိုနေကြတာ။

နိဗ္ဗာန်နဲ့စပ်လို့
ဒေါက်တာရာဟုလာရေးခဲ့တဲ့ What the Buddha Taught
ဆိုတဲ့ စာအုပ်ခလေးတောင် သတိရမိသေး။
(စာအုပ်မှာ ဒီလို)

ငါးသတ္တ၀ါတွင် ကုန်းမြေအကြောင်းဖော်ပြရန် ဝေါဟာရမရှိသကဲ့သို့
လူတို့တွင်လည်း လောကုတ္တရာအတွေ့အကြုံကို ဖော်ပြနိုင်ရန် စကားလုံးမရှိချေ။
လိပ်က ၄င်း၏မိတ်ဆွေ ငါးအား
ကုန်းပေါ်မှာ လမ်းလျှောက်၍ ရေကန်သို့ ပြန်လာကြောင်း ပြောပြသည်။

ငါးက
အော်၊ ဟုတ်လား၊ ရေကူးလာခဲ့တာမဟုတ်လား ဟု ပြန်မေးလေသည်။

လိပ်က
ကုန်းပေါ်တွင် ရေမကူးနိုင်ကြောင်း၊ ကုန်းမြေသည် မာကြောကြောင်း၊
လမ်းလျှောက်၍ သွားရကြောင်း ရှင်းပြသည်။
သို့ရာတွင် ငါးက လိပ်ပြောသော ကုန်းမြေကဲ့သို့ မရှိနိုင်ကြောင်း၊
ရေကန်ကဲ့သို့ပင် လှိုင်းအိကလေးများနှင့် ရေပြင်သာဖြစ်ရမည်ဖြစ်၍
ရေငုတ်နိုင်၊ ရေကူးနိုင်မည်သာဖြစ်ကြောင်း ဇွတ်ငြင်းဆိုလေတော့သည်။


ဟုတ်တယ်။ ရိုးရိုးလူသား (လောကီလူသား) တို့ နိဗ္ဗာန်ဆိုတာကို သေချာ မသိနိုင်။
မျက်မှောက်သိဖြင့် နိဗ္ဗာန်ကို မသိနိုင်။
တရားကျင့်ပြီး သောတာပန်၊ သကဒါဂါမ်၊ အနာဂါမ်၊ ရဟန္တာ ဆိုတဲ့
အရိယာအဆင့်လေးဆင့် တစ်ဆင့်ဆင့်ရောက်မှသာ
နိဗ္ဗာန်သဘောသဘာဝကို သေသေချာချာ အတွင်းသိ အစင်း (အဆင်း) သိ
(၀ါ) မျက်မှောက်သိ သိနိုင်မယ်။

ဆိုတော့ နိဗ္ဗာန်ကို ဂဃနဏ သိဘို့ သောတာပန်ဖြစ်ဖို့လိုတယ်။
သကဒါဂါမ်ဖြစ်ဖို့လိုတယ်။
အနာဂါမ်ဖြစ်ဖို့လိုတယ်။
ရဟန္တာဖြစ်ဖို့လိုတယ်။

ဒါပေမဲ့ ဟိုနေ့က စာအုပ်တစ်အုပ်ဖတ်ဖြစ်တယ်။
(ဆရာတော်အရှင်အရိယဓမ္မရဲ့  ) “ဗုဒ္ဓ၀ါဒပြဿနာများ”  ဆိုတဲ့စာအုပ်။
အဲ့ထဲမှာ နိဗ္ဗာန်ဆိုတဲ့သဘောသဘာဝကို သာမန်လူတစ်ယောက်နားလည်နိုင်လောက်တဲ့
အရေးအသားနဲ့ ရှင်းပြထားတယ်။
ဖတ်ဖူးတဲ့စာအုပ်တွေထဲမှာတော့ အရှင်းဆုံးပဲလို့ ပြောရမလိုပဲ။

Friday, January 13, 2012

ကျွန်



ဘုရားရှင်က
ဒုက္ခသစ္စာ (ဆင်းရဲခြင်းအမှန်တရား - The Truth of Suffering) ကို
အသေးစိတ် ကွက်ကွက်ကွင်းကွင်း ပြောပြပါတယ်။
နားထောင်သူ (Listener) အနေနဲ့
“ဒီဆင်းရဲတွေက ဘယ်ကဖြစ်ပေါ်လာတာလဲ၊ ဘာကြောင့်ဖြစ်ပေါ်လာတာလဲ”
ဆိုတဲ့အတွေး ဦးဏှောက်ထဲရောက်လာမှာ အမှန်ပဲ။
ဒါကို သိတဲ့ဘုရားရှင်က
“ဒီလိုဆင်းရဲရတာဟာ တခြားကြောင့် မဟုတ်ဘူး၊ တဏှာကြောင့်ဟေ့”
လို့ ဆက်ပြောပါတယ်။

အိုခြင်းဆင်းရဲ၊ နာခြင်းဆင်းရဲ၊ သေခြင်းဆင်းရဲ၊
မွေးဖွားခြင်းဆင်းရဲ စတဲ့ ဆင်းရဲခြင်းအမျိုးမျိုးတွေရဲ့ လက်သည်တရားခံက တဏှာ ပါတဲ့။
တဏှာဟာ ဆင်းရဲဒုက္ခအားလုံးရဲ့ မူလဘူတအကြောင်းတရားပါ။

အရှိတရား သဘ၀တရား အမှန်တရားဖြစ်တဲ့ ဒီတဏှာကို
သစ္စာလေးပါးမှာ သမုဒယသစ္စာ (The Truth of the cause of suffering) လို့ ခေါ်ပါတယ်။

တဏှာကို အင်္ဂလိပ်လို Craving, Attachment , Greed, Desire စသဖြင့် ပြန်ဆိုလေ့ရှိတယ်။
လိုချင်မှု၊ တတ်မက်မှု၊ ဆာလောင်မှု၊ မွတ်သိပ်မှု၊ တောင့်တမှု စတဲ့ မြန်မာစကားလုံးတွေဟာ
ဒီတဏှာရဲ့ေ၀၀ုစ် ပရိယာယ် စကားလှယ်တွေပဲ။

ဘုရားရှင်က ဒီတဏှာကို
ပေါနောဗ္ဘ၀ိကာ၊ တစ်ဘ၀ပြီး တစ်ဘ၀ဖြစ်အောင် ဖန်တီးသူ လို့ ပြောပါတယ်။
(Carving, the Buddha says, leads to repeated births.)

ဓမ္မပဒစာအုပ်ထဲမှာ
တဏှာယ ဇာယတီ သောကော၊ တဏှာယ ဇာယတီ ဘယံ၊
တဏှာယ ၀ိပ္ပမုတ္တဿ၊ နတ္တိ သောကော ကုတော ဘယံ။
From craving springs grief, from craving springs fear;
For him who is wholly free from craving, there is no grief, much less fear.
(ဓမ္မပဒ၊ ၂၁၆)
စိုးရိမ်မှု၊ ကြောက်ရွံ့မှုတွေဟာ လိုချင်မှု (တဏှာ) ကြောင့်ဖြစ်ရတာ။
လိုချင်မှု (တဏှာ) မရှိရင် စိုရိမ်မှု၊ ကြောက်ရွံ့မှုဆိုတာ မရှိနိုင်ဘူး လို့ တွေ့ရတယ်။

အဖြောင့်အဓိပ္ပါယ်က
လောဘကြီးရင် သောကကြီးတယ်၊ ကြောက်တယ်။
လောဘနည်းရင် သောကနည်းမယ်၊ အကြောက်နည်းမယ်။
လောဘမရှိရင် သောကမရှိဘူး၊ ဘယ်သူ့ကိုမှ မကြောက်တော့ဘူး။
ဒီအဆို ဟုတ် မဟုတ် စဉ်းစားကြည့်။

လူတွေ သူ့နေရာနှင့်သူ ကြောက်နေကြရတယ်။
ရာထူးကြီးတဲ့သူကို ကြောက်ရတယ်။ ငွေရှိတဲ့သူကို ကြောက်ရတယ်။
မိန်းမကို ကြောက်ရတယ်၊ ယောက်ကျားကို ကြောက်ရတယ်။
အလုပ်ရှင်က အလုပ်သမားကို ကြောက်ရတယ်။
အလုပ်သမားက အလုပ်ရှင်ကို ကြောက်ရတယ်။

ဘာကြောင့်လဲ။
အရင်းအထိ လိုက်ကြည့်။
လောဘကြောင့်၊ တဏှာကြောင့်ပါ။

လိုချင်တတ်မက်မှု တဏှာ ဆိုတာနဲ့စပ်လို့
ပါဠိစာပေမှာ တဏှာဒါသော ဆိုတဲ့စကားလုံးလေးကို သတိရမိတယ်။
အဓိပ္ပါယ်က တဏှာ့ကျွန်တဲ့။

လောကလူသားတွေဟာ တဏှာရဲ့ ကျေးကျွန်တွေ။
စဉ်းစားလေ၊ ဒီစကားရဲ့ အဓိပ္ပါယ် တာသွားလေပဲ။
မနက်အိပ်ယာထ၊ အလုပ်သွား၊ ဘာကြောင့်သွား၊
တဏှာက ခိုင်းလို့သွား၊
အိမ်ထောင် ဘာလိြု့ပု၊ တဏှာက ခိုင်းလို့ပြု၊
ဘာလုပ်လုပ်၊ ဘာစားစား၊ ဘယ်သွားသွား။
တဏှာက ခိုင်းလို့ပါ။ တဏှာက ခိုင်းနေတာ။
လူ့ယန္တယားကြီးလည်ပတ်နေတာ တဏှာကြောင့်၊
လူ့လောကကြီးလည်ပတ်နေတာ တဏှာကြောင့်။

ဘုရားရှင် အတိအလင်း တိုက်ရိုက်ပြောကြားထားတဲ့စကားရှိတယ်။
တဏှာယ နီယတိ လောကော၊ တဏှာယ ပရိကဿတိ
တဏှာယ ဧကဓမ္မဿ၊ သဗ္ဗေ၀ ၀သမနွဂူ
တဏှာက လောကကို ဆောင်ယူ ဆွဲငင်ပြီး တဏှာအလိုသို့ လိုက်နေကြရတယ်တဲ့။
The world is led around by craving;
By craving it’s dragged here and there.
Craving is the one thing that has all under its control.
သံယုတ်၊ ၁၊ ၃၈
တဏှာက ခိုင်းလို့ လူတွေ လုပ်နေကြတာ။

ဒါ့ကြောင့် တဏှာဒါသော - ကိုယ်တို့တတွေဟာ တဏှာကျွန်တွေ။
We are the slaves of craving!!
ဟုတ်ပါဘူး လို့ ဘယ်သူငြင်းနိုင်သလဲ၊ ငြင်းဝံ့သလဲ၊
မငြင်းနိုင်၊ မငြင်းဝံ့၊ အရှိတရား၊ သဘာဝတရား၊

ဘုရားဟောလို့ရှိတာမဟုတ်၊ ရှိတာကို ဘုရားက ဟောတာ။

သူသူကိုယ်ကိုယ်မှာ ရှိနေတဲ့တဏှာ။
ဒီတဏှာကြီးရှိနေသ၍ လုပ်နေရအုံးမှာ။
လုပ်နေသ၍ ဒုက္ခတွေ့နေရအုံးမှာ။

ဒါ့ကြောင့် ဘုရားရှင်က
ဒီတဏှာဟာ ဒုက္ခရဲ့တရားခံ (The Cause of Suffering) လို့ ပြောတာ။
သမုဒယသစ္စာ (The Truth of The Cause of Suffering) လို့ မိန့်တာ။

Thursday, January 12, 2012

အသက်မမေးနဲ့


ဘုရားရှင်က ပဉ္စ၀ဂ္ဂီငါးဦးတို့ကို 
ဇာတိဒုက္ခ - ပဋိသန္ဓေတည်နေရခြင်းဆင်းရဲ 
(Birth is suffering) ကို ပြောပြပြီး
ဇရာပိ ဒုက္ခာ - အိုခြင်းကလဲ ဆင်းရဲတယ် 
(Decay is suffering) လို့ ဆက်ပြောပါတယ်။


ဒီအိုခြင်းဆင်းရဲကလဲ အတော်လေး ထင်သာမြင်သာရှိပါတယ်။
လူတိုင်းနီးပါး အိုတဲ့အကြောင်း၊ အသက်ကြီးတဲ့အကြောင်းကို မပြောလိုကြပါဘူး။
မေးခွန်းတွေထဲမှာ အသက်ဘယ်လောက်ရှိပြီလဲ ဆိုတဲ့မေးခွန်းကို
မဖြေချင်ဆုံးပဲလို့ ဒကာမကြီးတစ်ယောက်ပြောဘူးတာ ကြားဘူးပါတယ်။


ဒီမေးခွန်းကို ဒကာကြီးတွေ ဒကာမကြီးတွေတင် မဖြေချင်တာ မဟုတ်ပါဘူး။
အချို့ဘုန်းကြီးများလဲ မဖြေချင်ကြပါဘူး။
ဒကာမကြီးတစ်ယောက်က ဘုန်းကြီးတစ်ပါးကို သက်တော်ဘယ်လောက်လဲလို့ မေးတော့
ဒကာမကြီး၊ 
ဘုန်းကြီးကို ထညက် (ထန်းလျက်) လဲ မကျွေးနဲ့၊
အသက်လေးမမေးနဲ့ လို့ ပြောတာကို နားနဲ့ဆတ်ဆတ်ကြားဘူးပါတယ်။
ဘယ်လိုပဲဖြစ်ဖြစ်၊ အသက်ကတော့ ကြီးလာတာအမှန်ပါ။
အိုလာတာကို လက်ခံရမှာပါ။


အချို့ ဒီလို အိုခြင်း ဇရာသဘောကို လက်မခံချင်လို့
ဇရာကို ကာကွယ်ဘို့ အမျိုးမျိုးကြိုးစားကြတယ်။
မျက်နှာပေါ်က အရေးအကြောင်းတွေကို ဖုံးကွယ်ဘို့ မိတ်ကပ်တွေလိမ်းကြတယ်။
ဆံဖြူတာကို သူတပါးမသိအောင် အနက်ရောင်ဆိုးကြတယ်။
(ဘုန်းကြီးတွေကျတော့ သုံးရက်တစ်ခါ ခေါင်းရိပ်တယ်။ ဖြူတာသိမှာစိုးလို့) 
ဇရာကို ခေတ်ပေါ်ပစ္စည်းတွေနဲ့ ငယ်ဟန်ပြုလိုကြတယ်။
ဒါပေမဲ့ နောက်ဆုံးတော့ ဇရာကပဲ အနိုင်ယူသွားတာပါ။


အသက်ကြီးလာသည်နှင့်အမျှ မျက်စိအမြင်တွေက နဂိုကလောက် မကြည်လင်တော့ဘူး။
နားအကြားတွေကလဲ နဂိုကလောက် အဆင်မပြေတော့ဘူး။
အနံ့တွေကိုလဲ နဂိုကလောက် မခံစားနိုင်တော့ဘူး။
အရင်တုန်းက ဘာနဲ့စားစား ကောင်းနေတဲ့ လျှာကလဲ အခုဆို စားပွဲအပြည့် ဟင်းမျိုးစုံနဲ့စားနေရပေမဲ့ အဆင်မပြေတော့ဘူး။ 
အရင်လောက်အရသာမရှိတော့ဘူး။
ကိုယ်ခန္ဓာကလဲ ညောင်းတတ်လာပြီ၊ ကိုက်တတ်လာပြီ၊
ဒါတွေက ဇရာရဲ့သဘောတွေပါ၊ 
ဒါ့ကြောင့် ဇရာ - အိုခြင်းကလဲ ဒုက္ခလို့ ဘုရားရှင်ဟောခဲ့တာပေါ့။


ဘုရားရှင်က 
ဗျာဓိပိ ဒုက္ခော၊ နာခြင်းသဘောကလဲ ဒုက္ခ (ဆင်းရဲတယ်) 
(Disease is suffering) လို့ ဆက်ဟောပါတယ်။
နာခြင်းက ဒုက္ခဆိုတာကတော့ အတော်ထင်ရှားပါတယ်။


အတွေ့အကြုံအရပြောရရင်
လူတစ်ဦးတစ်ယောက် နာမကျန်းဖြစ်ပြီဆိုရင်
ဘယ်လောက်ကောင်းကောင်း ဘာကိုမှ မစားချင်တော့ဘူး။
ဘယ်ကိုမှ မသွားချင်တော့ဘူး။
ရှိတဲ့အစားအစာတွေ၊ အသုံးအဆောင်တွေက ကိုယ့်နဲ့ မဆိုင်တော့သလို ခံစားရတယ်။
ဖြစ်နေတဲ့ရောဂါကို ရှိတဲ့စည်းစိမ်ချမ်းသာနဲ့ ဖြစ်နိုင်ရင် လဲပလိုက်ချင်တယ်။




နောက် ဘုရားရှင်က 
မရဏမ္ပိ ဒုက္ခံ - သေခြင်းသဘောကလဲ ဆင်းရဲတယ်တဲ့၊
(Death is suffering)
အငယ်တုန်းက စာချဘုန်းကြီးတစ်ပါးက စာချရင်း
“ကိုယ့်လူတို့၊ သေခါနီး အသက်ထွက်ခါနီးရင် အတော်အခံရခက်တယ်ဗျ” လို့
ပြောဘူးတယ်။ 
စာချဘုန်းကြီးကို “ဘုန်းကြီးက ဘယ်လိုလုပ်သိတုန်း” လို့ မမေးရဲလို့ မမေးခဲ့ရပါဘူး။


ဘာပဲဖြစ်ဖြစ်၊ သေခါနီးကာလမှာ ပင်ပန်းဆင်းရဲမှာတော့ သေချာတယ်။
ကိုယ်တော့ တခါတလေ “မသေရင် ကောင်းမှာ” လို့တောင် စဉ်းစားမိပါတယ်။
လူတိုင်း တစ်နေ့ သေရမှာဆိုတာ သိပေမဲ့
ဘယ်သူမှ မသေချင်ကြပါဘူး။
သေခြင်းစကားနဲ့စပ်ပြီး လူတွေ ပြောလဲ မပြောချင်ကြဘူး။
ကြားလဲ မကြားချင်ကြပါဘူး။
သေရမှာ အတော်ကြောက်ကြပါတယ်။ 
သေရင် ကိုယ်ရှာထားခဲ့သမျှ ထားခဲ့ရမှာကိုး။
ကိုယ်ချစ်တဲ့သူနဲ့လဲ ခွဲခွါရမှာကိုး။


သေခြင်းဒုက္ခနဲ့စပ်လို့ ဟိုတလောက ဒကာလေးတစ်ယောက်ပြောသွားတဲ့စကားကို
သတိရမိတယ်။
ဒီနိုင်ငံမှာ အများစုရဲ့  မိဘနဲ့သားသမီးဆက်ဆံရေးက သိပ်မနွေးထွေးလှကြောင်း၊
သားသမီးက စက်ရုံပိုင်ရှင်ကြီးဖြစ်နေပြီး သူ့စက်ရုံမှာဘဲ
သူ့အဖေအရင်းခေါက်ခေါက်ကို မဖြစ်စလောက်လခပေးကာ 
တံမြက်စည်းလှည်းခိုင်းတာတွေ တွေ့ရကြောင်း၊
အဲ့ဒီသားသမီးအရင်းတွေက ဖအေကွယ်လွန်ခါနီးငါးရက်လောက်အလို 
ဆေးရုံက ပြန်ခေါ်လာပြီး ကူးတို့ခကို 
အိပ်ကပ်ထဲကြိုထည့်ပေးထားကာ ကုတင်ပေါ်မှာ ပစ်ထားကြကြောင်း၊ 
ဖအေလုပ်သူက ကုတင်ပေါ်မှာ မျက်စိလေး ကလည်ကလည်နဲ့
သေမဲ့ရက်ကို စောင့်နေရကြောင်း၊ သားသမီးအရင်းခေါက်ခေါက်တွေက
အားပေးမှု နှစ်သိမ့်မှု ဘာမှ မလုပ်ကြောင်း 
ဗမာဒကာလေးတစ်ယောက်က လာပြောပြဘူးပါတယ်။


သေခြင်းတရားနဲ့ရင်ဆိုင်ရတဲ့အချိန် 
မပြုစုမစောင့်ရှောက်တဲ့သားသမီးတွေနဲ့များဆို ပိုပြီး ဆင်းရဲမှာပါ။ 
သေခြင်းဆင်းရဲ အတော်ကြောက်စရာကောင်းပါတယ်။


အပ္ပယေဟိ သမ္ပယောဂေါ ဒုက္ခော - 
ကိုယ်မချစ် မနှစ်သက်သူတို့နဲ့ အတုနေရတာလဲ ဒုက္ခပါဘဲ တဲ့။
(To be united with the unpleasant is suffering)
ကိုယ်မချစ်တဲ့ ကိုယ်နဲ့သဘောထားမတိုက်ဆိုင်လို့ 
ကိုယ်သဘောမကျတဲ့ မနှစ်သက်တဲ့သူနဲ့အတူနေရတာလဲ 
အတော်ဆင်းရဲပါတယ်။
အတော်မှန်တဲ့စကားပါ။ ဒီဒုက္ခ လူတိုင်းတွေ့ကြုံဘူးပါတယ်။


နိုင်ငံရပ်ခြားလာပြီး ကျောင်းတက်၊ စီးပွါးရှာနေသူတွေအဖို့
ကိုယ့်အခန်းဖော် (Roommate), 
Flat တစ်ခုတည်းမှာ အတူနေဖော် (Flatmate) ဆိုတာတွေကို
ရွေးချယ်ပိုင်ခွင့် မရှိပါဘူး။ အဆင်ပြေသလို ကြည့်နေကြရတာပါ။
ဝါသနာမတူတဲ့စရိုက်မတူတဲ့သူ တစ်ခန်းထဲမှာ အတူနေရရင် 
အတော်စိတ်ဆင်းရဲ ကိုယ်ဆင်းရဲဖြစ်ရပါတယ်။


ဘုရားရှင်က ဆက်ပြီး 
ပိယေဟိ ၀ိပ္ပယောဂေါ ဒုက္ခော - ချစ်ရသူတို့နှင့် ကွေကွင်းနေရခြင်းကလဲ
ဆင်းရဲဒုက္ခတစ်မျိုးပဲလို့ ဟောပါတယ်။
(To be separated from the pleasant is suffering)
ကိုယ်ချစ်တဲ့ ကိုယ်သဘောကျတဲ့သူတွေနဲ့ အတူမနေရတာလဲ တကယ့်ဒုက္ခပါ။


ယမ္ပိစ္ဆံ နလဘတိ၊ တမ္ပိ ဒုက္ခံ - လိုချင်တာကို မရတာလဲ ဒုက္ခပါဘဲ တဲ့။
(Not to get what one desires is suffering)


တချို့စကားကပ်တဲ့သူတွေက
ချစ်တဲ့သူနဲ့ ကွေကွင်းရခြင်းကို ဆင်းရဲဒုက္ခလို့ ပြောရင်
ချစ်တဲ့သူနဲ့ အတူနေရတာ (သုခ) ချမ်းသာတယ်ပေါ့ဘုရား လို့ ပြောတတ်ကြတယ်။
ဆင်းရဲတာပါဘဲ။ ဒီခန္ဓာကို ရုပ်အတ္တဘောကြီးရှိနေတာကိုက 
ဒုက္ခပါဘဲလို့ ဘုရားရှင်က ဆက်မိန့်ပါတယ်။
ပါဠိလိုတော့ သံခိတ္တေန ပဉ္စုပါဒါနက္ခန္ဓာ ဒုက္ခာ တဲ့။
(In brief the five aggregates of attachment are suffering)
ဟုတ်ပါတယ်။ နေ့တဓူဝ ဒီခန္ဓာကိုကြီးကို ဖြည့်ဆည်းပေးနေရတဲ့ 


ဆင်းရဲဒုက္ခ က စဉ်းစားလေ ကြီးမှန်းသိလေပါဘဲ။

Wednesday, January 11, 2012

ဇာတိ




ဘုရားရှင်က ပဉ္စ၀ဂ္ဂီငါးဦးကို သူ့ခေတ်က ခေတ်စားနေတဲ့
အစွန်းရောက်ကျင့်စဉ်နှစ်မျိုးကို သုံးစားမရအောင်ပြောဆိုပြီး
အလယ်အလတ်ကျင့်စဉ် (မဇ္ဈိမပဋိပဒါ) နဲ့ မိတ်ဆက်ပေးပါတယ်။
ပြီးမှ သစ္စာတရားကို ဟောကြားတော်မူပါတယ်။

သစ္စာဆိုတာ ပါဠိစကားပါ။
 အမှန်၊ အရှိ၊ သဘာဝ လို့ မြန်မာလိုပြန်ဆိုရင် အဆင်ပြေမယ်ထင်ပါတယ်။
ဘာပြုလို့လဲဆိုတော့ သစ္စာ ဆိုတဲ့စကားလုံးအောက်မှာ
အမှန်တရား၊ အရှိတရား၊ သဘာဝတရားတွေချည်း ဘုရားရှင်က ဟောထားလို့ပါ။
သစ္စာဆိုတဲ့ အမှန်တရား၊ အရှိတရား၊ သဘာဝတရားက လေးမျိုးရှိတယ်။

(၁) ဒုက္ခ
(၂) ဒုက္ခ၏အစ၊ ဒုက္ခဖြစ်ပေါ်ရခြင်းအကြောင်း - သမုဒယ
(၃) ဒုက္ခ၏ချုပ်ငြိမ်းရခြင်း - နိရောဓ
(၄) ဒုက္ခ၏ချုပ်ငြိမ်းရာသို့သွားရာလမ်း - မဂ္ဂ တဲ့။

(၁) ဒုက္ခ
ဘုရားရှင်က ပဉ္စ၀ဂ္ဂီငါဦးကို သစ္စာတရားဟောတဲ့အခါ
လောလောဆယ် ထင်သာမြင်သာဖြစ်တဲ့
လူတိုင်းတွေ့ကြုံခဲ့၊ တွေ့ကြုံဆဲ၊ တွေ့ကြုံနေရဦးမည်ဖြစ်တဲ့
ဆင်းရဲခြင်းဒုက္ခသဘောသဘာဝတွေကို သရုပ်ခွဲပြပါတယ်။

ပါရမီအတော်အသင့်ရှိသူတွေအဖို့
ဘုရားရှင်ထုတ်ပြတဲ့ ဒုက္ခသရုပ်ကို ကြားရပြီး ဖတ်ရပြီး
အိမ်ထောင်သားမွေးမပြုရသေးသူတွေဆိုရင်
အိမ်ထောင်သားမွေးပြုချင်စိတ် ကုန်သွားနိုင်ပါတယ်။
အိမ်ထောင်သားမွေး ပြုပြီးသူတွေဆိုရင်
သားမယားပစ်ထားခဲ့ပြီး တောထွက်သွားနိုင်ပါတယ်။

ဆင်းရဲခြင်းဒုက္ခနဲ့ပတ်သက်လို့ ဘုရားရှင် ပထမဦးဆုံးမိန့်တာက
 “ဇာတိပိ ဒုက္ခာ - ပဋိသန္ဓေတည်နေရခြင်းက ဆင်းရဲတယ်” တဲ့။
အမိဝမ်းတွင်းမှာ ပထမဦးဆုံး ရုပ်သစ်၊ စိတ်သစ်ဖြစ်ပေါ်တာကို
ပဋိသန္ဓေတည်နေတယ်လို့ဆိုပါတယ်။

ပဋိသန္ဓေတည်နေမှုနေ့ပတ်သက်လို့
ဘုရားရှင်က
“ရှေးဦးစွာ ကလလရေကြည်၊
ကလလရေကြည်မှ အမြှုပ်၊
အမြှုပ်မှ သားတစ်၊
သားတစ်မှ အခဲ၊
အခဲမှ ခက်မငါးဖြာ (ဦးခေါင်း၊ ခြေ၊ လက်) တို့ ဖြစ်ကုန်၏။
ဆံ, အမွေး, ခြေသည်းလက်သည်းတို့လည်း ဖြစ်ကုန်၏” လို့ ဟောခဲ့ဘူးပါတယ်။

ဘုရားရှင်ရဲ့ ဟောကြားချက်ကို ထပ်ပြီး အဓိပ္ပါယ်ဖွင့်တဲ့
အဋ္ဌကထာဆရာတော်က
ပဋိသန္ဓေ စ နေတဲ့ပထမ (၇) ရက်မှာ ကလလရေကြည်ဖြစ်ပါတယ်။
နောက် (၇) ရက်မှာ အမြှုပ်ဖြစ်လာတယ်။
နောက် (၇) ရက်မှာ သားတစ်လေးဖြစ်လာတယ်။
နောက် (၇) ရက်မှာ အခဲတုံး (ခပ်ကြီးကြီးလေး) ဖြစ်လာပါတယ်။
နောက် (၇) ရက်မှာ ဦးခေါင်း၊ ခြေ၊ လက်တို့ ထင်ရှားလာပါတယ်။
နောက် (၇၇) ရက်ဝန်းကျင်မှာတော့ မျက်စိ၊ နား၊ နှာ၊ လျှာတွေ ပေါ်ပေါက်လာပါတယ်။
နောက် (၂၉၄) ရက်ဝန်းကျင်မှာ ဆံပင်၊ မွှေးညှင်း၊ ခြေသဲ၊ လက်သဲတွေ ပေါက်လာတယ်လို့ဆိုပါတယ်။
အဲ့ဒီနောက်တော့ ကိုယ်ဝန်ရင့်ကျက်ပြီး ကိုးလနှင့် ဆယ်လကြား မွေးဖွားတယ်တဲ့။
အချို့ ခုနစ်လ၊ ရှစ်လလောက်နဲ့လဲ ဖွားကြပါသေးတယ်တဲ့။

ဒါကတော့ ဗုဒ္ဓစာပေမှာလာတဲ့ ပဋိသန္ဓေနဲ့စပ်တဲ့မှတ်သားစရာလေးတွေပါ။
သိပ္ပံခေတ် ဆေးသုတေသနလေ့လာချက်တွေနဲ့ ဗုဒ္ဓစာပေလာ ဖော်ပြချက်တွေဟာ
အတော်ကိုက်ညီကြောင်း စာအုပ်တစ်အုပ်ထဲမှာဖတ်ဖူးတယ်။
ထား။

ဒီနေရာမှာပြောချင်တာက ဒီလိုအမိဝမ်းတွင်းမှာ
ကိုးလကျော် ဆယ်လနေခဲ့ရတဲ့ ဇာတိဒုက္ခအကြောင်း။
ဇာတိဒုက္ခ - ပဋိသန္ဓေနေတုန်းဆင်းရဲတာကို ပီပြင်အောင်
အဋ္ဌကထာဆရာတော် ရှင်မဟာဗုဒ္ဓဃောသ က
သူ့ရဲ့ ၀ိသုဒ္ဓိမဂ်ကျမ်း (The Path of Purification) မှာ
ပီပီပြင်ပြင် ရေးပြထားတယ်။
မြန်မာပြည်က ဆရာတော်ကြီးတစ်ပါးက လင်္ကာသီကုံးထားတယ်။ ကောင်းမှကောင်း။

စာဟောင်းစာသစ်၊ အောက်ထက်ဝန်းရံ၊
ပုပ်နှံညှီလောင်း၊ ကျဉ်းမြောင်းမဲမိုက်၊ မိဝမ်းတိုက်ဝယ်၊ ဘင်၌လောက်လို၊
ကျောကိုဝမ်းပြု၊ ဒူးနှစ်ခုကြား၊ ဦးခေါင်းထားလျက်၊
မေးဖျားလက်ဆုပ်၊ သစ်ငုတ်တိုမှာ၊ မျောက်အိုကုပ်သည့်နှယ်၊
မလှုပ်မရှက်၊ သေသောက်လက်ဝယ်၊ ဆိတ်သူငယ်လို၊ အလမ္ပါယ်မိ၊ မြွေငယ်ချိသို့၊
အမိစပ်ခါး၊ ပူအေးစားလည်း၊ ကိုယ်သားဆတ်ဆတ်၊ သက်ပြတ်တစေ၊ ဆယ်လနေ၍၊
လေကမ္မဇ၊ ဦးဇောက်ချသား၊ မဂ်ဝသို့ရောက်၊ သံကောက်ပေါက်ဝယ်၊ ဆွဲမြှောက်ဆင်ပြောင်၊ သံဘောင်ကြိတ်ခြေ၊ ပုံနေရယိက၊ ပြင်သို့ကျလည်း၊ အပ်ဆွသည့်ဟန်၊
ကြီးပြန်ဒုက္ခ၊ ပြစ်များလှသည်၊ မူလဇာတိမြစ်ရင်းတည်း။

ရှင်းလင်းချက်
 စာဟောင်းစာသစ်၊ အောက်ထက်ဝန်းရံ၊

ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
မိခင်ရဲ့အစာဟောင်းအိမ် (ချေးထုပ်) ကို ဖင်ခုထိုင်ထားရပြီး
အစာသစ်အိမ်ကို ခေါင်းနဲ့ ရွက်ထားရတယ်တဲ့။
ပုပ်နှံညှီလောင်း၊ ကျဉ်းမြောင်းမဲမိုက်၊ မိဝမ်းတိုက်ဝယ်၊ ဘင်၌လောက်လို၊

ပုပ်နံ့ထွက်နေတဲ့ အညစ်အကြေတွေနဲ့ ပြည့်နေတဲ့ သားအိမ်ထဲမှာ
မိခင်ရဲ့ ကိုယ်ဝန်ဆောင် သွေးနဲ့ မိဘ နှစ်ဦးတို့၏ အညစ်အကြေး သုက်သွေးတို့ကို မှီခိုနေရတာဖြစ်လို့
မိခင်ဝမ်းတွင်းက ခလေးအနေအထားဟာ
မစင်တွင်းထဲက ပိုးလောက်နဲ့ ထူးမခြားနားပါ တဲ့။
ကျောကိုဝမ်းပြု၊ ဒူးနှစ်ခုကြား၊ ဦးခေါင်းထားလျက်၊
မေးဖျားလက်ဆုပ်၊ သစ်ငုတ်တိုမှာ၊ မျောက်အိုကုပ်သည့်နှယ်၊

ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
အမိကျောဘက်ကို မျက်နှာမူပြီး ဒူးနှစ်လုံးတို့၏အကြား၌ ခေါင်းကိုထားလျက်
 မေးအောက်မှာ လက်နှစ်ဘက်ဆုပ်ကာ နေနေရတယ် တဲ့။
ဒီအနေအထားက ဘာနဲ့ တူသလဲ ဆိုရင်
သစ်ငုတ်တိုပေါ်၌ မျောက်အိုတစ်ကောင် ကုပ်ကုပ်လေး နေနေသလိုဘဲ တဲ့။
မလှုပ်မရှက်၊ သေသောက်လက်ဝယ်၊ ဆိတ်သူငယ်လို၊ အလမ္ပါယ်မိ၊ မြွေငယ်ချိသို့၊

ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
မိခင်ဖြစ်သူ မြန်မြန်ဆန်ဆန် သွားတဲ့အခါ၊ ကုန်ချီကွချီပြုတဲ့အခါတွေမှာ
အရက်သမားလက်ထဲရောက်နေတဲ့ ဆိတ်ပေါက်စလို၊
မြွေ-အလမ္ပာယ်ဆရာက မြွေကိုဖမ်းပြီး အမျိုးမျိုး နှိပ်စက် ညှဉ်းပန်းသလို
 မချိမဆန့် ခံစားရတယ် တဲ့။
အမိစပ်ခါး၊ ပူအေးစားလည်း၊ ကိုယ်သားဆတ်ဆတ်၊ သက်ပြတ်တစေ၊ ဆယ်လနေ၍
ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
မိခင်ဖြစ်သူ အစပ်စားရင် လှံနဲ့ထိုးပြီး ဆားနဲ့ပက်သလို ခံစားရတယ်တဲ့။
 အပူစားရင် မီးနဲ့မြှိုက်သလို ခံစားရတယ်တဲ့။
အအေးစာတွေကို စားရင် ရေခဲတုံးကြီးနဲ့ ဖိထားသလို ခံစားရတယ်တဲ့။
ဒီလိုဒုက္ခခံရတာက သေလုမတတ် အသားတဆတ်ဆတ်နဲ့ကို ခံစားရတာပါတဲ့။
(ဒါ့ကြောင့် မိခင်တွေ အစားအသောက် ဆင်ခြင်သင့်ပါတယ်)
လေကမ္မဇ၊ ဦးဇောက်ချသား၊ မဂ်ဝသို့ရောက်၊ သံကောက်ပေါက်ဝယ်၊ ဆွဲမြှောက်ဆင်ပြောင်၊ သံဘောင်ကြိတ်ခြေ၊ ပုံနေရယိက၊ ပြင်သို့ကျလည်း၊ အပ်ဆွသည့်ဟန်၊
ကြီးပြန်ဒုက္ခ၊ ပြစ်များလှသည်၊ မူလဇာတိမြစ်ရင်းတည်း။

အချိန်တန်လို့ ဗိုက်နာလာရင် ခြေထောက်ကို အထက်၊
ဦးခေါင်းကို အောက်ဘက်သို့ စောက်ထိုးမိုးမျှော် လှည့်ရပါတယ်။
ပြီးတော့ မဂ်ဝသို့ရောက်သောအခါ သေးငယ်တဲ့ သံပေါက်ကျဉ်းကျဉ်းလေးထဲကနေ
ဆင်ပြောင်ကြီးကို ဆွဲထုတ်ရသလို ခလေးခမျာ ခံစားရသတဲ့။
ကတ္တရာလမ်းကြိတ်တဲ့ ကားကြီးနဲ့ အကြိတ်ခံရသလို
ခလေးခမျာ ခံစားရှာသတဲ့။

ဒါ့အပြင် ကောင်းစွာမီးမဖွားနိုင်ရင် မိခင်ချမ်းသာ ပြီးရော,
ကလေး ဘယ်လို ဖြစ်ဖြစ် ဟု ဆိုသူက ဆိုကြသေး၏။

မိခင်ဝမ်းတွင်းမှာ လေတောင် အတိုးမခံရလို့ အလွန်နုရွနေတဲ့ ခလေးသူငယ်ကို
တခါတလေ ညှပ်နဲ့ ဆွဲထုတ်ရတယ်တဲ့။
အပြင်သို့ ရောက်လာရင်လဲ အ၀တ် ကြမ်းတမ်းတွေနဲ့ ကိုင်တွယ်လို့
ခလေးခမျာ အပ်နဲ့ ထိုးဆွသလို ခံစားရရှာတယ်။

အော်၊ ဇာတိဒုက္ခ ၊ ဇာတိဒုက္ခ၊ ဇာတိဒုက္ခ။

ရည်ညွှန်း၊ မင်္ဂလာသတင်းစဉ်၊ မော်လူး