Saturday, April 30, 2011

လိုအပ်ချက်များ


ဗုဒ္ဓဘာသာခေါင်းဆောင်များဖြစ်ကြတဲ့ ရဟန်းသံဃာတို့အလုပ်ဟာ
အကြမ်းအားဖြင့်
(၁) ပရိယတ်လုပ်ငန်းနဲ့
(၂) ပဋိပတ်လုပ်ငန်းလို့ နှစ်မျိုးရှိပါတယ်။

နားလည်သလိုပြောရရင်
(၁) သင်ခြင်းအလုပ်နဲ့ ကျင့်ခြင်းအလုပ်ပေါ့။

စာသံပေသံ၊ စာလာပေလာစကားနဲ့ပြောရရင်
(၁) ဂန္ထဓူရနဲ့ (၂) ၀ိပဿနာဓူရတဲ့။

နံပါတ် (၁) လုပ်ငန်းဖြစ်တဲ့ ဂန္ထဓူရလို့ခေါ်တဲ့
ပရိယတ္တိလုပ်ငန်း၊ စာသင်စာချခြင်းလုပ်ငန်းကို
မြန်မာပြည်အနယ်နယ်အရပ်ရပ် မြို့ကြီးမြို့လေးတွေမှာရှိတဲ့
ပရိယတ္တိစာသင်တိုက်တွေက ထမ်းဆောင်ကြပါတယ်။

သာသနာကို ရေရှည်တည်တံ့အောင် လုပ်ဆောင်ပေးနေတာ
ဒီပရိယတ္တိစာသင်တိုက်တွေပါ။
ပရိယတ်သမားမရှိဘဲ နည်းမှန်လမ်းမှန်ညွှန်ပြပေးနိုင်တဲ့
ပဋိပတ်သမား ပေါ်ထွက်လာနိုင်စရာ အကြောင်းမရှိဘူးဆိုတာ
အားလုံးတညီတညွတ်တည်း လက်ခံထားပါတယ်။

ဒါ့ကြောင့်မို့
ပရိယတ်မကင်းတဲ့ ပဋိပတ်ဖြစ်ရေး၊
ပဋိပတ်မကင်းတဲ့ ပရိယတ်ဖြစ်ရေးမူတွေကို
တတ်သိနားလည်တဲ့ဆရာတော်ကြီးများက
လွန်ခဲ့တဲ့ ဆယ်စုနှစ်လောက်ကတည်းက စတင်ချမှတ်လာခဲ့ပါတယ်။
အောင်မြင်သင့်သလောက် အောင်မြင်လာတယ်လို့ ပြောလို့ရပေမဲ့
လိုအပ်တာတွေ ရှိနေဆဲပါ။

နိုင်ငံတကာမှာ စာသင်ဌာန (Institute) တစ်ခုတည်ထောင်တော့မယ်ဆိုရင်
အရေးအကြီးဆုံးက စာကြည့်တိုက် ပါ။
စာသင်ဌာနတစ်ခုရဲ့ အောင်မြင်မှုဟာ
အဲ့ဒီစာသင်ဌာနမှာရှိတဲ့ စာကြည့်တိုက်မှာ စာအုပ်ဘယ်လောက်စုံစုံလင်လင်ရှိသလဲ၊
စာကြည့်တိုက်စနစ် ဘယ်လောက်ကောင်းသလဲ ဆိုတာပေါ်မှာ မူတည်တယ်လို့
နိုင်ငံတကာပညာသင်ဌာနတွေက လက်ခံယုံကြည်ထားပါတယ်။

ဆိုတော့ မြန်မာပြည်က ဘုန်းကြီးကျောင်းပညာသင်ဌာနတွေဖြစ်တဲ့
ပရိယတ္တိစာသင်တိုက်တွေမှာ
စာသင်ဌာနတစ်ခုရဲ့ အရေးအကြီးဆုံးဖြစ်တဲ့ စာကြည့်တိုက် ရှိပါရဲ့လား။
ရှိခဲ့ရင် စနစ်ဘယ်လောက်ကောင်းပါသလဲ။
စာကြည့်တိုက်မှာ စာသင်သားတစ်ဦးလိုအပ်တဲ့စာရွက်စာတမ်းတွေ မိတ္တူကူးဘို့
မိတ္တူကူးစက်လို အထောက်အကူပြုပစ္စည်းမျိုးတွေ အလွယ်တကူ ထားပေးနိုင်ပါသလား။

ပရိယတ္တိစာသင်တိုက်တွေမှာ စာကြည့်တိုက်မရှိရင် ရှိအောင်လုပ်ရပါမယ်။
စာကြည့်တိုက်နဲ့ဆက်စပ်တဲ့အထောက်အကူပြုပစ္စည်းတွေ
စာသင်သားတွေအတွက် ဖြည့်ဆည်းပေးရပါမယ်။
စာကြည့်တိုက်ဟာ စာသင်သားရဲ့အသက်ဆိုတာကို
နိုင်ငံတကာမှာ နားလည်သဘောပေါက်နေတဲ့အချိန်
ပရိယတ္တိစာသင်တိုက်တွေမှာ စာကြည့်တိုက် ထားပေးရကောင်းမှန်းမသိရင်
ခေတ်နဲ့ရင်ဘောင်တန်းနိုင်တဲ့အသိဥာဏ် ဘယ်လိုလုပ် ရနိုင်မလဲ။

စာမေးပွဲပြဌာန်းစာထဲမှာ မပါတဲ့ ဘာသာကြီးလေးခုအကြောင်း၊
ဗုဒ္ဓဘာသာသမိုင်းစာအုပ်၊ မြန်မာလူမျိုးတို့လက်ခံယုံကြည်တဲ့ဗုဒ္ဓဘာသာနဲ့
တခြားနိုင်ငံက လက်ခံယုံကြည့်တဲ့ဗုဒ္ဓဘာသာတူမတူ စတာတွေကိုဖတ်ဖို့
ပရိယတ္တိစာသင်တိုက်တွေမှာ စာကြည့်တိုက် ရှိကို ရှိရပါမယ်။
ဒါမှသာ ခေတ်နဲ့ရင်ဘောင်တန်းနိုင်လာမှာဖြစ်ပြီး သာသနာကို
အကွက်ကျကျ စွမ်းစွမ်းတမံ ပြုနိုင်မှာပါ။

ခေတ်နဲ့ရင်ဘောင်တန်းနိုင်တဲ့အသိဥာဏ်မရရင်
(၀ါ) သဒ္ဒါရုပ်တွက်နဲ့သဂြိုဟ်သရုပ်ခွဲလောက်ကိုသာ လေ့လာခွင့်ရမယ်ဆိုရင်
ဗုဒ္ဓသာသနာတိုးတက် ပြန့်ပွါးဘို့ ဘယ်လိုလုပ် စွမ်းဆောင်နိုင်မလဲ။

နောက်တစ်ခုက ပရိယတ္တိစာသင်တိုက်တွေမှာ စာသင်ခန်းမရှိတာ။
စာသင်တိုက်လုပ်ပြီး စာသင်ခန်းမရှိတာ အတော်အံ့သြစရာကောင်းပါတယ်။
တချို့စာသင်တိုက်တွေမှာ ကျောင်းဆောင်တွေ မှိုလိုပေါက်အောင် ဆောက်ထားပေမဲ့ စာသင်ခန်းကျောင်းဆောင် မဆောက်တာဟာ အတော်ဝမ်းနည်းစရာကောင်းပါတယ်။

တချို့စာသင်တိုက်တွေမှာဆိုရင်
စားလဲဒီနေရာဘဲ၊ အိပ်လဲ ဒီနေရာဘဲ၊ စာသင်လဲ ဒီနေရာဘဲ။
ဒီလို မဖြစ်သင့်ပါဘူး။

စာသင်တိုက်မှာ စာသင်ခန်းရှိသင့်ပါတယ်။ ရှိရပါတယ်။
ဒီနေရာအိပ်၊ ဒီနေရာစား၊ ဒီနေရာမှာပဲ လေးဘက်ထောက်ပြီး
စာသင်ရတာဟာ စာသင်သားရဲ့ ဦးဏှောက်ကို မရွှင်လန်းစေပါဘူး။
အမြင်မတော်ပါဘူး။ အမြင် မတင့်တယ်ပါဘူး။
လေးဘက်ထောက်ပြီး စာသင်ရတဲ့ခေတ် စနစ်ကြီး ကုန်ဆုံးသင့်ပါပြီ။

အဆင့်မြင့်တဲ့ဘုရားရှင်ရဲ့ စာပေတွေကို သင်ကြား သင်ယူနေတာဖြစ်တဲ့အတွက်
အဆင့်မြင့်မြင့်ဘဲ သင်ကြား သင်ယူသင့်ပါတယ်။
လောကဓာတ်ကျောင်းသားတွေလို
ကိုရင်စာသင်သား ဦးဇင်းစာသင်သားတွေလဲ စာသင်ခန်းထဲမှာ ထိုင်ခုံနဲ့၊ စားပွဲနဲ့၊
စာချဘုန်းကြီးကလဲ စာသင်ခန်းထဲမှာ ထိုင်ခုံနဲ့၊ စားပွဲနဲ့၊ မိုက်နဲ့၊ ဘောနဲ့ စသဖြင့်
လိုအပ်တဲ့အထောက်အကူပြု ပစ္စည်းအပြည့်အစုံနဲ့ဆိုရင် ဘယ်လောက်ကောင်းလိုက်မလဲ။
သင်ပေးသူရော သင်ယူသူရော စိတ်တက်ကြွ ရွှင်လန်းပြီး
ဥာဏ်တွေ နဂိုကထက် ပွင့်လင်းလာမှာ အမှန်ပါ။

ပရိယတ္တိစာသင်တိုက်တွေမှာ ကိုရင်လေးတွေ ဦးဇင်းပေါက်စတွေကို စာသင်ပေးရင်
စာချဘုန်းကြီးလုပ်တဲ့သူက စာချည်းသက်သက် ပို့ချနေရုံနဲ့ မလုံလောက်ပါဘူး။
ဒီကိုရင်လေးတွေ ဦးဇင်းပေါက်စတွေကို
သာသနာပြုချင်စိတ်ဖြစ်ပေါ်လာအောင် အမြဲတမ်း ပြောဆိုပေးသင့်ပါတယ်။
ငယ်ငယ်လေးကတည်းက သာသနာကို စောင့်ရှောက်လိုတဲ့စိတ်ဖြစ်ပေါ်လာအောင်၊
ရောက်ရာအရပ်မှာ ဖြစ်တဲ့နည်းနဲ့ သာသနာပြုချင်စိတ်ဖြစ်ပေါ်လာအောင် ပြောပြသသင့်ပါတယ်။

ဒီလိုလုပ်ပေးခြင်းဖြင့် တောရွာတွေမှာ ဝေးလံတဲ့အရပ်တွေမှာ
သာသနာပြုချင်စိတ်ပေါ်ပေါက်လာမှာဖြစ်ပြီး
အခုလောလောဆယ်တွေ့ကြုံနေရတဲ့ တောရွာတွေမှာ
စာမတတ် ပေမတတ်တဲ့ တောထွက်ရဟန်းတော်ကြီးတွေ
ကြီးစိုးနေတဲ့ဘေးက ကင်းလွတ်သွားမှာပါ။

တကယ်တော့ ဒါတင်မကပါဘူး။
ကိုရင်လေးတွေ ဦးဇင်းပေါက်စလေးတွေကို
(မြင်လိုက်တာနဲ့ ရှိခိုးချင်စိတ်၊ ကြည်ညိုစိတ်ပေါက်လာအောင်)
ဝတ်နည်း ရုံနည်း၊ နေနည်း ထိုင်နည်း၊
စားနည်း သောက်နည်း၊ ပြောနည်း ဟောနည်းတွေကို သင်ပေးသင့်ပါတယ်။

သို့မှသာ အချိုးကျတဲ့ ဦးဆောင်နိုင်တဲ့သူဖြစ်လာမှာပါ။
လူရှေ့သူရှေ့ထွက်ရင် တင့်တယ်သပ်ရပ်တဲ့သူဖြစ်လာမှာပါ။
ရှိခိုးခံရမဲ့သူဟာ ရှိခိုးမဲ့သူထက် အစစအရာရာ သာလွန်နေရပါမယ်။

စားတဲ့နေရာမှာလဲ အဆင့်မြင့်မြင့် စားတတ်မယ်၊
ဝတ်တဲ့နေရာမှာလဲ အဆင့်မြင့်မြင့် ၀တ်တတ်မယ်၊
ပြောတဲ့ ဟောတဲ့နေရာမှာလဲ အဆင့်မြင့်မြင့် ပြောတတ် ဟောတတ်မယ်ဆိုရင်
သူတို့လေးတွေကို ကြည့်ပြီး အထင်သေးမှု မဖြစ်တော့ဘဲ
လေးစားအတုယူအားကျသူတို့အဖြစ် မှတ်ယူလာမှာဖြစ်ပါတယ်။

ဒီလိုလုပ်ပေးခြင်းဟာ သာသနာတော်ကို မြှင့်တင်ပေးရာရောက်တဲ့အပြင်
လူမျိုးကို မြှင့်တင်ပေးရာလဲ ရောက်ပါတယ်။

မြန်မာနိုင်ငံဟာ ဗုဒ္ဓဘာသာအများစုနေထိုင်တဲ့နိုင်ငံဆိုတော့
မြို့ကြီး မြို့လေးတွေရဲ့ ရပ်ကွက်အသီးသီးသီးမှာ
ဗုဒ္ဓဘာသာ ဓမ္မာရုံတွေရှိပါတယ်။
အမြဲတမ်း တံခါးပိတ်ထားတာကို တွေ့ရပါတယ်။

ဒီ ဓမ္မာရုံတံခါးတွေကို ဖွင့်ဘို့ ဖွင့်နိုင်ဘို့က
ပရိယတ္တိစာသင်တိုက် ဆရာတော်တွေရဲ့ တာဝန်လို့ မြင်မိပါတယ်။
ရပ်ကွက်ထဲကဓမ္မာရုံလူကြီး ဂေါပကအဖွဲ့တွေနဲ့တိုင်ပင်ညှိနှိုင်းပြီး
ဥပုသ်နေ့လို ဒါမှမဟုတ် တနင်္ဂနွေနေ့လိုနေ့တွေမှာ
စာသင်တိုက်က အဆင်ပြေလောက်မဲ့ စာချဘုန်းကြီး ဦးဇင်းတွေကို စေလွှတ်ပြီး
(ငှက်ပျောပွဲ၊ အုန်းပွဲကို မကြည့်ဘဲ)
သြကာသမှသည် ငါးပါးသီလ၊ ဗုဒ္ဓ၀င်စသည်တွေကို သင်ကြားပေးသင့်ပါတယ်။

ဒီလို သင်ကြားပေးခြင်းဖြင့် ဗုဒ္ဓဘာသာဝင်တိုင်း ဗုဒ္ဓဘာသာအကြောင်းနားလည်လာပြီး
ဘယ်လိုအကြောင်းကြောင့်ပဲဖြစ်ဖြစ် ဘယ်လိုအခြေအနေမျိုးနဲ့ကြုံကြုံ
အခြားဘာသာကို ကူးပြောင်းတော့မှာ မဟုတ်ပါဘူး။

လောကီဆန်ဆန်အတွေးနဲ့ပြောရရင်လဲ စာသင်တိုက်ဆရာတော် သံဃာတော်များ
(ရိပ်သာက ဘုန်းကြီးတွေလို) ဒကာ ဒကာမတွေနဲ့ တိုက်ရိုက်တွေ့ထိလာနိုင်ပြီး
စာသင်တိုက် စိုပြေရေးအတွက် တစ်ဖက်တစ်လမ်းက အထောက်အကူပြုလာမှာ
မြေကြီးလက်ခတ်မလွဲပါ။

သိသလောက်နဲ့တတ်နိုင်သမျှ အကျဉ်းချုပ်အကြံပြုချင်တာကတော့
ပရိယတ္တိစာသင်တိုက် ဆရာတော်သံဃာတော်များ
မိမိတို့အုတ်တံတိုင်းအတွင်းမှာလဲ တတ်နိုင်သမျှ ခေတ်မီတဲ့ပညာရေးစနစ်ကို ချမှတ်ပြီး
တစ်ပိုင်တစ်နိုင်ထမ်းဆောင်ရပါမယ်။

အုတ်တံတိုင်းအပြင်ထွက်ပြီးတော့လဲ
မိမိတို့နဲ့နီးစပ်ရာ ဒကာ၊ ဒကာမတွေနဲ့ တတ်နိုင်သမျှ နီးစပ်အောင်အားထုတ်ပြီး
ဘာသာအသိ သာသနာအသိတွေကို သူတို့ရဲ့ ဦးဏှောက်ထဲ ထည့်သွင်းပေးသင့်ပါတယ်။
(မြန်မာပြည်၊ မန္တလေး၊ မဟာကုသိုလ်ပရိယတ္တိစာသင်တိုက် 
ငွေရတုစာစောင်အတွက် ရေးလိုက်တဲ့ ဆောင်းပါးလေးဖြစ်ပါတယ်)

Friday, April 29, 2011

အမြန်လုပ်ရမဲ့ဟာ


အားလုံး သိပြီးသားဖြစ်တဲ့အတိုင်း
ဗုဒ္ဓဘာသာမှာ အကြမ်းအားဖြင့်း ဂိုဏ်းကြီး ၃ ဂိုဏ်းကွဲပြားနေပါတယ်။
အဲ့ဒါတွေကတော့
(၁) မဟာယာနဗုဒ္ဓဘာသာ
(၂) ဟီနယာနဗုဒ္ဓဘာသာ
(၃) ထေရ၀ါဒဗုဒ္ဓဘာသာ
တို့ဖြစ်ပါတယ်။

၁။ မဟာယာနဗုဒ္ဓဘာသာ
မဟာယနဂိုဏ်းရဲ့ အဓိကအချက်ကြီးက ဘုရားလောင်းဝါဒဖြစ်ပါတယ်။
လူတိုင်းလူတိုင်း သတ္တ၀ါတိုင်းသတ္တ၀ါတိုင်း ဘုရားလောင်းဆုကို ယူရမယ်လို့ ဆိုပါတယ်။
ဘုရားလောင်းဖြစ်ရမယ်၊ ဘုရားလောင်းအဖြစ်နဲ့ လောကကို ကယ်တင်ရမယ်
ပန်းတိုင်ဖြစ်တဲ့ နိဗ္ဗာန်ကို ဘုရားအလောင်းအဖြစ်နဲ့ သွားရမယ်လို့ သူတို့က ယူဆကြပါတယ်။

ဘုရားရှင်တရားတော်တွေကို ဘုရားရှင် ဟောကြားတော်မူသည့်အတိုင်း မဟုတ်ဘဲ
ကာလ၊ ဒေသ၊ ပုဂ္ဂလ အစရှိ သော အခြေအနေအရပ်ရပ်တို့နဲ့ ကိုက်ညီအောင်
ဘုရားရှင်ရဲ့ တရားတော်တို့ကို ပြုပြင်ပြီး
တပည့်သာဝကအဖြစ်၊ သီးခြားဘုရား (ဘုရားဖြစ်ကာမတ္တ) ပစ္စေကအဖြစ်ဖြင့်
နိဗ္ဗာန်ကိုမရနိုင်ဘဲ သမ္မာသမ္ဗုဒ္ဓအဖြစ်ဖြင့်သာ နိဗ္ဗာန်ကို ရနိုင်သည်ဟူ၍
ယူဆသည့် ဗုဒ္ဓဘာသာကို မဟာယာနဗုဒ္ဓ ဘာသာလို့ခေါ်ပါတယ်။

၂။ ဟီနယာနဗုဒ္ဓဘာသာ
ထေရဝါဒဗုဒ္ဓဘာသာကဲ့သို့ မူရင်းတရား အစစ်အမှန်တွေကိုလည်း
အတိအကျ မလိုက်နာနိုင် မဟာယာနတွေလောက်လည်း ပြုပြင်ဖြည့်စွက်ပယ်နှုတ်ဖို့
မလုပ်ချင်တဲ့ ဗုဒ္ဓဘာသာကို ဟီနယာနဗုဒ္ဓဘာသာလို့ ခေါ်ပါတယ်။
အခုအခါမှာတော့ ၎င်းဂိုဏ်းတို့သည် မဟာယာန ဗုဒ္ဓဘာသာဂိုဏ်းက
မျိုထားခြင်းကို ခံလိုက်ကြရသည်လို့ မဟာယာနအတွင်းမှာ တိမ်မြုပ်ကြကုန်ပြီး
ပျောက်ကွယ် သလောက် ဖြစ်သွားပါပြီ။

ဟီနယာန=နိမ့်ကျသည့်ယာဉ်ဟူ၍ နာမည်တပ်မှုကို
မဟာယာနတို့က ပြုလုပ်ခဲ့တာပါ။
ဘီစီ ငါးရာစုခန့်က စတင်ပေါ် ထွန်းခဲ့သည့်ဂိုဏ်းလို့ ဆိုနိုင်ပါတယ်။
ယခု -တိဘက်၊ ဆိကင်၊ ဘူတန်၊ နီပေါ၊ မွန်ဂိုလီးယား၊ တရုတ်၊ ကိုရီးယား၊ ဂျပန်၊ ဗီယက်နမ်
အစရှိသောနိုင်ငံ - တို့မှာမဟာယာနဗုဒ္ဓဘာသာကို ကိုးကွယ်နေကြသည်။
မှတ်ချက်။ ထေရ၀ါဒနှင့် ဟီနယာန မတူပါ။

၃။ ထေရဝါဒဗုဒ္ဓဘာသာ
ထေရဝါဒဗုဒ္ဓဘာသာက မြတ်စွာဘုရား ဟောကြားတော်မူထားတဲ့
တရားတော် မူရင်းအတိုင်း လက်ခံကျင့်သုံးပါတယ်။
ထုတ်ပယ်ခြင်း၊ ဖြည့်စွက်ခြင်းမပြုပါဘူး။
ပန်းတိုင်ဖြစ်သောနိဗ္ဗာန်သို့ ရိုးရိုးသာမန် တပည့်အဖြစ်ဖြင့် ကျင့်သုံး၍လည်း ရောက်နိုင်တယ်။ ဘုရားဖြစ်အောင် ကျင့်ကြံ၍လည်း ဘုရားဖြစ်ပြီး ပန်းတိုင်ဖြစ်သော နိဗ္ဗာန်သို့ရောက်နိုင်တယ်။

ထေရဝါဒဗုဒ္ဓဘာသာကို
၁။ မြန်မာ၊ ၂။ ထိုင်း၊ ၃။ သီရိလင်္ကာ၊ ၄။ ကမ္ဗောဒီးယား၊ ၅။ လော-နိုင်ငံတို့မှာ
ကိုးကွယ်နေလျက် ရှိပါတယ်။
ထေရဝါဒဗုဒ္ဓဘာသာဟူသည်မှာ မြတ်စွာဘုရား၏ တရားတော်ကို
မြတ်စွာဘုရား ဟောကြားတော်မူသည့်အတိုင်း မပြုမပြင်၊ မဖြည့်မစွက်၊ မပယ်မနှုတ်ဘဲ
လိုက်နာကျင့်သုံး သည့် ဗုဒ္ဓဘာသာကို ခေါ်တာပါ။

ထေရ၀ါဒဗုဒ္ဓဘာသာကို လက်ခံထားတဲ့ ငါးနိုင်ငံထဲက
သီရိလင်္ကာမှာ နေခဲ့ဘူးတာဆိုတော့
သီရိလင်္ကာနိုင်ငံအကြောင်း နည်းနည်းလေး ပြောကြည့်ရအောင်။

သီဟိုဠ်နိုင်ငံမှာ ဘာသာရေးပွဲတွေ အထူးသဖြင့် Vesak Festival လို့ခေါ်တဲ့
ကဆုန်လပြည့် ဗုဒ္ဓနေ့ပွဲတော်အခန်းအနားတွေမှာ
လူကြီး၊ လူငယ်၊ လူရွယ်၊ လူလတ် အကုန်လုံးပါဝင်ဆင်နွှဲကြတာကို
တွေ့ခဲ့ဘူးပါတယ်။

သီဟိုဠ်ဘုန်းကြီးကျောင်းတွေမှာ ကဆုန်လပြည့် ဗုဒ္ဓနေ့မှာ
၁၀-နှစ်၊ ၁၂-နှစ်အရွယ်ကလေးငယ်လေတွေရဲ့ ဗုဒ္ဓ၀င်ပန်းချီပြိုင်ပွဲ၊
ပြပွဲလေးတွေကို တခုတ်တရ ကျင်းပပေးပါတယ်။
ဘုန်းကြီးများက ပြိုင်ပွဲဝင်ကလေးတွေကို
အမှတ်တရပစ္စည်းလေးတွေ လက်ဆောင်ပေးပါတယ်။
မြန်မာပြည်က အောင်ခြင်းရှစ်ပါးလို ဗုဒ္ဓဘာသာဇာတ်လမ်းနဲ့သက်ဆိုင်တဲ့
ကလေးတွေရေးဆွဲထားတဲ့ ပန်းချီကားလေးတွေကို
မိဘတွေ မိဘသူငယ်ချင်းတွေ ရပ်ကွက်လူကြီးလူငယ်တွေ
တငေးတမောလာရောက်ကြည့်ရှုခံစားအားပေးကြပါတယ်။
အတော်ကြည်နူးစရာပါ။

ဒီလို ၁၀-နှစ်၊ ၁၂-နှစ်အရွယ်ကလေးငယ်က ဘာလို့ ဗုဒ္ဓ၀င်တွေကို
သိပြီး ပန်းချီရေးဆွဲနိုင်ရတာလဲ။

နောက်အံ့သြဖွယ်တစ်ခု ကြုံခဲ့ရပါသေးတယ်။

အင်္ဂလိပ်စာတိုးတက်ဖို့အတွက် သီဟိုဠ်၊ ကိုလံဘိုမြို့မှာရှိတဲ့
အင်္ဂလိပ်စာအလေးပေးသင်ပေးတဲ့ကောလိပ်တစ်ခုတက်ဖြစ်ပါတယ်။
အသက်၁၈ နှစ်ဝန်းကျင်လူငယ်လေးတွေနဲ့အတူတက်ရပါတယ်။
အဲ့ကောလိပ်မှာ နိုင်ငံခြားသားဦးဇင်းတွေလဲ တက်ကြပါတယ်။
အဲ့တုန်းက ကမ္ဗောဒီးယားနိုင်ငံက ဦးဇင်းလေးတစ်ပါးနဲ့ စာသင်ခန်း တစ်ခန်းထဲမှာ
အတူသင်ရတယ်။ အဲ့ဒီဦးဇင်းလေးက အတော်အနောက်သန်တာပဲ။
တစ်နေ့
အတန်းဖော်ကောင်လေးတစ်ယောက်ကို သူပြောတယ်။
မင်းတို့နိုင်ငံက ကလေးမတွေ အသားမဲလို့ မလှဘူးထင်နေတာ။
အင်း၊ တချို့ကလေးမတွေက လှသားပဲ။ ချစ်ဖွယ်ကောင်းသားပဲတဲ့။

သူသုံးနှုန်းတဲ့အင်္ဂလိပ်စကားကကတော့
I thought the girls in your country are not pretty as their complexion is dark;
But some are pretty and lovely လို့ထင်တယ်။
ကောင်းကောင်းတော့ မမှတ်မိတော့ပါဘူး။

ကမ္ဗောဒီယားဦးဇင်းက ဒီလိုပြောတော့
အပြောခံရတဲ့ အတန်းဖော်သီဟိုဠ်ကုလားလေးက
တဏှာယ ဇာယတီ သောကော၊ တဏှာယ ဇာယတီ ဘယံ
တဏှာယ ၀ိပ္ပမုတ္တဿ၊ နတ္တိ သောကော ကုတော ဘယံ
ဆိုတဲ့ ဓမ္မပဒပါဠိတော်မှာလာတဲ့ ဂါထာလေးတစ်ပုဒ်ကို ရွတ်ဆိုပြတယ်ဗျာ။
ကမ္ဗောဒီးယားဦးဇင်းတောင် မျက်လုံးပြူးသွားတယ်။
ဂါထာရဲ့အဓိပ္ပါယ်က
From craving springs grief, from craving springs fear;
For him who is wholly free from craving
There is no grief, much less fear. တဲ့။

မြန်မာလိုတော့
လိုချင်တတ်မက်တတ်တဲ့တဏှာကြောင့် စိုးရိမ် ကြောက်ရွံ့စိတ်တွေဖြစ်ပေါ်လာတတ်ပြီး
လိုချင်တတ်မက်တတ်တဲ့တဏှာက လွတ်ကင်းအောင် နေထိုင်နိုင်မှသာ
စိုးရိမ်ကြောက်ရွံ့စိတ်တွေ ကင်းဝေးမှာ။

ဒီနေရာမှာ ပြောချင်တာက
သီဟိုဠ်နိုင်ငံက ဆယ်ကျော်သက်တွေ ဘာလို့များ ဘယ်လိုကြောင့်
ဒီလိုပါဠိဂါထာတွေကို သိနေပြီး လိုရင်လိုသလို အသုံးချနိုင်ရတာလဲ။

စုံစမ်းကြည့်တော့ သီဟိုဠ်နိုင်ငံမှာရှိတဲ့
Sunday Dhamma School
(တနင်္ဂနွေနေ့ ဗုဒ္ဓဘာသာယဉ်ကျေးမှုသင်တန်း) ကြောင့်
ဆိုတာ သိလာရတယ်။

သီဟိုဠ်နိုင်ငံမှာ ဗုဒ္ဓဘာသာကျောင်းသူကျောင်းသားတိုင်း
တနင်္ဂနွေနေ့မှာ ဗုဒ္ဓဘာသာယဉ်ကျေးမှုသင်တန်းကို တက်ရတယ်။
ဒီလိုမျိုးသင်တန်းကို ၁၈၈၁ ခုနစ်ကတည်းက စတင်သင်ကြားပို့ချခဲ့တာတဲ့။
ဆိုတော့ အခု နှစ်ပေါင်း ရာကျော်သွားပြီ။

ဒါ့ကြောင့် အခုသီဟိုဠ်နိုင်ငံကို အုပ်ချုပ်နေတဲ့ သမ္မတ၊ ၀န်ကြီး၊ ဗိုလ်ချုပ်ကြီးများဟာ
Sunday Dhamma School ကျောင်းဆင်းတွေချည်းပါဘဲတဲ့။

Sunday Dhamma School ကို စတင်တည်ထောင်သူကတော့
အမေရိကန်နိုင်ငံသား သာသနာ့အလံကို တည်ထွင်သူ
Henry Olcott ဆိုသူဖြစ်ပါတယ်တဲ့။

(သာသနာ့အလံ တည်ထွင်ထားတာ
ကမ္ဘာအေးက နိုင်ငံတော်သံဃာ့မဟာနာယကအဖွဲ့ မဟုတ်ဘူးနော်။ :P)
ဗုဒ္ဓ၀င်၊ ရာဇ၀င်၊ ယဉ်ကျေးမှုစတာတွေကို သင်ပေးတာပါ။
နိုင်ငံတော်အစိုးရကိုယ်တိုင်က ပညာရေးစနစ်ကို စနစ်တကျ သတ်မှတ်ပေးပြီး
စည်းမျဉ်းဥပဒေနဲ့အညီ ဖွင့်လစ်ပေးထားတာပါ။
သင်တန်းနေရာက ဘုန်းကြီးကျောင်းမှာပဲ။

အချို့စွမ်းနိုင်တဲ့ဘုန်းကြီးများက
Sunday Dhamma School မှာ ကျောင်းအုပ်အဖြစ်တာဝန်ယူပြီး
ဆရာ ဆရာမများနဲ့ ၀ိုင်းဝန်းသင်ကြားပေးပါတယ်။
အချို့ဘုန်းကြီးများကတော့ အကူလောက်ပါဘဲ။
ဆရာ၊ ဆရာမတွေက စေတနာ့ဝန်ထမ်းတွေပါ။
ဆရာ၊ ဆရာမဖြစ်ဖို့ သင်တန်းတက်ရပါတယ်။

ဆရာဖြစ်သင်တန်းမှာ
၁၊ ကုသိုလ်ကံ အကုသိုလ်ကံ၊ ကံ၏အကျိုးတရားများ
၂။ ခန္ဓာ၊ အာယတန၊ ဓာတ်၊ သစ္စာ
၃။ ပဋိစ္စသမုပ္ပါဒ်။ သမထ ၀ိပဿနာတို့ဖြစ်ပါတယ်။

Sunday Dhamma School ကျောင်းသူ ကျောင်းသားများလည်း
အစိုးရကျောင်းများမှာ ၅ နှစ်သားအရွယ်က စတင်ပြီး ပညာသင်ယူရသလို
၅ နှစ်သားအရွယ်က စတင်ပညာသင်ယူရပါတယ်။
အစိုးရကျောင်းမှာရှိတဲ့အတန်းလိုပဲ အတန်းများကို ခွဲခြားသတ်မှတ်ထားပါတယ်။

၁။ သူငယ်တန်း
၂။ ၁ တန်းမှ ၁၀ တန်း (Grade 1 to Grade 10)
၃။ နောက်ဆုံးအဆင့် ၁၊ အဆင့် ၂ (Final 1, 2)ဆိုပြီး
အတန်းပေါင်း ၁၃ တန်း (၁၃-နှစ်) သင်ကြားပေးပါတယ်။

ပြဋ္ဌာန်းစာတွေကတော့
ငါးရာ့ငါးဆယ်လာဇာတ်တော်များ၊ ဓမ္မပဒကျမ်းလာ ဘုရားလက်ထက်က အဖြစ်အပျက်များ၊
ဗုဒ္ဓ၀င်ကဗျာများ၊ ပါရမီ ၁၀ပါး၊ ဒါန သီလ စတဲ့ ပုညကိရိယ၀တ္ထု ၁၀ ပါးအကြောင်း၊
ဘုရားဖြစ်တော်စဉ်ဗုဒ္ဓ၀င်၊ ပရိတ်ကြီးပါဠိ အဓိပ္ပါယ်၊ အဘိဓမ္မာသဘောသဘာဝ၊
သုတ္တနိပါတလာ မှတ်သားဖွယ်ရာများ၊ သီဟိုဠ်ဗုဒ္ဓဘာသာသမိုင်း၊
ရှေးဟောင်းယဉ်ကျေးမှုဗိသုကာများအကြောင်း၊
ရှေးဘုရင်တို့၏အောင်ပွဲနှင့် စစ်သူကြီးများ၏အစွမ်းသတ္တိတို့ကို ဖော်ပြထားတဲ့ ရာဇ၀င်များ၊
ထေရ၀ါဒဗုဒ္ဓဘာသာနဲ့ မဟာယာနဗုဒ္ဓဘာသာအကြောင်းတို့ဖြစ်ပါတယ်။
တနင်္ဂနွေနေ့ နံနက် ၇ - နာရီလောက်ကစပြီး ရိုးရာဝတ်စုံဖြစ်တဲ့
အထက်အောက် အဖြူရောင်ဝတ်စုံကိုသာ ၀တ်ဆင်ပြီး
ကျောင်းကို လာကြရပါတယ်။

ပန်း၊ အမွှေးတိုင်၊ ဖယောင်းတိုင်စသည်တို့ကို ယူလာပြီး
ကျောင်းဝင်းရှိ ဗောဓိပင်အနီး ပန်းတင်ခုံပေါ်မှာ တင်ထားရပါတယ်။
၈ နာရီခွဲမှာ ကျောင်းသူ ကျောင်းသားများ သူ့နေရာနှင့်သူ တန်စီပြီး
ပန်း၊ ရေချမ်းစသည်တို့ကို ဘုရားကို ကပ်လှူပါတယ်။
ပြီးတော့ သီလယူပါတယ်။ ကျောင်းတိုက်မှာရှိတဲ့ဆရာတော်က သြ၀ါဒဆက်ပေးပါတယ်။
ပြီးမှ စာသင်ခန်းထဲဝင်ပြီး ဗုဒ္ဓဘာသာယဉ်ကျေးမှုစာများကို စတင်သင်ရပါတယ်။

၁၂ နာရီခွဲမှာ သင်တန်းအားလုံးပြီးပါတယ်။
သင်တန်းပြီးချိန်မှာ ကျောင်းသူကျောင်းသားများဟာ
စာသင်ခန်းထဲကနေပြီး ဗောဓိပင်ရှိရာမျက်နှာမူကာ မေတ္တာပို့ ဆုတောင်းပြီး
စာသင်ခန်းထဲမှ ထွက်ခွါကြရပါတယ်။

ဒီလိုအလေ့အကျင့်ဟာ တစ်ရက်မဟုတ်၊ တစ်လမဟုတ်၊ တစ်နှစ်မဟုတ်၊
၁၃-နှစ်ကြာ တက်ရကြောင်းသိရပါတယ်။

နောက်တစ်ခုထပ်သိရတာက
ဘွဲ့ရလို့ အလုပ်လျှောက်တဲ့အခါမှာလည်း
Sunday Dhamma School အောင်လက်မှတ်က အရေးပါပြန်တယ်တဲ့။
ဒီအောင်လက်မှတ်ပြနိုင်တဲ့သူ၊
Sunday Dhamma School မှာ အမှတ်ကောင်းကောင်းနဲ့
အောင်မြင်ခဲ့တဲ့သူဟာ အလုပ်လျှောက်ရာမှာ များစွာ အထောက်အကူဖြစ်တယ်တဲ့။
ဦးစားပေးခံရတယ်တဲ့။

သီဟိုဠ်နိုင်ငံမှာရှိတဲ့ ဗုဒ္ဓဘာသာဝင်တွေနဲ့ပတ်သက်ပြီး
သီဟိုဠ်နိုင်ငံမှာနှစ်အတန်ကြာနေဘူးတဲ့ မြန်မာဘုန်းကြီးတစ်ပါးက
အခုလိုပြောဘူးတယ်။

“သီဟိုဠ်မှာရှိတဲ့ ဗုဒ္ဓဘာသာဝင်ကလေးသူငယ်များဟာ
ဘာသာပြောင်းတယ်ဆိုတာ မရှိဘူး၊
ဘာ့ကြောင့်လဲဆိုရင် ကလေးဘ၀က စတင်ပြီး
အခြေခံဗုဒ္ဓစာပေများကို စနစ်တကျ သင်ယူခဲ့ရသည့်အတွက်
ဗုဒ္ဓဘာသာရဲ့တန်ဘိုးကို ကိုယ်ကိုယ်တိုင်သိရှိနေကြပြီလေ၊
ဒီတော့ ကိုယ့်ဗုဒ္ဓဘာသာကို ဘယ်သောအခါမှ ကျောမခိုင်းတော့ဘူး”
ဟုတ်တယ်။ သီဟိုဠ်သားတွေက ဗုဒ္ဓဘာသာကို အသက်နဲ့လဲပြီးချစ်ကြတာ။
ဗုဒ္ဓဘာသာကိုတော့ လာမစော်ကားနဲ့။ နည်းနည်းလေးမှ သည်းမခံဘူး။
ဒါ့ကြောင့် ဗုဒ္ဓဘာသာနဲ့ပတ်သက်လို့ ကမ္ဘာကို တင်ပြစရာရှိရင်
သီဟိုဠ်သားတွေပဲ တင်ပြနေတာ။
ဒို့နိုင်ငံလည်း ဒီလိုသင်တန်းတွေ ဖွင့်ချိန်တန်ပြီ။
ဒီတစ်နှစ် နှစ်နှစ်အတွင်း ဒီလိုမျိုးသင်တန်းတွေစနိုင်ရင်
အချိန်မနှောင်းသေးဘူးလို့ ယူဆပါတယ်။
ဒီထက်နောက်ကျသွားရင်တော့…၊

အနာဂတ် မြန်မာပြည် ဗုဒ္ဓဘာသာအခြေအနေ မတွေးဝံ့စရာပင်။

ပြီးခဲ့တဲ့သင်္ကြန်တွင်းက မန္တလေးမြို့၊ နိုင်ငံတော်ပရိယတ္တိသာသနာ့တက္ကသိုလ်မှာ
သာသနာ့ဘောင်တွင်း ခေတ္တခဏ၀င်ရောက်ခဲ့သော ဒုလ္လဘရဟန်းတော်များအား
ဟောပြောဆွေးနွေးခဲ့သောအကြောင်းအရာဖြစ်ပါသည်။
ဒီဟောပြောချက်ကို လင်္ကာတမန်မဂ္ဂဇင်းထဲက နောင်တော်ဦးဒေ၀ိန်ရေးထားသော ဆောင်းပါးနှင့်
ရေစကြိုအရှင်ဧသိကရေးထားသော ထေရ၀ါဒဗုဒ္ဓဘာသာစာအုပ်တို့ကို မှီငြမ်းပြီး
ဟောပြောဆွေးနွေးတင်ပြထားပါသည်။

Thursday, April 28, 2011

နိဗ္ဗာန်ဆိုတာ


ဒကာကြီး
နိဗ္ဗာန်ဟူသောတရားသည် တကယ်ပင် ရှိပါသလားဘုရား။
အကယ်၍ ရှိပါက ထိုတရားသည် အဘယ်မှာနည်း။
မည်သည့်တရားနှင့် တူပါသနည်းဘုရား။

ဆရာတော်
ဒကာကြီးရဲ့ အမေးပုစ္ဆာဟာ တစ်ချက်ခုတ် သုံးချက်ပြတ် မေးခွန်းဘဲ ဒကာကြီးရဲ့။
မေးခွန်းကို ဖြေရာမှာ ဦးပဉ္ဇင်းဟာ တာဝန်သုံးခုကို တခါတည်း ထမ်းဆောင်ရလိမ့်မယ်။
ပထမတာဝန်က နိဗ္ဗာန်ဆိုတဲ့တရားဟာ တကယ်ရှိကြောင်း ပြဘို့ဖြစ်တယ်။
ဒုတိယတာဝန်ကတော့ နိဗ္ဗာန်ဟာ ဘယ်နေရာမှာရှိတယ်ဆိုတာပြဘို့ ဖြစ်တယ်။
တတိယတာဝန်ကတော့ နိဗ္ဗာန်ရဲ့အသွင်အပြင်လက္ခဏာကို ဖော်ထုတ်ပြဘို့ဖြစ်တယ်။
ပထမဆုံးတာဝန်ဖြစ်တဲ့ နိဗ္ဗာန်ဆိုတဲ့တရားဟာ တကယ်ရှိကြောင်း ပြဘို့ရာ ဒကာကြီးကို
ဦးပဉ္ဇင်းက ပြန်ပြီး မေးရလိမ့်ဦးမယ်။ ကဲ ဒကာကြီးကလဲ ဖြေပါဦး။

ဆရာတော်
ယနေ့ကမ္ဘာပေါ်မှာ ရှိနေကြတဲ့လူတွေ အားလုံးဟာ
အသက်တစ်ရာထိအောင် နေကြရပါ့မလား။

ဒကာကြီး
အသက်တစ်ရာထိအောင် နေကြရမှာ မဟုတ်ပါဘူးဆရာတော်။

ဆရာတော်
သူတို့တတွေ ဘာဖြစ်ကုန်ကြပါမလဲ ဒကာကြီး
ဤတွင် ဆရာတော်က သင်ပုန်းပေါ်၌
တဖက်မှ နိဗ္ဗာန်ဟူသောတရား တကယ်တမ်းတည်ရှိနေပုံနှင့်
အခြားတဖက်မှ စကြာဝဠာကြီးနှင့်တကွ
ဤစကြာဝဠာကြီးပေါ်တွင် ရှိရှိသမျှသောသတ္တ၀ါတို့၏ မတည်မမြဲ ဖောက်ပြန်တတ်သည့်
သဘောတို့ကို အောက်ပါအတိုင်း နှိုင်းယှဉ်ရေးသားပြပါသည်။

စကြာဝဠာကြီးနှင့်ဆန့်ကျင်ဘက်နိဗ္ဗာန်
၁။ သေခြင်းတရားရှိ၏။
၁။ သေခြင်းတရားမရှိ။

၂။ အိုခြင်းတရားရှိ၏။
၂။ အိုခြင်းတရားမရှိ။

၃။ နာခြင်းတရားရှိ၏။
၃။ နာခြင်းတရားမရှိ။

၎။ ဒုက္ခနှင့်ဆင်းရဲခြင်းရှိ၏။
၎။ဒုက္ခနှင့်ဆင်းရဲတို့မှကင်းငြိမ်းသည့်တကယ့်ချမ်းသာသုခရှိ၏။

၅။ မတည်မြဲ။
၅။ တည်မြဲ၏။

၆။ စိတ်နှင့်ကံတို့၏ဖန်ဆင်မှု။
၆။စိတ်နှင့်ကံတို့ကမဖန်ဆင်း (အသင်္ခတဓာတ်)

၇။ ပျက်စီး၏ (အနိစ္စ)
၇။ မပျက်စီးနိုင် (နိစ္စ)

၈။ အစအဆုံးရှိ၏ (အာဒိအနန္တ)
၈။ အစအဆုံးမရှိ (အနာဒိအနန္တ)

၉။ မသန်းရှင်းချေ။
၉။ သန့်ရှင်း၏။

၁၀။ မွေးဖွးကြရ၏ (ဇာတိ)
၁၀။ မွေးဖွားကြရခြင်းမရှိ (အဇာတိ)

၁၁။ မသိမမြင်ခြင်း၊ စွဲလန်းခြင်း၊ လိုချင်တတ်မက်ခြင်း၊ စိတ်ဆိုးခြင်း၊
ကြမ်းတမ်းခြင်း၊ ရန်ငြိုးဖွဲ့ခြင်းစသည့် တရားများရှိ၏။
(အ၀ိဇ္ဇာ၊ ဥပါဒါန်၊ လောဘ၊ ဒေါသ)
၁၁။ ဤတရားများအားလုံးမှ ကင်းစင်၏။
၁၂။ သံယောဇဉ်ကြိုး (၁၀) ချောင်းဖြင့်နှောင်ဖွဲ့ထား၏။
၁၂။ မည်သည့်သံယောဇဉ်ကြိုးမျှ မရှိ။

၁၃။ အနှောင်အဖွဲ့ရှိ၏။
၁၃။ လွတ်လပ်၏။

၁၄။ သံသရာအတွင်း၌ရှိ၏။
၁၄။ သံသရာမှ လွတ်မြောက်၏။

၁၅။ အရသာများရှိ၏။
၁၅။လွတ်မြောက်သည့်အရသာ တစ်ခု တည်းသာ ရှိ၏။

၁၆။ အာသာပြေမှုမရှိ။
၁၆။ အာသာပြေလျက်ရှိ၏။

၁၇။ ချိုးနှိမ်၍ရ၏(သံဝရသဘောရှိ၏)
၁၇။ ချိုးနှိမ်၍ မရ။ အသံဝရသဘောရှိ၏။

၁၈။ အကန့်အသတ်ရှိ၏။
၁၈။ အကန့်အသတ်မရှိ။

၁၉။ ခံစားခြင်း (ဝေဒနာ) နှင့် တတ်မက်ခြင်း (တဏှာ)တရားတို့ဖြင့် အီနေ၏။ 
၁၉။ ဝေဒနာနှင့်တဏှာတရားတို့မှ လွတ်မြောက်၏။

၂၀။ တကယ်မရှိ(ပရမတ်မဟုတ်) ၊ မမြဲ။
၂၀။ တကယ်ရှိ၏။ (ပရမတ်) မြဲ၏။

၂၁။ စကြာဝဠာသည် တကယ်မရှိ။
၂၁။ နိဗ္ဗာန်သည် တကယ်ရှိ၏။

ဆရာတော်
(အထက်ပါအတိုင်း သင်ပုန်းပေါ်၌ ရေးသားပြပြီးနောက်)
ကဲ၊ ဒကာကြီး၊ အခု ဦးပဉ္ဇင်းရေးပြထားတဲ့ ဆန်းစစ်ချက်အရ နိဗ္ဗာန်ဆိုတဲ့တရားဟာ
တကယ်တမ်းရှိတယ်ဆိုတာကို လက်ခံနိုင်ရလား။

ဒကာကြီး
နိဗ္ဗာန်ဆိုတဲ့တရားဟာ တကယ်ရှိတယ်ဆိုတဲ့အချက်နဲ့ပတ်သက်လို့
ဆရာတော်ရှင်းပြတဲ့အချက်အားလုံးကို တပည့်တော်လက်ခံပါတယ်။
ဒါပေမဲ့ သတ္တ၀ါတွေမှာ ဇာတိတရားချုပ်ငြိမ်းသွားရတယ်ဆိုတဲ့အချက်ကိုတော့
တပည့်တော်ခေါင်းထဲမှာ မရှင်းသေးဘဲ ဖြစ်နေပါတယ်ဆရာတော်။

ဆရာတော်
ဒါဖြင့် ဦးပဉ္ဇင်းက ရှင်းပြရသေးတာပေါ့။
 ဒကာကြီး၊ မွေးဖွားခြင်း (ဇာတိတရား) ဆိုတာဟာ သေခြင်းရဲ့ အကြောင်းတရားဘဲ။
နိဗ္ဗာန်ရောက်ပြီးမှ သတ္တ၀ါတစ်ဦးဦးဟာ ဖွားရအုံးမယ်ဆိုရင်
ထိုသတ္တ၀ါဟာ သေရမှာ အမှန်ဖြစ်တယ်။
အဲဒီလို သေခြင်းတရားရှိနေရင် နိဗ္ဗာန်ဟာ မွေးဖွားခြင်း၊
အိုခြင်း၊ နာခြင်း၊ သေခြင်းဆိုတဲ့တရားတွေ
ချုပ်ငြိမ်းရာတရားမဟုတ်တော့ဘူး။

မြစ်တစ်စင်းဟာ မြစ်ဖျားခံရာဒေသမှာ မွေးဖွားပြီး မြစ်ဝအထိဟာ
ဒီမြစ်ရဲ့ တစ်သက်တာ ဘ၀ဘဲ။

ဒီနည်းအတိုင်းပါဘဲ၊ သတ္တ၀ါတစ်ဦးဦးရဲ့ ဘ၀တစ်သက်တာဟာ
မွေးဖွားတဲ့အချိန်ကစပြီး သေတဲ့အခါမှာ အဆုံးသတ်ရတယ်။
ဒါ့ကြောင့် နိဗ္ဗာန်ဆိုတဲ့တရားထဲမှာ မွေးဖွားခြင်းဆိုတဲ့တရား မရှိတော့ဘူး။

မွေးဖွားခြင်းနဲ့သေခြင်းဟာ ကြိုးတစ်ချောင်းထဲဘဲ။
အစတစ်ဖက်က  မွေးဖွားခြင်းဆိုတာဖြစ်ပြီး
ကျန်အစတစ်ဖက်က သေခြင်းဘဲ။

သည့်ပြင် အချက်တစ်ချက်လဲ ရှိသေးတယ်။
အဲဒါက မွေးဖွားခြင်းနဲ့ သေခြင်းတို့ဟာ ဒုက္ခတရားတွေလဲဖြစ်တယ်။
မြဲလဲမြဲတဲ့ တရားတွေလဲ မဟုတ်ကြဘူး ဒကာကြီး။

ဒကာကြီး
ဆရာတော်ရဲ့ ရှင်းလင်းချက်ဖြင့် မွေးဖွားခြင်းနဲ့ သေခြင်းတရားတို့အကြောင်းကို
တပည့်တော်ရှင်းရှင်းလင်းလင်း နားလည်ပါပြီ ဆရာတော်။
နိဗ္ဗာန်ဆိုတဲ့တရားဟာလဲ မွေးဖွားခြင်း၊ သေခြင်းဆိုတဲ့တရားတို့ရဲ့
ကင်းငြိမ်းရာဖြစ်တယ်ဆိုတာကိုလဲ သိမြင်နားလည်ပါပြီဆရာတော်။

အရှင်အရိယဓမ္မ ၏ ဗုဒ္ဓ၀ါဒပြဿနာများ

Wednesday, April 27, 2011

ပန်းတိုင်


သစ္စာလေးပါးထဲမှာ တတိယမြောက်သစ္စာက နိရောဓသစ္စာတဲ့။
နိဗ္ဗာန်အမှန်တရားပေါ့။

ဗုဒ္ဓဘာသာဝင်တို့အဖို့
နိဗ္ဗာန်ဆိုတဲ့စကားလုံးကို ငယ်စဉ်ကတည်းက ရင်းနှီးခဲ့ပါတယ်။
ကကြီး ခခွေး မဆိုတတ်ခင် မရေးတတ်ခင်ကတည်းက
သြကာသကန်တော့ချိုးထဲမှာပါတဲ့
“နိဗ္ဗာန် တရားတော်မြတ်ကို ရရပါလို၏ အရှင်ဘုရား” ဆိုတာကို
မိဘတွေနဲ့အတူ လိုက်ဆိုတတ်နေပြီ။

ကလေးသဘာဝ နိဗ္ဗာန်ဆိုတာကြီးက ဘယ်လိုဟာကြီးလဲ၊ ဘာကြီးလဲ လို့ စပ်စုကြည့်တော့
အလွန်ချမ်းသာတဲ့တရားကြီးပေါ့ကွယ် လောက်သာ မိဘတွေ ဖြေဆိုတတ်တယ်။
ဒီထက်ပို မဖြေတတ်တော့ဘူး။
ဒါပေမဲ့ နိဗ္ဗာန်ဆိုတာ ရယူရမဲ့ လိုအပ်တဲ့ ရှိရမဲ့အရာတစ်ခုလို့တော့ ခံစားမိသလိုပဲ။

ကိုရင်ပေါက်စဘ၀ (အဘိဓမ္မာ) သဂြိုဟ်သင်တော့ စာချဘုန်းကြီးက
ပရမတ်တရား (၄) ပါးကို ပြောပြပါတယ်။
ပရမတ်တရား (၄) ပါးဆိုတာ
စိတ်၊ စေတသိက်၊ ရုပ်၊ နိဗ္ဗာန်တဲ့။
စာချဘုန်းကြီးပြောတဲ့ စိတ်၊ စေတသိက်၊ ရုပ်၊ နိဗ္ဗာန်ဆိုတာ
စိတ္တ၊ စေတသိက၊ ရူပ၊ နိဗ္ဗာန ဆိုတဲ့ပါဠိပုဒ်တွေက လာတာ။
ပရမတ်ဆိုတာကိုက ပရမတ္ထ ဆိုတဲ့ပါဠိပုဒ်က လာတာ။

ဆိုတော့ ငယ်ရွယ်တဲ့ ကိုရင်တစ်ပါးအနေနဲ့
စာချဘုန်းကြီးပြောတဲ့ စိတ်ရဲ့ အဓိပ္ပါယ်ကိုလဲမသိဘူး။
စေတသိက်ရဲ့ အဓိပ္ပါယ်ကိုလဲမသိဘူး။
ရုပ်ရဲ့ အဓိပ္ပါယ်ကိုလဲမသိဘူး။
နိဗ္ဗာန်ရဲ့ အဓိပ္ပါယ်ဆိုတာ ဝေလားဝေး။

စိတ္တကို စိတ်လို့ဘာသာပြန်တာ၊ နိဗ္ဗာနကို နိဗ္ဗာန်လို့ဘာသာပြန်တာဟာ
စရာပေတွာ၊ စရာပေတ်၍။ လို့ဘာသာပြန်တာထက် ပိုပြီးနားလည်ရခက်ပါတယ်။

အဲ၊ ဒါပေမဲ့ သဂြိုဟ်စာအုပ်ရဲ့ တစ်နေရာမှာတော့ နိဗ္ဗာန်နဲ့ပတ်သက်လို့
နိဗ္ဗာန်ဆိုတဲ့သဘောသဘာဝ ခပ်ပျပျ အဓိပ္ပါယ်လေးကို တွေ့လိုက်ရတယ်။
နိဗ္ဗာန်ဆိုတာကို မဂ်ဥာဏ်လေးပါးနဲ့(သာ) မျက်ဝါးထင်ထင် တွေ့မြင်ရတယ်တဲ့။
နိဗ္ဗာန်ဆိုတာ မဂ်ဖိုလ်တို့ရဲ့ အာရုံဖြစ်တယ်တဲ့။
ဝါနလို့ခေါ်တဲ့ တဏှာမှ လွတ်မြောက်တတ်လို့ ထွက်မြောက်တတ်လို့ နိဗ္ဗာန်လို့ခေါ်တယ်တဲ့။
(သဂြိုဟ်-ရုပ်ပိုင်း၊ ပုဒ်ရေ - ၆၂)

ဒါကလဲ ပြီးပြည့်စုံတဲ့ ရှင်းလင်းတဲ့ (သူလို ကိုယ်လို သာမန်လူတွေ)
နားလည်လွယ်တဲ့ ရှင်းလင်းချက်တော့ မဟုတ်သေးပါဘူး။
ဆိုတော့ အဲ့အချိန် သဂြိုဟ်ကို သင်နေရတဲ့အချိန် ကိုရင်ပေါက်စ အရွယ်တုန်းက
နိဗ္ဗာန်ရဲ့ အဓိပ္ပါယ်ကို ဘယ်လိုမှ နားမလည်နိုင်ခဲ့ပါဘူး။

ဒီနိဗ္ဗာန်ကို အင်္ဂလိပ်လိုတော့
Liberation, Deliberance, Emancipation, Cessation, Freedom
စသဖြင့် အမျိုးမျိုး ပြန်ဆိုကြတယ်။
တချို့က Happiness လို့တောင် ပြန်ဆိုကြသေးတယ်။

ဒါနဲ့စပ်လို့ ရထားပေါ်မှာ ခရီးသွားရင်း ဆုံတွေ့ကြတဲ့
ကြားဘူးတဲ့ ဦးဇင်းလေးတစ်ပါးနဲ့ အင်္ဂလိပ်ကြီးတစ်ယောက်
ဘာသာရေးဆွေးနွေးခဲ့တဲ့အဖြစ်အပျက်လေးကို သတိရမိတယ်။
သူတို့နှစ်ဦး ဟိုဟိုဒီဒီ ပြောရင်းဆိုရင်း နိဗ္ဗာန်အကြောင်းရောက်သွားတယ်တဲ့။
နိဗ္ဗာန်ဆိုတာ ဘာပါလဲ လို့ အင်္ဂလိပ်ကြီးက မေးတာပေါ့။
နိဗ္ဗာန်ဆိုတာ Happiness ကိုပြောတာပါလို့ ဦးဇင်းလေးက ဖြေသတဲ့။
အင်္ဂလိပ်ကြီးကလဲ
အိုး၊ ဂလိုလား၊ ဟုတ်ပါဘီဗျာ တဲ့။

နောက်နာရီဝက်လောက်အကြာမှာ ခရီးဖော်ဦးဇင်းက
ဘာကို သဘောကျတယ်မသိပါဘူး။
အသံထွက်ပြီး ဟက်ဟက်ပက်ပက် ရယ် သတဲ့။

ဒါကို အင်္ဂလိပ်ကြီးက
“ဟိုမှာ ခင်ဗျားသူငယ်ချင်း နိဗ္ဗာန်ရောက်နေပြီ” တဲ့။
သူက နိဗ္ဗာန်ကို Happiness လို့ ပြောခဲ့တာကိုး။

ဒီနိဗ္ဗာန်ဆိုတာကို ပြီးပြည့်စုံတဲ့ နားလည်လွယ်တဲ့ မှန်ကန်တဲ့
မြန်မာစကားနဲ့ ဖလှယ်ဘို့ မလွယ်သလို
အင်္ဂလိပ်စကားလုံးနဲ့ ဖလှယ်ဘို့ မလွယ်ဘူး။
မလွယ်ပေမဲ့ အဆင်ပြေသလိုတော့ ပြန်ဆိုနေရတာပဲ။
အဆင်ပြေသလို ပြန်ဆိုပေမဲ့ အဆင်မပြေတဲ့အခါမှာ
အခုနက အင်္ဂလိပ်ကြီးလို နားလည်မှုလွဲသွားရင်တော့
ဒို့နိဗ္ဗာန် ကိုယ်ကျိုးနည်းရချည်ရဲ့။

ဘုရားရှင်ကိုယ်တိုင်ကတော့ ဓမ္မစကြာတရားဦးမှာ
တဏှာယ အသေသ၀ိရာဂနိရောဓော စာဂေါ ပဋိနိဿဂ္ဂေါ မုတ္တိ အနာလယော
လို့ ဟောခဲ့ပါတယ်။
“တဏှာလုံးဝ ကင်းပျောက်ချုပ်ငြိမ်းရာ၊ စွန့်လွတ်ရာ၊ စွန့်ပယ်ရာ၊
လွတ်မြောက်ရာ၊ မကပ်ငြိရာသည် နိဗ္ဗာန်” ပေါ့။

ဘယ်လိုပဲဖြစ်ဖြစ်
နိဗ္ဗာန်ရဲ့ အဓိပ္ပါယ်ကို သိဘို့ ဗုဒ္ဓဘာသာဝင်တိုင်း ကြိုးစားသင့်ပါတယ်။
ဘာလို့လဲဆိုတော့ ဗုဒ္ဓဘာသာတို့ရဲ့ ပန်းတိုင်က နိဗ္ဗာန်ဖြစ်နေလို့ပါပဲ။
ဗုဒ္ဓဘာသာဝင်တိုင်း နိဗ္ဗာန်ဆိုတာကို
ပြောနေကြပေမဲ့ ကြားနေရပေမဲ့ နိဗ္ဗာန်ဆိုတာရဲ့ အဓိပ္ပါယ်ကို
ဂဃနဏ သိတဲ့သူ ရှားတယ်။

(သူများလာထောင်းရင် ပိုနာမှာစိုးလို့)
ကိုယ့်ပေါင်ကို ကိုယ်လှန်ထောင်းရမယ်ဆိုရင်
ဗုဒ္ဓဘာသာဝင်တို့ရဲ့ ခေါင်းဆောင်များဖြစ်တဲ့ ဘုန်းကြီးတွေတောင်
“အရှင်ဘုရား၊ အရှင်ဘုရားတို့ ပြောပြောနေတဲ့ ဟောဟောနေတဲ့ နိဗ္ဗာန်ဆိုတာ ဘာပါလဲဘုရား” လို့ သွားမေးကြည့်။
အင်း၊ အဲ ဆိုတဲ့စကားလုံးတွေ အကြိမ်များစွာ ကြားရမှာဖြစ်ပြီး
နိဗ္ဗာန်ဆိုတာ နိနဲ့ ၀ါန ပေါင်းစပ်ထားတဲ့ပုဒ်ဖြစ်တယ် စသဖြင့်
အငယ်တုန်းက ဆရာဘုန်းကြီးက ကျက်ခိုင်းလို့ ရထားတဲ့ဟာတွေကို
ရွတ်ပြ ဆိုပြ ပါလိမ့်မယ်။ တချို့ဘုန်းကြီးတွေဆို
ငယ်ငယ်တုန်းက စနစ်တကျ မသင့်ခဲ့ရလို့ ဒါကိုတောင်
ကျကျနန မရွတ်ပြ မဆိုပြနိုင်ပါဘူး။

ပါဠိအဘိဓာန်ဆရာကြီးကတောင် နိဗ္ဗာန်ဆိုတဲ့ပုဒ်ကို
မောက္ခ၊ လွတ်မြောက်ရာ
နိရောဓ၊ ချုပ်ငြိမ်းရာ၊
တဏှက္ခယ၊ တတ်မက်မှုတဏှာကုန်ရာ၊
ဒီပ၊ အလင်းရောင် စသဖြင့် ပရိယာယ်စကားလုံး (၄၀) ကျော် ထုတ်ပြသွားပါတယ်။
ဒါကလဲ နိဗ္ဗာန်ကို နားလည်ဘို့အတွက် အဘိဓာန်ဆရာကြီးရဲ့  ကြိုးပမ်းမှုပါပဲ။

ထိုထိုကျမ်းကြီးကျမ်းငယ်အသွယ်သွယ်ကို ကိုးကားမှီငြမ်းပြီး
မြန်မာဘာသာပြန်ဆရာတော်များကလည်း
အလွန်တရာ မြင့်မြတ်တာ၊ အစဉ်ထာဝရတည်မြဲတာ၊ ဖျက်ဆီးလို့ မရတာ၊
မြေ၊ ရေ၊ လေ၊ မီး ဆိုတဲ့ ဓာတ်ကြီးလေးပါးနဲ့ တည်ဆောက်ထားတာ မဟုတ်တာ။
ဆင်းရဲမှုကို ကျော်လွန်တာ၊ အဖြစ်အပျက် မရှိတာတွေဟာ နိဗ္ဗာန်ဆိုပြီး
ပြောတော့တာပဲ။ ဟောတော့တာပဲ။

ရှင်းရှင်းပြောရရင် ဒီရှင်းပြချက်တွေက
နိဗ္ဗာန်ဆိုတာ ဘာလဲ ဆိုတာ
ရှင်းသွားအောင် လုပ်မပေးနိုင်ပါဘူး။
ရှင်းမသွားတဲ့အပြင် ပိုတောင် ရှုတ်ထွေးသွားပါသေးတယ်။
ဒါကလဲ ရှုတ်ထွေးသင့်လို့ ရှုတ်ထွေးတာပါ။

နိဗ္ဗာန်အဓိပ္ပါယ်ကို ရှင်းပြတဲ့သူကလည်း ရိုးရိုးပုဂ္ဂိုလ်၊
ရှင်းပြတာကို နာယူ၊ လေ့လာ၊ နားထောင်တဲ့သူကလည်း ရိုးရိုးပုဂ္ဂိုလ်ဖြစ်နေတော့
ရိုးရိုးပုဂ္ဂိုလ်တို့အရာမဟုတ်တဲ့ နိဗ္ဗာန် ဆိုတာကို
ဘယ်လိုမှ အပြည့်အ၀ နားလည်နိုင်မှာ မဟုတ်ပါဘူး။
ခန့်မှန်းသိလောက်နဲ့ပဲ နိဗ္ဗာန်ကို နားလည်ကျမှာပါ။

လူတွေဟာ ဝေါဟာရပညတ်တစ်ခုကို အဓိပ္ပါယ်ဖော်ဆောင်ရာမှာ
သူတို့မျက်စိနဲ့ မြင်တဲ့အရာဝတ္ထုကိုသာ
သူတို့စိတ်သိနဲ့ အဓိပ္ပါယ်ဖောင်ဆောင်နိုင်ကြတာမဟုတ်ပါလား။

သူတို့မျက်စိနဲ့မမြင်နိုင်တဲ့အရာဝတ္ထုကို
သူတို့စိတ်အသိနဲ့ အဓိပ္ပါယ် မဖောင်ဆောင်နိုင်ကြပါဘူး။
နိဗ္ဗာန်ဆိုတာကြီးကိုလည်း သူတို့မျက်စိနဲ့ မမြင်နိုင်လို့ အဓိပ္ပါယ်မဖော်ဆောင်နိုင်ကြဘူး။
ခန့်မှန်းယော်ရမ်းပြီး နိဗ္ဗာန်ဆိုတာ ဒီလိုကွ၊ ဟိုလိုကွ နဲ့ ပြောဆိုနေကြတာ။

နိဗ္ဗာန်နဲ့စပ်လို့
ဒေါက်တာရာဟုလာရေးခဲ့တဲ့ What the Buddha Taught
ဆိုတဲ့ စာအုပ်ခလေးတောင် သတိရမိသေး။
(စာအုပ်မှာ ဒီလို)

ငါးသတ္တ၀ါတွင် ကုန်းမြေအကြောင်းဖော်ပြရန် ဝေါဟာရမရှိသကဲ့သို့
လူတို့တွင်လည်း လောကုတ္တရာအတွေ့အကြုံကို ဖော်ပြနိုင်ရန် စကားလုံးမရှိချေ။
လိပ်က ၄င်း၏မိတ်ဆွေ ငါးအား
ကုန်းပေါ်မှာ လမ်းလျှောက်၍ ရေကန်သို့ ပြန်လာကြောင်း ပြောပြသည်။

ငါးက
အော်၊ ဟုတ်လား၊ ရေကူးလာခဲ့တာမဟုတ်လား ဟု ပြန်မေးလေသည်။

လိပ်က
ကုန်းပေါ်တွင် ရေမကူးနိုင်ကြောင်း၊ ကုန်းမြေသည် မာကြောကြောင်း၊
လမ်းလျှောက်၍ သွားရကြောင်း ရှင်းပြသည်။
သို့ရာတွင် ငါးက လိပ်ပြောသော ကုန်းမြေကဲ့သို့ မရှိနိုင်ကြောင်း၊
ရေကန်ကဲ့သို့ပင် လှိုင်းအိကလေးများနှင့် ရေပြင်သာဖြစ်ရမည်ဖြစ်၍
ရေငုတ်နိုင်၊ ရေကူးနိုင်မည်သာဖြစ်ကြောင်း ဇွတ်ငြင်းဆိုလေတော့သည်။


ဟုတ်တယ်။ ရိုးရိုးလူသား (လောကီလူသား) တို့ နိဗ္ဗာန်ဆိုတာကို သေချာ မသိနိုင်။
မျက်မှောက်သိဖြင့် နိဗ္ဗာန်ကို မသိနိုင်။
တရားကျင့်ပြီး သောတာပန်၊ သကဒါဂါမ်၊ အနာဂါမ်၊ ရဟန္တာ ဆိုတဲ့
အရိယာအဆင့်လေးဆင့် တစ်ဆင့်ဆင့်ရောက်မှသာ
နိဗ္ဗာန်သဘောသဘာဝကို သေသေချာချာ အတွင်းသိ အစင်း (အဆင်း) သိ
(၀ါ) မျက်မှောက်သိ သိနိုင်မယ်။

ဆိုတော့ နိဗ္ဗာန်ကို ဂဃနဏ သိဘို့ သောတာပန်ဖြစ်ဖို့လိုတယ်။
သကဒါဂါမ်ဖြစ်ဖို့လိုတယ်။
အနာဂါမ်ဖြစ်ဖို့လိုတယ်။
ရဟန္တာဖြစ်ဖို့လိုတယ်။

ဒါပေမဲ့ ဟိုနေ့က စာအုပ်တစ်အုပ်ဖတ်ဖြစ်တယ်။
(ဆရာတော်အရှင်အရိယဓမ္မရဲ့  ) “ဗုဒ္ဓ၀ါဒပြဿနာများ”  ဆိုတဲ့စာအုပ်။
အဲ့ထဲမှာ နိဗ္ဗာန်ဆိုတဲ့သဘောသဘာဝကို သာမန်လူတစ်ယောက်နားလည်နိုင်လောက်တဲ့
အရေးအသားနဲ့ ရှင်းပြထားတယ်။
ဖတ်ဖူးတဲ့စာအုပ်တွေထဲမှာတော့ အရှင်းဆုံးပဲလို့ ပြောရမလိုပဲ။

Tuesday, April 26, 2011

ငါတို့အားလုံး ကျွန်တွေ


ဘုရားရှင်က
ဒုက္ခသစ္စာ (ဆင်းရဲခြင်းအမှန်တရား - The Truth of Suffering) ကို
အသေးစိတ် ကွက်ကွက်ကွင်းကွင်း ပြောပြပါတယ်။
နားထောင်သူ (Listener) အနေနဲ့
“ဒီဆင်းရဲတွေက ဘယ်ကဖြစ်ပေါ်လာတာလဲ၊ ဘာကြောင့်ဖြစ်ပေါ်လာတာလဲ”
ဆိုတဲ့အတွေး ဦးဏှောက်ထဲရောက်လာမှာ အမှန်ပဲ။
ဒါကို သိတဲ့ဘုရားရှင်က
“ဒီလိုဆင်းရဲရတာဟာ တခြားကြောင့် မဟုတ်ဘူး၊ တဏှာကြောင့်ဟေ့”
လို့ ဆက်ပြောပါတယ်။

အိုခြင်းဆင်းရဲ၊ နာခြင်းဆင်းရဲ၊ သေခြင်းဆင်းရဲ၊
မွေးဖွားခြင်းဆင်းရဲ စတဲ့ ဆင်းရဲခြင်းအမျိုးမျိုးတွေရဲ့ လက်သည်တရားခံက တဏှာ ပါတဲ့။
တဏှာဟာ ဆင်းရဲဒုက္ခအားလုံးရဲ့ မူလဘူတအကြောင်းတရားပါ။

အရှိတရား သဘ၀တရား အမှန်တရားဖြစ်တဲ့ ဒီတဏှာကို
သစ္စာလေးပါးမှာ သမုဒယသစ္စာ (The Truth of the cause of suffering) လို့ ခေါ်ပါတယ်။

တဏှာကို အင်္ဂလိပ်လို Craving, Attachment , Greed, Desire စသဖြင့် ပြန်ဆိုလေ့ရှိတယ်။
လိုချင်မှု၊ တတ်မက်မှု၊ ဆာလောင်မှု၊ မွတ်သိပ်မှု၊ တောင့်တမှု စတဲ့ မြန်မာစကားလုံးတွေဟာ
ဒီတဏှာရဲ့ေ၀၀ုစ် ပရိယာယ် စကားလှယ်တွေပဲ။

ဘုရားရှင်က ဒီတဏှာကို
ပေါနောဗ္ဘ၀ိကာ၊ တစ်ဘ၀ပြီး တစ်ဘ၀ဖြစ်အောင် ဖန်တီးသူ လို့ ပြောပါတယ်။
(Carving, the Buddha says, leads to repeated births.)

ဓမ္မပဒစာအုပ်ထဲမှာ
တဏှာယ ဇာယတီ သောကော၊ တဏှာယ ဇာယတီ ဘယံ၊
တဏှာယ ၀ိပ္ပမုတ္တဿ၊ နတ္တိ သောကော ကုတော ဘယံ။
From craving springs grief, from craving springs fear;
For him who is wholly free from craving, there is no grief, much less fear.
(ဓမ္မပဒ၊ ၂၁၆)
စိုးရိမ်မှု၊ ကြောက်ရွံ့မှုတွေဟာ လိုချင်မှု (တဏှာ) ကြောင့်ဖြစ်ရတာ။
လိုချင်မှု (တဏှာ) မရှိရင် စိုရိမ်မှု၊ ကြောက်ရွံ့မှုဆိုတာ မရှိနိုင်ဘူး လို့ တွေ့ရတယ်။

အဖြောင့်အဓိပ္ပါယ်က
လောဘကြီးရင် သောကကြီးတယ်၊ ကြောက်တယ်။
လောဘနည်းရင် သောကနည်းမယ်၊ အကြောက်နည်းမယ်။
လောဘမရှိရင် သောကမရှိဘူး၊ ဘယ်သူ့ကိုမှ မကြောက်တော့ဘူး။
ဒီအဆို ဟုတ် မဟုတ် စဉ်းစားကြည့်။

လူတွေ သူ့နေရာနှင့်သူ ကြောက်နေကြရတယ်။
ရာထူးကြီးတဲ့သူကို ကြောက်ရတယ်။ ငွေရှိတဲ့သူကို ကြောက်ရတယ်။
မိန်းမကို ကြောက်ရတယ်၊ ယောက်ကျားကို ကြောက်ရတယ်။
အလုပ်ရှင်က အလုပ်သမားကို ကြောက်ရတယ်။
အလုပ်သမားက အလုပ်ရှင်ကို ကြောက်ရတယ်။

ဘာကြောင့်လဲ။
အရင်းအထိ လိုက်ကြည့်။
လောဘကြောင့်၊ တဏှာကြောင့်ပါ။

လိုချင်တတ်မက်မှု တဏှာ ဆိုတာနဲ့စပ်လို့
ပါဠိစာပေမှာ တဏှာဒါသော ဆိုတဲ့စကားလုံးလေးကို သတိရမိတယ်။
အဓိပ္ပါယ်က တဏှာ့ကျွန်တဲ့။

လောကလူသားတွေဟာ တဏှာရဲ့ ကျေးကျွန်တွေ။
စဉ်းစားလေ၊ ဒီစကားရဲ့ အဓိပ္ပါယ် တာသွားလေပဲ။
မနက်အိပ်ယာထ၊ အလုပ်သွား၊ ဘာကြောင့်သွား၊
တဏှာက ခိုင်းလို့သွား၊
အိမ်ထောင် ဘာလိြု့ပု၊ တဏှာက ခိုင်းလို့ပြု၊
ဘာလုပ်လုပ်၊ ဘာစားစား၊ ဘယ်သွားသွား။
တဏှာက ခိုင်းလို့ပါ။ တဏှာက ခိုင်းနေတာ။
လူ့ယန္တယားကြီးလည်ပတ်နေတာ တဏှာကြောင့်၊
လူ့လောကကြီးလည်ပတ်နေတာ တဏှာကြောင့်။

ဘုရားရှင် အတိအလင်း တိုက်ရိုက်ပြောကြားထားတဲ့စကားရှိတယ်။
တဏှာယ နီယတိ လောကော၊ တဏှာယ ပရိကဿတိ
တဏှာယ ဧကဓမ္မဿ၊ သဗ္ဗေ၀ ၀သမနွဂူ
တဏှာက လောကကို ဆောင်ယူ ဆွဲငင်ပြီး တဏှာအလိုသို့ လိုက်နေကြရတယ်တဲ့။
The world is led around by craving;
By craving it’s dragged here and there.
Craving is the one thing that has all under its control.
သံယုတ်၊ ၁၊ ၃၈
တဏှာက ခိုင်းလို့ လူတွေ လုပ်နေကြတာ။

ဒါ့ကြောင့် တဏှာဒါသော - ကိုယ်တို့တတွေဟာ တဏှာကျွန်တွေ။
We are the slaves of craving!!
ဟုတ်ပါဘူး လို့ ဘယ်သူငြင်းနိုင်သလဲ၊ ငြင်းဝံ့သလဲ၊
မငြင်းနိုင်၊ မငြင်းဝံ့၊ အရှိတရား၊ သဘာဝတရား၊

ဘုရားဟောလို့ရှိတာမဟုတ်၊ ရှိတာကို ဘုရားက ဟောတာ။

သူသူကိုယ်ကိုယ်မှာ ရှိနေတဲ့တဏှာ။
ဒီတဏှာကြီးရှိနေသ၍ လုပ်နေရအုံးမှာ။
လုပ်နေသ၍ ဒုက္ခတွေ့နေရအုံးမှာ။

ဒါ့ကြောင့် ဘုရားရှင်က
ဒီတဏှာဟာ ဒုက္ခရဲ့တရားခံ (The Cause of Suffering) လို့ ပြောတာ။
သမုဒယသစ္စာ (The Truth of The Cause of Suffering) လို့ မိန့်တာ။

Monday, April 25, 2011

အသက်လား၊ မမေးပါနဲ့

 
ဘုရားရှင်က ပဉ္စ၀ဂ္ဂီငါးဦးတို့ကို
ဇာတိဒုက္ခ - ပဋိသန္ဓေတည်နေရခြင်းဆင်းရဲ
(Birth is suffering) ကို ပြောပြပြီး
ဇရာပိ ဒုက္ခာ - အိုခြင်းကလဲ ဆင်းရဲတယ်
(Decay is suffering) လို့ ဆက်ပြောပါတယ်။

ဒီအိုခြင်းဆင်းရဲကလဲ အတော်လေး ထင်သာမြင်သာရှိပါတယ်။
လူတိုင်းနီးပါး အိုတဲ့အကြောင်း၊ အသက်ကြီးတဲ့အကြောင်းကို မပြောလိုကြပါဘူး။
မေးခွန်းတွေထဲမှာ အသက်ဘယ်လောက်ရှိပြီလဲ ဆိုတဲ့မေးခွန်းကို
မဖြေချင်ဆုံးပဲလို့ ဒကာမကြီးတစ်ယောက်ပြောဘူးတာ ကြားဘူးပါတယ်။

ဒီမေးခွန်းကို ဒကာကြီးတွေ ဒကာမကြီးတွေတင် မဖြေချင်တာ မဟုတ်ပါဘူး။
အချို့ဘုန်းကြီးများလဲ မဖြေချင်ကြပါဘူး။
ဒကာမကြီးတစ်ယောက်က ဘုန်းကြီးတစ်ပါးကို သက်တော်ဘယ်လောက်လဲလို့ မေးတော့
ဒကာမကြီး၊
ဘုန်းကြီးကို ထညက် (ထန်းလျက်) လဲ မကျွေးနဲ့၊
အသက်လေးမမေးနဲ့ လို့ ပြောတာကို နားနဲ့ဆတ်ဆတ်ကြားဘူးပါတယ်။
ဘယ်လိုပဲဖြစ်ဖြစ်၊ အသက်ကတော့ ကြီးလာတာအမှန်ပါ။
အိုလာတာကို လက်ခံရမှာပါ။

အချို့ ဒီလို အိုခြင်း ဇရာသဘောကို လက်မခံချင်လို့
ဇရာကို ကာကွယ်ဘို့ အမျိုးမျိုးကြိုးစားကြတယ်။
မျက်နှာပေါ်က အရေးအကြောင်းတွေကို ဖုံးကွယ်ဘို့ မိတ်ကပ်တွေလိမ်းကြတယ်။
ဆံဖြူတာကို သူတပါးမသိအောင် အနက်ရောင်ဆိုးကြတယ်။
(ဘုန်းကြီးတွေကျတော့ သုံးရက်တစ်ခါ ခေါင်းရိပ်တယ်။ ဖြူတာသိမှာစိုးလို့)
ဇရာကို ခေတ်ပေါ်ပစ္စည်းတွေနဲ့ ငယ်ဟန်ပြုလိုကြတယ်။
ဒါပေမဲ့ နောက်ဆုံးတော့ ဇရာကပဲ အနိုင်ယူသွားတာပါ။

အသက်ကြီးလာသည်နှင့်အမျှ မျက်စိအမြင်တွေက နဂိုကလောက် မကြည်လင်တော့ဘူး။
နားအကြားတွေကလဲ နဂိုကလောက် အဆင်မပြေတော့ဘူး။
အနံ့တွေကိုလဲ နဂိုကလောက် မခံစားနိုင်တော့ဘူး။
အရင်တုန်းက ဘာနဲ့စားစား ကောင်းနေတဲ့ လျှာကလဲ အခုဆို စားပွဲအပြည့် ဟင်းမျိုးစုံနဲ့စားနေရပေမဲ့ အဆင်မပြေတော့ဘူး။
အရင်လောက်အရသာမရှိတော့ဘူး။
ကိုယ်ခန္ဓာကလဲ ညောင်းတတ်လာပြီ၊ ကိုက်တတ်လာပြီ၊
ဒါတွေက ဇရာရဲ့သဘောတွေပါ၊
ဒါ့ကြောင့် ဇရာ - အိုခြင်းကလဲ ဒုက္ခလို့ ဘုရားရှင်ဟောခဲ့တာပေါ့။

ဘုရားရှင်က
ဗျာဓိပိ ဒုက္ခော၊ နာခြင်းသဘောကလဲ ဒုက္ခ (ဆင်းရဲတယ်)
(Disease is suffering) လို့ ဆက်ဟောပါတယ်။
နာခြင်းက ဒုက္ခဆိုတာကတော့ အတော်ထင်ရှားပါတယ်။

အတွေ့အကြုံအရပြောရရင်
လူတစ်ဦးတစ်ယောက် နာမကျန်းဖြစ်ပြီဆိုရင်
ဘယ်လောက်ကောင်းကောင်း ဘာကိုမှ မစားချင်တော့ဘူး။
ဘယ်ကိုမှ မသွားချင်တော့ဘူး။
ရှိတဲ့အစားအစာတွေ၊ အသုံးအဆောင်တွေက ကိုယ့်နဲ့ မဆိုင်တော့သလို ခံစားရတယ်။
ဖြစ်နေတဲ့ရောဂါကို ရှိတဲ့စည်းစိမ်ချမ်းသာနဲ့ ဖြစ်နိုင်ရင် လဲပလိုက်ချင်တယ်။


နောက် ဘုရားရှင်က
မရဏမ္ပိ ဒုက္ခံ - သေခြင်းသဘောကလဲ ဆင်းရဲတယ်တဲ့၊
(Death is suffering)
အငယ်တုန်းက စာချဘုန်းကြီးတစ်ပါးက စာချရင်း
“ကိုယ့်လူတို့၊ သေခါနီး အသက်ထွက်ခါနီးရင် အတော်အခံရခက်တယ်ဗျ” လို့
ပြောဘူးတယ်။
စာချဘုန်းကြီးကို “ဘုန်းကြီးက ဘယ်လိုလုပ်သိတုန်း” လို့ မမေးရဲလို့ မမေးခဲ့ရပါဘူး။

ဘာပဲဖြစ်ဖြစ်၊ သေခါနီးကာလမှာ ပင်ပန်းဆင်းရဲမှာတော့ သေချာတယ်။
ကိုယ်တော့ တခါတလေ “မသေရင် ကောင်းမှာ” လို့တောင် စဉ်းစားမိပါတယ်။
လူတိုင်း တစ်နေ့ သေရမှာဆိုတာ သိပေမဲ့
ဘယ်သူမှ မသေချင်ကြပါဘူး။
သေခြင်းစကားနဲ့စပ်ပြီး လူတွေ ပြောလဲ မပြောချင်ကြဘူး။
ကြားလဲ မကြားချင်ကြပါဘူး။
သေရမှာ အတော်ကြောက်ကြပါတယ်။
သေရင် ကိုယ်ရှာထားခဲ့သမျှ ထားခဲ့ရမှာကိုး။
ကိုယ်ချစ်တဲ့သူနဲ့လဲ ခွဲခွါရမှာကိုး။

သေခြင်းဒုက္ခနဲ့စပ်လို့ ဟိုတလောက ဒကာလေးတစ်ယောက်ပြောသွားတဲ့စကားကို
သတိရမိတယ်။
ဒီနိုင်ငံမှာ အများစုရဲ့  မိဘနဲ့သားသမီးဆက်ဆံရေးက သိပ်မနွေးထွေးလှကြောင်း၊
သားသမီးက စက်ရုံပိုင်ရှင်ကြီးဖြစ်နေပြီး သူ့စက်ရုံမှာဘဲ
သူ့အဖေအရင်းခေါက်ခေါက်ကို မဖြစ်စလောက်လခပေးကာ
တံမြက်စည်းလှည်းခိုင်းတာတွေ တွေ့ရကြောင်း၊
အဲ့ဒီသားသမီးအရင်းတွေက ဖအေကွယ်လွန်ခါနီးငါးရက်လောက်အလို
ဆေးရုံက ပြန်ခေါ်လာပြီး ကူးတို့ခကို
အိပ်ကပ်ထဲကြိုထည့်ပေးထားကာ ကုတင်ပေါ်မှာ ပစ်ထားကြကြောင်း၊
ဖအေလုပ်သူက ကုတင်ပေါ်မှာ မျက်စိလေး ကလည်ကလည်နဲ့
သေမဲ့ရက်ကို စောင့်နေရကြောင်း၊ သားသမီးအရင်းခေါက်ခေါက်တွေက
အားပေးမှု နှစ်သိမ့်မှု ဘာမှ မလုပ်ကြောင်း
ဗမာဒကာလေးတစ်ယောက်က လာပြောပြဘူးပါတယ်။

သေခြင်းတရားနဲ့ရင်ဆိုင်ရတဲ့အချိန်
မပြုစုမစောင့်ရှောက်တဲ့သားသမီးတွေနဲ့များဆို ပိုပြီး ဆင်းရဲမှာပါ။
သေခြင်းဆင်းရဲ အတော်ကြောက်စရာကောင်းပါတယ်။

အပ္ပယေဟိ သမ္ပယောဂေါ ဒုက္ခော -
ကိုယ်မချစ် မနှစ်သက်သူတို့နဲ့ အတုနေရတာလဲ ဒုက္ခပါဘဲ တဲ့။
(To be united with the unpleasant is suffering)
ကိုယ်မချစ်တဲ့ ကိုယ်နဲ့သဘောထားမတိုက်ဆိုင်လို့
ကိုယ်သဘောမကျတဲ့ မနှစ်သက်တဲ့သူနဲ့အတူနေရတာလဲ
အတော်ဆင်းရဲပါတယ်။
အတော်မှန်တဲ့စကားပါ။ ဒီဒုက္ခ လူတိုင်းတွေ့ကြုံဘူးပါတယ်။

နိုင်ငံရပ်ခြားလာပြီး ကျောင်းတက်၊ စီးပွါးရှာနေသူတွေအဖို့
ကိုယ့်အခန်းဖော် (Roommate),
Flat တစ်ခုတည်းမှာ အတူနေဖော် (Flatmate) ဆိုတာတွေကို
ရွေးချယ်ပိုင်ခွင့် မရှိပါဘူး။ အဆင်ပြေသလို ကြည့်နေကြရတာပါ။
ဝါသနာမတူတဲ့စရိုက်မတူတဲ့သူ တစ်ခန်းထဲမှာ အတူနေရရင်
အတော်စိတ်ဆင်းရဲ ကိုယ်ဆင်းရဲဖြစ်ရပါတယ်။

ဘုရားရှင်က ဆက်ပြီး
ပိယေဟိ ၀ိပ္ပယောဂေါ ဒုက္ခော - ချစ်ရသူတို့နှင့် ကွေကွင်းနေရခြင်းကလဲ
ဆင်းရဲဒုက္ခတစ်မျိုးပဲလို့ ဟောပါတယ်။
(To be separated from the pleasant is suffering)
ကိုယ်ချစ်တဲ့ ကိုယ်သဘောကျတဲ့သူတွေနဲ့ အတူမနေရတာလဲ တကယ့်ဒုက္ခပါ။

ယမ္ပိစ္ဆံ နလဘတိ၊ တမ္ပိ ဒုက္ခံ - လိုချင်တာကို မရတာလဲ ဒုက္ခပါဘဲ တဲ့။
(Not to get what one desires is suffering)

တချို့စကားကပ်တဲ့သူတွေက
ချစ်တဲ့သူနဲ့ ကွေကွင်းရခြင်းကို ဆင်းရဲဒုက္ခလို့ ပြောရင်
ချစ်တဲ့သူနဲ့ အတူနေရတာ (သုခ) ချမ်းသာတယ်ပေါ့ဘုရား လို့ ပြောတတ်ကြတယ်။
ဆင်းရဲတာပါဘဲ။ ဒီခန္ဓာကို ရုပ်အတ္တဘောကြီးရှိနေတာကိုက
ဒုက္ခပါဘဲလို့ ဘုရားရှင်က ဆက်မိန့်ပါတယ်။
ပါဠိလိုတော့ သံခိတ္တေန ပဉ္စုပါဒါနက္ခန္ဓာ ဒုက္ခာ တဲ့။
(In brief the five aggregates of attachment are suffering)
ဟုတ်ပါတယ်။ နေ့တဓူဝ ဒီခန္ဓာကိုကြီးကို ဖြည့်ဆည်းပေးနေရတဲ့

ဆင်းရဲဒုက္ခ က စဉ်းစားလေ ကြီးမှန်းသိလေပါဘဲ။

Sunday, April 24, 2011

ဇာတိ


ဘုရားရှင်က ပဉ္စ၀ဂ္ဂီငါးဦးကို သူ့ခေတ်က ခေတ်စားနေတဲ့
အစွန်းရောက်ကျင့်စဉ်နှစ်မျိုးကို သုံးစားမရအောင်ပြောဆိုပြီး
အလယ်အလတ်ကျင့်စဉ် (မဇ္ဈိမပဋိပဒါ) နဲ့ မိတ်ဆက်ပေးပါတယ်။
ပြီးမှ သစ္စာတရားကို ဟောကြားတော်မူပါတယ်။

သစ္စာဆိုတာ ပါဠိစကားပါ။
 အမှန်၊ အရှိ၊ သဘာဝ လို့ မြန်မာလိုပြန်ဆိုရင် အဆင်ပြေမယ်ထင်ပါတယ်။
ဘာပြုလို့လဲဆိုတော့ သစ္စာ ဆိုတဲ့စကားလုံးအောက်မှာ
အမှန်တရား၊ အရှိတရား၊ သဘာဝတရားတွေချည်း ဘုရားရှင်က ဟောထားလို့ပါ။
သစ္စာဆိုတဲ့ အမှန်တရား၊ အရှိတရား၊ သဘာဝတရားက လေးမျိုးရှိတယ်။

(၁) ဒုက္ခ
(၂) ဒုက္ခ၏အစ၊ ဒုက္ခဖြစ်ပေါ်ရခြင်းအကြောင်း - သမုဒယ
(၃) ဒုက္ခ၏ချုပ်ငြိမ်းရခြင်း - နိရောဓ
(၄) ဒုက္ခ၏ချုပ်ငြိမ်းရာသို့သွားရာလမ်း - မဂ္ဂ တဲ့။

(၁) ဒုက္ခ
ဘုရားရှင်က ပဉ္စ၀ဂ္ဂီငါဦးကို သစ္စာတရားဟောတဲ့အခါ
လောလောဆယ် ထင်သာမြင်သာဖြစ်တဲ့
လူတိုင်းတွေ့ကြုံခဲ့၊ တွေ့ကြုံဆဲ၊ တွေ့ကြုံနေရဦးမည်ဖြစ်တဲ့
ဆင်းရဲခြင်းဒုက္ခသဘောသဘာဝတွေကို သရုပ်ခွဲပြပါတယ်။

ပါရမီအတော်အသင့်ရှိသူတွေအဖို့
ဘုရားရှင်ထုတ်ပြတဲ့ ဒုက္ခသရုပ်ကို ကြားရပြီး ဖတ်ရပြီး
အိမ်ထောင်သားမွေးမပြုရသေးသူတွေဆိုရင်
အိမ်ထောင်သားမွေးပြုချင်စိတ် ကုန်သွားနိုင်ပါတယ်။
အိမ်ထောင်သားမွေး ပြုပြီးသူတွေဆိုရင်
သားမယားပစ်ထားခဲ့ပြီး တောထွက်သွားနိုင်ပါတယ်။

ဆင်းရဲခြင်းဒုက္ခနဲ့ပတ်သက်လို့ ဘုရားရှင် ပထမဦးဆုံးမိန့်တာက
 “ဇာတိပိ ဒုက္ခာ - ပဋိသန္ဓေတည်နေရခြင်းက ဆင်းရဲတယ်” တဲ့။
အမိဝမ်းတွင်းမှာ ပထမဦးဆုံး ရုပ်သစ်၊ စိတ်သစ်ဖြစ်ပေါ်တာကို
ပဋိသန္ဓေတည်နေတယ်လို့ဆိုပါတယ်။

ပဋိသန္ဓေတည်နေမှုနေ့ပတ်သက်လို့
ဘုရားရှင်က
“ရှေးဦးစွာ ကလလရေကြည်၊
ကလလရေကြည်မှ အမြှုပ်၊
အမြှုပ်မှ သားတစ်၊
သားတစ်မှ အခဲ၊
အခဲမှ ခက်မငါးဖြာ (ဦးခေါင်း၊ ခြေ၊ လက်) တို့ ဖြစ်ကုန်၏။
ဆံ, အမွေး, ခြေသည်းလက်သည်းတို့လည်း ဖြစ်ကုန်၏” လို့ ဟောခဲ့ဘူးပါတယ်။

ဘုရားရှင်ရဲ့ ဟောကြားချက်ကို ထပ်ပြီး အဓိပ္ပါယ်ဖွင့်တဲ့
အဋ္ဌကထာဆရာတော်က
ပဋိသန္ဓေ စ နေတဲ့ပထမ (၇) ရက်မှာ ကလလရေကြည်ဖြစ်ပါတယ်။
နောက် (၇) ရက်မှာ အမြှုပ်ဖြစ်လာတယ်။
နောက် (၇) ရက်မှာ သားတစ်လေးဖြစ်လာတယ်။
နောက် (၇) ရက်မှာ အခဲတုံး (ခပ်ကြီးကြီးလေး) ဖြစ်လာပါတယ်။
နောက် (၇) ရက်မှာ ဦးခေါင်း၊ ခြေ၊ လက်တို့ ထင်ရှားလာပါတယ်။
နောက် (၇၇) ရက်ဝန်းကျင်မှာတော့ မျက်စိ၊ နား၊ နှာ၊ လျှာတွေ ပေါ်ပေါက်လာပါတယ်။
နောက် (၂၉၄) ရက်ဝန်းကျင်မှာ ဆံပင်၊ မွှေးညှင်း၊ ခြေသဲ၊ လက်သဲတွေ ပေါက်လာတယ်လို့ဆိုပါတယ်။
အဲ့ဒီနောက်တော့ ကိုယ်ဝန်ရင့်ကျက်ပြီး ကိုးလနှင့် ဆယ်လကြား မွေးဖွားတယ်တဲ့။
အချို့ ခုနစ်လ၊ ရှစ်လလောက်နဲ့လဲ ဖွားကြပါသေးတယ်တဲ့။

ဒါကတော့ ဗုဒ္ဓစာပေမှာလာတဲ့ ပဋိသန္ဓေနဲ့စပ်တဲ့မှတ်သားစရာလေးတွေပါ။
သိပ္ပံခေတ် ဆေးသုတေသနလေ့လာချက်တွေနဲ့ ဗုဒ္ဓစာပေလာ ဖော်ပြချက်တွေဟာ
အတော်ကိုက်ညီကြောင်း စာအုပ်တစ်အုပ်ထဲမှာဖတ်ဖူးတယ်။
ထား။

ဒီနေရာမှာပြောချင်တာက ဒီလိုအမိဝမ်းတွင်းမှာ
ကိုးလကျော် ဆယ်လနေခဲ့ရတဲ့ ဇာတိဒုက္ခအကြောင်း။
ဇာတိဒုက္ခ - ပဋိသန္ဓေနေတုန်းဆင်းရဲတာကို ပီပြင်အောင်
အဋ္ဌကထာဆရာတော် ရှင်မဟာဗုဒ္ဓဃောသ က
သူ့ရဲ့ ၀ိသုဒ္ဓိမဂ်ကျမ်း (The Path of Purification) မှာ
ပီပီပြင်ပြင် ရေးပြထားတယ်။
မြန်မာပြည်က ဆရာတော်ကြီးတစ်ပါးက လင်္ကာသီကုံးထားတယ်။ ကောင်းမှကောင်း။

စာဟောင်းစာသစ်၊ အောက်ထက်ဝန်းရံ၊
ပုပ်နှံညှီလောင်း၊ ကျဉ်းမြောင်းမဲမိုက်၊ မိဝမ်းတိုက်ဝယ်၊ ဘင်၌လောက်လို၊
ကျောကိုဝမ်းပြု၊ ဒူးနှစ်ခုကြား၊ ဦးခေါင်းထားလျက်၊
မေးဖျားလက်ဆုပ်၊ သစ်ငုတ်တိုမှာ၊ မျောက်အိုကုပ်သည့်နှယ်၊
မလှုပ်မရှက်၊ သေသောက်လက်ဝယ်၊ ဆိတ်သူငယ်လို၊ အလမ္ပါယ်မိ၊ မြွေငယ်ချိသို့၊
အမိစပ်ခါး၊ ပူအေးစားလည်း၊ ကိုယ်သားဆတ်ဆတ်၊ သက်ပြတ်တစေ၊ ဆယ်လနေ၍၊
လေကမ္မဇ၊ ဦးဇောက်ချသား၊ မဂ်ဝသို့ရောက်၊ သံကောက်ပေါက်ဝယ်၊ ဆွဲမြှောက်ဆင်ပြောင်၊ သံဘောင်ကြိတ်ခြေ၊ ပုံနေရယိက၊ ပြင်သို့ကျလည်း၊ အပ်ဆွသည့်ဟန်၊
ကြီးပြန်ဒုက္ခ၊ ပြစ်များလှသည်၊ မူလဇာတိမြစ်ရင်းတည်း။

ရှင်းလင်းချက်
 စာဟောင်းစာသစ်၊ အောက်ထက်ဝန်းရံ၊

ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
မိခင်ရဲ့အစာဟောင်းအိမ် (ချေးထုပ်) ကို ဖင်ခုထိုင်ထားရပြီး
အစာသစ်အိမ်ကို ခေါင်းနဲ့ ရွက်ထားရတယ်တဲ့။
ပုပ်နှံညှီလောင်း၊ ကျဉ်းမြောင်းမဲမိုက်၊ မိဝမ်းတိုက်ဝယ်၊ ဘင်၌လောက်လို၊

ပုပ်နံ့ထွက်နေတဲ့ အညစ်အကြေတွေနဲ့ ပြည့်နေတဲ့ သားအိမ်ထဲမှာ
မိခင်ရဲ့ ကိုယ်ဝန်ဆောင် သွေးနဲ့ မိဘ နှစ်ဦးတို့၏ အညစ်အကြေး သုက်သွေးတို့ကို မှီခိုနေရတာဖြစ်လို့
မိခင်ဝမ်းတွင်းက ခလေးအနေအထားဟာ
မစင်တွင်းထဲက ပိုးလောက်နဲ့ ထူးမခြားနားပါ တဲ့။
ကျောကိုဝမ်းပြု၊ ဒူးနှစ်ခုကြား၊ ဦးခေါင်းထားလျက်၊
မေးဖျားလက်ဆုပ်၊ သစ်ငုတ်တိုမှာ၊ မျောက်အိုကုပ်သည့်နှယ်၊

ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
အမိကျောဘက်ကို မျက်နှာမူပြီး ဒူးနှစ်လုံးတို့၏အကြား၌ ခေါင်းကိုထားလျက်
 မေးအောက်မှာ လက်နှစ်ဘက်ဆုပ်ကာ နေနေရတယ် တဲ့။
ဒီအနေအထားက ဘာနဲ့ တူသလဲ ဆိုရင်
သစ်ငုတ်တိုပေါ်၌ မျောက်အိုတစ်ကောင် ကုပ်ကုပ်လေး နေနေသလိုဘဲ တဲ့။
မလှုပ်မရှက်၊ သေသောက်လက်ဝယ်၊ ဆိတ်သူငယ်လို၊ အလမ္ပါယ်မိ၊ မြွေငယ်ချိသို့၊

ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
မိခင်ဖြစ်သူ မြန်မြန်ဆန်ဆန် သွားတဲ့အခါ၊ ကုန်ချီကွချီပြုတဲ့အခါတွေမှာ
အရက်သမားလက်ထဲရောက်နေတဲ့ ဆိတ်ပေါက်စလို၊
မြွေ-အလမ္ပာယ်ဆရာက မြွေကိုဖမ်းပြီး အမျိုးမျိုး နှိပ်စက် ညှဉ်းပန်းသလို
 မချိမဆန့် ခံစားရတယ် တဲ့။
အမိစပ်ခါး၊ ပူအေးစားလည်း၊ ကိုယ်သားဆတ်ဆတ်၊ သက်ပြတ်တစေ၊ ဆယ်လနေ၍
ကိုယ်ဝန်တည်ချိန် အမိဝမ်းတွင်းမှာ ရောက်နေရတဲ့ရင်သွေးခလေးဟာ
မိခင်ဖြစ်သူ အစပ်စားရင် လှံနဲ့ထိုးပြီး ဆားနဲ့ပက်သလို ခံစားရတယ်တဲ့။
 အပူစားရင် မီးနဲ့မြှိုက်သလို ခံစားရတယ်တဲ့။
အအေးစာတွေကို စားရင် ရေခဲတုံးကြီးနဲ့ ဖိထားသလို ခံစားရတယ်တဲ့။
ဒီလိုဒုက္ခခံရတာက သေလုမတတ် အသားတဆတ်ဆတ်နဲ့ကို ခံစားရတာပါတဲ့။
(ဒါ့ကြောင့် မိခင်တွေ အစားအသောက် ဆင်ခြင်သင့်ပါတယ်)
လေကမ္မဇ၊ ဦးဇောက်ချသား၊ မဂ်ဝသို့ရောက်၊ သံကောက်ပေါက်ဝယ်၊ ဆွဲမြှောက်ဆင်ပြောင်၊ သံဘောင်ကြိတ်ခြေ၊ ပုံနေရယိက၊ ပြင်သို့ကျလည်း၊ အပ်ဆွသည့်ဟန်၊
ကြီးပြန်ဒုက္ခ၊ ပြစ်များလှသည်၊ မူလဇာတိမြစ်ရင်းတည်း။

အချိန်တန်လို့ ဗိုက်နာလာရင် ခြေထောက်ကို အထက်၊
ဦးခေါင်းကို အောက်ဘက်သို့ စောက်ထိုးမိုးမျှော် လှည့်ရပါတယ်။
ပြီးတော့ မဂ်ဝသို့ရောက်သောအခါ သေးငယ်တဲ့ သံပေါက်ကျဉ်းကျဉ်းလေးထဲကနေ
ဆင်ပြောင်ကြီးကို ဆွဲထုတ်ရသလို ခလေးခမျာ ခံစားရသတဲ့။
ကတ္တရာလမ်းကြိတ်တဲ့ ကားကြီးနဲ့ အကြိတ်ခံရသလို
ခလေးခမျာ ခံစားရှာသတဲ့။

ဒါ့အပြင် ကောင်းစွာမီးမဖွားနိုင်ရင် မိခင်ချမ်းသာ ပြီးရော,
ကလေး ဘယ်လို ဖြစ်ဖြစ် ဟု ဆိုသူက ဆိုကြသေး၏။

မိခင်ဝမ်းတွင်းမှာ လေတောင် အတိုးမခံရလို့ အလွန်နုရွနေတဲ့ ခလေးသူငယ်ကို
တခါတလေ ညှပ်နဲ့ ဆွဲထုတ်ရတယ်တဲ့။
အပြင်သို့ ရောက်လာရင်လဲ အ၀တ် ကြမ်းတမ်းတွေနဲ့ ကိုင်တွယ်လို့
ခလေးခမျာ အပ်နဲ့ ထိုးဆွသလို ခံစားရရှာတယ်။

အော်၊ ဇာတိဒုက္ခ ၊ ဇာတိဒုက္ခ၊ ဇာတိဒုက္ခ။

ရည်ညွှန်း၊ မင်္ဂလာသတင်းစဉ်၊ မော်လူး
http://www.babypicturesphotos.com/funnybabypictures/baby-birth-pictures/

Saturday, April 23, 2011

သွားရမည့် လမ်းခရီး


ဘုရားရှင်ကျင့်ခဲ့တဲ့ (အလယ်အလတ်လမ်းစဉ်) မဇ္ဈိမပဋိပဒါကျင့်စဉ်မှာ
အချက် (၈) ချက်ရှိတယ်။
ဒါကို အင်္ဂလိပ်လို Noble Eightfold Path, Middle Way စသဖြင့်
အဆင်ပြေသလို ပြန်ဆိုကြတယ်။

(၁) သမ္မာဒိဋ္ဌိ
ဒီသမ္မဒိဋ္ဌိကို အင်္ဂလိပ်လို
Right View, Right Understanding စသဖြင့် ပြန်ဆိုကြတယ်။
မြန်မာလိုတော့ မှန်ကန်တဲ့အမြင်၊ မှန်ကန်တဲ့ နားလည်မှုပေါ့။

နိဗ္ဗာန်သို့ ချီတက်သူ နိဗ္ဗာန်သို့လျှောက်လှမ်းသူတစ်ယောက်အနေနဲ့
ပထမဦးဆုံးမှန်ကန်တဲ့အမြင် (သမ္မာဒိဋ္ဌိ) (ခြေလှမ်း) ရှိကို ရှိရပါမယ်။

မှန်ကန်တဲ့အမြင်ရှိဘို့အတွက်
အမြင်မှန်ဘို့လိုအပ်တယ်။
အမြင်မှန်ဘို့အတွက် မှန်ကန်တဲ့နားလည်မှု ရှိဘို့လိုပါတယ်။
မှန်မှန်ကန်ကန်နားလည်ဘို့ဆိုတာ
ကိုယ့်ကိုယ်ကို နားလည်တာကို ပြောတာပါဘဲ။

Right Understanding is the understanding of oneself as one really is.

ကိုယ့်ကိုယ်ကို နားလည်တာဆိုတာ
ကိုယ့်မှာရှိနေတဲ့ သိအပ်တဲ့ရုပ်နဲ့ သိတတ်တဲ့စိတ်ကို
ပိုင်းပိုင်းခြားခြား တိတိပပ သိတာကို ပြောတာပါ။

ဒါကို စာပေစကားမှာတော့
နာမ်ရုပ်တို့ကို ပိုင်းခြား၍ သိတတ်သော(နာမရူပပရိစ္ဆေဒ) ဥာဏ်တဲ့။
ဒီမှန်ကန်တဲ့အမြင် မှန်ကန်တဲ့နားလည်မှုဟာ
မဇ္ဈိပဋိပဒါလမ်းစဉ်မှာ အဓိကသော့ချက်ပဲ။
The key-note of Buddhism is this right understanding.

(၂) သမ္မာသင်္ကပ္ပ
မှန်မှန်ကန်ကန်မြင်တတ်တဲ့ မှန်မှန်ကန်ကန်နားလည်မှုရှိတဲ့သူသာ
မှန်ကန်တဲ့အတွေးရှိမှာပါ။
မှန်ကန်တဲ့အတွေးကို ပါဠိလို သမ္မာသင်္ကပ္ပတဲ့။
အင်္ဂလိပ်လိုတော့
Right Resolutions, Right Aspirations, Right Ideas စသဖြင့်
အမျိုးမျိုးပြန်ဆိုကြတယ်။

ပါဠိ၊ အင်္ဂလိပ်တတ်ကျွမ်းတဲ့ ဆရာတော်တစ်ပါးက
မှန်ကန်တဲ့အတွေးဆိုတော့ Right Thoughts လို့ဘာသာပြန်သင့်တယ်တဲ့။

(၃) သမ္မာဝါစာ
မှန်ကန်တဲ့အတွေးအခေါ်ရှိတဲ့သူသာ မှန်ကန်တဲ့စကားကို ပြောမှာ။
မှန်ကန်တဲ့စကားကို ပါဠိလို သမ္မာဝါစာတဲ့။

နိဗ္ဗာန်ကို တက်လှမ်းလိုသူအဖို့
သမ္မာဝါစာ - မှန်ကန်တဲ့စကားကိုသာ ပြောဆိုသင့်ပါတယ်။
မုသာဝါဒ - လိမ်လည်လှည့်ဖြား မပြောကြားသင့်ပါဘူး။
ဒါ့အပြင် ဂုံးချော ဂုံးတိုက်တဲ့စကား၊ ကြမ်းတမ်းတဲ့စကား၊
အရည်မရ အဖတ်မရတဲ့စကားတွေကိုလဲ ရှောင်ကြဉ်ရမှာပါ။
သမ္မာဝါစာ - မှန်ကန်တဲ့စကားဆိုလို့
ကိုယ်ပြောတဲ့စကား မှန်ကန်နေရုံနဲ့ မလုံလောက်ပါဘူး။
နားဝင်ချိုနေရုံနဲ့ မလုံလောက်ပါဘူး။
သာယာနာပျော်ဖွယ်ကောင်းနေရုံနဲ့ မလုံလောက်ပါဘူး။
ကိုယ်ပြောလိုက်တဲ့စကားဟာ သူတစ်ပါးအတွက်
အသုံးတည့်ရပါမယ်၊ အကျိုးဖြစ်ထွန်းစေရပါမယ်။ အကျိုးရှိရပါမယ်။

What one utters is not only true, sweet and pleasant
but also useful, fruitful and beneficial.

(၄) သမ္မာကမ္မန္တ
အပြောမှန်တာနဲ့ အလုပ်မှန်တာ ခွဲခြားလို့ မရပါဘူး။
ဘာ့ကြောင့်လဲဆိုရင် အပြောမှန်တဲ့သူသာ အလုပ်မှန်တတ်လို့ပါဘဲ။
အလုပ်မှန်တာကို ပါဠိလို သမ္မာကမ္မန္တလို့ခေါ်တယ်။
အင်္ဂလိပ်လို Right Action ပေါ့။
အလုပ်မှန်တဲ့ အမှန်လုပ်တဲ့ ဒီ Right Action ဆိုတာ
တခြားထွေထွေထူးထူးမဟုတ်ပါဘူး။

မိုက်မဲမှု(မောဟ) ကြောင့် လောဘစိတ်၊ ဒေါသစိတ်တွေအခြေခံပြီး
သူ့တပါးအသက် သတ်ခြင်း၊ သူ့ဥစ္စာ ခိုးခြင်း၊
သူတပါးသားမယား ပြစ်မှားစော်ကားခြင်းတို့ကို မလွန်ကျူးဘူးဆိုရင်
Right Action ဖြစ်တော့တာပါဘဲ။
It deals with abstinence from killing, stealing and sexual misconduct.

(၅) သမ္မာအာဇီဝ
အတွေးအခေါ် မှန်၊ အပြောမှန်ပြီး အလုပ်မှန်တဲ့သူအတွက်
အကြံအဖန်စီးပွါးရေးလုပ်ငန်းကို လုံးဝ စိတ်မ၀င်စားတော့ပါဘူး။
မှန်ကန်တဲ့စီးပွါးရေးလုပ်ငန်းနဲ့ပဲ သူ့ဘ၀ရပ်တည်တော့မှာ အမှန်ပါ။
မှန်ကန်တဲ့စီးပွါးရေးလုပ်ငန်းကို သမ္မာအာဇီဝလို့ခေါ်တယ်။
အင်္ဂလိပ်လို Right Livelihood ပေါ့။

ဒါနဲ့စပ်လို့ ဗုဒ္ဓဘာသာစာပေထဲမှာ
မလုပ်ရမဲ့စီးပွါးရေးလုပ်ငန်း ငါးမျိုးကို ပြဆိုထားပါတယ်။
(က) လက်နက်ရောင်းဝယ်မှု (Traiding in arms)
(ခ) လူကုန်ကူးမှု (Traiding in human beings)
(ဂ) သားငါးမွေးမြူရေး (Traiding in flesh)
(ဃ) အရက်၊ မူးယဇ်ဆေးဝါး (Traiding in intoxicating drinks)
(င)  အဆိပ် (Trading in poison)

(၆) သမ္မာဝါယာမ
သမ္မာဝါယာမဆိုတာ မှန်ကန်တဲ့ကြိုးစားအားထုတ်မှု။
အင်္ဂလိပ်လိုတော့ Right Effort တဲ့။

နိဗ္ဗာန်သို့တက်လှမ်းလိုသူအတွက် နည်းမှန်လမ်းမှန် ကြိုးစားအားထုတ်ဘို့ လိုအပ်ပါတယ်။
ဒီခေတ်မှာ ဟိုနည်း ဒီနည်းနဲ့ နည်းတွေက နည်းတာမဟုတ်ဘူး။
နည်းမှန်ဘို့ အင်မတန်အရေးကြီးတယ်။
နည်းမှန်မှ လမ်းမှန်မှာပါ။
နည်းမှားနေရင် လမ်းမှားနေမှာ ဖြစ်တဲ့အတွက်
လိုချင်တဲ့ လျှောက်လှမ်းနေတဲ့ပန်းတိုင်ကို ရောက်မှာ မဟုတ်တော့ဘူး။

ဗုဒ္ဓစာပေမှာ မှန်ကန်တဲ့ကြိုးစားအားထုတ်မှုလေးမျိုးရှိတယ်။
(၁) ဖြစ်ပေါ်ပြီးတဲ့မကောင်းမှုအကုသိုလ်တွေကို ပယ်စွန့်နိုင်အောင် ကြိုးစားခြင်း၊
(၂) မဖြစ်သေးတဲ့ မကောင်းမှုအကုသိုလ်တွေကို မဖြစ်မိအောင် ကြိုးစားခြင်း
(၃) မဖြစ်ပြီးသေးကုသိုလ်ကောင်းမှုတွေကို ဖြစ်ပေါ်လာအောင် ကြိုးစားခြင်း၊
(၄) ဖြစ်ပြီးတဲ့ကုသိုလ်ကောင်းမှုတွေကို တိုးပွါးလာအောင် ကြိုးစားခြင်းဆိုပြီး
လေးမျိုးရှိပါတယ်။

မဇ္ဈိမပဋိပဒါ - အလယ်အလတ်လမ်းစဉ် ရှစ်ချက်ထဲမှာ
ဒီသမ္မာဝါယာမ (မှန်မှန်ကန်ကန်ကြိုးစားအားထုတ်မှု) ဟာ အင်မတန်အရေးကြီးပါတယ်။
သံသရာမှ ထွက်မြောက်ဘို့ နိဗ္ဗာန်ကို ရဘို့ ရောက်ဘို့အတွက်
ကိုယ့်အားကို အားကိုးပြီး ကိုယ်ကိုယ်တိုင် ကြိုးစားရမှာပါ။

ပေးကမ်းလှူဒါန်း၊ ဆုတောင်းနေရုံမျှနဲ့
နိဗ္ဗာန်ကို လုံးဝ မရောက်နိုင်ပါဘူးလို့ ဒီအချက်က ရည်ညွှန်းပါတယ်။

(၇) သမ္မာသတိ
မဇ္ဈိမပဋိပဒါ - အလယ်အလတ်လမ်းစဉ် ရှစ်ချက်ထဲမှာ
သမ္မာဝါယာမနဲ့ ကပ်လိုက်လာတာက သမ္မာသတိ (မှန်ကန်တဲ့သတိ) ပါ။
Right Mindfulness လို့ အင်္ဂလိပ်လို ဘာသာပြန်ကြတယ်။

ကိုယ် (body), ဝေဒနာ (feeling), စိတ် (thoughts), နဲ့ ဓမ္မ (mind-objects) လို့ခေါ်တဲ့ အာရုံလေးမျိုးအပေါ်မှာ မိမိရဲ့ သတိကို အမြဲမပြတ်တင်ထားတာကို (အမြဲသတိ ရှိနေခြင်းကို)
သမ္မာသတိ - မှန်ကန်သော သတိလို့ခေါ်ပါတယ်။

ကိုယ့်ကိုယ်ကို
လှတယ် တင့်တယ်တယ်လို့ မမှတ်ယူမိအောင်၊
ချမ်းသာတယ်လို့ မမှတ်ယူမိအောင်၊
မြဲတယ်လို့ မမှတ်ယူမိအောင်၊
အတ္တရှိတယ်လို့ မမှတ်ယူမိအောင်၊
အဆိုပါ အာရုံလေးမျိုးအပေါ်မှာ သတိအမြဲရှိနေရတာ။

Mindfulness on these four objects tend to eradicate the misconceptions
with regard to desirablity (subha), so-called happiness (sukha),
permanence (nicca) and an immortal soul (atta) respectively.

(၈) သမ္မာသမာဓိ
မှန်မှန်ကန်ကန်ကြိုးစားပြီး သတိရှိလာတဲ့သူအဖို့
မှန်ကန်တဲ့သမာဓိတရားရရှိလာမှာ မလွဲပါဘူး။
မှန်ကန်တဲ့သမာဓိကို သမ္မာသမာဓိလို့ခေါ်တယ်။ Right Concentration တဲ့။

သမာဓိရလာရင်တော့ ကိုယ့်ကိုယ်ကို အမှန်အတိုင်းသိမြင်လာမှာပါ။
ကိုယ်ကိုယ့်ကို အသုဘကောင်ကြီးဆိုတာ သဘောပေါက်လာမှာပါ။
သစ္စာလေးပါးကို တကယ်သိလိုသူ၊ နိဗ္ဗာန်ကို ရလိုသူ၊ မျက်မှောက်ပြုလိုသူ
မည်သူမဆို
မဇ္ဈိမပဋိပဒါကျင့်စဉ်ဖြစ်တဲ့  ဒီအချက် (၈) ချက်ကို ကျင့်ရမှာပါ။

Friday, April 22, 2011

တရားဦး


ပဉ္စ၀ဂ္ဂီငါးဦး (ရဟန်းငါးပါးအစု) နဲ့
ဘုရားအလောင်း တရားအတူကျင့်ခဲ့ဘူးပါတယ်။
ဘုရားအလောင်းနဲ့ ဒီပဉ္စ၀ဂ္ဂီငါးဦး တောထဲမှာ
တရားအတူကျင့်စဉ် သဘောထားကွဲလွဲခဲ့တယ်။

ပဉ္စ၀ဂ္ဂီငါးဦးက
ခန္ဓာကိုယ်ကို ညှင်းပမ်းနှိပ်စက်ပြီး
ကျင့်ကြံမှသာ ဘုရားဖြစ်နိုင်တယ်လို့ တရားသေစွဲကိုင် ယုံကြည်တယ်။
ဘုရားအလောင်းကတော့
ခန္ဓာကိုယ်ကို ညှင်းပမ်းနှိပ်စက်တဲ့အကျင့်မျိုးစုံကို
ကျင့်ကြံသင့်သလောက် ကျင့်ကြံပြီးပြီ။
ဒါပေမဲ့ ဘုရားဖြစ်ဖို့အတွက် လမ်းစ မမြင်ဘူး။
ဒါ့ကြောင့် အလျှော့အတင်းလုပ်ကြည့်ဘို့စိတ်ကူးတယ်။

ဒီအတွက် အလယ်အလတ်လမ်းစဉ် (မဇ္ဈိမပဋိပဒါ) ကို
ကျင့်မယ်လို့ ဆုံးဖြတ်ချက်ချတယ်။
ဒီလိုလမ်းကြောင်းပြောင်းတဲ့ဘုရားအလောင်းကို
ပဉ္စ၀ဂ္ဂီငါးဦးက အထင်သေးသွားတယ်။
ဘုရားအလောင်းနဲ့သူတို့ သဘောထားအယူအဆတွေ ကွဲလွဲကုန်တယ်။

သဘောထားကွဲလွဲတဲ့သူနဲ့အတူနေနေရရင်လဲ ရေရှည်အဆင်ပြေမယ် မထင်ဘူး။
သဘောထားအယူအဆတွေ ကွဲလွဲကုန်မှတော့
အတူမနေတာ အကောင်းဆုံးပဲ လို့
ဘုရားအလောင်းစဉ်းစားမိဟန်တူပါရဲ့။
ခွဲထွက်ပီး တရားအားထုတ်တယ်။
နောက်ဆုံး ဘုရားဖြစ်သွားတာပဲ။

ဘုရားဖြစ်ပြီး ဘုရားရှင် ပဉ္စ၀ဂ္ဂီရဟန်းတို့ဆီ သွားတော့
သူတို့ရင်ထဲမှာ နဂိုရှိရင်းစွဲ အထင်သေးအမြင်သေးဓာတ်ခံက
ဘုရားအပေါ်မှာ ရှိနေပါသေးတယ်။
ဒါ့ကြောင့် ဘုရားရှင် အဝေးက ကြွလာတာကို မြင်တော့
သူတို့အချင်းချင်း တိုးတိုး တိုးတိုးနဲ့ အထင်သေး အမြင်သေးစကားတွေ
ပြောနေခဲ့ကြသေးတာပဲမဟုတ်လား။
သူတို့အချင်းချင်းပြောတဲ့စကားကို ကြည့်၊

ကိုယ့်လူတို့။
ရဟန်းဂေါတမကို ဘုရားဖြစ်အောင် တကယ်ကျင့်မယ် ထင်ခဲ့တာ။
အထင်နဲ့အမြင်တခြားစီပဲ၊
သူတရားအားထုတ်တာ ဘာအတွက်လဲ။
လာဘ်လာဘ ပေါများဘို့အတွက်ပဲ။
အခု ပြန်လာပြီ ဒို့ဆီကို။
ခရီးဦးကြိုမနေနဲ့ကွာ၊ သူ့ဟာသူ အဆင်ပြေတဲ့နေရာမှာ ကြည့်ထိုင်လိမ့်မယ်တဲ့။

တကယ်တမ်း ဘုရားရှင်သူတို့အနားရောက်လာတော့
ကောင်းကောင်းမွန်မွန် ကြိုဆိုကြပါတယ်။

ဒါပေမဲ့ သူတို့က ဘုရားရှင်ကို
ငါ့ရှင်ဂေါတမ၊ ငါ့ရှင်ဂေါတမ နဲ့ ခေါ်ဝေါ်ပြောဆိုကြတယ်။
သာသနာတော်မှာ ငါ့ရှင် ဆိုတဲ့စကားလုံးကို
ကိုယ်နဲ့ရွယ်တူနဲ့ ကိုယ့်ထက်ငယ်သူတို့အတွက် သုံးတာ။

ဘုရားရှင်က
ဟေး၊ ငါ့ကို ငါ့ရှင်လို့မခေါ်နဲ့။ ငါက ဘုရားဖြစ်နေပြီ လို့ပြောရတယ်။
ပဉ္စ၀ဂ္ဂီငါးဦးတို့ မယုံပါဘူး။
အလွယ်လမ်းလိုက်သွားတဲ့သူ ဘုရားမဖြစ်နိုင်ပါဘူးပေါ့။

ဘုရားရှင်ကလဲ ငါဘုရားဖြစ်နေပြီကွဲ့။
မယုံဘူး။
ဘုရားရှင် သုံးကြိမ်သုံးခါပြောတာတောင် သူတို့မယုံပါဘူး။
မယုံတော့ ဘုရားရှင်က သူတို့ကို ဒီလို ပြောလိုက်တယ်။

ကဲ၊ မေးစမ်းပါရစေ၊
ငါ မင်းတို့ကို ဘုရားမဖြစ်ပါဘဲ ငါဘုရားဖြစ်ပြီလို့
အရင်တုန်းက ဘယ်နှခါများ ပြောခဲ့ဘူးလို့လဲ၊
အခုဟာက ငါတကယ်ဘုရားဖြစ်လို့ ဖြစ်ပြီ ပြောနေတာပါ

ဒီလိုပြောလိုက်တော့မှ လက်ခံသွားတာ။
ဘုရားဖြစ်တာကို လက်ခံတော့
ကဲ၊ ငါတရားဟောမယ်ဆိုပြီး
ဓမ္မစက္ကပ၀တ္တနသုတ်တော်ကို ဟောတော်မူပါတယ်။

ဒီသုတ်ကို မြန်မာတို့က ဓမ္မစကြာတရားတော် လို့ သိကြတယ်။
 မြတ်စွာဘုရားရှင်ရဲ့ ပထမဦးဆုံးဟောတဲ့တရားဖြစ်ပါတယ်။
တရားဦးပေါ့။ တရားဦးဖြစ်သည့်အားလျှော်စွာ
ပိဋကတ်စာပေမှာ အင်မတန်အရေးကြီးတဲ့ သုတ်တစ်သုတ်လဲဖြစ်ပါတယ်။
ပိဋကတ်သုံးပုံရဲ့ အနှစ်ချုပ်လို့လဲ ဆိုနိုင်တယ်။
အဆီအနှစ်တွေချည်းပဲ။

ပိဋကတ်သုံးပုံစလုံးမဖတ်ဖူးချင်နေ၊
ဒီသုတ်ကိုတော့ သေချာနားလည်အောင် ဖတ်၊ မှတ်သင့်တယ်။

ဗုဒ္ဓဘာသာဆိုတာ ဘာလဲ၊ ဗုဒ္ဓဘာသာကျင့်စဉ်က ဘာလဲဆိုတာကို
ဒီသုတ်တော်မှာ ရှင်းရှင်းလင်းလင်း တိတိကျကျ ရဲရဲဝံ့ဝံ့ ပြဆိုထားတာ တွေ့ရတယ်။

တချိန်တုန်းက (လူသေလူဖြစ်နဲ့) နာမည်ကြီးခဲ့တဲ့ ဆရာတော်ဦးဥက္ကဋ္ဌကတော့
ဒီဓမ္မစက္ကပ၀တ္တနသုတ်နဲ့ (ဒုတိယမြောက်သုတ်ဖြစ်တဲ့)
အနတ္တလက္ခဏသုတ် နှစ်သုတ်သာ
မြတ်စွာဘုရားရဲ့ တရားတော် စစ်စစ်ဖြစ်ကြောင်း
သူ့ယုံကြည့်ချက်ကို စာအုပ်တစ်အုပ်ထဲမှာ ရေးခဲ့ဘူးတယ်။

ဘုရားရှင် ကဆုန်လပြည့်နေ့မှာ ဘုရားအဖြစ်သို့ရောက်ပြီး
ဒီဓမ္မစကြာတရားကို ၀ါဆိုလပြည့်နေ့မှာဟောပါတယ်။
ဒီသုတ်တော်မှာ အဲ့ဒီအချိန်က အိန္ဒိယနိုင်ငံမှာခေတ်စားနေတဲ့
ရေပန်းစားနေတဲ့ အစွန်းရောက်ဝါဒကျင့်စဉ်နှစ်မျိုးကို
မကျင့်နဲ့လို့ အရင်ဆုံး ဒဲ့ပြောထည့်လိုက်တယ်။

အစွန်းရောက်ဝါဒ နှစ်မျိုးက
(၁) ကာမသုခလ္လိကာနုယောဂ နဲ့
(၂) အတ္တကိလမထာနုယောဂတို့ဖြစ်တယ်။

ကာမသုခလ္လိကာနုယောဂဆိုတာ
အမြဲတမ်း ကာမချမ်းသာကို လိုလားတောင့်တနေတဲ့အကျင့်ကို ပြောတာ။
ဒီအကျင့်ကို ဘုရားရှင်က ယုတ်ညံ့တဲ့အကျင့်၊ ရွာသူရွာသားတို့အကျင့်၊
ပုထုဇဉ်တို့အကျင့်၊ မြင့်မြတ်သူတို့ ရှောင်ကြဉ်သောအကျင့်၊
အကျိုးအမြတ်မရသောအကျင့်လို့ ပြောပြပါတယ်။

The Buddha described this extreme as
base, vulgar, worldly, ignoble and profitless.

အတ္တကိလမထာနုယောကဆိုတာ
(ကိလေသာနည်းလို့နည်းငြားကျင့်နေတဲ့၊ စိတ်ပူပန်မှု လျော့လို့လျော့ငြားကျင့်နေတဲ့)
အမြဲတမ်း ကိုယ့်ကိုယ်ကို ညှင်းပမ်းနှိပ်စက်နေတဲ့အကျင့်ကို ပြောတာ။
ဒီအကျင့်ကို ဘုရားရှင်က ဆင်းရဲခြင်းကိုဖြစ်စေတတ်တဲ့အကျင့်၊
မြင့်မြတ်သူတို့ ရှောင်ကြဉ်သောအကျင့်၊
အကျိုးအမြတ်မထွက်သောအကျင့်လို့ ပြောပြပါတယ်။

The Buddha remarks that it is painful, ignoble and profitless.

နံပါတ် (၁) အကျင့်က ကိုယ့်ရဲ့ စိတ်ပိုင်းဆိုင်ရာတိုးတက်မှုကို နှောင့်နှေးစေပြီး
နံပါတ် (၂) အကျင့်က အသိဥာဏ်စွမ်းရည်ကို
အားနည်းစေပါတယ်။ ယုတ်လျော့စေပါတယ်။

The formar retards one’s spiritual prograss,
the latter weakens one’s intellect.

ဒီအကျင့်နှစ်မျိုးကို အကြောင်းအကျိုး နားဝင်အောင် ပြောပြပြီး
ကျင့်ရမဲ့ အလယ်အလတ်လမ်းစဉ် (မဇ္ဈိမပဋိပဒါ) တရားတော်ကို ဆက်ဟောပြပါတယ်။
မဇ္ဈိမပဋိပဒါ ဆိုတာ ဘုရားရှင်ကိုယ်တော်တိုင် ကျင့်ခဲ့တဲ့အကျင့်၊ ပညာမျက်စိ၊
ဥာဏ်မျက်စိတို့ကို ရအောင် ဆောင်နှင်းပေးတတ်တဲ့အကျင့်ဖြစ်တယ်။

ဒါ့အပြင် မဇ္ဈိမပဋိပဒါလမ်းစဉ်ကို ကျင့်ရခြင်းရည်ရွယ်ချက်က
သစ္စာလေးပါးကို သိဘို့နဲ့ နိဗ္ဗာန်ကို မျက်မှောက်ပြုဘို့ဖြစ်တယ်။
ဒါ့ကြောင့် သစ္စာလေးပါးကို တကယ်သိလိုသူ၊ နိဗ္ဗာန်ကို ရလိုသူ၊
မျက်မှောက်ပြုလိုသူ မည်သူမဆို မဇ္ဈိမပဋိပဒါကျင့်စဉ်ကို ကျင့်ရမှာ ဖြစ်တယ်။

မဇ္ဈိမပဋိပဒါကျင့်စဉ်မှာ အချက် (၈) ချက်ရှိတယ်။

Thursday, April 21, 2011

တရားဆို တိုမှ


စာပေလာအရ ပြောရရင်
သဟမ္ပတိဗြဟ္မာကြီးက လျှောက်ထားတောင်းပန်လို့
ဘုရားရှင် တရားဟောမယ် လို့ ဆုံးဖြတ်ချက်ချပါတယ်။

ဘယ်သူ့ကို အရင်ဆုံးတရားဟောရမလဲ၊ ဘယ်သူက ငါ့တရားကို သိနိုင်မလဲ လို့
ဘုရားရှင် တွေးပါတယ်။
အာဠာရရသေ့နဲ့ ဥဒကရသေ့ကို တွေးမိပါတယ်။
ဒါပေမဲ့ သူတို့ဟာ ကွယ်လွန်သွားပြီး ၃၁ ဘုံထဲက တရားဟောလို့
အဆင်မပြေတော့တဲ့ ဘုံဘ၀ကို ရောက်နှင့်သွားကြပါပြီ။

ဒီ့နောက် ပဉ္စ၀ဂ္ဂီငါးဦးကို တွေးမိပါတယ်။
 “ပဉ္စ၀ဂ္ဂီရဟန်းငါးဦးဟာ ငါ့အပေါ်မှာ ကျေးဇူးများတယ်၊
ငါတရားအားထုတ်တုန်းက သူတို့တတွေ ငါ့ကို ကောင်းကောင်း ပြုစုလုပ်ကျွေးဘူးတယ်၊
ဒါ့ကြောင့် ငါသူတို့ကို တရားဟောရရင် ကောင်းမှာပဲ” လို့ ဘုရားရှင် ဆက်တွေးမိတယ်။

အထက်တစ်နေရာမှာတုန်းက
ဘုရားရှင်ဟာ သက်ရှိမဆိုထားဘိ၊ သူအမှီပြု တရားထိုင်ခဲ့လို့ ဘုရားအဖြစ်ကိုရောက်ခဲ့တဲ့
သက်မဲ့ဖြစ်တဲ့ ညောင်ပင်ကိုတောင် ကျေးဇူးသိပြီး
ကျေးဇူးတင်တဲ့အနေနဲ့  ကြည့်ခဲ့တယ်ဆိုတာ တင်ပြခဲ့ဘူးပြီ။

ကျေးဇူးတင်တတ်တဲ့နေရာမှာလည်း အတူမရှိလို့ အတုမရှိဘုရားရှင်ပါလားလို့
အလွန်အင်မတန် နှစ်ထောင်းအားရဖြစ်မိကြောင်း ပြောပြခဲ့ဘူးပြီ။

ဒါနဲ့စပ်လို့
အနောက်နိုင်ငံက ပါဠိပညာရှင်ကြီးတစ်ယောက်ရဲ့ စကားလေးကို အမှတ်ရမိတယ်။
The more I know him (the Buddha), The more I love him. တဲ့။
ဘုရားရှင်(အကြောင်း) ကို ပိုသိလာရလေလေ၊ ဘုရားရှင်ကို ပိုကြည်ညိုလာလေလေ တဲ့။

အခုဘုရားရှင်ကိုကြည့်။
ဘုရားရှင်ရဲ့ ကျေးဇူးတရားကို အလေးထားပုံ ဘယ်လောက်အတုယူစရာကောင်းသလဲ။
သူ့ကို (အလုပ်အကျွေးပြုခဲ့ဘူးတဲ့) ကျေးဇူးရှိခဲ့ဘူးတဲ့ ပဉ္စ၀ဂ္ဂီရဟန်းတွေကို သတိရတယ်။

(အောင်မြင်လာရင် ဘ၀မေ့တတ်တဲ့ လောကီလူသားတွေနဲ့
လုံးဝကွဲပြားခြားနားတာကို ဒီနေရာမှာလဲ တွေ့လိုက်ရတယ်။)

ကျေးဇူးသိတတ်တဲ့နေရာမှာလဲ အတူမရှိတဲ့ ဒို့ရဲ့ အတုမရှိဘုရားရှင်ပါလားလို့
တွေးတွေးပြီး ကြည်နူးမိတယ်၊ ပီတိဖြစ်မိတယ်။
ဒါ့ကြောင့်လဲ
The More I know him, The More I love him ပြောတာပဲမဟုတ်လား။

ပဉ္စ၀ဂ္ဂီငါးဦးနေနေတဲ့ ဗာရာဏသီပြည်၊ မိဂဒါဝုန်တောကို ကြွပါတယ်။
ဘုရားဖြစ်တဲ့နေရာ ဗုဒ္ဓဂယာနဲ့ ပဉ္စ၀ဂ္ဂီရဟန်းတို့နေရာ ဗာရာဏသီက အတော်ဝေးတယ်။
အခုခေတ် (မြန်မာပြည်က အမြန်ရထားထက် မြန်တဲ့) အမြန်ရထားနဲ့ လေးနာရီလောက်စီးရတယ်။
လမ်းခရီးမှာ လူတစ်ယောက်နဲ့တွေ့တယ်။
သူ့နာမည်က ဥပက တဲ့။

ဒီဥပကဆိုတဲ့လူကလဲ သူ့နည်းသူ့ဟာနဲ့ တရားရှာဖွေနေသူဖြစ်တယ်။
အရပ်ထဲ နေသူမဟုတ်ဘူး၊ ခေသူတော့ မဟုတ်ဘူး။
ဥပက က မြတ်စွာဘုရားကို ကြည့်တယ်။ မေးတယ်။
“ငါ့ရှင်၊ သင့်အသားအရေဟာ အတော်ကြည်လင်တယ်၊ စင်ကြယ်တယ်၊ ဖြူစင်တယ်၊
ရဟန်းဘ၀ကို ဘယ်ပုံဘယ်နည်းနဲ့ ရောက်လာတာလဲ၊
ဘယ်သူ့တရားကို သဘောကျပါသလဲ” လို့ ဘုရားရှင်ကို မေးတယ်။

ဒီအမေးကို ဖြေတဲ့ ဘုရားရှင်ရဲ့ အဖြေဟာ
တိုရှင်းလိုရင်းနဲ့ အတော်လေး ထိမိတယ်၊
ခရီးသွားရင်း (မတ်တတ်ရပ်ရင်း) အလ္လာပ သလ္လာပပြောဆိုရင်း
တစ်ဦးနဲ့တစ်ဦး မေးကြ မြန်းကြတာဆိုတော့
သိပ်ရှည်ရှည်ဝေးဝေး ပြောမနေဘူး။

 ၂၁ ရာစုမှာ လူတွေ အတော်အလုပ်များကြတယ်။
သိပ်အားတယ်လို့မရှိဘူး။
တိုးတက်လာသည်နှင့်အမျှ အလုပ်တွေက ပိုများလာတော့
ဘာသာရေးဘက် သိပ်မလှည့်နိုင်ကြတော့ဘူး။
တရားဘက်ကို မလှည့်နိုင်ကြတော့ဘူး။

ကိစ္စရှိလို့ ဆွမ်းစား ကွမ်းစားကြွလဲ
ဒကာ ဒကာမတွေအိမ်မှာ တရားဟောရပြီဆိုရင် အရင်တုန်းကလို
ဟိုး…….ရှေးရှေးတုန်းက….. ဗာရာဏသီပြည်မှာ….ဗြဟ္မဒတ်မင်းအုပ်စိုးစဉ်…
စသည်ဖြင့် လေရှည်နေလို့ မဖြစ်တော့ဘူး။
တိုရှင်းလိုရင်းပဲ ဟောကြရတာ။

တရားဟောခါနီးရင် တရားဟောမဲ့ဘုန်းကြီးတွေ မကြားတကြား
“ဟင်းဆို ချိုမှ၊ တရားဆို တိုမှ” နဲ့တောင်
တချို့က ပြောကြသေးတယ်။

တစ်ခါက ဒကာတစ်ယောက်က ဘုန်းကြီးတစ်ပါး တရားဟောအပြီး
“ဒီဘုန်းကြီး တရားဟောကောင်းတယ်” လို့ ချီးကျူးသတဲ့။
ဒါကို ဘေးက ကြားတဲ့ဒကာတစ်ယောက်က
“မောင်ရင်၊ တရားက ဘာကောင်းတာတုန်း၊ လုပ်စမ်းပါအုံး” လို့ မေးတယ်။
“ဒီဘုန်းကြီးဟောတဲ့တရားက တိုလို့ကောင်းတာပေါ့ဗျ” လို့ ပြန်ပြောသတဲ့။

တရားဟောရင် တိုတိုကြိုက်တဲ့ခေတ်မှာ
ဒို့ဘက်ကလဲ တိုတိုနဲ့ ထိမိတဲ့စကားလုံးတွေ ရွေးတတ်ဘို့ အရေးကြီးလာဘီ။
ဒီအတွက် လူတစ်ယောက်က
What is Buddha? လို့များမေးခဲ့ရင်
ဒီဥပကကြီးမေးတဲ့အမေးကို ဘုရားရှင် မတ်တတ်ရပ်ရင်း
ဖြေလိုက်တဲ့အဖြေလေးက ကွက်တိပဲ။

ဥပက၊
ငါသည် အလုံးစုံကို လွှမ်းမိုးနိုင်၏၊ မကောင်းတဲ့ ညစ်ပတ်တဲ့စိတ်မရှိ၊
အကုန်လုံး စွန့်ခဲ့ပြီးပြီ၊ ကိလေသာဟူ မြူမျှမရှိ၊
သိစရာမှန်သမျှ ကိုယ်ကိုယ်တိုင် ကြိုးစားအားထုတ်ပြီး သိခဲ့လို့
ငါ့ရဲ့ဆရာ ဘယ်သူပါလို့ ဘယ်လိုလုပ်ပြောလို့ရမလဲ၊

ဥပက
ငါ့မှာ ဆရာမရှိဘူး၊ ငါနဲ့တူတဲ့သူလဲ မရှိဘူး၊
ငါ့မှာ ပြိုင်ဘက်လဲ မရှိဘူး၊ ပြိုင်နိုင်တဲ့သူလဲ မရှိဘူး။
ငါဟာ ရဟန္တာဖြစ်တယ်၊ အတုမရှိသောသူဖြစ်တယ်၊
ဆရာတစ်ယောက်လဲဖြစ်တယ်၊
ငါဟာ တစ်ဆူတည်းသောဘုရားပါ၊

ငါအခု တရားဟောဘို့ ထွက်လာခဲ့တာ၊
မကောင်းတဲ့စိတ်ဓာတ် ငါ့မှာ လုံးဝမရှိတော့လို့
မကောင်းတဲ့စိတ်ဓာတ်တွေကို အနိုင်ယူခဲ့လို့
ငါ့ကို ဇိန လို့ ခေါ်တယ်၊ ဥပက။    ။

All have I overcome, all do I know.
From all am I detached, all have I renounced.
Wholly absorbed am I in the destruction of craving.
Havining comprehended all by myself whom shall I call my teacher?

No teacher have I.
An equal to me there is not.
In the world including gods there is no rival to me.

Indeed an Arahant am I in this world.
An unsurpassed teacher am I;
Alone am I the All-Enlightened.
Cool and appeased am I.

To establish the wheel of Dhamma to the city of Kasi I go.
In the blind world I shall beat the drum of Deathlessness.
Like me are conquerors who have attained to the destruction of defilements.

All the evil conditions have I conquered.
Hence, Upaka, I am called a conqueror.


What is the Buddha? ဆိုတာနဲ့
ပတ်သက်ပြီး ဘုရားရှင်ကိုယ်တိုင်ဖြေဆိုထားတဲ့ အဖြေလေးပါ။

Who is the Buddha? ဆိုတာကို
အထက်တစ်နေရာမှာ ရေးခဲ့ပြီးပြီ။

ဥပကနဲ့တွေ့ပြီး ဘုရားရှင် ခရီးဆက်ပါတယ်။
ပဉ္စ၀ဂ္ဂီငါးဦးတို့နေရာ ဗာရာဏသီ၊ မိဂဒါဝုန်သို့ ရောက်ပါဘီ။

Wednesday, April 20, 2011

စိတ်အားတော်ငယ်


ဒီနိုင်ငံမှာ နှစ်စဉ် သြဂုတ်လရောက်ရင် တရုတ်တွေ တစ္ဆေကြီးပွဲ ကျင်းပကြတယ်။
တစ္ဆေကြီးပွဲဆိုတာကို နားလည်သလိုပြောရရင်တော့
သေဆုံးသွားကြတဲ့ မိဘ ဘိုးဘွားတွေကို အာရုံပြု ရည်စူးပြီး အမျှအတမ်းပေးဝေတဲ့ပွဲပါဘဲ။
တိုက်ဆိုင်တာလားတော့မသိဘူး။
အဲ့လတုန်းက တစ္ဆေတွေ ခြောက်လန့်ကြောင်း တရုတ်တွေ မကြာမကြာ လာပြောတယ်။

ကျောင်းနဲ့ နာရီဝက်လောက်ကားမောင်းပြီးသွားရတဲ့နေရာမှာ
တစ်ခါသုံး ဖော့ခွက်တွေလုပ်တဲ့ စက်ရုံကြီးရှိတယ်။
အဲ့မှာ မြန်မာအလုပ်သမားတွေ အတော်များတယ်။
ပြီးခဲ့တဲ့ သြဂုတ်လ တစ္ဆေကြီးပွဲကျင်းပချိန်တုန်းက
အဲ့စက်ရုံက မြန်မာဒကာလေးတစ်ယောက်နဲ့
စက်ရုံမန်နေဂျာတစ်ယောက် ကျောင်းရောက်လာတယ်။

စက်ရုံမှာ တစ္ဆေခြောက်ကြောင်း၊
စက်ရုံက အလုပ်သမားတွေလဲ အခုတလော ထိခိုက်ဒဏ်ရာ အရများနေကြောင်း၊
ဒါ့ကြောင့် ပရိတ်တရားတော်ရွတ်ဖတ်ပေးစေလိုကြောင်း
 မြန်မာဒကာလေးက လျှောက်ပါတယ်။
ဒါနဲ့ နောက်ရက် ညနေပိုင်းအားကြောင်း ပြောဆိုပြီး သူတို့ပြန်သွားကြတယ်။

ဗုဒ္ဓဘာသာအကြောင်း၊ ဗုဒ္ဓဘာသာရှုဒေါင့်က တစ္ဆေအယူအဆနှင့်
ထိုတစ္ဆေခြောက်ခြင်းမှ ကင်းဝေးအောင် ဘယ်လိုပြုမူနေထိုင်ရမယ်စသည်တွေကို
တရုတ်တွေကို နားလည်အောင် ရှင်းပြအုံးမှပဲ ဆိုပြီးတွေးထားတယ်။ ကြံထားတယ်။

နောက်နေ့ညနေရောက်တော့ စက်ရုံကို ကြွပါတယ်။
ထုံစံအတိုင်း ပထမဦးဆုံး သရဏဂုံသုံးပါး၊ ငါးပါးသီလ ဆောက်တည်စေဘို့
နမော တဿ တိုင်ပေးပါတယ်။
ဟောဗျာ၊ တရုတ်တွေ နမော တဿ မရကြဘူး၊
ဒီတော့ တစ်လုံးချင်း တိုင်ပေးရတယ်။
နမော ဆိုရင် နောက်က နမော လို့ လိုက်ဆိုကြတယ်။
ဒါတောင် ရှည်တဲ့ သမ္မာသမ္ဗုဒ္ဓဿ လိုဟာမျိုးကြတော့ ပီပီပြင်ပြင် လိုက်မဆိုနိုင်ဘူး။
နောက် ဗုဒ္ဓံ သရဏံ ဂစ္ဆာမိ စသည်။
နောက် ပါဏာတိပါတာ ၊ ငါးပါးသီလ။
နဂိုက ဘာမှ မသိတော့ ဘာမှ အဆင်မပြေဘူး။
အတော်လေးစိတ်ပျက်သွားတယ်။

ဒီလို ဘာမမသိတဲ့ ဗုဒ္ဓဘာသာနဲ့ပတ်သက်တဲ့ အသိဥာဏ်
သုညအဆင့် (Zero level) သာရှိတဲ့ ဒီလူတွေကို ဟောပြ ပြောပြနေလို့
အဆင်ပြေမယ်မထင်ပါဘူး။ အကျိုးရှိမယ်မထင်ပါဘူးလို့ တွေးမိပြီး
တရားဟောပြချင်စိတ် ပျောက်သွားဘူးတယ်။
အရင်က တရားဟောလိုက်မဟဲ့လို့ အားခဲထားပေမဲ့ (ပွင့်ပွင့်လင်းလင်းပြောရရင်) ဟောဘို့ စိတ်ပျက်မိတာတော့ အမှန်ပဲ။ ဒါပေမဲ့ ဟောပြဖြစ်ခဲ့ပါတယ်။

ဘုရားရှင် ဘုရားဖြစ်ပြီးတဲ့နောက် ဗောဓိပင်နား တစ်ပါးတည်း နေနေတုန်းကလဲ
လူသားတွေကို တရားဟောချင်စိတ် ပျောက်ခဲ့ဘူးတယ်။

ငါသိတဲ့တရား (ငါဟောပြမဲ့တရား) ဟာ မြင်နိုင်ခဲတယ်၊
သိနိုင်ခဲတယ်၊ ငြိမ်သက်တယ်၊ မွန်မြတ်တယ်၊
တောင်ကြံ မြောက်ကြံ ကြံနေတဲ့ အကြံသမားတွေရဲ့ ကျက်စားရာမဟုတ်ဘူး၊
သိမ်မွေ့တယ်၊ ပညာရှိတို့သာ သိနိုင်တယ်။
(ငါ့တရားကို နာမဲ့) လူတွေကတော့
ကာမဂုဏ်နဲ့အချိန်ကုန်၊ ကာမဂုဏ်မှာ ပျော်ပိုက်၊
ကာမဂုဏ်မှာပဲ နှစ်ခြိုက်နေကြတယ်။
ဒီလိုလူတွေကို ပဋိစ္စသမုပ္ပါဒ်တရား၊ နိဗ္ဗာန်အကြောင်း ဟောနေလို့ကတော့ အလကားပဲ။
ပင်ပန်းရုံသာ ရှိတော့မပေါ့၊
မသိနားမလည်တဲ့ ရာဂထူပြော၊ ဒေါသအားကြီးနေတဲ့သူတွေကို ငါတရား မဟောတော့ပါဘူးလို့
ဘုရားရှင် တွေးမိပြီး တရားဟောချင်စိတ် ပျောက်သွားဘူးတယ်။

ဒီလို စိတ်ပျက်သွားတော့
ဗြဟ္မာ့ပြည်က သဟမ္ပတိဆိုတဲ့ဗြဟ္မာက လာပြီး တရားဟောဘို့ တောင်းပန်တယ်။
ဒီလိုနဲ့ ဘုရားရှင် တရားဟောဖြစ်သွားတယ်ဆိုပါတော့။

ဘုရားရှင် တရားဟောချင်စိတ်မပေါက်တာကို
“ဘုရားကလဲကွာ၊ တရားဟောဘို့ ပါရမီဖြည့်လာပြီး ဘုရားဖြစ်ပြီးခါမှဘဲ
တရားဟောချင်စိတ် ပျောက်သွားရသလား” လို့ ထင်မယ်ဆို ထင်စရာပါ။

အထက်မှာ ပြောခဲ့သလို ကိုယ့်အတွေ့အကြုံအရတော့
ဘာသာရေးနဲ့ပတ်သက်လို့ အင်မတန်အသိဥာဏ်နည်းတဲ့
နမော တဿတောင် လိုက်မဆိုတတ်တဲ့
သရဏဂုံသုံးပါးဆိုတာကိုတောင် မကြားဘူးတဲ့
သူတွေကို တရားဟောပြဘို့ စိတ်တွန့်ဆုတ်မိတာအမှန်ပါ။
ဒါ သဘာဝကျကျ စဉ်းစားတာပါ၊ အတွေ့အကြုံနဲ့ ပြောပြတာပါ။

ဒီကိစ္စနဲ့ပတ်သက်ပြီး
မန္တလေး၊ သာသနာ့တက္ကသိုလ်မှာ စာသင်ပေးတဲ့
(ကွယ်လွန်သွားရှာပြီဖြစ်တဲ့) ဆရာကြီးဦးဘဆန်းရဲ့ အယူအဆကို သတိရတယ်။

ဆရာကြီးက
“ဘုရားရှင်အနေနဲ့ သတ္တ၀ါတွေကို တရားဟောဘို့အတွက်
လေးသင်္ချေနဲ့ကမ္ဘာတစ်သိန်းတို့ကာလပတ်လုံး
ပါရမီဖြည့်ကျင့်ပြီး ဘုရားဖြစ်လာမှတော့ ဗြဟ္မာကြီးက
တရားဟောဘို့ မတောင်းပန်လဲ ဟောမှာပါဘဲ တဲ့။

ဘုရားရှင် ပွင့်ထွန်းပေါ်ပေါက်တဲ့ခေတ် အိန္ဒိယနိုင်ငံမှာ
အိန္ဒိယလူမျိုးတွေက ဗြဟ္မာကို ကိုးကွယ်ကြကြောင်း၊
သူတို့ကိုးကွယ်တဲ့ဗြဟ္မာကြီးကတောင်မှပဲ ဘုရားရှင်ကို တရားဟောဘို့
ခခယယတောင်းပန်တာကို ပြလိုလို့ ဖြစ်ကြောင်း၊
ဒီအဖြစ်အပျက် ဒီဇာတ်ကွက်ပေါ်ပေါက်လာခြင်းဖြင့်
(ဘုရားရှင်ဟာ ဗြဟ္မာကြီးရဲ့ ဆရာကြီးဖြစ်သွားတဲ့အတွက်
အိန္ဒိယလူမျိုးတွေရဲ့ ဆရာ့ဆရာကြီးဖြစ်သွားလို့)
ဘုရားရှင်အပေါ် လေးစားယုံကြည်မှု ချက်ချင်း (ပိုမို) ရလာနိုင်ကြောင်း”
စသည်ဖြင့် သူ့အယူအဆကို ရှင်းပြပါတယ်။

ဆရာကြီးက သူထင်မြင်ယူဆတာကို တင်ပြတာပါတဲ့။
အထင်အမြင် လွတ်လပ်စွာ ကွဲလွဲခွင့်ရှိပါတယ်လို့ ဆက်ပြောပါတယ်။
ဘာပဲဖြစ်ဖြစ်၊ ဘယ်လိုပဲဖြစ်ဖြစ်၊ ဘာအကြောင်းနဲ့ပဲဖြစ်ဖြစ်
ဘုရားရှင်ကတော့ မကြာခင် တရားစည်ကြီးကို တီးတော့မှာပါ။

Monday, April 18, 2011

လဖက်သုတ်နဲ့လား


ဘုရားရှင် ဘုရားအဖြစ်သို့ရောက်ပြီးနောက်
ဘုရားအဖြစ်သို့ရောက်ခဲ့တဲ့ မဟာဗောဓိပင်အောက်မှာပဲ
(၇) ရက်ပတ်လုံး တင်ပလ္လင်ခွေမဖြုတ်ပဲ
လွတ်လပ်မှုအရသာ (၀ိမုတ္တိသုခ - The Bliss of Emancipation) ကို
ခံစားလျက် ထိုင်နေပါတယ်။

ပထမ (၇) ရက်ရဲ့ နောက်ဆုံးတစ်ညမှာတော့
ပဋိစ္စသမုပ္ပါဒ်တရားတော်ကို အနုလုံ (အစုန်)၊ ပဋိလုံ (အဆန်) နှလုံးသွင်းတယ်။

ပဋိစ္စသမုပ္ပါဒ်ကို အင်္ဂလိပ်လိုတော့ အမျိုးမျိုး ပြန်ဆိုနေကြတယ်။
တချို့က Dependent Origination,
တချို့က Dependent Arising,
တချို့က Conditioned Arising,
တချို့က Conditioned Genesis.

မြန်မာပြည်က နာမည်ကြီးမိုးကုတ်ရိပ်သာဆရာတော်များကတော့
မိုးကုတ်ဆရာတော်ကြီးတီထွင်ခဲ့တဲ့ ပဋိစ္စသမုပ္ပါဒ်စက်ဝိုင်းကြီးထဲက
အကွက်လေးတွေကို
ဒုတ်ခလေးနဲ့ ထောက်ကာ ထောက်ကာ
 အကြောင်းကြောင့် အကျိုးဖြစ်၊ အကြောင်းကြောင့် အကျိုးဖြစ် ဆိုပြီး
ယောဂီများကို သင်ကြားပြသနေတာ မကြာမကြာတွေ့ဘူးတယ်။
ဒါ့ကြောင့် ဒီပဋိစ္စသမုပ္ပါဒ်ဆိုတာကို
အကြောင်းကြောင့်အကျိုးဖြစ်တဲ့တရားဒေသနာတော်ကြီးလို့
မြန်မာလို ဘာသာပြန်ရလိမ့်မယ်။

လူသားအပါအ၀င် သက်ရှိသတ္တ၀ါတွေရဲ့
မွေးဖွားမှု၊ သေဆုံးမှု၊ တဖန် ပြန်လည်မွေးဖွားမှု စတဲ့ ဖြစ်စဉ်တွေကို ဟောကြားထားတဲ့ဒေသနာတော်ကြီးပါ။
ဒီတရားဒေသနာတော်ကြီးထဲမှာ
ဖြစ်လေ့ဖြစ်ထရှိတဲ့ ဖြစ်နေတဲ့ မွေး၊ အို၊ သေ (ဇာတိ၊ ဇရာ၊ မရဏ) သဘာဝတရားတွေကို ဟောထား ပြောထားတာပါ။ ဘာမှ လုပ်ကြံပြီး ပြောထားတာ မပါပါဘူး။
အပိုမဆလာ မပါပါဘူး။

ဒါကို ဘုရားရှင်ကိုယ်တိုင်ကလဲ ပြောခဲ့ဘူးပါတယ်။
ဒီကမ္ဘာလောကကြီးမှာ ဘုရားရှင် ပွင့်ထွန်းပေါ်ပေါက်သည်ဖြစ်စေ၊
မပေါ်ပေါက်သည်ဖြစ်စေ၊ အကြောင်းကြောင့် အကျိုးဖြစ်တဲ့သဘောတရား
(ပဋိစ္စသမုပ္ပါဒ်) ကတော့ ရှိနေမှာပါတဲ့။

တစ်ခါတုန်းက ရှင်အာနန္ဒာကြီးက
“ပဋိစ္စသမုပ္ပါဒ်တရားတော်ကြီးက ခက်ခဲနက်နဲတယ်လို့ ပြောနေကြပေမဲ့
တပည့်တော်အတွက်တော့ ရှင်းလင်းနေတာပဲဘုရား” လို့ မြတ်စွာဘုရားကို လျှောက်တယ်၊

ဒီတော့ မြတ်စွာဘုရားက
“ဒီလိုတော့ မပြောလိုက်ပါနဲ့ အာနန္ဒာရယ်၊
ပဋိစ္စသမုပ္ပါဒ်တရားတော်ကြီးက အင်မတန်နက်နဲတာပါ။
ဒီလိုနက်နဲတဲ့အတွက် ပဋိစ္စသမုပ္ပါဒ်တရားကို ခြေခြေမြစ်မြစ် မသိကြဘူး။
မသိကြလို့လဲ သတ္တ၀ါတစ်တွေ သံသရာရှည်နေကြရတာပေါ့” လို့ မိန့်ဘူးပါတယ်။

ဘုရားရှင်မိန့်တဲ့ဟာကို ဒီလို နားလည်မိတယ်။
ပဋိစ္စသမုပ္ပါဒ်တရားက နက်နဲတယ်၊ နားလည်ဘို့မလွယ်ဘူး။
နားမလည်လို့လဲ သံသရာရှည်နေကြတာ၊ နားလည်ရင် သံသရာတိုမယ်၊
သံသရာက လွတ်မြောက်မယ်။
ဒါ့ကြောင့် ပဋိစ္စသမုပ္ပါဒ်တရားကို သိအောင်လုပ်ရပါမယ်။

စာပေမှာကလဲ
“ပဋိစ္စသမုပ္ပါဒ်ကို သိမှ တရားကို သိတာ၊
တရားကို သိမှ ပဋိစ္စသမုပ္ပါဒ်ကို သိတာ”
လို့ တိုက်ရိုက်ပါပါတယ်။

မြန်မာပြည်မှာ (အားလုံးက ဘုရားရှင်ဟောကြားခဲ့တဲ့နည်းတွေအတိုင်း ကျင့်ကြံနေကြပေမဲ့) မဟာစည်ဆရာတော်ဘုရားကြီးရဲ့ နည်း (မဟာစည်နည်း) နဲ့ မိုးကုတ်ဆရာတော်ဘုရားကြီးရဲ့နည်း (မိုးကုတ်နည်း) ဆိုတာတွေ ရှိပါတယ်။

အဲ့ဒီနည်းတွေရဲ့ တရားရိပ်သာခွဲတွေလဲ တော်တော်ပေါများပါတယ်။
ဆရာတော်ကြီးနှစ်ပါးလုံးက စာတတ်ကြီးတွေ၊
တကယ်ကျင့်ကြံထားတဲ့ ဆရာတော်ကြီးတွေဆိုတော့ ဟောပြောချက်တွေက
ရှင်းနေတာပဲ။ လင်းနေတာပဲ၊ နားဝင်လွယ်တယ်။

သိရသလောက်တော့ မဟာစည်ဆရာတော်ကြီးရော မိုးကုတ်ဆရာတော်ကြီးပါ
 ဒီ ပဋိစ္စသမုပ္ပါဒ်တရားတော်ကို ကျယ်ကျယ်ပြန့်ပြန့် တခန်းတနား ဟောကြားခဲ့တယ်။
ဒါပေမဲ့ အခုခေတ်ပိုင်းမှာတော့ ပဋိစ္စသမုပ္ပါဒ်လို့ ပြောလိုက်တာနဲ့
မိုးကုတ်နည်း ပဋိစ္စသမုပ္ပါဒ်စက်ဝိုင်းကြီးကို မျက်စိထဲ တန်းမြင်ယောင်တော့တာပဲ။
မဟာစည်ဆရာတော်နည်း (သို့မဟုတ်) မဟာစည်နည်းလို့
ဘယ်သူမှ မမှတ်ယူကြတော့ဘူး။
 တချို့ မဟာစည်ဆို ပဋိစ္စသမုပ္ပါဒ်ဟောတယ်လို့တောင် မထင်ကြတော့ဘူး။

မိုးကုတ်ဆရာတော်ကြီးရဲ့ နည်းကို အားသန်တဲ့ လိုက်ဟောတဲ့
နောက်မျိုးဆက် ဆရာတော်တွေက
သူတို့တရားစခန်းပွဲဖွင့်တဲ့အခါတိုင်း ပဋိစ္စသမုပ္ပါဒ်စက်ဝိုင်းကြီးကို ထောင်ကာ  သင်ပေးလေ့ရှိတယ်။ စက်ဝိုင်းကြီးကို လက်မလွှတ်တော့ဘူး။
လက်လွှတ်လို့လဲ မရတော့ဘူး။
စက်ဝိုင်းနဲ့ မိုးကုတ် တစ်သားတည်း ဖြစ်နေပြီ။

ဆရာတော်အများစုကတော့ ကျကျနန ပိုင်ပိုင်နိုင်နိုင် ကွက်ကွက်ကွင်းကွင်း
ရှင်းပြ ဟောပြနိုင်ကြပါတယ်။
ဒါပေမဲ့ အချို့ဆရာတော်တွေက မြတ်စွာဘုရားကိုယ်တော်တိုင်
နက်နဲပါတယ်လို့ပြောခဲ့တဲ့ ဒီပဋိစ္စသမုပ္ပါဒ်တရားတော်ကြီးကို
စာပေလဲ ကျကျနနမသင်ဘူး၊ တရားလဲ ကျကျနနအားမထုတ်ဘူးပဲနဲ့
အာဘောင်အာရင်းသန်သန် ပလ္လင်ပေါ်ကနေပြီး
အ၀ိဇ္ဇာလား၊ တခြားလားလို့ မေးနေတာကို တွေ့တွေ့နေရတယ်။

နိုင်ငံခြားသားယောဂီတစ်ယောက် မဟာစည်ကို တရားလာထိုင်တယ်တဲ့။
တရားပြတဲ့ဘုန်းကြီးတွေ အနည်းဆုံးသောတာပန်အဆင့်လောက်တော့ ရှိသင့်တယ်လို့
သူ ပြန်ခါနီး ပြောသွားဘူးတယ်လို့ ကြားဘူးတယ်။
တရားပြတဲ့ ဘုန်းကြီးတွေ
သောတာပန်လောက်ဖြစ်အောင်
ကြိုးစားနိုင်ရင်တော့ ကောင်းတာပေါ့လေ။

သို့သော်လဲပဲ တရားပြမဲ့ ဘုန်းကြီးတွေ သောတာပန်အဆင့်မရောက်တောင်
စာပေကို ဓမ္မာစရိယလောက်ထိ သေသေချာချာ ကျကျနန သင်ယူပြီး
ဆရာနည်းမိမိတော့ တရားအားထုတ်ဘူးသင့်တယ်လို့ ယူဆတယ်။

မိုးကုတ်ကမ္မဋ္ဌာနာစရိယဆရာတော်တွေ
အမေး၊ အဖြေလေး လုပ်လုပ်ပြီး တရားဟောတတ်တာနဲ့စပ်လို့
ဟိုတလောက ဟာသလုပ်ခဲ့တာလေးကို သွားသတိရမိတယ်။

မိုးကုတ်ကမ္မဋ္ဌာနာစရိယဆရာတော်တွေက တရားဟောရင်း
အမေး အဖြေလုပ်တဲ့အခါ အဖြေကို အက်ကြောင်းလေး ပေးပေးပြီး မေးတတ်ပါတယ်။
ဆိုပါစို့။
ယောဂီကို “အ၀ိဇ္ဇာပါဘုရား” လို့ ဖြေစေချင်ရင်
ကဲ၊ ယောဂီတို့၊ ဒါ အ၀ိဇ္ဇာလား၊ တခြားလား လို့ မေးပါတယ်။
ဘယ်ယောဂီကမှ တခြားပါဘုရားလို့ မဖြေပါဘူး။
အ၀ိဇ္ဇာပါဘုရား ပေါ့

တဏှာလား၊ တခြားလား (တဏှာပါဘုရား၊)
ဇာတိကြောင့်လား၊ တခြားကြောင့်လား (ဇာတိကြောင့်ပါဘုရား) စသဖြင့်။

တစ်နေ့ မိုးကုတ်ကမ္မဋ္ဌာနာစရိယဆရာတော်တစ်ပါးရဲ့ ကျောင်းကို အလည်သွားတော့
ဆရာတော်က
ရေးနွေးဘုန်းပေးဘို့ ခေါ်ပါတယ်။
ဒါနဲ့
မိုးကုတ်ဓမ္မကထိကလေသံနဲ့ ပြန်မေးမိတယ်။

လဖက်သုတ်နဲ့လား၊ တခြားနဲ့လား လို့။

ဒါလေးတော့ သိထားမှ


စည်းမျဉ်း၊ စည်းကမ်းတွေကို ပါဠိလို ၀ိနယ လို့ခေါ်ပါတယ်။
ဝိနယ ကို မြန်မာမှုပြုထားတာက ၀ိနည်းတဲ့။
စည်းမျဉ်း စည်းကမ်းတွေကို တစ်စုတစ်ဝေးတည်း
ပေါင်းစုထားတာကိုတော့ ၀ိနယပိဋက လို့ခေါ်ပါတယ်။
ခေတ်စကားနဲ့ပြောရရင်တော့ ဥပဒေပေါင်းချုပ် ပေါ့။

(၀ိနယပိဋက) ဥပဒေပေါင်းချုပ်စာအုပ် ငါးအုပ်ရှိတယ်။
ငါးအုပ်ထဲက မဟာဝါစာအုပ်ကို ပထမဆုံးလေ့လာဘူးတယ်ဆိုတာ ပြောခဲ့ပြီးပြီ။
မဟာဝါစာအုပ်မှာ အခန်း (Section) ၁၀ ခုရှိတယ်။

ဝိနည်းဥပဒေစာအုပ်ဆိုပေမဲ့ ဥပဒေချည်းသက်သက် ဖော်ပြထားတာမဟုတ်ဘူး။
သမိုင်းရှုဒေါင့်က အင်မတန်အရေးပါတဲ့ တန်ဘိုးမဖြတ်နိုင်တဲ့ ဘုရားရှင်နဲ့ပတ်သက်တဲ့ အကြောင်းအရာတွေကို အစောဆုံးစာမျက်နှာတွေမှာ တွေ့ရတယ်။

အမည် -  သိဒ္ဓတ္ထ
မျိုးနွယ်အမည် -  ဂေါတမ
မွေးနှစ် - ဘီစီ ၆၂၃၊ မေလ လပြည့်နေ့
မွေးဖွားရာနေရာ - လုမ္ဗိနီဥယျာဉ်၊ ကပိလ၀တ္ထု
ဇာတိ - ကပိလ၀တ္ထု

မိဘ - သုဒ္ဓေါဒန၊ မဟာမာယာ
ဇနီး - ယသောဓရာ
သား - ရာဟုလာ
ယောက်ဖ - ဒေ၀ဒတ်
နန်းစံနှစ် - ၁၃ နှစ် (၁၆-၂၉)

နိမိတ်ကြီးများ - သူအို၊ သူနာ၊ သူသေ၊ ရဟန်း
ဗျာဒိတ်ခံယူသောဘ၀ - သုမေဓောရသေ့ဘ၀
ဗျာဒိတ်ခံယူသောနေ့ - ကဆုန်လပြည့်
ဗျာဒိတ်ပေးသောဘုရား - ဒီပင်္ကရာမြတ်စွာဘုရား

ပါရမီဖြည့်ဘက် - သုမိတ္တာအမျိုးသမီး
ပါရမီဖြည့်ရာကာလ - လေးသင်္ချေနှင့် ကမ္ဘာတစ်သိန်း
ပါရမီဖြည့်ရခြည်င်း၏ ရည်ရွယ်ချက် - သတ္တ၀ါအကျိုးသယ်ပိုးရန်

ဒုက္ကရစရိယာကျင့်ရသောကာလ - ၆ နှစ်ကြာ (၉၇-၁၀၃)
ဒုက္ကရစရိယာကျင့်သည့်နေရာ - ဥရုဝေဠတော
ဘုရားဖြစ်ချိန်သက်တော် - ၃၅ နှစ်အရွယ်
ဘုရားပွင့်ရာသက်တမ်း - ၁၀၀ တမ်း

တရားဦးဟောသည့်နေရာ - ဗာရာဏသီ၊ မိဂဒါဝုန်တော
ပထမဆုံးသာဝက - ပဉ္စ၀ဂ္ဂီ ငါးဦး
နောက်ဆုံးကျွတ်သောသာဝက - သုဘဒ္ဒပရိဗိုဇ်
လက်ယာရံအဂ္ဂသာဝက - ရှင်သာရိပုတ္တရာ
လက်ဝဲရံအဂ္ဂသာဝက - ရှင်မဟာမောဂ္ဂလာန်

အဆုံးအမသာသနာ - ပရိယတ္တိ၊ ပဋိပတ္တိ၊ ပဋိဝေဓ
ကျင့်စဉ်သိက္ခာ - သီလ၊ သမာဓိ၊ ပညာ
ချမှတ်သောလမ်းစဉ် - မဇ္ဈိမပဋိပဒါ

ပဋိသန္ဓေယူသောနေ့ - မဟာသက္ကရာဇ် ၆၇၊ ၀ါဆိုလပြည့်၊ ကြာသပတေးနေ့
ဖွားမြင်သောနေ့ - မဟာသက္ကရာဇ် ၆၈၊ ကဆုန်လပြည့်၊ သောကြာနေ့
တောထွက်သောနေ့ - မဟာသက္ကရာဇ် ၉၇၊ ၀ါဆိုလပြည့်၊ တနင်္လာနေ့

ဘုရားဖြစ်သောနေ့ - မဟာသက္ကရာဇ် ၁၀၃၊ ကဆုန်လပြည့်၊ ဗုဒ္ဓဟူးနေ့
ဓမ္မစကြာဟောသောနေ့ - မဟာသက္ကရာဇ် ၁၀၃၊ ၀ါဆိုလပြည့်၊ စနေနေ့
ပရိနိဗ္ဗာန်စံသောနေ့ - မဟာသက္ကရာဇ် ၁၄၈၊ ကဆုန်လပြည့်၊ အင်္ဂါနေ့
တေဇောဓာတ်လောင်သောနေ့ - မဟာသက္ကရာဇ် ၁၄၈၊ ကဆုန်လဆုတ် ၁၂၊ တနင်္ဂနွေနေ့

ဗုဒ္ဓဘာသာဝင်တစ်ယောက်အဖို့ ဒါလေးတွေ သိသင့်လို့ ရှာဖွေတင်ပေးလိုက်တယ်။

(ရည်ညွှန်း၊ မာဂဓီသာစည်၊ ဗုဒ္ဓဘာသာယဉ်ကျေးမှုသင်တန်း)

Saturday, April 16, 2011

အင်္ဂလိပ်စကားမတတ်လို့


ဝိနည်းပိဋကမှာ အုပ်ရေ ငါးအုပ်ရှိတယ်။
ကိုယ်ပထမဆုံးလေ့လာဖြစ်တာက မဟာဝါ(ပါဠိတော်) စာအုပ်။
ပထမကြီးတန်းကို ကိုရင်ဘ၀ အသက် (၁၇) နှစ်သားတုန်းက အောင်တာဆိုတော့
ဘာလုပ်ရမှန်းမသိဖြစ်နေတုန်း သူငယ်ချင်းကိုရင်တစ်ပါးက
သာမဏေကျော်စာမေးပွဲ ၀င်ဖြေပါလား ဆိုတာနဲ့ သာမဏေကျော်စာမေးပွဲပြဌာန်းစာထဲက
တစ်အုပ်ဖြစ်တဲ့ မဟာဝါ စာအုပ်ဆိုတာကို စလေ့လာဖြစ်တာ။

မြန်မာပြည်မှာ ဘုန်းကြီးကျောင်းပညာရေးစနစ်မှာ
သာမဏေကျော်စာမေးပွဲဆိုတာရှိတယ်။ ကိုရင်တွေအတွက်။
ဒီစာမေးပွဲကို ပထမဦးဆုံး မန္တလေးမှာရှိတဲ့ သကျသီဟအသင်းက စတင်ကျင်းပတာ။
ပြဋ္ဌာန်းစာကို တောင်မြို့၊ မဟာဂန္ဓာရုံဆရာတော်ကြီး ရေးဆွဲပေးတာလို့ သိရတယ်။
အတော်ကောင်းတာပဲ။

ပထမဆင့်၊ ဒုတိယဆင့်၊ တတိယဆင့်ဆိုပြီး သုံးဆင့်ခွဲထားတယ်။
သုံးဆင့်လုံးအောင်ရင် ၀ိနည်းငါးကျမ်းလုံးသင်ပြီးသားဖြစ်သွားပြီ၊
ဓမ္မပဒဋ္ဌကထာနှစ်အုပ်လုံးပေါက်။ အင်္ဂုတ္ထိုရ်သုံးအုပ်လုံးကုန်သွားပြီ။
သဂြိုဟ်နဲ့ သဒ္ဒါလဲ အတော်သိသွာပြီ။

သာသနာရေးဌာနက ကြီးမှူးကျင်းပနေတဲ့ ပဌမပြန်စာမေးပွဲပြဌာန်းစာတွေကို
ဒီသာမဏေကျော်စာမေးပွဲက ပြဌာန်းစာတွေနဲ့ အစားထိုးပြီး
ပြင်သင့်တာပြင်၊ ထည့်သင့်တာထည့်ကာ သင်တန်းနှစ်ကို
(၃ နှစ်မဟုတ်ပဲ ၇ နှစ်လောက်အထိ) တိုးချဲ့သတ်မှတ်လိုက်ရင်
မြန်မာပြည် ရဟန်းသာမဏေတို့ ပညာရေးစနစ်
ဒီထက် အများကြီး ကောင်းလာနိုင်တယ် လို့ စဉ်းစားမိတယ်။

ပဌမပြန်စာမေးပွဲနဲ့ ဓမ္မာစရိယစာမေးပွဲသင်ရိုးညွှန်းတမ်းတွေဟာ
ဒီခေတ်ကာလနဲ့ လိုက်လျှောညီထွေ ရှိမရှိ စီစစ်သင့်ပြီ။
ခေတ်နှင့်ရင်ဘောင်တန်းနိုင်အောင် ပြင်သင့်တဲ့ဘာသာရပ်တွေကို ပြင်ပြီး
ထည့်သင့်တဲ့ အင်္ဂလိပ်စာလို ပထ၀ီလို ဗုဒ္ဓဘာသာသမိုင်းလို
ဘာသာရပ်မျိုးများ သင်ကြားစေသင့်ပြီ။

ကြားဘူးတာလေး ပြောကြည့်ချင်တယ်။
ဟုတ်မဟုတ်ဆိုတာ ကာယကံရှင်တို့ အသိဆုံး။
လွန်ခဲ့တဲ့နှစ် ၂၀ ကျော်က မြန်မာပြည်မှာ ပရိယတ္တိသာသနာ့တက္ကသိုလ်တွေ
ဖွင့်ဘို့အရေး သက်ဆိုင်ရာဆရာတော်များနဲ့
သာသနာရေးအရာရှိများ ငါးနိုင်ငံခရီးထွက်ကြတယ်။

သီရိလင်္ကာနိုင်ငံရောက်တော့ ဝေယျာဝစ္စလုပ်ပေးမဲ့ကိုရင်လေးများက
မြန်မာပြည်က ဆရာတော်ကြီးတွေနားသွားပြီး
ဘာအကူအညီပေးရမလဲ လို့ အင်္ဂလိပ်လို ပြောပါတယ်။
ဆရာတော်ကြီးများက (ပါးစပ်ကိုတိပ်ဖြင့် ပိတ်ထားသည့်ပမာ) ဘာမျှပြန်မပြော။
ပြန်လဲ မပြောတတ်။ ပြန်ပြောရအောင် နားလဲ မလည်။

သို့နှင့် ကိုရင်လေးတွေက ပါဠိဘာသာစကားနဲ့ ပြောင်းပြီး ပြောပြန်တယ်တဲ့။
ဒို့ဆရာတော်ကြီးများကတော့ ပါဠိလိုလဲ တစ်ခွန်းမျှ ပြန်မပြောတတ်ချေ။
အလေ့အကျင့်လဲ မရှိ၊ အသံထွက်ကလဲ မတူတော့
ပါဠိလို ပြောနေတယ်လို့တောင် ထင်မှာ မဟုတ်ဘူး။

ဒီလိုဖြစ်တာ ဘာသာစကား အခက်အခဲကြောင့်ဆိုတာ သူလဲ သိ၊ ကိုယ်လဲ သိ။
နို့၊ ဘာလို့ ဒီဘာသာစကားကို မျိုးဆက်သစ်ရဟန်းသာမဏေများ
မပြောတတ် မဖြစ်ရအောင် ယနေ့အထိ ပထမပြန် ပြဌာန်းစာထဲမှာ
မထည့်ဖြစ်သေးပါသလဲ။
စဉ်းစားသင့်ပြီ၊ ပြုပြင်သင့်ပြီ၊ အကောင်အထည်ဖော်သင့်ပြီ။

ဒီကိစ္စနဲ့ပတ်သက်လို့
မန္တလေး၊ သာသနာ့တက္ကသိုလ်ထွက်ဆိုတော့
တက္ကသိုလ်နှစ်ပတ်လည်မဂ္ဂဇင်းအတွက်
စာမူတောင်းလို့ ဆောင်းပါးတစ်ပုဒ် ဒီလိုခေါင်းစဉ်နဲ့ ရေးပို့လိုက်တယ်။

သာသနာတော် (တကယ်) ထွန်းကားပြန့်ပွါးလိုလျှင်
ဒေါက်တာအရှင်ဣန္ဒက

မြန်မာပြည် ရဟန်းသံဃာတော် ပညာရေးမူအတိုင်း
ပထမကြီးတန်းအောင်လို့ သာသနာ့တက္ကသိုလ် ၀င်ခွင့်ဖြေဆိုကာ
သာသနာ့တက္ကသိုလ်မှာ ပညာသင်ခွင့်ရပြီး
သာသနတက္ကသီလဓမ္မာစရိယဘွဲ့ ရတယ်။
အဲ့တက္ကသိုလ်မှာပဲ မဟာတန်းတက်ခွင့်ရလို့ ဆက်တက်ဖြစ်တယ်။
(၂) နှစ်ဆက်တက်ပြီး ကျမ်းပြုတယ်။
တချိန်တည်းမှာပဲ အစိုရကကျင်းပတဲ့ ဓမ္မာစရိယစာမေးပွဲဝင်ဖြေတာ
သာသနဓဇဓမ္မာစရိယဘွဲ့ ရတယ်။
ဒီတော့ မြန်မာပြည် ရဟန်းသံဃာတော်တွေရဲ့ ပညာရေးကို
လုံးစိပါဌ်စိမသိတောင် အတော်အသင့် နားလည်ခဲ့တယ် လို့ ပြောလို့ရတယ်။

မြန်မာပြည် ရဟန်းသံဃာတော်တွေရဲ့ ပညာရေးစနစ်မှာ
(အကြမ်းဖျင်းအားဖြင့်) ပထမငယ်တန်း၊ ပထမလတ်တန်း၊ ပထမကြီးတန်း၊
ဓမ္မာစရိယတန်း ဆိုပြီး အတန်း (၄) တန်းပဲ ရှိတယ်။
အတန်းက သာ (၄) တန်းပဲ ရှိတာ။
စာသင်သားရဟန်းသံဃာတော်အများစုဟာ
(၁၀) နှစ်လောက်ကြာအောင် သင်ယူရတယ်။
ဒီအတန်း (၄) တန်းကို (၄) နှစ်နဲ့ အောင်မြင်ဘို့ မလွယ်ပါဘူး။
၎ နှစ်နဲ့ အောင်သွားတဲ့ရဟန်းတော် မရှိသလောက် ရှားပါတယ်။
ရဟန်းသံဃာတော်အများစု ၁၀ - နှစ်လောက်ကြာအောင် သင်ယူရနေတဲ့
ဒီအတန်း (၄) တန်းကို ဘာလို့များ အတန်းတိုးပြီး မထားနိုင်ရတာလဲ။
ဘာလို့များ အတန်း (၄) တန်းထဲ သတ်မှတ်ထားရတာလဲ။
မေးခွန်းထုတ်စရာပါ။ ဒီကိစ္စ ၀ိုင်းဝန်းစဉ်းစားပေးရမှာပါ။

နောက်တစ်ချက်က ရဟန်းသံဃာတော်များပညာရေး ပြဌာန်းစာမှာ
ပါဠိဘာသာ (Language) နဲ့ ဗုဒ္ဓဘာသာ (Subject) ရောထွေးနေတယ်။
ရောရောထွေးထွေး သင်ပေး သင်ယူနေရတာ ပြဿနာတော့ မဟုတ်ပါဘူး။
ဒါပေမဲ့ သင်ပေးနေတဲ့ စာချဆရာတော်အများစုက
ပါဠိဘာသာပိုင်း (Language) နဲ့ ဗုဒ္ဓဘာသာအကြောင်းအရာပိုင်း (Subject) ကို ဓမ္မာစရိယတန်းရောက်တဲ့အထိ ခွဲခွဲခြားခြား ပြောမပြဘူး။
သင်မပေးဘူး။ ဗုဒ္ဓဘာသာအကြောင်းအရာပိုင်းသင်ကြားပေးမှု
အားနည်းတယ်လို့ ပြောမယ်ဆို ပိုမှန်နိုင်တယ်။

ဗုဒ္ဓအကြောင်း၊ ကံ ကံ၏အကျိုး၊ ဗုဒ္ဓဘာသာရဲ့ လူမှုရေး၊ နိုင်ငံရေး၊
စီးပွါးရေးအမြင် စသည်၊ နိဗ္ဗာန်သို့ရောက်ကြောင်းကျင့်စဉ် လမ်းစဉ်စတဲ့
အကြောင်းအရာတွေကို နည်းနည်းလေးမှ ပြဌာန်း စာထဲမှာ မတွေ့ရဘူး။

အကျိုးဆက်က ဘာဖြစ်လာသလဲဆိုတော့
စာတတ်လူမိုက် (ပညာတတ်လူမိုက်) တွေဖြစ်လာတယ်။
ဒီထက်ဝမ်းနည်းစရာကောင်းတာက
ဓမ္မာစရိယတန်းအောင်ပြီးသားဦးဇင်းတွေ ဓမ္မာစရိယတန်းမှာ သင်ရတဲ့
သာမညဖလသုတ်၊ အမ္ဗဋ္ဌသုတ်အကြောင်းတွေကို မပြောပြတတ်တာပဲ။

နောက်ပြီး ရဟန်းသံဃာတော်များပညာရေး ပြဌာန်းစာမှာ
ဗုဒ္ဓဘာသာနဲ့ ပတ်သက်တဲ့သမိုင်း၊ ဗုဒ္ဓဘာသာသမိုင်း၊
ဗုဒ္ဓစာပေသမိုင်းပညာရပ်တွေ ထည့်မထားဘူး။

 ဒီဘာသာရပ်ဟာ ရဟန်းတော်တိုင်း သိသင့်တဲ့ ဘာသာရပ်ဖြစ်တယ်။
ကိုယ်ဖတ်နေတဲ့ သင်ကြားနေတဲ့ အဋ္ဌကထာစာအုပ် (သို့) ဋီ့ကာစာအုပ်ကို
ဘယ်ခေတ်က၊ ဘယ်ရာစုက၊ ဘယ်ခုနစ်ခန့်က ဘယ်ပုဂ္ဂိုလ်က
ဘယ်ဆရာတော်နဲ့ ခေတ်ပြိုင် ဆရာတော်က ရေးခဲ့တယ်ဆိုတာ သိသင့်တာပေါ့။

ဥပမာ၊ ပုဂံခေတ်က သာသနာရေးအခြေအနေ၊
အင်းဝခေတ်သာသနာရေး အတက်အကျ၊
ဘာ့ကြောင့် သာသနာအားနည်းသွားရတယ်
စတဲ့အကြောင်းအရာတွေကို သာသနာပြုရဟန်းတော်တွေ သိကို သိရပါမယ်။
ဒါမှသာ သာသနာပြုရာမှာ ခရီးရောက်ပါမယ်။

သီရိလင်္ကာနိုင်ငံမှာ ပညာသင်တုန်းက
ကုလားကိုရင်လေးတစ်ပါးနဲ့ စကားပြောဘူးတယ်။
သူတို့ ဗုဒ္ဓဘာသာသမိုင်းသင်ရကြောင်း၊
သမိုင်းထဲမှာ မြန်မာနိုင်ငံက ရွှေတိဂုံစေတီတော်ကြီးအကြောင်းလည်းပါကြောင်း၊ ရွှေတိဂုံစေတီတော်ကြီးအကြောင်းထဲမှာ
တပုဿနဲ့ ဘလ္လိကကုန်သည်ညီနောင် တို့ပါကြောင်း၊
သူတို့ဟာ မြန်မာနိုင်ငံသားများဖြစ်ကြောင်း၊
ကုန်ရောင်းဝယ်ရင်း ဘုရားရှင်နဲ့တွေ့ရာ သူတို့နှစ်ဦးဟာ
အဦးဆုံး သရဏဂုံနှစ်ပါးဆောက်တည်သူများဖြစ်ကြောင်း၊
သူက ပြောပြတယ်။

သူ ဆက်မေးတယ်။
ဒီလို အဦးဆုံး သရဏဂုံဆောက်တည်ရမှာ
ဘယ်ဘာသာစကားနဲ့ ဆောက်တည်တာလဲ၊
ပါဠိဘာသာစကားနဲ့လား၊ မြန်မာဘာသာစကားနဲ့လားတဲ့။
သမိုင်းကို သင်တော့ သမိုင်းထဲက အကြောင်းအရာတွေကို
စူးစမ်းတတ်တဲ့ ဒီသီဟိုဠ်ကိုရင်လေးကို ချီးကျူးရမှာပါ။
သမိုင်းစာအုပ်တွေကပြောပြတာတွေ သင်ယူရတာတွေကို
သီရိလင်္ကာကိုရင်လေး က စူးစမ်းတဲ့သဘောလေးပါ။
မြန်မာကိုရင်၊ ဦးဇင်းများလည်း ဒီလို စူးစမ်းမှုလေးတွေနဲ့
အမှန်တရားကို ရင်ဝယ်ပိုက်နိုင်အောင် ဗုဒ္ဓဘာသာသမိုင်းကို
အတန်းတိုင်းမှာ ထည့်သွင်း သင်ကြားပေးဘို့ လိုအပ်ပါတယ်။

နောက်ပြီး မြန်မာနိုင်ငံ ရဟန်းသံဃာတော်များပညာရေးအားနည်းချက်တစ်ခုက
စာသင်သား တပည့်တွေ မရှင်းလင်းတာကို မေးခွင့် ပေးမထားဘူး။
စာချချိန်ပြည့်ရင် စာချဘုန်းကြီးက
“ကဲ၊ တော်ပြီ” လောက်ပြောပြီး စာအုပ်ပိတ်၊ သူ့အခန်းထဲ ၀င်သွားတော့တာပဲ။
စာသင်သား နားလည်လည် မလည်လည် သူနဲ့ မဆိုင်သလိုဘဲ။
တကယ်တော့ စာချချိန် တစ်နာရီဆိုရင် တစ်နာရီအပြည့်မချဘဲ
မိနစ် (၅၀) လောက်သာ ပို့ချသင့်ပါတယ်။
ကျန်တဲ့ (၁၀) မိနစ်ကို စာသင်သားတွေ မရှင်းတာမေးဘို့ ချန်ထားသင့်တယ်။
ဒီလိုအလေ့အထမရှိတော့ မြန်မာပြည်မှာ စာသင်ပြီး ဓမ္မာစရိယဘွဲ့တွေသာ ရတယ်။
စာပေနဲ့ပတ်သက်တဲ့ အတွေးအခေါ် အယူအဆ တိုးတက်မှု နည်းပါးတာကို တွေ့ရတယ်။

မြန်မာပြည် ရဟန်းသံဃာတော်များစာသင်နည်းစနစ်က
ဗုဒ္ဓစာပေဆိုင်ရာမှာ လွတ်လွတ်လပ်လပ် တွေးခေါ်ခွင့် ပေးမထားဘူး။
 မြန်မာပြည် ဘုန်းကြီးကျောင်းပညာရေးစနစ်က
ရှေ့ကဆို နောက်ကလိုက်ရေးရတဲ့
(ကြက်တူရွေး) ပညာရေးစနစ်ဖြစ်န်ေတယ်။
ဒါကို ဒီလိုမှတ်၊ ဒီလိုဖြေနဲ့ ပီးတော့တာပဲ။
စာသင်သားတွေရဲ့ သံသယဆူးညောင့်တွေကို နှုတ်မပေးကြဘူး။
ဆရာကဆို တပည့်က နောက်က လိုက်ရေးရတဲ့ ပညာရေးစနစ်ကြားမှာ
ကိုယ်သံသယရှိတာ မရှင်းတာကို ထမမေးရဲဘူး။
မရှင်းတာမေးရင်  ဆရာသမားတွေကို မရိုသေရာရောက်တယ်၊
ဘုကန့်လန့်လုပ် တယ်လို့ အယူရှိတဲ့ စာချဆရာတော်တွေထံမှောက်မှာ
ဗုဒ္ဓဘာသာနဲ့ဆက်စပ်တဲ့သံသယတွေကို (အောင့်အီး) မြိုချရင်း
ဘွဲ့လက်မှတ်ကြီးတွေကို ရခဲ့တယ်။

နောက်ဆုံး အရေးအကြီးဆုံးအချက်က
 မြန်မာရဟန်းတော်များ အင်္ဂလိပ်ဘာသာ အရေး အဖတ် အပြော တတ်မြောက်ထားဘို့ပါပဲ။ သိကြပြီးဖြစ်တဲ့အတိုင်း အင်္ဂလိပ်စာ မတတ်ရင်
အသေးအဖွဲ ကိစ္စလေးတွေမှာကို အဆင်ပြေဘို့ မလွယ်ဘူး။
တချို့ နိုင်ငံခြားကို အလည်လာတဲ့ ဆရာတော်ကြီးများလည်း
ဒီအင်္ဂလိပ်စာမတတ်လို့ ဒုက္ခရောက်ပုံတွေ အမျိုးမျိုးကြားနေရတယ်။

ဟိုတလောဆီက အတော်အသင့်နာမည်ရတဲ့
အင်္ဂလိပ်စာမတတ်တဲ့ ဓမ္မကထိကဆရာတော်တစ်ပါး
အင်္ဂလိပ်စာတတ်တဲ့ သူ့တပည့်ဦးဇင်းလေး အကူအညီနဲ့ ဂျပန်နိုင်ငံကို အလည်သွားတယ်တဲ့။
ဂျပန်ရောက်လို့ ရက်အနည်းငယ်ကြာတော့
ဆရာတော်နဲ့ ဦးဇင်းလေး ဘာအစာမကြေဖြစ်တယ် မသိဘူး။
ဦးဇင်းလေးက ဆရာတော့်ကို မြို့လည်ခေါင် ရထားဘူတာရုံနားမှာ ပစ်ထားခဲ့တယ်။
ဆရာတော်က မြန်မာစကားက လွဲလို့ ဘာစကားမှ မပြောတတ်တော့
သူများနိုင်ငံမှာ အခက်တွေ့ တော့တာပေါ့။
နောက်ဆုံး ဘာမှ ကြံရာမရတော့ ရထားဘူတာက ထွက်လာတဲ့
လူအုပ်ကြီးဘက်ကို လှည့်ပြီး
“မြန်မာများ ပါကြပါသလားခင်ဗျား၊ မြန်မာများ ပါကြပါသလားခင်ဗျား” လို့
တစ်နေကုန် အော်နေရသတဲ့။

မြန်မာစာသင်သားရဟန်း၊ သာမဏေများ အင်္ဂလိပ်စာသင်ကြားရေးနဲ့ပတ်သက်ပြီး
ထင်ရှားတဲ့ ဆရာတော်တစ်ပါးရဲ့ အမြင်ကို
၂၀၁၀၊ ဧပြီလထုတ် အပ္ပမာဒမဂ္ဂဇင်းမှာ တွေ့လိုက်ရတယ်။
သာမန်စာသင်တိုက်ဆရာတော်တစ်ပါးက ဒီထင်ရှားတဲ့ဆရာတော်ထံသွားပြီး
အင်္ဂလိပ်စာကို အခြေခံတန်းတွေမှာ ထည့်သွင်းသင်ကြားပေးလိုကြောင်း၊
သင့်မသင့် အကြံတောင်းတယ်။

ထင်ရှားတဲ့ဆရာတော်ပြောတာ က
“အခြေခံစာမေးပွဲတွေမှာ အင်္ဂလိပ်စာထည့်သွင်းပြဌာန်းတာဟာ
ခေတ်အခြေအနေအရ သိပ်ကောင်းပါတယ်။
အရှင်ဘုရားအနေနဲ့ ဘယ်လိုရည်ရွယ်ချက်နဲ့
ထည့်သွင်းချင်တာလဲဆိုတာကိုတော့ မေးစရာရှိတာပေါ့။
လမ်းဘေးချိတ်ထားတဲ့ ဆိုင်းဘုတ်ဖတ်တတ်ရုံ ရည်ရွယ်တာလား၊
နိုင်ငံခြားသားတွေနဲ့ စကားပြောတတ်ရုံလောက် ရည်ရွယ်တာလား၊
ဒါမှမဟုတ် ဗုဒ္ဓဓမ္မတွေကို အင်္ဂလိပ်ဘာသာနဲ့ ကမ္ဘာအထိကျယ်ပြန့်သွားအောင်
သိသွားအောင် ဆောင်ရွက်ချင်တာလား။
ဆိုင်းဘုတ်ဖတ်တတ်တာလောက်ကိုပဲ ခေတ်အမြင်ရှိတယ်လို့ယူဆရင်၊
နိုင်ငံခြားသားတွေနဲ့ စကားလက်ဆုံပြောတတ်တာကိုပဲ
အမြင်ကျယ်တယ်လို့ယူဆရင်တော့ အခြေခံတန်းတွေမှာ
အင်္ဂလိပ်စာထည့်သွင်းပြဋ္ဌာန်းတာကို ဘာမျှ မပြောလိုပါဘူး။

ဒါပေမဲ့ ဗုဒ္ဓဓမ္မတွေကို ကမ္ဘာအထိသိအောင်၊
ကျယ်ပြန့်သွားအောင်လုပ်ဖို့ ရည်ရွယ်ပါတယ် ဆိုရင်တော့
ဒီနည်းစနစ်နဲ့ မသင့်တော်ဘူးထင်တယ်။
ပါဠိ၊ အဋ္ဌကထာ၊ ဋီကာအသွားအလာကို ဓမ္မာစရိယတန်းအောင်မြင်တဲ့အထိ
မြန်မာနိုင်ငံက သင်ကြားနည်းစနစ်နဲ့ ကျကျနနသင်စေချင်တယ်။
ပြီးမှ အင်္ဂလိပ်စာသင်ယူတာက ပိုကောင်းမယ်။
တကယ်စိတ်ဝင် စားတယ်၊ ဥာဏ်အသင့် အတင့်ရှိတယ်ဆိုရင်
အသက် (၃၀) ကျော်ဝန်းကျင်လောက်မှာ
အင်္ဂလိပ်စာတတ်ကျွမ်းတဲ့အဆင့်ထိ ရောက်နိုင်ပါတယ်။” တဲ့။

သူပြောခဲ့တဲ့ အထက်ပါစကားတွေ ထဲမှာ မရှင်းမလင်းတာတွေပါနေတယ်။
ဥပမာ၊ လမ်းဘေးချိတ်ထားတဲ့ ဆိုင်းဘုတ်ဖတ်တတ်ရုံ ရည်ရွယ်တာလား၊
နိုင်ငံခြားသားတွေနဲ့ စကားပြောတတ်ရုံလောက် ရည်ရွယ်တာလား၊
ဒါမှမဟုတ် ဗုဒ္ဓဓမ္မတွေကို အင်္ဂလိပ်ဘာသာနဲ့ ကမ္ဘာအထိကျယ်ပြန့်သွားအောင်
သိသွားအောင် ဆောင်ရွက်ချင်တာလား ဆိုတဲ့ သူ့စကား။

ဆရာတော်အနေနဲ့ ဒီလို မေးစရာမလိုဘူးလို့ယူဆတယ်။
ကိုရင် (သို့) ဘုန်းကြီးတစ်ပါးကို အင်္ဂလိပ်စာသင်းပေး၊ သင်ယူကတည်းက
ဗုဒ္ဓဓမ္မတွေကို အင်္ဂလိပ်ဘာသာနဲ့ ကမ္ဘာအထိ ကျယ်ပြန့် သွားအောင်
သိသွားအောင် ဆောင်ရွက်ချင်တာပါပဲ။

ဒီလို ဗုဒ္ဓဓမ္မတွေကို အင်္ဂလိပ်ဘာသာနဲ့ သင်ပေးသင်ယူသွားရင်းနဲ့ပဲ
လမ်းဘေးက ဆိုင်းဘုတ်တေကို ဖတ်တတ်မှာဖြစ်ပြီး
နိုင်ငံခြားသား တွေနဲ့ စကားပြောတတ်လာမှာပါ။

နောက်ပြီး ဆရာတော်က
“ဆိုင်းဘုတ်ဖတ်တတ်တာလောက်ကိုပဲ ခေတ်အမြင်ရှိတယ်လို့ယူဆရင်၊
နိုင်ငံခြားသားတွေနဲ့ စကားလက်ဆုံပြောတတ်တာကိုပဲ
အမြင်ကျယ်တယ်လို့ယူဆရင်တော့ အခြေခံတန်းတွေမှာ
အင်္ဂလိပ်စာထည့်သွင်းပြဋ္ဌာန်းတာကို ဘာမျှ မပြောလိုပါဘူး” လို့ ဆိုတယ်။

ဒါက ဘာကို ဆိုလိုတာပါလဲ။

စာရေးသူအမြင်ကတော့
အင်္ဂလိပ်စာသင်ယူတာဟာ အင်္ဂလိပ်စကားကို ပြောတတ်ဖို့၊ ရေးတတ်ဖို့၊ ဖတ်တတ်ဖို့ပါပဲ။
ဆိုင်းဘုတ်ကိုပဲ ဖတ်ရ ဖတ်ရ၊ သတင်းစာကိုပဲ ဖတ်ရ ဖတ်ရ၊
ပိဋကတ်စာပေကိုပဲ ဖတ်ရ ဖတ်ရ၊ ဖတ်တတ်ဖို့ပါပဲ။

အင်္ဂလိပ်စကားပြောရာမှာလဲ အကြောင်းအရာမျိုးစုံကို
တရုတ်လူမျိုးနဲ့ပြောရ ပြောရ၊ ကုလားလူမျိုးနဲ့ ပြောရ ပြောရ၊ ပြောတတ်ဖို့ပါပဲ။

ဆရာတော်ဆက်ပြောတာက
“ဒါပေမဲ့ ဗုဒ္ဓဓမ္မတွေကို ကမ္ဘာအထိ သိအောင်၊ ကျယ်ပြန့်သွားအောင် လုပ်ဖို့
ရည်ရွယ်ပါတယ် ဆိုရင်တော့
 ဒီနည်းစနစ်နဲ့ မသင့်တော်ဘူးထင်တယ်။
ပါဠိ၊ အဋ္ဌကထာ၊ ဋီကာအသွားအလာကို ဓမ္မာစရိယတန်းအောင်မြင်တဲ့အထိ
မြန်မာနိုင်ငံက သင်ကြားနည်းစနစ်နဲ့ ကျကျနနသင်စေချင်တယ်။
 ပြီးမှ အင်္ဂလိပ်စာသင်ယူတာက ပိုကောင်းမယ်” တဲ့။

ဆရာတော်ရဲ့ ဒီစကားအရ
ဆရာတော်က အခြေခံတန်းတွေမှာ အင်္ဂလိပ်စာကို မပြဋ္ဌာန်းစေလိုဘူး။
ဝါ - အခြေခံတန်း စာသင်သားတွေကို
အင်္ဂလိပ်စာ မသင်ကြနဲ့လို့ ပြောလိုက်တာပါ။

စာရေးသူအမြင်ကတော့
အခြေခံတန်းမှာကတည်းက သူ့အရွယ် သူ့အဆင့်နဲ့အညီ သိသင့်တဲ့
စာသင်သားလဲ ကျက်မှတ်ဖတ်နိုင်လောက်တဲ့
အခြေခံအင်္ဂလိပ်စာကို ပြဋ္ဌာန်းပေးပြီး သင်ကြားပေး ထားသင့်တယ်။
 ဒီလိုလုပ်ပေးခြင်းဖြင့် ပါဠိစာပေဖက်မှာ အားနည်းသွားမယ်လို့တော့
(လုံးဝ) မယုံကြည်ဘူး။
ဘာ့ကြောင့်လဲ။

အင်္ဂလိပ်စာ မသင်ရလဲ ပါဠိစာပေ အားနည်းချင် နည်းနေတာပဲ မဟုတ်လား။
တော်တဲ့လူက တော်တာပါပဲ။ ညံ့တဲ့လူက ညံ့နေတာပါပဲ။
ဆရာတော်က စာသင်သားသံဃာတော်တွေကို
ဓမ္မာစရိယတန်းအောင်မှ
အင်္ဂလိပ်စာ သင်ယူစေချင်တယ် ဆိုတော့
အတန်းပြဋ္ဌာန်းစာထဲမှာ မထည့်သွင်းပဲနဲ့ အလွတ်သင်ယူစေချင်တဲ့
သဘောလို့ ယူဆမိတယ်။

ဆရာတော်ရဲ့ ဒီအမြင်ဟာ ယေဘုယျမဆန်ဘူးလို့ယူဆပါတယ်။
ဆရာတော်ကိုယ်တိုင်ကတော့ ဓမ္မာစရိယတန်းကို ငယ်ငယ်ရွယ်ရွယ်နဲ့အောင်မြင်ခဲ့တော့ အင်္ဂလိပ်စာလေ့လာဖို့ အချိန်တွေ အများကြီးရတာပေါ့။

ဒါပေမဲ့ အများစုက အသက် ၃၀ လောက်မှ ဓမ္မာစရိယတန်းကို အောင်ကြတာ။ ဓမ္မာစရိယတန်းအောင်ပြီးရင်လဲ စာသင်တိုက်အများစုက လက်ခံချင်ကြတာမဟုတ်ဘူး။
ဆိုတော့ အသက်လဲကြီး နေစရာလဲ အခက်အခဲတွေ့နေတဲ့
ဓမ္မာစရိယအောင်မြင်ပြီးတဲ့ရဟန်းတော်ဟာ
အင်္ဂလိပ်စာသင်ယူဖို့ အခွင့်အရေး အတော့်ကို နည်းသွားပါပြီ။

စာရေးသူအမြင်က
ဒီအင်္ဂလိပ်စာကို အခြေခံအတန်းတွေမှာကတည်းက
ပြဋ္ဌာန်းစာတစ်ခုအဖြစ် သတ်မှတ်ပေးပြီး သင်ယူစေချင်တာ။

ထူးချွန်တဲ့ရဟန်းတော်များက
ပိဋကတ်စာပေတွေကို အင်္ဂလိပ်ဘာသာသို့ ပြန်ဆိုနိုင်ကြမှာဖြစ်ပြီး
ဘက်စုံတော်တဲ့ နိုင်ငံခြားသာသနာပြု
ရဟန်းတော်များဖြစ်လာမှာ သေချာပါတယ်။

အလည်အလတ်တန်းစားရှိတဲ့ရဟန်းတော်များကတော့
ဓမ္မာစရိယတန်းအောင်ပီးတာနဲ့ မိမိတို့ ကျောင်းထိုင်မဲ့ နေရာအသီးသီးမှာ
(၁၀) တန်းကျောင်းသား ကျောင်းသူလေးတွေကို
အင်္ဂလိပ်စာ ပြနိုင်တဲ့အဆင့်ရောက်လာမှာပါ။

 အဲ၊ အနိမ့်ဆုံးအဆင့်ကတော့
လမ်းဘေးကဆိုင်းဘုတ်တွေ လမ်းညွှန်တွေကို ဖတ်တတ်လာပြီး
အထက်တစ်နေရာမှာ တင်ပြခဲ့တဲ့
ဂျပန်အလည်သွားတဲ့ ဆရာတော်ကြီးလို
“မြန်မာများ ပါကြပါသလားခင်ဗျား၊ မြန်မာများ ပါကြပါသလားခင်ဗျား” လို့
အော်စရာ မလိုတော့ဘူးပေါ့။

ပြောချင်တာက
ကိုယ့်နိုင်ငံက ရဟန်းတော်များ ထူးထူးချွန်ချွန်သာသနာပြုနိုင်အောင်
ပါဠိစာပေရော၊ ဗုဒ္ဓဘာသာစာပေရော၊ ဗုဒ္ဓဘာသာသမိုင်းရော၊ အင်္ဂလိပ်စာရော
ပြဋ္ဌာန်းစာထဲမှာ ထည့်ပြီး သင်ကြားပေးစေချင်တာပါ။
(မန်း သာသနာ့တက္ကသိုလ် နှစ်ပတ်လည်စာစောင်အတွက် ရေးထားတာပါ)
ဓာတ်ပုံ။ http://www.flickr.com/photos/visualjournalist/5459327561/

Friday, April 15, 2011

အိမ်ထောင်မပြုလိုသူ


ဘုရားရှင်ရဲ့  ပထမသာဝက က ရှင်သာရိပုတ္တရာဖြစ်ပြီး
ဒုတိယသာဝက က ရှင်မဟာမောဂ္ဂလာန်ဖြစ်ပါတယ်။
တတိယသာဝက ကတော့ ရှင်မဟာကဿပ ပါ။
ပထမသာဝကရော ဒုတိယသာဝကပါ
ဘုရားရှင် အရင် ပရိနိဗ္ဗာန်စံတော်မူသွားကြပါတယ်။

တတိယသာဝကဖြစ်တဲ့ ရှင်မဟာကဿပကြီးကတော့
ဘုရားရှင်နောက်မှ ပရိနိဗ္ဗာန်စံတဲ့ အရှင်သူမြတ်ကြီးဖြစ်လို့
ဘုရားရှင်မရှိတော့တဲ့နောက်ပိုင်း သာသနာရေးအခြေအနေကို
မျက်ဝါးထင်ထင် တွေ့မြင်သွားခဲ့ပါတယ်။
ရှင်မဟာကဿပကြီးကို  ဓုတင်ဆောင်တဲ့ရဟန်းတော်တွေထဲမှာ အသာဆုံးလို့
ဘုရားရှင်က ပြောခဲ့ပါတယ်။
Mahakassapa is  chief among those
who upheld minute observances of form (dhutavādānam) (A.i.23).

သူ့ကို မဂဓတိုင်း၊ မဟာတိတ္ထ (ဆိပ်ကြီး) ရွာမှာ မွေးဖွားတယ်။
ချမ်းသာတဲ့မျိုးရိုးကပါပဲ။ ငယ်နာမည်က ပိပ္ပလိ တဲ့။
ထုံးစံအတိုင်း အရွယ်ရောက်တော့ မိဘတွေက အိမ်ထောင်ချပေးဘို့ စီစဉ်ကြတယ်။
သူ အိမ်ထောင်သားမွေး မလုပ်ချင်ဘူး။ အိမ်ထောင်ပြုဘို့  ငြင်းဆန်တယ်။

ဗြဟ္မာ့ပြည်က လာတဲ့သူ၊  ဗြဟ္မာ့ပြည်ကနေ လူ့ဘ၀ရောက်လာတဲ့သူတွေဟာ
အိမ်ထောင်သားမွေးမပြုလိုကြဘူး၊ ကာမဂုဏ်အာရုံ ခံစားလိုစိတ် မရှိကြဘူး တဲ့။
တကယ့်ကို အိမ်ထောင်ပြုချင်စိတ်မရှိလို့ အပျိုကြီး၊ လူပျိုကြီးဖြစ်နေကြသူတွေကို ဗြဟ္မာ့ပြည်က ဆင်းသက်လာတဲ့သူတွေလို့ မှတ်ယူနိုင်တယ်။
 ကိုယ်လိုချင်တာမရလို့ အပျိုကြီး လူပျိုကြီးဖြစ်လာတာကို
ငါတို့က ဗြဟ္မာ့ပြည်က ဆင်းလာတာလို့ အသားယူပြီး တချို့က ပြောတတ်ကြတယ်။
အဲ့လို အပျိုကြီး လူပျိုကြီးတွေက တူတွေ တူမတွေများရလာပြီဆိုရင်
တုန်နေအောင်ချစ်ကြတာ။ သံယောဇဉ်က ကြီးမှ ကြီး၊ သူများထက်တောင် ပိုပါတယ်။
ဒီလိုမျိုး အပျိုကြီး လူပျိုကြီးတွေ ဘယ်ကလာ ဗြဟ္မာ့ပြည်က လာတာ ဟုတ်လိမ့်မတုန်း။
ထား။

မိဘတွေက အတင်းအကြပ်လက်ထပ်ဖို့ တိုက်တွန်းတော့
ပိပ္ပလိသူငယ်က
အင်မတန်ချောမောလှပတဲ့ မိန်းမရုပ်ကို ထုစေပြီး
‘’ဒီအရုပ်နဲ့တူတဲ့ အမျိုးသမီးကို ရအောင် ရှာပေးနိုင်ရင် ယူမယ်၊ လက်ထပ်မယ်’’ လို့
မိဘတွေကို ပြောပါတယ်။

မိဘတွေကလည်း
“ငါ့သားဘုန်းကံရှိရင် တွေ့ရမပေါ့” လို့ ယူဆပြီး အလုပ်သမားတွေကို
တစ်ရွာဝင် တစ်ရွာထွက် အရှာခိုင်းပါတယ်။
နောက်ဆုံးတော့ ဘဒ္ဒါ ကာပိလာနီ ဆိုတဲ့အမျိုးသမီးကို သွားတွေ့ပါတယ်။
ဒီအမျိုးသမီးကလဲ အိမ်ထောင်မပြုလိုပါဘူး။ ကာမဂုဏ်အာရုံ မခံစားလိုပါဘူး။
ဗြဟ္မာ့ပြည်က ဆင်းသက်လာတာပါပဲ တဲ့။
သို့သော်လဲ ဘေးပတ်ဝန်းကျင်ပယောဂကြောင့်
သူတို့နှစ်ဦး လက်ထပ်ဖြစ်သွားပါတယ်။

နှစ်ဦးလုံးက ကာမဂုဏ် မခံစားလိုကြဘူးဆိုတော့
ညအိပ်ယာဝင်တဲ့အခါ သူတို့နှစ်ဦးကြားမှာ ပန်းကုံးထား အိပ်ကြပါတယ်။
ကာမဂုဏ်ခံစားလိုတဲ့စိတ်ပေါက်တဲ့ဘက်က ပန်းပွင့်များ ညှိုးပါစေသတည်းလို့လဲ အဓိဋ္ဌာန်ပြုကြသတဲ့။
မနက်မိုးလင်းလို့ ပန်းကုံးကို ကြည့်လိုက်တဲ့အခါ လန်ဆန်းမြဲ လန်းဆန်းလျက်ပါပဲတဲ့။

တစ်နေ့ လင်တော်မောင် လယ်ခင်း (ယာခင်း) ထဲသွားတော့
ထွန်ရေးမှာ ပေါ်လာတဲ့ပိုးကောင်တွေကို ငှက်တွေ ထိုးသုတ် စားနေတာကို တွေ့သတဲ့။
တစ်ချိန်တည်းမှာပဲ ဇနီးသည်ကလဲ နေပူလှန်းထားတဲ့ မျိုးစေ့တွေကြား ပြေးလွှားနေတဲ့ ပိုးကောင်တွေကို ထိုးစားနေတဲ့ ကျီးကန်းတွေကို မြင်သတဲ့။

ဒီလိုပိုးမွှားသတ္တ၀ါတွေ သေကြေပျက်စီးရခြင်းရဲ့ အဓိကတရားခံဟာ
လယ်ပိုင်ရှင် ယာပိုင်ရှင်များဖြစ်ကြတဲ့ သူတို့ဇနီးမောင်နှံတို့သာဖြစ်ကြောင်းသိလိုက်တာနဲ့ တပြိုင်နက် သံဝေဂတရားရ ကြောက်လန့်ပြီး
တောထွက်တရားကျင့်ဘို့ ဆုံးဖြတ်ချက် ချပါတယ်။

သူ့ခေါင်း ကိုယ့်ခေါင်းက ဆံတွေကို တစ်လှည့်စီ ရိပ်ပါတယ်။
အ၀ါရောင် ၀တ်ရုံတွေကို ၀တ်ဆင်ကြပါတယ်။
တော အတူတူ ထွက်ပါတယ်။
တစ်နေရာ ရောက်တော့ လမ်းဂွဆုံကို တွေ့ပါတယ်။
ညာဘက်တစ်လမ်း၊ ဘယ်ဘက်တစ်လမ်း။
တောထွက်တာတောင် ဇနီးမောင်နှံအတူတူထွက် အတူတူနေကြတယ် ဖြစ်မှာစိုးလို့
နှစ်ဦးသဘောတူ လမ်းခွဲကြပါတယ်။
ခင်ပွန်းဖြစ်သူက ညာဘက်လမ်း၊
ဇနီးဖြစ်သူက ဘယ်ဘက်လမ်း၊

သူဌေးသားနဲ့၊ သူဌေးသမီး၊
ခြေမွေးမီးမလောင်၊ လက်မွေးမီးမလောင်နေလာတဲ့သူတွေ။
အခုတော့ တစ်ယောက်စီနေဘို့ လမ်းခွဲလိုက်ပါပြီ။
မနက်ဖန်အတွက် ဘာမှ ထည့်မတွက်၊ ဘာမှလဲ မရှိ၊
ရှိချမ်းသာရဲ့ အရသာထက် မရှိချမ်းသာအရသာက
ပိုပီး ချိုမြိန်တယ် ဆိုတဲ့စကား သူတို့ လုံးဝ ယုံကြည့်ထားပုံပေါက်တယ်။
ယုံကြည်လို့လဲ လမ်းခွဲရဲတာ။

တစ်ခါတစ်လေ သူတို့ဘ၀နဲ့ ကိုယ့်ဘ၀နဲ့ ယှဉ်ထိုးကြည့်မိတယ်။
သူတို့က တောထွက်တယ်၊ ကိုယ်က မြို့တက်တယ်။
ပြဒါးတစ်လမ်း၊ သံတစ်လမ်း၊
ရှိစေတော့။

လမ်းခုလတ်တစ်နေရာမှာ ဘုရားရှင်နဲ့တွေ့တယ်၊
ရဟန်းပြုတယ်။ ကဿပအမည်ရတယ်။
(နောက်ပိုင်း ကုမာရကဿပ စတဲ့ကဿပတွေနဲ့ မရောလိုလို့
သူ့ကို မဟာ တတ်ပြီး မဟာကဿပလို့ ခေါ်တယ်)
ဘုရားရှင်နဲ့ ရှင်မဟာကဿပတို့ ကျောင်းတော်သို့အသွား လမ်းဘေးတစ်နေရာ အရိပ်ကောင်းတဲ့သစ်ပင်အောက်မှာ ခဏထိုင်ဘို့လုပ်တော့ ရှင်မဟာကဿပက
သူ့ပါလာတဲ့ဝတ်ရုံကို ဘုရားရှင်အတွက် ခင်းပေးတယ်။
ခင်းပေးတဲ့သင်္ကန်းကို ဘုရားရှင်ကို လှူဖြစ်သွားတယ်။
ဘုရားရှင်ကလဲ သူ့ရဲ့ ပံသုကူသင်္ကန်းကို ရှင်မဟာကဿပကို ပေးတယ်။

ဘုရားရှင်က ဒီလို ပံသုကူသင်္ကန်းပေးတာကို
ရှင်မဟာကဿပ အလွန်သဘောကျတယ်။ ၀မ်းမြောက်တယ်။
ဘုရားရှင်က ငါ့ကို ပံသုကူသင်္ကန်းပေးတာ
အကြောင်းမဲ့သက်သက်တော့ မဟုတ်တန်ရာဘူး လို့ ရှင်မဟာကဿပ စဉ်းစားတယ်။

ပရိနိဗ္ဗာန်စံပြီးရင် ရှင်မဟာကဿပ ဦးဆောင်ပြီး
ပထမသင်္ဂါယနာတင်ပွဲ ကျင်းပလိမ့်မယ်လို့ ဘုရားရှင်က သိလို့ သင်္ကန်းကို ပေးတာ။ ချီးမြှောက်တာ။
ရှင်မဟာကဿပ ရဟန်းဖြစ်ပြီး ရှစ်ရက်ကြာတော့ ရဟန္တာဖြစ်သွားပါတယ်။

မဟာသက္ကရာဇ် ၁၄၈ - ခု (ဘီစီ ၅၄၄) ကဆုန်လပြည့် အင်္ဂါနေ့
(သက်တော် ၈၀ အရွယ်) မှာ
ကုသိနာရုံပြည်၊ အင်ကြင်းဥယျာဉ်မှာ ဘုရားရှင် ပရိနိဗ္ဗာန်စံတော်မူတယ်။

အရှင်မဟာကဿပမထေရ်ကြီးနဲ့ နောက်ပါ ရဟန်း ၅၀၀ တို့
မြတ်စွာဘုရားကို ဖူးမျှော်ဘို့ ပါဝါပြည်မှ ကုသိနာရုံသို့ အသွားလမ်းခရီးမှာ
ကုသိနာရုံက ပါဝါပြည်ကိုလာတဲ့ တက္ကဒွန်းတစ်ယောက်နဲ့တိုးတယ်။
တက္ကဒွန်းထံမှ မြတ်စွာဘုရား ပရိနိဗ္ဗာန်စံကွယ်လွန်တော်မူကြောင်း သိရတော့
သံဃာအများစု ၀မ်းနည်းပက်လက်ဖြစ်ပြီး ငိုကြွေးကြတယ်။

ဒါပေမဲ့သုဘဒ်လို့ခေါ်တဲ့ရဟန်းကြီးကတော့
“ငါ့ရှင်တို့၊ ဘာဝမ်းနည်းစရာရှိတုန်း၊ ရှင်ကြီးဂေါတမ ရှိတုန်းက
ဟိုဟာမလုပ်နဲ့၊ ဟိုမသွားနဲ့၊ ဒီလိုမစားနဲ့၊
ဒီကို မသွားနဲ့ စသဖြင့် စည်းကမ်းတွေ များလိုက်တာ။
အခုတော့ ငါတို့နေချင်သလိုနေလို့ရပြီ၊ လွတ်လပ်ရေး အပြည့်အ၀ရပြီ” လို့ ပြောဆိုပြီး
ဝမ်းမနည်းတဲ့အပြင် ၀မ်းတောင် သာနေလိုက်သေးတယ်။

ဒီစကားကို ရှင်မဟာကဿပကြီးကြားတော့
မသူတော်တရား မပြန့်ပွါးမီ
သူတော်ကောင်းတရား မပျောက်ပျက်မီ
ဘုရားရှင်ဟောကြားခဲ့တဲ့ တရားတော်တွေကို
စုပေါင်းရွတ်ဖတ်သင်္ဂါယနာတင်ရရင် ကောင်းမှာပဲ လို့ တွေးမိပြီး
ဘုရားရှင်ပရိနိဗ္ဗာန်ပြုပြီး ၃ - လအကြာ
မဟာသက္ကရာဇ် ၁၄၈-ခု၊ ၀ါခေါင်လပြည့်နေ့မှာ
ရဟန္တာမထေရ် ၅၀၀ နဲ့အတူ
ပထမဆုံးအကြိမ်ဘုရားရှင်တရားတော်တွေကို စုပေါင်းရွတ်ဖတ်တဲ့
ပထမသံဂါယနာပွဲကို ကျင်းပဖြစ်ခဲ့တယ်။

ဘုရားရှင်က သူရဲ့ ပံသုကူသင်္ကန်းကို တခြားကိုယ်တော်တွေကို မစွန့်ပဲ
ငါ့ကိုစွန့်တာဟာ သူမရှိတော့တဲ့နောက်ပိုင်း ဒီတာဝန်တွေကို ထမ်းဆောင်စေချင်လို့ဆိုတာကို ရှင်မဟာကဿပကြီး သဘောပေါက်လိုက်ပါတယ်။

ပထမသင်္ဂါယနာတင်ပွဲမှာ မြတ်စွာဘုရားဟောကြားတော်မူခဲ့တဲ့ ဓမ္မနဲ့ဝိနယကို
၁။ ၀ိနယပိဋက ၂။ သုတ္တန္တပိဋက ၃။ အဘိဓမ္မပိဋက ဆိုပြီး အုပ်စုသုံးစုခွဲတယ်။

ဒီသံဂါယနာပွဲမှာ
အမေး (ပုစ္ဆက) ဆရာတော်အဖြစ်
ရှင်မဟာကဿပမထေရ်ကြီးက ဆောင်ရွက်ပြီး
ဝိနည်းပိဋကတ်တော်ကို ရှင်ဥပါလိမထေရ်က ဖြေဆိုရပါတယ်။
သုတ္တန္တပိဋကနဲ့ အဘိဓမ္မပိဋကကိုတော့ ရှင်အာနန္ဒာမထေရ်မြတ်က ဖြေဆိုရပါတယ်။

ဝိနည်းပိဋကမှာ အုပ်ရေ ငါးအုပ်ရှိတယ်။
ပထမဆုံးလေ့လာဖြစ်တာက မဟာဝါ (ပါဠိတော်) စာအုပ်။
ပထမကြီးတန်းကို ကိုရင်ဘ၀ အသက် (၁၇) နှစ်သားတုန်းက အောင်တာဆိုတော့
ဘာလုပ်ရမှန်းမသိဖြစ်နေတုန်း သူငယ်ချင်းကိုရင်တစ်ပါးက
သာမဏေကျော်စာမေးပွဲ ၀င်ဖြေပါလား ဆိုတာနဲ့ သာမဏေကျော်စာမေးပွဲပြဌာန်းစာထဲက
တစ်အုပ်ဖြစ်တဲ့ မဟာဝါ စာအုပ်ဆိုတာကို စ လေ့လာဖြစ်တာ။