Tuesday, November 22, 2011

အိန္ဒိယ၌ သာသနာကွယ်ပုံ



ဗုဒ္ဓပွင့်ရာ မဇ္စျိမဒေသ၌ သာသနာကွယ်ပရခြင်းအကြောင်းကို 
လေ့လာသောအခါ အထွေထွေသော အကြောင်းရပ်များကို တွေ့ကြရ၏။ 
ထိုအထဲတွင် ဗုဒ္ဓဘာသာရဟန်းတော်တို့၏ ကျင့်ဝတ်ကျင့်ထုံးများ 
လွဲမှားမှုကိုလည်း အကြောင်းတစ်ရပ် အနေဖြင့် တွေ့ကြရသည်။ 
ရဟန်းတော်တို့သည် မိမိတို့၏ အဓိကကျသောကျင့်ဝတ်တို့ကို မဆောင်ရွက်ကြ၊ 
စိတ်ကူးယဉ် အစွဲအလမ်းတို့ကို အခြေခံသော 
စိတ်ကူးယဉ်ဘ၀မျိုးကို မျှော်လင့်၍ လုပ်ကိုင်နေကြသည်။

ဤဘ၀မျိုးတို့မှာ သိဒ္ဓိရှင်ဘ၀၊ စေတလုံးပိုင်ရှင်ဘ၀၊ ၀ိဇ္ဇာဘ၀၊
 ထွက်ရပ်ပေါက်ဆရာဘ၀၊ မှော်ဆရာဘ၀ စသည့်ဘ၀များဖြစ်ကြသည်။ 
ဤစိတ်ကူးယဉ်ဘ၀မျိုးကို ရှာဖွေသောအလုပ်မှာ 
အိန္ဒိယခေတ်ဦးကပင် ရသေ့တို့ တီထွင်ခဲ့သော လမ်းစဉ်ဖြစ်သည်။ 
ဤ၀ါဒသည် ဟိန္ဒူ ဗြာဟ္မဏ တို့လက်ထက်၌ 
တန္တရဂိုဏ်းဟုခေါ်ကာ တွင်ကျယ်စွာ လုပ်ကိုင်နေကြသည်။

ရှေးခေတ်ဦး ရသေ့တို့သည် နတ်အမျိုးမျိုး၊ ဘုရားအမျိုးမျိုးတို့၏ ဂုဏ်ကို 
ဖွဲ့ဆိုထားသော ဂါထာ၊ မန္တရား၊ မှော်၊ ပဉ္စလက်စသည်ပါဝင်သော 
တန္တရကျမ်းများကို ရေးသားခဲ့ကြသည်။ ထိုကျမ်းများကို အခြေခံ၍ 
လိုက်နာကျင့်သုံးသောဂိုဏ်းကို တန္တရဂိုဏ်း ဟုခေါ် ၏။ 
တန္တရဂိုဏ်း၌ လက်ဝဲဂိုဏ်း၊ လက်ယာဂိုဏ်း ၂ မျိုးရှိသည်။ 
လက်ဝဲဂိုဏ်းသားတို့သည် စုန်း၊ တစ္ဆေ၊ မြေဖုတ်၊ နတ်ဘီလူး၊ နတ်မိစ္ဆာ၊ 
ရက္ခိုသ်စသည့် ဆင်းရဲဒုက္ခကို ပေးတတ်သော တိရစ္ဆာန်များကို 
စေခိုင်းနိုင်သော ဂါထာ၊ မန္တရား၊ အင်းအိုင်၊ ခါးလှဲ့၊ 
လက်ဖွဲ့စသည်တို့ကို စီရင်ကြသည်။ ဤလက်ဝဲဂိုဏ်းစီရင်နည်းကို 
မြန်မာနိုင်ငံသားတို့က အောက်လမ်းစီရင်နည်း ဟုခေါ် ကြသည်။

လက်ယာဂိုဏ်းမှာ ဘရား၊ နတ်တို့၏ဂုဏ်ကို ဖွဲ့ဆိုထားသော 
ဂါထာမန္တန်တို့ဖြင့် ရောဂါဝေဒနာ ပပျောက်ရေး၊ စည်းစိမ်ဥစ္စာတိုးတက်ရေး 
စသည်တို့ကို ပြီးမြောက်စေရန် အားထုတ်ကြရသည်။ 
မြန်မာတို့က အထက်လမ်းစီရင်နည်း ဟုခေါ် ကြသည်။

ဤဟိန္ဒူ ဗြာဟ္မဏတို့၏ တန္တရဂိုဏ်းကို အတုယူ၍ 
ဗုဒ္ဓဘာသာဘုန်းကြီးတို့ကလဲ ဗုဒ္ဓတန္တရဂိုဏ်း ကိုထူထောင်ကြသည်။ 
ကျင့်ဝတ်ကျင့်ထုံးများကို တီထွင်ကြသည်။ 
ထိုအထဲတွင် ဟိန္ဒူ ဗြာဟ္မဏတို့၏ ကျင့်ထုံးကို ထပ်တူလိုက်မှုများလည်းရှိသည်။ ခွဲခြားကျင့်သုံးမှုများလည်းရှိသည်။

တန္တရဗုဒ္ဓဘာသာဂိုဏ်း၏ လုပ်ငန်းများမှာလည်း 
ဂါထာမန္တန်၊ အင်းအိုင်၊ ခါးလှဲ့၊ လက်ဖွဲ့၊ မှော်အတတ်၊ စုန်းအတတ်၊ 
ပယောဂအတတ်၊ ဗေဒင်အတတ်၊ အဂ္ဂိရတ်အတတ်စသည်တို့ကို 
လေ့လာလိုက်စားသော ဘာသာဖြစ်သည်။ တိဗက်ပြည်တွင် မှော်ပညာကို 
တတ်မြောက်သဖြင့် သိဒ္ဓိမြောက်သွားသော ပုဂ္ဂိုလ် 
၈၄ ယောက်ရှိသည်ဟု အဆိုရှိ၏။ ဘယ်လိုပေါက်သွားသည်ဟုကား မသိရပေ။

အိန္ဒိယရှိ ဗုဒ္ဓဘာသာရဟန်းတို့သည်လည်း 
ဤကဲ့သို့ စိတ်ကူးယဉ် သိဒ္ဓိရှင်ဘ၀စသည်တို့ကို 
ရလိမ့်နိုးဖြင့် မျှော်ကိုးကျင့်သုံးနေကြသည်။ ဗုဒ္ဓဘုရား၏ လက်တွေ့ကျသော 
လူသားအကျိုး ပြုလုပ်ငန်းကိုမှု လျစ်လျူရှုနေကြ၏။ 
အိန္ဒိယတွင် အလွန်ထင်ရှားခဲ့သော နာလန္ဒဗုဒ္ဓတက္ကသိုလ်ကဲ့သို့ 
မဟာပညာဌာနကြီးကလည်း အိမ်မက်ထဲက အလှမယ်ကို တကယ်ရနိုးဖြင့် 
မျှော်ကိုးရှာဖွေနေသော ပညာမျုိုးကို အားပေး သင်ကြားနေခဲ့သည်။

ထေရ၀ါဒဗုဒ္ဓဘာသာ၊ ရေစကြိုအရှင်ဧသိက စာ-၃၃