Wednesday, November 2, 2011

မင်္ဂလာအယူအဆ



ကျောင်းတော်ရောက်တော့ ဘုရားရှင်ရှေ့မှာ မတ်တတ်ရပ်ပြီး
အရှင်ဂေါတမ၊ သုဿာန်မှာ စွန့်ပစ်ထားတဲ့အ၀တ် 
ဆောင်ယူသွားတယ်ဆိုတာ ဟုတ်ပါသလားလို့မေးတယ်။

ဘုရားရှင်က ဟုတ်တယ်လို့ပြန်ပြောတော့ 
ပုဏ္ဏားကြီးက
အရှင်ဂေါတမ၊ အဲဒီပုဆိုးအစုံဟာ ကြွက်ကိုက်ထားတဲ့အတွက် 
ကျက်သရေမင်္ဂလာမရှိဘူး၊ ဒီအ၀တ်ကို သုံးဆောင်လျှင်
ပျက်စီးတတ်တယ်၊ အရှင်တို့မှာ သင်းပိုင် ဧကသီမရှိလျှင်တော့
ဒီအ၀တ်ကောင်းများကို ယူပါ။ 
မင်္ဂလာမရှိတဲ့ ကြွက်ကိုက်အ၀တ်ကို စွန့်ပစ်ပါလို့ ပြောတယ်။

ဘုရားရှင်က
ပုဏ္ဏား၊ ငါတို့ဟာ ရဟန်းဖြစ်တယ်၊ ငါတို့မှာ မင်္ဂလာအယူမရှိဘူး။
သုဿာန်က အ၀တ်ပင်ဖြစ်စေ၊ ရေချိုးဆိပ်က အ၀တ်ပင်ဖြစ်စေ၊
ခရီးလမ်းအကြားက အ၀တ်ပင်ဖြစ်စေ အပ်တယ်။
သင်သည်ကား 
ဤသို့သောမင်္ဂလိကအယူမျိုးကို 
ယခုဘ၀မှာသာ ယူသည်မဟုတ်၊ ရှေးဘ၀ကလည်း ယူခဲ့ဘူးတယ်။ 
ရှေးဘ၀ကအထုံဝါသနာကြောင့် ယခုဘ၀မှာ ဤသို့သောအယူဆိုးကို
ယူခြင်းဖြစ်တယ်လို့ မိန့်တော်မူတယ်။
…….

လောကမှာရှိကြတဲ့ ပုထုဇဉ်တွေဟာ 
ကိလေသာရဲ့အနှောက်အယှက်ကို ခံနေကြရလို့
ဥာဏ်အမြင် မသန့်ရှင်းဘူး။
မြင်တာ၊ ကြားတာ၊ တွေ့ထိတာလောက်မျှသာ သိတတ်ကြတယ်။
ကွက်ကျော်မြင်နိုင်စွမ်းမရှိကြဘူး။

ဒါ့ကြောင့် အတိတ်နိမိတ်ပေါ်လာခဲ့လျှင်
ဒီအတိတ်နိမိတ်ကြောင့်ဖြစ်တာကိုးလို့ ယူဆတတ်ကြတယ်။
အဲဒီအယူအဆကို မင်္ဂလာအယူအဆ (မင်္ဂလိကဒိဋ္ဌိ) လို့ခေါ်တယ်။

အဲဒီမင်္ဂလာအယူအဆအတွင်းမှာ 
ငလျင်လှုပ်ခြင်း၊ လကြတ်ခြင်း၊ နေကြတ်ခြင်း၊
ဥက္ကာကျခြင်း၊ အရပ်မျက်နှာများမှာ မီးလောင်သလိုဖြစ်ခြင်း၊ 
တိမ်နီခြင်းဆိုတာတွေလည်းပါတယ်။
လောကမှာ 
နေကြတ်တာ၊ လကြတ်တာ၊ နက္ခတ်ကြတ်တာ၊ ဥက္ကာကျတာ၊
တိမ်နီတာ ဒီငါးပါးကို ဥပါဒ်ကြီးငါးပါးလို့ခေါ်တယ်။

ဒါတွေကို နိမိတ်ကောက်ယူပြီး ကောင်းကျိုးဆိုးကျိုးယူဆတာကို
(မင်္ဂလိကဒိဋ္ဌိ) လို့ခေါ်တယ်။

ဤမှတပါး အိပ်မက်နိမိတ်ကောက်တာ၊ 
အကောင်းအဆိုး ကျက်သရေလက္ခဏာ နိမိတ်ကောက်တာ၊
မိန်းမလက္ခဏာ၊ ယောက်ကျားလက္ခဏာ၊ 
ကျွန်မိန်းမ ကျွန်ယောက်ကျားလက္ခဏာ
သံလျှက်လက္ခဏာ၊ ဆင်ကြန်အတတ်၊ 
မြင်းကြန်အတတ်၊ နွားကြန်အတတ်လက္ခဏာ
လက်နက်လက္ခဏာ အ၀တ်လက္ခဏာအစရှိတဲ့
လက္ခဏာအတတ်မျိုးတွေကိုလည်း မင်္ဂလိကဒိဋ္ဌိလို့ခေါ်တယ်။

မင်္ဂလိကဒိဋ္ဌိဆိုတာ အယူမှန်မဟုတ်ဘူး။
အယူဆိုးမို့ မိစ္ဆာဒိဋ္ဌိ အယူအတွင်းမှာပါဝင်တယ်။
ဒီမိစ္ဆာဒိဋ္ဌိအယူဆိုးကို အမှန်မမြင်တတ်ကြတဲ့ 
ပုထုဇဉ်အချို့သာ ယူဆတတ်ကြတယ်။

တည်တော်ဆရာတော်၏ မင်္ဂလိကဒိဋ္ဌိစာအုပ်မှ