Saturday, October 22, 2011

အဝေးရောက်နေချိန်



အမေး

ဆရာတော်ဘုရား၊ အဝေးတစ်နေရာမှာရောက်နေတဲ့ တပည့်တော်တို့က
ဘယ်လိုပုံစံမျိုးနဲ့ တပည့်တော်တို့ချစ်ခြင်းမေတ္တာကို မိဘတွေကို ပြသင့်ပါသလဲဘုရား။

အဖြေ

အသက်အရွယ်ရနေပြီဖြစ်တဲ့ မိဘတွေနဲ့ နီးနီးကပ်ကပ်နေပြီး 
စိတ်ပါလက်ပါပြုစုစောင့်ရှောက်တာ အကောင်းဆုံးပါဘဲ။ 

ဒါပေမဲ့ မိဘတွေနဲ့အတူမနေဖြစ်ပဲ အဝေးရောက်နေတာဆိုတော့ 
နည်းမျိုးစုံနဲ့ ကိုယ့်မိဘကို ကိုယ်ဘယ်လောက်ချစ်ကြောင်းပြသသင့်ပါတယ်။
ဒို့ငယ်စဉ်တုန်းက ဒို့မိဘတွေက ဒို့ကိုအမြဲတမ်းစကားပြောနေစေချင်တယ်၊ 
ဒို့ကို အမြဲတမ်း ဂရုစိုက်နေစေချင်တယ် ဆိုတာကို သတိရလိုက်စမ်းပါ။

အခု သူတို့တွေ အိုမင်းနေပြီဆိုတော့ အဝေးတနေရာရောက်နေတဲ့ဒို့တတွေက 
သူတိုကို ဘယ်လောက်ဂရုစိုက်ကြောင်း နည်းမျိုးစုံနဲ့ ပြသသင့်ပါတယ်။ 
ဥပမာ၊ သူတို့ဆီ တယ်လီဖုန်းပုံမှန်ဆက်တဲ့နည်းမျိုးနဲ့ဖြစ်စေ၊ 
ဒါမှမဟုတ် သူတို့သူငယ်ချင်းတွေ ထုတ်ကြွားနိုင်ဘို့ ပိုက်ဆံအနည်းငယ်ကိုပဲဖြစ်ဖြစ်၊ လက်ဆောင်ပစ္စည်းလေးကိုပဲဖြစ်ဖြစ် ပို့းပေးတဲ့ နည်းမျိုးလေးတွေနဲ့ 
ကိုယ် သူတို့ကို ဘယ်လောက်ချစ်ကြောင်း ဂရုစိုက်ကြောင်း ပြသသင့်ပါတယ်။

မိဘတွေက သားသမီးတွေကို အင်မတန်ဂုဏ်ယူချင်ကြတာပါ။ 
သူတို့သားသမီး ဘယ်လောက်တော်ကြောင်း ကောင်းကြောင်း အမြဲပြောချင်နေကြတာပါ။ သားသမီးတွေဘယ်လောက်ကောင်းတာ၊ ဘယ်လိုစောင့်ရှောက်တာကို ကြွားဘို့အတွက် သက်သေပစ္စည်းလေးတွေလိုပါတယ်။ 
ဒီအတွက် သားသမီးတွေ ပို့လိုက်တဲ့ လက်ဆောင်ပစ္စည်းလေးတွေ လိုအပ်ပါတယ်။ ဈေးကြီးတဲ့ပစ္စည်းရယ်လို့မဟုတ်ပါဘူး။ ပို့စ်ကဒ်လေးပဲဖြစ်ဖြစ်ပေါ့။

ဒီလိုပိုစ်ကဒ်လေးတွေပေါ်မှာ 
“မေမေ ဖေဖေတို့ကို သတိရလွန်းလို့ ဒီပို့စ်ကဒ်လေးပို့လိုက်ကြောင်း” 
ရေးသားပြီး ပို့လိုက်ရင်လည်း မိဘတွေက ၀မ်းသာနေမှာပါ။

ဖြစ်နိုင်ရင် မိဘတွေဆီ မကြာမကြာ အလည်အပတ်သွားသင့်ပါတယ်။ 
သားသမီးတွေအနေနဲ့ ကိုယ် မိဘတွေကို ဘယ်လောက် သတိရကြောင်း၊ 
ကိုယ့်အမေလက်ရာကို ဘယ်လောက်တမ်းတကြောင်းနဲ့ 
ကိုယ့်အဖေရဲ့ အကြံဥာဏ်တွေကို ဘယ်လို ခံယူနေကြောင်း 
မိဘတွေကို သိစေသင့်ပါတယ်။
သားသမီးဘ၀ရှေ့ရေးအတွက် မိဘဟာ ဘယ်လောက်အရေးပါတယ်ဆိုတာကိုလည်း
မိဘတွေက သိလိုလှပါတယ်။

“ငါချစ်တာ ငါစောင့်ရှောက်တာ ငါ့မိဘတွေသိနေတာပဲ၊ 
ဒါတွေကို ငါ သူတိုကို ထုတ်ပြစရာ ထုတ်ပြောစရာမလိုပါဘူး” လို့ 
သားသမီးတွေက နှလုံးမသွင်းသင့်ပါဘူး။ 
မေတ္တာတရား ကျေးဇူးတရားတို့ဆိုတာ အထုအထည်ပြဘို့ လိုကို လိုအပ်ပါတယ်။