Tuesday, October 18, 2011

ယတြာနှင့် လေ့ကျင့်ခန်း



စနေနေ့က ဖုန်းဆက်ပြီး တွေ့ဘို့ ဘွတ်ကင်လုပ်ထားတဲ့ 
အရင်တုန်းကကျောင်းကိုလာဘူးတဲ့ ဗမာဒကာမလေးတစ်ယောက်
တနင်္ဂနွေနေ့ ညနေပိုင်းက ကျောင်းကို ရောက်လာတယ်။
နည်းနည်းပိန်သွားတယ်။ မောပန်းနေပုံပဲ။
သင်္ကန်းလေးတစ်စုံ လက်ထဲမှာ ပါလာတယ်။

ခရီးဦးရောက်မဆိုက် အသွင်အပြင်ကို အကဲခတ်ပြီး 
“ဘယ်လိုလဲ ဒကာမလေး၊ ကျန်းမာရေးကောင်းရဲ့လား” လို့ နှုတ်ဆက်လိုက်တယ်။

“အဲ့ဒီကျန်းမာရေးကိစ္စလာတာပါပဲဘုရား၊ 
အခုတလော စားရတာလည်း အဆင်မပြေဘူး။
အိပ်လို့လည်း သိပ်မကောင်းဘူး။ အိပ်မပျော်ဘူးပေါ့ဘုရား။
ဆိုတော့ ကျန်းမာရေးမကောင်းဘူးပေါ့ဘုရား။
တခါတလေ ကိုယ်တွေပူတယ်၊ ဖျားချင်သလိုလို မကြာမကြာဖြစ်တယ်။
နှာလည်းမွှန်တယ်ဘုရား။ 
ဒီလိုတွေဖြစ်နေလို့ မြန်မာပြည်က အစ်မဆီ လှန်းဖုန်းဆက်ပြီး ပြောပြတော့
အစ်မက ဗေဒင်ဆရာသွားမေးတယ်ဘုရား။
ဗေဒင်ဆရာက ပြောတယ်တဲ့။ အနီးနားမှာ ဘုန်းကြီးကျောင်းရှိရင်
အဲ့ဘုန်းကြီးကျောင်းကို သွားပြီး ယတြာချေတဲ့အနေနဲ့ ဘုန်းကြီးကို သင်္ကန်းသွားလှူလိုက်ပါတဲ့။
ဒါ့ကြောင့် သင်္ကန်းလာလှူတာပါဘုရား။
နောက်ပြီး တပည့်တော်မ လူဝတ်လဲရမတဲ့ဘုရား” လို့ 
ဒကာမက ခရားရေလွှတ် တတွတ်တွတ် ပြောပြပါတော့တယ်။

“ဟဲ့၊ နေစမ်းပါအုံး၊ ဗေဒင်ဆရာက ဒကာမကို လူဝတ်လဲရမယ်ပြောတော့
ဒကာမက ဘယ်လိုလူဝတ်လဲရမှာတုန်းဟဲ။ ပြောပြစမ်းပါအုံး” လို့မေးကြည့်တော့
“တပည့်တော်မ အားလပ်ရက်မှာ ခေါင်းရိပ်ပြီး သီလရှင်ဝတ်ရမှာကို ပြောတာပါဘုရား” တဲ့။

“ဟေ၊ ဂလိုလား၊ ဂလိုဆိုလဲ ဗေဒင်ဆရာက ဒကာမကို 
သီလရှင်ခဏ၀တ်လိုက်ပါ လို့ ပြောလိုက် ပြီးတာပဲကို၊ 
ဘယ့်နှယ် လူဝတ်လဲလိုက်လို့ ပြောနေရတယ်မသိပါဘူး။
ဒါနဲ့ နေစမ်းပါအုံး၊ ဒကာမ အလုပ်က ဘာအလုပ်လဲ” လို့ ဆက်မေးကြည့်တော့
“တပည့်တော်မက စက်ချုပ်ရတာပါဘုရား”
“ဘယ်အချိန်ကနေ ဘယ်အချိန်အထိ စက်ချုပ်ရတာလဲ”
“မနက် ၈ နာရီကနေ ညနေ ၅ နာရီအထိပါဘုရား၊ 
တခါတလေ အိုတီရှိရင် ည ၈ နာရီအထိပေါ့ဘုရား”
“တစ်ပတ်ဘယ်နှရက်နားလဲ”
“မနားဘူးဘုရား၊ ဒီနေ့တောင် ကျန်းမာရေးမကောင်းလို့ နားဖြစ်တာ၊
ဘုန်းဘုန်းကိုလဲ ဒီသင်္ကန်းလှူစရာရှိလို့”

“ဒကာမက စက်ချုပ်ရတာဆိုတော့ ထိုင်ချုပ်ရတာပေါ့နော်”
“မှန်ပါ့”
“အထိုင်များတော့ လေ့ကျင့်ခန်းလုပ်ဖြစ်လား”
“မလုပ်ဖြစ်ဘူးဘုရား”

“ဒကာမ၊ တနေကုန် ထိုင်ပြီး စက်ချုပ်နေရတော့ အညောင်းကိုက်တော့မပေါ့၊
အညောင်းကိုင်ပြီး ခန္ဓာကိုယ်ထဲမှာ အပူတွေ အောင်းနေမယ်။ 
အကျိုးဆက်က နှာတွေ မွှန်လာမယ်။
နောက်ပြီး ခန္ဓာကိုယ် လေးလံနေမယ်။ ထိုင်းမှိုင်းနေမယ်။ မသွက်တော့ဘူး။
ဒီတော့ စိတ်ဆိုးလွယ်မယ်၊ ဒေါသထွက်လွယ်မယ်။

စိတ်နဲ့ရုပ်ဆိုတာ အချင်းချင်း တည်မှီနေကြတာမို့လား။
စိတ်မရွှင်လန်းရင် ရုပ်မရွှင်လန်းဘူး။
ထို့အတူပဲ.. ရုပ်မရွှင်လန်းရင်လည်း စိတ်မရွှင်လန်းဘူး။

ဒါ့ကြောင့် ဒကာမ ဒီနေ့ဒီအချိန်က စပြီး
လေ့ကျင့်ခန်း လုပ်ပါ။ အလွယ်ဆုံးလေ့ကျင့်ခန်းကတော့

မနက်အိပ်ယာထ ထိုင် ထ ၂၅ ခါလုပ်၊ 
ညာဘက်လက် ၂၅ ခါ ၊ ဘယ်ဘက်လက် ၂၅ ခါ မြှောက်လိုက် ချလိုက်လုပ်ပါ။
တင်ပလ္လင်ခွေထိုင်ပြီး ခေါင်းကို မတ်မတ်ထားကာ 
ညာဘက်တစ်လှည့် ဘယ်ဘက် တစ်လှည့်
၂၅ ခါ ဖြေးဖြေးချင်း လှည့်ပေးပါ။

ဒီလိုမျိုး ညမအိပ်ခင်လဲ လုပ်လိုက်အုံးနော်။

ပထမ သုံးရက်လောက်တော့ ခန္ဓာကိုယ် အနည်းအကျဉ်း နာကျင်မယ်။
နောက်ပိုင်းဆိုရင်တော့ နေလို့ ထိုင်လို့ ကောင်းသွားမှာပါ။

အဲ့ဒီလိုလုပ်ပေးလိုက်ရင်
ဒကာမ စားဝင် အိပ်ပျော်လာမယ်၊ နေလို့ထိုင်လို့ ကောင်းလာမယ်။
စိတ်လက်ကြည်သာဖြစ်လာမယ်။
ဘာယတြာမှ ချေစရာမလိုတော့ဘူး။
ဘာမှ လူဝတ်လဲစရာမလိုတော့ဘူး။
ဒကာမရောဂါတွေ ပျောက်သွားမှာပါ။

ဗုဒ္ဓဘာသာရှုဒေါင့်က ပြောရရင် ယတြာချေတယ်ဆိုတာ
ကံ ကံရဲ့အကျိုးကို မယုံကြည်သူတွေရဲ့ အလုပ်ပဲ ဒကာမ။
တနည်းအားဖြင့် မိစ္ဆာဒိဋ္ဌိအယူရှိသူတွေရဲ့အလုပ်ပဲ ဒကာမ။

ဒီကိစ္စနဲ့ပတ်သက်ပြီး
တည်တောဆရာတော်ကြီးရေးထားတဲ့ 
မင်္ဂလိကဒိဋ္ဌိဆိုတဲ့စာအုပ်ပါးပါးလေးကို ရှာဖတ်ကြည့်။
ဆရာတော်ကြီး ဗေဒင်ယတြာယုံသူတွေဟာ မိစ္ဆာဒိဋ္ဌိဝင်တွေဖြစ်ကြောင်း
အကျယ်တ၀င့်ရေးထားတယ်။
ဗုဒ္ဓဘာသာဝင်တွေ အတော်ဖတ် မှတ်သင့်တဲ့စာအုပ်လေးပဲ။
အလျင်းသင့်မှ ဒီစာအုပ်လေးထဲကအကြောင်းအရာတွေကို 
ကိုးကားပြီး ပြောပြပါအုံးမယ်။ 
ကဲ၊ ကဲ ပြန်တော့။ မိုးတွေ ညို့လာပြီ။