Thursday, October 13, 2011

ရောင့်ရဲခြင်း၊ ပျင်းရိခြင်း



အမေး

ဘုရားရှင်က မိမိရဲ့လက်ရှိအခြေအနေနဲ့ ကျေနပ်ရမယ်လို့ ဟောခဲ့ပါတယ်။
ဒီလိုဆို ဒီကမ္ဘာလောကကြီး ဘယ်လိုလုပ် ဒီလောက်ထိ တိုးတက်လာနိုင်ပါ့မလဲ။
စက်မှုလက်မှုအတတ်ပညာ၊ သိပ္ပံပညာတွေ အသစ်အသစ်ထပ်မံတွေ့ရှိဘို့
ဘယ်သူမှ ကြိုးစားလိုစိတ်ရှိမှာ မဟုတ်တော့ဘူး။
ဆရာတော်အနေနဲ့ ဘယ်လိုထင်မြင်ယူဆပါသလဲဘုရား။

အဖြေ

ရောင့်ရဲကျေနပ်ခြင်းဆိုတဲ့စကားနဲ့
ပျင်းရိခြင်းဆိုတဲ့စကားဟာ မတူပါဘူး။
ဒီနေရာမှာ မိမိဘ၀အတွက်
(၁) လိုအပ်တဲ့အရာ (Needs) နဲ့ လိုချင်တဲ့အရာ (Wants) ကို
ခွဲခွဲခြားခြားသိမြင်နားလည်ဘို့ လိုအပ်ပါတယ်။
လိုအပ်နေတာတွေကို ဖြည့်ဆည်းပေးရပါမယ်။
မိမိအတွက် လိုအပ်နေတဲ့အရာဝတ္ထုဆိုတာ
တစုံတခုသောအတိုင်းအတာတစ်ခုဆိုတဲ့ သတ်မှတ်ချက်ဘောင်ရှိပါတယ်။

အဲ - ဒါပေမဲ့ လိုချင်နေတဲ့လောဘစိတ်ကတော့ အကန့်အသတ်မရှိပါဘူး။
မြင်သမျှ လိုချင်နေတော့ မဆုံးနိုင်တော့ဘူးပေါ့။
လိုချင်မှုလောဘရှိနေသူအတွက် ဘယ်လောက်ပဲရရ ကျေနပ်တယ်ကို မရှိတော့ပါဘူး။

နောက်တစ်ခုက ဖြစ်မြောက်အောင်ပြုလုပ်လိုတဲ့ဆန္ဒ၊
ဖြစ်မြောက်အောင် ပြုလုပ်လိုတဲ့ရည်ရွယ်ချက်မျိုးရှိတာ ကောင်းပါတယ်။
ဒါပေမဲ့ ကိုယ့်လိုချင်လောဘစိတ်ဆန္ဒကို
ဘယ်အချိန်မှာ ရပ်တန့်ရမယ်ဆိုတာကိုတော့ သိထားရပါမယ်။

အားရကျေနပ်သဘောကျခြင်း၊ ပျော်ရွှင်ခြင်း၊ တင်းတိမ်ရောင့်ရဲခြင်း
အလျင်းမရှိတဲ့ တဏှာလောဘလို့ခေါ်တဲ့ အလိုမပြည့်တဲ့စိတ်ကြီး
ကိုယ့်သန္တာန်မှာ ကိန်းဝပ်နေတယ်ဆိုတာ သတိမူရပါမယ်။

ဒီနေရာမှာလည်း ရောင့်ရဲခြင်းဆိုတာကို
စိတ်ဝင်စားမှုကင်းခြင်း၊ ပျင်းရိခြင်းဆိုတဲ့စကားလုံးတွေနဲ့ ထပ်တူပြုလို့မရပါဘူး။

ပြီးတော့ ဖြစ်သမျှအကြောင်း အကောင်းချည်းပဲ၊ ကံကြမ္မာပေါ့ဆိုပြီး
ကံကိုချည်း ယိုးစွပ်ပြောဆိုတဲ့ လူပျင်းတွေလက်ကိုင်ထားတဲ့ဝါဒမျိုး 
ဘုရားရှင်မဟောကြားခဲ့ပါဘူး။

(ဘုရားရှင်က ကမ္မ၀ါဒ (အလုပ်ဝါဒ) ကိုသာ ဟောကြားခဲ့ပြီး)
ကံကြမ္မာကို ပုံချ ယုံကြည်တဲ့ဝါဒမျိုးကို မဟောကြားခဲ့ပါဘူး။

ဆိုတော့ကား
လူဖြစ်လာမှတော့ လူ့တာဝန်ဝတ္တရားတွေကို ဖြည့်ဆည်းရမှာပါ။
မိသားစုအရေးတွေကို ထည့်သွင်းစဉ်းစားပေးရမှာပါ။
ဒီအတွက် ရိုးရိုးသားသား ကြိုးကြိုးစားစား လုပ်ကိုရမယ်ဆိုတာ မြေကြီးလက်ခတ်မလွဲပါဘူး။

ဘုရားရှင်ကိုယ်တိုင်က လောကီလူသားတွေကြီးပွါးချမ်းသာဘို့
ဘယ်လိုလုပ်ကိုင်ဆောင်ရွက်ရမယ်ဆိုတာ ဟောကြားခဲ့ပါတယ်။
တချိန်တည်းမှာပဲ စိတ်ပိုင်းဆိုင်ရာတိုးတက်ဖို့ နည်းလမ်းတွေကိုလည်း ချပြခဲ့ပါတယ်။

ဒီလောကုတ်၊ လောကီ နှစ်လီသောလမ်းညွှန်ချက်တွေကို ကွဲကွဲပြားပြားသိဘို့လိုပါတယ်။

လောကီလူသားတွေအဖို့ ငွေရေးကြေးရေးတွေ ရှာဖွေရပါမယ်။
ရရှိလာတဲ့ငွေကို ထိန်းသိမ့်စောင့်ရှောက်ရပါမယ်။
ပြီးတော့ သုံးဆောင်ခံစားရပါမယ်။
ဒါပေမဲ့ ငွေရှာဖွေတဲ့နေရာမှာ မှန်ကန်တဲ့နည်းလမ်းကို အသုံးပြုရပါမယ်။
သူတပါးကို မထိခိုက် မနစ်နာစေရပါဘူး။
ဒီလို မွန်မြတ်တဲ့အကျင့်တွေကို ကျင့်သုံးသွားရမှာပါ။

နောက်ဆုံး သစ္စာလေးပါးမြတ်တရားကို နားလည်လာတဲ့အခါ
ဘ၀အဆင့်အတန်းတွေ တစ်ဆင့်ထက်တစ်ဆင့် မြင့်သထက်မြင့်လာပြီး
လောဘ၊ ဒေါသ၊ မောဟစတဲ့ အနှောင်အဖွဲ့အားလုံး နည်းပါးလာမှာပါ။

(အဆင်ပြေသလို ဘာသာပြန်တင်လိုက်တာ)
Ref: http://www.ksridhammananda.com