Thursday, March 31, 2011

Ashinindaka သို့ လျှောက်ထားလွှာ


ရေးသူ - Researcher


အရှင်ဘုရားရဲ့ ဘုန်းကြီး၊ ငွေ၊ နိဗ္ဗာန်၊ ကား ဆိုတဲ့ Post ကိုဖတ်ပြီး
ဗုဒ္ဓဘာသာဝင် တစ်ယောက်ရဲ့ ဆန္ဒကို ဖွင့်ပြောချင်လို့ ဒီ Post ကို တင်လိုက်တာပါ။
တပည့်တော် ဗုဒ္ဓဘာသာဝင် တယောက်ပါ။
ဗုဒ္ဓဘာသာ တိုင်းပြည်မှာနေ ဗုဒ္ဓဘာသာ မိဘနှစ်ပါးက မွေးဖွားလာလို့
မိရိုးဖလာ ဗုဒ္ဓဘာသာဝင်တယောက် ဖြစ်နေတယ် ဆိုပေမယ့်
တပည့် တော်က ဘာသာတရားနဲ့ပတ်သက်ရင် တချို့ကိစ္စတွေကို
ကိုယ့်ဉာဏ်မီသလောက် ကိုယ် စဉ်းစားပြီး လက်ခံပါတယ်။

ဒါဟာလဲ မြတ်စွာဘုရားက ကာလာမ မင်းတွေကို ဆုံးမတဲ့ စကားတွေကို သဘောကျလို့ပါ။
ကျမ်းဂန်က ဒီလိုဆိုတယ် ဆိုပြီးလဲလက်မခံဖို့၊
ကိုယ့်ဆရာသမားတွေက ဒီလိုဆိုတယ်ဆိုပြီးလဲ လက်မခံဖို့၊
ကိုယ့်မိဘ၊ ဘိုးဘွားတွေ လက်ထက်ကတည်းက ဒီလိုပဲဆိုပြီးလဲ လက်မခံဖို့၊
ကိုယ့်ဉာဏ်နဲ့ကိုယ် စဉ်းစား ပြီး လက်ခံဖို့ ပြောကြားခဲ့တာကို သိပ်သဘောကျပါတယ်။ တပည့်တော်ရေးတာတွေက မြတ်စွာဘုရားဟောတဲ့အတိုင်း တိတိကျကျ ဖြစ်ချင်မှဖြစ်ပါမယ်။ ဒါပေမယ့် တပည့် တော် အနှစ်ချုပ်နားလည်တာကတော့ ဒီအတိုင်းပါပဲ။

နောက် မြတ်စွာဘုရားရဲ့ အလယ် အလတ်လမ်းစဉ် (မစ္ဈိမ ပဋိပဋာနည်း) ကိုလဲ သဘောကျပါတယ်။
သစ္စာလေးပါး တရား ဆိုတာကိုလဲ အမှန်တရားတွေပဲလို့ လက်ခံပါတယ်။

ဒါပေမယ့် တခါတရံမှာ တော့ ဒုက္ခသစ္စာ ဆိုတာဟာ
အဆိုးမြင်ဝါဒ ( Negative Thinking ) များ ဖြစ်နေမလားလို့သုံးသပ်မိတဲ့ အခါမျိုးလဲရှိပါတယ်။ အကောင်းမြင်ဝါဒ ( Positive Thinking ) နဲ့ ကြည့်မယ်ဆိုရင်တော့
လောကကြီးက တမျိုး ဖြစ်ချင်ဖြစ်သွားမှာပေါ့လေ။
လောကီမှာ ပျော်မွေ့နေသူတွေ ပြောလေ့ပြောထရှိတဲ့ စကားလေးတခွန်းလိုပါပဲ။ …..
“လောကကြီးက နေတတ်ရင် ကျေနပ်စရာပါ” ….. တဲ့။
ထားလိုက်ပါတော့….။

ဆိုလိုရင်းက တပည့်တော်သည် ဗုဒ္ဓဘာသာကို မိရိုးဖလာ ဆိုတာထက်
ဗုဒ္ဓမြတ်စွာရဲ့ လောကီမှ လွတ်မြောက်ခြင်းတရားဆိုတဲ့ အတွေးအခေါ် အယူအဆ ကျင့်ကြံအားထုတ်မှုနဲ့ နည်းလမ်းတွေကို မိမိကိုယ်တိုင်
ယုံကြည်သက်ဝင် သဘောကျလို့ ဘာသာတရားအဖြစ်နဲ့ ကိုးကွယ်သူပါ။
ဗုဒ္ဓမြတ်စွာရဲ့ ကိလေသာတွေ ကင်းစင်တဲ့ သန့်ရှင်းစင်ကြယ်မှုကို ကြည်ညိုတဲ့အတွက် ဗုဒ္ဓမြတ်စွာကို ရှိခိုးပါတယ်။ ဦးချပါတယ်။
ကိုယ်တိုင်ကတော့ လောကီကို စွန့်လွှတ်ချင်တဲ့ ဆန္ဒ ပြင်းပြင်းပြပြ မရှိသေးလို့
ကျင့်ကြံ၊ အားထုတ်မှု မပြုပေမယ့် ဗုဒ္ဓရဲ့လမ်းစဉ်ကို အင်မတန် ကြိုက်နှစ်သက်ပါတယ်။

လောကီမှာ ကျင်လည်နေသ၍လည်း ကာလာမ မင်းတွေကို
မြတ်စွာဘုရား ဟောကြားတော်မူခဲ့တဲ့အတိုင်း ပြုမူကျင့်ကြံပါတယ်။
မြတ်စွာဘုရားရဲ့ ဆိုဆုံးမမှုတွေထဲက တပည့်တော် အကြိုက်ဆုံးပါပဲ။
အခြားသော ဗုဒ္ဓဘာသာဝင်တွေလဲ တပည့်တော်လိုပဲ မြတ်စွာဘုရားရဲ့
အထူးထူးသော ဂုဏ်တော်တွေကို ရည်မှန်းလို့သာလျှင် ရှိခိုး၊ ဦးချ ကြတယ်၊
ဘာသာတရားအဖြစ် ကိုးကွယ်ကြတယ်လို့ထင်ပါတယ်။

အရှင်ဘုရားရဲ့ Post ထဲမှာ ရဟန်းသံဃာတော်တွေကို
နိဗ္ဗာန်ရှေးရှုတဲ့ ရဟန်း ၊သံဃာ တော်တွေနဲ့ ၊
ပရဟိတ အကျိုးဆောင်ရွက်တော်မူနေတဲ့ ရဟန်း သံဃာတော်တွေဆိုပြီး
ခွဲခြားမြင်ဖို့ ရေးသားထားတာကို တွေ့ရပါတယ်။
ဗုဒ္ဓဘာသာဝင်တွေအနေနဲ့ ရဟန်းသံဃာတော်တွေကို
ရှိခိုး၊ ဦးချ ကိုးကွယ်နေကြတာတွေဟာ လောကီမှ လွတ်မြောက်ခြင်းတရား
(လောကုတ္တရာ တရား) တွေ ကျင့်ကြံအားထုတ်နေတဲ့ ဗုဒ္ဓရဲ့ သားတော်တွေအဖြစ် လက်ခံသတ်မှတ်လို့ကိုးကွယ်နေကြတာပါ။
ဒီတော့ ကိုးကွယ် ဆည်းကပ်ခံရတဲ့ ရဟန်း သံဃာတော်တွေအနေနဲ့လည်း
ကိုးကွယ်ခြင်း ဆိုတဲ့ စကားလုံးနဲ့ ထိုက်တန်အောင်၊ ရှိခိုး၊ ဦးချ၊ ကန်တော့ခြင်း ဆိုတာတွေခံထိုက်အောင် သီလ၊ သမာဓိ ၊ ပညာတွေ ပြည့်စုံသင့်တယ်လို့ တပည့်တော်ထင်ပါတယ်။
မိမိ ကိုးကွယ်တဲ့ ရဟန်းသံဃာတွေကို
သီလ၊ သမာဓိ၊ ပညာ တွေနဲ့ ပြည့်စုံနေစေချင်တာ ဗုဒ္ဓဘာသာဝင်တိုင်းရဲ့ဆန္ဒပါ။

နောက်တခု သာသနာ့ဘောင်ဝင်တယ် ဆိုတာမှာလည်း
ရည်ရွယ်ချက်တွေ အမျိုးမျိုးရှိကြတယ် ဆိုပေမယ့် အာဂန္တု ရဟန်းကလွဲလို့
အခြားသော ရဟန်းတွေသည် လောကီကို တကယ်စွန့်ခွါနိုင်မှ
ရဟန်းဝတ်သင့်တယ်လို့ တပည့်တော်ထင်ပါတယ်။
ဒါမှသာလျှင် လောကီကိုစွန့်လွှတ်လိုတဲ့ စိတ်ရင်း အခံရှိသည့်အတွက်
မြတ်စွာဘုရား မျက်မှောက်ပြု၊ ရှေးရှုခဲ့တဲ့ နိဗ္ဗာန် လမ်းစဉ်ကို
ကျင့်ကြံ အားထုတ်ခြင်း ဆိုတာတွေ ဖြစ်လာမှာပါ။
လောကီကို အမှန်တကယ် မစွန့်လွှတ်နိုင်လျှင် ရဟန်းမ၀တ်သင့်ဟု တပည့်တော် ထင်ပါတယ်။ ၀တ်လိုလျှင်လည်း အာဂန္တုသာ ၀တ်သင့်ပါတယ်။
သာသနာ့ဘောင် မ၀င်ပဲလဲ ဗုဒ္ဓရဲ့ အဆုံးအမတွေလိုက်နာရင်း လူမှုကောင်းကျိုး၊
လောက ကောင်းကျိုးတွေဆောင်ရွက်နိုင်ပါတယ်။
ဒီလိုနည်း ဖြင့်လည်း ဗုဒ္ဓဘာသာရဲ့ မွန်မြတ်သန့်စင်မှုကို ဖေါ်ဆောင်နိုင်ပါတယ်။

ရဟန်း၊ သံဃာတော်တွေအနေနဲ့ ခေတ်တွေ၊ စနစ်တွေ အခြေအနေတွေအရ
လောကီကိုစွန့်ခွာဖို့ လူမနီး သူမနီး၊ တောထဲ၊ တောင်ထဲမှာ တရားကျင့်ကြံအားထုတ်မှု မပြုနိုင်ရင်တောင်မှ ဖုန်းတို့၊ ကားတို့၊ သုံးထပ်တိုက် ကျောင်းဆောင်တို့ဆိုတဲ့ လောကစည်းစိမ်တွေအပေါ်မှာ မသိစိတ်နဲ့ပဲဖြစ်ဖြစ်၊ သိစိတ်နဲ့ပဲဖြစ်ဖြစ် မသာယာသင့်ဘူး၊
မတက်မက်သင့်ဘူးလို့ တပည့်တော်ထင်ပါတယ်။ ဒါတွေဟာ လောကီစည်းစိမ်တွေပါ။

တပည့်၊ ဒါယိကာတွေက ကြည်ညိုလို့၊ သဒ္ဒါတရားပွားများပြီး
လှုဒါန်းလို့ လက်ခံရတယ်ဆိုရင်တောင်မှ ရဟန်း၊ သံဃာတော်တွေအနေနဲ့
လိုအပ်ချက်ဆိုတာကို နဲနိုင်သမျှ နဲအောင် ရောင့်ရဲနိုင်သင့်တယ်လို့ ထင်ပါတယ်။ လိုအပ်ချက်နည်းအောင် ဆိုတာမှာ လိုအပ်ချက်တွေကို ဖြည့်ဆည်းခြင်းဆိုတဲ့နည်းနဲ့ နဲအောင်ဆောင်ရွက်တာ မဟုတ်ပဲ မလိုအပ်ဘူးဆိုတဲ့နည်းနဲ့ နဲအောင်ဆောင်ရွက်ဖို့ကို တပည့်တော်ဆိုလိုတာပါ။

မြတ်စွာဘုရားရှင်တောင်မှ ၀ိသာခါ ကျောင်းအမကြီးတို့၊
အနာထပိဏ် သူဌေးတို့ ဆောက်လုပ်လှုဒါန်းတဲ့ ကျောင်းတော်တွေကို လက်ခံပြီး
ကျောင်းတော်တွေမှာ သတင်းသုံးခဲ့သေးတာပဲလေ။
ရဟန်း၊ သံဃာတော်တွေ လှုဒါန်းမှုကိုလက်ခံတာ ဘာမျှမဖြစ်ပါဘူး။
ဒါပေမယ့် မြတ်စွာဘုရားက ဒီလှုဒါန်းမှု တွေကို လက်ခံတဲ့ အချိန်မှာ
အာသဝေါတရားတွေကုန်ခန်း၊ ကိလေသာတွေကင်းစင်၊
တက်မက်မှုတဏှာတွေ မရှိတော့တဲ့ အချိန်မှာမှ လှုဒါန်းသူတွေ အကျိုးငှာ လက်ခံခဲ့တာပါ။ တရားရှာဖို့ထွက်လာတဲ့ အချိန်တုန်းက လက်ရှိစံစားနေရတဲ့ ထီးနန်းစည်းစိမ်၊
ဇနီး၊ သား သံယောဇဉ်တွေ ဖြတ်ပြီး တရားရှာခဲ့တာပါ။

ဒီတော့ မြတ်စွာဘုရားရဲ့ သားတော် အဖြစ်ခံယူထားတဲ့၊
အသိအမှတ်ပြုထားကြတဲ့ ရဟန်း၊ သံဃာတော်တွေ အနေနဲ့လဲ
လောကီစည်းစိမ်တွေ စွန့်လွှတ်ပြီး တရားရှာနေတာလား၊
တရားရှာဖို့အတွက် လောကီစည်းစိမ်တွေ ၀န်းရံ ပံ့ပိုး နေရသလို ဖြစ်နေသလား
ဆိုတာတော့ သတိထား ဆင်ခြင်တာကောင်းတယ် လို့ထင်ပါတယ်ဘုရာ့။

နိဗ္ဗာန်ကို ရှေးရှုခြင်း မပြုပဲ ပရဟိတအကျိုးဆောင်ရွက်နေတဲ့
ရဟန်းသံဃာတော်များနဲ့ပတ်သက်ပြီး ပြောရရင်
လူမှုရေးရှုထောင့်ကကြည့်ရင် သာဓု (၃) ကြိမ်မက
အကြိမ်ကြိမ် ခေါ်ဖို့ကောင်းပါတယ်ဘုရာ့။

သို့သော်လည်း ဗုဒ္ဓဘာသာဝင်တွေ ရဟန်းသံဃာတော်တွေကို
ကိုးကွယ်တယ်ဆိုတာ လူမှုရေးအရလေးစားလို့မဟုတ်ပါ ဘူး။ ဘာသာရေးအရ ကိုယ်မကျင့်ကြံနိုင်တဲ့၊ ကောင်းမွန်တဲ့ အကျင့်တွေ ကျင့်ကြံနေတဲ့၊
ကိလေသာတရားတွေ အထိုက်အလျောက်
ကင်းစင်နေတဲ့ ပုဂ္ဂိုလ်တွေဆိုပြီး ကိုးကွယ်တာပါ။

ဗိုလ်ချုပ်အောင်ဆန်းကို မြန်မာပြည်သူ ပြည်သားတွေ လေးစားကြပါတယ်။
သိမှီလိုက်သူကော မသိမှီလိုက်သူကော လေးစားကြပါတယ်။
ဘယ်လောက်ပဲ တသသနဲ့ လေးစားလေးစား၊ ဦးမချဘူး ၊ ရှိမခိုးပါဘူးဘုရာ့။
အဲဒီလိုပဲ ပရဟိတ လုပ်ငန်းတွေ ဆောင်ရွက်နေတဲ့သူတွေ ၊
လူသားကောင်းကျိုးတွေ ဆောင်ရွက်လို့
နိုဘယ်(လ်) ငြိမ်းချမ်းရေးဆု ရရှိတဲ့ သူတွေ ရှိပါတယ်ဘုရာ့၊
ဘယ်လောက်ပဲ လေးစားထိုက်တယ်၊ ချီးကျူးထိုက်တယ်ဆိုဆို ဘယ်သူမှ ရှိမခိုးပါဘူးဘုရာ့။
ဒါဟာ ဘာသာတရားအပေါ် ယုံကြည်ကိုးကွယ်တာနဲ့
လူတယောက်ရဲ့အတွေးအခေါ်၊ အပြုအမူတွေအပေါ်
ယုံကြည် လေးစားတာချင်း ကွာသွားတာပါပဲဘုရာ့။

တပည့်တော်ရဲ့ သဘောကတော့ ဗုဒ္ဓမြတ်စွာရဲ့
လောကီလွတ်မြောက်ခြင်း တရားတွေကို သဘောမကျလို့ လက်မခံရင်ပဲ ဖြစ်ဖြစ်၊
သဘောကျသော်လည်း မကျင့်ကြံချင်၊ မကျင့်ကြံနိုင်လို့ပဲဖြစ်ဖြစ်
လောကီမှာပျော်မွေ့သူသည် လောကီအလုပ်ကို လုပ်လို့ရပါတယ်။
ဗုဒ္ဓရဲ့ လမ်းစဉ်ကို သဘောကျလို့ သာသနာ့ဘောင်ဝင်တယ် ဆိုရင်တော့ဖြင့်
လောကီ လွတ်မြောက်ခြင်းတရားကို ကျင့်ကြံအားထုတ်သင့်တယ်လို့
တပည့်တော် ထင်ပါတယ်ဘုရာ့။
ရဟန်း၊ သံဃာတော်တွေ ပရဟိတလုပ်ငန်းဆောင်ရွက်တာ ကောင်းပါတယ်။
သို့သော်လည်းပဲ ရဟန်းသံဃာတော်တွေရဲ့ တာဝန်တွေမှာ
မြတ်စွာဘုရားဟောကြားတဲ့ တရားတော်တွေကို ကိုယ်တိုင်ကျင့်ကြံ အားထုတ်ပွားများဖို့က
အဓိကပိုကျတယ်လို့ တပည့်တော်ကတော့ ခံယူပါတယ်။

ရဟန်းဘောင်ဝင် ဘုရားတည်၊ ကျောင်းဆောက်၊ တရားဟောပြောပြသ၊ ဆိုတာတွေအပြင်
မြတ်စွာ ဘုရားရဲ့လမ်းစဉ်အတိုင်း ကိုယ်တိုင်ကျင့်ကြံအားထုတ်ပြီး တရားကို
စာတွေ့မဟုတ်ပဲ လက်တွေ့သိတဲ့ ပုဂ္ဂိုလ်ထူး၊ ပဂ္ဂိုလ်မြတ်တွေသာ များပြားလာမယ်ဆိုရင်၊
ဒါဟာ သာသနာတော် တည်တံ့ခြင်းရဲ့ အဓိက အကြောင်းတရားတခု ဖြစ်လာလိမ့်မယ် လို့
တပည့်တော်က ယုံကြည်ပါတယ်ဘုရာ့။
လက်တွေ့မပါတဲ့ Theory ဟာ မပြည့်စုံသလို၊
Theory မရှိတဲ့ လက်တွေ့ဟာလည်း မပြည့်စုံပါဘူး။
မြတ်စွာဘုရားဟောကြား၊ ကျင့်ကြံခဲ့တာတွေဟာ Theory ကော လက်တွေ့ကော ပြည့်စုံပါတယ်။
ဘိက္ခူနီ သာသနာ ကွယ်ပျောက် တာဟာ ဘိက္ခူနီ မရှိတော့လို့ပါ။
အခုအချိန်ကြမှ ဘိက္ခူနီ ၀တ်ချင်လို့ မရနိုင်တော့ပါဘူး။
အဲဒီလိုပဲ သာသနာတော်မှာ အကျင့်၊ သီလ၊ သမာဓိ၊ ပညာ နဲ့ပြည့်စုံတဲ့
ရန္တာတွေ၊ ရဟန်းတော်တွေ နည်းလာတာနဲ့အမျှ
သာသနာတော် ကွယ်ပျောက်ဖို့လဲ ပိုနီးလာပါလိမ့်မယ်။
လောကုတ္တရာတရား ကျင့်ကြံအားထုတ် ပွားများရမယ့်သူတွေက
လောကီနဲ့သိပ်နီးစပ်နေရင် သာသနာတော် ပျက်စီးပါလိမ့်မယ်။
အုတ်အရောရော ၊ ကျောက်အရောရောနဲ့ သာသနာ့ အရေခြုံဆိုတာတွေ ပေါ်ပေါက်လာပါလိမ့်မယ်။

ဒါကြောင့် ဗုဒ္ဓဘာသာဝင် တဦးအနေနဲ့ တပည့်တော်ရဲ့ ဆန္ဒကတော့
သာသနာတော် သန့်ရှင်း၊ တည်တံ့ဖို့အတွက် တပည့်တော်တို့ ကိုးကွယ်နေတဲ့
ရဟန်း၊ သံဃာတော် တွေကို သီလ၊ သမာဓိ၊ ပညာ နဲ့ ပြည့်စုံနေစေချင်ပါတယ်။
 မြတ်စွာဘုရားရဲ့ တရား လမ်းစဉ်တွေကို ကိုယ်တိုင် ကျင့်ကြံ၊ ပွားများ၊ အားထုတ် နေတယ်ဆိုတာမျိုး ဖြစ်စေ လိုပါတယ်။ လောကီရေးရာ ကိစ္စတွေ၊ လောကီစည်းစိမ်တွေနဲ့ အတတ်နိုင်ဆုံး ကင်းအောင်နေစေလိုပါတယ်။
သာသနာတော်သာ သန့်ရှင်း ၊ တည်တံ့နေမယ် ဆိုရင် ပြန့်ပွားရေးဆိုတာဟာ
သိပ်အားထုတ်စရာမလိုပဲ ပြီးမြောက်သွားပါလိမ့်မယ်လို့
တပည့်တော် ခံယူုပါကြောင်း လျှောက်ထားအပ်ပါတယ်ဘုရာ့။

ဒါဟာ ဗုဒ္ဓဘာသာကို ကိုယ်တိုင် ယုံကြည် လက်ခံ ကိုးကွယ်နေတဲ့
ဗုဒ္ဓဘာသာဝင်တစ်ဦး ဖြစ်တဲ့ တပည့် တော်ရဲ့ ရင်ထဲက ဆန္ဒတွေပါဘုရာ့။

Researcher ဆိုသူရေးထားသော မူရင်းကို အောက်က လင့်မှာ ဖတ်ရှုနိုင်ပါသည်။
http://www.mandalaygazette.com/45339/economic-news-international-news-news-industry-people-in-the-news-us-news-news

Wednesday, March 30, 2011

ရတနာ (၄) နိဂုံး


ဘုရားရှင်ပြောတဲ့ နံပါတ် (၅) ခုမြောက်ဖြစ်တဲ့
နောက်ဆုံး ရခဲတဲ့အရာကတော့
ကျေးဇူးရှိတဲ့သူတွေကို ကျေးဇူးသိပြီး ကျေးဇူးပြန်ဆပ်တတ်တဲ့ပုဂ္ဂိုလ်ကိုလည်း
လောကကြီးထဲမှာ တွေ့ရခဲတယ်တဲ့။

သားသမီးဘက်ကကြည့်မယ်ဆိုရင် မိဘတွေဟာ
အင်မတန်ကျေးဇူးကြီးမားတာဘဲ။

ဒီလိုကျေးဇူးကြီးမားတဲ့ မိဘတွေကို ကျေးဇူးသိပြီး
ကျေးဇူးပြန်ဆပ်တတ်တဲ့သားသမီးမျိုး တွေ့ရခဲတယ်။

အထက်တစ်နေရာက ပြောခဲ့တဲ့
ရခဲမှ ရတနာ၊ သိခဲမှ ပညာဆိုတဲ့ မြန်မာစကားအတိုင်း
မိဘတွေကို ကျေးဇူးသိတတ်တဲ့ သားသမီးမျိုးက တကယ့်ကို ရခဲတာ။
ကျေးဇူးသိတတ်တဲ့သားသမီးမျိုးက ရခဲလို့
ရခဲတဲ့ ရတနာဆိုတဲ့စကားနဲ့ တွဲစပ်ပြီး
သားရတနာ သမီးရတနာလို့ ခေါ်ရမှာပါ။

သားသမီးငါးယောက်ရှိတဲ့ မိဘတွေအတွက်
မိဘကို ပြန်လည်စောင့်ရှောက်တဲ့၊ မိဘကို ပြန်လည်ထောက်ပံ့တဲ့
မိဘကို ပြန်လည်ကျေးဇူးပြုတတ်တဲ့ သား သို့မဟုတ် သမီးကို
သားရတနာ သမီးရတနာလို့ ခေါ်ရမယ်။

မိဘကို ပြန်လည်မစောင့်ရှောက်၊ မထောက်ပံ့၊
မိဘကျေးဇူးမသိ ကျေးဇူးမတုန့်ပြန်တဲ့ သား သို့မဟုတ် သမီးမျိုးကို
မိဘတွေက မွေးထုတ်လိုက်တဲ့အတွက်
သား လို့ပဲ ခေါ်ရမယ်၊ သမီးလို့ပဲ ခေါ်ရပါမယ်။
သူတို့ဟာ သားရတနာ မဟုတ်ကြဘူး။ သမီးရတနာ မဟုတ်ကြဘူး။

ကျေးဇူးဆိုတဲ့စကားနဲ့စပ်လို့
သားသမီးများအနေနဲ့ မိဘတွေကို ကျေးဇူးဆပ်ဖို့
အကောင်းဆုံးနည်းလမ်းတွေကို ဘုရားရှင် ညွှန်ပြထားပါတယ်။
ဘုရားရှင် အလိုကျ
သားသမီးများအနေနဲ့ မိဘတွေကို
အကောင်းဆုံး ကျေးဇူးဆပ်နည်းတွေကတော့

(၁) အဿဒ္ဓေ သဒ္ဓါသမ္ပဒါယ သမာဒပေတိ -
ဘာသာရေး မကိုင်းရှိုင်းတဲ့ မိခင်ဖခင်တွေကို ဘာသာရေးကိုင်းရှိုင်းလာအောင်
ပြုမူဆောင်ရွက်ပေးပါ တဲ့။

(၂) ဒုဿီလေ သီလသမ္ပဒါယ သမာဒပေတိ -
သီလမရှိတဲ့ သီလမဆောက်တည်နိုင်တဲ့ မိခင် ဖခင်တွေကို
သီလရှိလာအောင် သီလဆောက်တည်နိုင်လာအောင်
သီလ ဆောက်တည်ချင်လာအောင် ပြုမူဆောက်ရွက်ပေးပါတဲ့။

(၃) မစ္ဆရီ စာဂသမ္ပဒါယ သမာဒပေတိ -
နှမျှောတွန့်တိုပြီး ဒါနမျိုးစေ့မချချင်တဲ့ မိခင်ဖခင်တွေကို
ဒါနအမှုပြုချင်လာအောင် တိုက်တွန်းပေးပါ တဲ့။

(၄) ဒုပ္ပညေ ပညာသမ္ပဒါယ သမာဒပေတိ -
(ဒီမှာ ပညာကို ၀ိပဿနာပညာ ကို ယူလိုက်မယ်၊ ဆိုတော့
ဝိပဿနာပညာမရသေးတဲ့ မိခင်ဖခင်တွေကို ၀ိပဿနာပညာတွေ ရလာအောင်
ပြုမူဆောင်ရွက်ပေးပါတဲ့။
ဒါကို အဖြောင့် ထင်သာမြင်သာအောင် ဘာသာပြန်ပြပေးရရင်
တရားမထိုင်ချင်တဲ့ မိခင်ဖခင်တွေကို
တရားထိုင်ချင်စိတ်ဖြစ်ပေါ်လာအောင် ပြုမူဆောင်ရွက်ပေးပါတဲ့။

ဘုရားရှင်က ဒီလေးမျိုးကို မိဘတွေ ကျင့်သုံးချင်လာအောင်
ကျင့်သုံးလာအောင် သားသမီးတွေအနေနဲ့
ပြုလုပ်ပေးသင့်တယ်၊ ပြုလုပ်ပေးရမယ်တဲ့။
ဒါဟာ မိဘတွေကို အကောင်းဆုံး ကျေးဇူးဆပ်နည်းနဲ့ ကျေးဇူးဆပ်တာပါတဲ့။

ဘုရားရှင်ညွှန်ပြခဲ့တဲ့ ဒီတရား ၄ ပါးကို စဉ်းစားကြည့်လိုက်ရင်
အတိတ်ကံတစ်ခုခုကြောင့် ဒီဘ၀မှာ ဆုံးစည်းလို့ မိသားစုတစ်စုတည်းမှာ
အတူတူလူလာဖြစ်တဲ့သူတွေအနေနဲ့
နိဗ္ဗာန်မရမီ သံသရာခရီးလျှောက်လှမ်းရာမှာ
အဆင့်မြင့်မြင့်လျှောက်လှမ်းရဘို့ ဒီတရားလေးပါးကို ကျင့်သုံးအောင်
အချင်းချင်း တိုက်တွန်းကြဘို့ပါဘဲ။
ဒီတရားလေးပါးကို မိသားစုအချင်းချင်း ကျင့်သုံးစေတာဟာ
သံသရာခရီးလျှောက်လှမ်းရာမှာ အဆင့်မြင့်မြင့် လျှောက်လှမ်းနိုင်ဘို့အရေး
 လက်တွဲ ခေါ်ရာလည်း ရောက်ပါတယ်။
သံသရာခရီးအတွက် ဖေးမကူညီရလည်း ရောက်ပါတယ်။

ဒါ့ကြောင့် ဒီတရားလေးပါး မကျင့်သုံးချင်တဲ့ မကျင့်သုံးနိုင်တဲ့
မိဘတွေကို ကျင့်သုံးစေတာဟာ ဒီဘ၀ကောင်းစားရေးအတွက်သာမဟုတ်ပဲ
သံသရာခရီးကောင်းစားရေးအတွက်ပါဖြစ်လို့
အကောင်းဆုံးကျေးဇူးဆပ်နည်းလို့ ဘုရားရှင်ဟောခဲ့တာနေမှာလို့ စဉ်းစားမိပါတယ်။

ဆိုတော့ကား
မိဘတွေကိုသာမဟုတ်၊
နီးစပ်ရာ ညီ အစ်ကို၊ ဆွေမျိုးသားချင်း၊ မိတ်ဆွေအပေါင်းအသင်းတို့ကိုလည်း
ဒီတရားလေးမျိုးကို ကျင့်သုံးချင်လာအောင် တိုက်တွန်းသင့်ပါကြောင်း။

ဒီရတနာ (၁) (၂) (၃) (၄) တို့ကို
အင်္ဂုတ္တိုရ်၊ ပဉ္စကနိပါတ၊ သာရန္ဒဒသုတ်ကို ကိုယ်ထည်ယူကာ
ဥပရိပဏ္ဏာသပါဠိ၊ စူဠကမ္မ၀ိဘင်္ဂသုတ်
အင်္ဂုတ္တိုရ်၊ ဒုကနိပါတ၊ သမစိတ္တ၀ဂ် ၊ ပိုဒ်ရေ ၃၄ တို့နဲ့ ထုံမွှမ်းပြီး
ကိုယ်ပိုင်စဉ်းစားဟန်တို့ဖြင့် ရောသမမွှေထားပါသည်။

Tuesday, March 29, 2011

ဘုန်းကြီး၊ ငွေ၊ နိဗ္ဗာန်၊ ကား


ဒီပို့စ်ဟာ ရတနာ (၁) ပို့စ်ရဲ့ ဖြေရှင်းချက်ပါ။
ရတနာ (၁) ကိုဖတ်ပြီးမှ ကားမောင်းတာတွေ ငွေကိုင်တာတွေနဲ့ပတ်သက်လို့
အမျိုးမျိုးဝေဘန်လွန်းလို့ ပြန်လည်ရေးသားတင်ပြလိုက်ရတာပါ။

ဗုဒ္ဓသာသနာတော်ကို ကြည့်တဲ့နေရာမှာ (ရတနာ ၁-) ပို့စ်ထဲမှာ ပါသလို
အချိန်ကာလကိုလည်း  ကြည့်ရပါမယ်။
နေရာဒေသကိုလည်း ကြည့်ရပါမယ်။

မြန်မာပြည်က ဘုန်းကြီးကိုသာ မြင်လို့ မရပါဘူး။
မြန်မာပြည်က ဘုန်းကြီးလိုမျိုးပုံစံတွေ သီရိလင်္ကာမှာလည်း ရှိပါတယ်။
ထိုင်းမှာလည်း ရှိပါတယ်။ အမေရိကမှာလည်း ရှိပါတယ်။

ဟိုတလောက အမေရိကရောက်မြန်မာဘုန်းကြီးတစ်ပါး ပြောတာက
"'အမေရိကက ဒကာ ဒကာမတွေက
ကားမမောင်းတတ်တဲ့ဘုန်းကြီး၊ ကားမရှိတဲ့ဘုန်းကြီးဆိုရင်
ဆွမ်းစား ကွမ်းစား မပင့်လိုကြဘူး၊
သူတို့ကလည်း အိမ်မှာ ဆွမ်းကပ်ဖို့ ဘုန်းကြီးကို ကြိုပို့ လုပ်မပေးနိုင်ဘူး။
ဆိုတော့ ကြိုပို့လုပ်ပေးစရာ မလိုတဲ့ ကားလည်းရှိတဲ့ ကိုယ်တိုင်ကားလည်းမောင်းတတ်တဲ့ ဘုန်းကြီးကိုပဲ ဆွမ်းစား ကွမ်းစားပင့်ကြတာ" တဲ့။

မလေးရှားနိုင်ငံမှာလည်း မြန်မာပြည်ကလို ဘုန်းကြီးတွေ ပေါမှပေါ။
ဟိုတလောက ကထိန်ရာသီတုန်းက
ပီနန်းကဘုန်းကြီးတွေကို ကွာလာလမ်ပူမှာရှိတဲ့ကျောင်းတစ်ကျောင်းက ကထိန်ပင့်တော့
သူတို့ကားကို သူတို့ကိုယ်တိုင်မောင်းလာတာပဲ။
ဒရိုက်ဘာမရှိဘူးလားလို့ မေးတော့ လခမပေးနိုင်လို့ မငှားနိုင်ဘူးလို့ပြောတယ်။

ဆိုတော့ သင်္ကန်းဝတ်တုန်းကတော့ သံသရာဝတ်ဆင်းရဲမှ လွတ်မြောက်လိုလို့
နိဗ္ဗာန်ကို လိုချင်လို့ဆိုပြီး ၀တ်လာကြတာပါဘဲ။
ဒါပေမဲ့ မသိစိတ်ရဲ့နောက်မှာ ရည်ရွယ်ချက်တွေ ပြောင်းလဲသွားပါဘီ။
ဒါ့ကြောင့်လည်း တောထဲသွားပြီး တရားမကျင့်ဘဲ
အမေရိက၊ အင်္ဂလန်၊ စင်္ကာပူ၊ မလေးရှား၊ ထိုင်းစတဲ့နိုင်ငံတွေမှာ ခိုကပ်ပြီး သာသနာပြုဆိုတဲ့ခေါင်းစဉ်အောက်မှာ သီတင်းသုံးနေထိုင်နေကြတာပါ။

ကိုယ့်နေရာမှာ မနေပဲ ကမ္ဘာအေးလိုနေရာမျိုးတွေမှာ ဥက္ကဋ္ဌ၊ အကျိုးတော်ဆောင် ၊ အဖွဲ့ဝင်စတဲ့ရာထူးတွေကို ယူပြီး ငြိမ့်နေကြတာပါ။
ဒါ ပြစ်မှားပြီး ပြောတာမဟုတ်ပါဘူး။
အဖြစ်ကို မြင်သာအောင် ပြောပြတာပါ။
ဒီလိုနေနေတဲ့သူတွေကိုလည်း အပြစ်တင်စရာ မလိုပါဘူး။

နိဗ္ဗာန်ရောက်ဖို့မကျင့်ပေမဲ့ ပရဟိတစိတ်လေးတွေ မွေးမြုကာ
ရပ်ရွာတွေမှာ မူလတန်းကျောင်းလေးတွေ ဆောက်ပေးတဲ့၊
ဆေးခန်းလေးတွေ ဖွင့်ပေးတဲ့၊
စာကြည့်တိုက်လေးတွေ တည်ထောင်ပေးတဲ့ဘုန်းကြီးတွေ အများကြီးပါ။

ဆိုလိုတာက ဘုန်းကြီးကိုတွေ့ရင်
နိဗ္ဗာန်ကိုသွားဘို့ကျင့်နေသူ ဆိုတဲ့ပေတံတစ်ခုတည်းနဲ့ မတိုင်းတာဘို့ပါပဲ။

တခါတရံမှာ အသိဥာဏ်ရှိတဲ့ပြည်သူပြည်သားက
တိုးတက်ချင်လို့ လုပ်ချင်ကိုင်ချင်စိတ်ရှိပေမဲ့
အစိုးရဆိုတာကြီးက ကြားကခံနေလို့
အဆင်မပြေတာကို မဝေဘန်ရတော့ဘူးလား။

ဘုန်းကြီးအဖွဲ့အစည်းလည်း အတူတူပါပဲ။
စေတနာကောင်းဘို့လိုပါတယ်။

ဒါကတော့ကောင်းတယ်၊ မှန်တယ်၊
ဒါကတော့ မကောင်းဘူး၊မမှန်ဘူးလို့ပြောဘို့
ဘုရားရှင်ကိုယ်တိုင်က တိုက်းတွန်းထားတာ ရှိပါတယ်။

ငွေကိုင်တဲ့ကိစ္စလည် ဒီနေရာမှာ တခါတည်း ရှင်းလိုက်ပါရစေ။
နိဗ္ဇာန်လိုချင်လို့ မြန်မာဘုန်းကြီးတွေ အမေရိကမှာ နေနေတာမဟုတ်ပါဘူး။
မလေးရှားမှာ နေနေတာ မဟုတ်ပါဘူး။
နိဗ္ဗာန်လိုချင်ရင် တောထွက်ရမှာပါ။ တောထဲမှာ နေရာမှာပါ။
တောထွက်ပြီး တရားကျင့်နေတဲ့ ၀ိနည်းလေးစားတဲ့
ငွေမကိုင်တဲ့ဘုန်းကြီးတွေ အများကြီးပါ။
အကြိမ်ကြိမ် ရှိခိုးထိုက်ပါတယ်။ ပူဇော်ထိုက်ပါတယ်။ လေးစားထိုက်ပါတယ်။
ဒါက တစ်မျိုးပါ။

နိဗ္ဗာန်မလိုချင်သေးပဲ ပရဟိတစိတ်ပေါက်နေတဲ့
ကိုယ့်နိုင်ငံက လူမျိုးတွေ အဆင့်အတန်းကို မြှင့်ပေးလိုတဲ့ အမေရိကရောက်နေတဲ့ မြန်မာဘုန်းကြီးတစ်ပါးအနေနဲ့ ငွေလိုတယ်။ ငွေကိုင်ရမယ်။
ဒါကို အပြစ်လို့ဆိုမလား။ သူ့စေတနာက ကောင်းနေတာကိုး။
ဝိနည်းအရတော့ ငွေကိုင်တဲ့ဘုန်းကြီး အာပတ်သင့်တယ်။

ပိဋကတ်ဆိုတာ သုံးပုံရှိတယ်။
ဝိနည်းတစ်ခုထဲကို ကြည့်လို့မရပါဘူး။
ငွေကိုင်တဲ့ဘုန်းကြီး ၀ိနည်းပိဋကအလို အာပတ်သင့်တယ်။
မှန်ပါတယ်။
ဒါပေမဲ့ အဘိဓမ္မပိဋကအလို
သူများအကျိုးလိုလားပြီး စေတနာသန့်သန့်နဲ့ ငွေကိုင်တဲ့ဘုန်းကြီးမှာ
ကုသိုလ်စိတ်တွေ တိုးပွါးနေပါတယ်။
ဒါကို သဘောပေါက်ဖို့လိုပါတယ်။

ရွာမှာရှိတဲ့ ရွာကျောင်းဘုန်းကြီးတစ်ပါးက
 ခြံထွက်ဖြစ်တဲ့ အုန်းပင်က အုန်းသီးကို ကြည့်ပြီး လောဘစိတ်တက်နေရင်
ဝိနည်းအရ အာပတ်မသင့်ပါဘူး။
အဘိဓမ္မာအရ အကုသိုလ်ဖြစ်နေပါတယ်။

ပိုက်ဆံမကိုင်ပဲနဲ့ ကျောင်းတစ်ကျောင်းပြီး တစ်ကျောင်း
တိုးချဲ့ဆောက်နေတဲ့ဘုန်းကြီးလည်း အတူတူပါဘဲ။
စေတနာအရေးကြီးပါကြောင်းပြောပါရစေ။

Monday, March 28, 2011

ရတနာ (၃)


နံပါတ် (၃) ခုမြောက်ကတော့
ဘုရားရှင်ရဲ့ တရားတော်တွေကို ဟောပြပေးနေပေမဲ့
နားလည်သဘောပေါက်တဲ့သူကိုလည်း တွေ့ရခဲတယ်တဲ့။

ဟုတ်တယ်။
တခါတရံ ဘုန်းကြီးက တရားဟောပလ္လင်ပေါ်ကနေပြီး
အာပေါင်းအာရင်းသန်သန်နဲ့ ဟောကြားပေးနေပေမဲ့
တရားနာပရိသတ်ထဲက နားလည်တဲ့သူ နည်းတယ်။
ဘုန်းကြီးက သတည်း… ဆိုပြီး အသံရှည်စွဲလိုက်လို့သာ
သာဓုခေါ်လိုက်ရတယ်။ ဘာပြောသွားမှန်း ဘာဟောသွားမှန်း မသိလိုက်ဘူး။

တရားနာပရိသတ်ထောင်ချီရှိပေမဲ့ ဘုန်းကြီးဟောသွားတဲ့တရားတော်ကို
နားလည်တဲ့သူက ဆယ်ဂဏန်း၊ အလွန်ဆုံးရှိလှ ရာဂဏန်းလောက်ပဲ ရှိမယ်။
တချို့က လူကသာ တရားဟောမဏ္ဍပ် (ဓမ္မာရုံ) ထဲရောက်နေတာ၊
စိတ်က အိမ်ပြန်ရောက်ချင်ရောက်နေကြတာ။
ဒီလိုစိတ်တွေက ပျံ့လွှင့်နေတော့ ဘုန်းကြီးဟောလိုက်တဲ့တရားတော်ကို
အပြည့်အ၀ နားမလည်တော့ဘူးပေါ့။

ဒါ့ကြောင့် တရားတော်ကို နားလည်တဲ့သူကလည်း တွေ့ရခဲတယ်တဲ့။
ဒါက အပေါ်ယံနားလည်မှုကိုပြောတာပါ။

ဒီထက်နက်နက်နဲနဲပြောရရင်တော့
မိမိတို့ရဲ့ ခန္ဓာငါးပါး ရုပ်နာမ်တရားတွေရဲ့
မမြဲမှု အနိစ္စ၊ ဆင်းရဲမှု ဒုက္ခ၊ အစိုးမရမှု အနတ္တသဘောဆိုတဲ့
လက္ခဏာရေးသုံးမျိုးကို သိတဲ့သူ နားလည်တဲ့သူ တွေ့ရခဲတယ်ပေါ။
ထား။

နံပါတ် (၄) က တရားတော်တွေကို ဟောပြပေးမည့်သူလည်း ရှိတယ်။
ဟောလည်း ဟောပြပေးတယ်။
တရားနာတဲ့သူက နားလည်း နားလည်တယ်။ သိလည်း သိတယ်။

သို့တစေ
နားလည်တဲ့အတိုင်း သိတဲ့အတိုင်း
လိုက်နာကျင့်သုံးတဲ့သူကိုလည်း ဒီလောကကြီးထဲမှာ တွေ့ရခဲတယ်တဲ့။

ဟုတ်တယ်။
တချို့ နားလည်ကြပါတယ်၊ သိကြပါတယ်။
နားလည်တဲ့အတိုင်း သိတဲ့အတိုင်း လိုက်နာကျင့်သုံးမှုတော့ မရှိကြဘူး။


ဗုဒ္ဓစာပေမှာ ဒီလိုလာပါတယ်။
(၁) သူတစ်ပါး အသက်ကို သတ်ဖြတ်ခဲ့သူများသည် အသက်တိုခြင်း ၊
(၂) သူတစ်ပါးကို နှိပ်စက် ညှဉ်းဆဲခဲ့သူများသည် ရောဂါများ ဖြစ်တတ်ခြင်း ၊
(၃) ဒေါသအမျက် ကြီးသူများသည် ရုပ်ဆိုးအကျည်းတန်ခြင်း ၊
(၄) မိမိထက် စည်းစိမ်ဥစ္စာ ရာထူး စသည် သာသူများအပေါ် မနာလိုစိတ် မွေးကြသူများသည် ချစ်ခင် နှစ်သက်ဝန်းရံသူ အခြွေအရံ မရှိနည်းပါးခြင်း၊
(၅) ပစ္စည်းဥစ္စာများကို တွန့်တိုနှမျောသဖြင့်
စွန့်ကြဲပေးကမ်း လှူဒါန်းခြင်း မပြုခဲ့သူများသည် ဆင်းရဲချို့တဲ့ခြင်း ၊
(၆) မာနကြီးပြီး ဂါရ၀တရား (ရိုသေထိုက်သူကို ရိုသေခြင်း) ၊
နိဝါတ တရား (မိမိကိုယ်ကို နှိမ့်ချခြင်း) မရှိသူများသည် ယုတ်နိမ့်သော အမျိုး၌ ဖြစ်ရခြင်း ၊
(၇) မိမိ မသိမတတ်သည်များကို ပညာရှိများထံ ချဉ်းကပ်မေးမြန်း၍ ဘ၀အဆက်ဆက်
ပညာပါရမီ ဖြည့်ဆည်းခဲ့ခြင်း မရှိသူများသည် ဥာဏ်ထိုင်း အသိပညာနည်းခြင်း ဖြစ်တတ်တယ်တဲ့။

ဒီသဘောတွေကို ဘုန်းကြီးတွေ ပြောပြ ဟောပြလေ့ရှိပါတယ်။
လူတွေကလည်း နာယူမှတ်သားလေ့ ရှိပါတယ်။
နားလည်း လည်ကြပါတယ်။

ဒါပေမဲ့
ခန္ဓာကိုယ်ပေါ် ခြင်လားနား ရိုက်လိုက်တာပဲ။
အရက်ဝိုင်းတွေ့ သောက်လိုက်တာပဲ။
ဖဲဝိုင်းတွေ့ ရိုက်လိုက်တာပဲ။
နားလည်ပေမဲ့ သိပေမဲ့ မလိုက်နာ မကျင့်သုံးကြဘူး။

ဒါ့ကြောင့် နားလည်ပေမဲ့ သိပေမဲ့ နားလည်သည့်အတိုင်း သိသည့်အတိုင်း
လိုက်နာကျင့်သုံးတဲ့သူကို တွေ့ရခဲတယ်လို့ ဘုရားရှင်က ဟောကြားခဲ့တာပါ။
နားလည်သည့်အတိုင်း လိုက်နာကျင့်သုံးတဲ့သူ ရှားတယ်လို့ ဆိုလိုတယ်ပေါ့။

Sunday, March 27, 2011

ဖိတ်ကြားအပ်ပါသည်။


မြန်မာနှစ်ကူးအတွက် အားလုံးကို ဖိတ်ပါတယ်။


၁၁ ကြိမ်မြောက် ဗုဒ္ဓပူဇနိယပွဲတော်ကြီးကိုလည်း
ခြိမ့်ခြိမ့်သဲ ကျင်းပမှာဖြစ်ပါတယ်။

Saturday, March 26, 2011

ရတနာ (၂)


အိန္ဒိယ ဝေသာလီတ၀ိုက်က ကုလားတွေ စုရုံးစုရုံးနဲ့
ရတနာငါးမျိုးအကြောင်းပြောဆိုနေတုန်း ဘုရားရှင်ရောက်သွားပါတယ်။

သူတို့ပြောဆိုနေတာတွေကို ဘုရားရှင်သိတော့
“မင်းတို့ပြောနေတဲ့ ဆင်တွေ မြင်းတွေက တကယ့်ရတနာအစစ်မဟုတ်ဘူး၊
ရွှေ ငွေ ကျောက်သံ ပတ္တမြားတွေကလဲ တကယ့်ရတနာ ဘယ်ဟုတ်ရမတုန်း၊
သူဌေးဆိုတာကလဲ အလကားပါ။ မိန်းမများ ရတနာတဲ့၊ အံ့ပါရဲ့၊
တကယ့်ရတနာအစစ်က ဒါတွေကွ” ဆိုပြီး ဆက်လက်ရှင်းပြပါတယ်။

ဘုရားရှင်ရှင်းပြတဲ့ ရခဲတဲ့ ရတနာငါးမျိုးထဲမှာ
နံပါတ်(၁) ရတနာက ဘုရားဖြစ်တယ်။
လောကကြီးထဲမှာ ဘုရားရှင် တစ်ဆူနဲ့တစ်ဆူ ပွင့်ထွန်းပေါ်ပေါက်ဖို့
အင်မတန်ခဲရင်းတဲ့အတွက် ဘုရားရှင်ဟာ ရတနာဖြစ်တယ်။
ဘုရားရတနာဖြစ်တယ်။

ဘုရားရှင်ပွင့်ထွန်းပေါ်ပေါက်ဖို့ ဘယ်လောက်ကြာအောင် စောင့်ရတယ်၊
ဘယ်လောက်ကြာအောင် ပါရမီဖြည့်ကျင့်ရတယ်ဆိုတာ အားလုံးသိပြီးသားဖြစ်လို့
ရှင်းပြဖွယ်မလိုတော့ဘူး။

နံပါတ် (၂) ရတနာက
ဘုရားရှင်ရဲ့ တရားတော်တွေကို တရားတော်အတိုင်း
ပြန်လည်ဟောကြားပေးမည့်သူဖြစ်တယ်။
ဒီလိုလူကလည်း တွေ့ရခဲတယ်တဲ့။

စဉ်းစားကြည့်လိုက်ရင်
ဘုရားရှင်ရဲ့ တရားတော်တွေကို တရားတော်အတိုင်း ပြန်လည်ဟောကြားပေးတဲ့သူ ဆိုတာ
ဘုန်းကြီးတွေပဲ။

ဆိုတော့ မေးစရာရှိတာပေါ့။
“အရှင်ဘုရားကလဲ၊ ဘုန်းကြီးတွေ ပေါမှပေါ၊
ဒါ့ကြောင့် အရှင်ဘုရားပြောတယ်။ (တွေ့) ရခဲမှ ရတနာ တဲ့။
နေ့တိုင်းတွေ့နေရတဲ့ ဒီဘုန်းကြီးတွေကို ဘယ်လိုလုပ်
ရတနာစာရင်းထဲ ထည့်ထားရတာလဲ” လို့။

ဘုန်းကြီးပေါတာတော့ ဟုတ်ပါတယ်။
တရားဟောတဲ့ဘုန်းကြီးတွေ ပေါတာလဲ ဟုတ်ပါတယ်။
ဒါပေမဲ့ ဘုရားရှင်ဟောကြားတော်မူခဲ့တဲ့တရားတော်တွေကို တရားတော်အတိုင်း
တိတိကျကျ မှန်မှန်ကန်ကန် ဟောကြားပေးတဲ့ ဘုန်းကြီးကို
တွေ့ရခဲတယ်လို့ ပြောတာပါ။

ဒီလိုဘုန်းကြီးမျိုးမှ ရတနာနဲ့ တွဲစပ်ပြီး ဘုန်းကြီးရတနာလို့ ခေါ်ရမှာပါ။
ဒီလို မဟုတ်ရင် ဘုန်းကြီးတော့ ဘုန်းကြီးပဲ။ ဘုန်းကြီးရတနာ မဟုတ်ဘူးပေါ့။

သိပြီးဖြစ်တဲ့အတိုင်း တရားဟောဘုန်းကြီးတွေ အများကြီးပဲ။
တရားဟောပလ္လင်ပေါ်ရောက်တာနဲ့ သူပြောချင်ရာ စွပ်ပြောတော့တာပဲ။

ကြားဘူးတာလေး ပြောရအုံးမယ်။
တစ်နေရာမှာ ညတရားပွဲတွေ ကျင်းပတယ်တဲ့။
ကြေငြာတာ ကြော်ငြာတာကတော့ အထူးတရားပွဲ တဲ့။

ဘယ်လိုတရားပွဲတွေက ထူးတဲ့ ရှယ်တဲ့ တရားပွဲ၊
ဘယ်လိုတရားပွဲတွေက မထူးတဲ့ မရှယ်တဲ့ တရားပွဲဆိုတာ ခုထိ
ကိုယ်တော့ သဘောမပေါက်သေးဘူး။
ထား။

အဲ့တရားပွဲမှာ တကယ်နာမည်ကြီးတဲ့ဆရာတော်တွေရော၊
သူ့နည်းသူ့ဟာနဲ့ နာမည်ကြီးတဲ့ဆရာတော်တွေရော၊ မျိုးစုံပေါ့။ ဟောကြတာ။
တစ်ညကျတော့ ခပ်ရွှင်ရွှင် နာမည်အတော်အသင့်ရ
တရားဟောဆရာတော်လေး ပလ္လင်ပေါ်တက်ဟောတာပေါ့။
သီလယူပြီး သူ့တရားပွဲအဖွင့် နှုတ်ခွန်းဆက်စကားက
“ကဲ၊ ပရိသတ်ကြီး၊ မနေ့ညက ဟောသွားတဲ့ဘုန်းကြီးနဲ့
အခုဟောမဲ့ဘုန်းကြီး ဘယ်ဘုန်းကြီးက ပိုချောသတုန်း “ တဲ့။
ပရိသတ်တွေကလဲ ပြုံးပြုံး ပြုံးပြုံးနဲ့တဲ့။
ဒါမျိုးပြောတဲ့ ဟောတဲ့ဘုန်းကြီးတွေကို သဘောကျနေဟန်တူပါရဲ့၊
ဒီလိုဟောနေတဲ့ဘုန်းကြီးမျိုးကတော့ (တွေ့) ရခဲတဲ့ဘုန်းကြီး
ဘုန်းကြီးရတနာလို့ ပြောဘို့ ခက်မယ်ထင်ပါတယ်။

ဒါ့ကြောင့် နာမည်ကြီးတရားဟောဆရာတော်ကြီးတစ်ပါးက
သူ့တပည့်တရားဟောနေတဲ့ ဦးဇင်းငယ်တွေကို
“တရားဟောပလ္လင်ပေါ်တက်ရင် ပလ္လင်နဲ့ ထိုက်တန်တဲ့စကားကို ပြောဆိုရမယ်”လို့
ဆုံးမလေ့ရှိသတဲ့။
အတော်မှတ်သားစရာကောင်းပါတယ်။
တွေးရင် တွေးသလောက် လေးနက်မှုရှိပါတယ်။

ဘုန်းကြီးတွေ ပေါများတာနဲ့ စပ်လို့
နိုင်ငံရပ်ခြားမှာ နှစ်ပေါင်းမြောက်များစွာသီတင်းသုံးသာသနာပြုနေတဲ့
ပီနန်ဆရာတော်ကြီးရဲ့ စကားတစ်ခွန်းကလဲ အတော်ထိတယ်။

အရင်တုန်းကတော့ နိုင်ငံရပ်ခြားမှာ ဗမာဘုန်းကြီး နှစ်ပါး သုံးပါးလောက်သာ ရှိတာမို့လား။
ဒီတော့ ဘုန်းကြီးရဟန်းတွေနဲ့ ကင်းပြီး မနေနိုင်တဲ့ ဗုဒ္ဓဘာသာမြန်မာလူမျိုးတွေက
ပီနန်ဆရာတော်ကြီးကို
“ဗမာဘုန်းကြီးကလဲ ရှားပါလိုက်တာဘုရား၊ မူးလို့တောင် ရှူစရာမရှိတော့ဘူး”
လို့လျှောက်ကြသတဲ့။

အခု ၁၀ စုနှစ်အတောအတွင်း နိုင်ငံအသီးသီးမှာ
ဘုန်းကြီးရဟန်းများရောက်ကုန်ကြပါပြီ။
အမေရိကကိုပဲ ကြည့်မလား၊ အင်္ဂလန်ကိုပဲ ကြည့်မလား၊
အိမ်နီးချင်းနိုင်ငံများဖြစ်ကြတဲ့ မလေးရှား၊ စင်္ကာပူ၊ ထိုင်း စတဲ့နိုင်ငံတွေကိုပဲ ကြည့်မလား။
ပေါမှပေါ။ ဘုန်းကြီးတွေ။

ဒီတော့ အခန်းအနားတစ်ခုမှာ ပီနန်ဆရာတော်ကြီးက အမိန့်ရှိတယ်။
“လွန်ခဲ့တဲ့ ၁၀ နှစ်ဝန်းကျင်တုန်းကတော့ နိုင်ငံရပ်ခြားမှာ
ဗမာဘုန်းကြီးတွေ မူးလို့တောင် ရှူစရာမရှိဘူး။
အခုများတော့ ရှူရလွန်းလို့ လူတွေ မူးတောင် မူးကုန်ပြီ” တဲ့။

ဘယ်လိုပဲဖြစ်ဖြစ်လေ၊
နံပါတ် (၂) ဖြစ်တဲ့ ဘုရားရှင်ဟောကြားတော်မူခဲ့တဲ့တရားတော်များကို
တရားတော်အတိုင်း ပြန်လည်ဟောကြားပေးနိုင်တဲ့သူဖြစ်အောင်
တနည်းအားဖြင့် ဘုန်းကြီးရတနာဖြစ်အောင်
တနည်းအားဖြင့် ဘုန်းကြီးပေါ မဖြစ်အောင်တော့ ကြိုးစားရမှာပ။

Friday, March 25, 2011

ရတနာ (၁)


ရခဲတဲ့ မြတ်နိုးဖွယ်ကောင်းတဲ့ တန်ဘိုးရှိတဲ့အရာကို ရတနာတဲ့။
ရခဲမှ ရတနာ၊ သိခဲမှ ပညာဆိုတဲ့ မြန်မာအဆိုအမိန့်က
ရတနာဆိုတဲ့အဓိပ္ပါယ်ကို ထင်လင်းစေတယ်။
စိန် ရွှေ ငွေ ကျောက်သံ ပတ္တမြား စတာတွေဟာ
လွယ်လွယ်ကူကူနဲ့ မရနိုင်လို့ ရဘို့ရန် ရခဲလို့ ရတနာပစ္စည်းလို့ ခေါ်ကြတယ်။

ဒါ့ကြောင့် ဗမာလူမျိုးတစ်ယောက်ယောက်ကို
ရတနာ လို့ ပြောလိုက်တာနဲ့ သူတို့ရဲ့ အတွေးအာရုံထဲမှာ
စိန် ရွှေ ငွေ ကျောက်သံ ပတ္တမြားတွေ မြင်ရောင်လာတော့တာဘဲ။

ရတနာနဲ့ပတ်သက်လို
လွန်ခဲ့တဲ့နှစ်ပေါင်း ၂၆၀၀ ၀န်းကျင် အိန္ဒိယနိုင်ငံ
ဝေသာလီတ၀ိုက်က ကုလားတွေ ဆွေးနွေးခဲ့ဘူးတယ်။

သူတို့ဆွေးနွေးတာက
ရခဲတဲ့ မြတ်နိုးဖွယ်ကောင်းတဲ့ တန်ဘိုးရှိတဲ့ ရတနာငါးမျိုးရှိတယ်တဲ့။

နံပါတ် (၁) က ဆင်ရတနာ
ရတနာ ဆိုတာက ရခဲတာ၊ မြတ်နိုးဖွယ်ရှိတာ၊ တန်ဘိုးကြီးတာ။
ဆင်ရတနာ ဆိုတော့ တန်ဘိုးကြီးတဲ့ဆင်။
ရိုးရိုးဆင်မဟုတ်ဘူး။ တော်တဲ့ ကောင်းတဲ့ဆင်။
ရှေးတုန်းက စစ်တိုက်ရာမှာ တော်တဲ့ တတ်တဲ့ စစ်ရေးကျွမ်းကျင်ပါးနပ်တဲ့
တန်ဘိုးကြီးတဲ့ဆင် လိုအပ်မှာအမှန်ပဲ။
ဒီလိုဆင်မျိုးက ရခဲလို့ ဆင်ရတနာလို့ ကုလားတွေ ပြောကြတာနေမှာ။

နံပါတ် (၂) က မြင်းရတနာတဲ့။ ဆင်ရတနာနဲ့ သဘောသွား အတူတူပါဘဲ။

နံတ် (၃) ရတနာကတော့
ဗမာလူမျိုးတွေ ရခဲတယ်၊ မြတ်နိုးဖွယ်ဖြစ်တယ်၊ တန်ဘိုးကြီးတယ်လို့ယူဆထားတဲ့
ရွှေ ငွေ ကျောက်သံ ပတ္တမြားတွေပါဘဲ။ ရှင်းပြဖွယ်မလိုတော့ဘူး။

နံပါတ် (၄) ရတနာက မိန်းမတဲ့။ မိန်းမရတနာပေါ့။
မိန်းမကလည်း ရိုးရိုးမိန်းမတော့ မဟုတ်ဘူး။
လွယ်လွယ်ကူကူနဲ့ ရတဲ့မိန်းမ မဟုတ်ဘူး။
ရခဲတဲ့မိန်းမ။ မိန်းမရတနာ။

နောက်ဆုံး နံပါတ် (၅) ရတနာက သူဌေးရတနာတဲ့။
ငွေချမ်းသာ၊ ရွှေချမ်းသာတဲ့သူကိုလည်း
သူဌေးရတနာလို့ ကုလားတွေက ပြောတယ်။

ဒါတွေက ကုလားတွေ စားပွဲဝိုင်းထိုင် ခေါင်းချင်းဆိုင် ဆွေးနွေးပြီး သတ်မှတ်ထားတဲ့ရတနာငါးမျိုးပဲ။

ဒီရတနာငါးမျိုးထဲမှာ ဆင်ရတနာဆိုတာ သူ့ခေတ်သူ့အခါက လိုအပ်နေတော့
ကောင်းပေ့ညွန့်ပေ့ တော်ပေ့တတ်ပေ့ဆိုတဲ့ ဆင်ကို
ရတနာဆိုတဲ့စကားလုံးနဲ့တွဲပြီး ဆင်ရတနာလို့ ခေါ်တာ နားလည်လို့ရပါတယ်။
မြင်းရတနာလည်း ထို့အတူပဲ။
ရွှေငွေ ကျောက်သံ ပတ္တမြားတွေကလည်း တန်ဘိုးရှိတော့ ရတနာတွေပေါ့။
နောက်ဆုံး ပိုက်ဆံချမ်းသာတဲ့သူဌေးသူကြွယ်ကို
ရတနာနဲ့တွဲပြီး သူဌေးရတနာလို့ခေါ်တာလည်း နားလည်လို့ရပါတယ်။

ဘာပြုလို့ မိန်းမကို ရတနာ (မိန်းမရတနာ) လို့ ကုလားတွေ သတ်မှတ်ကြတယ် မသိပါဘူး။

ဘယ်လိုပဲဖြစ်ဖြစ်ပေါ့လေ၊ ဒီငါးမျိုးကို ရတနာငါးမျိုးလို့
လွန်ခဲ့တဲ့နှစ်ပေါင်း ၂၆၀၀ က အိန္ဒိယဒေသက ကုလားတွေ သတ်မှတ်ခဲ့ကြတယ်။

အရာဝတ္ထုတစ်ခုကို ဒီလိုမျိုး သတ်မှတ်ပြဌာန်းတဲ့နေရာမှာ
(၁) အချိန်ကာလ အရ
(၂) အရပ်ဒေသ အရ
မတူညီနိုင်ဘူး။ ကွဲပြားနိုင်တယ်။

လွန်ခဲ့တဲ့နှစ်ပေါင်း ၂၆၀၀ ကျော်က ကုလားတွေက
တန်ဘိုးကြီး ဆင်၊ မြင်းတွေကို ရတနာလို့ သတ်မှတ်ခဲ့ပေမဲ့
ဒီနေ့ခေတ် ၂၁ ရာစု ကုလားတွေ သတ်မှတ်နိုင်မယ် မထင်တော့ဘူး။
ဆင်တွေ မြင်းတွေဟာ ဟိုတုန်းက စစ်တိုက်ဖို့ ခရီးသွားဖို့ အသုံးဝင်ချင် ၀င်မယ်။
ဒီနေ့က ဆင်တွေနဲ့ မြင်းတွေနဲ့ ခရီးသွားရတဲ့ခေတ်လည်း မဟုတ်တော့ဘူး။

ထို့အတူပဲ။
အင်မတန်ကိုယ်လုံးကိုယ်ပေါက်ပြေပြစ်ချောမောလှပတဲ့ မိန်းမကို
သူတို့ခေတ် သူတို့အခါက မိန်းမရတနာလို့ ပြောပေမဲ့
ဒီနေ့ခေတ်တော့ ဟုတ်ချင်မှ ဟုတ်တော့မှာ။။

အဲ့ဒီခေတ် တစ်ချိန်တည်းကတောင်မှ
ဆင်၊ မြင်း၊ မိန်းမ စတာတွေကို ကုလားတွေက ရတနာစာရင်းထဲ ထည့်ထားပေမဲ့
တရုတ်တွေက ထည့်ချင်မှ ထည့်မှာ။

အရပ်ဒေသမတူရင် တန်ဘိုးထားမှုလည်း ကွဲပြားနိုင်တယ်။

ဒါနဲ့စပ်လို့ သီဟိုဠ် (သီရိလင်္ကာ) နိုင်ငံရောက်တုန်းက
အဖြစ်အပျက်လေးကို သတိရမိတယ်။

ဘုန်းကြီးတွေအနေနဲ့ လိုက်နာကျင့်သုံးရမဲ့ဝိနည်းသီလသိက္ခာပုဒ်က ၂၂၇ ခုရှိတယ်။
အဲ့ထဲမှာ သင်္ကန်းကို အ၀န်းညီစွာ (ညီညီညာညာ) ၀တ်ရုံရမည် ဆိုတဲ့
သီလသိက္ခာပုဒ်ပါတယ်။
ဒီသီလသိက္ခာပုဒ်နဲ့ပတ်သက်ပြီး မြန်မာပြည်က ဆရာတော်သံဃာတော်အများစု
လက်ခံကျင့်သုံးတာက
သင်းပိုင်လို့ခေါ်တဲ့ အောက်ပိုင်းဝတ် အောက်ခံဝတ်သင်္ကန်းကို
ဒူးအောက်လက်ရှစ်သစ်ထားပြီး ၀ိုင်းဝန်းညီညာအောင်ပြုလုပ်ကာ ၀တ်ဆင်ရမည်။
ဧကသီသင်္ကန်းလို့ခေါ်တဲ့ အပေါ်ရုံသင်္ကန်းကို ဒူးအောက် လက်လေးသစ်ထားပြီး
ဝိုင်းဝန်းညီညာအောင်ပြုလုပ်ကာ ၀တ်ဆင်ရမည် တဲ့။

သီဟိုဠ်နိုင်ငံရောက်လို့ သီဟိုဠ်သံဃာတော်များကို ကြည့်လိုက်တော့
မြို့ထဲသွားတဲ့အခါမှာဖြစ်စေ၊ ကျောင်းတွင်း နေနေတဲ့အခါမှာဖြစ်စေ
သူတို့ရဲ့သင်္ကန်းက ခြေမျက်စိ ဖုံးတဲ့အထိ ချဝတ်လေ့ရှိတယ်။

ဒါကို ၀ိနည်းနဲ့အညီ
ဒူးအောက် လက်ရှစ်သစ်၊ လက်လေးသစ် ညီညီညာညာဝတ်ဖို့
သီဟိုဠ်ကုလားဦးဇင်းတစ်ပါးကို ပြောကြည့်တယ်။

သူက
ဗမာဘုန်းကြီးတွေ သင်္ကန်းဝတ်တာ တိုလွန်းကြောင်း၊
တိုနှံ့နှံ့ မ၀တ်သင့်ကြောင်း၊ ခြေသလုံးသားပေါ်အောင် မ၀တ်သင့်ကြောင်း၊
ခြေမျက်စိဖုံးမိအောင် ၀တ်သင့်ကြောင်း၊
ဒါမှ ၀ိနည်းနဲ့ညီကြောင်း၊
ခြေသလုံးသားပေါ်နေရင် မိန်းမကလေးတွေမြင်တဲ့အခါ
ရာဂစိတ်ထကြွနိုင်ကြောင်း၊ sexy ဖြစ်ကြောင်း ပြန်ပြောပါတော့တယ်။
ဒါလဲ ဟုတ်ပေသားပဲ။

သူတို့နိုင်ငံက ကုလားမတွေက ယောက်ကျားသားတွေရဲ့ ခြေသလုံးသားမြင်ရင်
လိင်ကိစ္စထကြွတယ်ဆိုဘဲ။
သူ့အလိုအရ သူ့နိုင်ငံစိတ်စရိုက်အရ
သူတို့နိုင်ငံကို သွားပြီး ပညာသင်တဲ့ မြန်မာရဟန်းတော်များ
သင်္ကန်းဝတ်တဲ့အခါ ဒူးအောက် လက်ရှစ်သစ်၊ လက်လေးသစ်မက
ခြေမျက်စိဖုံးအုပ်သည်အထိဝတ်သင့်ပါတယ်။
ခြေသလုံးသား လုံခြုံအောင် ဖုံးအုပ်ထားသင့်ပါတယ်။

ဟိုတလောက အမေရိကရောက်မြန်မာရဟန်းတော်များ
ကားကို ကိုယ်တိုင်မောင်းပြီး ကြွချီနေတာ အာပတ်သင့်၊ မသင့် မေးပါတယ်။
ကားကိုယ်တိုင်မောင်းသွားသောရဟန်း အာပတ်အပြစ်သင့်စေ လို့
ဘုရားရှင် ဥပဒေမထုတ်ခဲ့ပါဘူး။ ဘုရားရှင်လက်ထက် ကားမှ မရှိသေးတာ။

အဲ ဒါပေမဲ့
ဝိနည်းသဘောက မကြည်ညိုသေးတဲ့သူ ကြည်ညိုအောင်၊
ကြည်ညိုပြီးသားသူ ပိုပြီးကြည်ညိုအောင် ကျင့်ဆောင်ရမှာ။

နောက်ပြီးတော့
ဘုရားရှင်ရဲ့ ၀ိနည်းတော်ဥပဒေတွေကို ပညတ်ရခြင်းရဲ့ ရည်ရွယ်ချက်က
ရဟန်းတော်များအနေနဲ့ မိမိတို့မှီခိုပြီးနေနေတဲ့ လူ့အဖွဲ့အစည်းက လက်မခံတဲ့အပြုအမူမျိုးကို
မလုပ်ရပါဘူး။ မလုပ်သင့်ပါဘူး ရှောင်ကြဉ်ရပါမယ်။

ဆိုတော့
ရဟန်းတော်များ မှီခိုနေတဲ့ အမေရိကမှာရောက်နေတဲ့ ဗုဒ္ဓဘာသာ လူ့အဖွဲ့အစည်းက
ရဟန်းတော်များ ကားမောင်းတာကို အပြစ်မမြင်ဘူး၊ အပြစ်လို့ မယူဆဘူး၊
အကြည်ညိုမပျက်ဘူးဆိုရင်
ရဟန်းတော်များ ကားမောင်းတာ ပြဿနာမဟုတ်ပါဘူး။

မြန်မာပြည်မှာတော့ ရဟန်းတော်များ ကားကို ကိုယ်တိုင်မောင်းရင်
နှာခေါင်း ရှုံ့ကြတယ်။ အပြစ်မြင်ကြတယ်။ မကြည်ညိုဘူး။
ဒီတော့ မြန်မာနိုင်ငံက ရဟန်းတော်များအနေနဲ့
(လောလောဆယ်) ကားကိုယ်တိုင်မမောင်းသင့်သေးပါဘူး။

ချုပ်လိုက်ရင်
ရဟန်းတော်များအနေနဲ့ ကိုယ်မှီခိုနေတဲ့အဖွဲ့အစည်း အသိုင်းအ၀န်း
အကြည်ညိုပျက်အောင် အမြင်ကပ်အောင် မနေနဲ့။
ဆွမ်းငတ်တတ်တယ် လို့ နားလည်မိပါတယ်။

ဓာတ်ပုံကို 
http://www.shwelayaung.co.cc/index.php?limitstart=4 က ယူပါတယ်။

Thursday, March 24, 2011

စံပြအလုပ်အကျွေး

 007 ဇာတ်ဝင်ခန်းတစ်ခန်းရိုက်ခဲ့တဲ့ဟော်တယ်ကြီးတစ်ခုလို့ ပြောတာပဲ။

ညီအစ်ကို (၇) ယောက်
၁။ သုဒ္ဓေါဒန
၂။ ဓတောဒန
၃။ သက္ကောဒန
၎။ သုက္ကောဒန
၅။ အမိတောဒန
၆။ အမိတ
၇။ ပမိတာ

နံပါတ် (၁) အစ်ကိုအကြီးဆုံး သုဒ္ဓေါဒန ဆိုတာက
မြတ်စွာဘုရားရဲ့ အဖေ။
နံပါတ် (၅) အမိတောဒန ဆိုတာက
ရှင်အာနန္ဒာရဲ့ အဖေ။
ဆိုတော့ မြတ်စွာဘုရားနဲ့ ရှင်အာနန္ဒာ တို့က ညီအစ်ကို တစ်ဝမ်းကွဲ။
မြတ်စွာဘုရားနဲ့ ရှင်အာနန္ဒာတို့က သက်တူရွယ်တူတွေ။
ဖွားဖက်တော်လို့ စာပေကဆိုတယ်။

မြတ်စွာဘုရား ဘုရားအဖြစ်ကို ရောက်ပြီး (၂) နှစ်မြောက်မှာ
ရှင်အာနန္ဒာ သာသနာဘောင်ဝင်ရောက်လာတယ်။ ဘုန်းကြီးဝတ်လာတယ်ပေါ့။
မြတ်စွာဘုရား ဘုရားအဖြစ်သို့ရောက်ရှိတာက အသက် (၃၅) နှစ်အရွယ်ဆိုတော့
မြတ်စွာဘုရားအသက် (၃၆) နှစ်ဖြစ်တဲ့
ဘုရားဖြစ်ပြီး (၂) နှစ်မြောက်မှာ
သက်တူရွယ်တူ (ဖွားဖက်တော်) ရှင်အာနန္ဒာ
သာသနာ့ဘောင်ဝတ်ရောက်လာတယ်လို့ ဆိုရမယ်။

လူလည်း လူ့အလျှောက်၊ ဘုန်းကြီးလည်း ဘုန်းကြီးအလျှောက်
မြတ်စွာဘုရားလည်း မြတ်စွာဘုရားအလျှောက်
အသက်အရွယ်ရလာရင် အနီးကပ် သတ်သတ်မှတ်မှတ် ပြုစုလုပ်ကျွေးမဲ့သူ
လိုအပ်တာ့ အမှန်ပဲ။

မြတ်စွာဘုရား ငယ်စဉ်တုန်းကတော့
သွားလိုတဲ့နေရာကို သွားပြီး ဟောလိုတဲ့တရားကို အေးအေးဆေးဆေးဟောကြားကာ
ရောက်တဲ့အရပ်က ဒကာ ဒကာမတွေ၊ ရဟန်းသံဃာတွေ ပြုစုလုပ်ကျွေးတာနဲ့ အဆင်ပြေနေတာပဲ။

မြတ်စွာဘုရားကို အနီးကပ် ပြုစုလုပ်ကျွေးတဲ့ ရဟန်းတော်အချို့ ရှိခဲ့ပါရဲ့။ ခဏပဲ။
ကြာလာတော့ မြတ်စွာဘုရား ပြောစကားနားမထောင်ဘူး။
မြတ်စွာဘုရားကို အလုပ်အကျွေးပြုဘူးတဲ့ရဟန်းတစ်ပါးဆို
အဲဒီအရပ်ကို မသွားပါနဲ့လို့ တားနေတဲ့ကြားက ထွက်သွားပြီး
ပြဿနာတက်ကာ
မြတ်စွာဘုရားထံမှ လစ်ထွက်သွားတယ်။
ဆိုတော့ မြတ်စွာဘုရားကို အနီးကပ်အလုပ်အကျွေးပြုစုဘူးတဲ့ရဟန်းတော် ခပ်များများဟာ
ခေတ်စကားနဲ့ပြောရရင်
မြတ်စွာဘုရားရဲ့ အထာကို မနပ်ကြဘူး။

ဒီလိုနဲ့
သက်တော် (၅၅) နှစ် ၀ါတော် (၂၀) ရသည့်တိုင်အောင်
မြတ်စွာဘုရားမှာ သတ်သတ်မှတ်မှတ် အနီးကပ် အမြဲတမ်း ပြုစုလုပ်ကျွေးမဲ့သူ မရှိခဲ့ဘူး။
သက်တော် ၅၅ နှစ် ၀ါတော် (၂၀) အရွယ်ရောက်တော့
မြတ်စွာဘုရားက ရဟန်းတွေကို စုဝေးစေပြီး
ရဟန်းတို့၊
ငါ အရွယ်ရလာပြီ။
ငါ့ကိုယ် အနီးကပ် အမြဲတမ်း ပြုစုစောင့်ရှောက်လုပ်ကျွေးနိုင်မဲ့ ရဟန်းတော်တစ်ပါးလိုအပ်တယ်။`
ငါ့အထာကို သိတဲ့
ငါ့ကို အမြဲတမ်း အနီးကပ် ပြုစုစောင့်ရှောက်လုပ်ကျွေးနိုင်မဲ့
ရဟန်းတစ်ပါးကို ရွေးချယ်ကြ -
လို့ မိန့်တော်မူပါတယ်။

ဒီတော့ ရှင်အာနန္ဒာ ကလွဲလို့
မြတ်စွာဘုရားရဲ့ ညာလက်ရုံး ဘယ်လက်ရုံးတွေဖြစ်ကြတဲ့
ရှင်သာရိပုတ္တရာ၊ ရှင်မဟာမောဂ္ဂလာန်တို့ကအစ
စုဝေးရောက်ရှိလာတဲ့ ရဟန်းသံဃာအားလုံး
တပည့်တော်တို့ အနီးကပ်ပြုစုလုပ်ကျွေးပါရစေလို့
အလုအယက်လျှောက်ကြတာပေါ့။
လျှောက်ထားသမျှ ရဟန်းသံဃာတွေ
မြတ်စွာဘုရားရဲ့ Reject နဲ့ တိုးတော့တာပဲ။

နောက်ဆုံးတော့ သံဃာကြားထဲ ခေါင်းကြီးစိုက်ပြီး ငြိမ်နေတဲ့ ရှင်အာနန္ဒာကြီးကို
ဝိုင်းတိုက်တွန်းရတော့တာပေါ့။

တိုက်တွန်းတော့ ရှင်အာနန္ဒာကြီး ဘာပြောတယ်ထင်တုန်း။
မြတ်စွာဘုရားရှင်အနေနဲ့ တပည့်တော်တောင်းဆိုတဲ့အချက် (၈) ချက်ကို လိုက်လျောပေးနိုင်မှသာ
အလုပ်အကျွေးလုပ်နိုင်မည်ဖြစ်ကြောင်းလျှောက်ကြားတယ်။

ကြည့်စမ်း၊ သူများတွေ သူ့ထက်ငါ မြတ်စွာဘုရားကို
အလုပ်အကျွေးလုပ်ချင်လွန်းလို့ အလုအယက်လျှောက်နေတဲ့အချိန် ရှင်အာနန္ဒာကြီးကတော့ အေးဆေးပဲ။
အချက် (၈)ချက်တောင် မြတ်စွာဘုရားဘက်က လိုက်လျှောဘို့ တောင်းဆိုလိုက်သေးတယ်။

လောက လူ့သဘာဝက
ကိုယ့်ဆွေမျိုးထဲက တစ်ယောက်ယောက်များ
ရာထူးကြီးကြီးရရင်
ရာထူးကြီးကြီးရထားထဲ့ အဲ့ဆွေမျိုးကို အမှီပြုပြီး
မြေ၊ အိမ်ယာ၊ တိုက်တာ၊ ဈေးခန်း၊ ကားစသည်များရအောင်
အခွင့်အရေးယူတတ်ကြတာထုံးစံပဲ။

ရှင်အာနန္ဒာကရော?
မြတ်စွာဘုရားဟာ ငါ့အစ်ကိုဝမ်းကွဲပဲ၊ ဒီတစ်ချီတော့ ငါ့အကွက်ဆိုက်ပြီ၊ ငါ့ဆွေမျိုးကောင်းစားတုန်း ငါလဲ တစ်သက်တာဖူလုံအောင် ရိက္ခာရှာလိုက်မဟဲ့၊
ဖွားဘက်တော် နောင်တော်ဘုရားဆီက အခွင့်အရေးရတုန်း တောင်းလိုက်အုံးမဟဲ့ ဆိုတဲ့ အတ္တကိုယ်ကျိုးအတွက် ရှင်အာနန္ဒာကြီးက အဆိုပါ အချက် (၈) ချက်ကို တောင်းဆိုခဲ့တာလား။ မဟုတ်ပါဘူး။

သူတောင်းဆိုခဲ့တာ မြတ်စွာဘုရားအတွက်ပါ။ ရဟန်းသံဃာတော်တွေအတွက်ပါ။
ဗုဒ္ဓဘာသာဝင်တွေအတွက်ပါ။
ရှင်အာနန္ဒာ မြတ်စွာဘုရားရဲ့ အလုပ်အကျွေးဖြစ်ဘို့အတွက် မြတ်စွာဘုရားထံက သူတောင်းဆိုတဲ့ အချက် (၈) ချက်ကို လေ့လာကြည့်ရအောင်။

၁။ မြတ်စွာဘုရား ရရှိလာတဲ့ သင်္ကန်းကို ဘယ်တော့မှ သူ့ကို မပေးရဘူးတဲ့။

၂။ မြတ်စွာဘုရားရဲ့ ဆွမ်းကို သူ့ကို ဘယ်တော့မှ မကျွေးပါနဲ့တဲ့။

၃။ မြတ်စွာဘုရားနေတဲ့ သန့်ရှင်းသပ်ယပ်တဲ့ ကျောင်းတော်အခန်းကို
ဘယ်လိုအကြောင်းပြချက်နဲ့မှ သူ့ကို မနေခိုင်းပါနဲ့ တဲ့။

၎။ မြတ်စွာဘုရားကို ဆွမ်းလှူဘို့ သင်္ကန်းလှူဘို့ စသဖြင့်
ပင့်တဲ့နေရာတွေကို သူ့ကို ဘယ်တော့မှ မခေါ်ပါနဲ့တဲ့။

၅။ သူ့ကို ပင့်တဲ့နေရာတွေကိုတော့ မြတ်စွာဘုရား အမြဲလိုက်ပါပေးရမယ်တဲ့။

၆။ ရပ်ဝေးရပ်နီးမှ မြတ်စွာဘုရားကို ဖူးမျှော်ဘို့ လာကြတဲ့ဧည့်ပရိသတ်တွေကို
မိတ်ဆွေဖွဲ့ခွင့်ပြုပါတဲ့။

၇။ သူ့မှာ တစုံတရာ သံသယရှိလို့ မေးစရာရှိလာလျှင်
ဘယ်အချိန်မဆို မြတ်စွာဘုရားထံလာရောက် လျှောက်ထားခွင့်ပြုပါတဲ့။

၈။ မြတ်စွာဘုရားအနေနဲ့ သူ့မျက်ကွယ် ဘယ်မှာပဲ တရားဟောခဲ့ ဟောခဲ့၊
သူ့ကို ပြန်ဟောပြရမယ်တဲ့။

ရှင်အာနန္ဒာကြီးတောင်းဆိုတဲ့ ဒီအချက် (၈) ချက်ကို ကြည့်ပြီး
ရှင်အာနန္ဒာကြီးကို ကြည်ညိုလိုက်တာ။ အားကျလိုက်တာ။
ဖတ်ရင်းဖတ်ရင်းနဲ့ ၀မ်းသာ သဘောကျလွန်းလို့
နားနားပြီး ဖတ်ရတယ်။

ဒီအချက်တွေထဲက ပထမ (၃) ချက်ကို သေချာဖတ်ပြီး စဉ်းစားကြည့်ရအောင်။
ဘ၀မှာ အရေးအကြီးဆုံးဖြစ်တဲ့ စားဝတ်နေရေးနဲ့ပတ်သက်ပြီး
ရှင်အာနန္ဒာ မြတ်စွာဘုရားနဲ့ မပတ်သက်ချင်ဘူး။
ဘုရားကို အလုပ်အကျွေးပြုစုလို့
ဘုရားရဲ့ ပေးစာ ကမ်းစာ စားရ ၀တ်ရတဲ့ဘ၀မျိုး
ရှင်အာနန္ဒာ မနေလိုဘူး။
ဒါ့အပြင်
ရှင်အာနန္ဒာကြီး
ဘုရားပြုစုလုပ်ကျွေးပြီး ဘုရားပေးစာ ကမ်းစာစားပြီး ကြီးပွါးနေတာပါကွာ။
လူအများပြောမှာကို သူလိုလားဟန်မတူဘူး။

နံပါတ် (၄) တောင်းဆိုချက်ကို ကြည်။
ဘုရားတစ်ပါးတည်းပင့်တာကို ရှင်အာနန္ဒာကြီးက
(လုပ်ကျွေးပြုစုတာကို အကြောင်းပြပြီး)
လိုက်ကပ်စားသောက်နေတာဟေ့ လို့ ပတ်ဝန်းကျင်ကလည်း မြင်လာနိုင်တယ်။
ဒီလိုလဲ သူအမြင်မခံနိုင်ဘူး။

နံပါတ် (၅) တောင်းဆိုချက်ကြတော့
သူ့ကို သူ့ဒကာ ဒကာမတွေက ပင့်ရင်တော့ မြတ်စွာဘုရားပါ လိုက်ပေးရမယ်ဆိုပဲ။
ဘယ်လောက် ဆရာသမားကို ရှေ့တန်းတင်တဲ့ ရှင်အာနန္ဒာကြီးလဲ။
ရှင်အာနန္ဒာတောင်းတဲ့ ပထမအချက် (၅) ချက်ကို နားလည်မိတာပါ။
Cousin Brother ဖွားဖက်တော်ဖြစ်တဲ့ နောင်တော်ဘုရားဆီက
လုံးဝအခွင့်အရေးမယူတတ်တဲ့ ရှင်အာနန္ဒာကြီးကို ကြည့်ပြီး
အလားတူ ဆွေမျိုးတော်စပ်တဲ့
ရှင်ဒေ၀ဒတ်ကြီးကိုလဲ သတိရမိသေးတယ်။

Wednesday, March 23, 2011

ခုတုံး


ရှင်အာနန္ဒာဆိုတဲ့နာမည်ကို ဗုဒ္ဓဘာသာဝင်တိုင်း ရင်းနှီးပြီးသား။
ရှင်အာနန္ဒာဆိုတဲ့ နာမည်ကို ခလေးဘ၀ကတည်းက ရင်းနှီးပြီးသားဆိုပေမဲ့
သူ့ရဲ့ အရုပ် (ရုပ်တု) ကိုတော့ အသက် ၁၇ နှစ်သားအရွယ်
မန္တလေးကို စာမေးပွဲလာဖြေလို့
မန္တလေးတောင်ပေါ်တက်မှ စတွေ့ဘူးတယ်။

မန္တလေးမှာနေတုန်း မန္တလေးတောင်ပေါ်တက်ရင်
လက်ညှိုးထိုး ရပ်တော်မူဘုရား (ဗျာဒိတ်ပေးဘုရား) ကြီး တွေ့ရလိမ့်မယ်။
ရပ်တော်မူဘုရားဘေးက ကျုံ့ကျုံ့လေးထိုင်ပြီး ရပ်တော်မူဘုရားကြီးကို
လက်အုပ်ချီနေတာက ရှင်အာနန္ဒာ။
ဒီရပ်တော်မူဘုရားကြီးနဲ့ရှင်အာနန္ဒာတို့ ရုပ်တုတွေ
မန္တလေးတောင်ပေါ် ဘယ်လို ရောက်လာကြတာတုန်း။

ဇာတ်လမ်းက
မြတ်စွာဘုရားသက်တော်ထင်ရှားရှိစဉ်အခါတုန်းက
မြတ်စွာဘုရားနဲ့အတူ ရှင်အာနန္ဒာတို့
မန္တလေးတောင်ကို ကြွလာကြတယ်တဲ့။

ကြွလာပြီး ရှင်အာနန္ဒာကို တောင်ခြေ လွင်ပြင်ကျယ်ကြီးကို လက်ညှိုးထိုးပြကာ
အာနန္ဒာ၊ ငါဘုရားပရိနိဗ္ဗာန်စံပြီး နောင်နှစ်ပေါင်း ၂၅၀၀ ကြာရင်
ဟိုးနေရာမှာ မင်းတုန်းမင်းဆိုတဲ့ရှင်ဘုရင် ပေါ်ပေါက်လာပြီး
ငါဘုရားသာသနာကို အကြီးအကျယ်ထောက်ပံ့ပြီး
သာသနာတိုးတက် စည်ပင်ပြန့်ပွါးအုံးမယ် လို့
ကြိုတင်ဟောကိန်းထုတ်သတဲ့။
စာစကားနဲ့ပြောရရင် ဗျာဒိတ်ပေးတယ်ပေါ့။

တကယ်တော့
မြတ်စွာဘုရားနဲ့ ရှင်အာနန္ဒာ မန္တးလေးကို တစ်ခါမှ မရောက်ဘူးပါဘူး။
ဒီရပ်တော်မူနဲ့ ရှင်အာနန္ဒာတို့ရုပ်တုကို မြတ်စွာဘုရားပရိနိဗ္ဗာန်စံပြီးတဲ့နောက်
နှစ်ပေါင်း ၂၅၀၀ ခန့်မှာ ပေါ်လာတဲ့ မင်းတုန်းမင်းကြီး
လူလည်ကျပြီး ဖန်တီးထားတာ လို့ပဲ ပြောချင်ပါတယ်။

သူ့ရဲ့ နောင်တော် ခမည်းတော်တို့ ရှင်ဘုရင်လုပ်အုပ်ချုပ်နေတဲ့
ထီးဟောင်း နန်းဟောင်း နေပြည်တော်ဟောင်းမှာ
နေချင်စိတ်ကုန်လို့
နေရာကောင်းလိုက်ရှာရင်း
မန္တလေးတောင်ခြေက ပျံ့ပျူးသာယာတဲ့မြေပြင်ကြီးကို ကြည့်ပြီး
သရေ (သွားရေ) ကျမိတာက စတာပါ။

ရှင်ဘုရင့်တို့ရဲ့ ရူးသွပ်မှုသဘာဝအရ
ဘုရင်မင်းတုန်းလဲ ဘုရင်ထဲက ဘုရင်တစ်ပါးဆိုတော့
ထီးဟောင်း နန်းဟောင်း နေပြည်တောဟောင်းမှာ နေလိုတဲ့ဆန္ဒမရှိတော့တဲ့အချိန်။
ငါဘုရင်ဖြစ်သခိုက် ငါလဲ ထီးသစ် နန်းသစ် နေပြည်တော်သစ်တည်ထောင်ပြီးနေရရင်
ပိုကောင်းမယ်လို့ မင်းတုန်းမင်း ယူဆမိဟန်တူပါရဲ့။

ထီးသစ် နန်းသစ် နေပြည်တော်သစ်တည်ထောင်ဘို့ဆိုတာလဲ
အတွေးလွယ်သလောက် အရေးကျ အတော်ခက်သား။

တိုင်းသားပြည်သူ လူအများတို့ သဘောထား။
ဘုရင်ပြောင်းရင် နောက်က ၀န်းကြီး ၀န်လေးတွေ၊ တိုင်းသားပြည်သူတွေ
အကုန်လိုက်ပြောင်းရတာ။ သူတစ်ယောက်တည်း ပြောင်းသွားလို့ ဖြစ်တာမှ မဟုတ်တာ။
ထိုအတွက် ကုန်ကျစရိတ်၊
တိုင်းသားပြည်သူ လူအများစီးပွါးရေး စသည်
အကုန်ကြည့်ရတယ်။

တိုင်းသူပြည်သားက ငတ်ပြတ်နေပြီး
ရှင်ဘုရင်လုပ်တဲ့သူက တစ်ထီးတစ်နန်းနေချင်တဲ့ စိတ်ရိုင်းကြောင့်
ပြည်သူ့ငွေမြောက်များစွာ သုံးပြီး ထီးသစ် နန်းသစ် နေပြည်တော်သစ် တည်မယ်ဆိုရင်
ပြည်သူ့အမျက်တော် ရှ လာနိုင်တယ်။
ဒါကို မင်းတုန်းမင်း စဉ်းစားခဲ့တယ်။
(ဘယ်လိုပဲဖြစ်ဖြစ် ဒီလိုလေး စဉ်းစားဖော်ရတာကို ကျေးဇူးတင်ပါတယ်)

စဉ်းစားတယ်၊ ငါဘယ်လို ထီးနန်းသစ် တည်ထောင် ပြောင်းရွှေ့ နေထိုင်ရရင်ကောင်းမလဲ။
မင်းတုန်းမင်း စဉ်းစားတယ်။

နောက်ဆုံးတော့ အကြံတစ်ခုရလိုက်တယ်။
ငါ့တိုင်းပြည်လူမျိုးတွေ ဗုဒ္ဓဘာသာကို အလွန်ရိုသေလေးစားကြတာပဲ။
အကယ်၍ ဘုရားကို ခုတုံးလုပ် ထီးသစ် နန်းသစ် နေပြည်တော်သစ် တည်ထောင်လိုက်ရရင်
ကောင်းမှာပဲ ဆိုပြီး လုပ်လိုက်တာ
ရှင်အာနန္ဒာနဲ့ လက်ညှိုးထိုးရပ်တော်မူဘုရားကြီး မန္တလေးတောင်ပေါ်ရောက်လာတော့တာပဲ။

သမိုင်းထဲက ရှင်ဘုရင်တွေ
မြတ်စွာဘုရားကို
တရားကို
ရဟန်းသံဃာတော်တွေကို
ဘယ်လောက်များ
ခုတုံးလုပ်
ကိုယ်ကျိုးအတွက် အမြတ်ထုတ်သွားကြပြီလဲ။
ရှင်အာနန္ဒာဆိုလို့ ရှင်အာနန္ဒာ့ရုပ်တုနဲ့ဆက်စပ်ပြီး
တွေးမိတာပါ။

Tuesday, March 22, 2011

ရဟန်းဆိုးနှင့် ရဟန်းကောင်း


ဘာသာရေးကိုးကွယ်မှုဆိုတာ
နှလုံးသားခံစားမှုကို ဦးစားပေးရမှာ မဟုတ်ဘူး၊
ဦးဏှောက်ဆင်ခြင်ဥာဏ်ကို ဦးစားပေးရမှာဆိုတာ
ကေသမုတ္တိသုတ်မှာ
မြတ်စွာဘုရား အတိအလင်းကြေငြာပြီးပြီ။

အဲ့သုတ်တော်ထဲမှာ
ပိဋကဆိုတဲ့ပုဒ်အဓိပ္ပါယ်ဟာ
ဘာသာရေးစာပေကျမ်းဂန် ဖြစ်ကြောင်း တင်ပြခဲ့ပြီးပြီ။
မြတ်စွာဘုရားရှင်ကိုယ်တော်တိုင်
ငါဟောတဲ့တရားတွေဟာ ဓမ္မနှင့် ၀ိနယသာဖြစ်ကြောင်း ဟောခဲ့ပြီး
ပိဋကတ်သုံးပုံဖြစ်ကြောင်း မဟောကြားခဲ့ပါ။

မြတ်စွာဘုရားရှင်
မဟာသက္ကရာဇ် ၁၄၈ - ခု (ဘီစီ ၅၄၄) ကဆုန်လပြည့် အင်္ဂါနေ့
(သက်တော် ၈၀ အရွယ်) တွင်
ကုသိနာရုံပြည်၊ အင်ကြင်းဥယျာဉ်မှာ ပရိနိဗ္ဗာန်ပြုတော်မူတယ်။
အရှင်မဟာကဿပမထေရ်ကြီးက
နောက်ပါ ရဟန်း ၅၀၀ နဲ့အတူ
မြတ်စွာဘုရားကို ဖူးမျှော်ဘို့
ပါဝါပြည်မှ ကုသိနာရုံသို့အသွားလမ်းခရီးမှာ
ကုသိနာရုံက ပါဝါပြည်သို့လာတဲ့
တက္ကဒွန်းတစ်ယောက်နဲ့တိုးတယ်။

တက္ကဒွန်းထံမှ မြတ်စွာဘုရား ပရိနိဗ္ဗာန်စံကွယ်လွန်တော်မူကြောင်း သိရတော့
သံဃာအများစု
ဝမ်းနည်းပက်လက်ဖြစ်ပြီး ငိုကြွေးကြတာပေါ့။
ဒါပေမဲ့သုဘဒ်လို့ခေါ်တဲ့ရဟန်းကြီးကတော့
ငါ့ရှင်တို့၊ ဘာဝမ်းနည်းစရာရှိတုန်း၊ ရှင်ကြီးဂေါတမ ရှိတုန်းက
ဟိုဟာမလုပ်နဲ့၊
ဟိုမသွားနဲ့၊
ဒီလိုမစားနဲ့၊
ဒီကို မသွားနဲ့ နဲ့ စည်းကမ်းတွေ များလိုက်တာ။
အခုတော့ ငါတို့နေချင်သလိုနေလို့ရပြီ။
လွတ်လပ်ရေး အပြည့်အ၀ရပြီလို့ ပြောဆိုပြီး
ဝမ်းမနည်းတဲ့အပြင် ၀မ်းတောင်သာနေလိုက်သေးတယ်။

သုဘဒ်ရဟန်းကြီးပြောတဲ့စကားကို ရှင်မဟာကဿပကြီးကြားတော့
မသူတော်တရား မပြန့်ပွါးမီ
သူတော်ကောင်းတရား မပျောက်ပျက်မီ
ဘုရားရှင်ဟောကြားခဲ့တဲ့ တရားတော်တွေကို
စုပေါင်းရွတ်ဖတ်သင်္ဂါယနာတင်ရရင် ကောင်းမှာပဲ လို့
တွေးမိပြီး
ဘုရားရှင်ပရိနိဗ္ဗာန်ပြုပြီး ၃ - လအကြာ
မဟာသက္ကရာဇ် ၁၄၈-ခု၊ ၀ါခေါင်လပြည့်နေ့မှာ
ရဟန္တာမထေရ် ၅၀၀ နဲ့အတူ
ပထမဆုံးအကြိမ် စုပေါင်းရွတ်ဖတ်တဲ့
ပထမသံဂါယနာပွဲကို ကျင်းပဖြစ်ခဲ့တယ်။

မြတ်စွာဘုရားဟောကြားတော်မူခဲ့တဲ့ ဓမ္မနဲ့ဝိနယကို
အုပ်စုသုံးစုခွဲတယ်။
ပြန့်ကျဲနေတဲ့ မြတ်စွာဘုရားရဲ့ တရားတော်တွေကို
တူရာတူရာ မျိုးတူစု သုံးစု လုပ်ကြတယ်။
၁။ ၀ိနယပိဋက
၂။ သုတ္တန္တပိဋက
၃။ အဘိဓမ္မပိဋက
ဒီလိုနဲ့ ဓမ္မနဲ့ဝိနယမှ
ပိဋကတ်သုံးပုံဖြစ်လာပါတယ်။

ဒီလို စနစ်တကျ မျိုးတူစုတွေပေါင်းပြီး စီစဉ်ခဲ့လို့
နောင်လာနောက်သား ရဟန်းတော်အစဉ်အဆက်
မှတ်သားရတာ လွယ်ကူလာတာပါ။

ဒါ့ကြောင့် အမျှော်အမြင်ကြီးမားတဲ့
ပထမသံဂါယနာမှာ ပါဝင်ခဲ့တဲ့ ရှင်မဟာကဿပ၊ ရှင်ဥပါလိ၊ ရှင်အာနန္ဒာစတဲ့
ရဟန္တာငါးရာကြီးတွေရဲ့ ကျေးဇူးတရားဟာ
အနှိုင်းမဲ့ပါ။

ပထမဦးဆုံးပြုလုပ်တဲ့ မြတ်စွာဘုရားတရားတော်တွေကို စုပေါင်းရွတ်ဖတ်တဲ့
ဒီသံဂါယနာပွဲမှာ
အမေး (ပုစ္ဆက) ဆရာတော်အဖြစ်
ရှင်မဟာကဿပမထေရ်ကြီးက ဆောင်ရွက်ပြီး
ဝိနည်းပိဋကတ်တော်ကို
ရှင်ဥပါလိမထေရ်က ဖြေဆိုရပါတယ်။
သုတ္တန္တပိဋကနဲ့ အဘိဓမ္မပိဋကကိုတော့
ရှင်အာနန္ဒာမထေရ်မြတ်က ဖြေဆိုရပါတယ်။

တကယ်တော့
ရှင်အာနန္ဒာ ဟာ
ပိဋကတ်တော်အားလုံးကို မြတ်စွာဘုရားထံတော်မှ
မျက်ကွယ်မရှိနာကြားခဲ့သူဖြစ်လို့ ပိဋကတ်သုံးပုံစလုံး ဖြေကြားနိုင်သူပါ။
ဒါပေမဲ့ မြတ်စွာဘုရားက ရှင်ဥပါလိကို ၀ိနည်းအရာ၌ ဧတဒဂ်ထားခဲ့တာကို
လေးစားသောအားဖြင့် ရှင်ဥပါလိကိုပဲ
ဝိနည်းပိဋကကို
(၀ိဿဇ္ဇက) အဖြေဆရာတော်အဖြစ် ဆောင်ရွက်စေပါတယ်။

ရှင်အာနန္ဒာအနေနဲ့ သမိုင်းဝင်မော်ကွန်းတွင်မဲ့ ဒီလိုသံဂါယနာပွဲကြီးကို
လက်ဝါးကြီးအုပ်ပြီး သူ့ခြေ သူ့လက်လုပ်သွားလို့ရပါတယ်။
မလုပ်ခဲ့ပါဘူး။
ချီးမြှောက်သင့်တဲ့ ချီးမြှောက်ရမဲ့ပုဂ္ဂိုလ်ကို
နေရာပေး ပွဲထုတ်ပြီး ချီးမြှောက်ခဲ့ပါတယ်။

ရှင်အာနန္ဒာဟာ တကယ့်ကို လေးစားစရာကြီးပါ။
အလွန်သဘောထားကြီးတဲ့ ရှင်အာနန္ဒာပါ။
အခွင့်အရေးလုံးဝ မယူလိုတဲ့ ရှင်အာနန္ဒာပါ။

ဗုဒ္ဓနှင့် ဗုဒ္ဓဘာသာ


မြတ်စွာဘုရားရဲ့ တရားတော်ဆိုတာ
မြတ်စွာဘုရားသက်ရှိထင်ရှားရှိစဉ်အခါတုန်းက
ကျွတ်တမ်းဝင်မဲ့ (၀ါ) ဟောလို့အဆင်ပြေမဲ့သူတွေဆီကို
မြတ်စွာဘုရားအရောက်သွားပြီး ဟောခဲ့ ပြောခဲ့တာတွေကို ပြောတာ။
သာဝတ္ထိမြို့ သွားဟောလိုက်၊
ရာဇဂြိုဟ်မြို့ သွားဟောလိုက်။
ကပိလ၀တ်သွားဟောလိုက်၊
ဝေသာလီသွားဟောလိုက်၊
နေရာအနှံ့ သွားဟောရတာ။
တစ်နေရာနဲ့ တစ်နေရာ အဝေးကြီး။
ဟိုနေရာသွား ဟိုအကြောင်းဟောလိုက်၊
ဒီနေရာသွား ဒီအကြောင်းဟောလိုက်၊
လင်ကျင့်ဝတ်ဟောလိုက်၊
မယားကျင့်ဝတ်ဟောလိုက်
ရှင်ဘုရင်ကို ရှင်ဘုရင်တို့ကျင့်ဝတ်ဟောလိုက်
ရဟန်းတွေ အနေအထိုင်မတတ်လို့ ဆုံးမလိုက်
နေရာဒေသအသီးသီးမှာရှိတဲ့
ပုဂ္ဂိုလ်အသီးသီးကို
အကြောင်းအရာ အသီးအသီး ဟောရတာ။
နှစ်ပေါင်းလေးဆယ့်ငါးနှစ်တောင် ကြာသွားတယ်။

ဒီလိုနဲ့
မြတ်စွာဘုရားပရိနိဗ္ဗာန်စံခါနီးတော့ ၀မ်းနည်းသောကရောက်နေတဲ့အာနန္ဒာကို ခေါင်ထားပြီး
ယော ဝေါ အာနန္ဒ ဓမ္မောစ ၀ိနယောစ ဒေသိတော ပညတ္တော၊
သော မမစ္စယေန သတ္ထာ လို့မိန့်တယ်။

အဓိပ္ပါယ်က
အာနန္ဒာ၊ မင်းတို့တတွေကို
ဓမ္မ (တရား) ကိုလည်း ဟောခဲ့ပြီးပြီ၊
ဝိနယ(နေနည်းထိုင်နည်း စည်းကမ်း နည်းလမ်း) ကိုလည်း ပညတ်ခဲ့ပြီးပြီ၊
ငါကွယ်လွန်ရင် အဲဒီဓမ္မနဲ့ ၀ိနယဟာ
မင်းတို့ဆရာဖြစ်မှာပေါ့။
(၀မ်းနည်းသောက ရောက်မနေပါနဲ့)

ပြောပြီး မကြာဘူး၊ မြတ်စွာဘုရား ပရိနိဗ္ဗာန်စံသွားတယ်။
အရပ်စကားနဲ့ပြောရရင် ကွယ်လွန်တယ်ပေါ့။

အသက် (၃၅) နှစ်အရွယ် ဘုရားဖြစ်လာတဲ့အချိန်ကစပြီး
အသက် (၈၀) ပရိနိဗ္ဗာန်မစံမီ အချိန်အထိ
မြတ်စွာဘုရားဟောကြားခဲ့တဲ့တရားတော်တွေကို
မြတ်စွာဘုရားကိုယ်တော်တိုင်
ဓမ္မနဲ့ ၀ိနယ လို့ ပြောကြားခဲ့တယ်။
သူပြောတဲ့ဓမ္မနဲ့ ၀ိနယ ကလည်း

အထက်က ပြောခဲ့သလို
နေရာအသီးသီးမှာရှိတဲ့
ပုဂ္ဂိုလ်အသီးသီးကို
ဟောရတာဆိုတော့
ပြန့်ကျဲနေတယ်။
ဒီအချိန်အထိ မြတ်စွာဘုရားရဲ့ တရားတော်တွေဟာ
ပိဋကတ်စာပေအဖြစ်ကို မရောက်သေးဘူး။
ပိဋကတ်စာပေလို့ မခေါ်ကြသေးဘူး။
ပိဋကတ်စာပေအမည် မတွင်သေးဘူး။
ပိဋက ဆိုတဲ့ပါဠိပုဒ်အဓိပ္ပါယ်က
တောင်း၊ ခြင်းတောင်းဖြစ်တယ်။

တကယ်တော့ ပိဋက ပုဒ်ကို
ဘာသာရေးကျမ်း ဆိုတဲ့အဓိပ္ပါယ်နဲ့ မြတ်စွာဘုရားရှင်ကိုယ်တိုင်
ကေသမုတ္တိသုတ်မှာ မိန့်ကြားခဲ့တယ်။

ကေသမုတ္တိသုတ်ဆိုတာက ဗုဒ္ဓဘာသာနဲ့ ဗုဒ္ဓဘာသာဝင်တွေကို
အရောင်တောက်စေတဲ့ သုတ်တစ်သုတ်ဖြစ်ခဲ့တယ်။

ဘာသာရေးဆိုင်ရာ သမိုင်းတစ်လျှောက်တွင် ထူးထူးရှားရှား ပြိုင်ဘက်ကင်းသည့်
မြတ်စွာဘုရား၏ သြ၀ါဒစကား ဖြစ်ခဲ့တယ်။

အခြားအခြားသော ဘာသာတို့နှင့် နှိုင်းယှဉ်လေ့လာရာတွင်
ဒီကေသမုတ္တိသုတ်ကြောင့်
ဗုဒ္ဓဘာသာအတွက်
ဗုဒ္ဓဘာသာဝင်တို့ ခေါင်းမော့နိုင်ခဲ့တယ်။

ကေသမုတ္တိသုတ်လာ မြတ်စွာဘုရားရဲ့
ကိုးကွယ်ယုံကြည်မှုအပေါ်
သဘောထားအမြင်များဟာ
ဘာသာရေးသုတေသီတို့ လက်ဖျားခါရလောက်အောင် ကောင်းခဲ့တယ်။

Freedom of Religion လို့ ခုခေတ်အော်အော်နေ့တဲ့
ဘာသာရေးယုံကြည်ချက် လွတ်လပ်မှုကို
လွန်ခဲ့သော ဟိုး နှစ်ပေါင်း ၂၅၀၀ ကျော်ကတည်းက
မြတ်စွာဘုရားက အပြည့်အ၀ ပေးထားခဲ့ပြီးပြီ။

ပိဋက စာလုံးနဲ့စပ်တဲ့ မာ ပိဋကသမ္ပဒါနေန
(ဘာသာရေးကျမ်းကြီးများကို ကိုးကားပြော၍လည်း မှန်လှပြီ မထင်လေနှင့်။)
လို့ ပါတဲ့ ကေသမုတ္တိသုတ်ကို
မြန်မာလိုရော အင်္ဂလိပ်လိုပါ အကျဉ်းဖော်ပြပေးလိုက်သည်။

ကေသမုတ္တိသုတ်
အခါတစ်ပါး၌ ကောသလပြည် ကေသပုတ္တိမြို့ငယ် တစ်ခုသို့ ရောက်ရှိလာခဲ့သည်။
ဤမြို့နေလူအပေါင်းကို ကာလာမအမျိုးအနွယ်များဟု ခေါ်တွင်ကြလေသည်။
၎င်းတို့မြို့သို့ ဗုဒ္ဓရောက်ရှိလာကြောင်း ကြားသောအခါ
ကာလာမအမျိုးသားတို့သည်
ဗုဒ္ဓထံသို့ ဆည်းကပ်၍ ဤသို့လျှောက်ထားကြကုန်၏။

အရှင်ဘုရား၊ ကေသမုတ္တိသို့ ရဟန်းပုဏ္ဏားအချို့တို့ ရောက်ရှိလာကြပါသည်။
သူတို့သည် သူတို့၏ အယူဝါဒများကိုသာ ရှင်းလင်းပြကြ၍ ထင်ရှားစေကုန်ကြပါသည်။
သူတပါး၏ အယူဝါဒများကို မထီလေးစား ပြုကြပါသည်။
ရှုတ်ချကြပါသည်။ ပစ်ပယ်ကြပါသည်။

ထို့နောက် အခြားက ရသေ့ပုဏ္ဏားတို့ ရောက်လာကြပြန်ပါသည်။
သူတို့ကလည်း သူတို့၏အယူဝါဒများကိုသာ ရှင်းလင်းပြကြ၍ ထင်ရှားစေကုန်ကြပါသည်။
အခြားသူများ၏ အယူဝါဒများကို မထီလေးစားပြုကြပါသည်။
ရှုတ်ချကြပါသည်။ ပစ်ပယ်ကြပါသည်။

ဘုရားတပည့်တော်တို့မှာ ကြည်ညိုလေးမြတ်ဖွယ်သော ဤရသေ့ပုဏ္ဏားများတွင်
မည်သူက အမှန်စကားပြော၍
မည်သူက မမှန်တရားဟောသွားကြသည်ကို
မဝေခွဲနိုင်အောင် အစဉ်စိတ်ရှုတ်ပွေကာ
သံသယဖြင့် တွေဝေလျက် ရှိကြရပါသည်ဘုရား။

ဟုတ်ပေသည် ကာလာမအမျိုးသားတို့၊
ယုံမှားဖွယ်ရာကိစ္စတွင် သံသယဖြစ်ပေါ်လာသောကြောင့်
သင်တို့သည် ယုံမှားသံသယရှိသင့်ကြပေသည်။
စိတ်ရှုတ်ပွေခြင်း ဖြစ်သင့်ကြပေသသည်။
ယခု ရှုကြပေလော့ ကာလာမအမျိုးသားတို့။
သတင်းစကားကို ကြားရုံမျှဖြင့် နားမယောင်နှင့်။
အစဉ်အလာဖြစ်ပေသည်ဟူ၍လည်း လက်မခံနှင့်။
လူပြော သူပြော တစ်ဆင့်စကားကိုလည်း မယုံလေနှင့်။
ဘာသာရေးကျမ်းကြီးများကို ကိုးကားပြော၍လည်း မှန်လှပြီ မထင်လေနှင့်။
တက္ကနည်းနှင့် ဆင်ခြင်ကြံဆ ယူရုံမျှကိုလည်း နားမယောင်လေနှင့်။
ပုံပန်းအမြင် သဏ္ဌာန်ကြည့်၍လည်း မဆုံးဖြတ်နှင့်။
ရော်ရမ်းမှန်းဆ ယူရသောသဘော ထင်မြင်ချက်ကိုလည်း အမှန်ဟု မမှတ်ယူနှင့်။
ဖြစ်နိုင်ကောင်း၏ဟု ထင်မြင်ရရုံဖြင့်လည်း မယုံကြည်ပါလေနှင့်။
အသင်တို့ ကိုးကွယ်ဆည်းကပ်ရာ ဆရာသမားဖြစ်ပေသည်ဟူသော သဘောကြောင့်လည်း
မှန်လှပြီဟု တထစ်ချ မမှတ်ကြကုန်ရာ။

အို ကာလာမနွယ်ဖွား အမျိုးသားတို့။
အချို့သောအကြောင်းတရားသည်
အကုသိုလ်ဖြစ်သည်၊
မမှန်ကန်၊
မကောင်းကျိုးကို ဖြစ်စေသည်ဟု
သင်တို့ ကိုယ်တိုင်ကိုယ်ကျ သိရှိ၏။
ထိုအကြောင်းတရားများကို စွန့်ပယ်ကြကုန်လော့။

အချို့အကြောင်းတရားများမှာမူ
ကုသိုလ်ဖြစ်သည်၊
မှန်ကန်သည်၊
ကောင်းကျိုးကို ဖြစ်စေသည်ဟု
အသင်တို့ကိုယ်တိုင် ကိုယ်ကျသိ၏။
ထိုအကြောင်းတရားများကို နှစ်သက်စွာလက်ခံ၍
လိုက်နာ ကျင့်ကြံကြပေတော့။

Kesamutti Sutta
Do not believe what you hear just
because you have heard it for a long time.

Do not follow tradition blindly merely
because it has been practiced in that way for many generations.

Do not be quick to listen to rumours.

Do not confirm anything just
Because it agrees with your scriptures.

Do not foolishly make assumptions.

Do not abruptly draw conclusions
by what you see and hear.

Do not be fooled by outward appearances.

Do not hold on tightly to any view or idea just
because you are comfortable with it.

Do not accept as fact anything that
you yourself find to be logical.

Do not be convinced of anything out of respect and deference
to your spiritual teachers.

You should go beyond opinion and belief.
You can rightly reject anything which when accepted, practiced and perfected leads to more aversion, more craving and more delusion. They are not beneficial and are to be avoided.

Conversely, you can rightly accept anything which when accepted and practiced leads to unconditional love, contentment and wisdom. These things allow you time and space to develop a happy and peaceful mind.

This should be your criteria on what is and what is not the truth; on what should be and what should not be the spiritual practice.
ရည်ညွှန်း။
အံ ၁၊ ၁၈၉
ဦးဟုတ်စိန် ပါဠိ မြန်မာအဘိဓာန်
ဦးကိုလေး၊ မြတ်ဗုဒ္ဓဒေသနာ

Monday, March 21, 2011

ဘာတွေဖြစ်ကုန်ကြပြီလဲ နောက်ဆက်တွဲ (ဃ)

ဒါလဲ အီးမေးလ်နဲ့ေ၇ာက်လာတဲ့စာပါ။
မှတ်ချက်။ Dhammagarden တစ်လုံးမျှ ရေးမထားပါ။

ဆရာတော်ဦးဣန္ဒက ဆရာတော်တင်ထားသောသတင်သည်အချို့အချက်အလက်များသည်မှာနေပါသည်ဘုရား။ အောက်ပါဝက်ဆိုက်များကိုကြည့်စေခြင်ပါသည်ဘုရား။
http://bur.irrawaddy.org/

http://www.nationmultimedia.com/home/Authorities-probe-complaints-against-400-foreign-m-30151128.html

http://www.thailandnews.co/2011/03/thai-authorities-probe-complaints-against-400-foreign-monks/

http://manager.co.th/Crime/ViewNews.aspx?NewsID=9540000034520

http://www.nationchannel.com/main/news/crime/20110317/26716/%20จับ พระต่างชาติกว่า%
20300%20รูป!%20ไม่มีพาสปอร์ต%20-%20บิณฑบาต เที่ยง/

http://atcloud.com/stories/94170


အလွမ်းမြို့လေး
မူရင်း၊ http://alwanmyolay.blogspot.com
ကျန်မာ ချမ်းသာ ၍ ကမ္ဘာအနှံသာသနာပြုနိူင်ပါစေ။

ဘာတွေဖြစ်ကုန်ကြပြီလဲ နောက်ဆက်တွဲ (ဂ)


ထိုင်းမှာနေနေတဲ့ လပြည့်ဆိုသူထံမှ အီးမေးလ်နဲ့ရောက်လာတဲ့စာဖြစ်ပါတယ်။
မှတ်ချက်။ Dhammagarden ရေးတာ တစ်လုံးမျှ မပါပါ။

ဝပ်တလုံးကျောင်းသည် ထိုင်းနိုင်ငံ ဘန်ကောက်မြို့ ဂျလန် ၁၃ လမ်းတွင်တည်ရှိပါသည် ကျောင်းထိုင်ဆရာတော်မှာ ထိုင်းလူမျိုး ဖရမဟာဗုတ်ထုံဆုထိဂရော ဖြစ်ပါတယ် ဆရာတော်သည် ဘုံဘေတက္ကသိုလ်က အမ် အေ ရပြီး မဟာချူလာလောင်ဂွန်းတက္ကသိုလ်တွင် ဆရာအဖြစ်တာဝန်.ယူခဲပါသည် ၂၀၀၆ခုနှစ်တွင် ၀ပ်တလုံးကျောင်းထိုင်ဆရာတော်ဖြစ်လာပြီး နိုင်ငံခြားမှာကြွရောက်လာသော စာသင်သားရဟန်းတော်များနေရာများအခက်ခဲမဖြစ်ရလေအောင် နိုင်ငံခြားရဟန်းများကိုအများဆုံးလက်ခံထားသောဆရာတော်ဖြစ်ပါသည် ဆရာတော်အမြဲဆုံးမစကားကတော ရဟန်းဆိုယင်တဲ အရိပ်အာဝါသခိုလုံခွင်ကိုသ၀န်မတိုရဘူးလိုပြောလေ့ရှိပါတယ် ဘာဘဲဆိုဆိုပေါ့လေ ထိုင်နိုင်ငံမှာ နိုင်ငံခြားသားလက်ခံတာ ၀ပ်တလု့းံ တစ်ကျောင်းဘဲရှိပါတယ် ခက်တာက ထိုင်း မှာ ရဟန်းဆိုယင် အိမ်ခန်းငှားနေလိုမရပါ နိုင်ငံခြားသားရဟန်းအနေနဲ ကျေးဇူးအများကြီးတင်ရပါမယ် နေထိုင်သောရဟန်းများမှာ မြန်မာ ၁၀၃ ပါး ဘင်္ဂလားဒေရှ် ၁၂၀ အိန္ဒိယ ၅ပါး ထိုင်း ၃၀ပါး လာအို ၃ပါး သီရိလင်္ကာ ၂ပါး နေပါ ၁ ပါး ကမ္ဘောဒီးယား ၂၅ ပါးနဲ့ ဧသည့် ၁၅၀ကျော် ဆိုတော ဒီလောက်များတွေ အခက်ခဲများစွာရှိပါတယ် နေထိုင်တဲ ပုံစံမတူခြင်း ကအဓိကပါသိရှင်ယင် ထိုင်းရဟန်းနေထိုင်ပုံကိုလေ့လာကြည့်ပါ အဓိကအခုဖြစ်နေတဲအကြောင်းကိုပြောပြပါမယ် ၁၇. ၃.၂၀၁၁ခုနေ့က ၀ပ်တလုံးကျောင်းကို နံနက် ၄နာရိ၁၅မီနင်းအချိန်တွင် ထိုင်းအာဏာပိုင်များက ၀င်ရောက်ရှာဖွေသွားပါတယ် ဒီဝပ်တလုံးကျောင်းမှာ မြန်မာရဟန်းတွေမကောင်းသတင်းက ထွက်နေတာကြာပါပြီ နောက်ပြီး ပြီးခဲတဲနှစ်ကလည်း ထိုင်းဒကာများနဲ ဘင်္ဂလားဒေရှ် ရဟန်း ရိုက်ကြတာရယ် အခု ကမ္ဘောဒိယား ဘုန်းကြီးတွေများနေတာရေ အချိန်လွန် ဆွမ်းခံကြွတာရယ် ပေါင်းစုံပါ မြန်မာရဟန်းအကြောင်းကိုတင်ပြပါမယ် အကောင်းသတင်းကအများကြီးပါ ရဟန်းအချို့သည် အရက်သောက် ဖဲကစား တာရယ် ၁၄.၃.၂၀၁၁ခု တနင်္လာနေ့ ညနေ ၅နာရိအချိန်တွင် မွန်ဘုန်းကြီး ဥင်္ီးအဂ္ဂ ကို  ဦးစန္ဒာသီရိ လက်ခံထားတဲ့ ဗမာကျောင်းသား က ဦးခေါင်းကိုရိုက်လိုက်တာ ၅ချက်ချုပ်လိုက်ရပါတယ် သွေးထွက်လို့ဦးအဂ္ဂ ထွက်ပြေးတော ထိုင်းဒကာမတွေသိသွါးတယ်လေ ပိုဆိုးတာပေါ့

ဘာတွေဖြစ်ကုန်ကြပြီလဲ နောက်ဆက်တွဲ (ခ)


ဒီသတင်းနဲ့ပတ်သက်ပြီး Dhammagarden တစ်လုံးမျှ မရေးသေးပါ။
cbox မှာ တွေ့တာကို တင်ပေးခြင်းသာဖြစ်ပါတယ်။
Dhammagarden ကိုယ်တိုင်ဘာမှကို မရေးသေးပါ။
အောက်ဖော်ပြပါအချက်အလက်များသည် Dhammagarden ရေးသားချက်း လုံးဝမပါပါ။
ဒီလင့်ကပါ။ သွားဖတ်ပါ။
အကူအညီရမလားလို့ လင့်ကူးပြီး တင်ခါမှ ပြဿနာနဲ့တိုးနေတယ်။
ဒီအတွက် စိတ်အနှောက်အယှက်ဖြစ်တဲ့သူအားလုံး တောင်းပန်ပါတယ်။


http://alwanmyolay.blogspot.com/2011/03/blog-post_21.html

( ရှင်းလင်းဖြေကြားချက်)
သာသနာရေး အဖွဲ့စည်းသို့  မေတ္တာရပ်ခံချက် စေတနာပိုစ်အတွက် ( ရှင်းလင်းဖြေကြားချက်)
ဒီနေ့ သတင်းတစ်ပုဒ်ကြားမိတယ်  ရင်ထဲမှာမကောင်းဘူး။ ဘယ်သူတွေကူညီနိုင်မှာလဲ  သာသနာ့အဖွဲ့စည်းကရော  ဘာတွေအကြံပေးနိုင်မှာလဲ။ UN ဆိုတဲ့အဖွဲ့စည်းကရော  ဒီလူတွေကိုဘယ်လို  ကူညီနိုင်မလဲ။ ကျွန်မတော့  ဘာမှမသိဘူး  စိတ်ထဲရှိတာပြောကြည့်တာနော်။

ဖြစ်ပုံကဒီလို  ထိုင်းနိုင်ငံ ဝတစ်လုံးဘုန်းကြီးကျောင်း  တစ်ကျောင်းတွင်  လွန်ခဲ့သောရက်အနည်းငယ်က  ဘုန်းကြီးတစ်ပါးနဲ့  ကျောင်းသားပြသနာတက်ခဲ့ရာ  ကျောင်းသားမှဘုန်းကြီး၏  ဦးခေါင်းကိုရိုက်နက်တဲ့  အထိပြသနာတက်ခဲ့တယ်။ ပြသနာဖြစ်ရတဲ့အကြောင်းရင်းကို  ကျွန်မသေချာမမေးမိပါ။  အဲဒီဘုန်းကြီးနဲ့  ကျောင်းသားပြသနာကြောင့်   မနေ့ညတွင် ဝတစ်လုံးကျောင်းသို့  ထိုင်းရဲမှဝင်ရောက်ဖမ်းဆီး  ခဲ့ပါတယ်။ ကျောင်းထိုင်ဘုန်းကြီးမှ  မကျေနပ်သောကြောင့်  ထိုင်းရဲကိုတိုင်ကြားခြင်း ဖြစ်တယ်လို့သိရပါတယ်။ အဲလိုထိုင်းရဲများ ဝင်ရောက်ဖမ်းဆီးရာတွင်  မြန်မာဘုန်းကြီး ဧည်သည်များပါ  အဖမ်းခံရပြီး  ရဲများကလူဝတ်လဲလိုက်တယ်လို့  ဆိုပါတယ်။ စုစုပေါင်းဘုန်းကြီး (၁၀)ပါး အဖမ်းခံထားရတယ်လို့ သိရပါတယ်။ အဖမ်းခံရသော ဘုန်းကြီးများထဲတွင်  မြန်မာပြည်မှ ဧည်သည်ဘုန်းကြီးများ (UN) လျှောက်ထားပြီး  ကန့်ထဲတွင်နေသော ဘုန်းကြီးများပါ  ပါသွားကြောင်းသိရပါတယ်။ မြန်မာသသနာရေးဆိုင်ရာများကရော  သင်္ကန်းချွတ်လူဝတ်လဲခံရတဲ့  ဒုက္ခသည်ဘုန်းကြီးတွေ ကိုဘယ်လိုများ  ထောက်ခံကူညီပေးနိုင်မှာလဲ။ ထိုင်းရဲကဖမ်းတာ  ဖမ်းလို့ရပါတယ်။ ဧည်သည်တွေ ဘုန်းကြီးတွေမှာ ပတ်စပို့မရှိလို့ဆိုပြီး  တာဝန်အရဖမ်းပေမဲ့  သင်္ကန်းချွတ်လူဝတ်လဲ တာကတော့  ကြားမကောင်းပါဘူး။ အဲဒီလူဝတ်လဲ  အချုပ်ချ/ထောင်ချမယ်ဆိုတော့  သာသနာရေးအဖွဲ့စည်း ကလည်းမျက်စိမှိတ်ပြီး  မနေဘဲတတ်နိုင်တဲ့ဘက်က ကိုယ့်သာသနာအတွက်  တစ်ဖက်တစ်လမ်းက  ကြိုးစားပေးပါလို့  အားလုံးရဲ့ကိုယ်စား  ကျွန်မ (အလွမ်းမြို့လေး)မှမေတ္တာရပ်ခံ  တောင်းခံအပ်ပါတယ်။
မျှော်လင့်တစ်ချက်  တစ်စုံတစ်ခုမှမရှိဘဲ  လူမှု့စာနာမှုနဲ့  မေတ္တာရပ်ခံတောင်းခံအပ်ပါတယ်။


မေတ္တာဖြင့်
အလွမ်းမြို့လေး
 ****************
အထက်တွင်တင်ထားသော ပိုစ်အတွက်  ရှင်းလင်းချက်။ ဒီသတင်းကို  လုပ်ကြံရေးခြင်း မဟုတ်ပါ။ ရန်ဖြစ်ပြီးသောရက်တွင်  ဝပ်တစ်လုံးကျောင်းမှ  သင်္ကန်းဝတ်  ကိုယ်တော်တစ်ပါး၏  နှုတ်မှပြောကြားသော  စကားလုံးတိုင်းကို  စေတနာစိတ်ဖြင့်သာ  ရေးချလိုက်ခြင်းဖြစ်သည်။ ဘလော့ဂါတစ်ယောက် မဟုတ်သလို သတင်းလိုက်နေသော  မီဒီယာသမားလည်း  မဟုတ်ပါ။ သို့သော်  သူများနိုင်ငံမှာ  ဘုန်းကြီးတွေ  ဒုက္ခရောက်သည်ဆိုသည့်  အသိစိတ်နဲ့စေတနာထားမိပြီး  ဝပ်တစ်လုံးကျောင်းမှ   သင်္ကန်းဝတ်ဘုန်းကြီးတစ်ပါး  ပြောလာသော စကားလုံးတိုင်းကို  ရေးချကူညီရခြင်းဖြစ်သည့်အတွက်  ကျွန်မရေးထားသော ပိုစ်မှစကားလုံးတိုင်းအတွက်  ကျွန်မသတ္တိရှိရှိ တာဝန်ယူရဲပါသည်။ ကျွန်မ၏ပို့စ်တွင်  တင်ထားသော  ရိုက်သူကျောင်းသားမှာ( ရခိုင် )ဆိုတာကို မှားသည်ဟု   လာရောက်ဆက်သွယ်ပြောကြား  ကျောင်းတက်နေသည့် ကိုယ်တော်တစ်ပါးကြောင့်  ကျွန်မ (၂၀) ရက်နေ့ညတွင်ချက်ချင်း  ပိုစ်ပြန်ပြင်ထားပါတယ်။ အမှားအတွက်လာရောက်  ပြောကြားပြီး သတင်းပြောကြားသော ကိုယ်တော်ကိုလည်း  ကျေးဇူးတင်မိသလို ကျွန်မကိုယ်တိုင်  ဖုန်းဆက်ပြီး   ဖြစ်ဖြစ်ချင်းသတင်းပေးသော ကိုယ်တော်ကိုလည်း ကျေးဇူးတင်ပါတယ်။အဲဒီအတွက် မနေ့ညသတင်းပေးသော ဝပ်တစ်လုံးကျောင်းမှ  ကိုယ်တော်ကိုသေချာ ပြန်မေးပါတယ်။ သူပေးတဲ့သတင်းမှားလျှင်  ကျွန်မပိုစ်တင်  တောင်းပန်ရန်အတွက်ပါ။ သို့သော် သူကထပ်ပြီးသေချာအောင် (ရန်ဖြစ်ကြတယ်။ အရိုက်ခံရတာ မွန်ဘုန်းကြီး။ ရိုက်သူ ရခိုင်)လို့  ထပ်မံဆိုလာပါတယ်။သို့သော် ဧရာဝတီရေးသော ပို့စ်မှာလူမျိုးရေး  နာမည်သာမပါတာ။ ပိုစ်အရင်းအမြစ် တစ်ပုဒ်လုံးမှားနေပါတယ်။ ဒါပေမဲ့  ဘုန်းကြီးလောကကို  ကျွန်မမသိတဲ့ အတွက် လူမျိုးနာမည် ကျွန်မပိုစ်တွင်  ကျွန်မအကုန်ဖျက် ပေးထားပါတယ်။သို့သော်  http://www.dhammagarden.com/
တွင်ဆက်လက်တင်ထားသော  ပိုစ်အတွက် ကျွန်မတာဝန်ယူ ဖြေရှင်းမည် မဟုတ်ပါ။ ကူးယူတင်ထားသော  http://www.dhammagarden.com/ PHD ဘွဲ့ရဘုန်းကြီးသာ  တာဝန်ယူဖြေရှင်းရမည်။

ဒီအောက်တွင်  ကျွန်မဆီမေလ်းဖြင့်  လာရောက်ပြောဆို  ရှင်းလင်းထားသော  ကိုယ်တော်နဲ့ပြောထားသော  အချက်အလက်များ  ဖတ်ပြီးဝေဖန် သုံးသပ်ပေးကြပါ။  စာဖတ်သူများ အမှားအမှန်ကို သေချာ သိနိုင်သလို  မှားခဲ့တယ်ဆို ကျွန်မလိုချက်ချင်း  ပြင်နိုင်တဲ့  သတ္တိရှိနိုင်ကြ ပါစေလို့  ဆုတောင်းပေးလိုက်ပါတယ်။ လူမျိုးရေးမိသော စေတနာအမှားနှင့် ပိုစ်တစ်ပုဒ်လုံးမှား  ရေးထားသော လွှဲချော်မှုအမှားကို အဘယ်ကြောင့်  ကွဲပြားသည်ကို  သင်ဆင်ခြင်ဆုံးဖြတ်နိုင်ပါစေ။




                         me: ဦးဇင်း
  တပည့်တော်မ နာမည်ပြန်ဖြုတ်ထားပါတယ်
 ashin ဟုတ်ကဲ့
  ကြည့်ပီးပါပီ
10:21 AM me: ရေးထားသော စာလုံးတိုင်းကိုလည်း တာဝန်ယူရဲတဲ့ သတ္တိရှိပါတယ်
  သတင်းကတော့ တစခုခု မှားနေတယ်ဆိုတာ သေချာပါတယ်
10:23 AM ဧရာဝတီက တကယ်ငွေကြေးရတဲ့ သတင်းဆိုက်လေ. ဘာလို့ ရိုက်ပွဲလို့ မရေးဘဲ ဆွမ်းခံတာတွေ လျှောက်ရေးတာလဲ။ တပည့်တော်မက ကိုယ့်မြန်မာ သံဃာတွေကို သူများနိုင်ငံမှာ ဒုက္ခရောက် သိက္ခာကျမှာစိုးတဲ့ စေတနာနဲ့ဘဲမလို့ ပိုစ်တင်မိတာ. (လူမျိုး) နာမည်ဘဲမှားတယ်.။ သူတို့ ကျတော့ ဘာလို့ သတင်းတစ်ပုဒ်လုံးမှားတာလဲမသိ
  ဦးဇင်း ဘယ်လို နားလည်လဲ
  တကယ်မသိလို့ စိတ်ရှိအတိုင်းမေးမိတာ
10:24 AM ရိုင်းတယ်ဆိုရင် ခွင့်လွှတ်ပါ
  ညကတော့ ဝပ်တစ်လုံးကျောင်းက ကိုယ်တော်ကို ဖုန်းဆက်ပြီးပြီ။ ဦးဇင်းနဲ့ ချက်ပြီးတာနဲ့. ဟုတ်ပါတယ်. အရိုက်ခံရတာ မွန် ဘုန်းကြီးဆိုတာ မှန်ပါတယ်
10:25 AM သို့သော် ရိုက်သွားတာက ရခိုင်ကျောင်းသားလို့ သေချာ ထပ်ပြော သွားပါတယ်
 ashin အဲဒါ အရိုက်ခံရတဲ့ ဘုန်းကြီးကပြောတာလား
10:26 AM me: သို့သော် သံဃာ့အမှုတွဲတွေထဲ နားမလည် မပါချင်လို့ တပည့်တော်မ နာမည်တွေ ပြင်ပေးပါတယ်
  ရန်ဖြစ်တဲ့နေ့ကတည်းက ဒီသတင်းရ
  ထားတာပါ
10:27 AM ပြီးသွားတာက ပြီး သွားပါပြီ။ သို့သော် ဦးဇင်းကို သိစေချင်တာက တပည့်တော်မက ငွေမီဒီယာသမားလည်း မဟုတ် ဘာမှ မသိ ဘာမှမတတ်တဲ့ စေတနာ လူတစ်ယောက်ပါ
  ကျေးဇူးအထူး တင်ပါတယ် ဦးဇင်း
  ခုလို ပြန်လည် ရှင်းပြခွင့်ရတာ
10:28 AM ashin တကာမမေးလို့ပြန်ဖြေတာ
  အရိုက်ခံတဲ့ဘုန်းကြိးကပြောတာလား
  ရိုက်သွားသူရခိုင်လို့
  ဒီကျောင်းမာ နေတဲ့ လူမျိုးစုံ မြန်မာနိုင်ငံက ရှိတယ်
  အားလုံးသိတယ်
10:29 AM ဘယ်သူ ဘယ်လူမျိုးဆိုတာ
  ဘာလို့ မဟုတ်တာတွေ လုပ်ကြံပြောချင်ကြတာလည်း
 me: မပြောတတ်ပါ ဘုရား
  တပည့်တော်မကတော့ကို အဲဒီက ကိုယ်တော်တွေ ပြောတာပါ
10:30 AM ashinp အဲဒီကိုယ်တော်တွေက မဟုတ်တာတွေဖန်တီးနေတာ
 me: တပည့်တော်မှ ပိုစ်က( နာမည်)မှားမှုအတွက် တပည့်တော်မ ပြန်လည်တောင်းပန်ပါတယ်။. သို့သော် ပိုစ်တစ်ပုဒ်လုံး မှားတာ မဟုတ်တဲ့အတွက် ကျေနပ်ပါတယ် ဘုရား
 ashin: သေချာသိနေယက်သားနဲ့လုပ်ကြံနေတာ
10:31 AM ပြောယင် ရခိုင်တွေရိုင်းတယ် မကောင်းဘူးတဲ့
 me: မှန်ပါ့
  အဲဒီအတွက် သူတို့ပေးလာတဲ့ သတင်းအတိုင်းဘဲ ပြန်တင်ပေးလိုက်တာပါ။
 ashin လူရှေ့မှာတော့ မာယာတခွဲသာနဲ့ စကားချိုချိုနဲ့
  နောက်ကွယ်မှာ မဟုတ်တာတွေလုပ်ကြံတယ်
10:32 AM ရိုက်သောသူမှာ ဗမာလူမျှိုး ရန်ကုန် ရွှေပါက်ကံ့ သား ဒီလူကိုလက်ခံထားသူမှာ ဦးစန္ဒာသီရ ကော့မှု့သားဖြစ်ပါသည်
  အရိုက်ခံသော ရဟန်းမှာ ဦးအဂ္ဂ မွန်းလေးဖြစ်ပါသည်
10:33 AM me: ကျေးဇူးပါ
 ashin ဒီနေ့တောင် ဗမာဦးဇင်းတွေနှင့်တက္ကသိုလ်မာ ထပ်စုံစမ်းဖြစ်သေးတယ်
  သူတို့လည်း သေချာသိနေတာပဲ
10:34 AM ဘာလို့မဟုတ်တာတွေလုပ်ကြံနေကြတာလည်း နားမလည်နီုင်ပါဘူး
 me: ဘုန်းကြီးတွေနဲ့လည်း အဆက်အသွယ်မရှိ။။သူငယ်ချင်းတစ်ယောက်ကြောင့် တပည့်တော်မမေလ်းထဲ မေလ်းထဲလာပို့ထားလို့ မနေ့ည ချက်ချင်း ဖုန်းထပ်ဆက်တယ်။. ကိုယ့်ပိုစ်မှားတယ်ဆို ပိုစ်တင်တောင်းပန်မလို သေချာအောင် ပြန်မေးလိုက်တာပါ
  ဦးဇင်း အသိတွေကို နားလည်အောင် ပြောပြပေးပါ
10:35 AM တပည့်တော်မကတော့ ပိုစ်ကို ပြောင်းပေးလိုက်ပြီး။ တပည့်တော်မ ပိုစ်ကို ကူးယူတင်လိုက်တဲ့ ဘလော့တော့ ပြောင်းမပြောင်း မသိ။
  အဲတာ တပည့်တော်မနဲ့ မဆိုင်
 ashin ဟုတ်ပါတယ် သူတို့တစုက အဲသတင်းဆိုက်တွေသွားပီး လုပ်ကြံဖန်တီးဖြန့်နေတာ
10:36 AM တကာမဘက်နားလည်ပေးနိုင်ပါတယ်
  သူတို့လုပ်တာနားမလည်နိုင်တာ
 me: မှန်ပါ့
10:37 AM ashin ဓမ္မဂါးဒင်းဆိုတဲ့ဆိုက်ကလည်း မနေ့က သေချာ စုံးစမ်းဖို့ ဖြစ်တာလည်း သေချာပြောထားတာ ဒီနေ့သတင်းနောက်တခုထပ်တင်လာသေးတယ်
  တကာမကတော့ သဘောတရားသဘောပေါက်နားလည်နိုင်ပါတယ်
10:38 AM ဟိုဘက်ဘုန်းကြီးလုပ်ထားတဲ့ဆိုက် လူထက်ကို အသိဥာဏ်တုးန်းနေပါလားလို့ စဉ်းစားမိတယ်
 me: သံဃာအချင်းချင်း လူအချင်းချင်း လူမျိုးအချင်းချင်း စည်းရုံးချစ်ခင်မှ ပြည်မာပြည်ကြီး ပိုတိုးတက်အောင်မြင်လာမှာပါ။အဲလို ဖြစ်ပါစေလို့လည်း ဆုတောင်းပေးနေပါတယ်။
  ဘယ်ဆိုက်ပါလဲ ဘုရား
 ashin http://www.dhammagarden.com/
10:39 AM အဲဒီမာပါ
 me: တပည့်တော်မလည်း ဦးဇင်းနဲ့ ချက်ပြီးချက်ချင်း ဖုန်းပြန်ဆက်တာပါ. သတင်းမှားဆို ပြန်တောင်းပန်မလို့ပါ ဘုရား
10:40 AM ဖတ်ပြီးပါပြီ ဘုရား
 ashin အကုန်လုံးစ ဆုံး ရှင်းရှင်းကြီးပဲသိနေတာ အဲဒါကိုလုပ်ကြံဖန်တီးနေတဲ့သူတွေရဲ့စိတ်ဓါတ်ကတော့ နိုင်းယှဉ်စရာကို မမြင်တော့ပါဘူး
10:41 AM ဒီကသူတွေပဲ လုပ်ကြံနေကြတာပါ
  သူများဆိုက်တွေသွားပီး လင့်တွေထားခဲ့တယ်
  အဲလိုဝါဒဖြန့်နေတာ
10:43 AM me: အဲဒီကိုယ်တော် တင်ချင်သလို တင်ပါ။ လွတ်လပ်သော သူတို့ရဲ့စိတ်ကို တပည့်တော်မ တားမြစ်ပိုင်ခွင့်မရှိပါ။အမှန်ကိုဝန်ခံတာပါ။ ကွန်ပျူတာနဲ့ ပတ်သက်ပြီး ဘာမှ မလုပ်တတ်ပါ။ ယ္ခုပို့စ်အတွက်လည်း အနှောင့်အယှက်ဖြစ်သွာားသည့်အတွက် ဦးဇင်းကိုလည်း တောင်းပန်ပါတယ်။ashin ဦးဇင်းတို့လိုချင်တာက အဖြစ်မှန်ဟာ အသိဥာဏ်လေးနက်သူတို့အတွက် တန်ဖိုးထားရကောင်းမှန်းသေချာလေးသိစေချင်တာပါ တဦးတယောက် နစ်နာသွားစေတဲ့ အလုပ် အပြုအမူမျိုးကို ကိုယ်လုပ်ဖို့လည်း လက်မခံနိုင်ဘူး သူများလည်းမလုပ်စေချင်ပါဘူး အဲဒါလေးလိုချင်တာပါ
11:01 AM me: တကယ် အပြစ်တင်ရမယ်ဆို သတင်းပေးလာတဲ့ သင်္ကန်းဝတ်နဲ့ ဘုန်းကြီးပါဘဲ
11:02 AM စေတနာ အရင်းခံပြီးရေးတဲ့
  ကျွန်မပိုစ်ကို
  ကျွန်မတာဝန်ယူရဲပါတယ်
  ဘုန်းကြီးလောကဆိုတော့ နားမလည်တော့ဘူး ဘုရား
 ashin ဟုတ်ကဲ့သူတို့လုပ်ရပ်ကို အဲလိုမလုပ်စေချင်တာပါ
  me: ဦးဇင်း ဒီနေ့ ရှင်းလင်းထားတဲ့ ပိုစ်မှာ ဦးဇင်းနဲ့ ပြောထားတာတွေ ပြန်လည်ကူးယူ တင်လို့ ရမလား
  သူတို့ကို ဦးဇင်းနဲ့ ဖြေရှင်းထားကြောင်း သိစေချင်တယ်
11:13 AM ashin အီးမေလ်ကို မထဲ့ပါနှင့်တကာမ
11:14 AM me: အီးမေလ်း မထည့်ရင်
  တပည့်တော်မ လုပ်ကြံရေးတယ် ဖြစ်လာဦးမယ်
  ဦးဇင်းလည်း အမှန်တရား အတွက် လာပြောတာဘဲ
  တပည့်တော်မလည်း အမှန်တရားကို ဘဲ တင်ချင်ပါတယ်
11:15 AM ashin အများအတွက်အဆင်ပြေမဲ့စကားတွေပဲသုံးစေချင်တယ် အခုက တကာမနဲ့ဦးဇင်း personal ချက်ပြောနေကြတာတွေမို့ပါ
11:18 AM me: နာလည်ပါတယ်
  သို့သော် ဦးဇင်းမေလ်း မထည့်ရင် ခုလို ယုန်ထင်ကြောင်ထင် အလကားသတင်းလွင့်တယ် ထင်မှာလေ
  ခု လက်ရှိ ဖြစ်ရပ်ဘဲ ကြည့်ပါ
 ashin ကျောင်းမာနေပီး တက္ကသိုလ်တက်နေတဲ့ ဦးဇင်းတပါးက ချင်းလင်းပြောတာလို့ ပြောရင်ဖြစ်ပါတယ် သတင်းတွေမှာ စကားခိုင်မာအောင် ဒီလိုပဲသုံးနေလေ့ရှိပါတယ်
11:19 AM me: တော်ကြာ လာအက်ပြီး ဘယ်ကိုယ်တော်လဲ ဘာလဲ ညာလဲ အဲလိုတွေ
11:21 AM ashin မေလ်ကို တအားကြီး ပျံ့သွားတာမကောင်းပါ ကိုယ်သိသူတွေဆို အကြောင်းမဟုတ်ပါဘူး    အလွမ်းမြို့လေး။
Posted by အလွမ်းမြို့လေး at 04:09 

ဘာတွေဖြစ်ကုန်ကြပြီလဲ နောက်ဆက်တွဲ


ဓမ္မဂါးဒင်းဆိုက်ပိုင်ရှင်သည် ဘာမျှမဟုတ်ပါ။
ဗုဒ္ဓဘာသာနှင့်ပတ်သက်သည့် လေ့လာဘူး ဖတ်ဘူး မှတ်ဘူးသော
အကြောင်းအရာတွေကို မျှာဝေပေးနေသော သာမင်ညောင်ည
ဦးဇင်းငယ်တစ်ပါးသာဖြစ်ပါသည်။

ဟိုနေ့ကမှ ဓမ္မဂါးဒင်းဆိုက်ထဲရှိ cbox တွင်
အလွမ်းမြို့လေး ဆိုသူက ထိုင်းနိုင်ငံတွင် ဖြစ်ပျက်နေသောအခြေအနေများနှင့်ပတ်သက်၍
လင့်လေးရေးပြီး ကူညီပေးဘို့ ရေးထည့်သွားပါသည်။

ဒီကိစ္စနှင့်ပတ်သက်ပြီး ယခုတဖန် မောင်ချစ်ဆိုက်မှ လင့်လေးတစ်ခုကို
အလွမ်းမြို့လေးက ထပ်မံပေးလာပြန်ပါသည်။

ဓမ္မဂါးဒင်းဆိုက်ပိုင်ရှင်သည် အလွမ်းမြို့လေးကိုလည်း မသိပါ။
မောင်ချစ်ကိုလည်း မသိပါ။
ဝတ်တလုံဆိုတာလည်း မသိပါ။
ဘယ်သူ့ကိုမှ မသိ၍ ဘယ်မှ မရောက်ဘူးပါ။

သို့သော် ဗုဒ္ဓဘာသာ ဘာသာရေးခေါင်းဆောင်ဖြစ်နေသည့်အတွက်
ကိုယ့်ဘုန်းကြီးများပြဿနာတွေနဲ့ ကြုံနေရပြီး
ဒုက္ခရောက်နေတာကို ကူညီနိုင်မည့်သူ တွေ့လိုတွေ့ငြားဆိုတဲ့ ရည်ရွယ်ချက်နဲ့
ဖော်ပြရခြင်းဖြစ်ပါသည်။

အကြောင်းအရာ မှန် မမှန် ဓမ္မဂါးဒင်းနှင့်မဆိုင်ပါ။
အကူအညီပေးလိုသူ ပေးနိုင်သူများ ပေးစေလိုပါသည်။
ဆက်လက်ဖတ်ကြည့်ပေးပါ။

မူရင်းက အောက်ကလင့်ကပါ။
သတ်ပုံကို လင့်ပါအတိုင်း တင်ပေးထားပါတယ်။

http://mgchit.blogspot.com/2011/03/blog-post_17.html

http://alwanmyolay.blogspot.com/

 ထိုင်းရဲ နှင့် ဗမာဘုန်းကြီး

အကြောင်းအရာ
သာသနာရေးဆိုင်ရာအဖွဲ ၊ ထိုင်းနိုင်ငံအတွင်းမှ
လူမူကူညီးရေး အဖွဲ NGO နှင့် UNHCR မှတာဝန်ရှိသူများသို့
ထိုင်းနိုင်ငံ ဘန်ကောက်မြို့ အတွင်း ယမန်နေ့က ဝပ်တစ်လုံးကျောင်းအတွင်း
ရဲများက ဗမာဘုန်းတော်ကြီး ၁၀ ပါးအား ဖမ်းဆီးပြီး
လူဝတ်လဲကာ ဖမ်းဆီးသွားကြောင်းသိရပါသည်။

အခင်းဖြစ်ပွားပုံ မှာ ဝပ်တစ်လုံးကျောင်းတိုက်တွင် သီတင်းသုံးနေသော
မွန်ဘုန်းကြီးတစ်ပါးနှင့် ရခိုင်လူမျိုး ကပ်ပိယ တို့သည် စကားများကြသည် ၊

ကပ်ပိယမှ ဘုန်းကြီးအား ကုလားဘုန်းကြီးကျောင်းဝန်း အတွင်းခေါ်သွား၍ ၊
ကပ်ပိယနှင့် ဘုန်းကြီးတို့သည် နဘန်းလုံးကြသည် ၊
ထိုသို့လုံးရာတွင် ကျောင်းအတွင်းမှကိုယ်တော်များက တွေ့သော်လည်း
ကုလားအချင်းချင်း ဖြစ်သည်ထင်၍ မဆွဲကြပေ ၊

ထိုနောက် ကပ်ပိယမှ ခြံစည်းရိုးမှ ဒုတ်ယူ၍ ဘုန်းကြီးခေါင်းကိုရိုတ်၍
ထိုဘုန်းကြီးမှာ ခေါင်းကွဲ သွားသည် ၊

ထိုနောက် ဘုန်းကြီးသည် ဗမာ ဘုန်းတော်ကြီးများဘက်သို့ထွက်ပြေး၍
အကူအညီတောင်းလေသည်၊ ဘုန်းကြီး ခေါင်းကွဲသည်ကို
ရှမ်းဘုန်းကြီးများက မြင်၍ ထိုကပ်ပိယကို လိုက်ဖမ်းကြသည်
သို့သော်လည်း မမိလိုက်ကြပေ ၊

ထိုကပ်ပိယ မှာ ရန်ဖြစ်သည့် အချိန်တွင်
အရက်အလွန်မူး နေကြောင်းသိရသည်၊ ထိုနောက် ရှမ်း ဘုန်းကြီးများက ထိုင်းရဲများအား တိုင်ကြားလေသည်၊ ထို အခင်းဖြစ်ပွားမှု့ကို
တိုက်အုပ်ဆရာတော် ရှမ်းဘုန်းကြီးမှ သိ၍
ကျောင်းအတွင်း စာသင်သည့် ဘုန်းကြီးများမှလွဲ၍
ကျန်မည်သည့် ဘုန်းကြီးများ နှင့်ကပ်ပိယ များအား
လကုန်ပိုင်းတွင် ကျောင်းမှ ထွက်ခွာပေးရန် ပြောထားသည်၊

ထိုအကြောင်းအရာ နှင့်ပတ်သက်၍ ထိုင်းရဲများက မနေ့က ညပိုင်းတွင်
ဝပ်တစ်လုံးကျောင်း အတွင်းသို့ ဝင်ဖမ်းရာ
ဗမာဘုန်းတော်ကြီး ၁၀ ပါး ပါသွားကြောင်းသိရသည်၊
ထိုဘုန်းကြီးများအား ဖမ်းပြီးလူဝတ်လဲလည်းလိုက်ပြီး
လဝက ပုဒ်မဖြင့် တရားစွဲဆိုထားပါသည်၊

ထိုသို့ ဝင်ဖမ်း ရာတွင် ထိုင်းနိုင်ငံတွင်
နိုးဘိုး ဒုက္ခသည် စခန်းမှ ဘုန်းကြီး သုံးပါး ပါသွားသည် ၊
ထို ဘုန်းကြီး ၃ ပါးမှာ ဦးကေသရ ၊ ဦးဇော်တိက နှင့် ဦးဝေပုံ တို့ဖြစ်ပါတယ် ၊
နောက်တစ်ပါးကတော့ ဦးသောပိတ ဖြစ်ပါတယ် ၊

၁၀ ပါး မှ ၂ ပါးသည် စာအုပ်အတုဟူ၍ ဖမ်းသွားသည် ၊
ဦးဇော်တိက မှာ ထိုင်းနိုင်ငံ အတွင်းနေထိုင်ခွင့် ၁၀ နှစ်ခံကပ်ပြား ရှိသည်ဟုသိရသည်၊
ဦးဝေပုံ မှာ တတိယနိုင်ငံထွက်ဖို့ စောင့်စားနေသော ကိုယ်တော်ဖြစ်ပါတယ်၊
ဦးကေသရ ကတော့ UNHCR အသိမှတ်ပြု ခံရသော ကိုယ်တော်တစ်ပါးဖြစ်ပါတယ်၊ ကျန်ကိုယ်တော်များကတော့ စုံစမ်း၍ မရသေးပါ၊

ထိုကြောင့် အဓိက တရားခံကပ်ပိယ မဖမ်းမိဘဲ အပြစ်မရှိသော
သံဃာတော်များပါသွားသည့်အတွက် ထိုင်းနိုင်ငံအတွင်းသက်ဆိုင်ရာ
NGO ၊UNHCR  နှင့် သာသနာရေးဆိုင်ရာ အဖွဲ့ များအကူအညီပေးကြပါရန် နှိုးဆော်ပါသည်။

ထိုသံဃာတော်များသည် အနည်းဆုံး ၆ လမှ ၁ နှစ်အထိထောင်ကြမည်ဖြစ်ကြောင်း
ထိုင်းနိုင်ငံရှိ ဦးဇင်းတစ်ပါးမှ ပြောကြားသွားပါသည်။
သို့သော်ထောင်ကျမည်  မကျမည်ကို အတိအကျမသိရပါ။
မောင်ချစ်

Saturday, March 19, 2011

ဆန့်ကျင်ဘက်

 London Tower Bridge
 
မိန်းမတွေက ပိုက်ဆံ မရှိရင် မနေတတ်ဘူး။
ယောက်ကျားတွေက ပိုက်ဆံ ရှိရင် မနေတတ်ဘူး။

Friday, March 18, 2011

ဘာတွေဖြစ်ကုန်ကြပြီလဲ


ဒီနေ့ပို့စ်ကို ဟိုတလောက ဘီဘီစီက ထုတ်လွှင့်လိုက်တဲ့
ဘာတွေဖြစ်ကုန်ကြပြီလဲ ဆိုတဲ့ အသံလွှင်ဇာတ်လမ်းခေါင်းစဉ်ကို ယူသုံးလိုက်ပါတယ်။
ဒီအောက်ဖော်ပြပါသတင်းကို ဒီဆိုက်ရဲ့ Cbox ထဲမှာ လင့်လာထည့်ပေးသွားလို့ ဖတ်ကြည့်မိပြီး
ဘာတွေဖြစ်ကုန်ကြပြီလဲ လို့ ရေရွတ်မိလို့ပါ။
ဒီသတင်းနဲ့ပတ်သက်ပြီး
အကြောင်းအကျိုး အကောင်းအဆိုးတွေကို
သူ့အမြင် ကိုယ့်အမြင် လွတ်လွတ်လပ်လပ် ဝေဘန်ပေးဘို့ ဖိတ်ခေါ်ပါရစေ။
သတင်းက ဒီလိုပါ။

သာသနာရေးအဖွဲ့စည်းသို့ မေတ္တာရပ်ခံချက်

ဒီနေ့ သတင်းတစ်ပုဒ်ကြားမိတယ်  ရင်ထဲမှာမကောင်းဘူး။
ဘယ်သူတွေကူညီနိုင်မှာလဲ  သာသနာ့အဖွဲ့စည်းကရော  ဘာတွေအကြံပေးနိုင်မှာလဲ။
UN ဆိုတဲ့အဖွဲ့စည်းကရော  ဒီလူတွေကိုဘယ်လို  ကူညီနိုင်မလဲ။
ကျွန်မတော့  ဘာမှမသိဘူး  စိတ်ထဲရှိတာပြောကြည့်တာနော်။

ဖြစ်ပုံကဒီလို  ထိုင်းနိုင်ငံ ဝတစ်လုံးဘုန်းကြီးကျောင်း  တစ်ကျောင်းတွင်  လွန်ခဲ့သောရက်အနည်းငယ်က  ဘုန်းကြီးတစ်ပါးနဲ့  ကျောင်းသားပြသနာတက်ခဲ့ရာ  ကျောင်းသားမှဘုန်းကြီး၏  ဦးခေါင်းကိုရိုက်နက်တဲ့  အထိပြသနာတက်ခဲ့တယ်။ ပြသနာဖြစ်ရတဲ့အကြောင်းရင်းကို  ကျွန်မသေချာမမေးမိပါ။

သို့သော်  ကျွန်မမေးမိသည်မှာ  ကျောင်းထိုင်ဘုန်းကြီးမှာ  ရှမ်းလူမျိုးဖြစ်တယ်။ 
ရန်ဖြစ်သော ဘုန်းကြီးမှာ မြန်မာလူမျိုးဖြစ်ပြီး ဘုန်းကြီးအားရိုက်သော 
ကျောင်းသားမှာ  ရခိုင်လူမျိုးဖြစ်ပါတယ်။

အဲဒီဘုန်းကြီးနဲ့  ကျောင်းသားပြသနာကြောင့်  
မနေ့ညတွင် ဝတစ်လုံးကျောင်းသို့  ထိုင်းရဲမှဝင်ရောက်ဖမ်းဆီး  ခဲ့ပါတယ်။
ကျောင်းထိုင်ဘုန်းကြီးမှ  မကျေနပ်သောကြောင့် 
ထိုင်းရဲကိုတိုင်ကြားခြင်း ဖြစ်တယ်လို့  သိရပါတယ်။

အဲလိုထိုင်းရဲများ ဝင်ရောက်ဖမ်းဆီးရာတွင်  မြန်မာဘုန်းကြီး ဧည်သည်များပါ 
အဖမ်းခံရပြီး  ရဲများကလူဝတ်လဲလိုက်တယ်လို့  ဆိုပါတယ်။

စုစုပေါင်းဘုန်းကြီး (၁၀)ပါး အဖမ်းခံထားရတယ်လို့ သိရပါတယ်။

အဖမ်းခံရသော ဘုန်းကြီးများထဲတွင်  မြန်မာပြည်မှ ဧည်သည်ဘုန်းကြီးများ
(UN) လျှောက်ထားပြီး  ကန့်ထဲတွင်နေသော ဘုန်းကြီးများပါ  ပါသွားကြောင်းသိရပါတယ်။
မြန်မာသသနာရေးဆိုင်ရာများကရော  သင်္ကန်းချွတ်လူဝတ်လဲခံရတဲ့ 
ဒုက္ခသည်ဘုန်းကြီးတွေ ကိုဘယ်လိုများ  ထောက်ခံကူညီပေးနိုင်မှာလဲ။

ထိုင်းရဲကဖမ်းတာ  ဖမ်းလို့ရပါတယ်။

ဧည်သည်တွေ ဘုန်းကြီးတွေမှာ ပတ်စပို့မရှိလို့ဆိုပြီး 
တာဝန်အရဖမ်းပေမဲ့  သင်္ကန်းချွတ်လူဝတ်လဲ တာကတော့  ကြားမကောင်းပါဘူး။
အဲဒီလူဝတ်လဲ  အချုပ်ချ/ထောင်ချမယ်ဆိုတော့  သာသနာရေးအဖွဲ့စည်းကလည်း
မျက်စိမှိတ်ပြီး  မနေဘဲတတ်နိုင်တဲ့ဘက်က ကိုယ့်သာသနာအတွက် 
တစ်ဖက်တစ်လမ်းက  ကြိုးစားပေးပါလို့  အားလုံးရဲ့ကိုယ်စား 
ကျွန်မ (အလွမ်းမြို့လေး)မှမေတ္တာရပ်ခံ  တောင်းခံအပ်ပါတယ်။

မျှော်လင့်တစ်ချက်  တစ်စုံတစ်ခုမှမရှိဘဲ 
လူမှု့စာနာမှုနဲ့  မေတ္တာရပ်ခံတောင်းခံအပ်ပါတယ်။

မေတ္တာဖြင့်
အလွမ်းမြို့လေး
မူရင်း၊ http://alwanmyolay.blogspot.com/

Thursday, March 17, 2011

နှစ်ကူးအစီအစဉ်

 ဘာမင်ဂန်မြို့ရှိပြတိုက်ရှေ့

၂၀၀၀ ပြည့်နှစ်တွင် မြန်မာနိုင်ငံမှပင့်ဆောင်ခဲ့ပြီး သမ္မာသမ္ဗောဓိဘုန်းတော်ကြီးကျောင်း (ကပုန်း) တွင် သီတင်းသုံးပူဇော်လျက်ရှိသည့် ဆင်းတုတော်ရုပ်ပွားတော်ကြီး၏ ၁၁- နှစ် မြောက် ဗုဒ္ဓ ဓမ္မ သံဃ ပူဇနိယပူဇော်ပွဲ နှင့် မြန်မာနှစ်ကူးအလှူတော်မင်္ဂလာပွဲကြီးကို အောက်ပါအစီအစဉ်အတိုင်း ကျင်းပပြုလုပ်မည် ဖြစ်ပါသဖြင့် ရုပ်ပွားတော်မြတ်ကြီးအား ပင့်ဆောင်စဉ်က ပါဝင်လှူဒါန်းကူညီခဲ့ကြသော အလှူရှင်များအပါအဝင် ဗုဒ္ဓဘာသာဝင် သူတော်စင်အပေါင်းတို့အား လေးမြတ်စွာ ဖိတ်ကြားအပ်ပါသည်။

လန်ဒန်မြို့၊ Thames မြစ်ဘေး
ကျင်းပမည့်နေ့ရက်
၁၂၊ ၄၊ ၂၀၁၁        ညနေ (၆) နာရီ ဆံချ
၁၃၊ ၄၊ ၂၀၁၁        နံနက် (၉) နာရီ သိမ်ဝင်၊ နံနက် (၁၀း၃၀) သိမ်ဆင်း
၁၇၊ ၄၊ ၂၀၁၁        နံနက် (၆) နာရီ ဘုရားအနေကဇာတင်၊ ဘုရားပူဇော်၊ ဆုတောင်းအမျှဝေ
                           နံနက် (၇) နာရီ အရုဏ်ဆွမ်းဆက်ကပ်
                           နံနက် (၈) နာရီ ပရိသတ်များဧည့်ခံ
                           နံနက် (၁၁) နာရီ နေ့ဆွမ်းဆက်ကပ်
                           မွန်းလွဲ (၁) နာရီ သီလယူ၊ တရားဟော/နာ၊ ရေစက်ချ။

ကျင်းပမည့်နေရာ
သမ္မာသမ္ဗောဓိဘုန်းတော်ကြီးကျောင်း (ကပုန်း)
နံပါတ် ၁၉၊ ဂျလန် ၃၈၊ ဒေစာဂျာယာ၊ ကပုန်း။

မြန်မာနှစ်ဆန်း (၁) ရက် (၁၇၊ ၄၊ ၂၀၁၁) တနင်္ဂနွေနေ့တွင် 
ဆရာတော်သံဃာတော်အရှင်သူမြတ်များနှင့် ကြွရောက်လာသောဧည့်ပရိသတ်အပေါင်းတို့အား ဦးသက်ဆွေ၊ ဒေါက်တာစီလေးခိုင်မိသားစုတို့က 
ဆွမ်းထမင်း တို့ဖြင့် တည်ခင်းဧည့်ခံလှူဒါန်းပါမည်။

Wednesday, March 16, 2011

မြန်မာနှစ်ကူး

Samnak Sambodhi Temple
11th Anniversary Buddhist Noble Activities

ဟားဗတ်တက္ကသိုလ်တည်ထောင်သူ့အိမ်ရှေ့

2011 marks the 11th year of the annual Buddhist Event of Buddha Image which has been brought from Myanmar and installed and enshrined since Year 2000 in a New Building of Samnak Sambodhi Temple known among Burmese as Kepong Kyaung.

Samnak Sambodhi Buddhist Association (SSBA) will be, as previous years, holding the Annual Buddhist Meritorious Activities such as Chanting Suttas for the re-consecration of the Buddha statue, Shaving Ceremony, Ordination Ceremony, Offering of Alms to the Sangha Members and Serving lunch dana to the guests.

On behalf of SSBA, we wish to extend our cordial invitation to you to participate in the above activities which are scheduled to be held on the following date, time and venue.

We look forward to your esteemed presence and kind participation.

ရှိတ်စ်ပီးယားအိမ်ရှေ့

SHAVING CEREMONY
Tuesday 12 April 2011 at 6.00 pm

ORDINATION CEREMONY
Wednesday 13 April 2011 at 9.00 am

CHANTING FOR RECONSECRATION OF THE BUDDHA STATUE
Sunday 17 April 2011 at 6.00 am
DANA – DAILY at 7.00 am & 11.30am

VENUE
Samnak Sambodhi Buddhist Association
No. 19-21, Jalan 38, Desa Jaya, Kepong 52100,
Kuala Lumpur, Malaysia

Breakfast & Lunch sponsored 
by U Thet Swe & Dr. Si Lay Khaing on 17 April 2011 Sunday

Tuesday, March 15, 2011

ခိုးလို့မရတာက?

 အောက်စ်ဖို့မြို့လယ်

ဘုရားရှင်ကို နတ်သားမေးတဲ့ နောက်ဆုံးမေးခွန်းက
ကိံသု စောရေဟိ ဒူဟရံ
ဘယ်ဟာကို သူခိုး (ဓားပြ) တို့ ခိုးယူလုယက်နိုင်ခဲပါသလဲ တဲ့။
သူခိုးဓားပြတို့ ခိုးယူလုယက်လို့ မရတဲ့အရာဟာ ဘယ်ဟာဖြစ်ပါသလဲ ပေါ့။

မီးခံသေတ္တာထဲက ဘဏ်ထဲက ငွေတွေ ရတနာပစ္စည်းတွေကို
သူခိုးဓားပြတွေ ခိုးယူလုယက်လို့ မရနိုင်ဘူးလို့ ထင်ကြမှာပါဘဲ။

လူတော်တော်များများက ကိုယ်ရှာဖွေထားတဲ့ပစ္စည်းဥစ္စာကို
အတော်လေး တပ်မက်ကြတယ်။
ကိုယ့်ရဲ့ ဇနီး မယား သမီး သားတွေကို
အတော်လေး ချစ်ခင်စုံမက်ကြတယ်။
တချို့များ ကိုယ့်ဇနီးမယားကို သေပြီး နောင်ဘ၀အထိ ယူဆောင်သွားလို့
ရတယ်များထင်နေလား မသိဘူး။
ချစ်လိုက်ကြတာ၊ ယုယလိုက်ကြတာ။
လိုအပ်တာထက်ကို ပိုနေလိုက်တာ။

ကိုယ့်တိုက်တာ အိမ်မြေ စည်းစိမ်တွေကိုလည်း ဒီအတိုင်းဘဲ။
တပ်မက်လိုက်ကြတာ၊ တွယ်တာလိုက်ကြတာ။
နောင်ဘ၀ ယူသွားလို့ ရတယ်များ ထင်နေလားမသိပါဘူး။

တကယ်တော့ လင်ယောက်ကျားပဲဖြစ်ဖြစ်၊ ဇနီးမယားပဲဖြစ်ဖြစ်
သေသွားပြီဆိုရင် ကျန်ရစ်သူကို ခေါ်သွားလို့ မရပါဘူး။

ဒီဘ၀မှာ တော်စပ်တဲ့ ဇနီးမယား ခင်ပွန်းယောက်ကျားက
ဒီဘ၀မှာပဲ ကိုယ်နဲ့ သက်ဆိုင်ပါတယ်။
ဒီဘ၀မှာ ရှာဖွေ စုဆောင်းထားတဲ့
စည်းစိမ်ဥစ္စာ ငွေရေးကြေးရေးတွေကလည်း
ကိုယ်နဲ့ ဒီဘ၀မှာပဲ သက်ဆိုင်ပါတယ်။
ဒီဘ၀မှာသာ ပိုင်ပါတယ်ဆိုတဲ့ ဇနီးမယားကိုတောင်
သူတပါးက လုယူသွားနိုင်သေးတယ်။
စည်းစိမ်ဥစ္စာလဲ ထို့အတူဘဲ။

ဒကာမကြီး တက်ခဲ့တဲ့တက္ကသိုလ်ရှေ့

ဟိုတလောက ဇနီးမောင်နှံနှစ်ယောက် မနက်စောစော
အုန်းနို့ခေါက်ဆွဲကပ်ဖို့ ကျောင်းကိုလာတယ်။
ဆိုင်ကယ်နဲ့။
ယောက်ကျားက ရှေ့က မောင်း။
မိန်းမက နောက်က စီး။
သူတို့နှစ်ဦးကြားမှာက လက်ကိုင်အိပ်လေးတင်လို့။
ကျောင်းကို လာတာ။
ဆီဆိုင်နားရောက်တော့ ဆီဖြည့်ဖို့ ဆိုင်ကယ်ကို အရှိန်လျှော့လိုက်တာနဲ့
ဘယ်အချိန်က ကပ်လိုက်လာမှန်းမသိတဲ့ ဆိုင်ကယ်တစ်စီးက
ဝူး ဆို သူတို့ဆိုင်ကယ်နားကို ကပ်လိုက်ပြီး နှစ်ယောက်ကြားက လက်ကိုင်အိပ်လေးကို
ဆွဲလုပြီး မောင်းထွက်သွားတယ် တဲ့။
လက်ကိုင်အိပ်ထဲမှာက ပတ်စ်ပို့နဲ့ ငွေနည်းနည်းပါသွားတယ်။

နိုင်ငံခြားမှာနေတာ ပတ်စ်ပို့က အင်မတန်အရေးကြီးတယ်။
၁၉၉၉ - ခုနစ် နိုင်ငံခြားစထွက်ခါနီးတော့
နိုင်ငံခြားသွားဘူး လာဘူးရှိတဲ့ ဦးဇင်းက သြ၀ါဒချွေဘူးတယ်။
“နိုင်ငံခြားရောက်ရင်
ပတ်စ်ပို့က အဖေ၊ ဒေါ်လာက အမေ၊
ဒီအဖေနဲ့အမေကို ရိုရိုသေသေကိုင်တွယ်ရမယ်၊
လုံလုံခြုံခြုံသိမ်းဆည်းရမယ်” တဲ့။

ပြောချင်တာက ကိုယ့်မှာရှိတဲ့ စည်းစိမ်ဥစ္စာ ငွေရေး ကြေးရေးတွေဟာ
ဘာမှ အစိုးမရဘူး။ အချိန်မရွေး သူခိုးဓားပြတွေ ခိုးယူ လုယက်သွားနိုင်တယ်။

ဒီမှာ နတ်သားရဲ့
သူခိုးဓားပြတို့ ခိုးယူလုယက်လို့ မရတဲ့အရာဟာ ဘယ်ဟာဖြစ်ပါသလဲ ဆိုတဲ့အမေးအတွက်
ဘုရားရှင်ရဲ့ အဖြေကို ကြည့်ရအောင်။
ပုညံ စောရေဟိ ဒူဟရံ - သူခိုးဓားပြတို့ ခိုးယူလုယက်လို့ မရတဲ့အရာဟာ
ကုသိုလ်ကောင်းမှုဖြစ်ပါတယ် တဲ့။

ဗုဒ္ဓဘာသာဝင်တွေက ၃၁ ဘုံကို လက်ခံယုံကြည်ပါတယ်။
ဆိုတော့ လူတစ်ဦးတစ်ယောက်ဟာ ဒီဘ၀နဲ့တင် ကိစ္စမတုံးသေးပါဘူး။
နောင်ဘ၀တွေမှာ (၃၁) ဘုံမှာ ကျင်လည်ရအုံးမှာပါ။

ဒီလို ၃၁ ဘုံကျင်လည်တဲ့အခါ ကောင်းတဲ့ဘုံရောက်ဖို့
ကောင်းတဲ့မိဘတွေနဲ့တွေ့ဘို့
ကောင်းတဲ့ဆရာသမားတွေနဲ့တွေ့ဘို့
ကောင်းတဲ့သူငယ်ချင်းတွေနဲ့တွေ့ဘို့က
အခု ကိုယ်လုပ်နေတဲ့အလုပ်က ကောင်းဘို့ပါ။

အခု ကိုယ်လုပ်နေတဲ့အလုပ်က နောင်အခါမှာ နောင်ဘ၀မှာ
ကိုယ်ဘာကောင်ဖြစ်မလဲဆိုတာ ဆုံးဖြတ်မှာပါ။
ကိုယ့်နောင်ဘ၀အတွက် အခု ကိုယ်ဘာလုပ်နေတယ်ဆိုတာက အဆုံးအဖြတ်ပေးမှာပါ။

ဆိုလိုတာက
အခုကိုယ်လုပ်နေတဲ့ ကောင်းမှုကုသိုလ်က ကိုယ့်နောက်ကို အစဉ်အမြဲ လိုက်ပါနေမှာပါ။
ကိုယ်လုပ်တဲ့ကောင်းမှုကုသိုလ်ကို ကိုယ့်နောက်မပါအောင်
ဘယ်သူကမှ တားဆီးပိတ်ပင်လို့မရပါဘူး။
ကိုယ်လုပ်တဲ့ကောင်းမှုကုသိုလ်ကို ဘယ်သူခိုးကမှ ခိုးယူလို့ မရပါဘူး။
ဘယ်ဓားပြကမှ လုယူ တိုက်ယူလို့ မရပါဘူး။
ဒါ့ကြောင့် ဘုရားရှင်က
သူခိုးဓားပြတို့ ခိုးယူလုယက်လို့ မရတဲ့အရာဟာ
မီးခံသေတ္တာထဲက ဘဏ်ထဲက ငွေတွေ ရတနာတွေမဟုတ်ပါဘူး။
ကုသိုလ်ကောင်းမှုဖြစ်ပါတယ် လို့ ပြောကြားခဲ့တာပါ။

ဒီဂါထာလေးကို အကျဉ်းချုပ်လိုက်ရင်
အိုသည့်တိုင်အောင် ကောင်းတာက သီလ အကျင့်ပါ။
ကိုယ့်ရင်ထဲ နှလုံးသားထဲမှာ တည်ဆောက်ရမှာက သဒ္ဓါပါ။
လူသားတွေအတွက် ရတနာဆိုတာ ပညာကို ပြောတာပါ။
သူခိုးဓားပြတို့ခိုးယူလုယက်လို့ မရတဲ့အရာဟာ ကောင်းမှုကုသိုလ်ပါ။

Monday, March 14, 2011

အကောင်းဆုံးနေရာ

 မန်ချက်စတာမြို့လယ်

East of West
Home is the best!

Sunday, March 13, 2011

အချစ်သုံးမျိုး

လန်ဒန်ရှိ ဗြိတိသျှစာကြည့်တိုက်ရှေ့

ဒီနေ့ သတို့သား မောင်ဇော်ဇော်ဦးနဲ့ သတို့သမီးမအိအိခင်တို့
လောကကြီးကို နှစ်ယောက်အတူ လက်တွဲရင်ဆိုင်မယ်လို့ ဆုံးဖြတ်ချက်ချပြီး
ကိုယ့်အိုးကိုယ့်အိမ်ကို တည်ထောင်တဲ့ အိမ်ထောင်ပြုကြတဲ့ပွဲပေါ့။

တနည်းအားဖြင့် တစ်ဦးနဲ့တစ်ဦး ယုံကြည်လို့  အချင်းချင်း
ချစ်ခင်စုံမက်ပြီး လက်ထပ်ကြတဲ့ပွဲဖြစ်ပါတယ်။
ချစ်တာကို ပါဠိလို ပေမလို့ခေါ်တယ်။

ပေမလို့ခေါ်တဲ့ အချစ်က သုံးမျိုးသုံးစားရှိတယ်လို့ မှတ်သားဘူးတယ်။
(၁) တဏှာပေမ
(၂) ဂေဟဿိတပေမ
(၃) မေတ္တာပေမ တဲ့။

နံပါတ် (၁) တဏှာပေမဆိုတာ သမီးရည်းစားချစ်ကိုပြောတာ။
လူရယ်လို့ဖြစ်လာရင် အရွယ်ရောက်လာတဲ့အခါ
သမီးရည်းစားဘ၀ကို ရောက်ကြတာချည်းပဲ။
ဒီလို သမီးရည်းစားဘ၀ရောက်ပြီး သမီးရည်းစားချစ် ချစ်ကြတာကို
တဏှာပေမလို့ ခေါ်ပါတယ်။

နံပါတ် (၂) အမျိုးအစား ဂေဟဿိတပေမကို ၀တ္တရားချစ်လို့
အလွယ်နည်းနဲ့ ဘာသာပြန်ဆိုနိုင်ပါတယ်။
ဝတ္တရားချစ်ဆိုတာက လင်ရယ် မယားရယ်လို့ ဖြစ်လာပြီဆိုရင်
လင့်မှာလည်း လင့်ဝတ္တရား၊ မယားမှာလည်း မယားဝတ္တရား
အသီးအသီးရှိကြပါတယ်။

မထေမဲ့ကင်း၊ အပ်နှင်းဥစ္စာ၊ မိစ္ဆာမမှား၊ ၀တ်စားဆင်ယင်၊ မြတ်နိုးကြင်ဆိုတဲ့အတိုင်း
လင်ယောက်ကျားလုပ်တဲ့သူက
ကိုယ့်ဇနီးမယားအပေါ်မှာ (ငါကရှာကျွေးနေရတာပဲဆိုပြီး) မထေမဲ့မြင်မလုပ်ဖို့၊
ရလာတဲ့ ငွေ၊ စည်းစိမ်ဥစ္စာတွေကို ဇနီးမယားကို အပ်နှံဖို့၊
ကိုယ့်ဇနီးမယားကလွဲရင် ကျန်တဲ့ မိန်းမတွေကို ဖွဲ၊ ဆန်ကွဲလို့ သဘောထားဖို့၊
ကိုယ့်ဇနီးမယားကို နေ့ထူးနေ့မြတ်တွေမှာ အ၀တ်အစားလေးတွေ၊
ရတနာပစ္စည်းလေးတွေဝယ်ပြီး လက်ဆောင်ပေးကာ ဆင်ယင်ဖို့၊
ကိုယ့်ဇနီးမယားကို ကြင်နာမြတ်နိုးဖို့ ဆိုတဲ့
ဝတ္တရားတွေကို ကျေပြွန်အောင် ထမ်းဆောင်ရပါမယ်။

ဇနီးမယားလုပ်တဲ့သူကလဲ
အိမ်တွင်းမှုလုပ်၊ သိမ်းထုတ်သေချာ၊ မိစ္ဆာကြဉ်ရှောင်၊ လျော်အောင်ဖြန့်ချိ၊ ပျင်းရိမမူ
ဆိုသည့်အတိုင်း
အိမ်တွင်းအလုပ်တွေဖြစ်တဲ့ ထမင်းချက်၊ ဟင်းချက်၊ အ၀တ်လျှော်စတဲ့
အိမ်တွင်းအလုပ်တွေကို လုပ်ဆောင်ရပါမယ်။

(ဒီအချက်ကို ပြောပြတော့ သတိုးသမီးဖြစ်တဲ့ မအိအိခင်က
သူလည်း အပြင်ကို အလုပ်ထွက်လုပ် နေရလို့
အိမ်လုပ်ငန်းတွေကို လင်ယောက်ကျားဖြစ်တဲ့သူလည်း
လုပ်ဆောင်သင့်ပါတယ်ဘုရားလို့ ရယ်ရယ်မောမော လျှောက်လာပါတယ်။)

မအိအိခင်ပြောတာ မှန်ပါတယ်။

ဟိုးလွန်ခဲ့တဲ့နှစ်ပေါင်း ၂၆၀၀ နီးပါးက အိန္ဒိယနိုင်ငံ လူ့အဖွဲ့အစည်းမှာ
ဒီလင့်ဝတ္တယား မယားဝတ္တရားတွေကို ဘုရားရှင် ဟောကြားခဲ့တာပါ။

အိန္ဒိယထုံးစံက
အိမ်ထောင်ပြုမယ်ဆိုရင် အမျိုးသမီးများက အမျိုးသားများကို တင်တောင်းရပါတယ်။
အင်္ဂလိပ်လို Dowry လို့ခေါ်ပါတယ်။
လင်ယောက်ကျားရဲ့ ပညာဂုဏ် ဆွေဂုဏ်မျိုးဂုဏ် အဆင့်အတန်းပေါ်မူတည်ပြီး
တင်တောင်းရတဲ့ငွေကြေးပမာဏ အနည်းအများကွာပါတယ်။
လင်ယောက်ကျားကျေနပ်တဲ့အထိ ဇနီးမယားလုပ်မဲ့သူဘက်က ရှာကြံပေးရပါတယ်။

ဒီလိုဇနီးမယားလုပ်မဲ့သူက လင်ယောက်ကျားစိတ်ကြိုက် တင်တောင်းပြီးလို့
အကြင်လင်မယားအဖြစ်ရောက်သွားပြီဆိုရင် ဇနီးမယားက ဘာမှ မလုပ်တော့ပါဘူး။
အိမ်တွင်းမှာပဲ ကုတ်နေတော့တာပဲ။
ဒီစနစ် ဒီဓလေ့က ဒီနေ့အထိပါပဲ။

ဒါ့ကြောင့် အိန္ဒိယနိုင်ငံကို သွားရင်
ဈေးရောင်းနေတာလဲ ကုလားပဲ၊ စားပွဲထိုးလုပ်နေတာလဲ ကုလားပဲ။
နေရတကာမှာ ကုလားအထီးတွေချည်းဘဲ။
ဈေးတွေမှာလည်း ကုလားအထီးတွေဘဲ ဈေးရောင်း ဈေးဝယ်လုပ်နေတာ တွေ့ရပါတယ်။

ဒီလိုဓလေ့ထုံးစံရှိတဲ့ အိန္ဒိယလူ့အဖွဲ့အစည်းမှာ
ဇနီးမယားလုပ်တဲ့သူကို အိမ်တွင်းအလုပ်တွေကို ကျေပြွန်အောင် လုပ်ပါလို့
ဘုရားရှင်ဟောခဲ့တာပါ။

ဒီနေ့ဒီအချိန်အခါ ဒို့လူမျိုးအဖွဲ့အစည်းမှာတော့
လင်ယောက်ကျားရော၊ ဇနီးမယားပါ မနက်က မိုးချုပ် အပြင်ထွက်အလုပ်လုပ်နေရတာဆိုတော့
လင်ရော မယားပါ အိမ်တွင်းအလုပ်တွေကို အတူတူလုပ်ကြပေါ့။

နောက် ဇနီးမယားဝတ္တရားတွေက
လင်ယောက်ကျားက အပ်နှံတဲ့ ငွေ ပစ္စည်းဥစ္စာတွေကို
သေသေချာချာ သိမ်းဆည်းထားရပါမယ်။
ကိုယ့်ယောက်ကျားကလွဲလို့ တခြားယောက်ကျားတွေကို
ဖွဲ ဆန်ကွဲလို သဘောထားရပါမယ်။
တချို့က လင်ယောက်ကျားဘေးထားပြီး ရုပ်ရှင်ကားကြည့်ရင်း
“နေတိုးက အတော်ချောတာပဲ လို့ ပြောတတ်ကြတယ်။
မပြောသင့်ပါဘူး။ ဒါမျိုးကအစ ရှောင်ကြဉ်ရပါမယ်။
သူ့ဘက် ကိုယ့်ဘက် သင့်လျော်အောင် ဖြန့်ချိရပါမယ်။
မပျင်းမရိဘဲ တက်တက်ကြွကြွ နေထိုင်ရပါမယ်။

ဒီလိုအသီးအသီးရှိကြတဲ့ ၀တ္တရားတွေကို တာဝန်ကျေပြွန်အောင် ထမ်းဆောင်တာကို
တာဝန်ကျေပြွန်စွာ ထမ်းဆောင်ရင်းချစ်ကြတာကို
ဂေဟဿိတပေမ - ၀တ္တရားချစ်လို့ခေါ်ပါတယ်။

နံပါတ် (၃) ဖြစ်တဲ့  အချစ်ကတော့
မေတ္တာပေမ လို့ခေါ်ပါတယ်။ မေတ္တာချစ်ပေါ့။
မေတ္တာဆိုတာ ဘာပဲပြုပြု၊ ဘာပဲ ပြောပြော၊ ဘာပဲ ကြံကြံ
သူ့အကျိုးလိုလားစိတ်နဲ့ ပြုမူပြောဆိုကြံစည်တာကိုပြောတာပါ။
လင်ယောက်ကျားက ဇနီးမယားအကျိုးအတွက်
ပြုမူပြောဆိုကြံစည်ရမှာဖြစ်သလို
ဇနီးမယားကလည်း လင်ယောက်ကျားအကျိုးမျှော်ကိုးပြီး
ပြုမူ ပြောဆို ကြံစည်ရပါမယ်။
ဒါမျိုးကို မေတ္တာပေမ - မေတ္တာချစ်လို့ခေါ်ပါတယ်။

အိမ်ထောင်ပြုလို့ လင်ရယ် မယားရယ်လို့ဖြစ်လာမှတော့
သမီးရည်းစားချစ်နဲ့လည်း ချစ်ရမှာပါဘဲ။
ဝတ္တရားချစ်နဲ့လည်း ချစ်ရမှာပါဘဲ။
မေတ္တာချစ်နဲ့လည်း ချစ်ရမှာပါဘဲ။

ဒီသုံးမျိုးလုံးနဲ့ချစ်ရင် ပျော်ရွှင်ချမ်းမြေ့တဲ့အိမ်ထောင်သည်တွေဖြစ်မှာပါ။
ဒါ့ကြောင့် ဒီအချစ်သုံးမျိုးလုံးနဲ့ ချစ်နိုင်ကြပါစေ။
ချစ်နိုင်ပြီးသကာလ ဒီလင်ဒီမယား သက်ဆုံးတိုင်
အိုအောင်မင်းအောင်ပေါင်းနိုင်ကြပါစေ။

သာဓု သာဓု သာဓု
မနေ့က မင်္ဂလာဆွမ်းကျွေးမှာ ဟောခဲ့တဲ့တရားဖြစ်ပါတယ်

Saturday, March 12, 2011

ညီမျှနေဘို့

 လန်ဒန်မှာရှိတဲ့ သီရိလင်္ကာဘုန်းကြီးနဲ့

ဘုရားရှင်ကို မေးတဲ့ နတ်သားရဲ့ နံပါတ် (၃) မေးခွန်းက
ကိံသု နရာနံ ရတနံ - အဘယ်တရားသည် လူတို့၏ ရတနာမည်ပါသနည်း တဲ့။
လူတွေရဲ့ ရတနာဆိုတာ ဘာကို ပြောတာလဲ။

အိမ်တစ်အိမ်မှာ ဒီတရားကို ဟောပြရင်း
ဒီမေးခွန်းကို ဒကာကြီးကို မေးကြည့်တော့
ဘုရား တရား သံဃာ ရတနာသုံးပါးပါဘုရား တဲ့။
သူဖြေတဲ့အဖြေက ဗုဒ္ဓဘာသာဝင်တွေအတွက်တော့ ဟုတ်သလိုလိုပဲ။

လူတွေရဲ့ ရတနာဆိုတဲ့ နတ်သားရဲ့ စကားမှာပါတဲ့ လူဆိုတာ
ဗုဒ္ဓဘာသာဝင်တွေကိုသာ လူလို့ခေါ်တာမဟုတ်ဘူး။
ဗုဒ္ဓဘာသာဝင်မဟုတ်တဲ့ အင်္ဂလိပ်ရော တရုတ်ရော၊ ကုလားရော လူတွေပဲ။
ဗုဒ္ဓဘာသာဝင်မဟုတ်တဲ့ အဲ့ဒီလူတွေအတွက်
ဘုရား တရား သံဃာကို ရတနာလို့ ဘယ်လိုလုပ်သတ်မှတ်လို့ရမလဲ။
ဆိုတော့ ရတနာဆိုတာ အများနဲ့သက်ဆိုင်တဲ့ လူသားအားလုံးရဲ့ ရတနာဖြစ်ရပါမယ်။

ဘုရားရှင်ရဲ့ အဖြေက
ပညာ နရာနံ ရတနံ - ပညာသာ လူတွေရဲ့ ရတနာဖြစ်ပါတယ်တဲ့။

ဘာသာရေးကိုးကွယ်ဆည်းကပ်တဲ့နေရာမှာ
ယုံကြည်မှု (သဒ္ဓါ) တရားသက်သက်နဲ့တင် မလုံလောက်ဘူး။
အစစအရာရာ စဉ်းစားတွေးခေါ်တတ်တဲ့ ဝေဘန်ပိုင်းခြားတတ်တဲ့
ပညာလဲ ပါရမယ်လို့ ဘုရားရှင်ဆိုလိုဟန် ရှိပါတယ်။

ပညာနဲ့ယုံကြည်မှသာ ကိုးကွယ်ဆည်းကပ်တဲ့နေရာမှာ တန်ဘိုးရှိမှာပါ။
ဒါကြောင့် ပညာဟာ လူသားအားလုံးရဲ့ ရတနာပါ လို့
ဘုရားရှင်ဖြေကြားခဲ့တာလို့ နားလည်မိတယ်။

မှန်ပါတယ်။
ပညာကင်းတဲ့ ယုံကြည်မှု (သဒ္ဓါ) ဟာ အကြည်ညိုမှားတတ်ပါတယ်။
ပညာနဲ့သဒ္ဓါ၊ သဒ္ဓါနဲ့ပညာ ညီတူညီမျှ ရှိနေရပါမယ်။
တစ်ခုက တစ်ခုထက် မပိုလွန်ရပါဘူး။
တစ်ခုက တစ်ခုထက်ပိုလွန်သွားရင် မကောင်းတတ်ပါဘူး။

မြန်မာပြည်က ဗုဒ္ဓဘာသာဝင်အများစုက
သဒ္ဓါအားကောင်းပြီး ဝေဘန်ပိုင်းခြားတတ်တဲ့ ပညာအားနည်းတယ်လို့ ဆိုရမလားပဲ။
ယုံလွယ်တတ်ကြတယ်။ နာမည်ကြီးတာနောက် လိုက်တတ်ကြတယ်။
မှား၏ မှန်၏ မဝေဘန်ကြဘူး။

ဘယ်လောက်အထိ မဝေဘန်သလဲဆိုရင်
ရန်ကုန် မန္တလေး ကားလမ်းဘေးမှာ “မြွေဘုရား” ဆိုပြီး
မုခ်ဦးအကြီးကြီးတည်ဆောက်ထားတာဟာ
မှားသလား မှန်သလား တင့်တယ်သလား မတင့်တယ်ဘူးလားလို့
မဝေဘန်တတ်လောက်တဲ့အထိပါဘဲ။

မြွေဘုရားဆိုတဲ့မုခ်ဦးအကြီးကြီးကို ရုတ်တရက်တွေ့လိုက်တော့
အတော်စိတ်မသက်မသာဖြစ်မိတယ်။
ဘယ့်နှယ်၊ မြွေက ဘုရားဖြစ်သွားရတာတုန်း၊
ဘုရားက မြွေဖြစ်သွားရတာတုန်း လို့ ချက်ချင်း အတွေးဝင်လာတယ်။

နောက်မှ ဒေသခံ ဦးဇင်းတစ်ပါးကို မေးကြည့်တော့
ရိုက်စားလုပ်ထားမှန်းသိရတယ်။

ဒါမျိုးအထူးအဆန်းဖန်တီးထားတာကိုလဲ ဒို့မြန်မာဗုဒ္ဓဘာသာဝင်တွေက
ကြိတ်ကြိတ်တိုးပဲ။

ဒါဟာ ယုံကြည်မှု သဒ္ဓါအားကောင်းပြီး
စဉ်းစားဝေဘန်မှု ပညာအားနည်းတာနဲ့ပတ်သက်ပြီး ထင်ရှားတဲ့သာဓကပဲ။

စာပေမှာတော့
ဗလ၀သဒ္ဓေါ ဟိ မန္ဒပညော မုဒ္ဓပသန္နော ဟောတိ၊ အ၀တ္ထုသ္မိံ ပသီဒတိ တဲ့။

အဓိပ္ပါယ်က
ယုံကြည်မှုသဒ္ဓါတရားအားကြီးပြီး ပညာအားနည်းတဲ့သူဟာ
မိုက်မိုက်ကန်းကန်း မဆင်မခြင် မကြည်ညိုသင့်သည်ကို ကြည်ညိုတတ်၏၊
ကြည်ညိုဖွယ်မဟုတ်သောအရာဝတ္ထု ပုဂ္ဂိုလ်တို့၌ ကြည်ညိုတတ်၏ တဲ့။

အနောက်နိုင်ငံက ပုဂ္ဂိုလ်များကြတော့ ပညာအားကြီးပြီး
သဒ္ဓါတရားအားနည်းတယ်။
သိဒ္ဓတ္ထမင်းသားက မိန်းမယူပြီး ကလေးတစ်ယောက်ရမှ
ပစ်ထားခဲ့တာ တရားသလား၊ လုပ်မကျွေးချင်လို့လား။
မိသားစုတာဝန် မထမ်းဆောင်ချင်လို့လားနဲ့ လားပေါင်းများစွာ
လာနေတာနဲ့ တကယ့်အနှစ်ဖြစ်တဲ့အကျင့်ဆီကို
မရောက်နိုင်တော့ဘူး။

ဒီလို ဝေဘန်စပ်စုမှု ပညာအားကြီးပြီး ယုံကြည်မှု သဒ္ဓါအားနည်းတဲ့သူအတွက်
စာပေမှာလာတာက
ဗလ၀ပညော မန္ဒသဒ္ဓေါ ကေရာဋိကပက္ခံ ဘဇတိ တဲ့။
ပညာကြီးပြီး သဒ္ဓါအားနည်းတဲ့သူဟာ စဉ်းလဲသောအဖို့ ကောက်ကျစ်သည့်အပိုင်းသို့
ရောက်သွားတတ်၏ လို့ အဓိပ္ပါယ်ရပါတယ်။

ဒါ့ကြောင့် အရာခပ်သိမ်းမှာ အထူးသဖြင့် ဘာသာရေးနယ်ပယ်မှာ
ယုံကြည်မှု သဒ္ဓါအားကြီးတာလည်း မကောင်းဘူး။
ဝေဘန်မှု ပညာအားကြီးတာလည်း မကောင်းဘူး။

သဒ္ဓါနဲ့ ပညာ ညီမျှနေဘို့ လိုပါတယ်။