Monday, February 14, 2011

ဆိုးတေခဲ့ပေမဲ့


ရှင်အရဟံနဲ့ အနော်ရထာ ဆရာဒကာလက်တွဲညီညီ သာသနာပြုပြီးတဲ့နောက်
သာသနာစည်ပင်ပြန့်ပွါးလာတယ်။
ပု၊ ပင်း၊ အင်း၊ တောင်၊ ညောင်၊ ကုန်းဘောင်လို့ခေါ်တဲ့
ပုဂံ၊ ပင်းယ၊ အင်းဝ၊ တောင်ငူ၊ ညောင်ရမ်း၊ ကုန်းဘောင်ခေတ်အဆက်ဆက် သာသနာဆက်လက်တည်တံ့လာတယ်။

သမိုင်းခေတ်တလျှောက် ဗုဒ္ဓသာသနာအတက်အကျရှိခဲ့ပေမဲ့လို့
ဆရာတော်သံဃာတော်အရှင်သူမြတ်တွေရဲ့ ကျေးဇူးကြောင့်
မြန်မာ့မြေပေါ်မှာ ဆက်လက်ရှင်သန်ခွင့်ရခဲ့တယ်။
ခေတ်အဆက်ဆက်မှာ ဆရာတော်သံဃာတော်အရှင်သူမြတ်တွေ
နည်းမျိုးစုံနဲ့ သာသနာတည်တန့်ခိုင်မြဲပြန့်ပွါးဘို့အရေး
ကြိုးပမ်းအားထုတ်ခဲ့တာကို လေ့လာသိရှိရတယ်။

အချို့ခေတ်က အချို့ဆရာတော်ကြီးများ ဗုဒ္ဓစာပေတွေကို
ကဗျာ၊ ရတု၊ တေးတပ်၊ ပျို့စတဲ့ ကိုယ်အားသန်တဲ့အရေးအသားမျိုးတွေရေးသားပြီး
ဗုဒ္ဓစာပေ ဗုဒ္ဓအဆုံးအမကို ထိန်းသိမ်းစောင့်ရှောက်ခဲ့တယ်။

အချို့ကြတော့ နိဿျလို့ခေါ်တဲ့ ပါဠိတစ်ပုဒ် မြန်မာတစ်ပုဒ် ဘာသာပြန်နည်းစနစ်နဲ့
ဗုဒ္ဓပါဠိစာပေတွေကိုရေးသားကာ ဗုဒ္ဓစာပေ ဗုဒ္ဓအဆုံးအမကို
ထိန်းသိမ်းစောင့်ရှောက်ခဲ့တယ်။

အချို့ဆရာတော်တွေက ဗုဒ္ဓပါဠိစာပေတွေကို
သာမန်အရပ်သားလူတန်းစားထဲကို ရောက်စေဖို့  သာမန်လူတန်းစားဖတ်နိုင်ဖို့
ရည်ရွယ်ချက်နဲ့ စကားပြေအရေးအသားတွေနဲ့ ရေးသားကာ
ဗုဒ္ဓစာပေ ဗုဒ္ဓအဆုံးအမကို ထိန်းသိမ်းစောင့်ရှောက်ခဲ့တယ်။

အချို့ဆရာတော်ကြီးများဆို ပါဠိဘာသာကျမ်းစာအုပ်ကြီးများ၊
ဋီကာကျမ်းများရေးသားကာ သာသနာပြုခဲ့ကြပါတယ်။
သာသနာကို ထိန်းသိမ်းစောင့်ရှောက်နိုင်ခဲ့ပါတယ်။

ဒီလိုနဲ့ ကုန်ဘောင်မင်းဆက်ထဲက မင်းတုန်းမင်းလက်ထက်ရောက်လာပါတယ်။
မင်းတုန်းမင်းဆိုတာက မန္တလေး ရတနာပုံမြို့သစ်ကို တည်ထောင်ခဲ့တဲ့မင်းပါ။
သူ တချို့ကိစ္စတွေမှာ ဆိုးတေခဲ့ပေမဲ့
သာသနာကိုတော့ အတော်ထောက်ပံ့ခဲ့ပါတယ်။

မြို့တော်သစ်မှာ ကောင်းမှုတော် လောကမာရဇိန်၊ ကျောက်တော်ကြီးဘုရား အတုမရှိကျောင်းတော်ကြီးတွေဟာ
(သူကြီးဘုရား ရွာသားကောင်းမှုလို့ပဲ ပြောပြော)
သူဦးစီးတည်ထားခဲ့တာတွေပါ။
ရန်ကုန်မြို့ရှိရွှေတိဂုံစေတီတော်ကြီးကိုတောင် သူ ထီးတော်အသစ် တင်လှုခဲ့ပါသေးတယ်။

ဒါ့အပြင် မင်းတုန်းမင်းကြီးဟာ
ပိဋကတ်သုံးပုံပါဠိတော်တို့ကို ပေထက်အက္ခရာတင်ခဲ့ပါတယ်။
ပေထက်အက္ခရာတင်တာနဲ့တင် အားမရပဲ
ပိဋကတ်တော်များ အရှည်တည်တံ့ရေးအတွက်
ပိဋကတ်တော်တွေကို ကျောက်ထက်အက္ခရာတင်ဘို့ ဆန္ဒရှိလာပြန်လို့
စကျင်တောင်မှ ကျောက်ပြားများကိုမှာယူပြီး
ကျောက်ထက်အက္ခရာတင်လုပ်ငန်းကို ဆောင်ရွက်ခဲ့ပါတယ်။

မင်းတုန်းမင်းလက်ထက် ပိဋကတ်ကျောက်စာမူကို
မန္တလေးတောင်ခြေရှိ ကုသိုလ်တော်ဘုရားအတွင်းမှာ လေ့လာနိုင်ပါတယ်။
အုတ်တံတိုင်းသုံးကန့် ကန့်ထားပြီး ၀ိနည်း၊ သုတ္တန်၊ အဘိဓမ္မာဆိုတဲ့ပိဋကတ်သုံးပုံကို
သူ့အကန့်နဲ့သူ စနစ်တကျ ထားရှိထားခဲ့တဲ့ မင်းတုန်းမင်းရဲ့ စီမံမှုကို
မချီးကျူးလို့ မဖြစ်ပါဘူး။
 ပိဋကတ်တော်တို့ကို ကျောက်စာအဖြစ်မှတ်တမ်းတင်ရာမှာ
၁။ ၀ိနည်းငါးကျမ်းပါဠိတော် (၁၁၁) ချပ်
၂။ အဘိဓမ္မာပါဠိတော် (၂၀၈) ချပ်
၃။ သုတ္တန်ပါဠိတော် (၄၁၀) ချပ်
စုစုပေါင်းကျောက်ချပ်ရေ (၇၂၉) ချပ်ရှိပါတယ်။

မင်းတုန်းမင်းကြီးဟာ ရှေးရှေးသောမင်းများဖြစ်တဲ့
အဇာတသတ်၊ ကာလာသောက၊ သီရိဓမ္မာသောက၊ ၀ဋ္ဓဂါမဏိမင်းတို့လို
ပိဋကတ်တော်ကို နှုတ်ဖြင့်ရွတ်ဆိုသော
သံဂါယနာတင်ပွဲ ပြုလုပ်လိုသောဆန္ဒ ဖြစ်ပေါ်လာပြန်ပါတယ်။

ဒါ့ကြောင့် မြန်မာသက္ကရာဇ် ၁၂၃၃၊ သာသနာနှစ် ၂၄၁၅၊ ခရစ်နှစ် ၁၈၇၁ မှာ
မင်းတုန်းမင်း အုပ်စိုးစဉ် ပဉ္စမသံဂါယနာတင်ပွဲကို ကျင်းပဖြစ်ခဲ့ပါတယ်။
ဒီသံဂါယနာတင်ပွဲမှာ ပိဋကတ်တော်များကို နှုတ်ဖြင့် ရွတ်ဆိုကြရာ
၅-လနှင့် ၃-ရက်ကြာမှ ပြီးမြောက်ခဲ့တယ်လို့ မှတ်တမ်းများက ဆိုပါတယ်။

photo: http://kokomaunguk.blogspot.com/2010_03_01_archive.html

Saturday, February 12, 2011

အင်ဒိုခရီးစဉ် (၈)


Yogjakarta လေဆိပ်ကနေပြီး လာကြိုတဲ့ကားနဲ့
Borobudur စေတီတော်တည်ရှိရာ နေရာကို သွားဖြစ်တယ်။

လမ်းမှာ ကားများပိတ်ဆို့နေတာကို တွေ့ရလို့ စပ်စုကြည့်တော့
လွန်ခဲ့တဲ့ သုံး-လေးရက်ခန့်က မီးတောင်မှ လျှော်ရည်များ စီးဆင်းလာကာ
လမ်းများ ဖုံးအုပ်သွားကြောင်း၊ လမ်းပေါ်ဖုံးအုပ်သွားတဲ့ မြေကြီးထုကြီးဟာ
ခါးလောက်အထိ မြင့်ကြောင်း၊ အိမ်များလဲ မီးတောင်မှ လိမ့်ဆင်းလာတဲ့
ကျောက်တုံးတွေ မြေခဲတွေကြောင့် အတော်လေးပျက်စီးသွားကြောင်း၊
ညအချိန်မတော်ကြီးဖြစ်တာ ဖြစ်တဲ့အတွက်
အိမ်အပျက်အစီး လူအပျက်အစီးအတော်များကြောင်း ရှင်းပြပါတယ်။

နေ့ ဆွမ်းစားချိန်နီးကပ်လာလို့ ထိုင်းစားသောက်ဆိုင်ရှိက
ထိုင်းစာ စားလိုကြောင်း ဘုဉ်းပေးလိုကြောင်းပြောတော့
ထိုင်းစားသောက်ဆိုင် ဘုရားအနီးအနားမှာ ရှိပါကြောင်း
ပြန်လည်လျှောက်ကြားပါတယ်။

ကိုယ်ကလဲ လူတစ်မျိုး၊ ကျန်တာ ဘာမှ မရှိချင်နေ၊
ရောက်တဲ့နေရာမှာတော့ အစားအသောက်တော့ ပေါဘို့လိုတယ်။ ကောင်းဘို့လိုတယ်။
ရောက်တဲ့နေရာမှာ ပေါပေါစားချင်းတာ၊ ကောင်းကောင်းစားချင်တာ ကိုယ့်ဆန္ဒပဲ။

၁၁ နာရီခွဲခန့်မှာ Borobudur ဘုရားစေတီကြီးနားက Mendut ဆိုတဲ့
နေရာကို ရောက်ပါတယ်။

ထေရ၀ါဒ ဗုဒ္ဓဘာသာဘုန်းကြီးကျောင်း တစ်ကျောင်းရှိပါတယ်။
ကျောင်းအ၀င်ဝမှာ
Mendut Buddhist Monastery
ဆိုတဲ့ ဆိုင်းဘုတ်ကလေး ချိတ်ဆွဲထားတယ်။

ဒေါ်ဇင်မာဝင်းက ဒီကျောင်းဆရာတော်ကြီးနဲ့ရင်းနှီးကြောင်း၊
ဆရာတော်ကြီးကို လှူဒါန်းစရာ ပစ္စည်းလေးတွေပါကြောင်း ပြောပြီး
ကျောင်းထဲကို သွားဖြစ်ပါတယ်။
ကျောင်းထဲရောက်တော့ ဦးဇင်းတစ်ပါးနဲ့ ကိုရင်တစ်ပါးကို တွေ့ပါတယ်။
ဆွမ်းစာခါနီးလို့ ဆွမ်းပွဲတွေ ပြင်ဆင်နေတာပါ။
ဦးဇင်းလေးက ဒီမှာပဲ ဆွမ်းဘုဉ်းပေးဘို့ပြောလို့ အဲ့ကျောင်းမှာ ဆွမ်းဘုဉ်းပေးဖြစ်ပါတယ်။


ကျောင်းလေးက သပ်သပ်ယပ်ယပ်ပါဘဲ။
ဆွမ်း၊ ဆွမ်းဟင်းတွေက ဗမာလျှာနဲ့မတွေ့ပေမဲ့
ရှိတာလေးကို သပ်သပ်ယပ်ယပ်ပြင်ဆင်ထားပါတယ်။
ဆွမ်းမစားမီ ဆင်ခြင်ဖွယ်ရာ ပဋိသင်္ခါယောနိသော ကိုဆိုပါတယ်။
ပြီးတော့ ဘ၀တု သဗ္ဗမင်္ဂလံ၊ သဗ္ဗီတိယော ၀ိဝဇ္ဇန္တု စတာတွေကို
ရွတ်ဆိုကြပါတယ်။
ပြီးမှ ဆွမ်းဘုဉ်းပေးရပါတယ်။

အကပ်ခံပြီးတာနဲ့ ဗိုက်ဆာဆာနဲ့ ဘာမှ မရွတ်မဆိုပဲ
ချက်ချင်းဆွမ်းဘုဉ်းပေးတတ်တဲ့ ဦးဇင်းများ၊ ဆရာတော်ကြီးများ
သူများဆီမှာ ဧည့်သည်အာဂန္တုလုပ်ရင် သတိထားရမှာပါ။

ဆွမ်းစားပြီးတော့ အချိုပွဲကပ်ပါတယ်။
အချိုပွဲစားရင်း ဒီကျောင်းတိုက်မှာ သံဃာတော် ဘယ်နှပါးရှိပါသလဲလို့ မေးကြည့်တော့
ကိုရင် သုံးပါးရှိကြောင်း၊ ဘုန်းကြီးကတော့
သူနဲ့ ဆရာတော် ၂ ပါးသာရှိကြောင်း ပြောပါတယ်။

အသက် ၆၀ လောက်ရှိတဲ့ ခေါင်းမွေးတွေဖြူနေတဲ့ သင်္ကန်းဝတ်ထားတဲ့သူကို
လက်ညိုးထိုးပြီး သူက ဘုန်းကြီးမဟုတ်ဘူးလားလို့ မေးကြည့်တော့
ကိုရင်ဖြစ်ကြောင်း၊ အင်ဒိုနီးရှားနိုင်ငံမှာ ဘုန်းကြီးဝတ်ချင်တဲ့သူကို
ဘယ်အသက်အရွယ်ပဲဖြစ်ဖြစ် ချက်ချင်းဘုန်းကြီးဝတ်ခွင့်မပေးကြောင်း၊
ကိုရင် ရှင်သာမဏေဘ၀နဲ့ တစ်နှစ်တန်သည်၊ နှစ်နှစ်တန်သည် ထားသေးကြောင်း၊
ပြီးမှ အသားကျမှ ရဟန်းဘောင်တက်ပေးကြောင်း ပြောပါတယ်။
အင်း၊ ဒါလဲ ဟုတ်သလိုလိုပဲ။

နေ့လည်စာစားပြီးတော့ ဧည့်သည်အာဂန္တုဆောင်ကို ဦးဇင်းလေးက လိုက်ပို့တယ်။
အဆောင်လေးက တော်တော်လေး သပ်ယပ်တယ်။
ဘေးပတ်ပတ်လည် အခန်းတွေဖွဲ့ထားပြီး အလည်တည့်တည့်မှာ
ဧည့်ခန်းသဘောမျိုး ကုလားထိုင်လေးတွေ ချထားတယ်။
ရေချိုးခန်း၊ သန့်စင်ခန်းစသည်တို့က ပြည့်ပြည့်စုံစုံ သပ်သပ်ယပ်ယပ်ပဲ။
အာဂန္တု ဧည့်သည်တွေအတွက် နားနေဆောင် တည်းခိုဆောင်
သီးသန့် ဆောက်ထားတဲ့ သဘောပဲ။

ဒို့နိုင်ငံက ဘုန်းကြီးကျောင်းတွေ ဧည့်သည် အာဂန္တုဘုန်းတော်ကြီးတွေအတွက်
ဒီလိုစဉ်းစားပေးတာ နည်းတယ်။
ငယ်စဉ် ကိုရင်ဘ၀တုန်းက ကျောက်ပန်းတောင်း၊
ဂူကျောင်းမှာ နေခဲ့ဘူးတယ်။
အဲ့ကနေပြီး ရန်ကုန်၊ မန္တလေးတို့မှာရှိတဲ့ ပရိယတ္တိစာသင်တိုက်ကြီးတွေ
ပြောင်းရွှေ့ကာ စာပေသင်ယူခဲ့ရတယ်။
မန္တလေးမှာ နေစဉ် ငယ်စာသင်တိုက်ဖြစ်တဲ့
ကျောက်ပန်းတောင်းက ဆရာတော်ကြီးပျံတော်မူလို့ သွားတော့
ငယ်စဉ်ကနေခဲ့တဲ့ ဂူကျောင်းမှာ အိပ်စရာ နေရာမရှိဘူး။
ဘယ်နေရာ သွားအိပ်ရမှန်းမသိဘူး။
တွေ့တဲ့နေရာ ဖြစ်သလို ၀င်အိပ်ခဲ့ရတယ်။
စားတော့လဲ ဘယ်ဆွမ်းစားဝိုင်း ၀င်စားရမယ် မသိဘူး။
ကြုံသလိုပါပဲ။

အပြစ်တင်တာတော့ မဟုတ်ပါဘူး။

မြန်မာပြည်ကျောင်းတိုက်ကြီးတွေမှာ
ဒကာ ဒကာမတွေလှူဒါန်းထားတဲ့ ကျောင်းဆောင်တွေက များမှများ။
ဒါပေမဲ့
အာဂန္တုကို ဧည့်ခံတဲ့ ထားတဲ့ ဧည့်သည်အာဂန္တုဆောင်ဆိုတာ
သီးခြားထားတဲ့အလေ့အကျင့် မရှိဘူး။
ဧည့်သည် အာဂန္တုဆိုတာ ကင်းကောင်းတဲ့အရာမှ မဟုတ်တာ။
ဘုရားရှင်ကတောင် ဧည့်သည်တို့အပေါ်ပြုကျင့်ရမဲ့ဝတ်
(အာဂန္တုက၀တ်) ဆိုပြီး တခန်းတနား ဟောကြားခဲ့တာ မဟုတ်ပါလား။

Make it good


If it isn’t good, let it die.
If it doesn’t die, make it good.

Ajahn Chah

Friday, February 11, 2011

တလွဲ


ဗမာစကားမပြောတတ်တာနဲ့ပတ်သက်လို့ 
သတိရမိတဲ့ပုံပြင်လေးတစ်ပုဒ်ပြောပြဦးမယ်။

တခါတုန်းက ရွာတစ်ရွာမှာ ဒကာတစ်ယောက်ဟာ
မိုးလေ၀သညီညွတ်မျှတတဲ့အလျှောက် လယ်ယာများအောင်မြင်တဲ့အတွက်
ကျောင်းတစ်ဆောင် ဆောက်လုပ်လှူဒါန်းပါတယ်။
ကျောင်းဘုန်းကြီးတစ်ပါးကိုလည်း စိတ်ကြိုက်ရွေးချယ်ပင့်ဆောင်ပြီး ကိုးကွယ်ထားသတဲ့။

ကျောင်းဒကာနဲ့ ကျောင်းအမဟာ တစ်ဦးတည်းသောသမီးပျိုကို
ဆရာတော်ဘုန်းကြီးထံလှူရန် ပစ္စည်းအမျိုးမျိုးနဲ့
နေ့စဉ်ဆွမ်းချိုင့်ပို့ပြီး လှူဒါန်းဆက်ကပ်စေပါတယ်။

ကျောင်းဒကာရဲ့သမီးကလည်း ကျောင်းရောက်တဲ့အခါ တံမြက်လှည်း
ရေတော် ပန်းတော်ဆက်ကပ် ဝေယျာဝစ္စအ၀၀ကို သေချာကျနစွာ ပြုလုပ်ပြီးမှ
ဘုန်းတော်ကြီးကို ရိုသေစွာ ၀တ်ချကာ အိမ်ကို ပြန်လာလေ့ရှိပါတယ်။

ဒါပေမဲ့ ကျောင်းဒကာရဲ့သမီးဟာ
ကျောင်းကိုသွားလို့ ပြန်တဲ့အခါတိုင်း ဘုန်းတော်ကြီးကို ၀တ်ချပြီး
“အရှင်ဘုရား၊ တပည့်တော်မ ကြွပါဦးမယ်ဘုရား” လို့
အမြဲလျှောက်ထားတတ်သတဲ့။

ဘုန်းတော်ကြီးကလည်း
“ဒီကလေးမ စကားပြော တယ်မချောဘဲကိုး၊
ဘယ့်နှယ် ဘုန်းကြီးကို သူက ပြန်ပါဦးမယ်ဘုရားလို့ မပြောဘဲ
ကြွပါဦးမယ်ချည်းပြောနေရသလဲ မသိဘူး၊
ဒီကိစ္စ ကျောင်းအမကြီး ကျောင်းကိုလာမှ ပြောရဦးမယ်” လို့တွေးပြီး
ကျောင်းအမကြီး ကျောင်းကို အလာစောင့်နေတာပေါ့။

တစ်နေ့ ကျောင်းအမကြီးဆွမ်းပို့လာတဲ့အခါ ဘုန်းတော်ကြီးက
“ကျောင်းအမကြီး၊ သင့်သမီးဟာ နည်းမဟုတ် လမ်းမကျ၊
ပြန်မယ်လို့ ဦးချတဲ့အခါတိုင်း ဘုန်းကြီးကို တပည့်တော်မ ကြွပါဦးမယ်လို့
ပြောတဲ့စကား အလွန်ပဲ မှားတာပေါ့။
ဘုရားယဉ်ကျေးမှုနဲ့ လားလားမှ မလျှော်၊ ဒကာမကြီး ဆုံးမမှ တော်ရော့မယ် လို့
ဆီးကြိုပြောပါတယ်။

အဲဒီအခါ ကျောင်းအမကြီးက
“အရှင်ဘုရား၊ ဟုတ်ရဲ့လားဘုရား၊ ရိုင်းလိုက်လေဘုရား၊
ဒီသမီးဟာ သူအမိန့်ရှိလိုက်ရင် ဒီလိုပဲဘုရား” လို့
ဘုန်းတော်ကြီးကို လျှောက်ထားပါသတဲ့။

အဲဒီအခါ ဘုန်းတော်ကြီးက
“အင်း၊ သမီးမှားလို့ အမေဖြစ်သူကို ပြောခါမှ သာပြီး မှားတော့တာပဲ။
အင်း တတ်နိုင်ပါဘူး၊ ကျောင်းဒကာလာမှပဲ သူတို့သားအမိဖြစ်ပျက်ပုံကို
အကြောင်းစုံပြောပြရမှာပဲ” လို့ စိတ်ကူးပြီး
ကျောင်းဒကာ ကျောင်းအလာကို မျှော်နေမိသတဲ့။

ကျောင်းဒကာလည်း စီးပွါးရေးရာ လယ်ယာကိစ္စနဲ့ အလုပ်များနေတာမို့
ကျောင်းကို ရောက်မလာနိုင်ဘဲ ဖြစ်နေတာပေါ့။

ဘုန်းကြီးကလည်း
“ဒီကျောင်းဒကာကလည်း ကျောင်းကို လာနိုင်ခဲသားပဲ” လို့ မျှော်နေတုန်း
တစ်နေ့တော့ ကျောင်းဒကာဟာ ပျာယီးပျာယာကျောင်းကို ရောက်လာသတဲ့။

အဲဒီအခါ ဘုန်းတော်ကြီးက
“ကျောင်းဒကာကြီး၊ ကျောင်းဒကာကြီးရဲ့ သမီးဟာ စိတ်ကြီးဝင်နေသလားမှ မသိဘူး၊
ကျောင်းကပြန်တော့မယ်စိတ်ကူးလို့ ဘုန်းကြီးကို ဦးချရင်
တပည့်တော်မ ကြွပါဦးမယ်လို့ချည်း အမြဲမှားပြီး လျှောက်ထားနေတာပဲ။
အင်း၊ သူက ငယ်ရွယ်သူမို့ မှားတာကို ဘုန်းကြီး သည်းခံပါတယ်။
ဒါပေမဲ့ ကျောင်းအမကြီး ကျောင်းကိုလာတော့
ကျောင်းအမကြီးသမီး စကားမှားကြောင်း ပြောမိတဲ့အခါ
“ဒီသမီး အမိန့်ရှိလိုက်ရင် ဒီလိုချည်းပဲ” လို့
ကျောင်းအမကြီးကပါ ထပ်ပြီးမှားပြန်တယ် ကျောင်းဒကာကြီးရဲ့။
ကျောင်းဒကာ ကျောင်းအမတွေဖြစ်ပြီး ဘုန်းကြီးနဲ့ စကားမပြောတတ်တာကတော့
မတော်ပါဘူး။ အဲဒါ ကျောင်းဒကာသိအောင် ဘုန်းကြီးက ပြောပြပေးတာပါ” လို့
ညည်းညည်းညူညူ ပြောပြလိုက်သတဲ့။

အဲဒီအခါ ကျောင်းဒကာကြီးက စိတ်ဆိုးမာန်ဆိုးနဲ့
“အရှင်ဘုရား၊ သမီးမှားရာမှာ မိခင်ကပါ ရောမှားလို့
သဘောထား ဒီလောက်ရိုင်းတာတွေ၊
သူတို့ကို ဒီကျောင်းထဲမှာ တစ်ခါလာပြီး ခြေတော်ရာမှ မချပါစေနဲ့ဘုရား”
လို့ ဘုန်းတော်ကြီးကို လျှောက်လိုက်သတဲ့။

ကျောင်းဒကာရဲ့စကားကို ကြားလိုက်ရတဲ့ ဘုန်းတော်ကြီးဟာ
“အင်း၊ ဘယ်လိုမျှ မတတ်နိုင်တော့ဘူး။ ကျောင်းဒကာမိသားစုတွေမှာ
ဒီလိုသာ အထပ်ထပ်လွဲမှားနေကြရင် ငရဲလားဖို့ပဲ ရှိတော့တယ်” လို့
ညည်းမိသတဲ့။

တော်ဝင်နွယ်၏ အပ္ပမာဒ ပုံပြင်များမှ
photo: http://dawn1o9.blogspot.com/2007/08/blog-post_29.html

Thursday, February 10, 2011

ရွှေထီးဆောင်းခဲ့တဲ့အချိန်


ပုဂံပြည် ရှင်အရဟံရောက်ပြီးတဲ့နောက် အနော်ရထာမင်းနဲ့ပြည်သူအများ
ဗုဒ္ဓဘာသာကိုသက်ဝင်ယုံကြည်လာပြီး သာသနာရောင်ဝါထွန်းလင်းခဲ့တယ်။

ပုဂံခေတ်မှာ ဗုဒ္ဓဘာသာရဟန်းတော်များ ပါဠိစာပေကျမ်းဂန်တွေကို
(အထူးသဖြင့် ပါဠိသဒ္ဒါကျမ်းတွေကို) ရေးသားနိုင်တဲ့အထိ
ထူးချွန်တတ်မြောက်လာကြတယ်။

သီဟိုဠ်ဘုန်းကြီးတွေက သူတို့နိုင်ငံက ရေးသားထုတ်ဝေတဲ့
ကစ္စည်းသဒ္ဒါလိုမျိုး ပါဠိသဒ္ဒါကျမ်းတွေနဲ့ မာနတက်နေပြီး
မြန်မာဘုန်းကြီးတွေကို ဘာမှမတတ်ဘူးလို့ အထင်သေးနေတဲ့အချိန်၊

ပုဂံခေတ်မြန်မာရဟန်းတော်တစ်ပါးဖြစ်တဲ့ ရှင်အဂ္ဂ၀ံသက
သဒ္ဒနီတိလို ပါဠိသဒ္ဒါကျမ်းကြီးကို ရေးသားထုတ်ဝေလိုက်တော့
“မြန်မာဘုန်းကြီးများလဲ ပါဠိစာပေအတော့်ကို တတ်သကိုး၊ ဒို့နိုင်ငံမှာရှိတဲ့ ပါဠိသဒ္ဒါကျမ်းထက် မြန်မာဘုန်းကြီးရေးတဲ့ပါဠိသဒ္ဒါကျမ်းက ပိုကောင်းတယ်ဟေ့” ဆိုပြီး
သီဟိုဠ်ရဟန်းတော်များ ပုဂံခေတ်မြန်မာရဟန်းတော်များကို
ဦးအကြိမ်ကြိမ်ညွတ်ကာ ပြန်လည်မော်ကြည့်လာရသည်အထိ ဖြစ်ခဲ့ဘူးပါတယ်။

ဒို့ခေတ်မှာလဲ ဘယ်သူကများ သီဟိုဠ်ရဟန်းတော်များ မော်ကြည့်လာအောင်
စွမ်းဆောင်နိုင်မလဲ?

ကြားဘူးတာလေး ပြောကြည့်ချင်တယ်။
ဟုတ်မဟုတ်တော့ မသေချာပါဘူး။

မြန်မာပြည်က တိပိဋက (ပိဋကတ်သုံးပုံ) အောင်ပြီးသားဆရာတော်တစ်ပါး
သီဟိုဠ်နိုင်ငံကို ကိစ္စတစ်ခုနဲ့ သွားတယ်တဲ့။
အစည်းအဝေးပြီးတော့ ခန်းမထဲက ထွက်တဲ့အချိန်
မြန်မာပြည်က ပိဋကတ်သုံးပုံအောင်ထားတဲ့ ဘုန်းကြီးရောက်နေတယ် ဆိုတာသိတော့
သတင်းထောက်တွေက ၀ိုင်းအုံလာတာပေါ့။

အင်္ဂလိပ်လို ပြောကြည့်တယ်။ အင်္ဂလိပ်လို မေးပါတယ်။
တိပိဋကဆရာတော် နားမလည်ပါဘူး။ ဘာမှကို မသိပါဘူး။
ပါဠိလို ပြောတယ်။ မေးပါတယ်။
ပိဋကတ်သုံးပုံအောင်ထားတဲ့ဆရာတော်က
ပရိစယော နတ္တိ လို့ပြောသတဲ့။
အဓိပ္ပါယ်က အလေ့အကျင့်မရှိလို့ မပြောတတ်ဘူး ပေါ့။

သတင်းထောက်များက ‘ဟာကွာ’ ဆိုတဲ့စကားမျိုးပြောပြီး
နောက်ဆုတ်ပြန်ကုန်သတဲ့။

ဒီအဖြစ်အပျက်လေးက သူများပြောတာ ကြားဘူးတာပါ။
ဟုတ် မဟုတ် မသေချာပါဘူး။

ဟုတ်ခဲ့ရင်လဲ ပိဋကတ်သုံးပုံအောင်ပြီးသားဆရာတော်မှာ အပြစ်မရှိပါဘူး။
အင်္ဂလိပ်စကား သူမှ မသင်ဘူးတာ၊ ဘယ်ပြောတတ်မလဲ။
ပိဋကတ်သုံးပုံသာ သူအောင်ထားတာ၊ ပါဠိစကားပြော အလေ့အကျင့်မရှိတော့
သူ ပါဠိစကား ဘယ်ပြောတတ်မလဲ။

ဒါပေမဲ့ ဒီလိုမျိုးတွေ မဖြစ်အောင် ဒို့နိုင်ငံ ဘုန်းကြီးများပညာရေး
ဘယ်လိုပြုပြင်ပြောင်းလဲရမလဲ။

ဗုဒ္ဓဘာသာနိုင်ငံတွေက ဗုဒ္ဓဘာသာဘုန်းကြီးတွေ
ကိုယ့်ကို ပညာရေးနဲ့လေးစားလာအောင်
(ပုဂံခေတ်ကရဟန်းတော်တွေကို မော်ကြည့်လာသလို
ဒို့ခေတ်ရဟန်းတော်တွေကို မော်ကြည့်လာအောင်)
ဘယ်လိုပညာရေးမျိုးတွေ ပြဌာန်းသင်ယူ သင်ပေးသင့်သလဲ။
ဝိုင်းဝန်းစဉ်းစားရမှာပါ။

ပုဂံခေတ်မှာ ဗုဒ္ဓဘာသာနဲ့ပတ်သက်တဲ့ ဗိသုကာအတတ်ပညာတွေလဲ
အတော်လေးကျွမ်းကျွမ်းကျင်ကျင် တတ်မြောက်နေပြီဆိုတာ သိရတယ်။
ကျန်စစ်သားလှူဒါန်းထားတဲ့ အာနန္ဒာစေတီတော်ကြီးအပါအ၀င်
စေတီပုထိုးတွေကို ကြည့်လိုက်။
ပုဂံခေတ်က အင်ဂျင်နီယာတွေ ဘယ်လောက်တော်တယ်ဆိုတာ အထင်အရှားတွေ့မြင်ရမှာပါ။

ပုဂံခေတ်ရဟန်းတော်များသာ ဗုဒ္ဓဘာသာစာပေတတ်ကျွမ်းကြတာမဟုတ်ဘူး။
တိုင်းသားပြည်သူတွေလဲ ပါဠိစာပေတတ်ကျွမ်းကြတယ်တဲ့။
မင်းမှုထမ်းနေတဲ့ အမတ်ကြီးတစ်ယောက်ဆို
ပါဠိကျမ်းစာ ဋီကာတစ်အုပ်တောင် ရေးသွားခဲ့တယ်။

ပုဂံခေတ်ပြည်သူပြည်သားများလဲ ပါဠိစကားပြောလောက်ကတော့ အေးဆေးပဲတဲ့။
ဗိုင်းငင်ရင်း၊ ရေခပ်ရင်း၊ လယ်ထွန်ရင်း ပါဠိဂါထာတွေ သီကုံးလေ့ရှိသတဲ့။
ပါဠိစကားတွေ ပြောလေ့ရှိသတဲ့။

အော်၊ ခုခေတ်များတော့ ပါဠိစကားမပြောနဲ့။
ဗမာစကားတောင် ကောင်းကောင်းမပြောတတ်တော့ဘူး။

ဗမာစကား မပြောတတ်တာနဲ့ပတ်သက်လို့
မနက်ဖန်ကျမှ ပုံပြင်လေးတစ်ပုဒ်ပြောပြအုံးမယ်။

ဓာတ်ပုံ၊ google search

Wednesday, February 9, 2011

လိုက်ဖက်


ရှင်အရဟံကြောင့် အနော်ရထာမင်းဗုဒ္ဓဘာသာကို သက်ဝင်ယုံကြည်လာတယ်။
ယုံကြည်ပြီးနောက် ပုဂံပြည်မှာ ဗုဒ္ဓဘာသာနဲ့ပတ်သက်တဲ့
အရေးအကြီးဆုံးအရာတွေကို ထားရှိပူဇော်လိုတယ်။
ဒီအတွက် အနော်ရထာမင်း ရှင်အရဟံအထံတော်မှ အကြံတောင်းတယ်။

ရှင်အရဟံက
ဘုရား တရား သံဃာရတနာသုံးပါးနဲ့ ပတ်သက်တဲ့
ဘုရားရတနာအတွက် ဘုရားရှင်ရဲ့ ဓာတ်တော်
တရားရတနာအတွက် ပိဋကတ်သုံးပုံ
သံဃာရတနာအတွက် ရဟန်းသံဃာတော်တွေကို
ပင့်ဖိတ် ထားရှိပူဇော်သင့်ကြောင်းမိန့်ပါတယ်။

ဒီမိန့်ကြားချက်အရ
အနော်ရထားမင်းကြီး ဘုရားရှင်ရဲ့ ဓာတ်တော်ရဘို့
သူ့ရဲ့သံတမန်တွေကို တရုတ်နိုင်ငံ ယူနန်ပြည်နယ်၊
ကမ္ဗောဒီးယားနိုင်တို့အထိ စေလွှတ်ပါတယ်။
ဒါပေမဲ့ မရခဲ့ပါဘူး။

တရားရတနာအတွက် ပိဋကတ်သုံးပုံရဘို့ ရှင်အရဟံရဲ့ ဇာတိ
မွန်ပြည်နယ် သထုံမြို့ကို သံတမန်တွေစေလွှတ်ပြီး တောင်းခံပါတယ်။

မွန်ပြည်နယ်ကို အုပ်စိုးနေတဲ့ မနူဟာမင်းက
မောက်မောက်မာမာနဲ့ ပြောဆိုလိုက်လို့
ရရင်ရ၊ မရရင်ချ မူကို စွဲကိုင်ကာ
မရသည့်အဆုံး စစ်တိုက်ပြီး ပိဋကတ်သုံးပုံကို အရယူနိုင်ခဲ့ပါတယ်။
သထုံက မွန်ရဟန်းတော်များကိုလည်း ပင့်ဆောင်ခဲ့ပါတယ်။

ဒါ့အပြင် မွန်ဘုရင် မနူဟာမင်းကိုပါ ဖမ်းဆီးပြီး
ပုဂံနေပြည်တော်ကို ခေါ်ဆောင်ခဲ့ပြီး အကျင်းချထားခဲ့တယ်လို့ ဆိုပါတယ်။

ကိုရင်ဘ၀တုန်းက ပုဂံကိုရောက်တော့ အတူသွားဖော် ပုဂံနယ်သားဦးဇင်းက
ပုဂံ တစ်နေရာမှာရှိတဲ့ အဆောက်အဦအောက်ထပ်လေးကိုပြပြီး
“ဒါ မွန်ဘုရင် မနူဟာမင်းကို အကျဉ်းချတဲ့နေရာပေါ့”
လို့ ပြောပြတာ မှတ်မိနေတယ်။

အဲ့ဒီအကျဉ်းချတယ်ဆိုတဲ့နေရာနဲ့ မလှမ်းမကမ်းမှာ
မနူဟာဘုရားဆိုတာရှိတယ်။


မွန်ဘုရင် မနူဟာမင်း အကျဉ်းကျစဉ် အနော်ရထာမင်းထံ ခွင့်ပန်ပြီး
တည်ထားတဲ့ဘုရားလို့ ဆိုပါတယ်။
ပုဂံ မြင်းကပါ အရပ်မှာပါ။

ဘုရားဂူအတွင်း ရှေ့ဘက်မှာ ထိုင်တော်မူ ဆင်းတုတော်ကြီးသုံးဆူရှိပြီး
အနောက်ဘက်မှာ လျောင်းတော်မူ ဆင်းတုတော်ကြီး တစ်ဆူရှိပါတယ်။
ဆင်းတုတော်ကြီးတွေဟာ တော်တော့ကို ကြီးပါတယ်။
စေတီဂူအတွင်း နေရာအပြည့်နီးပါးပါဘဲ။

ဆင်းတုတော်ကြီးဟာ
မလှုပ်သာ မလှည့်သာသည့်ပမာ ကျပ်ကျပ်တည်းတည်း
နေနေရသည့်ပုံပန်းသဏ္ဌာန်ဖြစ်နေပါတယ်။

ခရီးအတူသွား ပုဂံနယ်သားဦးဇင်းပြောပြတာက
မွန်ဘုရင် မနူဟာမင်းဟာ သူအကျဉ်းကျနေစဉ် ဘုရားစေတီတည်ဆောက်ပြီး
သူ့စိတ်ခံစားချက်ကို အနောရထာမင်းသိအောင် ပြသသွားတာလို့ ပြောပြပါတယ်။

ဒီမနူဟာဘုရားအတွင်းက သပိတ်ကြီးကလဲ အတော်ကြီးပါတယ်။
ဆင်းတုတော်နဲ့ လိုက်ဖက်အောင် လုပ်ထားတာ နေမှာပေါ့လေ။

ဒီနေရာမှာ ဖြူးမြို့နားက ကညွတ်ကွင်းဆိုတဲ့မြို့လေးမှာရှိတဲ့
ငါးထပ်ကြီးဘုရားက ဘုရားဆင်းတုတော်ကြီးကို သတိရမိတယ်။
ဒီဆင်းတုတော်ကြီးကလဲ အတော့်ကို ကြီးတာ။

တစ်နေ့ တောရွာက လယ်သမားတစ်ယောက်
ငါးထပ်ကြီးဘုရားဆင်းတုတော်ကြီးကို လာဖူးသတဲ့။
ဘုရားဖူးရင်း လယ်သမားဆိုတော့ လယ်အလုပ်ပဲ စိတ်ရောက်နေတာပေါ့။
ပထမဦးဆုံး ဘုရားဆင်းတုတော်ကြီးရဲ့ လက်တော်ကြီးကို
လယ်သမား ဖူးတွေ့ရတယ်။ မြင်တွေ့ရတယ်ပေါ့။

ဒီတော့ လယ်သမားက
“အားပါးပါး၊ လက်ကြီးက အကြီးကြီးပါလား၊ ဒီလောက်ကြီးတဲ့လက်ရှိတဲ့သူကို ငှားပြီး
ငါ့လယ်ထဲက စပါးတွေ ရိပ်လိုက်လို့ကတော့ ခဏလေးနဲ့ ပြီးသွားမှာ”
လို့ စဉ်းစားတယ်တဲ့။

အဲ့လိုစဉ်းစားရင်း ဆင်းတုတော်ကြီးရဲ့ လက်ကနေ တဖြေးဖြေးနဲ့ အပေါ်မော့ဖူးလိုက်တော့
ဆင်းတုတော် ပါးစပ်ကြီးကို တွေ့လိုက်ရသတဲ့။
ပါးစပ်ကလဲ ခန္ဓာကို အချိုးအစားနဲ့ညီအောင် အကြီးကြီး လုပ်ထားရတာပေါ့။

ဒီတော့ လယ်သမားက
“မဖြစ်ဘူး၊ မဖြစ်ဘူး၊ ဒီလောက်ကြီးတဲ့ပါးစပ်နဲ့ဆို
ငါ့လယ်ထဲက ထွက်တဲ့စပါး သူစားလို့ ကုန်လိမ့်မယ်”
လို့ ပြန်စဉ်းစားမိပြန်သတဲ့။

လူများ တယ်ခက်ပါလားနော်၊

ဘုရားဆင်းတုတော်ဖူးနေတဲ့အချိန်တောင်
ကိုယ့်အလုပ် ကိုယ့်စီးပွါးရေးကို အလွန်အမင်းသတိရနေကြတယ်။

ဓာတ်ပုံ၊ google search

Tuesday, February 8, 2011

ပန်းဦး


အနော်ရထာမင်းလဲ ရှင်အရဟံကို မြင်တော့
ဒါမျိုးကိုယ်တော် အရင်တစ်ခါမှ မမြင်ဘူးတော့
အတော်ထူးဆန်းနေတာပေါ့။

ရှင်အရဟံကလည်း
သွားတဲ့နေရာ၊ လာတဲ့နေရာ၊ ပြောတဲ့နေရာ ဆိုတဲ့နေရာတွေမှာ
အတော်လေးကို ဣနြေ္ဒရရ သိက္ခာရှိရှိ တည်တည်ငြိမ်ငြိမ်ရှိပုံပေါက်ပါတယ်။

အနော်ရထာမင်းက သူကိုးကွယ်နေတဲ့ အရည်းကြီးရဟန်းတွေနဲ့
ရှင်အရဟံကို ချိန်ထိုးကြည့်ပုံပေါက်တယ်။

အရည်းကြီးရဟန်းတွေကို အဲ့ခေတ်က ရှင်မထီးလို့ခေါ်ပါတယ်။

စာအုပ်တစ်အုပ်ထဲမှာ ဖော်ပြထားတဲ့ ရှင်မထီးရဲ့ပုံပန်းသဏ္ဌာန်က
“ရှေးအတီတွေ၊ ပုဂံပြည်တွင်၊ ဆံကေသာ လက်လေးသစ်၊
မုဆိတ်မွေး ဗလပြစ်၊ မဲညစ်သည့် စီဝရံနှင့်၊
တာတေလံ အကျင့်ဆိုးသော၊
ရှင့်သိုးတကာ့ခေါင်ထီး၊ ရှင်မထီး” တဲ့။

ရှင်မထီးဆိုသူ အရည်းကြီးတွေက
ဆံပင်ကို လက်လေးသစ်လောက်ရှည်အောင်ထားလေ့ရှိတယ်တဲ့။
မုဆိတ်မွေးက ဗလပြစ်နဲ့။
စီဝရံဆိုတာက ပါဠိစကား၊ မြန်မာလို သင်္ကန်း။
ဒါ့ကြောင့်သူတို့ဝတ်ဆင်တဲ့သင်္ကန်းက မဲညစ်ညစ်အရောင်ရှိတဲ့သင်္ကန်း။

အခုခေတ်တောင် တချို့ဆရာတော်တွေ ဒီလိုသင်္ကန်းဝတ်တာတွေ့ဘူးတယ်။

ဆံရှည်ထားတာ၊ မုတ်ဆိတ်မွေးဗလပြစ်ရှိတာ၊
ညစ်ထေးထေးသင်္ကန်းဝတ်တာဟာ ပြဿနာတော့ မဟုတ်ပါဘူး။
ပြဿနာက တာတေလံ အကျင့်ဆိုးသော ဆိုတာပဲ။
အကျင့်ဆိုးတာက တာတေကိုလံနေတာပဲ။
အကျင့်ဆိုးတာက ပတ်ဝန်းကျင် သူတို့ကို ကိုးကွယ်နေတဲ့သူတွေကိုပါ
ထိခိုက်နေတော့ ပြဿနာပေါ့။

ရှင်မထီး အရည်းကြီးတွေရဲ့ တာတေလံအကျင့်ဆိုးတာနဲ့ပတ်သက်ပြီး
လေ့လာသိရှိရတာက

အနော်ရထာမင်းလက်ထက် ပုဂံပြည် ရှင်မထီးအရည်းကြီးတွေကို
ပန်းဦးဆက်သရတဲ့အလေ့ရှိတယ်တဲ့။
ပန်းဦးဆက်သရတယ် ဆိုတာက
အရွယ်ရောက်လို့ အိမ်ထောင်ပြုတော့မယ်ဆိုရင်
မင်္ဂလာလက်ထပ်ပွဲ ကျင်းပကြရတယ်။
ဒီလို မင်္ဂလာပွဲလက်ထပ်ကျင်းပပြီးတဲ့အချိန်
သတိုးသားက သတိုးသမီးကို ရှင်မထီး အရည်းကြီးရဟန်းတော်ကြီးတွေကို
ဆက်ကပ် လှူဒါန်းရတယ်တဲ့။
သတိုးသားနဲ့ သတိုးသမီးအတူမအိပ်ခင် သတိုးသားက သတိုးသမီးကို
အရည်းကြီးရဟန်းတော်တွေကို ဦးဦးဖျားဖျားလှူဒါန်းတာကို
ပန်းဦးဆက်သတယ်လို့ ခေါ်တယ်။

ဆိုလိုတာက သတိုးသမီးနဲ့ အရည်းကြီး တစ်ညအိပ်စေတယ်ပေါ့။

အနော်ရထာမင်းရဲ့ ပုဂံပြည်မှာ ဒီလို တာတေလံအကျင့်ဆိုးကြီး အမြစ်တွယ် တည်ရှိနေခဲ့ပါတယ်။
အဲ့ဒီခေတ် အဲဒီအခါက ဒီလိုလုပ်ရင် ကုသိုလ်ရတယ်လို့ စွဲစွဲမြဲမြဲယုံကြည်နေတဲ့အတွက်
ဒီလိုလုပ်ငန်းတွေကို အချိန်တန်ရင် ပျော်ပျော်ရွှင်ရွှင်ပဲ ပြုလုပ်လေ့ရှိခဲ့ပါတယ်။
သူတို့ကို သူတို့တော့ ဒါမျိုးကို စိတ်သန့်သန့်နဲ့ ပြုလုပ်လေ့ရှိပြီး
တာတေလံ အကျင့်ဆိုးလို့ ဘယ်ယူဆပါ့မလဲ။

ဆံပင်က လက်လေးသစ်လောက်ရှည်ပြီး မုဆိတ်မွေးဗလပြစ်နဲ့
မဲမဲညစ်ညစ်သင်္ကန်းတွေဝတ်ဆင်ထားတဲ့ တာတေလံအကျင့်ဆိုးကြီးကို
လက်ခံကျင့်သုံးနေတဲ့ ရှင်မထီးအရည်းကြီးတွေ
ခေတ်ကောင်းနေချိန် စည်ပင်ပြန့်ပွါးနေချိန်

ဦးခေါင်းပြောင်ပြောင် သင်္ကန်းကို သပ်သပ်ယပ်ယပ်ဝတ်ဆင်ထားတဲ့
မွန်ပြည်နယ်က ရှင်အရဟံ ပုဂံပြည် အနော်ရထာမင်းရဲ့ နန်းတော်ထဲ
မုဆိုးကောင်းမှုနဲ့ ရောက်လို့သွားပါတယ်။

အနော်ရထာမင်းကြီးက
ဘာလဲ၊ ဘယ်သူလဲလို့မေးတော့
ရှင်အရဟံလို့ခေါ်ကြောင်း၊
ဗုဒ္ဓဘုရားရှင်ရဲ့ တပည့်သားသာဝက ရဟန်းတော်တစ်ပါးဖြစ်ပါကြောင်း
ပြောတော့
အနော်ရထာမင်းကြီးက
ဗုဒ္ဓဘုရားရှင်ရဲ့ တရားတော်ကို ဟောကြားပေးဘို့ လျှောက်တယ်။
ရှင်အရဟံက
အပ္ပမာဒေါ အမတံ ပဒံ စတဲ့ ဓမ္မပဒပါဠိတော်ထဲမှာပါတဲ့
ဂါထာတစ်ပုဒ်ကို အခြေခံပြီးဟောလိုက်တာ
အနော်ရထာမင်းကြီး ချက်ချင်းပဲ ရှင်အရဟံကို သဘောကျသွားတယ်။

ရှင်အရဟံဟောကြားလိုက်တဲ့ ဗုဒ္ဓဘုရားရှင်တရားတော်ကို
သက်ဝင်ယုံကြည်သွားတယ်။

ဗုဒ္ဓဘာသာဝင်ဖြစ်ကြောင်းသူ့ကိုယ်သူ ကြေငြာပြီး
ရှင်မထီး အရည်းကြီးတွေကို လူဝတ်လဲစေတယ်။
ရှင်မထီးအရည်းကြီးတွေရဲ့ တာတေလံအကျင့်ဆိုးတွေကို ပပျောက်အောင်
ရှင်အရဟံနဲ့ပူးပေါင်းဆောင်ရွက်ခဲ့တယ်။
ဒါ့ကြောင့် ဒီနေ့ ဒီလို ပန်းဦးဆက်တဲ့အလေ့အကျင့်တွေမရှိတော့ဘူး။

ဒီနေရာမှာ ပြောချင်တာက
တကယ်လို့သာ ရှင်အရဟံမထေရ်
ပုဂံပြည်သွားပြီး သာသနာမပြုခဲ့ရဘူးဆိုရင်
ဒီနေ့ ဒီအချိန်အခါ ပန်းဦးဆက်တဲ့အလေ့အကျင့် မရှိနိုင်တော့ဘူးလို့
ဘယ်သူမှ မပြောနိုင်ဘူး။
ဒါပေမဲ့ ရှင်အရဟံ ဗုဒ္ဓဘာသာရဟန်းတော် ကျေးဇူးကြောင့်
ဒီအကျင့်ဆိုးကြီး ကွယ်ပျောက်သွားခဲ့ပါပြီ။

ဒီတစ်ချက်နဲ့တင်
ဒို့နိုင်ငံသား ဗုဒ္ဓဘာသာဝင်တွေအနေနဲ့
ရတနာသုံးပါးထဲက သံဃရတနာကို အလွန်အမင်း ကျေးဇူးတင်ထိုက်ပါတယ်။
သံဃံ သရဏံ ဂစ္ဆာမိ လို့ခေါ်တဲ့ သံဃရတနာကို လှိုက်လှိုက်လှဲလှဲ ကိုးကွယ်သင့်ပါတယ်။

ဟုတ်တယ်လေ။ စဉ်းစားကြည့်ပါအုံး။
ရှင်အရဟံသာ ကံအားလျှော်စွာ ပုဂံမြေကို ခြေချခွင့်မရခဲ့ရင်
ကိုယ့်သတိုးသမီးကို ကိုယ့်ဇနီးသစ်လေးကို
ဆံကေသာ လက်လေးသစ်
မုဆိတ်မွေး ဗလပြစ်
မဲညစ်တဲ့သင်္ကန်းကြီးဝတ်ထားပြီး
တာတေလံ အကျင့်ဆိုးတဲ့ ရှင်မထီးအရည်းကြီးကို
ဒီနေ့ခေတ်တိုင်အောင် ဦးဦးဖျားဖျား လှူဒါန်းနေရအုံးမှာ။

Monday, February 7, 2011

Sexy ၀တ်စုံ


အသောကမင်းကြီးရဲ့ ကျေးဇူးနဲ့ ဘီစီ ၂၃၅ ခန့်မှာ
ဗုဒ္ဓဘာသာမြန်မာနိုင်ငံကို မွန်ပြည်နယ် သထုံတ၀ိုက်ရောက်လာတယ်ပဲ ဆိုပါစို့။
အဲ့ဒီအချိန်ကစပြီး သထုံတ၀ိုက် ဗုဒ္ဓဘာသာ အတော်စည်ပင်ပြန့်ပွါးခဲ့ပုံပေါ်ပါတယ်။

ဒါ့ကြောင့် သထုံဒေသမှာရှိတဲ့ မွန်လူမျိုးတွေဟာ
မြန်မာနိုင်ငံအလည်ပိုင်းနဲ့ အထက်ပိုင်းမှာရှိတဲ့လူမျိုးတွေထက်စောပြီး
ဗုဒ္ဓဘာသာအရသာနဲ့ ဗုဒ္ဓဘာသာကျင့်စဉ်တွေကို
သုံးဆောင်ခံစားကျင့်သုံးခွင့်ရခဲ့တယ်လို့ မှတ်ယူနိုင်တယ်။

ဗုဒ္ဓဘာသာနဲ့ဆက်စပ်တဲ့ယဉ်ကျေးမှု ဓလေ့ထုံးစံများ၊ စာပေများကို
သထုံတ၀ိုက်မှာရှိတဲ့ မွန်လူမျိုးတွေက အရင်ကျင့်သုံးခွင့်ရတဲ့အတွက်
ဗုဒ္ဓဘာသာယဉ်ကျေးမှုအဆင့်အတန်း၊ စာပေမြင့်မားမှုမှာ
သူတို့က ရှေးပိုကျတယ်လို့ ဆိုနိုင်ပါတယ်။

လူနဲ့သူနဲ့တူအောင်နေနိုင်တာ သူတို့က ပိုစောတယ်လို့ဆိုရမယ်။

ဒါ့ကြောင့် အညာသားရှင်ဘုရင် အနော်ရထာတို့ မွန်ဘုရင် မနူဟာမင်းဆီသွားပြီး
ပိဋကတ်သုံးပုံတောင်းတော့
“မင်းတို့လိုအရိုင်းအစိုင်းတွေနဲ့ ပိဋကတ်နဲ့လားလားမှ မထိုက်” လို့
ပြောလွှတ်လိုက်တာဖြစ်မယ်။
ထား။

ဒီနေရာမှာ ပြောချင်တာက
သထုံတ၀ိုက်မှာ အသောကမင်းလက်ထက်ကစပြီး
ဗုဒ္ဓဘာသာစတင်ရောက်ရှိထွန်းကားလာတယ်လို့ ပြောလိုရင်းဖြစ်တယ်။

နောက်ပိုင်းနှစ်အတန်အကြာ အေဒီ ၁၁ ရာစုမှာ
မွန်ပြည်နယ်မှာ မနူဟာဆိုသူ ရှင်ဘုရင်လုပ်အုပ်ချုပ်နေတယ်။
သူနဲ့ခေတ်ပြိုင်၊ ဗုဒ္ဓဘာသာ ဘုန်းကြီးဘက်က ရှင်အရဟံဆိုတဲ့ဘုန်းကြီးရှိတယ်။

အညာ ပုဂံဒေသမှာက
သူနဲ့ခေတ်ပြိုင် အနော်ရထာ ရှင်ဘုရင်လုပ် အုပ်ချုပ်နေတယ်။
အဲ့အချိန် ပုဂံဒေသမှာ အနော်ရထာမင်းတို့တတွေက အရည်းကြီးတွေ ကိုးကွယ်ကြတယ်။

ဗုဒ္ဓဘာသာကို ကိုးကွယ်နေတဲ့မွန်ပြည်နဲ့ အရည်းကြီးကိုးကွယ်နေတဲ့ ပုဂံပြည်
ဘာသာယဉ်ကျေးမှု အတော်ကွာဟမှုရှိပါတယ်။

သထုံတ၀ိုက် ဗုဒ္ဓဘာသာယဉ်ကျေးမှုမြင့်မားနေချိန်
ကမ္ဗောဒီးယားမှာ ခမာဘုရင်တွေ အုပ်စိုးတယ်။

ဒီခမာဘုရင်တွေက ဟိန္ဒူဘာသာဝင်တွေ။
ဒါ့ကြောင့် ကမ္ဗောဒီးယားနိုင်ငံမှာ ထင်ရှားတဲ့ အန်ကောဝပ်ကျောင်းတော်ကြီးကို ကြည့်လိုက်ရင်
ဟိန္ဒူယဉ်ကျေးမှု ဘယ်လောက်လွှမ်းမိုးသွားတယ်ဆိုတာ ခန့်မှန်းသိရှိနိုင်တယ်။
အဲ့ဒီ ဟိန္ဒူခမာဘုရင်တွေ နယ်ချဲ့လာတာ ထိုင်းကိုရောက်လာတယ်။
ထိုင်းနိုင်ငံမှတဆင့် နယ်စပ်ဖြစ်တဲ့ မွန်ပြည်နယ်ဘက်ကို ရောက်လာတယ်။

ဟိန္ဒူတွေ ဗုဒ္ဓဘာသာထွန်းကားတဲ့ မွန်ပြည်နယ်ဘက်ရောက်လာတော့
ဗုဒ္ဓဘာသာဘုန်းကြီးတွေ သိပ်အဆင်မပြေဘူးပေါ့။

မနူဟာမင်းလက်ထက် ဗုဒ္ဓဘာသာဘုန်းကြီးတစ်ပါးဖြစ်တဲ့ ရှင်အရဟံလည်းပဲ
ဟိန္ဒူဘာသာဝင်တွေဝင်ရောက်လာတဲ့ မွန်ပြည်နယ်မှာ သိပ်နေလိုဟန်မရှိတော့လို့ ထင်ပါရဲ့။
အထက်ဗမာပြည် ပုဂံကို ကြွပါတယ်။
ပုဂံပြည် တောထဲတစ်နေရာမှာနေနေပြီးတော့ တရားကျင့်နေပါတယ်။

မုဆိုးတစ်ယောက်က သားကောင်လိုက်ရင်းနဲ့
တောထဲမှာနေနေတဲ့  မွန်ပြည်နယ်သားရဟန်းတော် ရှင်အရဟံကို တွေ့သွားတယ်။
ခေါင်းပြောင်ပြောင် ပခုံးတစ်ဖက်ဖေါ်ထားတဲ့ ရှင်အရဟံကိုတွေ့တော့
ပုဂံသားမုဆိုးမျက်စိထဲ အတော်ထူးဆန်းသွားတယ်။

ဟုတ်တယ်။ အခုခေတ်မှာလဲပဲ
ခေါင်းပြောင်ပြောင်နဲ့ ပခုံးတစ်ဖက်ဖော်ထားတဲ့ ရဟန်းတော်တွေရဲ့ အသွင်အပြင်ကို
ဗုဒ္ဓဘာသာနိုင်ငံတွေဖြစ်တဲ့ သီဟိုဠ်၊ ထိုင်း၊ မြန်မာနိုင်ငံက လူတွေက
မထူးဆန်းပေမဲ့ တခြားနိုင်ငံက လူတွေက အထူးအဆန်းဖြစ်ပြီး ကြည့်လေ့ရှိတယ်။

အိန္ဒိယမှာနေတုန်းကဆိုရင် ကုလားတစ်ယောက်က
သင်္ကန်းကို လာကိုင်ပြီး
“ဒီဝတ်စုံက မြန်မာနိုင်ငံက ရိုးရာဝတ်စုံလား” လို့တောင် မေးဘူးတယ်။

ဘုရားရှင်က မြို့ထဲရွာထဲ သွားရင် သင်္ကန်းရုံသွားဘို့ ပညတ်ထားတဲ့ဝိနည်းစည်းကမ်းရှိပါတယ်။
အဲ့ဝိနည်းစည်းကမ်းကို မလိုက်နာပဲ ပခုံးတစ်ဖက်ဖော်သွားရင်
မြန်မာနိုင်ငံတွင်းမှာဆိုရင် ဘာမှ အထူးအဆန်းမဟုတ်ပေမဲ့
တခြားနိုင်ငံတွေမှာဆိုရင် အတော်အဆင်မပြေတာ တွေ့ရတယ်။

အိန္ဒိယက ကုလားတစ်ယောက်က ဒီအ၀တ်အစားက
လူရိုင်းတွေ ၀တ်တဲ့အ၀တ်အစားနဲ့တူတယ်တဲ့။

မလေးရှားက တရုတ်မတစ်ယောက်က
ဒီလိုပခုံးတစ်ဖက်ဖော်ပြီး ၀တ်ထားတဲ့အ၀တ်အစားဟာ
အတော့်ကို sexy ဖြစ်တယ်တဲ့။

ရဟန်းတော်များ သင်္ကန်းမခြုံပဲ သင်္ကန်းမရုံပဲ မြို့တွင်းရွာတွင်းသွားရင်
ဒီလို အဆင်မပြေမှုလေးတွေ ရှိတာတော့ အမှန်ပဲ။
ဒါ့ကြောင့် သင်္ကန်းကို သေသေချာချာ သပ်သပ်ယပ်ယပ် ရုံပြီးမှသာ
သွားသင့်ပါတယ်။

တောထဲမှ တစ်ကိုယ်တည်း ဦးခေါင်းပြောင်ပြောင်နဲ့ ပခုံးတစ်ဖက်ဖော်ထိုင်နေတဲ့
ဗုဒ္ဓဘာသာရဟန်းတော်တစ်ပါးဖြစ်တဲ့ရှင်အရဟံကို မြင်လိုက်တဲ့အချိန်
မုဆိုးမျက်စိထဲ မယုံနိုင်လောက်အောင်ကို ဖြစ်သွားတယ်။
 လူရော ဟုတ်ရဲ့လား၊ တစ္ဆေလား၊ သရဲလားစသဖြင့် တွေးတော့တာပေါ့။

မုဆိုးက ပါလာတဲ့မြှားနဲ့ချိန်တွယ်ပြီး
ငြိမ်ငြိမ်နေဘို့ အသာအယာလိုက်လာဘို့ပြောဆိုကာ
ရှင်အရဟံကို အနော်ရထာမင်းရှိရာ နန်းတွင်းကို ခေါ်ဆောင်သွားတယ်။

Saturday, February 5, 2011

ခုတုံး


တတိယသံဂါယနာတင်ပွဲကျင်းပပြီးတော့
အသောကမင်းကြီး နိုင်ငံရပ်ခြားသို့ သာသနာရောက်ရှိပြန့်ပွါးအောင်
ကိုးတိုင်းကိုးဌာနသာသနာပြုစီမံကိန်းကြီးကို အကောင်အထည်ဖော်ခဲ့တယ်။
ကိုးတိုင်းကိုးဌာနထဲမှာ ရှင်သောဏနဲ့ ရှင်ဥတ္တရမထေရ်တို့က
သုဝဏ္ဏဘူမိအရပ်ကို သာသနာပြုကြွရကြောင်း အရင်ပြောပြခဲ့တယ်။

သမိုင်းသုတေသီတို့က မြန်မာနိုင်ငံမှာရှိတဲ့ မွန်ပြည်နယ်၊ သထုံဒေသဟာလဲ
သုဝဏ္ဏဘူမိထဲမှာ အကျုံးဝင်တယ်လို့ ယူဆပြောဆိုကြတယ်။

ဒီယူဆချက်မှန်တယ်ဆိုရင်
အသောကမင်းလက်ထက် (ဘီစီ ၂၃၅) ခန့်က  မြန်မာပြည်ကို ဗုဒ္ဓဘာသာ
သာသနာရောက်ရှိတယ်လို့ ဆိုနိုင်တယ်။

ဒါပေမဲ့ တချို့က ဘုရားရှင်သက်တော်ထင်ရှားရှိစဉ်ကတည်းက
ဘုရားရှင်ကိုယ်တော်တိုင် မြန်မာနိုင်ငံကို ရောက်ဖူးကြောင်း၊
ဒါ့ကြောင့် ဘုရားရှင်အဆုံးအမဖြစ်တဲ့ ဗုဒ္ဓသာသနာဟာ
ဘုရားရှင်လက်ထက်ကတည်းက ရောက်ရှိကြောင်း
ရေးသားဖော်ပြကြတယ်။

ဒါနဲ့စပ်လို့ သာသနာ့တက္ကသိုလ်ကျောင်းသားဘ၀တုန်းက
ညနေတိုင်း အညောင်းပြေ တက်ခဲ့တဲ့ မန္တလေးတောင်ကို သတိရမိတယ်။

မန္တလေးမှာနေတုန်း မန္တလေးတောင်ပေါ်တက်ရင်
လက်ညှိုးထိုး ရပ်တော်မူဘုရား (ဗျာဒိတ်ပေးဘုရား) ကြီး တွေ့ရလိမ့်မယ်။
ရပ်တော်မူဘုရားဘေးက ကျုံ့ကျုံ့လေးထိုင်ပြီး ရပ်တော်မူဘုရားကြီးကို
လက်အုပ်ချီနေတာက ရှင်အာနန္ဒာ။
ဒီရပ်တော်မူဘုရားကြီးနဲ့ရှင်အာနန္ဒာတို့ ရုပ်တုတွေ
မန္တလေးတောင်ပေါ် ဘယ်လို ရောက်လာကြတာတုန်း။

ဇာတ်လမ်းက
မြတ်စွာဘုရားသက်တော်ထင်ရှားရှိစဉ်အခါတုန်းက
မြတ်စွာဘုရားနဲ့အတူ ရှင်အာနန္ဒာတို့
မန္တလေးတောင်ကို ကြွလာကြတယ်တဲ့။

ကြွလာပြီး ရှင်အာနန္ဒာကို တောင်ခြေ လွင်ပြင်ကျယ်ကြီးကို လက်ညှိုးထိုးပြကာ
အာနန္ဒာ၊ ငါဘုရားပရိနိဗ္ဗာန်စံပြီး နောင်နှစ်ပေါင်း ၂၅၀၀ ကြာရင်
ဟိုးနေရာမှာ မင်းတုန်းမင်းဆိုတဲ့ရှင်ဘုရင် ပေါ်ပေါက်လာပြီး
ငါဘုရားသာသနာကို အကြီးအကျယ်ထောက်ပံ့ပြီး
သာသနာတိုးတက် စည်ပင်ပြန့်ပွါးအုံးမယ် လို့
ကြိုတင်ဟောကိန်းထုတ်သတဲ့။
စာစကားနဲ့ပြောရရင် ဗျာဒိတ်ပေးတယ်ပေါ့။

တကယ်တော့
မြတ်စွာဘုရားနဲ့ ရှင်အာနန္ဒာ မန္တးလေးကို တစ်ခါမှ မရောက်ဘူးပါဘူး။
ဒီရပ်တော်မူနဲ့ ရှင်အာနန္ဒာတို့ရုပ်တုကို မြတ်စွာဘုရားပရိနိဗ္ဗာန်စံပြီးတဲ့နောက်
နှစ်ပေါင်း ၂၅၀၀ ခန့်မှာ ပေါ်လာတဲ့ မင်းတုန်းမင်းကြီး
လူလည်ကျပြီး ဖန်တီးထားတာလို့ပဲ ပြောချင်ပါတယ်။

သူ့ရဲ့ နောင်တော် ခမည်းတော်တို့ ရှင်ဘုရင်လုပ်အုပ်ချုပ်နေတဲ့
ထီးဟောင်း နန်းဟောင်း နေပြည်တော်ဟောင်းမှာ
နေချင်စိတ်ကုန်လို့
နေရာကောင်းလိုက်ရှာရင်း
မန္တလေးတောင်ခြေက ပျံ့ပျူးသာယာတဲ့မြေပြင်ကြီးကို ကြည့်ပြီး
သရေ (သွားရေ) ကျမိတာက စတာပါ။

ရှင်ဘုရင့်တို့ရဲ့ ရူးသွပ်မှုသဘာဝအရ
ဘုရင်မင်းတုန်းလဲ ဘုရင်ထဲက ဘုရင်တစ်ပါးဆိုတော့
ထီးဟောင်း နန်းဟောင်း နေပြည်တောဟောင်းမှာ နေလိုတဲ့ဆန္ဒမရှိတော့တဲ့အချိန်။
ငါဘုရင်ဖြစ်သခိုက် ငါလဲ ထီးသစ် နန်းသစ် နေပြည်တော်သစ်တည်ထောင်ပြီးနေရရင်
ပိုကောင်းမယ်လို့ မင်းတုန်းမင်း ယူဆမိဟန်တူပါရဲ့။

ထီးသစ် နန်းသစ် နေပြည်တော်သစ်တည်ထောင်ဘို့ဆိုတာလဲ
အတွေးလွယ်သလောက် အရေးကျ အတော်ခက်သား။

တိုင်းသားပြည်သူ လူအများတို့ သဘောထား။
ဘုရင်ပြောင်းရင် နောက်က ၀န်းကြီး ၀န်လေးတွေ၊ တိုင်းသားပြည်သူတွေ
အကုန်လိုက်ပြောင်းရတာ။ သူတစ်ယောက်တည်း ပြောင်းသွားလို့ ဖြစ်တာမှ မဟုတ်တာ။
ထိုအတွက် ကုန်ကျစရိတ်၊
တိုင်းသားပြည်သူ လူအများစီးပွါးရေး စသည်
အကုန်ကြည့်ရတယ်။

တိုင်းသူပြည်သားက ငတ်ပြတ်နေပြီး
ရှင်ဘုရင်လုပ်တဲ့သူက တစ်ထီးတစ်နန်းနေချင်တဲ့ စိတ်ရိုင်းကြောင့်
ပြည်သူ့ငွေမြောက်များစွာ သုံးပြီး ထီးသစ် နန်းသစ် နေပြည်တော်သစ် တည်မယ်ဆိုရင်
ပြည်သူ့အမျက်တော် ရှ လာနိုင်တယ်။
ဒါကို မင်းတုန်းမင်း စဉ်းစားခဲ့တယ်။
(ဘယ်လိုပဲဖြစ်ဖြစ် ဒီလိုလေး စဉ်းစားဖော်ရတာကို ကျေးဇူးတင်ပါတယ်)

စဉ်းစားတယ်၊ ငါဘယ်လို ထီးနန်းသစ် တည်ထောင် ပြောင်းရွှေ့ နေထိုင်ရရင်ကောင်းမလဲ။
မင်းတုန်းမင်း စဉ်းစားတယ်။

နောက်ဆုံးတော့ အကြံတစ်ခုရလိုက်တယ်။
ငါ့တိုင်းပြည်လူမျိုးတွေ ဗုဒ္ဓဘာသာကို အလွန်ရိုသေလေးစားကြတာပဲ။
အကယ်၍ ဘုရားကို ခုတုံးလုပ် ထီးသစ် နန်းသစ် နေပြည်တော်သစ် တည်ထောင်လိုက်ရရင်
ကောင်းမှာပဲ ဆိုပြီး လုပ်လိုက်တာ
ရှင်အာနန္ဒာနဲ့ လက်ညှိုးထိုးရပ်တော်မူဘုရားကြီး မန္တလေးတောင်ပေါ်ရောက်လာတော့တာပဲ။

သမိုင်းထဲက ရှင်ဘုရင်တွေ
မြတ်စွာဘုရားကို
တရားကို
ရဟန်းသံဃာတော်တွေကို
ဘယ်လောက်များ
ခုတုံးလုပ်
ကိုယ်ကျိုးအတွက် အမြတ်ထုတ်သွားကြပြီလဲ။

မြန်မာနိုင်ငံ ဘုရားရှင် သာသနာစတင်ရောက်ရှိတာနဲ့ ဆက်စပ်ပြီး တွေးမိတာပါ။

(အရင်တင်ပြီးသား၊ ဒီနေရာမှာ ချိတ်ဆက်မိလို့ နည်းနည်းပြင်ရေး တင်လိုက်တယ်)

Thursday, February 3, 2011

လုယူမယ်


တရုတ်နှစ်ကူး ဒုလ္လဘရဟန်းခံပွဲနဲ့
(၇) ရက်တရားစခန်းပွဲကို ဒီနေ့စတယ်။

ဟူး.. အတော်မောသားပဲ။

ဒီရက်တွေမှာ ကိုယ့်အချိန်ကို 
သူများကို လုံးလုံးလျားလျား ပေးနေရတယ်။
ကိုယ့်ရဲ့ ကိုယ်ပိုင်အချိန်ကို သူများအတွက် ပေးဆပ်နေရတယ်။
စာစကားနဲ့ပြောရရင် ပါရမီဖြည့် ကုသိုလ်ယူနေတယ်ပေါ့။

ဒီလိုမအားတဲ့ ကြားထဲက
ကိုယ့်အချိန်ကို ပြန်လုယူလိုစိတ် ပေါ်နေတယ်။

သူများကို ပေးနေရတဲ့ ကိုယ့်အချိန်တွေကို 
ကိုယ်ဘယ်လိုပြန်လုယူရမလဲ။

ပြန်လုယူလို့ရတဲ့အချိန် 
ပို့စ်တင်ဖြစ်မယ်။

ပြောပြစမ်းပါ



Students today have much more knowledge than students of previous times.
They have got all the things they need,
everything is more convenient.
But they also have a lot more suffering
and confusion than before.
Why is that?

Ajahn Chah

Wednesday, February 2, 2011

လိုအင်


We are always dissatisfied.
In a a sweet  fruit, we miss the sour;
in a sour fruit, we miss the sweet.

Ajahn Chah

Tuesday, February 1, 2011

အင်ဒိုခရီးစဉ် (၇)


နံနက် (၇) နာရီလေယာဉ်နဲ့  Java ကျွန်း၊ Yogyakarta မြို့နားမှာရှိတဲ့
Borobudur ဘုရားကို သွားရမှာဆိုတော့ မနက်စော (၅) နာရီမှာ
အိပ်ယာကထဖြစ်တယ်။

ရေမိုးချိုးပြီး ဘုရားရှိခိုးတယ်။ ၁၀ မိနစ်ခန့်ဘုရားရှေ့မှာ တရားထိုင်ပြီး
၅ နာရီခွဲခန့်မှာ လေဆိပ်ကို သွားပါတယ်။
နံက် (၆) နာရီခန့်မှာ လေဆိပ်ရောက်တယ်။
လေဆိပ် Check-in Counter ရောက်တော့
လေယာဉ်တစ်နာရီနောက်ကျမည်ဖြစ်ကြောင်းသိရတယ်။

နောက်ကျမည့်လေယာဉ်ကို ထိုင်စောင့်ရင်း
(အရုဏ်ဆွမ်း) စားခဲ့ပါတယ်။
မြန်မာစကားမှာ မျှော်လင့်စောင့်စားတယ်ဆိုတာ
ဒါကို ပြောတာနေမှာလို့ စဉ်းစားလိုက်မိသေးတယ်။
လေယာဉ်ကို မျှော်ပြီး စောင့်ရင်းစားခဲ့ရတာကိုး။

နံနက် (၇) နာရီထွက်ရမဲ့လေယာဉ်ဟာ (၈) နာရီမှာ ထွက်ဖြစ်ပါတယ်။
Jakarta မှYogjakarta မြို့ကို လေယာဉ်နဲ့ တစ်နာရီကြာ ပြန်သန်းရပါတယ်။

လေယာဉ်ပေါ်မှာရှိစဉ် နာရီဝက်လောက်အကြာမှာ
လေယာဉ် တော်တော်လေးတုန်ခါနေပါတယ်။
လေယာဉ်မှူးကလဲ တိမ်အနည်းငယ်ထူထပ်နေလို့
ခါးပတ်များပတ်ထားဘို့ ကြေငြာပေးပါတယ်။

လေယာဉ်က တိမ်တိုက်နဲ့ တွေ့တဲ့အခါ တဒုန်းဒုန်းနဲ့ မြည်သံထွက်လာပြီး
အောက်ကို တစ်တောင်လောက်ပြုတ်ပြုတ်ကျသွားပါတယ်။

ကိုရင်ဘ၀တုန်းက မြို့ကျောင်းစာသင်တိုက်တွေမှာ နေပြီး
နွေရာသီရောက်လို့ စာမေးပွဲဖြေဆိုပြီးရင်
မိဘရှိရာ ဆရာသမားရှိရာ ဇာတိရွာကို ပြန်လေ့ရှိပါတယ်။

အဲ့တုန်းက အခုလို ကားလမ်းတွေ ဘာတွေ ဘယ်ရှိအုံးမလဲ။
ဆိုတော့ နွားလှည်းကို အားကိုးရတာပေါ့။
လှည်းလမ်းဆိုတော့ မြိုက ကတ္တရာလမ်းလို မညီဘူး။

ကတ္တရာလမ်းဆိုလို့
ဖောက်လုပ်ပြီး ဖွင့်ပြီးသွားပြီဖြစ်တဲ့
ရန်ကုန် မန္တလေး အဝေးပြေးလမ်းမအသစ်ကြီးကို သတိရမိတယ်။
ဒါပေမဲ့ အဲ့လမ်းမကြီးက ကတ္တရာလမ်းမဟုတ်ဘူး။
ကတ္တရာစေး မပါဘူး။ ကွန်ကရစ်လမ်း။

မြန်မာပြည်က ဆရာတော်တစ်ပါးလာတော့ အဲ့လမ်းအကြောင်း ပြောဖြစ်ကြတယ်။

ရန်ကုန် မန္တလေးခရီးသွားရင် အချိန်ကုန်သက်သာကြောင်း၊
လူလဲ သက်သာကြောင်း ပြောပြပါတယ်။
ဒါပေမဲ့ ကားတော့ မသက်သာကြောင်း၊
ဘိန်းစားလမ်းဖြစ်ကြောင်း သူက ဆက်ပြောလို့

“ဘယ့်နှယ်၊ လမ်းက ဘိန်းစားလမ်းဖြစ်ရတယ်လို့၊ ဟုတ်သေးပါဘူး၊
လမ်းကို ဘိန်းစားတွေဖောက်ထားတာမို့လို့လား” လို့ မေးကြည့်တော့

အဲ့လိုမဟုတ်ကြောင်း၊ မြန်မာစကားမှာ ဘီးကို ဘိန်းလို့ အသံထွက်ကြောင်း၊
ကားဘီးကို ကားဘိန်းလို့ပြောကြောင်း၊
ရန်ကုန်၊ မန္တလေး ကွန်ကရစ်လမ်းမကြီးက ကားရဲ့ ဘီးတွေကို စားလွန်းလို့
(ဘီးစားလမ်း) ဘိန်းစားလမ်းလို့
မြန်မာပြည်က ကားသမားတွေ ခေါ်ကြကြောင်း ရှင်းပြပါတယ်။

အင်း။ ထားပါတော့လေ။
ပြောချင်တာက အဲ့ဒါမဟုတ်ပါဘူး။

မြို့ကနေ တောရွာကို ပြန်တဲ့လမ်းအကြောင်းပါ။
လှည်းလမ်း၊

တချို့နေရာတွေမှာဆို ဖုတ်တွင်းကျတွေရှိတယ်။
ဖုတ်တွင်းကျဆိုတာ လှည်းလမ်းပေါ်မှာ တစ်ထွာသာသာလောက်ရှိတဲ့
ချောက်တွင်းလေးတွေကို ပြောတာ။ ဒီချောက်တွင်းလေးတွေက
ဖုန်မှုံ့တွေဖုံးအုပ်နေတော့ ဖုန်မှုံ့တွေပြည့်နေတော့ ချောက်တွင်းမှန်း မသိရဘူး။

လည်းမောင်းသွားတဲ့အခါ ဘီးက အဲ့နေရာရောက်လို့ ဒုန်းခနဲမြည်မှ
လှည်းသမားက ချောက်တွင်းမှန်းသိရတာ။
လှည်းစီးရင်း နွားကို speed မလျှော့ပဲ မောင်းမြဲတိုင်းမောင်းလာပြီး
ဒီလို ချောက်တွင်းကျ (ဖုတ်တွင်းကျ) နေရာမှာ
လှည်းဘီးကျလိုက်လို့ ဒုန်းခနဲမြည်လိုက်ရင်
လူကို အင့်ခနဲ နေသွားတာဘဲ။

အခု လေယာဉ်ကလဲ အတူတူပဲ။
တိမ်ထူထပ်တဲ့နေရာဆို ဒုန်းခနဲ တိုက်မိပြီး ငြိမ့်ခနဲဖြစ်ဖြစ်သွားတယ်။
လှည်းလို အင့်ခနဲတော့ မနေပါဘူး။
လေယာဉ်က အကျ သက်သာတယ်။

ဒုန်းခနဲ၊ ငြိမ့်ခနဲ။ ဒုန်းခနဲ၊ ငြိမ့်ခနဲနဲ့ စီးနင်းလိုက်ပါလာရင်း
ခဏကြာတော့ လေယာဉ်ဟာ
 တောင်ကုန်းနဲ့ အတော်လေး နီးနီးကပ်ကပ် ပျံသန်းနေတာကို သတိပြုမိလိုက်တယ်။

ဒေါ်ဇင်မာဝင်းက
လေယာဉ်တစ်ခုခုဖြစ်ရင် လေယာဉ်မှူးတွေက လေယာဉ်ကို
ပင်လယ်ထဲကို ဖြစ်စေ၊ တောင်ကုန်းတွေပေါ်ကို ဖြစ်စေ ထိုးချလေ့ရှိတယ်လို့ ပြောပြီး
ကြောက်ရွံ့ စိုးရိမ်ကာ သူရတဲ့ ဘုရားစာတွေရွတ်ပြီး ဆုတောင်းတော့တာပဲ။
အတော်ကြောက်တတ်တဲ့ဒကာမပဲလို့ စိတ်ထဲက အောက်မေ့မိတယ်။
သူအကြောက်ပိုမှ ကိုယ်တောင် ကြောက်စိတ်ဝင်လာတယ်။

ဒီနေရာမှာ စဉ်းစားမိတာက
ကြောက်တတ်တဲ့သူနဲ့နေရင် ကြောက်တတ်လာပြီး
ရဲရင့်သူနဲ့နေရင် ရဲရင့်လာတယ် လို့ ဥပဒေသထုတ်မိတာပဲ။

ခဏနေတော့ အန္တရာယ်ကင့် ဘေးရှင်းစွာ Yogjakarta လေဆိပ်ကို ဆင်းသက်နိုင်ပါတယ်။
လာကြိုနေတဲ့ကားသမားကို အဆင်သင့်တွေ့ပါတယ်။