Monday, January 31, 2011

အမှန်မြင်နှင့်နောက်ဆက်တွဲ


နိဗ္ဗာန်သို့လျှောက်လှမ်းတဲ့နေရာမှာပဲဖြစ်ဖြစ်
အခြားအခြားသို့ လူမှုရေး၊ စီးပွါးရေး၊ နိုင်ငံရေးစတဲ့အရေးတွေကို လုပ်တဲ့အခါမှာပဲဖြစ်ဖြစ်
အမြင်မှန်ဘို့ အင်မတန်အရေးကြီးပါတယ်။
အမြင်မှန်မှ အမှန်မြင်နိုင်မှာမို့ပါ။
အမြင်မှန်၊ အမှန်မြင်ကို ပါဠိလို သမ္မာဒိဋ္ဌိ လို့ခေါ်ပါတယ်။
သမ္မာဆိုတာ မှန်ကန်တာ၊ ဒိဋ္ဌိဆိုတာ အမြင်။

နိဗ္ဗာန်သို့သွားရာလမ်းကြောင်းလို့ခေါ်တဲ့ မဂ္ဂင်ရှစ်ပါးထဲမှာ အမှန်မြင်လို့ ခေါ်တဲ့
သမ္မာဒိဋ္ဌိကို ဘုရားရှင်က ပထမဦးဆုံးနေရာမှာထား ဟောကြားခဲ့ပါတယ်။
အရေးအကြီးဆုံး မဂ္ဂင်ဖြစ်လို့ပါ။

လူတစ်ဦးတစ်ယောက်ဟာ ဘယ်အလုပ်မှာပဲဖြစ်ဖြစ်
အမှန်မြင်လို့ခေါ်တဲ့ ဒီသမ္မာဒိဋ္ဌိသဘောတရားမရှိရင်
ဘာမှ ရှေ့ဆက်လုပ်လို့မရတော့ပါဘူး။
တရားထိုင်လို့လဲ မရတော့ဘူး။
လူမှုရေးလုပ်လို့လဲ မရတော့ဘူး၊ နိုင်ငံရေးလုပ်လို့လဲ မရတော့ပါဘူး။

မှန်ကန်တဲ့အမြင်မရှိဘူး၊ အမြင်မမှန်ဘူးဆိုရင် ဘာကြီးကို လုပ်နေလုပ်နေ
အကျိုးရှိသင့်သလောက် မရှိတော့ပါဘူး။

လူတစ်ဦးတစ်ယောက်မှာ မှန်ကန်တဲ့အမြင်မရှိဘူးဆိုရင်
မှန်ကန်တဲ့အတွေးအခေါ်လဲ မရှိနိုင်ပါဘူး။
မှန်ကန်တဲ့အတွေးအခေါ်ရှိဘို့အတွက် အမြင်မှန်ရှိဘို့လိုပါတယ်။
မှန်ကန်တဲ့အတွေးအခေါ်ကို ပါဠိလို သမ္မသင်္ကပ္ပ လို့ခေါ်ပါတယ်။

အမြင်မှန်လို့ အတွေးအခေါ်မှန်တဲ့သူမှသာ စကားပြောရာမှာ
မှန်မှန်ကန်ကန်ပြောဆိုတယ်။
မှန်ကန်တဲ့အတွေးအခေါ်မရှိသူအဖို့ သူပြောတဲ့စကား မှားဘို့ပဲရှိပါတယ်။
မှန်မှန်ကန်ကန်ပြောဆိုတာကို ပါဠိလို သမ္မာဝါစာလို့ခေါ်တယ်။

မုသားမပြောတဲ့ မှန်ကန်တဲ့စကားကို ပြောဆိုလေ့ရှိတဲ့သူမျိုးသာ
မှန်ကန်တဲ့အလုပ်ကို လုပ်လေ့ရှိပါတယ်။
မှန်ကန်တဲ့အလုပ်ကို ပါဠိလို သမ္မာကမ္မန္တလို့ခေါ်ပါတယ်။

မှန်ကန်တဲ့အလုပ်ကို လုပ်လေ့ရှိသူမျိုးသာ
အသက်မွေးဝမ်းကြောင်းလုပ်တဲ့နေရာမှာ
သင့်လျှော်လျောက်ပတ်တဲ့ မှန်ကန်တဲ့ အသက်မွေးဝမ်းကြောင်းကို ပြုလုပ်မှာပါ။
မှန်ကန်တဲ့အသက်မွေးဝမ်းကြောင်းကို ပါဠိလိုတော့
သမ္မာအာဇီဝ လို့ခေါ်ပါတယ်။

နောက်မဂ္ဂင်တစ်မျိုးက သမ္မာဝါယာမ တဲ့။
သမ္မာ မှန်မှန်ကန်ကန်၊ ၀ါယာမ အားထုတ်မှုရှိတာကို သမ္မာဝါယာမလို့ ပြောတာပါ။
မှန်ကန်တဲ့အားထုတ်မှုရှိရမယ်ဆိုတော့ မှားယွင်းတဲ့အားထုတ်မှုမျိုး၊
မှားယွင်းတဲ့ကျင့်ကြံမှုမျိုး မရှိရဘူးပေါ့။

စာပေမှာ မှန်ကန်တဲ့အားထုတ်မှု သမ္မာဝါယာမကို
မကောင်းတာကို မပြုလုပ်မိအောင်အားထုတ်ခြင်းနဲ့
ကောင်းတာကို ပြုလုပ်ဖြစ်အောင်အားထုတ်ခြင်းလို့ အဓိပ္ပါယ်ဖွင့်ဆိုထားပါတယ်။
ဆိုတော့ မကောင်းမှုရှောင် ကောင်းမှုဆောင်ဘို့ပါဘဲ။

ဒီလိုမျိုး မှန်မှန်ကန်ကန်အားထုတ်ရင်
မှန်ကန်တဲ့သတိတရားတွေ ကိုယ်မှာ ကပ်လာတော့တာပါဘဲ။
မှန်ကန်တဲ့သတိကို ပါဠိလို သမ္မာသတိလို့ခေါ်ပါတယ်။

မှန်ကန်တဲ့သတိရှိလာပြီဆိုရင်
မှန်ကန်တဲ့သမာဓိရှိလာတော့တာပါဘဲ။
မှန်ကန်တဲ့သမာဓိကို ပါဠိလို သမ္မာသမာဓိတဲ့။

ဒါတွေကို မဂ္ဂင်ရှစ်ပါးလို့ခေါ်ပါတယ်။

နိဗ္ဗာန်သို့ချီတက်နေသူအဖို့ နိဗ္ဗာန်သို့ရောက်ရာရောက်ကြောင်း ကျင့်ကြံနေသူအဖို့
ဒီမဂ္ဂင်ရှစ်ပါးစလုံး ပြည့်စုံအောင်ကျင့်ကြံရပါတယ်။

ပြောခဲ့သလိုပဲ။
မဂ္ဂင်ရှစ်ပါးမှာ ပထမဦးဆုံး အရေးအကြီးဆုံးမဂ္ဂင်က
သမ္မာဒိဋ္ဌိ ဖြစ်ပါတယ်။
အမှန်မြင်ပြီး အမြင်မှန်ဘို့နဲ့ အမြင်မှန်ပြီး အမှန်မြင်ဘို့ပါဘဲ။

မှန်ကန်တဲ့အမြင်မရှိရင် သမ္မသင်္ကပ္ပ မှန်ကန်တဲ့အတွေးအခေါ်ရှိမှာ မဟုတ်ဘူး။

သမ္မာသင်္ကပ္ပ မှန်ကန်တဲ့အတွေးအခေါ်မှ မရှိလို့ရင်
သမ္မာဝါစာ မှန်ကန်တဲ့စကားပြောလာမှာ မဟုတ်တော့ဘူး။

မှန်ကန်တဲ့စကားမှ မပြောဘူးဆိုလို့ရှိရင်
သမ္မကမ္မန္တ မှန်ကန်တဲ့အပြုအမူတွေ သူပြုမူမှာ မဟုတ်တော့ဘူး။

မှန်ကန်တဲ့အပြုအမူကိုသာ မပြုဘူးဆိုလို့ရှိရင်
သမ္မာအာဇီဝ မှန်ကန်တဲ့အသက်မွေးဝမ်းကြောင်းလဲ သူလုပ်မှာမဟုတ်ဘူး။

မှန်ကန်တဲ့အသက်မွေးဝမ်းကြောင်းမရှိတဲ့ပုဂ္ဂိုလ်ဟာ
သမ္မာဝါယာမလို့ခေါ်တဲ့ မှန်ကန်တဲ့အားထုတ်မှုတွေလဲပဲ သူ ကြိုးစားမှာ မဟုတ်တော့ဘူး။

မှန်ကန်တဲ့အားထုတ်မှုမရှိတဲ့ပုဂ္ဂိုလ်အတွက်
သမ္မာသတိဆိုတာ ဝေလာဝေးပဲ။

သမ္မာသတိမှ မရှိတဲ့ပုဂ္ဂိုလ်ဟာ
သမ္မာသမာဓိ မှန်ကန်တဲ့သမာဓိ ဘယ်လိုနည်းနဲ့မျှ ထူထောင်နိုင်မှာ မဟုတ်ဘူး။

ဒါမဂ္ဂင်ရှစ်ပါးအဓိပ္ပါယ်အကျဉ်းချုပ်ပြောပြတာပါ။
ကိုးကွယ်တဲ့အပိုင်းမှာ အမြင်မှန်ဘို့ အမှန်မြင်ဘို့နဲ့ ဆက်စပ်ပြီး
အရေးပါပုံကို ပြောပြတာ။

Sunday, January 30, 2011

အင်ဒိုခရီးစဉ် (၆)


ဂျာကာတာမြို့လည်မှာရှိတဲ့ Monas ဆိုတဲ့ မျှော်စင်ကြီးကို တက်ကြည့်ပြီးတော့
ထေရ၀ါဒဗုဒ္ဓဘာသာကျောင်းတွေကို လိုက်ပြမည်ဖြစ်ကြောင်း၊
ထေရ၀ါဒဗုဒ္ဓဘာသာကျောင်းတွေက အခု တည်ထောင်ထားတဲ့
Bodhigarden Centre (ဗောဓိဥယျာဉ်ကျောင်း) နဲ့ သိပ်မဝေးကြောင်း
ဒေါ်ဇင်မာဝင်းက ပြောပါတယ်။

ညနေငါးနားရီလောက်မှာ ထိုင်းဘုန်းကြီးတွေနေနေတဲ့
ထေရ၀ါဒဗုဒ္ဓဘာသာဘုန်းကြီးကျောင်းဆိုတာကို
ကားပေါ်ကနေ ဒေါ်ဇင်မာဝင်းက ညွှန်ပြပါတယ်။
တကယ်တော့ သူညွှန်ပြလို့သာ ကျောင်းလို့ သိရတာ။
ကျောင်းအဆောက်အဦတော့ မဟုတ်ပါဘူး။
ရိုးရိုးအဆောက်အဦကိုပဲ အခန်းငှားပြီး
ထိုင်းဘုန်းကြီးကျောင်းဆိုပြီး လုပ်ထားတဲ့သဘောပါ။
ကျောင်းအမှတ်အသားဆိုင်းဘုတ်လေးတော့ ချိတ်ထားတယ်။
ဒါကို ကြည့်ခြင်းအားဖြင့် တရားဝင်မှတ်ပုံတင်ထားတဲ့
ဘာသာရေးကျောင်းဖြစ်မယ်လို့တော့ ခန့်မှန်းမိတယ်။

ထိုင်းဘုန်းကြီးကျောင်းဆိုတာကို ကားပေါ်ကနေ ဆင်းမကြည့်တော့ပဲ
အင်ဒိုနီးရှားနိုင်ငံသား အင်ဒိုဘုန်းကြီးတွေနေတဲ့
ထေရ၀ါဒဗုဒ္ဓဘာသာဘုန်းကြီးကျောင်းကို ဆက်သွားပါတယ်။
ဒီကျောင်းကတော့ အတော်ကြီးတယ်။
ကျောင်းဝိုင်းအနေအထားလဲ ကောင်းတယ်။ သန့်တယ်။
ကျောင်းနာမည်က ဓမ္မစက္က တဲ့။

အင်ဒိုနီးရှားနိုင်ငံ ထေရ၀ါဒဘုန်းကြီးကျောင်းပေါင်း (၆၀) ကျော်ရှိရာမှာ
ဒီ ဓမ္မစက္ကကျောင်းက
ဂိုဏ်းချုပ်ကျောင်းဖြစ်ကြောင်း သိရတယ်။
ဆရာတော်ဆိုသူကိုတော့ မတွေ့ခဲ့ရဘူး။
ဝါ (၂) ၀ါသာရသေးတဲ့ ဦးဇင်းလေးတစ်ပါးက
ယာယီကျောင်းထိုင်ဘုန်းကြီးလုပ်နေလေရဲ့။

အဲ့ဒီဦးဇင်းလေးကို ဘာစာတွေ သင်ရတုန်းလို့ မေးတော့
ဝိနည်း၊ သုတ္တန်၊ ဇာတ်၊ အဘိဓမ္မာ၊ သီဝရီ စသဖြင့် ပြောပါတယ်။

အင်ဒိုနီးရှားနိုင်ငံ ထေရ၀ါဒဘုန်းကြီးတွေ
ဘုန်းကြီးကျောင်းတွေနဲ့ပတ်သက်လို့ သိလာရတာက အတော်ဆန်းကျယ်တယ်။
ဝမ်းနည်းဘို့လည်းကောင်းတယ်။
အင်ဒိုနီးရှားနိုင်ငံက ထေရ၀ါဒဘုန်းကြီးတွေက
သူတို့လူမျိုး သူတို့သိမ်မှာ ဘုန်းကြီးဖြစ်လာတဲ့သူနဲ့
ထိုင်းနိုင်ငံက ဘုန်းကြီးတွေကိုသာ ဘုန်းကြီးလို့သတ်မှတ်တယ်၊ အသိအမှတ်ပြုတယ်။
မြန်မာနိုင်ငံနဲ့ သီဟိုဠ်နိုင်ငံက ဘုန်းကြီးတွေကို ဘုန်းကြီးလို့ အသိအမှတ်မပြုဘူး၊
ဘုန်းကြီးလို့ မသတ်မှတ်ဘူးတဲ့။

ဆိုတော့ ပ၀ါရဏာစတဲ့ကံကြီးကံငယ်ကိစ္စတွေကို
သူတို့က မြန်မာနိုင်ငံနဲ့ သီဟိုဠ်နိုင်ငံက ဘုန်းကြီးတွေနဲ့ အတူ မဆောင်ရွက်ကြဘူးတဲ့။

ဒါတင်မကပါဘူး။
မြန်မာပြည်မှာ ရဟန်းဖြစ်လာတဲ့ အင်ဒိုနိုင်ငံသားကိုလည်း
အင်ဒိုဘုန်းကြီးတွေက လက်သင့်မခံဘူး။ အသိအမှတ်မပြုဘူးဆိုဘဲ။
သူတို့နိုင်ငံမှာက သိမ်ကလဲ နှစ်လုံးပဲရှိတယ်တဲ့။
အဲ့ဒီသိမ်နှစ်လုံးထဲက တစ်လုံးလုံးမှာ သူတို့ဝတ်ပေးတဲ့
သူတို့ကမ္မ၀ါဖတ်ပေးတဲ့သူမှ ဘုန်းကြီးရဟန်းလို့ အသိမှတ်ပြုတယ်တဲ့ဗျား။
အမြင်ကျဉ်းတယ်လို့ပြောရမလား။ ဘာပြောရမှန်းတောင် မသိတော့ဘူး။

စာပေရေးရာကလဲ ဟုတ္တိပတ္တိ မသင်ရ၊ ဘယ်မှလဲ မရောက်ဘူးဆိုတော့
ပြောရဆိုရ ဆက်ဆံရတာ အတော်ခက်မဲ့ပုံပဲ လို့ စဉ်းစားမိတယ်။

အင်ဒိုနီးရှားနိုင်ငံရောက်တော့ ပထမဦးဆုံးလေ့လာကြည့်ရှုရတာက
Lodan လမ်းမကြီးပေါ်မှာရှိတဲ့ Lodan Temple လို့ လူသိများတဲ့
မဟာယာနဗုဒ္ဓဘာသာကျောင်းတော်ကြီးပါ။
အခုရောက်နေတာက ဓမ္မစက္ကလို့ခေါ်တဲ့ ထေရ၀ါဒဗုဒ္ဓဘာသာကျောင်းတော်ကြီးပါ။

အပြင်ပမ်းအနေအားဖြင့် ဒီကျောင်း နှစ်ကျောင်းကို ယှဉ်ကြည့်လိုက်ရင်
မဟာယာနကျောင်းတော်ကြီးက အင်မတန့်ကို ခန်းနားပါတယ်။
ထေရ၀ါဒကျောင်းတော်ကတော့ သာမန်ပါပဲ။
စီမံမှုကွာသွားလို့ ဖြစ်တည်မှု ကွာသွားတယ်လို့ပဲ ထင်ပါတယ်။

ရုပ်ပိုင်းဆိုင်ရာ ကွဲပြာမှုကတော့ ထားပါတော့။
ဗုဒ္ဓဘာသာချင်းအတူတူ အယူအဆပိုင်းဆိုင်ရာ
တူညီမှု ကွဲပြမှုလေးတွေကို နည်းနည်းပြောပြချင်တယ်။

မဟာယာန၊ ထေရ၀ါဒ နှစ်ဂိုဏ်းလုံးမှာ တူညီမှုတွေကတော့
ဂေါတမဘုရားရှင်ကို အတူတူလက်ခံယုံကြည်ကိုးကွယ်တယ်။
သစ္စာလေးပါးကို တညီတညွတ်ထဲ လက်ခံတယ်။
မဂ္ဂင်ရှစ်ပါးကိုလဲ အတူတူ လက်ခံကျင့်သုံးတယ်။
ပဋိစ္စသမုပ္ပါဒ်ဒေသနာတော်ကိုလဲ နှစ်ဂိုဏ်းလုံးက လက်ခံတယ်။
ကမ္ဘာလောကကြီးကို ဖန်ဆင်းတယ်ဆိုတဲ့ ဖန်ဆင်းရှင်ကို
ထေရ၀ါဒရော မဟာယာနပါ လက်မခံဘူး။
အနိစ္စ၊ ဒုက္ခ၊ အနတ္တဆိုတဲ့လက္ခဏာရေးသုံးပါးကို အတူတူလက်ခံကျင့်သုံးတယ်။

အဓိကကွဲပြားခြားနားချက်ကတော့
မဟာယာနဗုဒ္ဓဘာသာဝင်တွေက
လူသားတိုင်း ဘုရားအလောင်းဖြစ်တယ်။
ဘုရားအလောင်းကျင့်စဉ်ကို ကျင့်ရမယ်၊ ဘုရားဖြစ်အောင်ကျင့်ရမယ်။
ဘုရားဖြစ်ပြီး သတ္တ၀ါတွေကို ကယ်တင်ရမယ်။
လူသားတိုင်းဘုရားဖြစ်ပြီးမှ နိဗ္ဗာန်ကို သွားရမယ်၊ ပရိနိဗ္ဗာန်ပြုရမယ်။

ထေရ၀ါဒဗုဒ္ဓဘာသာဝင်တွေကတော့
လူသားတိုင်းဘုရားဖြစ်စရာမလိုဘူး။
နိဗ္ဗာန်ကို သွားတဲ့နေရာမှာ (မျက်မှောက်ပြုတဲ့နေရာမှာ)
ရိုးရိုးရဟန္တာအဖြစ်နဲ့လဲသွားလို့ရတယ်၊
ပစ္စေကဗုဒ္ဓ(ဘုရားငယ်) အဖြစ်နဲ့လဲ သွားလို့ရတယ်။
ဂေါတမဘုရားရှင်လို သဗ္ဗညုဘုရားရှင်အဖြစ်နဲ့လဲ သွားလို့ရတယ်။

ဒီလို ထေရ၀ါဒဗုဒ္ဓဘာသာဝင်တွေရဲ့ အယူကို
မဟာယာနဗုဒ္ဓဘာသာဝင်တွေက
ဘုရားဖြစ်အောင်မကျင့်လို့ဆိုပြီး အတ္တဆန်တယ်လို့ ပြောကြတယ်။

ထေရ၀ါဒဗုဒ္ဓဘာသာဝင်တွေကလဲ မဟာယာနဗုဒ္ဓဘာသာဝင်တွေကို
လူသားတိုင်း ဆရာဝန်သော်လည်းကောင်း၊
အင်ဂျင်နီယာသော်လည်းကောင်းဖြစ်ကုန်ရင် သဘာဝမကျသလို
လူသားတိုင်း ဘုရားဖြစ်ကုန်ရင် ဘယ်သဘာဝကျလိမ့်မလဲ လို့ ပြောကြတယ်။

တစ်နေ့တည်းမှာ မဟာယာနကျောင်းနဲ့ ထေရ၀ါဒကျောင်း လှည့်လည်ကြည့်ရှုခဲ့ရသူအဖို့
တူညီမှု ကွဲပြားမှုလေးတွေကို သတိရလို့ ပြောပြတာပါ။
ဘာရယ်လို့တော့ မဟုတ်ပါဘူး။

ထေရ၀ါဒဗုဒ္ဓဘာသာကျောင်းဖြစ်တဲ့
ဓမ္မစက္ကကျောင်းမှာ နာရီဝက်လောက်လည်ပတ်ကြည့်ရှုပြီး
ဒေါ်ဇင်မာဝင်း ဦးဆောင်ဦးရွက်ပြုလုပ်ထားတဲ့
Bodhi Garden Centre
ဗောဓိဥယျာဉ်ကျောင်းကို ရောက်ပါတယ်။

ဗောဓိဥယျာဉ်ကျောင်းဆိုတာကလဲ လောလောဆယ် အိမ်ကိုငှားထားတာပါ။
နှစ်ထပ်၊ ၆ ခန်းပါတယ်။ မီးဖိုချောင်၊ ကားဂိုဒေါင်တို့က သီးသန့်။
ဒေါ်ဇင်မာဝင်းလဲ သူစွမ်းနိုင်သမျှ ကြိုးစားထားတာ
တော်တော်လေးပြည့်ပြည့်စုံစုံဖြစ်နေပါပြီ။
ဒါပေမဲ့လုပ်စရာတွေ အများကြီးကျန်သေးတယ်။

မနက်ဖန် မနက်ခင်း စောစော Java မှာရှိတဲ့ Borobudur ဘုရားကို သွားရမှာဆိုတော့
ခပ်စောစော အိပ်ဖြစ်တယ်။

Saturday, January 29, 2011

မှန်တစ်ချပ်


အမြင်မှန်မှ အမှန်မြင်မယ်ဆိုတာနဲ့ ဆက်စပ်လို့
ဖတ်ဖူးတဲ့ ပုံပြင်လေး ပြောပြချင်တယ်။

တစ်ခါတုန်းက ရွတ်တစ်ရွာမှာ ကိုလူအေးနဲ့ ဒေါ်မွှေးလို့အမည်ရတဲ့
ဇနီးမောင်နှံနှစ်ဦးရှိဘူးတယ်။
ကိုလူအေးတို့နေထိုင်တဲ့ရွာကလေးဟာ လမ်းပမ်းဆက်သွယ်ရေးခက်ခဲလှတဲ့အတွက်
လူသူအရောက်အပေါက် အင်မတန်နည်းတယ်။
ကိုလူအေးတို့ရွာသူရွာသားတွေကလည်း တခြားမြို့ရွာတွေကို ရောက်ဖူးတဲ့သူ ရှားသတဲ့။

အဲဒီတော့ နဂိုကရိုးသားအေးဆေးလှတဲ့ ကိုလူအေးတို့ရွာသားတွေဟာ
အကြားအမြင်ဗဟုသုတနည်းပါးကြတော့ လူရိုးလူအတွေ ဖြစ်ကုန်တာပေါ့။
ကိုလူအေးက ဘယ်လောက်အသလဲဆိုရင်
တစ်ခါက မြို့ကို နွားရောင်းသွားတဲ့အခါ
လမ်းမှာတွေ့ရတဲ့လူလည်တစ်ယောက်က သူထမ်းလာတဲ့ ကျောက်ဖရုံသီးကြီးကို
ဆင်ဥ လို့လိမ်ညာပြီး ကိုလူအေးရဲ့ နွားနဲ့ လဲယူသွားတာ ခံရဖူးသတဲ့။

ကိုလူအေးရဲ့ဇနီးဒေါ်မွှေးကလည်း ကိုလူအေးနည်းတူ ရိုးအတာပါပဲ။
ကိုလူအေးဟာ တောထဲကို လယ်ထွန်သွားရင်းနဲ့
မှန်ဝိုင်းလေးတစ်ချပ်ကို လမ်းဘေးက ကောက်ရသတဲ့။
သူကတော့ မှန်ရယ်လို့ မမြင်ဘူးတော့ မသိပါဘူး။

ဒါပေမဲ့ မှန်ဝိုင်းလေးကို ကောက်ယူကြည့်တဲ့အခါ
မှန်ထဲမှာ ယောင်တစ်စောင်းနဲ့ ယောက်ကျားတစ်ဦးရဲ့ မျက်နှာဝိုင်းဝိုင်းကြီးတစ်ခု
ပေါ်လာနေတာကို မြင်လိုက်ရတာမို့
 “ဟာ၊ ဒါ သေသွားတဲ့ငါ့ဘကြီးပဲ” ဆိုပြီး
အိမ်ကို ယူလာခဲ့တာပေါ့။
အိမ်ရောက်တဲ့အခါ သူ့အင်္ကျီတွေထည့်တဲ့ ထန်းခေါက်ဖာကလေးထဲမှာ
မှန်ဝိုင်းလေးကို သိမ်းထားလိုက်တယ်။
ကိုလူအေးက သူ့ဘကြီးကို သတိရတိုင်း ထန်းခေါက်ဖာကလေးကို ဖွင့်ပြီး
မှန်ဝိုင်းလေးကို မကြာခဏကြည့်သတဲ့။

အဲဒါကို ဒေါ်မွေးက တွေ့သွားတော့
“ကိုလူအေးဟာ ဒီထန်းခေါက်ဖာကလေးကို ဘာကြောင့် ခဏခဏဖွင့်ကြည့်နေရတာလဲ” လို့
သိချင်လာသတဲ့။
တစ်နေ့ ကိုလူအေး တောကို လယ်ထွန်သွားနေတုန်း
ဒေါ်မွှေးဟာ ကိုလူအေးရဲ့ ထန်းခေါက်ဖာကလေးကို ဖွင့်ကြည့်တာပေါ့။
ဒီအခါမှာ ထန်းခေါက်ဖာထဲက မှန်ဝိုင်းကလေးကို တွေ့သွားတာပေါ့
ဒီမှန်ဝိုင်းကလေးကို ကြည့်မိတယ်ဆိုရင်ပဲ ဒေါ်မွှေးဟာ
တစ်ခါတည်း မျက်နှာကြီးနီရဲလာပြီးတော့ စိတ်တွေဆိုး၊ ဒေါသတွေ ထွက်သတဲ့။
မှန်ထဲမှာ ပေါ်နေတဲ့ ပုံရိပ်ကို ကြည့်ပြီးတော့
“ဟင်၊ လက်စသတ်တော့ ကိုလူအေးဟာ
သူ့မယားငယ်ပုံကို ခဏခဏ ခိုးကြည့်နေတာကိုး၊
ဒီလောက်ဖောက်ပြန်ချင်တဲ့သူ တောကပြန်လာမှ တွေ့မယ်”
လို့လည်း ကြိမ်းဝါးလိုက်သေးတယ်။

ဒါနဲ့ ညနေရောက်တဲ့အခါ ကိုလူအေးလည်း လယ်ထွန်ရာက ပြန်လာခဲ့တယ်။
အိမ်ရောက်တယ်ဆိုရင်ပဲ ဒေါ်မွှေးက ဆီးကြိုပြီး ရန်တွေ့တော့တာပဲ။
“ဒီမယ် ကိုလူအေး၊ ရှင်လုပ်ပုံ ကောင်းသေးရဲ့လား၊
မယားကြီးတစ်ယောက်လုံး အိမ်ပေါ်မှာရှိနေပါလျက်နဲ့
မယားငယ်ပုံကို ခိုးကြည့်တာ ရှင်မရှက်ဘူးလား”တဲ့။

ဒီအခါ ကိုလူအေးက
“ဟဲ့ မိမွှေး၊ နင်စိတ်မှ ကောင်းသေးရဲ့လား၊
အပတွေ စုန်းတွေ မှီလာသလား၊ ပြောစမ်းပါဦး၊
ဘယ်က မယားငယ်လဲ” ဆိုတော့
ဒေါ်မွှေးက ကိုလူအေးရဲ့ ထန်းခေါက်ဖာကလေးထဲက
မှန်ဝိုင်းကလေးကို ယူလာပြီးပြတယ်။ ပါးစပ်ကလည်း
“ကြည့်စမ်းပါဦး၊ ဒီပုံဟာ ရှင့်မယားငယ်ရဲ့ ပုံမဟုတ်လား၊
ဘီးဆံပတ်ကြီးနဲ့ လှမှလှ” လို့ ပြောသတဲ့။

ဒီအခါ ကိုလူအေးက
“မိမွှေးကလည်း မဟုတ်ကဟုတ်က ပြောရော့မယ်၊
အဲ့ဒါ ဘယ်ကလာ ငါ့မယားငယ်ပုံ ဟုတ်ရမှာလဲ။
အဲ့ဒါ သေသွားတဲ့ ငါ့ဘကြီးပုံဟဲ့၊ လာကြည့်စမ်းပါဦး၊
ယောင်တစ်စောင်းကြီးနဲ့ ဘယ်လောက်ခန့်သလဲ” လို့ ပြောပါတယ်။

ဒီလိုနဲ့ မှန်ဝိုင်းကလေးတစ်ချပ်ကို ဒေါ်မွှေးက ယူကြည့်ပြီး
“ကိုလူအေးရဲ့ မယားငယ်ပုံ” လို့ ပြောလိုက်၊
တစ်ခါ ကိုလူအေးက ယူကြည့်ပြီး
“ဒါငါ့ဘကြီးရဲ့ ပုံလို့ပြောလိုက်” နဲ့ ငြင်းခုံလို့ မပြီးနိုင်ဘူးဖြစ်နေတယ်။
အဲဒါ နောက်ဆုံးတော့ ရွာဦးကျောင်းဆရာတော်ရဲ့ အဆုံးအဖြတ်ကိုပဲ
ခံယူမယ်ဆိုပြီးတော့ ကိုလူအေးရော ဒေါ်မွှေးပါ
ရွာဦးဘုန်းတော်ကြီးကျောင်းကို ရောက်သွားကြသတဲ့။

ဆရာတော်က
“ဟဲ့ လူအေးတို့ မိမွှေးတို့၊ ဘာဖြစ်လာကြသလဲ၊ လျှောက်ကြစမ်း”
လို့လည်း မေးလိုက်ရော ကိုလူအေးနဲ့ ဒေါ်မွှေးတို့ဟာ
မှန်ဝိုင်းကလေးကို ကိုင်ပြပြီး စောစောကလိုပဲ 
သူတစ်မျိုး ငါတစ်ဖုံ ငြင်းခုံလျှောက်ထားကြသတဲ့။

အဲဒါနဲ့ဆရာတော်က
“ကဲ၊ ဒီလောက်ဖြစ်လှတာ၊ ဘယ်မလဲ ဒီဥစ္စာ ငါ့ကို ပြစမ်း” လို့
မိန့်တော်မူလိုက်ပါတယ်။
အဲဒီအခါ ကိုလူအေးက မှန်ဝိုင်းကလေးကို
ရွာဦးကျောင်းဆရာတော်ရဲ့ လက်ထဲကို ဆက်ကပ်ပေးလိုက်တယ်။

မှန်ဝိုင်းကလေးကို စူးစိုက်ကြည့်ရင်းနဲ့
ဆရာတော်ရဲ့ မျက်နှာတော်ဟာ ပြုံးရွှင်လာပြီး
“ဟဲ့ လူအေးတို့ မိမွှေးတို့၊ နင်တို့ တယ်မိုက်လုံးကြီးကြပါလား၊
ဒါဟာ လူအေးရဲ့ ဘကြီးပုံလည်းမဟုတ်၊ မယားငယ်ပုံလည်း မဟုတ်ပါဘူး။
ပျံလွန်တော်မူသွားတဲ့ ငါတို့ဆရာတော်ဘုရားကြီးရဲ့ ပုံတော်ဟဲ့၊
ဒီဟာကို ငါ့ကျောင်းမှာ ထားခဲ့ပေတော့။
ကဲ.. ကဲ..၊ မင်းတို့လည်း အေးအေးဆေးဆေး အိမ်ပြန်ကြ” လို့
မိန့်တော်မူလိုက်သတဲ့။

တော်ဝင်နွယ်၊ အပ္ပမာဒ ဓမ္မရသပုံပြင်များ မှ 
 ပုံ၊ google search

Friday, January 28, 2011

အမြင်မှန်၊ အမှန်မြင်


မြန်မာပြည်မှာ ဒက္ခိဏသာခါရုပ်ပွါးတော်ကို အိမ်မှာထားကိုးကွယ်တယ်ဆိုရင်
မီးမလောင်ဘူး၊ မီးကွင်းတယ်ဆိုတဲ့ယုံကြည်ချက်နဲ့ ကိုးကွယ်ကြလို့
ဘုရားရှင်ကို မီးကင်းစောင့်ထားရဲတဲ့ဗုဒ္ဓဘာသာဝင်တွေရဲ့ အကြောင်းကို
အနည်းငယ် ပြောပြခဲ့တယ်။

တချိန်တည်းမှာပဲ ဒက္ခိဏသာခါရုပ်ပွါးတော်ရဲ့ ထုလုပ်ပုံ
ပုံသဏ္ဌာန် အချိုးအစား မကျနပုံကို တင်ပြခဲ့ပါတယ်။

တကယ့်ကိုပါဘဲ။
ဒက္ခိဏသာခါရုပ်ပွါးတော်ပုံဟာ ကြည်ညိုဖွယ်မဖြစ်ပါဘူး။
မြင်ရသူ ဖူးရသူနှလုံးသားကို ငြိမ်းချမ်းမှု မပေးပါဘူး။

ဒက္ခိဏသာခါရုပ်ပွါးတော်မှ မဟုတ်ပါဘူး။
ဘုရားစောင်းတန်းမှာ ရှိတဲ့ တချို့ဗုဒ္ဓရုပ်ပွါးတော်တွေဟာ
အချိုးအစား မပြေပြစ်ပါဘူး။

ခုခေတ်ဘုရားရှင်ရုပ်ပွါးတော်ထုလုပ်သူတွေက
ပြီးပြီးရော ထုကြလို့လားမသိဘူး။
တချို့ ရုပ်ပွါးတော်တွေဆိုရင် ရုပ်လုံးကို မပေါ်ဘူး။

ဆရာတော်ကြီးတစ်ပါးမိန့်တာကတော့
ရှေးရှေးတုန်းက ဘုရားရှင်ရုပ်ပွါးတော်ထုတဲ့သူတွေက
တကယ့်ပညာရှိကြီးတွေတဲ့။ ပါဠိစာပေတတ်ကျွမ်းတဲ့သူတွေဖြစ်တယ်တဲ့။
ဘုရားရှင်ရုပ်ပွါးတော်တွေကို ထုဆစ်တဲ့အခါမှာ ပါဠိစာပေထဲမှာဖော်ပြထားတဲ့
ဘုရားရှင်ရူပကာယပုံသဏ္ဌာန်အတိုင်း ထုဆစ်ကြတယ်တဲ့။

ခုခေတ်မှာတော့ ဘုရားရှင်ရုပ်ပွါးတော်ကို
ကြည့်ကောင်းတာ မကောင်းတာ ဂရုမစိုက်တော့ပါဘူး။
ရုပ်ပွါးတော်တွေဟာ ဘုရားစောင်းတန်း ဈေးကွက်ထဲမှာ
သူ့ထက်ငါ အလုအယက်ထုဆစ်ကာ ရောင်းချနေကြပါပြီ။

ဘုရားရှင်ရုပ်ပွါးတွေကို ထုဆစ်တဲ့အခါ ကို့ယို့ကားယားမဖြစ်အောင်
ကြည်ညိုဖွယ်ရုပ်တုတွေ ထုနိုင်အောင် သာသနာရေးဌာနနဲ့
သံဃာ့နာယကဆရာတော်ကြီးများ၊ ပါဠိဗုဒ္ဓဘာသာတတ်ကျွမ်းတဲ့
ပန်းပုပညာရှင်ကြီးများပူးပေါင်းကာ သင်တန်းများပေးသင့်ပါတယ်။
ထုလုပ်ပြီးတဲ့ ဘုရားရှင်ရုပ်ပွါးတော်တွေကိုလဲ
ပါဠိစာပေလာ ဘုရားရှင်စံချိန်စံနှုန်းနဲ့ ညီမညီ
သာသနာရေးဌာနနဲ့ သံဃာ့နာယကအဖွဲ့ကို တင်သင့်ပါတယ်။

အားလုံး စီစစ်ပြီး လက်မှတ်ထိုးပြီးမှ ရုပ်ပွါးတော်တွေကို
ဘုရားစောင်းတန်း ဈေးတန်းတွေမှာ ရောင်းချခွင့်ပြုသင့်ပါတယ်။
ဒီလိုမလုပ်ရင် ဘုရားရုပ်တုတွေကို ထုချင်သလိုထုပြီး
 ဖြစ်ချင်သလိုဖြစ်နေမှာပါ။

ဒါကလဲ မြန်မာနိုင်ငံမှာပဲ ဖြစ်နေတယ်ထင်ပါတယ်။
သီဟိုဠ်နိုင်ငံနဲ့ ထိုင်းနိုင်ငံက ဘုရားရှင်ရုပ်ပွါးတော်တွေဟာ
မြန်မာပြည်က ရုပ်ပွါးတော်တွေလောက် ကို့ရို့ကားယားမနိုင်တာတွေ့ရတယ်။
သီဟိုဠ်းနိုင်ငံက ရုပ်ပွါးတော်ကိုပဲ ကြည့်ကြည့်၊
ထိုင်းနိုင်ငံက ရုပ်ပွါးတော်ကိုပဲ ကြည့်ကြည့်၊
များသောအားဖြင့် ထုလုပ်ပုံ ပုံစံတူညီတာကို တွေ့ရတယ်။

ဒါဟာ သူတို့နိုင်ငံက ရုပ်ပွါးတော်တွေက ပိုကောင်းတယ်လို့ ဆိုလိုတာမဟုတ်ပါဘူး။
မြန်မာပြည်က ရုပ်ပွါးတော်တွေထဲမှာ အင်မတန်လက်ရာပြောင်မြောက်တဲ့
ကြည်ညိုဖွယ်ကောင်းတဲ့ရုပ်ပွါးတော်တွေ အများကြီးပါ။

ပြောချင်တာက
သူတို့နိုင်ငံမှာ ဘုရားရှင်ရုပ်ပွါးတော်ထုရင်
သတ်မှတ်ထားတဲ့ စံ၊ သတ်မှတ်ထားတဲ့ (ဗဟိုရ်) မူ ရှိပုံပေါ်တယ်။
ဘုရားရှင်ရုပ်ပွါးတော်ထုတဲ့အခါ သတ်မှတ်ချက်စံ၊ မူ ရှိသင့်ပါတယ်။
ဒါလဲ မြန်မာပြည်မှာ မဖြစ်နိုင်စရာ မရှိပါဘူး။
မြန်မာနိုင်ငံမှာက သာသနာရေးဌာနနဲ့ သံဃာ့နာယကအဖွဲ့ရှိပြီးသားပါ။
လုပ်ဖို့ပဲ လိုတာပါ။

အဲ့လိုမလုပ်ရင် မန္တလေးလက်ရာ၊ စစ်ကိုင်းလက်ရာ၊ မုံရွာလက်ရာ၊ ရန်ကုန်လက်ရာနဲ့
ဂေါတမဘုရားရှင်တစ်ဆူထဲကို တစ်ခေတ်ထဲမှာ ပုံစံအမျိုးမျိုးနဲ့တွေ့နေရတော့
သိပ်တော့ မကောင်းလှပါဘူး။

ဒီလိုပုံစံအမျိုးမျိုးတွေကွဲနေတော့ ဘာသာရေးဗဟုသုတနည်းသူတွေနဲ့
တခြားဘာသာဝင်တွေက ဘုရားတွေပဲ ပေါများနေသလိုလို ထင်လာပါတယ်။

နောက်ပြီး ဒီလိုပုံစံတွေကွဲနေတဲ့ကြားက
 နာမည်တွေကိုလဲ အမျိုးမျိုးပေးကြပြန်ရော။
ဒက္ခိဏသာခါလိုမျိုး၊ အလိုတော်ပြည့်လိုမျိုး၊ မဟာသွံသာရလိုမျိုးပေါ့။

ဂေါတမဘုရားရှင်တစ်ဆူတည်းကို
ဒီလိုမျိုးနာမည်အထူးအဆန်းတွေပေးတော့ လူတွေ ဇဝေဇ၀ါဖြစ်ကုန်ပြန်ရော။

တကယ်တော့ ဘုရားရှင်ကို ကိုးကွယ်ရာမှာ
ပုံတော်တွေနောက်က ဂုဏ်တော်တွေကို အာရုံပြု ကိုးကွယ်ရမှာပါ။
သက်ရှိထင်ရှားဘုရားအထိ စိတ်ရောက်ပြီး ဂုဏ်တော် ကျေးဇူးတော်တော်တွေကို
အာရုံပြုကိုးကွယ်ရမှာပါ။
ဘုရားရှင်ကို ကိုးကွယ်တဲ့နေရာမှာ အမြင်မှန်ဘို့လိုပါတယ်။
အမြင်မှန်မှ အမှန်မြင်မှာပါ။

ဒါနဲ့စပ်လို့ ဖတ်ဖူးတဲ့ “အငြင်းပွါးရတဲ့မှန်တစ်ချပ်” ပုံပြင်လေးပြောပြရအုံးမယ်။
မနက်ဖန်မှပေါ့။

Photo: google search

Thursday, January 27, 2011

ငယ်ဖြူ


Dhammagarden ဆရာတော်
ဒေါက်တာအရှင်ဣန္ဒက၏ ထေရုပ္ပတ္တိအကျဉ်း

၁၉၇၃ - ခုနစ်တွင် မန္တလေးတိုင်း၊ တပ်ကုန်းမြို့နယ်တွင် ဖွားမြင်သည်။
၁၉၈၅ - ခုနစ် (အသက် ၁၂ - နှစ်အရွယ်) တွင် ရှင်သာမဏေဖြစ်သည်။
၁၉၉၀ - ခုနစ် (အသက် ၁၇ - နှစ်အရွယ်) တွင် ပထမကြီးတန်းအောင်မြင်သည်။

၁၉၉၃ - ခုနစ်တွင် ရဟန်းအဖြစ်သို့ရောက်ရှိသည်။

၁၉၉၅ - ခုနစ်တွင် သာသနတက္ကသီလဓမ္မာစရိယ (B.A) ဘွဲ့ရရှိသည်။
၁၉၉၆-၉၈ ခုနစ်တို့တွင် တက္ကသီလမဟာဓမ္မာစရိယတန်း (M.A) တန်း တက်ရောက် အောင်မြင်သည်။

၁၉၉၉ - ခုနစ်တွင် အစိုးရဓမ္မာစရိယခေါ် သာသနဓဇဓမ္မာစရိယဘွဲ့ ရရှိသည်။

၁၉၉၉ - ခုနစ်တွင် M.A ဘွဲ့အတွက် Thesis ရေးစဉ် သီရိလင်္ကာ (သီဟိုဠ်) နိုင်ငံသို့ သွားသည်။
၂၀၀၀ - ခုနစ်တွင် သီရိလင်္ကာနိုင်ငံမှ Kelaniya တက္ကသိုလ်မှ M.A ဘွဲ့ကို ဂုဏ်ထူးဖြင့်အောင်မြင်ရရှိသည်။

၂၀၀၆ - ခုနစ်တွင်
The Socio-Political Dimensions of Theravada Buddhism
ဟူသောစာတမ်းကို ရေးသားတင်သွင်းပြီး
အိန္ဒိယနိုင်ငံ ဘုံဘေမြို့၊ ဘုံဘေတက္ကသိုလ်မှ
Ph.D ဘွဲ့ရရှိသည်။

ယခုအခါ မလေးရှားနိုင်ငံ၊ ကွာလာလမ်ပူမြို့၊ ကပုန်းအရပ်ရှိ သမ္မာသမ္ဗောဓိထေရ၀ါဒဗုဒ္ဓဘာသာဘုန်းကြီးကျောင်းတွင်
သီတင်းသုံးနေထိုင်ရင်း သာသနာပြုလျက်ရှိသည်။

Dhammagarden ဆရာတော် ဒေါက်တာအရှင်ဣန္ဒကကို
တောထွက်ကိုယ်တော်ကြီးလို့ ထင်နေလို့
ငယ်ဖြူဖြစ်ပါကြောင်းသိစေဘို့ရန်
အတ္ထုပ္ပတ္တိအကျဉ်းရေးသားတင်ပြလိုက်ရသည်။

Wednesday, January 26, 2011

အင်ဒိုခရီးစဉ် (၅)



Lodan လမ်းမကြီးပေါ်မှာရှိတဲ့ မဟာယာနကျောင်းတော်ကြီးကို
ကြည့်ရှုလေ့လာပြီးနောက်
ဂျာကာတာမြို့လည်ကို သွားကြပါတယ်။

ကားလမ်းမကြီးရဲ့ အတွင်းလမ်းမှာ Busway လို့ ရေးထားတာတွေ့လို့
Busway ဆိုတာဘာလဲလို့စပ်စုကြည့်တော့
လမ်းမကြီးရဲ့ ဟိုဘက်ဒီဘက် အတွင်းလမ်းတွေကို
ဘတ်စ်ကားများသာ သွားခွင့်ပြုကြောင်း၊
တခြားနိုင်ငံမြို့တွေမှာ မြေအောက်ရထားတွေအချိန်မှန်သလို
ဂျာကာတာမြို့မှာ ဘတ်စ်ကားအချိန်မှန်ပါကြောင်း၊
အချိန်မှန်ဘို့ Busway လို့ခေါ်တဲ့ ဘတ်စ်ကားလမ်းကြောင်း သီးသန့်ထားရှိထားကြောင်း၊
ဘတ်စ်ကားလမ်းကြောင်းပေါ် မည်သည့်ယာဉ်မျှ မတက်ရပါကြောင်း၊
ဝန်ထမ်းများ ဒီဘတ်စ်ကားကို အားကိုးပြီး ရုံးဆင်း ရုံးတက်လုပ်ရပါကြောင်း
ရှင်းပြပြီး ဘတ်စ်ကားမှတ်တိုင်များကို ပြပါတယ်။

ဂျာကာတာမြို့မှာရှိတဲ့ ဘတ်စ်ကားမှတ်တိုင်ကြီးတွေက
မလေးရှား၊ ကွာလာလမ်ပူမှာရှိတဲ့ မီးရထားဘူတာတွေလို
ကြီးကြီးမားမား ခန်းခန်းနားနားတည်ဆောက်ထားတာတွေ့ရပါတယ်။
မြို့လည်ကို ရောက်လာပါတယ်။

ဂျာကာတာမြို့လည်ခေါင်က အတော့်ကို သန့်ရှင်းသပ်ယပ်တာပဲ။
မြို့လည်မှာရှိတဲ့ Monas ဆိုတဲ့ တာဝါမျှော်စင်တိုင်ကြီးကို ရောက်တယ်။
Monas ဆိုတာ Monument ပုဒ်က Mo နဲ့ Nasional ပုဒ်က nas ကိုယူပြီး
Monas လို့ဖြစ်နေတာ။
 (Monument ကို Monumen လို့ စာလုံးပေါင်းပြီး
National ကို Nasional လို့ အင်ဒိုဘာသာမှာ စာလုံးပေါင်းပါတယ်။)
ဆိုတော့ Monas ဆိုတာ အမျိုးသားလွတ်လပ်ရေးကျောက်တိုင်ကြီးပေါ့။
လွတ်လပ်ရေးပန်းခြံထဲမှာ တည်ဆောက်ထားတာ။

ရန်ကုန်၊ ဆူးလေဘုရားနဲ့ မြို့တော်ခန်းမတို့နားမှာရှိတဲ့
မဟာဗန္ဓုလကျောက်တိုင်မျိုးပေါ့။
တကယ်တော့ မဟဗန္ဓုလကျောက်တိုင်က မြို့လည်ခေါင်တော့ မဟုတ်ဘူး။
ဒီMonas ကျောက်တိုင်ကြီးက တကယ့်ဂျာကာတာမြို့လည်ခေါင်တည့်တည့်မှာ။
ကျောက်တိုင်ကြီးရှိတဲ့ လွတ်လပ်ရေးပန်းခြံကြီးက အတော့်ကို ကျယ်တယ်။
မဟာဗန္ဓုလကျောက်တိုင် ပန်းခြံထက် ၁၀ ဆမကကျယ်မယ်။
ပန်းခြံဂိတ်ဝင်ပေါက်နားကနေပြီး Monas ကျောက်တိုင်ကို
ကားရထားလိုဟာနဲ့ အကြိုအပို့လုပ်ပေးတယ်။


ကားရထားတွဲက ကျောက်တိုင်ခြေရင်းအထိတော့ မရောက်ဘူး။
ကားရထားရောက်တဲ့နေရာကနေ Monas ကျောက်တိုင်ခြေကို
မြေအောက်လမ်းလေးအတိုင်းသွားရတယ်။

Monas ကျောက်တိုင်ကြီးက အင်မတန်ကြီးကျယ်တယ်။
Monas ကျောက်တိုင်ကို အင်ဒိုနီးရှားသမ္မတကြီးညွှန်ကြားချက်နဲ့
၁၉၆၁ - ခုနစ်က စတင်တည်ဆောက်ပြီး ၁၉၇၅ - ခုနစ်က ဖွင့်လစ်နိုင်ခဲ့တယ်။
အမြင့်ပေ ၄၃၃ ပေမြင့်တဲ့ ကျောက်တိုင်ကြီးဖြစ်တယ်။
ဒီကျောက်တိုင်ခြေကနေ ထိပ်အထိ ဓာတ်လှေကားနဲ့တက်သွားရတယ်။
 မလေးရှားတို့ မကာအိုတို့မှာရှိတဲ့ တာဝါတိုင်ကြီးတွေလိုပါပဲ။

ပြောခဲ့သလို ကျောက်တိုင်ကြီးက မြို့လည်ခေါင်တည့်တည့်ကြီးဆိုတော့
ကျောက်တိုင်ထိပ်ကနေပြီး ဂျာကာတာမြို့တစ်မြို့လုံးရဲ့ ရှုခင်းတွေကို ကြည့်လို့ရတယ်။
ဂျာကာတာမြို့ကို
ဂျာကာတာ အရှေ့၊ ဂျာကာတာ အနောက်၊ ဂျာကာတာ တောင်၊ ဂျာကာတာ မြောက်
ဆိုပြီး လေးပိုင်းပိုင်းထားတယ်။
မြို့ရဲ့ အရပ်အသီးသီးမှာရှိတဲ့ ထင်ရှားတဲ့အဆောက်အဦတွေရဲ့
ဓာတ်ပုံပန်းချီကားချပ်တွေကို
ကျောက်တိုင်ထိပ်အတွင်းထဲမှာ ချိတ်ဆွဲထားပြီး နံပါတ်စဉ်ထိုးပြထားတယ်။
ဘယ်အဆောက်အဦက ဘာအဆောက်အဦဖြစ်ကြောင်း ရေးပြထားတယ်။
ဓာတ်ပုံပန်းချီကားတွေကိုကြည့်ပြီး ဟိုးမြို့ထဲက တကယ့်အဆောက်အဦတွေကို
လှမ်းကြည့်ခံစားနိုင်တယ်။

ခပ်ဝေးဝေးက အဆောက်အဦတွေအတွက်
လေးဘက်လေးတန်မှာ အဝေးကြည့်မှန်ပြောင်းတွေ တတ်ဆင်ပေးထားပါတယ်။

လေးဘက်လေးတန်မှာရှိတဲ့ အဆောက်အဦတွေကို မှတ်မိသလောက်ပြောပြရရင်
အရှေ့ဘက်မှာ ဘူတာကြီး၊ အနောက်ဘက်မှာ အင်ဒိုဗဟိုဘဏ်၊
တောင်ဘက်မှာ အမေရိကန်သံရုံးနဲ့ မြောက်ဘက်မှာ သမ္မတအိမ်တော်တို့ပဲဖြစ်ပါတယ်။

ဒေါ်ဇင်မာဝင်းက အခုတည်ထောင်ထားတဲ့ ဗောဓိဥယျာဉ်ကျောင်း
(Bodhi Garden Centre) က ဂျာကာတာမြို့ မြောက်ပိုင်းမှာ တည်ရှိကြောင်းပြောပြပြီး
ကျောက်တိုင်မျှော်စင်ကြီးပေါ်ကနေ မြောက်အရပ်ကို ညွှန်ပြပါတယ်။

ညနေလေးနာရီထိုးလောက်မှာ Monas ကနေ
ထွက်ခွါလာပါတယ်။

ထေရ၀ါဒဗုဒ္ဓဘာသာဘုန်းကြီးကျောင်းတွေကို လိုက်ပြအုံးမယ်တဲ့။

အဲ့ဒီက ထွက်ခွါအလာ ကားပေါ်မှာ ရန်ကုန်မြို့ကို သတိရမိပါတယ်။
ဒီလိုမျိုး အရပ်လေးမျက်နှာကို တစ်နေရာထဲက ကြည့်လို့ရတဲ့
ကျောက်တိုင်မျိုး၊ မျှော်စင်တာဝါမျိုး
ရန်ကုန်မြို့  ဘယ်နေရာမှာ ဆောက်ရရင်ကောင်းမလဲလို့
မဆီမဆိုင်တွေးနေမိပါတယ်။

Tuesday, January 25, 2011

မီးကင်းစောင့်


သီရိလင်္ကာလို့ခေါ်တဲ့သီဟိုဠ်နိုင်ငံမှာ
Vesak Festival လို့ခေါ်တဲ့ ၀ိသာခါပွဲသဘင်ကို ခန်းခန်းနားနားကျင်းပလေ့ရှိတယ်။
ဝိသာခါပွဲသဘင်ကို ၀ိသာခါနက္ခတ်နဲ့ယှဉ်တဲ့လရဲ့ လပြည့်နေ့မှာကျင်းပတယ်။
ဝိသာခါနက္ခတ်နဲ့ယှဉ်တဲ့လဆိုတာ မြန်မာလမှာတော့ ကဆုန်လဖြစ်တယ်။
အင်္ဂလိပ်လမှာတော့ မေလဖြစ်တယ်။
ကဆုန်လ (မေလ)ရဲ့ လပြည့်နေမှာ ၀ိသာခါပွဲသဘင်ကို ကျင်းပလေ့ရှိတယ်။

ဗုဒ္ဓဘာသာဝင်တွေကိုးကွယ်တဲ့ ဗုဒ္ဓဘုရားရှင် ကဆုန်လ လပြည့်နေ့မှာ
မွေးဖွားတယ်၊ ဘုရားအဖြစ်သို့ ရောက်တယ်၊ ပရိနိဗ္ဗာန်စံတယ်။

(ဗျာဒိတ်တော်ခံယူတာလဲ ကဆုန်လပြည့်နေ့ပါဘဲ)

ဘုရားရှင်ရဲ့ ဘ၀ဖြစ်တော်စဉ်မှာ ဒီလိုအရေးကြီးတဲ့ ဖြစ်ရပ်ကြီးသုံးခုက
တိုက်တိုက်ဆိုင်ဆိုင် ဒီကဆုန်လရဲ့ လပြည့်နေ့မှာ ဖြစ်ပျက်ခဲ့တာ။
ဒါ့ကြောင့် ကဆုန်လပြည့်နေ့ဆိုရင် သီဟိုဠ်ဗုဒ္ဓဘာသာဝင်တွေ လှည်းနေလှေအောင်း
မြင်းဇောင်းမကျန် လမ်းမတွေပေါ်ထွက်ပြီး ၀ိသာခါပွဲသဘင်ကို ကျင်းပကြတယ်။
ကဆုန်လ (မေလ) လပြည့်နေ့ဟာ ဗုဒ္ဓဘာသာဝင်တွေအတွက်
တကယ့်ကို နေ့ထူးနေ့မြတ်ကြီးပေါ့။

ဒါပေမဲ့ အခြားအခြားသောဘာသာဝင်တွေရဲ့ တမန်တော်နေ့တွေလို
ဗုဒ္ဓဘာသာဝင်တွေရဲ့  ကဆုန်လပြည့် ဗုဒ္ဓနေ့ကို အရင်က တရားဝင်ရုံးပိတ်ရက်မသတ်မှတ်ပေးဘူး။
လွန်ခဲ့တဲ့ ၁၀ နှစ်လောက်ကမှ ဗုဒ္ဓဘာသာနိုင်ငံဖြစ်တဲ့
သီဟိုဠ်နိုင်ငံရဲ့ ဦးဆောင်ကြိုးပမ်းမှုကြောင့်
နှစ်စဉ် ကဆုန်လ (မေလ) လပြည့်နေ့ကို (ကမ္ဘာ့နိုင်ငံများအားလုံး)
တရားဝင်ရုံးပိတ်ရက်အဖြစ်သတ်မှတ်နိုင်ခဲ့တယ်။

သီဟိုဠ်နိုင်ငံသားတွေရဲ့ အခြား ဗုဒ္ဓဘာသာသာဝင်တွေရဲ့ ဂုဏ်ယူဖွယ်ရာအချက်တွေက
ဗုဒ္ဓမြတ်စွယ်တော်နဲ့ မဟာဗောဓိပင်ဖြစ်တယ်။

ဗုဒ္ဓမြတ်စွယ်တော်က သီဟိုဠ်နိုင်ငံရဲ့
 ဒုတိယမြောက်အကြီးဆုံးမြို့တော်ဖြစ်တဲ့ ကန္ဒီမြို့မှာရှိပါတယ်။
ကန္ဒီမြို့က တောင်ပေါ်မြို့လေး။ သာယာတယ်။
သီဟိုဠ်နိုင်ငံက တခြားမြို့တွေနဲ့စာရင် ကန္ဒီမြို့လေးက သန့်ရှင်းသပ်ယပ်တယ်။
ရာသီဥတုက မပူလွန်း မအေးလွန်းဘူး။

ကန္ဒီမြို့သူမြို့သားတွေလဲ ကုလားတော့ ကုလားတွေပါဘဲ။
ဒါပေမဲ့ အသားအရေ ညက်ညောတယ်။
ကန္ဒီမြို့သူမြို့သားတွေရဲ့ အသားအရေက ကိုလံဘိုမြုိ့သူမြို့သားတွေရဲ့
အသားအရေလောက် မမဲဘူး၊ မကြမ်းတမ်းဘူးလို့ ထင်တယ်။

အညာသူဆိုပေမဲ့ မွဲခြောက်ခြောက်ကြီးဖြစ်မနေတဲ့
ညက်ညောတဲ့အသားအရေရှိတဲ့
မြန်မာပြည် အညာကျောက်ပန်းတောင်းသူတွေရဲ့ အသားအရေနဲ့ ခပ်ဆင်ဆင်ပဲ။

အဲ့ဒီမြို့မှာ မြန်မာဘုန်းကြီးကျောင်းတစ်ကျောင်းရှိတယ်။
မြန်မာဘုန်းကြီးကျောင်းက ဘုရားရှင်စွယ်တော်ထားရှိရာ စွယ်တော်တိုက်နဲ့ မဝေးဘူး။
လမ်းလျှောက်သွားလို့ရတယ်။

မြန်မာကျောင်းနဲ့ မလှမ်းမကမ်းတောင်ပေါ်မှာ
သီဟိုဠ်ဘုန်းကြီးကျောင်းတစ်ကျောင်းရှိတယ်။
တပေါဒါရုံကျောင်းလို့ခေါ်တယ်။
တောင်ပေါ် သစ်တောကြားမှာ၊ တောင်အောက်ဆင်းလိုက်ရင်တော့
မြို့ထဲ တန်းရောက်တာ။ တောင်ပေါ်ကျောင်းဝိုင်းထဲမှာဆိုရင်တော့
အရပ်လေးမျက်နှာ ဘာမှ မမြင်ရဘူး။ သစ်ပင်တွေချည်းပဲ။
လူသံသူသံ မကြားရဘူး။
ကျေးငှက်သာရကာအသံလေးတွေကလွဲလို့ ဘာသံမှကို မကြားရဘူး။
ကျောင်းတည်ဆောက်ပုံလေးလဲ ကောင်းတယ်။
တောင်လေးပေါ်မှာ ဘုန်းကြီးတွေအတွက် သီးသန့်၊
ယောဂီတွေအတွက် သီးသန့်နေရာ သတ်မှတ်ထားပြီးဆောက်ထားတာဆိုတော့
မရောယှက်ဘူး။

၂၀၀၉၊ နိုဝင်ဘာလ သီဟိုဠ်သွားတုန်းက
အဲ့ကျောင်းလေးမှာ တည်းခိုဘူးတယ်။ အတော်စိတ်ချမ်းသာခဲ့တယ်။
တည်းခိုနေတုန်း ဒီကျောင်းလေးကို လာပြီး
တရားအားထုတ်အုံးမှဘဲ လို့ စိတ်ကူးပေါက်ဖူးတယ်။
ဒီတပေါဒါရုံကျောင်းကနေပြီး စွယ်တော်အထိ လမ်းလျှောက်ဖူးမျှော်လို့လဲ ရပါတယ်။

ဗုဒ္ဓမြတ်စွယ်တော်လှည့်ပွဲကို တစ်နှစ်တစ်ခါ ခြိမ့်ခြိမ့်သဲ ကျင်းပလေ့ရှိတယ်။
ဝါတွင်းကာလလောက်မှာ ကျင်းပတာဆိုတော့
သီဟိုဠ်နေတုန်းက တစ်ကြိမ်ပဲ ဗုဒ္ဓမြတ်စွယ်တော်လှည့်ပွဲ သွားဖူးဘူးတယ်။

သီဟိုဠ်နိုင်ငံသားတွေရဲ့  ဂုဏ်ယူဖွယ်ရာနောက်တစ်ချက်က
မဟာဗောဓိပင်ဖြစ်တယ်။
မဟာဗောဓိပင်ကတော့ အနုရာဓမြို့မှာရှိတယ်။
ဒီ မဟာဗောဓိပင်က ဘုရားရှင်တရားအားထုတ်ခဲ့တဲ့
မဟာဗောဓိပင်အစစ်က ကိုင်းတစ်ကိုင်းကို ကူးပြီး (ပွါးပြီး)
စိုက်ပျိုးထားတဲ့အပင်ဖြစ်တယ်။


အသောကမင်းကြီးက သားတော် အရှင်မဟိန္ဒကို သီဟိုဠ်ကို သာသနာပြုစေလွှတ်ခဲ့တယ်။
ဘိက္ခုနီ (ရဟန်းမ) သာသနာအတွက် သမီးတော် သံဃမိတ္တာထေရီကို သီဟိုဠ်ကို
ဆက်ပို့တယ်။ သံဃမိတ္တာထေရီနဲ့အတူ မဟာဗောဓိပင် ကိုင်းပွါးကိုပါ ထည့်ပေးလိုက်တယ်။
အဲ့ဒီကိုင်းပွါးကို သီဟိုဠ်နိုင်ငံ၊ အနုရာဓမြို့မှာ စိုက်ပျိုးထားတာ
ယနေ့အထိ original အပင်အတိုင်း ဆက်လက်ရှင်သန်တုန်းပဲ။
မဟာဗောဓိပင်အစစ်ပေါ့။

အခုအိန္ဒိယနိုင်ငံ၊ ဗုဒ္ဓဂယာမှာရှိတဲ့ မဟာဗောဓိပင်က
ဘုရားရှင် ဘုရားဖြစ်ဖို့ ထိုင်ပြီးတရားကျင့်ခဲ့တဲ့ မဟာဗောဓိပင် အစစ်မဟုတ်တော့ဘူး။
နောက်ထပ် စိုက်ပျိုးထားတဲ့အပင်ဖြစ်တယ်တဲ့။

ကြားဘူးတာကတော့
အသောကမင်းကြီး ဗုဒ္ဓဘာသာဝင်ဖြစ်လာပြီးတဲ့နောက်
ဒီမဟာဗောဓိညောင်ပင်ကို ခဏခဏ လာတယ်တဲ့။
ရေလောင်းမယ်။ မသေအောင် ပြုစုမယ်၊ ပျိုးထောင်မယ်၊ စောင့်ရှောက်မယ်ပေါ့။
ဒါကို အသောကမင်းကြီးရဲ့ ဘုရင်မကြီးက မကျေနပ်ဘူးတဲ့။
ဒီညောင်ပင်ရှိနေလို့ ဘုရင်ကြီး ငါနဲ့အတူမနေတာ၊
ဒီညောင်ပင်မရှိမှ အဆင်ပြေမယ်လို့ ဘုရင်မကြီးစဉ်းစားမိပြီး
မဟာဗောဓိညောင်ပင်ကြီးကို ခုတ်ခိုင်းလိုက်သတဲ့။
အသောကမင်းကြီးသိတော့ ဘုရားရှင် တရားကျင့်၊ သစ္စာသိ၊ ဘုရားဖြစ်ခဲ့တဲ့နေရာ
မဟာဗောဓိညောင်ပင်ပြန်စိုက်မယ်ဆိုပြီး အဓိဋ္ဌာန်ပြုကာ ပြန်စိုက်ထားသတဲ့။
ဒီလိုကြားဘူးတာပါ။ ဒီအကြောင်းပြည့်ပြည့်စုံစုံတော့ မဖတ်ဖူးသေးပါဘူး။

ဘာပဲဖြစ်ဖြစ်၊ သင်္ခန်းစာ ထုတ်ယူရမှာက
အခုခေတ် ဗုဒ္ဓဘာသာဝင်တွေ လင်နဲ့မယားဖြစ်လာပြီဆိုရင်
တစ်ယောက်က ဘာသာရေးစိတ်ဝင်စားပြီး
ကျောင်း ကန် ဘုရားမှာပဲ အချိန်ကုန်နေရင်
ကိုယ့်အိမ်ထောင်ဘက်အပေါ်မှာ အချိန်ပေးတာ ဂရုစိုက်တာ နည်းလာရင်
အသောကမင်းကြီးရဲ့ မိဖုရားလိုမျိုး မကျေမနပ်ဖြစ်လာနိုင်တယ်။
မကောင်းတဲ့ဆိုးကျိုးတွေ တွေ့ကြုံလာနိုင်တယ်။
ဒါ့ကြောင့် ဆင်ဆင်ခြင်ခြင် နေသင့်တယ်၊ နေရမယ်။

မဟာဗောဓိပင်နဲ့စပ်လို့
မဟာဗောဓိပင် တောင်ကိုင်းက သစ်သားကို ခုတ်ပြီး
ဘုရားရှင်ရုပ်တုပြုလုပ်ကိုးကွယ်ကြတာတွေ ရှိတယ်။
မဟာဗောဓိပင် တောင်ဘက်က အကိုင်း။
တောက်ဘက်ကို ဒက္ခိဏ၊ အကိုင်း အခက်ကို သာခါ။
ဆိုတော့ ဒက္ခိဏသာခါပေါ့။ ဒက္ခိဏသာခါဘုရားပေါ့။

မဟာဗောဓိအသားက ရှားပါးတော့
ရသလောက်အသားလေးနဲ့ ဘုရားရုပ်တု ထုထားတယ်ထင်ပါရဲ့။
ဒက္ခိဏသာခါဘုရားက အတော့်ကို အချိုးအစားမပြေပြစ်တာ။
ပုတက်တက် ပုကွကွနဲ့။
ဖူးရတာ သက်တောင့်သက်သာ မဖြစ်လှဘူး။

တကယ်တမ်းဖြစ်သင့်တာက သစ်သားကောင်းကောင်းနဲ့
ဘုရားရှင်ရုပ်တုကို သေသေချာချာ သပ်သပ်ယပ်ယပ် ထုလုပ်ပြီး
ကိုးကွယ်တာ ပိုကောင်းပါတယ်။ ဘုရားရှင် အတူတူပါဘဲ။
တချို့က ဒက္ခိဏသာခါဘုရားက မီးကွင်းတယ်တဲ့။
မီးကွင်းတယ်ဆိုပြီး အိမ်မှာ ထားကြတယ်။

အင်း၊
ဘုရားရှင်ကို မီးကင်းစောင့်တာဝန်ပေးထားတဲ့ ဗုဒ္ဓဘာသာဝင်တွေကို
အံ့ပ။

ဓာတ်ပုံ၊ ကိုသစ္စာနဲ့ အရှင်ကုသလသာမိဘလော့ဂတို့မှ

Monday, January 24, 2011

အင်ဒိုခရီးစဉ် (၄)


ဂျာကတာလေဆိပ် စားသောက်ဆိုင်တစ်ဆိုင်မှာ ဆွမ်းဘုဉ်းပေးပြီး
လာကြိုတဲ့ကားဆရာက သူ့ကားရှိရာ ကားပတ်ကင်းဆီ ဦးဆောင်ခေါ်သွားပါတယ်။
ကားကြိုကားကြားက ဖြတ်သွားရတာဆိုတော့ ရပ်ထားတဲ့ကားတွေကို သတိပြုမိတယ်။
အားပါးပါး၊ အင်ဒိုနီးရှားကလူတွေလဲ ကားကောင်းတွေ စီးနေကြပြီပဲ။

လွန်ခဲ့တဲ့ ၁၀ နှစ်လောက်က သီရိလင်္ကာ (သီဟိုဠ်) နိုင်ငံ ရောက်စတုန်းကလဲ
သီဟိုဠ်နိုင်ငံက သာမန်လူတန်းစားတွေ လူနဲ့မလိုက်အောင်
ကားကောင်းတွေစီးနေကြလို့ အံ့သြဘူးတယ်။
အခုလဲ အင်ဒိုသားတွေ ကားကောင်းတွေ နောက်ဆုံးပေါ်ကားတွေ
စီးနေကြပြီ။ စီးနိုင်နေကြပြီ။

ဒို့နိုင်ငံကလူတွေလဲ ဘယ်တော့များမှ ကားကောင်း ကားသစ်တွေ
ဝယ်စီးနိုင်ကြမလဲ လို့ အတွေးထဲဝင်လာသေးတယ်။
 အခုလောလောဆယ်အခြေအနေအထိတော့ အတော်ကိုညံ့တဲ့ကားစုတ်တွေတောင်
မြန်မာငွေနဲ့ သိန်း ၁၀၀ ကျော်ပေးရတယ်တဲ့။
သိန်း ၁၀၀ ကျော်ဆိုတော့ သာမန်လခစားတွေ ဘယ်ဝယ်စီးနိုင်မလဲ။

ဟိုတလောက သာသနာရေးဌာန ညွှန်မှူးလုပ်နေတဲ့ဒကာမကြီးတစ်ယောက်
သာသနာရေးရုံးကိုအလာ၊ ဘတ်စ်ကားပေါ်ကဆင်းပြီး လမ်းဖြတ်အကူးမှာ
ကားအတိုက်ခံရလို့ ဆုံးသွားတယ်တဲ့။

အင်း။ သာသနာရေးဌာနညွှန်မှူးအဆင့်ရှိတဲ့သူတောင်
ကိုယ်ပိုင်ကားဝယ်မစီးနိုင်သေးဘူး။ ဘတ်စ်ကားတိုးစီးရတုန်းပါလားလို့ တွေးမိတယ်။

မလေးရှားမှာနေနေတဲ့ဒကာလေးတစ်ယောက်က လျှောက်ဖူးတယ်။
မြန်မာပြည်မှာ သိန်း ၁၀၀ ကျော်တန်ကားတွေက
မလေးရှားနိုင်ငံမှာ ၇ သိန်း ၈ သိန်းလောက်နဲ့ရတယ်တဲ့။
ဒါဆို ဘာကွာနေလို့လဲ။ ဘာလို့များဒီလောက်တောင် ကွာနေရတာလဲ။

ဒေါ်ဇင်မာဝင်းနဲ့ ကာဆရာတို့ လာကြိုတဲ့ကားကလဲ အတော်ကောင်းသားပဲ။
မြန်မာနိုင်ငံကလွဲလို့ တခြားနိုင်ငံတွေမှာရှိတဲ့ကားတွေလိုပါပဲ။
ကားအဲကွန်း (လေအေးပေးစက်) ကို ပြည့်ပြည့်၀၀ အားမနာတမ်းသုံးနိုင်နေပြီ။
ဘေးပတ်ဝန်းကျင်ကြည့်လိုက်တော့လဲ ကားတိုင်း တံခါးပိတ်ပြီး
လေအေးပေးစက်ဖွင့် မောင်းနေတာကို တွေ့ရတယ်။

ဒါကို အထူးအဆန်းလုပ်ပြီး ပြောနေတာတော့ မဟုတ်ပါဘူး။
ကိုယ်လဲ တိုးတက်ပြီးနိုင်ငံတွေထဲကဆိုရင်
အနောက်နိုင်ငံ အင်္ဂလန်အထိရောက်ဖူးပါတယ်။

ပြောချင်နေတာက
အိမ်နီးချင်းအာဆီယံနိုင်ငံတွေဖြစ်တဲ့ မလေး၊ ထိုင်း၊ စင်္ကာပူနိုင်ငံတွေသာမက
အင်ဒိုနီးရှားနိုင်ငံတောင်မှ အတော်လေးအဆင့်မှီနေပြီ၊
လူလိုသူလို တူနေပြီဆိုတာ ပြောချင်တာပါ။

မြို့တွင်းလမ်းတွေကိုလဲ ကြည့်လိုက်ပါအုံး။
 အလွန်အကျယ်ကြီးမဟုတ်ပေမဲ့ အတော်ချောမွေ့တာကို သတိထားမိတယ်။
ဂျာကာတာမြို့ထဲမှာ လမ်းနှစ်ထပ်ဖန်တီးထားတယ်။
အပေါ်လမ်း (တံတားလမ်း) က Highway ဖြစ်ပြီး
အောက်လမ်းကတော့ထုံးစံအတိုင်း ကိုယ်သွားလိုတဲ့ အနီးအနားမြို့၊ ရပ်ကွက်ထဲဝင်ဘို့ပေါ့။
Highway လမ်းအတွက် Highway လမ်းကို
တံတားကြီးတွေစီစဉ်ထားတာဆိုတော့
တံတားကြီးတွေ အရှည်ကြီးတွေလုပ်ထားတာပေါ့။

မြန်မာပြည်မှာ နှစ်တောင်လုပ်ရှိတဲ့တံတားကို
သမိုင်းထဲက သူရဲကောင်းနာမည်ကြီးတွေ မှည့်ခေါ်ထားတာဟာ
သမိုင်းထဲက သူရဲကောင်းကြီးတွေကို အားနာဘို့ကောင်းပါတယ်။
အဲ့ဒီသူရဲကောင်းကြီးတွေကလဲ ကြိုက်မယ်မထင်ပါဘူး။
မကြိုက်တဲ့အပြင် သူတို့သာ အသက်ရှင်ခွင့်ရရင်
ဒီလိုကလေးကလားဆန်တဲ့တံတားလေးကို ငါတို့နာမည်မှည့်ခေါ်ထားရသလားဆိုပြီး
ဖနောင့်နဲ့ပေါက်မှာ သေချာပါတယ်။

ပထမဦးဆုံး မဟာယာနကျောင်းကြီးကို လိုက်ပို့တယ်။
ကျောင်းနာမည်ဘာလဲလို့ မေးကြည့်တော့
 Lodan Temple လို့ပဲ လူသိများတယ်တဲ့။
တကယ့်ကျောင်းနာမည်က Vihara Mahavira Graha Pusat လို့ခေါ်တယ်။
Lodan ဆိုတာက လမ်းနာမည်။ Lodan လမ်းပေါ်မှာ တည်ရှိတဲ့ကျောင်းမို့
Lodan ကျောင်းလို့ အလွယ်ခေါ်ကြတာထင်ပါရဲ့။


ကျောင်းကြီးက အတော်ခန်းနားတယ်။
ဂျာကတာမှာရှိတဲ့ မဟာယာနကျောင်းတွေထဲမှာ အကြီးဆုံးဖြစ်တယ်တဲ့။
အဲ့ဒီကျောင်းထဲက ဒကာမကြီးတစ်ယောက်က ရှင်းပြတယ်။
နေ့စဉ်လုပ်ငန်းတွေအနေနဲ့
ပုံမှန် မဟာယာနသုတ်တော်တွေကို ရွတ်ဖတ်ခြင်း၊
ဥပုသ်နေ့တွေမှာ အထူးရွတ်ဖတ်ပွဲ၊ အထူးတရားပွဲများကျင်းပခြင်းတို့အပြင်
အင်္ဂလိပ်စာသင်တန်း၊ တရုတ်စာသင်တန်းတို့ကိုလဲဖွင့်လစ်ပေးထားကြောင်းသိရပါတယ်။
တနင်္ဂနွေနေ့မှာတော့ Sunday Dhamma Class ရှိပါတယ်တဲ့။
ကျောင်းတော်ကြီးဟာ ဂျာကာတာ မဟာယာနဂိုဏ်းချုပ်ကျောင်းတော်ကြီးဖြစ်တာနဲ့အညီ
အင်မတန်ကြီးကျယ်ပါတယ်။

ကျောင်းတော်ကြီးထဲ ၀င်ဝင်ချင်း မြန်မာပြည်က စကျင်ကျောက်နဲ့ထုထားတဲ့
မြန်မာ့လက်ရာ ဗုဒ္ဓရုပ်ပွါးတော်တစ်ဆူတွေ့လိုက်ရလို့
ဘုရားချင်းအတူတူဆိုတာ ရင်ထဲက သိပေမဲ့
ပိုပြီး ကြည်နူးမိတာအမှန်ပဲ။

မီးဆိုင်းတွေတတ်ဆင်ထားပုံ၊ ဓာတ်လှေကားများ။ တရားဟောဘို့ ဟောခန်းကျယ်၊
သံဃာနေဘို့အဆောင် အခန်း အထပ် စသည်တို့ကို စနစ်တကျ ဖွဲ့စည်းထားတာဟာ
အင်မတန်အတုယူဘို့ကောင်းပါတယ်။

ကျောင်းတော်တစ်ဆောင်တည်းကို သူ့နေရာနဲ့သူ၊ လိုအပ်တဲ့အခန်းတွေကို ဖွဲ့စည်းထားတာပါ။
All in One လို့ဆိုမယ်ဆို ဆိုလို့ရပါတယ်။

မဟာယာနကျောင်းတော်ကြီးတွေတည်ဆောက်လိုက်ရင်
ဒီလိုပဲ ခန်းခန်းနားနားရှိလှတယ်ဆိုတာ သတိထားမိပါတယ်။
ထေရ၀ါဒကျောင်းတော်များဖြစ်တဲ့ မိမိတို့နိုင်ငံက ကျောင်ေးတ်ာများကတော့
ငွေရေးကြေးရေးကြောင့်လားတော့မသိဘူး။
ဒီလို တစ်ကျောင်းတည်းကို ခန်းခန်းနားနား ထည်ထည်ဝါ၀ါ
အပြီးသတ်ဆောက်လုပ်နိုင်တဲ့ကျောင်း ရှားပါတယ်။

ရုပ်ပိုင်းဆိုင်ရာကွဲပြာမှုကတော့ ထားပါတော့။
အတွေးအခေါ်အယူအဆပိုင်းဆိုင်ရာ ကွဲပြားမှုကို
အလျင်းသင့်တုန်းပြောပြချင်သေးတယ်။

Saturday, January 22, 2011

မနှောင်းသေးပါဘူး


သီရိလင်္ကာလို့ခေါ်တဲ့ သီဟိုဠ်နိုင်ငံမှာ ယနေ့ဗုဒ္ဓဘာသာအခြေအနေဘယ်လိုရှိလဲ။

သီဟိုဠ်နိုင်ငံမှာ ဘာသာရေးပွဲတွေ အထူးသဖြင့် Vesak Festival လို့ခေါ်တဲ့
ကဆုန်လပြည့် ဗုဒ္ဓနေ့ပွဲတော်အခန်းအနားတွေမှာ
လူကြီး၊ လူငယ်၊ လူရွယ်၊ လူလတ် အကုန်လုံးပါဝင်ဆင်နွှဲကြတာကို
တွေ့ခဲ့ဘူးပါတယ်။

သီဟိုဠ်ဘုန်းကြီးကျောင်းတွေမှာ
၁၀-နှစ်၊ ၁၂-နှစ်အရွယ်ကလေးငယ်လေတွေရဲ့ ဗုဒ္ဓ၀င်ပန်းချီပြိုင်ပွဲ၊
ပြပွဲလေးတွေကို တခုတ်တရ ကျင်းပပေးပါတယ်။

(ဒီ တခုတ်တရဆိုတဲ့ စကားအဓိပ္ပါယ်အပြည့်အ၀မသိသေး၊ သူများသုံးတာတွေ့လို့ သုံးလိုက်တာ)

ဘုန်းကြီးများက ပြိုင်ပွဲဝင်ကလေးတွေကို
အမှတ်တရပစ္စည်းလေးတွေ လက်ဆောင်ပေးပါတယ်။
မြန်မာပြည်က အောင်ခြင်းရှစ်ပါးလို ဗုဒ္ဓဘာသာဇာတ်လမ်းနဲ့သက်ဆိုင်တဲ့
ကလေးတွေရေးဆွဲထားတဲ့ ပန်းချီကားလေးတွေကို
မိဘတွေ မိဘသူငယ်ချင်းတွေ ရပ်ကွက်လူကြီးလူငယ်တွေ
တငေးတမောလာရောက်ကြည့်ရှုခံစားအားပေးကြပါတယ်။
အတော်ကြည်နူးစရာပါ။

ဒီလို ၁၀-နှစ်၊ ၁၂-နှစ်အရွယ်ကလေးငယ်က ဘာလို့ ဗုဒ္ဓ၀င်တွေကို
သိပြီး ပန်းချီရေးဆွဲနိုင်ရတာလဲ။

နောက်အံ့သြဖွယ်တစ်ခု ကြုံခဲ့ရပါသေးတယ်။

အင်္ဂလိပ်စာတိုးတက်ဖို့အတွက် သီဟိုဠ်၊ ကိုလံဘိုမြို့မှာရှိတဲ့
အင်္ဂလိပ်စာအလေးပေးသင်ပေးတဲ့ကောလိပ်တစ်ခုတက်ဖြစ်ပါတယ်။
အသက်၁၈ နှစ်ဝန်းကျင်လူငယ်လေးတွေနဲ့အတူတက်ရပါတယ်။
အဲ့ကောလိပ်မှာ နိုင်ငံခြားသားဦးဇင်းတွေလဲ တက်ကြပါတယ်။
အဲ့တုန်းက ကမ္ဗောဒီးယားနိုင်ငံက ဦးဇင်းလေးတစ်ပါးနဲ့ စာသင်ခန်း တစ်ခန်းထဲမှာ
အတူသင်ရတယ်။ အဲ့ဒီဦးဇင်းလေးက အတော်အနောက်သန်တာပဲ။

တစ်နေ့
အတန်းဖော်ကောင်လေးတစ်ယောက်ကို သူပြောတယ်။
မင်းတို့နိုင်ငံက ကလေးမတွေ အသားမဲလို့ မလှဘူးထင်နေတာ။
အင်း၊ တချို့ကလေးမတွေက လှသားပဲ။ ချစ်ဖွယ်ကောင်းသားပဲတဲ့။

သူသုံးနှုန်းတဲ့အင်္ဂလိပ်စကားကကတော့
I thought the girls in your country are not pretty as their complexion is dark;
But some are pretty and lovely လို့ထင်တယ်။
ကောင်းကောင်းတော့ မမှတ်မိတော့ပါဘူး။

ကမ္ဗောဒီယားဦးဇင်းကဒီလိုပြောတော့
အပြောခံရတဲ့ အတန်းဖော်သီဟိုဠ်ကုလားလေးက
တဏှာယ ဇာယတီ သောကော၊ တဏှာယ ဇာယတီ ဘယံ
တဏှာယ ၀ိပ္ပမုတ္တဿ၊ နတ္တိ သောကော ကုတော ဘယံ
ဆိုတဲ့ ဓမ္မပဒပါဠိတော်မှာလာတဲ့ ဂါထာလေးတစ်ပုဒ်ကို ရွတ်ဆိုပြတယ်ဗျာ။
ကမ္ဗောဒီးယားဦးဇင်းတောင် မျက်လုံးပြူးသွားတယ်။

ဂါထာရဲ့အဓိပ္ပါယ်က
From craving springs grief, from craving springs fear;
For him who is wholly free from craving
There is no grief, much less fear. တဲ့။

မြန်မာလိုတော့
လိုချင်တတ်မက်တတ်တဲ့တဏှာကြောင့် စိုးရိမ် ကြောက်ရွံ့စိတ်တွေဖြစ်ပေါ်လာတတ်ပြီး
လိုချင်တတ်မက်တတ်တဲ့တဏှာက လွတ်ကင်းအောင် နေထိုင်နိုင်မှသာ
စိုးရိမ်ကြောက်ရွံ့စိတ်တွေ ကင်းဝေးမှာ။

ဒီနေရာမှာ ပြောချင်တာက
သီဟိုဠ်နိုင်ငံက ဆယ်ကျော်သက်တွေ ဘာလို့များ ဘယ်လိုကြောင့်
ဒီလိုပါဠိဂါထာတွေကို သိနေပြီး လိုရင်လိုသလို အသုံးချနိုင်ရတာလဲ။

စုံစမ်းကြည့်တော့ သီဟိုဠ်နိုင်ငံမှာရှိတဲ့
Sunday Dhamma School
(တနင်္ဂနွေနေ့ ဗုဒ္ဓဘာသာယဉ်ကျေးမှုသင်တန်း)ကြောင့်
ဆိုတာ သိလာရတယ်။

သီဟိုဠ်နိုင်ငံမှာ ဗုဒ္ဓဘာသာကျောင်းသူကျောင်းသားတိုင်း
တနင်္ဂနွေနေ့မှာ ဗုဒ္ဓဘာသာယဉ်ကျေးမှုသင်တန်းကို တက်ရတယ်။
ဒီလိုမျိုးသင်တန်းကို ၁၈၈၁ ခုနစ်ကတည်းက စတင်သင်ကြားပို့ချခဲ့တာတဲ့။
ဆိုတော့ အခု နှစ်ပေါင်း ရာကျော်သွားပြီ။

ဒါ့ကြောင့် အခုသီဟိုဠ်နိုင်ငံကို အုပ်ချုပ်နေတဲ့ သမ္မတ၊ ၀န်ကြီး၊ ဗိုလ်ချုပ်ကြီးများဟာ
Sunday Dhamma School ကျောင်းဆင်းတွေချည်းပါဘဲတဲ့။

Sunday Dhamma School ကို စတင်တည်ထောင်သူကတော့
အမေရိကန်နိုင်ငံသား သာသနာ့အလံကို တည်ထွင်သူ
Henry Olcott ဆိုသူဖြစ်ပါတယ်တဲ့။

ဗုဒ္ဓ၀င်၊ ရာဇ၀င်၊ ယဉ်ကျေးမှုစတာတွေကို သင်ပေးတာပါ။
နိုင်ငံတော်အစိုးရကိုယ်တိုင်က ပညာရေးစနစ်ကို စနစ်တကျ သတ်မှတ်ပေးပြီး
စည်းမျဉ်းဥပဒေနဲ့အညီ ဖွင့်လစ်ပေးထားတာပါ။
သင်တန်းနေရာက ဘုန်းကြီးကျောင်းမှာပဲ။

အချို့စွမ်းနိုင်တဲ့ဘုန်းကြီးများက
Sunday Dhamma School မှာ ကျောင်းအုပ်အဖြစ်တာဝန်ယူပြီး
ဆရာ ဆရာမများနဲ့ ၀ိုင်းဝန်းသင်ကြားပေးပါတယ်။
အချို့ဘုန်းကြီးများကတော့ အကူလောက်ပါဘဲ။
ဆရာ၊ ဆရာမတွေက စေတနာ့ဝန်ထမ်းတွေပါ။
ဆရာ၊ ဆရာမဖြစ်ဖို့ သင်တန်းတက်ရပါတယ်။

ဆရာဖြစ်သင်တန်းမှာ
၁၊ ကုသိုလ်ကံ အကုသိုလ်ကံ၊ ကံ၏အကျိုးတရားများ
၂။ ခန္ဓာ၊ အာယတန၊ ဓာတ်၊ သစ္စာ
၃။ ပဋိစ္စသမုပ္ပါဒ်။ သမထ ၀ိပဿနာတို့ဖြစ်ပါတယ်။

Sunday Dhamma School ကျောင်းသူ ကျောင်းသားများလည်း
အစိုးရကျောင်းများမှာ ၅ နှစ်သားအရွယ်က စတင်ပြီး ပညာသင်ယူရသလို
၅ နှစ်သားအရွယ်က စတင်ပညာသင်ယူရပါတယ်။
အစိုးရကျောင်းမှာရှိတဲ့အတန်းလိုပဲ အတန်းများကို ခွဲခြားသတ်မှတ်ထားပါတယ်။

၁။ သူငယ်တန်း
၂။ ၁ တန်းမှ ၁၀ တန်း (Grade 1 to Grade 10)
၃။ နောက်ဆုံးအဆင့် ၁၊ အဆင့် ၂ (Final 1, 2)ဆိုပြီး
အတန်းပေါင်း ၁၃ တန်း (၁၃-နှစ်) သင်ကြားပေးပါတယ်။

ပြဋ္ဌာန်းစာတွေကတော့
ငါးရာ့ငါးဆယ်လာဇာတ်တော်များ၊ ဓမ္မပဒကျမ်းလာ ဘုရားလက်ထက်က အဖြစ်အပျက်များ၊
ဗုဒ္ဓ၀င်ကဗျာများ၊ ပါရမီ ၁၀ပါး၊ ဒါန သီလ စတဲ့ ပုညကိရိယ၀တ္ထု ၁၀ ပါးအကြောင်း၊
ဘုရားဖြစ်တော်စဉ်ဗုဒ္ဓ၀င်၊ ပရိတ်ကြီးပါဠိ အဓိပ္ပါယ်၊ အဘိဓမ္မာသဘောသဘာဝ၊
သုတ္တနိပါတလာ မှတ်သားဖွယ်ရာများ၊ သီဟိုဠ်ဗုဒ္ဓဘာသာသမိုင်း၊
ရှေးဟောင်းယဉ်ကျေးမှုဗိသုကာများအကြောင်း၊
ရှေးဘုရင်တို့၏အောင်ပွဲနှင့် စစ်သူကြီးများ၏အစွမ်းသတ္တိတို့ကို ဖော်ပြထားတဲ့ ရာဇ၀င်များ၊
ထေရ၀ါဒဗုဒ္ဓဘာသာနဲ့ မဟာယာနဗုဒ္ဓဘာသာအကြောင်းတို့ဖြစ်ပါတယ်။

တနင်္ဂနွေနေ့ နံနက် ၇ - နာရီလောက်ကစပြီး ရိုးရာဝတ်စုံဖြစ်တဲ့
အထက်အောက် အဖြူရောင်ဝတ်စုံကိုသာ ၀တ်ဆင်ပြီး
ကျောင်းကို လာကြရပါတယ်။

ပန်း၊ အမွှေးတိုင်၊ ဖယောင်းတိုင်စသည်တို့ကို ယူလာပြီး
ကျောင်းဝင်းရှိ ဗောဓိပင်အနီး ပန်းတင်ခုံပေါ်မှာ တင်ထားရပါတယ်။

၈ နာရီခွဲမှာ ကျောင်းသူ ကျောင်းသားများ သူ့နေရာနှင့်သူ တန်စီပြီး
ပန်း၊ ရေချမ်းစသည်တို့ကို ဘုရားကို ကပ်လှူပါတယ်။
ပြီးတော့ သီလယူပါတယ်။ ကျောင်းတိုက်မှာရှိတဲ့ဆရာတော်က သြ၀ါဒဆက်ပေးပါတယ်။
ပြီးမှ စာသင်ခန်းထဲဝင်ပြီး ဗုဒ္ဓဘာသာယဉ်ကျေးမှုစာများကို စတင်သင်ရပါတယ်။

၁၂ နာရီခွဲမှာ သင်တန်းအားလုံးပြီးပါတယ်။
သင်တန်းပြီးချိန်မှာ ကျောင်းသူကျောင်းသားများဟာ
စာသင်ခန်းထဲကနေပြီး ဗောဓိပင်ရှိရာမျက်နှာမူကာ မေတ္တာပို့ ဆုတောင်းပြီး
စာသင်ခန်းထဲမှ ထွက်ခွါကြရပါတယ်။

ဒီလိုအလေ့အကျင့်ဟာ တစ်ရက်မဟုတ်၊ တစ်လမဟုတ်၊ တစ်နှစ်မဟုတ်၊
၁၃-နှစ်ကြာ တက်ရကြောင်းသိရပါတယ်။

နောက်တစ်ခုထပ်သိရတာက
ဘွဲ့ရလို့ အလုပ်လျှောက်တဲ့အခါမှာလည်း
Sunday Dhamma School အောင်လက်မှတ်က အရေးပါပြန်တယ်တဲ့။
ဒီအောင်လက်မှတ်ပြနိုင်တဲ့သူ၊
Sunday Dhamma School မှာ အမှတ်ကောင်းကောင်းနဲ့
အောင်မြင်ခဲ့တဲ့သူဟာ အလုပ်လျှောက်ရာမှာ များစွာ အထောအကူဖြစ်တယ်တဲ့။
ဦးစားပေးခံရတယ်တဲ့။

သီဟိုဠ်နိုင်ငံမှာရှိတဲ့ ဗုဒ္ဓဘာသာဝင်တွေနဲ့ပတ်သက်ပြီး
သီဟိုဠ်နိုင်ငံမှာနှစ်အတန်ကြာနေဘူးတဲ့ မြန်မာဘုန်းကြီးတစ်ပါးက
အခုလိုပြောဘူးတယ်။

“သီဟိုဠ်မှာရှိတဲ့ ဗုဒ္ဓဘာသာဝင်ကလေးသူငယ်များဟာ
ဘာသာပြောင်းတယ်ဆိုတာ မရှိဘူး၊
ဘာ့ကြောင့်လဲဆိုရင် ကလေးဘ၀က စတင်ပြီး
အခြေခံဗုဒ္ဓစာပေများကို  စနစ်တကျ သင်ယူခဲ့ရသည့်အတွက်
ဗုဒ္ဓဘာသာရဲ့တန်ဘိုးကို ကိုယ်ကိုယ်တိုင်သိရှိနေကြပြီလေ၊
ဒီတော့ ကိုယ့်ဗုဒ္ဓဘာသာကို ဘယ်သောအခါမှ ကျောမခိုင်းတော့ဘူး”

ဟုတ်တယ်။ သီဟိုဠ်သားတွေက ဗုဒ္ဓဘာသာကို အသက်နဲ့လဲပြီးချစ်ကြတာ။
ဗုဒ္ဓဘာသာကိုတော့ လာမစော်ကားနဲ့။ နည်းနည်းလေးမှ သည်းမခံဘူး။
ဒါ့ကြောင့် ဗုဒ္ဓဘာသာနဲ့ပတ်သက်လို့ ကမ္ဘာကို တင်ပြစရာရှိရင်
သီဟိုဠ်သားတွေပဲ တင်ပြနေတာ။

ဒို့နိုင်ငံလည်း ဒီလိုသင်တန်းတွေ ဖွင့်ချိန်တန်ပြီ။
ဒီတစ်နှစ် နှစ်နှစ်အတွင်း ဒီလိုမျိုးသင်တန်းတွေစနိုင်ရင်
အချိန်မနှောင်းသေးဘူးလို့ ယူဆပါတယ်။
ဒီထက်နောက်ကျသွားရင်တော့…။

ဝန်ခံချက်၊ နန္ဒစိုးမင်း (တန့်ဆည်) ရေးသည့်
ယခင်ဓမ္မစကူးလ်နှင့် ယခုဆန်းဒေးစကူးလ်ကို မှီငြမ်းကာ
တင်ဆက်လိုက်ပါသည်။
photo: google search

Friday, January 21, 2011

အင်ဒိုခရီးစဉ် (၃)


ဂျာကာတာအပြည်ပြည်ဆိုင်ရာလေဆိပ်ကို
၁၀နာရီ မိနစ် ၅၀ မှာဆိုက်ရောက်ပြီး ၁၁ နာရီ ၁၅ မိနစ်ခန့်မှာ
လာကြိုနေတဲ့ ဒေါ်ဇင်မာဝင်းနဲ့ ကားဆရာကိုတွေ့ပါတယ်။

နေ့ဆွမ်းစားချိန်ဖြစ်နေလို့ လေဆိပ်ထဲက ထွက်ထွက်ချင်း
ကားပတ်ကင်းနဲ့ မျက်နှာချင်းဆိုင်မှာရှိတဲ့ စားသောက်ဆိုင်မှာ
နေ့ဆွမ်းစားဖြစ်ပါတယ်။

ဒေါ်ဇင်မာဝင်းက စားဖွယ် သောက်ဖွယ်တွေကို မှာပါတယ်။
ဆွမ်းထမင်း၊ ဘဲကင်၊ အင်ဒိုနီးရှားဟင်းသုံးလေးမျိုး၊
ပြီးတော့ ဆက်ကပ်လှူဒါန်းပါတယ်။

ဒီကပ်လှူဒါန်းခြင်းကိစ္စကလဲ ဗုဒ္ဓဘာသာနိုင်ငံတွေမှာ
ဗုဒ္ဓဘာသာဝင်ဒကာ ဒကာမတွေအတွက် မထူးဆန်းပေမဲ့
ဗုဒ္ဓဘာသာနဲ့ သိပ်ပြီးမရင်းနှီးသေးတဲ့သူတွေ၊ ဗုဒ္ဓဘာသာဝင်မဟုတ်သူတွေအတွက်
အတော်ထူးဆန်းတဲ့လုပ်ရပ်ပဲ။

သောကြာနေ့ညတိုင်း စာလာသင်နေတဲ့တရုတ်မကြီးတစ်ယောက်ရှိတယ်။
နဂိုက သူ ဗုဒ္ဓဘာသာအကြောင်း ဘာမှ မသိဘူး။
ဘုရား၊ တရား၊ သံဃာဆိုတာကိုတောင် မကြားဘူးဘူး။
မိမိ မလေးရှားရောက်ပြီး သုံးလလောက်အကြာမှာ
ကျောင်းရောက်လာပြီး စပ်စုတယ်။
ဘာလို့ သင်္ကန်းဝတ်ထားတာလဲ၊ ဘာလုပ်လဲ၊
ဗုဒ္ဓဘာသာဆိုတာဘာလဲ စသဖြင့်။

ဒီလို လဲ ပေါင်းများစွာကို ဖြေကြားပေးရင်း 
တဖြေးဖြေးဗုဒ္ဓဘာသာသဘောတရားကို သိလာကာ
ဗုဒ္ဓဘာသာဝင်တို့လုပ်တဲ့အလုပ်ကို လုပ်လာတယ်။

တစ်နေ့ ဆွမ်းပင့်ကပ်တယ်။
စားဖွယ်သောက်ဖွယ်တွေကို စားပွဲပေါ်မှာ ပြင်ဆင်ပေးပြီး
စားဖို့ (ဘုဉ်းပေးဘို့) ပြောပါတယ်။
ဒို့က ဒီလိုစားပွဲပေါ်တင်ပေးထားရုံလေးနဲ့ စားလို့ မရသေးကြောင်း၊
စားပွဲ သို့မဟုတ် စားဖွယ်ဟင်းလျှာတွေကို မြှောက်ပြီးကပ်ရအုံးမည်ဖြစ်ကြောင်း
ပြောပြပါတယ်။

အိုး၊ အဆင်သင့်ခူးခပ်ထည့်ပေးထားပြီဘဲ၊ မလိုပါဘူး၊ နှိုက်သာ စားလိုက်ပါတော့လို့
ပြန်လည်လျှောက်ထားဘူးပါတယ်။

ဂျာကာတာလေဆိပ် စားသောက်ဆိုင်မှာ ထုံးစံအတိုင်း ဒေါ်ဇင်မာဝင်းက
စားပွဲပေါ်က ဆွမ်း၊ ဆွမ်းဟင်းတို့ကို ကပ်ပါတယ်။

ဆွမ်းကပ်တာနဲ့ပတ်သက်လို့ ရဟန်းသံဃာတော်များ
ဆွမ်းဘုန်းပေးနေစဉ် အမြဲလိုလို ကြားနေရတဲ့စကားကတော့
“ဟဲ့၊ ဟင်းခွက်တွေ သွားမကိုင်နဲ့၊ စားပွဲ သွားမထိနဲ့၊
ကပ်ပြီးသွားပြီ၊ အကပ်ပျက်လိမ့်မယ်” ဆိုတာတွေပါဘဲ။

တကယ်တော့ ဒီလိုမဟုတ်ပါဘူး။ ကပ်ပြီးလဲ ကိုင်ကောင်းပါတယ်။
ဘုန်းကြီးက ကပ်ပြီးသား ဆွမ်း၊ ဆွမ်းဟင်းတွေကို ပြန်မစွန့်မချင်း
(ပြန်မပေးမချင်း) ကိုင်ကောင်းပါတယ်။

ဒါနဲ့စပ်လို့ မဟာဂန္ဓာရုံဆရာတော်ကြီး ရေးထားတဲ့
အခြေခံဗုဒ္ဓဘာသာသင်တန်းထဲက သိဖွယ် မှတ်သားဖွယ်ကို
ကူးပြီး ဖော်ပြလိုက်ပါတယ်။

အကပ်မြောက်ကြောင်း အင်္ဂါငါးပါး
အစားအသောက် တစ်စုံတစ်ရာကို အကပ်ခံလျှင်
၁။ ကပ်သူက ကပ်မည့်စားဖွယ်သောက်ဖွယ်ကို အကပ်ခံသောရဟန်းဆီသို့ ညွတ်ခြင်း၊ ရှေးရှု ဆောင်ခြင်း။
၂။ ကပ်သူသည် အကပ်ခံသူ၏ နှစ်တောင့်ထွာအတွင်း၌ ရှိနေခြင်း။
၃။ အစားအသောက်ထည့်သောဗန်း၊ ဗန်းတင်ထားသောခုံစသည်နှင့်တကွ စားသောက်ဖွယ်သည် အလည်အလတ်စားရှိသော ယောက်ကျားတစ်ယောက် မြှောက်ချီးနိုင်လောက်သည်ထက် ပိုမလေးခြင်း။
၎။ ကပ်သူက ကိုယ်အင်္ဂါတစ်ခုခုဖြင့်ဖြစ်စေ၊ ကိုယ်အင်္ဂါနှင့်ထိစပ်နေသော ဇွန်း၊ ပန်းကန်စသည်ဖြင့် ဖြစ်စေ နှစ်တောင့်ထွာအတွင်း၌နေလျက် ပစ်လွှတ်၍ဖြစ်စေ ပေးခြင်း။
၅။ အကပ်ခံသောရဟန်းက ကိုယ်အင်္ဂါတစ်ခုခုဖြင့်ဖြစ်စေ၊ ကိုယ်အင်္ဂါနှင့်ထိစပ်နေသော သပိတ်၊ ပန်းကန်၊ ခုံစသည် တစ်ခုခုဖြင့်ဖြစ်စေ ခံယူခြင်း။
ဤအင်္ဂါငါးပါးနှင့်ပြည့်စုံမှ အစားအသောက်အကပ်မြောက်သည်။

ယခုကာလ သတိပြုဖို့လိုသည်မှာ ကပ်သူက အကပ်ခံသူ၏ နှစ်တောင့်ထွာအတွင်းသို့ ရောက်လောက် အောင် အနီးသို့လာ၍ ကပ်ရမည်။

မမြှောက်နိုင်လျှင် (မြှောက်နိုင် မမြှောက်နိုင် သံသယဖြစ်ဖွယ်ရှိလျှင်) စားပွဲလိုက် မြှောက်မကပ်ဘဲ တစ်ခွက်စီ ကပ်ရမည်။

သို့မဟုတ် ဆွမ်းပန်းကန်၊ ဟင်းပန်းကန်တချို့ကို ခဏချထား၍ စားပွဲလိုက်ကပ်ပြီးမှ ချထားသောပန်းကန်တို့ကို  စားပွဲပေါ်တင်၍ ကပ်ရမည်။

သို့မဟုတ် ဆွမ်းပန်းကန် ဟင်းပန်းကန်များကို မတင်သေးဘဲ စားပွဲခုံချည်းသက်သက် ကပ်ပြီးမှ ဆွမ်း ဆွမ်းပန်းကန်များကို  စားပွဲပေါ်တင်၍ ကပ်ရမည်။

ယာဂုအိုးကြီးကို မချီမ နိုင်သောကိုရင်က အိုးကြီးကို မြေကြီးနှင့် ပွတ်လှိမ့်ယူလာပြီးလျှင် ရဟန်း၏လက်နှင့် ထိစေခြင်းဖြင့် အကပ်မြောက်ကြောင်းကို အဋ္ဌကထာဆရာဖွင့်ပြထားသည်။ (၀ိ၊ဋ္ဌ၊ ၃၊ ၁၁၅)

ထို့ကြောင့် အကပ်ခံသည့် ၀တ္ထုတည်ရာမှ မကြွသော်လည်း ရှေးရှုညွတ်လျက် အကပ်ခံသောရဟန်း၏ လက်သို့ရောက်လျှင် အကပ်မြောက်သည်။ သို့ဖြစ်ရာ စားပွဲခင်း၊ ကြမ်းမှလွတ်အောင် မ ဖို့ မလိုကြောင်း သတိပြုသင့်သည်။
အထူးသတိထားရန်

အကပ်ခံထားသော စားဖွယ်သောက်ဖွယ်တို့ကို မစားလိုတော့၍ လူသာမဏေတစ်ဦးဦးအား စွန့်လိုက်မှ ပေးလိုက်မှ အကပ်ပျက်သည်။ မစွန့်သေး မပေးသေးလျှင် လူ သာမဏေများ ထိုစားဖွယ်ကို ထိသော်ကိုင်သော်လည်း အကပ်မပျက်။ ထိကောင်း ကိုင်ကောင်း၏။

ဆွမ်းဘုန်းပေးပြီး လက်၊ ပါးစပ်စသည်ဆေးဘို့ ဘေစင် (Basin) ကို ပြပါတယ်။
ကျောင်းရောက်မှ အကုန်သန့်စင်မယ်ပြောတော့
ကျောင်းကို ညနေမှ ရောက်မှာဖြစ်ကြောင်း၊
အခု ဂျာကာတာမြို့ထဲက လည်စရာ ပတ်စရာနေရာတွေကို
လိုက်ပြမည်ဖြစ်ကြောင်း ပြောပါတယ်။

Thursday, January 20, 2011

မဲပေးခွင့်


ကိုးတိုင်းကိုးဌာနသာသနာပြုစေလွှတ်တဲ့အထဲမှာပါဝင်တဲ့
သီရိလင်္ကာနိုင်ငံလို့ခေါ်တဲ့ သီဟိုဠ်ကျွန်းမှာ
ဗုဒ္ဓဘာသာအခြေကျပြီး ပြန့်ပွါးလာခဲ့တာ ယနေ့တိုင်အောင်ဘဲ။

သီဟိုဠ်ကျွန်းမှာ ပညာရေးကိစ္စနဲ့
၁၉၉၉-၂၀၀၀ နှစ်တွေတုန်းက နေခဲ့ဘူးတယ်။
သီဟိုဠ်ကျွန်း၊ ကိုလံဘိုမြို့က တက္ကသိုလ်တစ်ခုမှာ
ပညာသင်ကြားရင်း အဲ့နိုင်ငံမှာရှိတဲ့ သီဟိုဠ်ရဟန်းတော်တွေရဲ့အခန်းကဏ္ဍ၊
ဘာသာရေး သာသနာရေးအခြေအနေတွေကို လေ့လာဖြစ်ခဲ့တယ်။

သီဟိုဠ်နိုင်ငံမှာရှိတဲ့ဗုဒ္ဓဘာသာရဟန်းတော်တွေဟာ
မြန်မာနိုင်ငံမှာရှိတဲ့ ဗုဒ္ဓဘာသာရဟန်းတော်တွေထက်
လူမှုရေးမှာ တက်တက်ကြွကြွပါဝင်ကြတယ်။

၂၀၀၄ - ခုနစ်တုန်းက သီဟိုဠ်နိုင်ငံ ဆူနာမီဒဏ် အတော်ခံရတယ်။
အိုးအိမ်တွေပျက်စီး၊ အသက်တွေဆုံးရှုံးတယ်ပေါ့။

ဒီလိုအခြေအနေမျိုးမှာ နိုင်ငံခြားကို ရောက်နေတဲ့ သီဟိုဠ်ရဟန်းတော်တွေ
ကိုယ်နဲ့နီးစပ်တဲ့ဒကာ ဒကာမတွေထံက အလှူခံပြီး
သီဟိုဠ်နိုင်ငံပြန်ထောက်ပံ့ကြတယ်။

အဲ့ဒီအချိန်တုန်းက မြန်မာပြည်က ရဟန်းတော်သံဃာတော်တွေ
ကိုယ့်ဗုဒ္ဓဘာသာနိုင်ငံတစ်နိုင်ငံဖြစ်တဲ့သီဟိုဠ်နိုင်ငံ ဆူနာမီဒဏ်ထိတာ
ကိုယ်နဲ့မဆိုင်သလိုပဲ နေခဲ့ကြတယ်။

၂၀၀၈ - ခုနစ် မြန်မာပြည်၊ ဧရာဝတီတိုင်းဘက်မှာ နာဂစ်မုန်တိုင်းတိုက်ခိုက်ခံရတယ်။
သီဟိုဠ်ရဟန်းသံဃာတော်တွေက နာဂစ်မုန်တိုင်းဒဏ်ခံရတဲ့နေရာဒေသကို သွားပြီး
အိမ်တွေ တည်ဆောက်ပေးတယ်။ တကယ်လိုအပ်တဲ့နေရာတွေမှာ
လိုအပ်တဲ့အရာတွေကို ထဲထဲဝင်ဝင်ဆောက်ရွက်ပေးတယ်လို့ သိရတယ်။
မေတ္တာတရား ကရုဏာတရားစတဲ့ဗြဟ္မစိုရ်တရားတွေကို
အလုပ်နဲ့သက်သေပြလိုက်တာပဲ။

မြန်မာဆရာတော်သံဃာတော်အများစုကတော့
မေတ္တာအကြောင်း၊ ကရုဏာအကြောင်း ရွှန်းရွှန်းဝေအောင်
ဟောလွန်း ပြောလွန်းလို့ သူတို့ဟောပြီး ပြောပြီးရင်
မိုက်ကိုတောင် နေပူပူမှာ နှစ်ရက်လောက် နေလှန်းလိုက်ရတယ်။

အပြောနောက်မှာ Action လိုက် မလာပါဘူး။
Action လိုက်ပါတယ်ဆိုရင်လဲ အတော်နည်းပါးတာကို တွေ့ရပါတယ်။

သီဟိုဠ်နိုင်ငံမှာရှိတဲ့ရဟန်းသံဃာတော်တွေ 
နိုင်ငံရေးမှာကော ဘယ်လိုပတ်သက်မှုရှိလဲ။

သီဟိုဠ်နိုင်ငံမှာ နေစဉ်အတောအတွင်း
ပါတီစုံရွေးကောက်ပွဲကျင်းပတာနဲ့ ကြုံဘူးတယ်။
အဲ့တုန်းက သီဟိုဠ်ဘုန်းကြီးကျောင်းတစ်ကျောင်းမှာနေတယ်။
ရပ်ကွက်မဲရုံကို ဘုန်းကြီးကျောင်းထဲက အဆောင်တစ်ဆောင်ရဲ့ အောက်ထပ်မှာ လုပ်ကြတယ်။
မဲပေးချိန်မှာ သီဟိုဠ်ဘုန်းကြီးက ထွက်လာပြီး မဲရုံကို သွားဘို့ ပြင်ဆင်တယ်။
ဒီတော့ အဲ့ဘုန်းကြီးကို စပ်စုဖြစ်တယ်။

“အရှင်ဘုရား၊ ဘယ်သွားမလို့ပါလဲဘုရား”

“မဲရုံကို”

“မဲရုံကို ဘာသွားလုပ်မှာလဲဘုရား”

“မဲသွားပေးမလို့ပေါ့ဟ”

“ဘုန်းကြီးတွေ မဲပေးလို့ ရလို့လား”

“အော်၊ ဒို့ဘုန်းကြီးတွေလဲ ဒီနိုင်ငံသားတွေပဲဟ၊ ဒီနိုင်ငံသားဆိုတော့ နိုင်ငံသား တစ်ယောက်အနေနဲ့ သူကြိုက်တဲ့သူကို ရွေးချယ်ပိုင်ခွင့်ရှိရမှာပေါ့။ ဒို့ဘုန်းကြီးတွေလဲ တက်လာတဲ့အစိုးရနဲ့ ပတ်သက် နေရတာ၊ ဆက်ဆံနေရတာ၊ တိုင်းလူကြီးနဲ့ပတ်သက်နေရတာ၊ ဆက်ဆံနေရတာ၊ မြို့နယ်လူကြီးနဲ့ ပတ်သက်နေရတာ၊ ဆက်ဆံနေရတာ၊ နောက်ဆုံး ရပ်ကွက်လူကြီးနဲ့ ပတ်သက်နေရတာ၊ ဆက်ဆံနေရတာ။ ဆိုတော့ ဒို့ပတ်သက် ဆက်ဆံနေရတဲ့လူကြီးတွေဟာ ဒို့ကြိုက်နှစ်သက်တဲ့ ဒို့ရွေးချယ်လိုက်တဲ့ ဒို့မဲပေးလိုက်တဲ့ လူကြီးတွေပဲဖြစ်ရမှာပေါ့။ ဒီလိုမှ ရွေချယ်ခွင့်မရရင် မဲပေးခွင့်မရရင် တက်လာတဲ့အစိုးရ၊  တိုင်းလူကြီး၊ မြို့နယ်လူကြီး၊ ရပ်ကွက်လူကြီး ဒို့နဲ့ပတ်သက်စရာ အကြောင်း မရှိဘူး။ ဒို့နဲ့မဆိုင်ဘူး။ သူတို့ထုတ်တဲ့ဥပဒေလဲ ဒို့လိုက်နာစရာမလိုဘူး။”

ဒါသီဟိုဠ်ဘုန်းကြီးမဲပေးခါနီး ပြောပြသွားခဲ့တဲ့စကားလေးတွေပါ။
စဉ်းစားစရာတွေ အများကြီးပဲ။

ဒီနေ့ဒီအချိန်အခါမှာ သီဟိုဠ်ဘုန်းကြီးတွေ ရွေးကောက်ပွဲမှာတောင်
ဝင်ရောက်ယှဉ်ပြိုင်လို့ အနိုင်ရဘုန်းကြီးတွေ ပါလီမန်ထဲအထိ
ရောက်ကုန်ကြပြီတဲ့။

Photo: google search

Wednesday, January 19, 2011

အင်ဒိုခရီးစဉ် (၂)


၁၁၊ ၁၊ ၂၀၁၁ ရက်နေ့ မနက် ၉ နာရီ မိနစ် ၅၀ မှာ
မလေးရှားနိုင်ငံ LCCT လေဆိပ်မှ AirAsia လေယာဉ်နဲ့
အင်ဒိုနီးရှားကို သွားပါတယ်။

AirAsia လေကြောင်းက ဈေးအတော်သက်သာပါတယ်။
မလေးရှားနဲ့ အင်ဒိုနီးရှား အသွားအပြန်မှ ရင်းဂစ် ၅၈၀ ဘဲပေးရတယ်။
အမေရိကန်ဒေါ်လာနဲ့ဆို ၁၆၀ ၀န်းကျင်လောက်ကျတယ်။
လေယာဉ်ပေါ်လက်ဆွဲသယ်ဆောင်ခွင့် (Hand Carry) ခုနစ်ကီလိုပဲ ခွင့်ပြုတယ်။
ဒီထက်ပိုယူချင်ရင်တော့ သီးသန့်အပို ထပ်ပေးရတယ်။

ဆိုပါစို့။
၁၅ ကီလိုပိုယူချင်ရင် ရင်းဂစ် ၂၀ ပေးဝယ်ရတယ်။
ဒီဈေးနှုန်းကလည်း လေယာဉ်လက်မှတ်ဝယ်ကတည်းက ကြိုဝယ်ရတာ။
လေဆိပ်ရောက်မှဆိုရင် ဒီဈေးနှုန်းနဲ့မရနိုင်ဘူး။

လေယာဉ်ပေါ်မှာ ဘာအစားအစာမှ အလကား မကျွေးပါဘူး။
ရေတောင် မတိုက်ပါဘူး။
အဲ၊ စားချင် သောက်ချင်တယ်ဆိုရင်တော့
လေယာဉ်လက်မှတ်ဝယ်ကတည်းက တစ်ခါတည်းဝယ်ထားလို့လဲရတယ်။
လေယာဉ်ပေါ်ရောက်မှ ၀ယ်စားလို့လဲ ရတယ်။
 ခြုံပြီးပြောရရင် AirAsia လေကြောင်းလိုင်းစီးရတာ တန်ပါတယ်။

လေကြောင်းလိုင်းရဲ့ ဆောင်ပုဒ်က Now everyone can fly တဲ့။
လူတိုင်း လေယာဉ်စီးနိုင်ပြီ ပေါ့။
ဆိုလိုတာက AirAsia လေကြောင်းက ဈေးနှုန်းသက်သာလို့
လူတိုင်း လေယာဉ်စီးနိုင်ပြီဆိုတဲ့သဘောပဲ။

အင်ဒိုနီးရှားနိုင်ငံ၊ ဂျာကတာမြို့တော်မှာရှိတဲ့
ဂျာကာတာအပြည်ပြည်ဆိုင်ရာလေဆိပ်ကို
မနက် ၁၀ နာရီ မိနစ် ၅၀ မှာ ဆိုက်ရောက်တယ်။

ဂျာကာတာလေဆိပ်ကို
Soekarno-Hatta International Airport လို့ခေါ်ပါတယ်။

Soekarno ဆိုတာ အင်ဒိုနီးရှားနိုင်ငံရဲ့ ပထမဦးဆုံး သမ္မတရဲ့ နာမည်ဖြစ်ပြီး
(Mohammad) Hatta ဆိုတာ ဒုတိယသမ္မတရဲ့ နာမည်ဖြစ်ပါတယ်။

ဂျာကာတာလေဆိပ်ကြီးရဲ့ နာမည်ကို
အင်ဒိုနီးရှားနိုင်ငံ ပထမဦးဆုံး သမ္မတနဲ့ ဒုတိယသမ္မတတို့ကို
ဂုဏ်ပြုတဲ့အနေနဲ့ Soekarno-Hatta International Airport လို့ခေါ်တာပါ။
လေဆိပ်ကြီးက အင်မတန်ကြီးကျယ်ခန်းနာပါတယ်။

မလေးရှားနိုင်ငံမှာ အင်ဒိုနီးရှားနိုင်ငံက လာရောက်အလုပ်လုပ်နေတဲ့
အလုပ်သမားတွေ တွေ့ဘူးပါတယ်။
အများစုက ဖြစ်သလိုနေ၊ ဖြစ်သလိုစား၊ ဖြစ်သလိုသွားကြပြီး
သူတို့အသွင်အပြင်က ခပ်နွမ်းနွမ်းလေးတွေပါ။

သူတို့လေးတွေကို ကြည့်ပြီး အင်ဒိုနီးရှားနိုင်ငံကို
ရင်ထဲက မသိမသာ အထင်သေးနေမိပါတယ်။
ဂျာကာတာလေဆိပ်ကိုလဲ
ကိုယ်တို့နိုင်ငံက မင်္ဂလာဒုံလေဆိပ်လောက် ခန်းနားမယ်မထင်ခဲ့ပါဘူး။

ဒါပေမဲ့ ဒီဂျာကာတာလေဆိပ်ကြီးထဲကို ၀င်လိုက်တာနဲ့
အထင်နဲ့အမြင်တခြားစီဖြစ်သွားပါတယ်။
အထင်သေးစိတ်တွေလဲ ပျောက်သွားပါတယ်။
လေဆိပ်ကြီးက အတော်ကြီးကျယ်ခန်းနားတာပဲ။
လေဆိပ်အ၀င်အထွက်ဂိတ်ပေါက်များ၊ သန့်စင်ခန်း၊
အမိုး၊ အမိုးကြီးတွေမှာရှိတဲ့သံပိုက်လုံးကြီးတွေ။
အကုန်လုံးခန်းနားထည်ဝါနေတယ်။

သူတို့နိုင်ငံက ခန်းနားထည်ဝါလှတဲ့လေဆိပ်ကြီးကို ကြည့်ပြီး
ကိုယ့်နိုင်ငံက မင်္ဂလာဒုံလေဆိပ်ကို မျက်စိထဲ မြင်ယောင်လာတယ်။
ချက်ချင်း မြန်မာနိုင်ငံသားဖြစ်တဲ့
မြန်မာနိုင်ငံပတ်စ်ပို့ကို လက်ထဲမှာကိုင်ဆောင်ထားတဲ့ကိုယ်တောင်
Immigration ၀င်ပေါက်မှာတန်းစီရင်း
ရင်ထဲကို သိမ်ငယ်စိတ် (အားငယ်စိတ်) ၀င်ရောက်လာတယ်။
ဒီလိုသိမ်ငယ်စိတ်ဝင်ရောက်လာတာ မကောင်းဘူးဆိုတဲ့အသိက
ချက်ချင်းဝင်ရောက်လာပြန်ပါတယ်။
ဒီသိမ်ငယ်စိတ်က ရင်ထဲက ထုတ်ပစ်ဖို့ ကြိုးစားပါတယ်။
မရပါဘူး။

နောက်ဆုံးတော့ အတွေးတစ်ခု ခေါင်းထဲ ချက်ချင်းဝင်လာပါတယ်။

နောက်တခါခရီးထွက်ရင် ရန်ကုန်က မင်္ဂလာဒုံလေဆိပ်လောက်မကောင်းတဲ့
နိုင်ငံကို ခရီးထွက်မှ ဒီသိမ်ငယ်စိတ်ပျောက်မယ် ဆိုတဲ့ အတွေး။

ကဲ၊ နောက်တခါ ဘယ်နိုင်ငံကို ခရီးထွက်ရမလဲ။

Tuesday, January 18, 2011

ထွက်ပြေးပေတော့


တတိယသံဂါယနာတင်ပြီးနောက် အသောကမင်းကြီး သာသနာပြုစေလွှတ်တဲ့
ကိုးတိုင်းကိုးဌာနထဲမှာ သီရိလင်္ကာခေါ် သီဟိုဠ်ကျွန်းလည်း ပါဝင်တယ်။

ဒီသီဟိုဠ်ကျွန်းကို အသောကမင်းကြီးက သူ့ရဲ့သားတော်ရဟန်းဖြစ်တဲ့
ရှင်မဟိန္ဒနဲ့ နောက်ပါရဟန်းငါးပါးကို စေလွှတ်ခဲ့တယ်။
နောက်ပိုင်းမှာ ဘိက္ခုနီသာသနာထွန်းကားဘို့အတွက်
သမီးဖြစ်သူ သံဃမိတ္တာထေရီကိုလည်း စေလွှတ်ခဲ့ပါတယ်။

သံဃမိတ္တာထေရီ အိန္ဒိယက သီဟိုဠ်ကျွန်းသွားတော့
ဗုဒ္ဓဂါယာမှာရှိတဲ့ မဟာဗောဓိပင်မှ တောင်ကိုင်းကို ပွားယူကာ
သီဟိုဠ်သို့ ပင့်ဆောင်ခဲ့ပါတယ်။
သီဟိုဠ်ကျွန်း အနုရာဓမြို့မှာ စိုက်ပျိုးထားပါတယ်။
အဲ့ဒီ မဟာဗောဓိပင် (original) ဟာ
ယခုတိုင် မျိုးဆက်မပြတ်ရှိနေပါသေးတယ်။

ရှင်မဟိန္ဒနဲ့သံဃမိတ္တာထေရီမတို့မောင်နှမနှစ်ယောက်ဦးဆောင်ပြီး
သီဟိုဠ်ကျွန်းမှာ သာသနာပြုလိုက်တာ ဘိက္ခုသာသနာ (ရဟန်းတော်များ)နဲ့
ဘိက္ခုနီသာသနာ (ရဟန်းမများ) အတော်ထွန်းကားလာကြောင်းသိရပါတယ်။

ထိုခေတ်က ဒေ၀ါနံပိယတိဿမင်းဆိုသူက
မထေရ်များ သီတင်းသုံးနေထိုင်ထိုင်ဘို့
မဟာဝိဟာရကျောင်းတိုက်ကို ဆောက်လုပ်လှူဒါန်းပါတယ်။
ဒါ့အပြင် စေတီ၊ ပုထိုး၊ ဗောဓိ၊ သိမ်၊ အရာမ်များကိုလည်း တည်ဆောက်ပါတယ်။

နောက်မင်းများလက်ထက်မှာလည်း ဗုဒ္ဓသာသနာကို ဆက်လက်အားပေးခဲ့ကြပါတယ်။
ဗုဒ္ဓဘာသာကို အထူးအားပေးတဲ့ မင်းများလည်း စဉ်ဆက်မပြတ် ပေါ်ထွက်ခဲ့တယ်။
ဒုဋ္ဌဂါမဏိမင်းဆိုတဲ့မင်းက လောဟပါသာဒခေါ် ကျောင်းတိုက်ကြီးကိုတည်ထောင်ပါတယ်။ မဟာစေတီကြီးကိုလည်း တည်ဆောက်လှူဒါန်းပါတယ်။

မဟာစေတီဆိုတာ
သီဟိုဠ်ကျွန်းမှာ အခုထိ ထင်ရှားတဲ့ စေတီတော်ကြီးတစ်ဆူပါ။

အဲ့ဒီခေတ်တွေတုန်းက
ရဟန္တာအရှင်သူမြတ်ကြီးများလည်း အလွန်ပေါ်ထွန်းခဲ့ဘူးတယ်တဲ့။
သီဟိုဠ်ကျွန်းမှာ ရဟန္တာအရှင်သူမြတ်များပေါများကြောင်းကို
အမျိုးမျိုးတင်စားပြောဆိုလေ့ရှိကြတယ်။
မြို့တိုင်းမြို့တိုင်းရဲ့ လမ်းတိုင်းလမ်းတိုင်းလမ်းတိုင်းမှာ
ရဟန္တာမထေရ်မရောက်ဖူးတဲ့လမ်းဆိုတာ မရှိဘူးတဲ့။

ဆိုလိုတာက ရဟန္တာမထေရ်မြတ်များ အလွန်များတယ်။
အလွန်များတဲ့ရဟန္တာမထေရ်မြတ်များ ဆွမ်းခံချိန် ဆွမ်းခံကြွလေ့ရှိတယ်။
တစ်လမ်းဝင် တစ်လမ်းထွက် ဆွမ်းခံကြွလေ့ရှိတော့
လမ်းတိုင်းလမ်းတိုင်း ရောက်တာပေါ့။
ဒါကိုရည်ညွှန်းပြီး ရဟန္တာမရောက်ဖူးတဲ့လမ်းဆိုတာ မရှိဘူးလို့ပြောတာ။

ရဟန္တာမထေရ်မြတ်များ များပြားတာကို
နောက်တစ်မျိုး တင်စားပြောဆိုကြသေးတယ်။
အဲ့ဒီခေတ်တုန်းက စပါးတွေကို ရိပ်သိမ်းပြီး
ခြောက်သွေ့သွားအောင် နေလှန်းကြရတယ်။
ကောင်းကင်မှာ ဈာန်ပျံတဲ့ရဟန္တာတွေ များလွန်းလို့
လှန်းထားတဲ့စပါးပေါ်အရိပ်ထိုးကာ (အရိပ်ကျရောက်ကာ)
စပါးတော်တော်နဲ့ မခြောက်သွေ့နိုင်ဘူးလို့ဆိုပါတယ်။

ဒါလည်း အဲ့ဒီခေတ်တုန်းက သီဟိုဠ်ကျွန်းမှာ
ရဟန္တာအရှင်မြတ်များပေါများတာကို ရည်ညွန်းပြောဆိုတဲ့စကားပါ။

ဒါနဲ့စပ်လို့ မန္တလေး၊ သာသနာ့တက္ကသိုလ်မှာ ပညာသင်စဉ် အခါတုန်းက
စာချဆရာတော်တစ်ပါးပြောတာကို သတိရမိတယ်။

သာသနာ့တက္ကသိုလ်မှာ ၀ိနည်း၊ သုတ္တန်၊ အဘိဓမ္မာဆိုတဲ့ပိဋကတ်သုံးပုံအပြင်
ပါဠိစာပေ၊ သက္ကဋစာပေ၊ အင်္ဂလိပ်၊ ဗုဒ္ဓဘာသာနဲ့သက်ဆိုင်တဲ့မြန်မာစာ၊
ဗုဒ္ဓဘာသာနဲ့သက်ဆိုင်တဲ့သမိုင်းဘာသာရပ်တွေကို သင်ယူရတယ်။
ဗုဒ္ဓဘာသာနဲ့သက်ဆိုင်တဲ့သမိုင်းဘာသာရပ်ကို သင်ယူရတော့
သီဟိုဠ်ကျွန်းအကြောင်းလည်းသင်ယူရတာပေါ့။

တစ်နေ့ စာချဆရာတော်က သီဟိုဠ်ကျွန်းအကြောင်းပြောရင်း
အထက်ကပြောခဲ့သလိုပဲ သီဟိုဠ်ကျွန်းမှာ တချိန်တုန်းက
ရဟန္တာတွေပေါများခဲ့ကြောင်း၊
ဒီလိုရဟန္တာပေါများတာဟာ အထူးအဆန်းမဟုတ်ပါကြောင်း ပြောပြပြီး

သူ့အမြင်ကို အခုလိုဆက်ပြောပါတယ်။
“ သီဟိုဠ်ဘုန်းကြီးတွေ ရဟန္တာဖြစ်တာ နည်းတောင်နည်းသေးတယ်၊
ဘာပြုလို့တုန်းဆိုတော့
သီဟိုဠ်က ဒကာမတွေက အသားကမဲပြီး အတော်အရုပ်ဆိုးကြတာ” တဲ့။
စာချဆရာတော် ဟာသနှောပြောခဲ့တာလေးပါ။

သီဟိုဠ်ကျွန်း၊ ၀ဋ္ဋဂါမဏိမင်းလက်ထက်
ဗုဒ္ဓဘာသာဝင်မဟုတ်တဲ့သူတွေ
ထကြွသောင်းကျန်းကြတယ်။ တော်လှန်ကြတယ်။ သူပုန်ထကြတယ်ပေါ့။
မိုးကလည်းခေါင်လို့ သီးနှံရိက္ခာရှားပါးကာ
ငတ်မွတ်ခေါင်းပါးတဲ့ပြဿနာနဲ့လည်း ကြုံခဲ့ရတယ်။
ဗုဒ္ဓဘာသာဝင်မဟုတ်တဲ့သူပုန်တွေ ထကြွသောင်းကျန်းတော့
ရဟန်းတော်များလည်း ထွက်ပြေးတိမ်းရှောင်ကြရတော့တာပေါ့။

ဒါကို ဆင်ခြင်စဉ်းစားကြည့်ရင်
ဗုဒ္ဓဘာသာကိုးကွယ်တဲ့နိုင်ငံမှာ ဗုဒ္ဓဘာသာကို မယုံကြည်တဲ့မင်း၊
ရှင်ဘုရင်၊ အစိုးရတက်လာပြီး အုပ်ချုပ်လို့ကတော့
သံဃာတော်တွေ (အရင်ဆုံး) ထွက်ပြေးကြပေတော့။
သတိရှိကြပါလေ။

အဲ့ဒီခေတ်က စာပေရေးသားတဲ့ခေတ်မဟုတ်သေးတော့
ပိဋကတ်စာပေတွေကို နှုတ်ငုံသာဆောင်ထားကြရတာ။
ထွက်ပြေးတိမ်းရှောင်နေရချိန်၊
အစာအာဟာရကလည်း လုံလုံငငမရဖြစ်နေတဲ့အချိန်
ဘုရားရှင်ရဲ့ ပိဋကတ်တော်တွေကို အတော်ခဲခဲရင်းရင်း
နှုတ်မြွက်ရွတ်ဆို ထိန်းသိမ်းစောင့်ရှောက်ခဲ့ရတယ်။ မလွယ်ကူလှပါဘူး။

ဒုက္ခမျိုးစုံကြုံတွေ့နေရချိန် ပိဋကတ်တော်တွေကို
ထိန်းသိမ်းစောင့်ရှောက်ခဲ့တဲ့ ထိုခေတ်က သီဟိုဠ်အရှင်မြတ်များကို
ဦးအကြိမ်ကြိမ်ချမိပါတယ်။ ကျေးဇူးအထူးတင်မိပါတယ်။

တကယ်တော့ ဒီလို ရေးသားမှုအတတ်ပညာမရှိသေးဘဲ (မရှိခဲ့ဘဲ)
နှုတ်ဆင့်ကမ်း သယ်ဆောင်ရတာဟာ အင်မတန် တာဝန်ကြီးလှပါတယ်။
တကယ်လို့ အခုလိုမျိုးဘေးဒုက္ခနဲ့ပြန်ကြုံရရင် ဘယ့်နှယ်လုပ်မလဲ။
ဘုရားရှင်ပိဋကတ်တော်တွေ ကွယ်ပျောက်သွားနိုင်ပါတယ်။

ဒါ့ကြောင့် ပိဋကတ်တော်အားလုံးကို စာပေဖြင့်မှတ်တမ်းတင်ထားမှသာ
စိတ်ချရမယ်လို့ သီဟိုဠ်အရှင်မြတ်များ စဉ်းစားမိကြတယ်။

စဉ်းစားမိသည့်အားလျှော်စွာ သီဟိုဠ်သံဃာ ရဟန္တာအရှင်မြတ်တွေဟာ
ပိဋကတ်တော်များကို ပေလွာရွက်ပေါ်မှာ အက္ခရာစာဖြင့် မှတ်တမ်းပြုပြီး
သံဂါယနာတင်ဘို့ဆုံးဖြတ်လိုက်တယ်။

ဝဋ္ဋဂါမဏိမင်း သူပုန်ရန်ကို ပြန်လည်နှိမ်နင်းနိုင်ပြီး
ဒုတိယအကြိမ်ထီးနန်းပြန်ရလာတဲ့အချိန် (101-77 BC)
အရှင်မဟာဓမ္မရက္ခိတဦးဆောင်တဲ့ ရဟန္တာအရှင်သူမြတ်ငါးရာက
မလယဇနပုဒ် အာလောကလိုဏ်ဂူမှာ စတုတ္ထသံဂါယနာတင်ပွဲကို ကျင်းပခဲ့ကြပါတယ်။
ပိဋကတ်ဒေသနာတော်တွေကိုလည်း ပေထက်အက္ခရာ တင်တော်မူခဲ့ကြပါတယ်။

ပိဋကတ်ဒေသနာတော်တွေကို ရေးပြီးမှတ်တမ်းတင်ခြင်းကို
ဒီစတုတ္ထသံဂါယနာတင်ပွဲက စတင်ခဲ့တယ်လို့ဆိုရမှာပေါ့။

Photo: google search

Monday, January 17, 2011

အင်ဒိုခရီးစဉ် (၁)


အရှေ့တောင်အာရှနိုင်ငံတွေထဲမှာ အကြီးဆုံးလည်းဖြစ်
လူဦးရေ အများဆုံးလည်းဖြစ်တဲ့ အင်ဒိုနီးရှားနိုင်ငံကို
၁၁၊ ၁၊ ၂၀၁၁ ရက်နေ့က ခရီးထွက်ဖြစ်ပါတယ်။

ခရီးထွက်ရခြင်းအကြောင်းက
အင်ဒိုနီးရှားမှာနေနေတဲ့ ဒေါ်ဇင်မာဝင်းဆိုတဲ့ဒကာမတစ်ယောက်က
အင်ဒိုနီးရှားနိုင်ငံမှာ (မလေးရှား၊ စင်္ကာပူတို့မှာလို)
ကျောင်းလေးတစ်ခု တည်ထောင်လိုကြောင်း၊ ဒီအတွက် အိမ်တစ်လုံးငှားပြီးကြောင်း၊
မြန်မာပြည်က ဆရာတော်သံဃာတော်များ အင်ဒိုနီးရှားနိုင်ငံကို
အကြောင်းတစ်ခုခုကြောင့် ကြွလာပါက သက်တောင့်သက်သာ တည်းခိုစေလိုကြောင်း၊

ဒါ့အပြင် အင်ဒိုနီးရှားနိုင်ငံမှာ ဗုဒ္ဓဘာသာဝင်များရှိကြောင်း၊
ထိုဗုဒ္ဓဘာသာဝင်တွေမှာ ဗုဒ္ဓရဲ့တရားတော်များ သင်ကြားပြသပေးမည့်
ဆရာလိုနေကြောင်း၊ တစ်ခေတ်တစ်ချိန်တုန်းက ဗုဒ္ဓဘာသာထွန်းကားခဲ့တဲ့
ဒီလိုနိုင်ငံကြီးမှာ လက်ကျန်ဗုဒ္ဓဘာသာဝင်တွေကို ဗုဒ္ဓဘုရားရှင်ရဲ့
တရားရေအေး အမြိုက်ဆေးတိုက်ကျွေးလိုကြောင်း၊

ဒီလိုဆန္ဒတွေကို ဖြည့်ဆည်းဘို့ မြန်မာဆရာတော်တစ်ပါးလိုပါကြောင်း၊
ဒီကိစ္စတွေအတွက် စာရေးသူ (မိမိကို) စီစဉ်ပေးစေလိုကြောင်း၊
သူနှင့် ဗုဒ္ဓဘာသာသက်ဝင်ယုံကြည်သူတို့က ပစ္စည်းလေးပါးတာဝန်ယူပေးမှာဖြစ်ပြီး
သင့်တော်မဲ့ဆရာတော်တစ်ပါးပါးကို စာရေးသူ (မိမိက) တာဝန်ယူရှာပေးစေလိုကြောင်း
စသည်စသည် အကြောင်းပေါင်းများစွာကို လျှောက်ကြားလာပါတယ်။

ဒီလိုလျှောက်ကြားလာတော့ စဉ်းစားရပါတယ်။
ပထမဦးဆုံး နိုင်ငံခြားဖြစ်တဲ့ အင်ဒိုနီးရှားနိုင်ငံမှာ
ကျောင်းတည်ထောင်ရခြင်းရည်ရွယ်ချက်က ဘာပါလဲ။

ဒကာမလျှောက်သလို အနိမ့်ဆုံးအဆင့် မြန်မာပြည်က
ကိစ္စတစ်ခုခုနဲ့လာတဲ့ဆရာတော်တွေ အေးအေးလူလူ တည်းခိုလို့ရမယ်။
အင်း။ ဒီအနိမ့်ဆုံးရည်ရွယ်ချက်ကတော့
အောင်မြင်ဘို့သေချာတယ်လို့ ကောက်ချက်ချမိတယ်။
ဗုဒ္ဓဘာသာဝင်တွေအတွက် အင်ဒိုနီးရှားနိုင်ငံကလည်း 
လည်ပတ်သင့်တဲ့နိုင်ငံဘဲ မဟုတ်ပါလား။

ကျောင်းတစ်ကျောင်းတည်ထောင်တဲ့ ကုန်ကျမဲ့စရိတ်နဲ့ ရရှိမဲ့အကျိုးအမြတ်
ဆက်ပြီး စဉ်းစားရပြန်တယ်။

အေးလေ၊ မလေးရှား၊ စင်္ကာပူရောက်လာလို့
အင်ဒိုနီးရှားနိုင်ငံကို ခရီးဆက်နှင်ချင်သေးသပဆိုရင်
ဒီတည်ထောင်ထားတဲ့ကျောင်းလေးမှာ မပူမပင် မကြောင့်မကြ တည်းခိုလိုက်ရရင်
တည်းခိုသူဘက်က မဆိုးလှပါဘူး။

ကျောင်းတည်ထောင်သူဘက်ကလည်း
လောကုတ္တရာဆန်ဆန်တွေးရရင် ကုသိုလ်ရတာပေါ့လို့ စဉ်းစားလိုက်မိပါတယ်။

ကျောင်းတိုက်တည်ထောင်လိုက်လို့ နောက်တစ်ဆင့်ဆက်မျှော်မှန်းမိတာက
အင်ဒိုနီးရှားနိုင်ငံမှာရှိတဲ့ ဗုဒ္ဓဘာသာဝင်တွေအတွက်။

တကယ်လို့ ကျောင်းတိုက်တည်ထောင်ပြီး အဲ့ကဗုဒ္ဓဘာသာဝင်တွေကို
နည်းမှန်လမ်းမှန်ဦးဆောင်နိုင်ရင် အလွန်ဝမ်းသာစရာပဲ။
ဗုဒ္ဓဘာသာဝင်ဖြစ်နေပေမဲ့ ဦးဆောင်ပေးမဲ့သူ ပဲ့ကိုင်ပေးမဲ့သူမရှိလို့
ဗုဒ္ဓဘာသာအကြောင်းလုံးလုံးမသိတဲ့သူတွေ၊
ပရိတ်ကြိုး လက်ကိုချည်ပေးတာလောက်၊
လက်ဖွဲ့ လည်ဆွဲရုပ်တုလေးတွေကို ဆောင်ထားတာလောက်ကို
ဗုဒ္ဓဘာသာလို့ ထင်မြင်ယူဆသူတွေ၊
အသုဘကြုံကြိုက်ရင်
အိမ်ပင့်ပြီး အနိစ္စာဝတ သင်္ခါရာ ရွတ်ဆိုတာကို
ဘုန်းကြီးအလုပ်လို့ မှတ်ယူသူတွေ ဒီမလေးရှားနိုင်ငံမှာ အများကြီးပဲ။

အင်ဒိုနီးရှားနိုင်ငံက ဗုဒ္ဓဘာသာဝင်တွေလည်း ဒီလိုပဲ နေမှာ။

ပထမဦးဆုံး ဒါတွေ အမြင်ရှင်းအောင် ကြိုးစားရမဲ့အနေအထားမှာရှိတယ်။
အမြင်ရှင်းအောင် ကြိုးစားကြည့်ချင်တယ်။
ရနိုင် မရနိုင်၊ ဖြစ်နိုင် မဖြစ်နိုင် မသိရဘူး။

ဒီအတွက် သိရှိဘို့ အင်ဒိုနီးရှားနိုင်ငံကို သွား စနည်းနာကြည့်အုံးမှဘဲဆိုပြီး
အင်ဒိုနီးရှားကို သွားဖြစ်တာ။

Sunday, January 16, 2011

ရွှေနိုင်ငံ


အသောကမင်းကြီးနဲ့ ရှင်မဟာမောဂ္ဂလိပုတ္တတိဿမထေရ်တို့
လက်တွဲညီညီ တတိယသင်္ဂါယနာတင်ပွဲဆင်ယင်ကျင်းပပြီးနောက်
သာသနာ့သမိုင်းမှာ အင်မတန်အရေးပါတဲ့
ကိုးတိုင်းကိုးဌာနသာသနာပြုစေလွှတ်ခြင်းလုပ်ငန်းကြီးကို လုပ်ဆောင်ခဲ့ပါတယ်။

ကိုးတိုင်းကိုးဌာနထဲမှာ ရှင်သောဏနဲ့ရှင်ဥတ္တရတို့သာသနာပြုကြွတဲ့နေရာကို
သုဝဏ္ဏဘူမိလို့ခေါ်တယ်။ ဒီသုဝဏ္ဏဘူမိဆိုတာ
အခုခေတ် အင်ဒိုနီးရှားနိုင်ငံ ဆုမတြားကျွန်း၊ ထိုင်းနိုင်ငံတွင်းရှိ အချို့နေရာနဲ့
မြန်မာနိုင်ငံတွင်းရှိ သထုံမြို့တ၀ိုက်ကို ဆိုလိုကြောင်း
သမိုင်းဆရာတို့ ပြောဆိုကြပါတယ်။

မြန်မာနိုင်ငံသူ နိုင်ငံသားများကလည်း
သုဝဏ္ဏဘူမိ (ရွှေနိုင်ငံ) ဆိုတာ မြန်မာပြည်ကို ခေါ်တာလို့
မှတ်ယူခဲ့တယ်။ သုဝဏ္ဏဘူမိ (ရွှေနိုင်ငံ) ဆိုတဲ့နာမည်လေးကို
အတော်သံယောဇဉ်ဖြစ်နေကြတယ်။

ဒါပေမဲ့
ဒီနေ့ဒီအချိန်အခါမှာတော့ သုဝဏ္ဏဘူမိ (ရွှေနိုင်ငံ) ဆိုတာ
ထိုင်းနိုင်ငံကို ကိုယ်စားပြုသွားပါပြီ။

ဘာလို့လဲ
ထိုင်းနိုင်ငံ ဘန်ကောက်မြို့တော်အနီးတည်ဆောက်လိုက်တဲ့
အပြည်ပြည်ဆိုင်ရာလေဆိပ်နာမည်ကို သုဝဏ္ဏဘူမိ လို့နာမည်ပေးလိုက်လို့ပါဘဲ။
ကမ္ဘာသူ ကမ္ဘာသားလူအများက ကမ္ဘာလှည့်ခရီးသွားတွေက
ဘန်ကောက် လေဆိပ်ကြီးကို ရောက်ရင်
သုဝဏ္ဏဘူမိလေဆိပ် ဆိုတဲ့စကားလုံး သူတို့ပါးစပ်ဖျားမှာ ရောက်သွားပြီ။
သုဝဏ္ဏဘူမိလေဆိပ်ဆိုတာ ထိုင်းနိုင်ငံ ဘန်ကောက်လေဆိပ်ဖြစ်တယ်ဆိုတဲ့အသိ
သူတို့ဦးဏှောက်ထဲရောက်သွားပြီ။

ဒါ့ကြောင့် ဒီသုဝဏ္ဏဘူမိ ဆိုတဲ့နာမည်ဟာ မြန်မာနိုင်ငံကိုယ်စားမဟုတ်တော့ပဲနဲ့
ထိုင်းနိုင်ငံကိုယ်စားဖြစ်သွားပြီလို့ပြောတာ။
တနည်းအားဖြင့် ရွှေနိုင်ငံသည် မြန်မာနိုင်ငံမဟုတ်တော့ဘဲ
ထိုင်းနိုင်ငံဖြစ်သွားတာပါ။

ဒါတင်လား။ မဟုတ်သေးပါဘူး။
မြန်မာနှစ်ကူးနဲ့ထိုင်းနှစ်ကူးက အတူတူပဲ။ တစ်ချိန်တည်းပဲ။
ထေရ၀ါဒဗုဒ္ဓဘာသာထွန်းကားတဲ့နိုင်ငံတွေက
နှစ်ဟောင်းကုန်လို့ နှစ်သစ်ကူးကြရာမှာ အချိန်တူကြတယ်။
နှစ်ကူးအခါမှာ သင်္ကြန်ပွဲကို မြန်မာနိုင်ငံမှာကျင်းပသလို
ထိုင်းနိုင်ငံမှာလည်း ကျင်းပတယ်။
မြန်မာနိုင်ငံမှာလည်း ရေလောင်းကြတာပဲ။
ထိုင်းနိုင်ငံမှာလည်း ရေလောင်းကြတာပဲ။

မြန်မာနှစ်ကူး မြန်မာသင်္ကြန်က ထိုင်းနှစ်ကူး ထိုင်းသင်္ကြန်ထက်
ပိုရှေးကျမယ်လို့ထင်ပါတယ်။ ပိုစည်ကားမယ်လို့ထင်ပါတယ်။
ပိုပြီး အဓိပ္ပါယ်ရှိမယ်လို့လည်း ထင်ပါတယ်။

ဒါပေမဲ့ ဒီလိုရှေးကျတဲ့ ပိုစည်ကားတဲ့ ပိုပြီးအဓိပ္ပါယ်ရှိတဲ့
မြန်မာသင်္ကြန်ကြီးကို ကမ္ဘာကို သိအောင်
ကမ္ဘာကြီးသိသွားအောင် မြန်မာနိုင်ငံက လူတွေ မလုပ်နိုင်ဘူး။
ထိုင်းနိုင်ငံ နှစ်ကူး သင်္ကြန်ရေလောင်းပွဲကို
ထိုင်းနိုင်ငံက လူတွေက ကမ္ဘာကိုသိအောင်လုပ်နိုင်တဲ့အတွက်
ဒီသင်္ကြန်ရေလောင်းပွဲဟာ မြန်မာ့ရိုးရာမဟုတ်တော့ပဲနဲ့
ထိုင်းရိုးရာဖြစ်သွားပါတယ်။
သင်္ကြန်ရိုးရာဟာ ထိုင်းရိုးရာဖြစ်တယ်လို့ ကမ္ဘာက သိသွားပါတယ်။

ပြောချင်တာက သင်္ကြန်ရေလောင်းပွဲဟာ ထိုင်းရိုးရာဖြစ်တယ်၊
မြန်မာများက မိတ္တူကူးတာလို့ ကမ္ဘာကနားလည်လက်ခံသွားတယ်။
ဘာပြုလို့လဲဆိုတော့ ထိုင်းတွေက သူတို့ သင်္ကြန်ရေလောင်းပွဲကို
ကမ္ဘာကို သိအောင် မြန်မာရဲ့အရင်ပြနိုင်လို့ပဲ။
မြန်မာက မြန်မာနှစ်ကူးသင်္ကြန်ရေလောင်းပွဲကို
ကမ္ဘာကို သိအောင် မပြနိုင်လို့ပဲ။

ရှင်းရှင်းပြောရရင် မီဒီယာ အားသာမှု၊ အားနည်းမှု
စီးပွါးရေး အားသာမှု၊ အားနည်းမှု၊
ပွင့်လင်းမှု အားသာမှု အားနည်းမှု စသည်တို့ ကွာသွားတာပဲ။

ဒါတင်လား။ မကပါဘူး။
အစားအသောက်မှာလည်း အတူတူပါဘဲ။
ထိုင်း အစားအသောက်တွေထဲမှာ
မြန်မာပြည်က အစားအသောက်တွေနဲ့ တော်တော်များများတူတာတွေ တွေ့ခဲ့ရတယ်။
မုန့်တီလိုဟာမျိုးတွေလည်း ရှိတယ်။
မုန့်ဟင်းခါးလို ဟာမျိုးတွေလည်း ရှိတယ်။
တခြားနိုင်ငံတွေမှာရှိတဲ့ ထိုင်းစားသောက်ဆိုင်တွေမှာ
မုန့်တီလိုဟာမျိုး မုန့်ဟင်းခါးလိုဟာမျိုးတွေကို ထိုင်းစာဆိုပြီး ရောင်းနေပြီ။

ဒါတွေက မြန်မာအစားအစာတွေဘဲ။ ဒါပေမဲ့ ထိုင်းက လက်ဦးမှုယူပြီး
ထိုင်းစာဆိုပြီး နိုင်ငံတကာမှာရှိတဲ့ဆိုင်တွေမှာ တင်ရောင်းကုန်ပြီ။
ကမ္ဘာက မုန့်တီလို မုန့်ဟင်းခါးလို မနက်စာ အစားအစာကို
ထိုင်းစာဆိုပြီး နားလည်သွားကြပြီ၊ သိသွားကြပြီ။
ဘယ်နိုင်ငံသွားပြီး ဘယ်လိုမြန်မာကြီးကဖြစ်ဖြစ်
အဲ့လိုဟာမျိုးကို မြန်မာအစားအစာပါဗျ လို့အော်ရောင်းပေမဲ့
မြန်မာအစားအစာလို့ လက်ခံမှာမဟုတ်တော့ဘူး။

သုဝဏ္ဏဘူမိ ဆိုလို့ ထိုင်းနိုင်ငံ ဘန်ကောက်မြို့နားမှာရှိတဲ့
သုဝဏ္ဏဘူမိလေဆိပ်နဲ့ဆက်စပ်ပြီး စဉ်းစားမိတာတွေပါ။

Friday, January 14, 2011

ခရီးသွားနေလို့


အင်ဒိုနီးရှားသို့ 
(ထုံးစံအတိုင်း) 
သာသနာပြုခရီးကြွရောက်နေလို့
ပို့စ်များတင်ဘို့ နှောင့်နှေးသွားပါတယ်။
အခုအချိန်ကစပြီး အရင်လို ပုံမှန်တင်နိုင်တော့မည်ဖြစ်ပါကြောင်း။

Monday, January 10, 2011

ရွှေအ နဲ့ ရွှေဘ


ရှင်မဟာမောဂ္ဂလိပုတ္တတိဿမထေရ်နဲ့ အသောကမင်းကြီးတို့
ဆရာဒကာလက်တွဲညီညီ သာသနာတော်သန့်ရှင်းရေးကို
ဦးစားပေးဆောင်ရွက်နိုင်ခဲ့ပါတယ်။
တတိယသံဂါယနာတင်ပွဲကြီးကိုလည်း အောင်မြင်စွာကျင်းပနိုင်ခဲ့ပါတယ်။

ဒါပေမဲ့ အနာဂတ်သာသနာရေးနဲ့ပတ်သက်ပြီး
အသောကမင်းကြီး ရတက်မအေးဖြစ်ပုံပေါ်ပါတယ်။
ဒီအတွက် ပြည်ပသာသနာပြုစေလွှတ်ဖို့ စီစဉ်တယ်။
ရဟန်းတော်များကို တိုင်းဒေသကြီး ၉-ခုသို့ သာသနာပြု စေလွှတ်ခဲ့ပါတယ်။
ကိုးတိုင်းကိုးဌာနသာသနာပြုစေလွှတ်တယ်လို့ လူသိများတယ်။

ကိုးတိုင်းကိုးဌာနမှာ
အရှင်သောဏနဲ့ အရှင်ဥတ္တရမထေရ်တို့ခေါင်းဆောင်တဲ့ သာသနာပြုအဖွဲ့က
သုဝဏ္ဏဘုမ္မိသို့ ကြွရောက် သာသနာပြုကြတယ်လို့ ဆိုပါတယ်။

အဲ့ဒီအချိန်တုန်းက သုဝဏ္ဏဘူမိလို့ခေါ်တဲ့အရပ်ဒေသမှာ
ဘီလူးဘေးသောင်းကြမ်းတယ်လို့ ဆိုတယ်။
ဘီလူးတွေက လူတွေကို အမြဲတမ်းဝင်ရောက်နှောက်ယှက်နေတဲ့အချိန်
သာသနာပြုကြွလာတဲ့မထေရ်နှစ်ပါးက ဘီလူးဘေးရန်မှ ကာကွယ်ပေးနိုင်ခဲ့တယ်။
ဒါ့ကြောင့် သာသနာပြုမထေရ်နှစ်ပါးဟာ
လူတွေရဲ့ အားထားယုံကြည်မှုရရှိလာတယ်။
လူတွေကို ဗြဟ္မဇာလသုတ်ဟောကြားပေးပါတယ်။
သရဏဂုံသုံးပါးဆောက်တည်စေပါတယ်။
မထေရ်နှစ်ပါးရဲ့ စွမ်းဆောင်မှုကြောင့် လူတော်တော်များများ
သာသနာ့ဘောင်ဝင်ရောက်လာကြတယ်။

ငယ်ငယ်တုန်းက ဖတ်ခဲ့မှတ်ခဲ့ရတဲ့အဋ္ဌကထာကျမ်းတွေထဲမှာ
ဖော်ပြထားတာ ဒီလောက်ပဲ။
သုဝဏ္ဏဘူမိဆိုတာ ဘယ်နေရာက ဘာလူမျိုးတွေဖြစ်တယ်ဆိုတာ
တိတိပပဖော်ပြမထားဘူး။

တချို့ မြန်မာရာဇ၀င် သာသနာဝင်စာအုပ်တွေထဲမှာ
သုဝဏ္ဏဘူမိဆိုတဲ့ဒေသကို
မွန်ပြည်နယ်အတွင်းရှိ သထုံမြို့နေရာလို့ ရေးသားဖော်ပြကြတယ်။

ခေတ်သစ် သမိုင်းသုတေသီတို့ကတော့
သုဝဏ္ဏဘုမ္မိဆိုသည်မှာ ဆုမတြာကျွန်းဆွယ်ကို သုဝဏ္ဏဘုမ္မိ ခေါ်ဆိုကြောင်း
ကောက်ချက် ချပြထားတယ်။

ရှေးက အဲ့ဒီကျွန်းဆွယ်မှာ သုမိတ္တခေါ်သော အိန္ဒိယတိုင်းသားကုန်သည်တစ်ဦး
ပထမဦးဆုံး လာရောက်အခြေချနေထိုင်တယ်။
အရင်ဆုံးလာရောက်အခြေချနေထိုင်တဲ့ သုမိတ္တဆိုသူရဲ့အမည်ကို အစွဲပြုပြီး
ဆုမတြားကျွန်းဆွယ်လို့ ခေါ်ဆိုကြောင်းသိရတယ်။
ပါဠိဘာသာဖြင့် သုမိတ္တ (Sumitta) သက္ကတဘာသာဖြင့် ဆုမိတြမှ ဆုမတြားလို့
ဖြစ်လာကြောင်း ရေးသားပြောဆိုကြတယ်။

နောက်ပိုင်းမှာ အိန္ဒိယသားများက
ဒီဆုမတြားကျွန်းဆွယ်ကို သုဝဏ္ဏဘူမိလို့ ခေါ်ဆိုလာကြတယ်။

အကြောင်းက….

ရှေးက အိန္ဒိယနိုင်ငံသားတွေ ဒီကျွန်းဆယ်ကို ကုန်ရောင်းကုန်ဝယ်ကိစ္စနဲ့
လာရောက်နေထိုင်ကြတယ်တဲ့။ စီးပွါးအတော်ဖြစ်ထွန်းကြတယ်ဆိုပဲ။
သူတို့အတွက် ဆုမတြားကျွန်းဆွယ်ဟာ ရွှေလို အဖိုးတန်သောနယ်မြေလို့
သတ်မှတ်လာပြီး ရွှေမြေ (သုဝဏ္ဏဘူမိ) လို့ တင်စားခေါ်ဝေါခဲ့ကြတာတဲ့။

တချို့သမိုင်းသုတေသီတို့က
သုဝဏ္ဏဘူမိ (ရွှေမြေဒေသ) ဟာ
မွန်ပြည်နယ်၊ သထုံတစ်ဝိုက်အထိပါဝင်တယ်တဲ့။
အရှင်သောဏနှင့် အရှင်ဥတ္တရတို့ သာသနာပြုရောက်စဉ်က
လူတို့ ဘီလူးဘေးရန်များကို ခံစားနေကြရတယ်ဆိုတဲ့အဆိုနဲ့
ရှေးဟောင်း မွန်ရာဇ၀င်ကျမ်းများ၊ ဓမ္မစေတီမင်း၏ ကျောက်စာများမှာ
သထုံဒေသကို ရက္ခပူရ (ရေဘီလူးနိုင်ငံ)ဟု ရှေးဦးက ခေါ်ဆိုခဲ့ကြတယ်ဆိုတဲ့အဆိုနှစ်ခု
တထပ်တည်းကျနေလို့ဆိုပြီး အကြောင်းပြကြတယ်။

ဘယ်လိုပဲဖြစ်ဖြစ် မြန်မာတို့ကတော့ ဒီနေ့
ကိုယ့်ကိုယ်ကို “ရွှေ” လို့သတ်မှတ်နေတာ တွေ့ရတယ်။
ကိုယ့်ကိုယ်ကို ရွှေနိုင်ငံသားလို့ ပြောကြတယ်။
စာအုပ်တွေထဲမှာလည်း မြန်မာနိုင်ငံကို
Golden Land ရွှေနိုင်ငံလို့ ဖော်ပြကြတယ်။

မလေးရှားနိုင်ငံကို လာရောက်အလုပ်လုပ်ကိုင်နေကြတဲ့ မြန်မာနိုင်ငံသားများက
သူတို့ကို သူတို့ ရွှေလို့ ရည်ညွှန်းပြောဆိုတာ မကြာခဏ ကြားဘူးတယ်။
ဗီယက်နမ်နိုင်ငံသားတွေကို ဗထက်ချိုက်၊
ဖိလစ်ပိုင်နိုင်ငံသားတွေကို ဖဦးထုပ်၊
စင်္ကာပူနိုင်ငံသားတွေကို စလုံး၊
ဘင်္ဂလားနိုင်ငံသားတွေကို ဘကုန်း၊
အင်ဒိုနီးရှားနိုင်ငံသားတွေကို အ
စသည်ဖြင့် အသီးသီးရည်ညွှန်းပြောဆိုလေ့ရှိတယ်။

မလေးရှားနိုင်ငံ၊ အလုပ်ရုံ၊ စက်ရုံတွေမှာ
လူမျိုးပေါင်းစုံ၊ ဘာသာပေါင်းစုံ အတူတူ နေထိုင်ကြရတာ။

ဆိုတော့
နိုင်ငံမတူ၊ လူမျိုးမတူ၊ ဘာသာမတူပေမဲ့
အနေနီးစပ်လို့ မေတ္တာမျှပြီး အိမ်ထောင်ကျသွားတာတွေလည်း ရှိရဲ့။

ရွှေလို့ခေါ်တဲ့ဗမာတွေနဲ့ အ လို့ခေါ်တဲ့ အင်ဒိုနီးရှားတွေ အိမ်ထောင်ကျပြီး
မွေးလာတဲ့ကလေးတွေလည်း အတော်များနေပြီ။
အဲ့ဒီကလေးတွေကို ‘ရွှေအ’ လေးတွေလို့ ခေါ်ကြတယ်။

ရွှေလို့ခေါ်တဲ့ဗမာတွေနဲ့ ဘ လို့ခေါ်တဲ့ ဘင်္ဂလားတွေနဲ့အိမ်ထောင်ကျလို့
ရလာတဲ့ကလေးတွေကိုတော့
‘ရွှေဘ’ တဲ့။

‘ရွှေအ’ တွေ၊ ‘ရွှေဘ’ တွေများလာတာ ကောင်းတဲ့လက္ခဏာတော့ မဟုတ်ဘူး။
ဒီအတွက် မိဘတွေကို အပြစ်တင်ရမှာလား။
ဘယ်သူ့ကို အပြစ်တင်ရမလဲ။

Sunday, January 9, 2011

တရုတ်နှစ်ကူး


ဗုဒ္ဓဘာသာဝင်သူတော်စင်အပေါင်းတို့ခင်ဗျား...
ကျွန်တော်များကပုန်းဘုန်းတော်ကြီးကျောင်းတွင်
တရုတ်နှစ်သစ်ကူးအချိန်အခါသမယ၀ယ်
နှစ်စဉ်ကျင်းပမြဲဖြစ်သော
စုပေါင်းဒုလ္လဘရဟန်းခံပွဲကြီး
ကို
တဖက်ပါအစီအစဉ်အတိုင်း စည်ကားသိုက်မြိုက်စွာ
ဆင်ယင်ကျင်းပမည်ဖြစ်ပါသောကြောင့်
စေတနာကြည်လင်ဗုဒ္ဓဘာသာဝင်သူတော်စင်များ
လာရောက်ကြည်ညိုသဒ္ဓါပွါးများနိုင်ရန်အတွက်
လေးစားစွာဖိတ်ကြားအပ်ပါသည်။
မြန်မာပြည်၊ မဟာစည်ကမ္မဋ္ဌာန်းရိပ်သာမှ
ဆရာတော် ဘဒ္ဒန္တစန္ဒိမာ
ကြွရောက်၍ တရားပြပါမည်။
အစီအစဉ်

၂၊ ၂၊ ၂၀၁၁ ဗုဒ္ဓဟူးနေ့
ညနေ (၅) နာရီ        ဆံချ
ညနေ (၇) နာရီ        ရှင်သာမဏေ၀တ်

၃၊ ၂၊ ၂၀၁၁ ကြာသပတေးနေ့

နံက် (၇း၀၀) နာရီ         အရုဏ်ဆွမ်းဆက်ကပ်
(၉း၀၀) နာရီ               သိမ်ဝင်
(၁၀း၃၀) နာရီ             သိမ်ဆင်း (၃၅ ပါးခန့်)
(၁၀း၃၀) နာရီ             ပရိသတ်ဧည့်ခံ
(၁၁း၃၀) နာရီ            နေ့ဆွမ်းဆက်ကပ်
မွန်းလွဲ (၁း၀၀) နာရီ     တရားဟော၊တရားစခန်းပွဲစ

နေရာ
ကပုန်းကျောင်း
19, Jalan 38, Desa Jaya,
Kepong 52100
HP - 017 24 22 336

Sri Ehsan မှ ကိုဝင်ရွှေနှင့်သူငယ်ချင်းတို့က
သံဃာတော်များနှင့် ကြွရောက်လာသောဧည့်ပရိသတ်တို့အား
ဆွမ်းထမင်းဖြင့် လှူဒါန်းဧည့်ခံကျွေးမွေးပါမည်။

Saturday, January 8, 2011

အနေချောင်


ကိုရင်လေးနိဂြောဓကို အကြောင်းပြုပြီး
အသောကမင်းကြီး ဗုဒ္ဓဘာသာဝင်ဖြစ်လာခဲ့တယ်။

ဗုဒ္ဓဘာသာသည်သာ ငြိမ်းချမ်းရေးကို အပြည့်အ၀ပေးစွမ်းနိုင်တဲ့ဘာသာလို့
ယုံကြည်လာပြီး ဗုဒ္ဓဘာသာပြန့်ပွါးဘို့ အားသွန်ခွန်စိုက် လုပ်ဆောင်တယ်။
အကြီးအကျယ်ထောက်ပံ့တယ်။
ဗုဒ္ဓဘာသာဦးရေ တဟုန်ထိုး တိုးပွါးလာတယ်။
အာသောကမင်းကြီးလက်ထက် အိန္ဒိယနိုင်ငံမှာ
ဗုဒ္ဓဘာသာရွှေရောင်လွှမ်းတဲ့ခေတ်လို့ ပြောမယ်ဆို ပြောလို့ရတယ်။

ဒါကို အခွင့်ကောင်းယူပြီး ဗုဒ္ဓဘာသာဝင်မဟုတ်သူတွေက
အနေချောင် အစားချောင်လိုတဲ့အတွက် ဗုဒ္ဓသာသနာတွင်း ၀င်ရောက်လာကြတယ်။
ရဟန်းပြုကြတယ်။

ဗုဒ္ဓဘာသာကို သက်ဝင်ယုံကြည်လို့ မဟုတ်ဘဲ
အနေချောင်အစားချောင်လို့ ရဟန်းဝတ်လာတာ။
ဒီအခြေအနေအထိတော့ ပြဿနာအကြီးကြီးမဟုတ်သေးပါဘူး။

ပြဿနာက
သူတို့တတွေက ဘုရားရှင်ဟောကြားထားတဲ့ တရားတော်တွေကို
သင်လည်း မသင်ယူဘူး။ ကျင့်လည်းမကျင့်ကြံဘူး။
ဒါ့အပြင် သူတို့နဂိုလက်ခံယုံကြည်ထားတဲ့ဘာသာအယူအဆတွေကို
ဗုဒ္ဓဘာသာတရားတော်တွေထဲ ထည့်သွင်းကြတယ်။
ဗုဒ္ဓဘာသာတရားယောင်ယောင် လှည့်လည်ဟောပြောကြတယ်။
ဒါက ပြဿနာ။

ဆိုတော့ ဗုဒ္ဓဘုရားရှင်ရဲ့ တရားဒေသနာတွေဟာ
သန့်စင်မှု မရှိကြတော့ဘူး။
လုပ်ချင်ရာလုပ်၊ ကျင့်ချင်ရာကျင့်၊
ပြောချင်ရာပြော၊ ဟောချင်ရာဟောနေကြတဲ့
ဒီလို ရဟန်းတု ရဟန်းယောင်တွေများလာတော့
ရဟန်းစစ် ရဟန်းမှန်တွေက အပေါင်းအသင်းမလုပ်ကြတော့ဘူး။
သာသနာရေးကိစ္စတွေ၊ သံဃာ့ကံတွေကို အတူမဆောင်ရွက်ကြတော့ဘူး။
ဒီလိုအခြေအနေမျိုး (၇) နှစ်တောင် ကြာသွားတယ်လို့ဆိုပါတယ်။

ဒီလိုအခြေအနေမျိုးကို သိသွားတဲ့ အသောကမင်းကြီးက
ပညာရှိသူတော်ကောင်းသံဃာတော်တွေနဲ့
ညှိနှိုင်းတိုင်ပင်ကာ ရဟန်းတုရဟန်းယောင်တွေကို စစ်ဆေးမေးမြန်မပြီး
လူဝတ်လဲစေပါတယ်။

ဒီလို သာသနာတော်သန့်စင်ရေးဆောင်ရွက်ပြီး
ရှင်မဟာမောဂ္ဂလိပုတ္တတိဿမထေရ်အမှူးပြုတဲ့
ရဟန္တာပေါင်းတစ်ထောင်တို့ဟာ
သုံးကြိမ်မြောက် ဘုရားရှင်ပိဋကတ်တော်တွေကို စုပေါင်းရွတ်ဖတ်တဲ့
တတိယသံဂါယနာပွဲကို ကျင်းပခဲ့ပါတယ်။

ဒီပွဲကို အသောကမင်းကြီးအထောက်အပံ့နဲ့
သာသနာနှစ် (၂၃၅)၊ ဘီ စီ (၃၀၈)၊ နယုန်လမှ စတင်ကျင်းပရာ
ကိုးလကြာမှ ပြီးမြောက်ကြောင်းသိရပါတယ်။

တတိယသံဂါယနာအကြောင်းလေ့လာပြီး စဉ်းစားမိတာက…

အသောကမင်းကြီးဗုဒ္ဓဘာသာဝင်ဖြစ်လာပြီး
ဗုဒ္ဓဘာသာဦးရေတိုးပွါးလာတယ်။
ရဟန်းသံဃာတော်အရေအတွက်များလာတယ်။
ရဟန်းသံဃာတော်အရေအတွက်များလာတာကို
သာသနာထွန်းကားတယ်၊ သာသနာပြန့်ပွါးတယ်လို့ ပြောလို့မရဘူးဆိုတာကို
ဒီသမိုင်းက သက်သေခံတယ်။

မြန်မာပြည်မှာလည်း ရဟန်းသံဃာအရေအတွက်
အတော်လေးတိုးတက်များပြားလာကြောင်းသိရတယ်။
ဒါကို သာသနာတိုးတက်နေပြီလို့ ခေါ်ဆိုနိုင်ပါသလား။

ဒါနဲ့စပ်လို့ ဆရာတော်ကြီးတစ်ပါးသုံးသပ်ပြတာကို ပြန်လည်ပြောပြချင်ပါတယ်။
နိုင်ငံတစ်နိုင်ငံတိုးတက်ဘို့အတွက်
စီမံခန့်ခွဲတတ်တဲ့ စီမံခန့်ခွဲမှုတော်တဲ့ ကျွမ်းကျင်တဲ့
ခေါင်းဆောင်ကောင်းလိုတယ်တဲ့။
ဒီလိုမှ မဟုတ်ရင် မွဲပြာကျသွားနိုင်တယ်တဲ့။

ဒို့နိုင်ငံမွဲပြာကျနေတာ အကြောင်းပေါင်းမြောက်များစွာရှိတယ်တဲ့။
အဲ့လိုအကြောင်းပေါင်းမြောက်များစွာထဲက တစ်ကြောင်းကတော့
ဘုန်းကြီးနဲ့ စစ်သားများနေလို့ပါတဲ့။

ဘာပြုလို့လဲဆိုရင်
ဘုန်းကြီးဆိုတာက လောကီဆန်ဆန်ပြောရရင်
အလုပ်မလုပ်ဘူး။ နိုင်ငံတော်အတွက်စပါးတစ်စိထွက်အောင်
သူမစွမ်းဆောင်ဘူး။ နိုင်ငံတော်အတွက် တစ်ဒေါင့်တစ်နေရာက
အုတ်တစ်ချပ် သဲတစ်ပွင့် တာဝန်မယူဘူး။
ဒါပေမဲ့ စားတဲ့အခါမှာ သူများထက် ကောင်းတာတွေ စားရတယ်တဲ့။

(ဆရာတော်က အလကားစားတဲ့စရိတ်ကို တစ်နေ့နှစ်ကြိမ်စားနှုန်း၊
တစ်ကြိမ်ကို ကျပ်ငွေ ၅၀၀ နှုန်းနဲ့ သံဃာအပါးရေ လေးသိန်းကို တွက်ပြပါသေးတယ်)

သူဆက်ပြောတာက
အလုပ်မလုပ်တာနဲ့ ကောင်းတာစာတာဆိုတော့
နိုင်ငံအတွက် နှစ်ခါဆုံးရှုံးတယ်တဲ့။
စစ်သားကလဲ အတူတူပဲ။ နိုင်ငံအတွက် အလုပ်မလုပ်ဘူးတဲ့။
ဒါပေမဲ့ သူတို့လဲ ကောင်းပေ့၊ ညွန့်ပေ့ဆိုတာတွေ ရရှိသုံးဆောင်ကြတာတဲ့။
အခွင့်ထူးခံလူတန်းစားတွေတဲ့။
သူတို့များလာတာလဲ နိုင်ငံအတွက် နှစ်ခါနာတယ်တဲ့။

ဒီဆရာတော်ကြီးပြောတာကို သဘောမတူနိုင်ပါဘူး။
သဘောမတူလို့ ဆရာတော်ကြီးကို ပြန်လျှောက်ဖြစ်ခဲ့ပါတယ်။

ဆရာတော်ဘုရား၊ ဒီလိုတော့ မပြောပါနဲ့ဘုရား။
တပည့်တော်တို့နိုင်ငံမှာ
ကောင်းတာမစားရဘဲ အလုပ်လုပ်နေတာလဲ အများကြီးရှိပါသေးတယ်ဘုရား၊
တကယ်အလုပ်လုပ်တဲ့ နိုင်ငံကိုအကျိုးပြုနေတဲ့
ဘုန်းကြီးတွေ စစ်သားတွေအများကြီးပါဘုရား။
ဘုန်းကြီးတွေမှာဆိုလဲ ပရိယတ္တိစာသင်တိုက်ကြီးတွေ၊ ပဋိပတ္တိရိပ်သာကြီးတွေ
နေ့မအားညမအား သာသာနာတော်အရှည်တည်တံ့ခိုင်မြဲပြန့်ပွါးဘို့
လုပ်ဆောင်နေကြပါတယ်ဘုရား။
စစ်သားတွေမှာလဲ ထို့အတူပါဘဲဘုရားလို့ ပြန်လျှောက်တော့

“အလုပ်လုပ်တဲ့သူတွေတော့ ဘယ်ပါမလဲကွ၊ လိုအပ်တာထက် ပိုနေလို့ပြောနေတာ”
တဲ့။

ဓာတ်ပုံ၊ သီတဂူဓမ္မဗိမာန်ဘုရားခန်း

Friday, January 7, 2011

ခေတ်ဘုန်းကြီး


ပြောခဲ့သလိုပဲ၊ မြန်မာနိုင်ငံမှာ ဘုန်းကြီးတွေအပေါ်မှာ
အခုဆယ်စုနှစ်အတောအတွင်း ရိုသေမှုတွေ
အတော်လေး လျော့ရဲလာတာ တွေ့ရတယ်။

ဘုန်းကြီးတွေကို မရိုမသေဆက်ဆံလာပြီး မရိုမသေလုပ်လာကြပြီ။
ဘုန်းကြီးတွေကို မရိုမသေလုပ်တာဟာ သံဃာတော်တွေကို
မရိုမသေလုပ်တာပါဘဲ။
သံဃာတော်တွေကို မရိုမသေလုပ်တာဟာ
သံဃာတော်တွေအပေါ်မှာ အားကိုးမှု ယုံကြည်မှု အားနည်းလာလို့ဘဲ။
သံဃာတော်တွေအပေါ်မှာ အားကိုးမှု ယုံကြည်မှု မရှိတော့လို့ပါဘဲ။

သံဃာတော်တွေအပေါ်မှာ အားကိုးယုံကြည်မှု မရှိတော့တာဟာ
သံဃာ့သရဏဂုံမရှိတော့တာပါဘဲ။
သံဃာသရဏဂုံမရှိရင် ဓမ္မ (တရား) သရဏဂုံ
ဘယ်လိုလုပ် ရေရှည် တည်တံ့နိုင်တော့မလဲ။
ဓမ္မ (တရားတော်တွေ) ကို သံဃာတော်တွေကပဲ တည်တံ့အောင်
ထိန်းသိမ်းစောင့်ရှောက်နေရတာမို့လား။

ဓမ္မသရဏဂုံမရှိတော့ဘူးဆိုရင် ဗုဒ္ဓသရဏဂုံလဲ ကွယ်ပြီပေါ့။
ဆိုတော့ သရဏဂုံသုံးပါးလုံး ပျောက်ကွယ်သွားပြီပေါ့။
ဒီလို သရဏဂုံသုံးပါးပျောက်ကွယ်ရင် ဗုဒ္ဓဘာသာပျောက်ကွယ်တာပါဘဲ။

သရဏဂုံသုံးပါးပျောက်ကွယ်နေတဲ့နေရာကို
ဘယ်လိုလုပ် ဗုဒ္ဓဘာသာဝင်တို့နေရာလို့ ခေါ်နိုင်မလဲ။
သရဏဂုံသုံးပါးမရှိတဲ့နိုင်ငံကို ဘယ်လိုလုပ် ဗုဒ္ဓဘာသာနိုင်ငံလို့ခေါ်နိုင်မလဲ။

လောလောဆယ်အခြေအနေအထိတော့
အင်္ဂလိပ်လိုရေးထားတဲ့ ဗုဒ္ဓဘာသာဆိုင်ရာစာအုပ်တွေထဲမှာရော
မြန်မာလိုရေးထားတဲ့ ဗုဒ္ဓဘာသာဆိုင်ရာစာအုပ်တွေထဲမှာပါ
ထေရ၀ါဒဗုဒ္ဓဘာသာကို လက်ခံထားသောနိုင်ငံပေါင်း
သီရိလင်္ကာ၊ မြန်မာ၊ ထိုင်း၊ ကမ္ဗောဒီးယား၊ လာအိုလို့ ငါးနိုင်ငံရှိကြောင့်းဖတ်ရတယ်။

ဒါပေမဲ့
ဒို့နိုင်ငံ ဒီလိုသာရှေ့ဆက်သွားရင် မဝေးတော့တဲ့အနာဂတ်မှာ
မြန်မာနိုင်ငံကို ဗုဒ္ဓဘာသာနိုင်ငံလို့ ပြောလို့ရမှာ မဟုတ်တော့ပါဘူး။
တနည်းအားဖြင့် ဒို့နိုင်ငံကို ဗုဒ္ဓဘာသာနိုင်ငံစာရင်းက အဖြုတ်ခံရတော့မှာ သေချာတယ်။

ဘာဖြစ်လို့လဲ၊
အထက်က ပြောခဲ့သလို ရဟန်းသံဃာတောတွေနဲ့ လူတွေအကြား
အညမညဂါရ၀လို့ခေါ်တဲ့ အချင်းချင်းလေးစားမှုတွေ
တဖြေးဖြေးနည်းသထက်နည်းလာလို့ပါ။
ဒီလိုအချင်းချင်းလေးစားမှုတွေနည်းပါးလာတာကလဲ
နှစ်ဦးနှစ်ဘက်မှာ အားနည်းမှုတွေ ရှိနေလို့ဘဲ။

ဟိုးရှေးယခင်တုန်းကတော့ ရဟန်းသံဃာတော်တွေဟာ
လူတွေရဲ့ ရှေ့ဆောင်လမ်းပြတွေ ဖြစ်ခဲ့တယ်။
စားတာ၊ သွားတာ၊ နေတာ၊ ထိုင်တာ၊
လူမှုရေး၊ စီးပွါးရေး၊ နိုင်ငံရေး၊ ဘာသာရေး စတာတွေမှာ
ရဟန်းသံဃာတော်တွေက ရှေ့က ဦးဆောင်နိုင်ခဲ့တယ်။

အခုခေတ်ကျတော့ ပြောင်ပြန်ဖြစ်သွားပြီ။
အကိုးကွယ်ခံ ရဟန်းသံဃာများက နောက်လိုက်ဖြစ်ကုန်ပြီ။
ကိုးကွယ်ကြတဲ့ လူများက ရှေ့ဆောင်တွေ ဖြစ်ကုန်ပြီ။
ဆရာ၊ ဒကာ မဟုတ်တော့ဘဲ ဒကာ၊ ဆရာဖြစ်ကုန်ပြီ။

ဒီလိုဖြစ်သွားရခြင်းရဲ့ တစ်ခုသောအကြောင်းက
ဆရာဖြစ်တဲ့ရဟန်းသံဃာတော်များက
ခေတ်နဲ့အညီ မလိုက်နိုင်လို့။

မေးစရာရှိလာတယ်။
ရဟန်းသံဃာတော်ဖြစ်ပြီး ခေတ်နဲ့အမှီလိုက်စရာ လိုလို့လား။
ဒီမေးခွန်းမှာ အဖြေ (၂) မျိုးရှိပါတယ်။

နံပါတ် (၁) အဖြေက
တကယ်တမ်း နိဗ္ဗာန်လိုချင်လို့ ၀တ်လာပြီး နိဗ္ဗာန်သို့ ရှေးရှု
နိဗ္ဗာန်အတွက် တစိုက်မတ်မတ် ကျင့်နေသူအဖို့
ခေတ်အကြောင်းသိဘို့မလို၊ ခေတ်မှီဘို့ မလိုပါဘူး။
နိုင်ငံရဲ့ နိုင်ငံရေး၊ စီးပွါးရေး၊ လူမှုရေးစတဲ့အရေးတွေဟာ
သူနဲ့မဆိုင်ပါဘူး။ သူနဲ့ဆိုင်တာ နိဗ္ဗာန်ပဲရှိတယ်။
ဒီအတွက် သူသိရမှာက သူ့ရုပ်နဲ့ သူ့နာမ်ကိုပါ။
ဒီလိုသိပြီး သူ့ရုပ်နဲ့
သူ့နာမ်တို့ရဲ့ မမြဲမှုသဘော၊ ဆင်းရဲဖောက်ပြန်မှုသဘော၊ အစိုးမရတဲ့သဘောတွေကို
ဆင်ခြင်နှလုံးသွင်း ရှုမှတ်ပွါးများနေရုံသာဖြစ်တယ်။

နံပါတ် (၂) အဖြေက
ရဟန်းသံဃာတော့ ရဟန်းသံဃာပဲ။
ဒါပေမဲ့ သူ့ရဲ့ ပါရမီ မရင့်ကျက်သေးလို့ပဲပြောမလား။
လူကြားထဲမှာ သူလိုကိုယ်လိုနေနေသူအဖို့တော့
ခေတ်နဲ့အညီ ရင်ဘောင်တန်းနိုင်ဘို့၊ ခေတ်အကြောင်းသိဘို့လိုတယ်။
လူကြားထဲမှာ သူလိုကိုယ်လိုနေသူဆိုတာ
သံဃာ့နာယကဥက္ကဋ္ဌ ရာထူးလိုချင်တဲ့၊ ဘွဲ့ရချင်တဲ့၊ ကားလိုချင်တဲ့၊ တီဗွီလိုချင်တဲ့
စတာ စတာတွေကို လိုချင်တဲ့
မိမိအပါအ၀င် ယေဘုယျရဟန်းသံဃာတော်တွေကို ဆိုလိုတာပါ။

ဒီလိုရဟန်းသံဃာတော်များဟာ
ခေတ်စနစ်အခြေအနေကို သိရပါမယ်။
ခေတ်လူတွေကြားမှာ နေထိုင်ပြီး ခေတ်အကြောင်းမသိရင်
ခေတ်လူတွေအကြောင်းမသိရင်
အကိုးကွယ်ခံဖြစ်တဲ့ ခေတ်အကြောင်းမသိတဲ့
ထိုသို့သောရဟန်းသံဃာတော်တွေကို
ဘယ်လိုလုပ် ကိုးကွယ်ချင်ပါ့မလဲ။ လေးစားချင်ပါ့မလဲ။

ခေတ်လူတွေကြားမှာ နေထိုင်ပြီး ခေတ်လူတွေကို ဦးမဆောင်နိုင်ရင်
ထိုခေတ်လူတွေက ဘယ်လိုလုပ် လေးစားမလဲ။ ကိုးကွယ်မလဲ။

လူတွေသုံးတဲ့ခေတ်အသုံးအဆောင်ကိုကျတော့ အကုန်လိုက်သုံးချင်ပြီး
လူတွေလောက်မှ အသိဥာဏ်မရှိရင်၊
လူတွေလောက်မှ စားတာ၊ သွားတာ ပြောတာ စသည်တို့မှာ အဆင့်အတန်းမရှိရင်
ဘယ်လိုလုပ် ရှိခိုးပူဇော် ဖူးမျှော်မာန်လျှော့ချင်မလဲ။

ဘုန်းကြီးတွေ့ရင် ဦးသုံးကြိမ်ချဆိုလို့သာ ချလိုက်ရတယ်။
ဦးချရသူအဖို့ ဘယ်လိုလုပ်အားပါမလဲ။
ဘယ်လိုလုပ်အရသာရှိမလဲ။

ဦးချသူ အားပါဘို့၊ ဦးချသူ အရသာရှိဘို့
လူတွေကြားထဲမှာနေနေတဲ့ ဒို့တတွေ (ရဟန်းသံဃာတော်တွေ)
အစစအရာရာအသိရှိဘို့လိုပြီ။ ခေတ်အကြောင်းသိဘို့လိုပြီ။
ခေတ်မှီဘို့လိုပြီ။

ဒီလိုမှ မဟုတ်ရင်ဖြင့် ရဟန်းသံဃာတော်တွေ
နိုင်ငံရေးသမားက အသုံးချတာလဲ ခံရပါလိမ့်မယ်။
စီးပွါးရေးသမားက အသုံးချတာလဲ ခံရပါလိမ့်မယ်။
လူမှုရေးသမားက အသုံးချတာလဲ ခံရပါလိမ့်မယ်။
ဘာသာရေးသမား (ဂေါပက) ကလဲ အသုံးချတာ ခံရပါလိမ့်မယ်လို့ ဆိုချင်ပါကြောင်း။

Thursday, January 6, 2011

ရင်လေးမိတယ်


ဘုရားရှင်ကိုယ်တော်တိုင် တခြားဘာသာအပေါ်မှာ သဘောထားကြီးဘို့
လက်တွေ့ မျက်တွေ့ကျင့်သုံးသွားသလို
အသောကမင်းကြီးလဲ ကျင့်သုံးသွားခဲ့ပါတယ်။

မှန်ပါတယ်။ ဘယ်နိုင်ငံမှာရှိတဲ့ ဘယ်ဘာသာဝင်မဆို
မိမိတို့ယုံကြည်ရာကို လွတ်လွတ်လပ်လပ် ယုံကြည်ပိုင်ခွင့် ရှိသင့်ပါတယ်။
မိမိတို့ကိုးကွယ်ရာကို လွတ်လွတ်လပ်လပ် ကိုးကွယ်ပိုင်ခွင့်ရှိသင့်ပါတယ်။

မိမိတို့နဲ့ယုံကြည်ကိုးကွယ်ရာ မတူသူတွေကို
မိမိတို့ဘာသာဝင် မဟုတ်သူတွေကို
မနှိပ်ကွပ်သင့်ပါဘူး။ မရှုတ်ချသင့်ပါဘူး။
မကဲ့ရဲ့သင့်ပါဘူး။ ပျက်ရယ်မပြုသင့်ပါဘူး။

အရေးကြီးတာက (လုပ်ရမဲ့အလုပ်က) မိမိတို့ဘာသာဝင်တို့အချင်းချင်း
မိမိတို့ဘာသာတရားအဆုံးအမများကို မိမိတို့တတ်နိုင်သလောက်
ဖြန့်ဖြူးပေးဘို့ပါဘဲ။ မျှဝေပေးဘို့ပါဘဲ။

ဒီလိုဖြန့်ဖြူးမျှဝေဘို့အတွက်
မြန်မာနိုင်ငံဟာ
ဗုဒ္ဓဘာသာဝင်အများစုနေထိုင်တဲ့နိုင်ငံဖြစ်တော့
ဘာသာရေးလုပ်ကွက် (space) တွေ၊
ဘာသာရေးလုပ်ဖို့ အခွင့်အရေး (opportunity) တွေ၊
အခွင့်အလမ်း (chance) တွေ
တပုံတပင်ကြီး ရယူနိုင်ပါတယ်။

ဆိုကြပါစို့။
မြန်မာနိုင်ငံမှာ ဗုဒ္ဓဘာသာ ဘာသာရေးခေါင်းဆောင်တွေဖြစ်တဲ့
ရဟန်းသံဃာတော်တွေ သင်ကြားမှုနဲ့ ကျင့်ကြံမှုနှစ်ရပ်ကို
တပြိုင်နက်ထဲ လုပ်ဆောင်နေကြတယ်။
သိရသလောက်တော့ အခြားအခြားသောနိုင်ငံတွေက ရဟန်းသံဃာတော်တွေ
 မြန်မာနိုင်ငံက ရဟန်းသံဃာတော်တွေလောက် သင်ကြားမှုပိုင်းမှာရော
ကျင့်ကြံမှုအပိုင်းမှာပါ အားထုတ်မှု မရှိကြပါဘူး။

အားထုတ်မှု မရှိကြပါဘူးဆိုတာနဲ့စပ်လို့ သီဟိုဠ်လို့ခေါ်နေတဲ့
သီရိလင်္ကာနိုင်ငံမှာ (၂) နှစ်နေခဲ့တဲ့အတောအတွင်း
အဲ့နိုင်ငံက ရဟန်းသံဃာတော်တွေ ၀ီရိယ (အားထုတ်မှု) နည်းတာ
မျက်ဝါးထင်ထင်တွေ့မြင်ခဲ့ရတယ်။

အာပတ်ဖြေ ဒေသနာကြားပါဠိလေးတွေကိုတောင်
အာဂုံ (အလွတ်) မကျက်ကြတော့လောက်တဲ့အထိပါဘဲ။
အာပတ်ဖြေ ဒေသနာကြားခါနီးရင် အလွတ်မရလို့
အာပတ်ဖြေ ဒေသနာကြားစာအုပ်လိုက်ရှာရတာ အမောဘဲ။

ပြောချင်တာက
ကိုယ့်နိုင်ငံက ရဟန်းသံဃာတော်တွေ တကယ့်ကို
ကြိုးကြိုးစားစား သင်ကြားမှု ကျင့်ကြံမှုတွေမှာ အားထုတ်ကြတယ်၊
သူများနိုင်ငံထက် အများကြီးသာတယ်ဆိုတာကို ပြောချင်တာပါ။
ဒါပေမဲ့ ထိရောက်မှု (သူများနိုင်ငံထက် အများကြီး) နည်းနေတာကို တွေ့ရပါတယ်။
လူတွေရဲ့ နှလုံးသားထဲကို ရင်ထဲကို ဦးဏှောက်ထဲကို
ဘာသာရေးအဆုံးအမ ဘာသာရေးစိတ်ဓာတ် တစ်သက်လုံးကိန်းဝပ်သွားအောင်
ဘာသာရေးကို တစ်သက်လုံးစွဲမြဲသွားအောင် မလုပ်နိုင်သေးပါဘူး။
မလုပ်နိုင်သေးပါဘူးဆိုတာထက် မလုပ်ဖြစ်သေးဘူး၊ မလုပ်ကြသေးဘူးလို့ ပြောရင်
လွန်သွားမလား မဆိုနိုင်ဘူး။

ဒါကလဲ ငယ်စဉ်ကလေးဘ၀တုန်းကကတည်းက
သင်ကြားပြသပေးမှု နည်းခဲ့တာကိုး။
ဗုဒ္ဓဘာသာဝင်မိဘတွေက သူတို့ကလေးတွေကို
ဘုရား၊ ဘုန်းကြီးမြင်ရင် ဦးတော်လုပ်၊ သြကာသဆို၊
ဒါလောက်သင်ပေးနိုင်တာမို့လား။
ဘာကြောင့် ဦးတော်လုပ်ရတာလဲ၊ ဘာကြောင့် သြကာသဆိုရတာလဲဆိုတဲ့
ကလေးတွေရဲ့ စပ်စုမှုကို မိဘတွေ မဖြေနိုင်ကြဘူး။

ဒီလိုမျိုးအခြေအနေနဲ့ ကြီးပြင်းလာတဲ့ကလေးတွေဟာ
ဘာသာရေးဘယ်လိုမှ အခြေမခိုင်နိုင်ပါဘူး။
အရွယ်ရောက်လာလို့ အခြားဘာသာဝင်တစ်ဦးဦးနဲ့ သူငယ်ချင်းဖြစ်ရင်
ပေါင်းသင်းမိရင် အဲ့ဘာသာဝင်နောက် ပါသွားတော့တာပဲ။

ဒီတော့ မြန်မာနိုင်ငံက ဗုဒ္ဓဘာသာဝင်တွေမှာ ကလေးတွေဘာသာရေးဗဟုသုတရဘို့
သူတို့နှလုံးသားထဲ ဘာသာရေး တံဆိပ်ခပ်နိုင်ဘို့ လိုအပ်နေတယ်။
ကွက်လပ်ကြီးဖြစ်နေတယ်ဆိုပါတော့။
 ဒီကွက်လပ်ကြီးကို ဖြည့်ဆည်းဖို့ ဒို့ဘုန်းကြီးမှာပဲ တာဝန်ရှိတယ်လို့ ခံစားမိတယ်။

မြန်မာနိုင်ငံမှာ ရန်ကုန်၊ မန္တလေးတို့လို မြို့ကြီးတွေရဲ့ ရပ်ကွက်အသီးသီးမှာ
ရပ်ကွက်ဓမ္မာရုံတွေရှိတာ သတိထားမိတယ်။
ရပ်ကွက်ဓမ္မာရုံတွေကို သော့ခတ်ထားတဲ့ရက်နဲ့ သော့ဖွင့်တဲ့ရက်
ဘယ်ရက်က များမယ်လို့ ထင်သလဲ။
သောခတ်ထားတဲ့ရက်က များပါတယ်။
တံခါးပိတ်ထားတဲ့ရက်နဲ့ ဖွင့်တဲ့ရက် ဘယ်ရက်က များမယ်လို့ ထင်သလဲ။
တံခါးပိတ်ထားတဲ့ရက်က များပါတယ်။

ဒီလို ဓမ္မာရုံတွေကို ပိတ်ထားတဲ့ တံခါးတွေကို အမြဲတမ်းဖွင့်ထားနိုင်အောင် ကြိုးစားရမယ်။
ဒီအတွက် သက်ဆိုင်ရာ ဓမ္မာရုံတာဝန်ခံ ဂေါပကကို စည်းရုံးရမယ်၊ စည်းရုံးနိုင်ရမယ်။
တနင်္ဂနွေလိုနေ့မျိုး၊ ဥပုသ်နေ့လိုနေ့မျိုးတွေမှာ
ဓမ္မာရုံနဲ့ နီးစပ်ရာကျောင်းတွေက ဆရာတော်ထံ စာချဘုန်းကြီးလေးတွေ
ဓမ္မာရုံကို စေလွှတ်ပေးဘို့ လျှောက်ထားပြီး
ကလေးတွေကို စာသင်ပေးဘို့ လျှောက်ကြားရမယ်။

စာသင်တိုက်ဆရာတော် စာချဘုန်းကြီးများကလဲ
ကန်တော့ပွဲပါသည်ဖြစ်စေ၊ မပါသည်ဖြစ်စေ
ကလေးတွေကို စာသင်ပေးသင့်တယ်။ စာသင်ပေးရမယ်။
ကန်တော့ပွဲပါမှ တရားဟောမယ်ဆိုတာ အင်မတန် သေးသိမ်တဲ့
အတွေးအခေါ် အယူအဆသာဖြစ်တယ်။
ဒီလိုပြုမူတာဟာ ဓမ္မကို ရောင်းစာတာနဲ့တူတယ်။
ဓမ္မကို trade လုပ်တာနဲ့တူနေတယ်။ Dhamma Business ပေါ့။

ကန်တော့ပွဲပါမှ တရားဟောပေးနိုင်မယ်၊ စာသင်ပေးနိုင်မယ်ဆိုရင်
နောင်အနှစ် (၅၀) လောက်မှာ ဗုဒ္ဓဘာသာခေါင်းဆောင်ဘုန်းတော်ကြီးများ
ကိုယ်စားဘို့ လယ်ထဲ ကိုယ့်ဟာကို ဆင်းထွန်ရမှာ မြေကြီးလက်ခတ်မလွဲပါဘဲ။
ဘာ့ကြောင့်လဲ။
ဘာသာအဆုံးအမနည်းပြီး ဘာသာရေးခေါင်ဆောင်ဖြစ်တဲ့ ရဟန်းသံဃာတော်တွေရဲ့
ကျေးဇူးတရားကို ဘယ်လိုမှ သူတို့တတွေ ခံစားလို့ ရမှာ မဟုတ်တော့လို့ပါ။

ဒါနဲ့စပ်လို့ တွေ့ကြုံခဲ့တာလေးကို သတိရမိလို့ ပြောပြပါရစေ။
တစ်နေ့သော မနက်ခင်း အရုဏ်ဆွမ်း (အာရုံဆွမ်း) ဘုဉ်းပေးပြီး
ရန်ကုန်၊ စွယ်တော်ဘုရားနား
သူငယ်ချင်းဦးဇင်းတစ်ပါးနဲ့ လမ်းလျှောက်ထွက်ဖြစ်တယ်။
အတော်လေးလျှောက်လာပြီး
ရှေ့ ဂိုက် ၁၀၀ ခန့်လောက်မှာ ဒကာမနှစ်ယောက်
စကားများရန်ဖြစ်နေကြတာကို ခပ်သဲ့သဲ့ကြားရတယ်။
လမ်းလျှောက်နေကြဆိုတော့ ဆက်လျှောက်မှပဲ၊ ဒို့ သူတို့နားရောက်သွားရင်တော့
စကားများ ရန်ဖြစ်နေတာ ရပ်တန်ကောင်းပါရဲ့လို့ နှလုံးသွင်းပြီး ဆက်လျှောက်သွားတာ၊
သူတို့အနီးနား ရောက်ခါမှ မကြားဝံ့မနာသာ ဆဲဆိုတာ ပိုတောင် ကျယ်လာပါသေးတယ်။

ဒါလေးက အသေးအဖွဲလေးဆိုပေမဲ့ စဉ်းစားရင် အတော်ရင်လေးစရာကောင်းတယ်။
ကိုရင်ဘ၀လောက် အချိန်တွေတုန်းကဆိုရင်
(လွန်ခဲ့တဲ့ နှစ် ၂၀ လောက်ကဆိုရင်)
ဒကာတွေပဲ ဖြစ်ဖြစ်၊ ဒကာမတွေပဲဖြစ်ဖြစ် ရန်ဖြစ်စကားများနေတုန်း
ရဟန်းသံဃာတစ်ပါးပါး သူတို့အနားရောက်သွားရင်
ရန်ဖြစ်နေတာ စကားများနေတာ ရပ်သွားကြတယ်။
ပြီးမှ ဆက်ဖြစ်ချင်ဆက်ဖြစ်မယ်။
ဒါက ရဟန်းသံဃာကို ရိုသေသမှု ပြတာပဲ။ ရိုသေသမှုပြခြင်း တစ်မျိုးပဲ။

အခုတော့ ဒီလိုမဟုတ်ပြီ။
ရဟန်းသံဃာတော်တွေအပေါ် လေးစားမှု လျော့နည်းလာပြီ။
နောင်အနှစ် ၂၀ ဆို ဘယ်လိုဖြစ်ကုန်မလဲ၊ ရင်လေးစရာပင်။

ဒါမျိုးတွေကို သေချာလေ့လာပြီး
လွန်ခဲ့တဲ့အနှစ် ၁၀ နှစ်က အခြေအနေ၊ နှစ် ၂၀ က အခြေအနေတွေကို
စစ်တမ်းကောက်သင့်ပါတယ်။ စာတမ်းရေးသင့်ပါတယ်။

ဒါနဲ့စပ်လို့ မလေးရှားက တရုတ်ဗုဒ္ဓဘာသာဝင်တွေ
အားကျဘို့ကောင်းပါတယ်။ အတုယူသင့်ပါတယ်။
မလေးရှားမှာ ဗုဒ္ဓဘာသာအဖွဲ့ချုပ်ဆိုတာရှိပါတယ်။
တစ်နှစ်တစ်ခါ တရုတ်ဗုဒ္ဓဘာသာဘုန်းကြီးကျောင်းတွေကို အစီရင်ခံစာတွေပို့တယ်။

ဥပမာ ဆိုကြပါစို့။
၂၀၁၀ မှာ တရုတ်ထဲက ဗုဒ္ဓဘာသာကနေ ခရစ်ယန်ဘာသာကို ဘယ်နှစ်ဦးပြောင်းသွားတယ်။
ခရစ်ယန်ကနေ ဗုဒ္ဓဘာသာကို ဘယ်နှစ်ဦးပြောင်းလာတယ်။
ဗုဒ္ဓဘာသာ သေဆုံးသူဦးရေ ဘယ်လောက်၊ မွေးဖွားလာသူ ဘယ်လောက်၊
လွန်ခဲ့တဲ့ ၁၀ နှစ်က ဗုဒ္ဓဘာသာအခြေအနေ ဘယ်လို၊ အခု ဘယ်လို၊
ကျောင်းတွေ တိုးပွါးလာမှု၊ ဆုတ်ယုတ်မှုစသည်ဖြင့်
အတက်အကျ အတိုးအဆုတ်ကို စနစ်တကျ ဇယားနဲ့ဖော်ပြပြီး
ဘာ့ကြောင့် တိုးလာသလဲ၊ ဘာ့ကြောင့် ဆုတ်ယုတ်သွားသလဲလို့ အကြောင်းရှာတယ်။
ဗုဒ္ဓဘာသာတွေ့ဆုံပွဲတွေ ကျင်းပပြီး မိမိတို့ ပတ်ဝန်းကျင်
အခြေအနေအရပ်ရပ်ကို တင်ပြကြတယ်။

ဒါမျိုးဒို့နိုင်ငံ မြန်မာပြည်မှာလဲ လုပ်သင့်တယ်။ လုပ်ရမယ်။
သံဃာ့နာယကတွေက အခြားအလုပ်တွေထက် ဒီအလုပ်ကို
အထူးအလေးပေးလုပ်ဆောင်ပေးသင့်ပါတယ်။