Tuesday, November 30, 2010

Not Correct (မမှန်ဘူး)


Many people think that to be a good Buddhist
one must have absolutely nothing to do with the materialistic life.

This is not correct.

What the Buddha teaches is
that while we can enjoy material comforts
without going to extremes,
we must also conscientiously develop
the spiritual aspects of our lives.

While we can enjoy sensual pleasures as laymen,
we should never be unduly attached to them to the extent
that they hinder our spiritual progress.

Buddhism emphasizes the need
for a man to follow the Middle Path.

What Buddhists Believe by K.Sri Dhammananda P:144

Monday, November 29, 2010

ထင်မိထင်ရာ (၄)


 အမ္ဗပါလီ

ထိုခေတ်ထိုအခါက လိစ္ဆ၀ီမင်းများ သဘောထားမကြီးမှုကြောင့်
အတ္တကြီးမားမှုကြောင့်
ခပ်ရိုင်းရိုင်းပြောရရင် အဝေမတည့်မှုကြောင့်
အမ္ဗပါလီအမျိုးသမီး ပြည့်တန်ဆာဘ၀သို့ရောက်သွားရတယ်။
အမ္ဗပါလီကို ပြည့်တန်ဆာလုပ်ခိုင်းပြီး သူမွေးခဲ့တဲ့နေရာဖြစ်တဲ့
(သူ့ကိုတွေ့ခဲ့တဲ့နေရာဖြစ်တဲ့) သရက်ခြံကိုလဲ လက်ဆောင်အဖြစ် အပိုင်စားပေးလိုက်တယ်တဲ့။

လူတိုင်း သူနဲ့မပျော်ပါးနိုင်အောင် သူနဲ့ပျော်ပါးခကြေးငွေကို
အမြင့်ကြီးသတ်မှတ်လိုက်တယ်။
အဲ့ဒီခေတ်အဲ့ဒီအခါတုန်းက သူနဲ့တစ်ခါပျော်ပါးလိုရင် အသပြာတစ်ရာပေးရသတဲ့။
အဲ့ဒီခေတ် အဲ့ဒီအချိန်က ငွေအသပြာတစ်ရာဟာ အတော်တန်ဘိုးကြီးဆိုဘဲ။
အသပြာတစ်ရာဟာ အင်မတန်မြင့်တဲ့ဈေးနှုန်းလို့ဆိုတယ်။
အခြေခံလူတန်းစား အလယ်အလတ်တန်းစားတွေ
အနားမသီနိုင်တဲ့ဈေးနှုန်းလို့ဆိုတယ်။

အဲ့ဒီခေတ် အဲ့ဒီအချိန်က ငွေအသပြာတစ်ရာကို
မြန်မာငွေကြေးနဲ့တော့ နှိုင်းယှဉ်ပြီး မစဉ်းစားနဲ့ပေါ့။
မြန်မာငွေဆိုလို့ မြန်မာပြည်က လောလောလတ်လတ်ရောက်လာတဲ့
သူငယ်ချင်း ဆရာတော်တစ်ပါးက မြန်မာငွေကြေးအကြောင်း တစ်စွန်းတစ်စပြောပြတယ်။
မြန်မာပြည်မှာ မြန်မာငွေ အလွန်ဖောင်းပွနေကြောင်း၊
ဖောင်းပွနေတယ်ဆိုပေမဲ့ လူအများစုလက်ထဲမှာတော့ ဖောင်းပွမနေကြောင်း၊
ဖောင်းတော့ ဖောင်းပွနေကြောင်းပြောပြပါတယ်။

ဒါ့အပြင် ငွေစက္ကူတွေကလဲ ညစ်ပတ်စုတ်ပြတ်နေလို့
ပလတ်စတစ်အိပ်လေးတွေနဲ့ ထည့်ပြီး သုံးနေရကြောင်း၊
ဒီလိုအဆင့်အထိရောက်နေပေမဲ့
လူအများစုဟာ နားလည်မှုပေးပြီး ညစ်ပေစုတ်ထေးနေတဲ့
ငွေစက္ကူလဲလှယ်သုံးစွဲတဲ့အပေါ်မှာ
အချင်းချင်း မငြိုငြင် မညည်းညူကြကြောင်း ပြောပြပါတယ်။

ဆက်ပြောတာက
ဒီလို အခြေအနေမျိုးမှာ
အိမ်တစ်အိမ်မှာ မိခင်တစ်ဦးက ၂၀၀ တန်ငွေစက္ကူအသစ်တစ်ရွက်ကို
သူ့ခလေး ကျောင်းသွားခါနီး မုန့်ဘိုးထုတ်ပေးတာ
ငွေစက္ကူအတုကြီးထုတ်ပေးရမလား ဆိုပြီး
မိခင် လုပ်သူကို မြည်တွန်တောက်တီး ပြန်လည်ပြောဆိုကြောင်း
ငွေစက္ကူအသစ်ကို ငွေစက္ကူအစစ်မထင်တော့ကြောင်း
သူငယ်ချင်းက သူတွေ့ခဲ့တဲ့ သူကြားခဲ့တဲ့
မြန်မာပြည်မှာ ဖြစ်နေတဲ့ ငွေစက္ကူဗဟုသုတကို ဖြန့်ဖြူးပါတယ်။

ရှိစေတော့။
အမ္ဗပါလီဟာ ပြည့်တန်ဆာပင်ဖြစ်လင့်ကစား
ဘုရားရှင်ကို အင်မတန်ကြည်ညိုတယ်။ ရိုသေကိုင်းရှိုင်းတယ်တဲ့။

တစ်နေ့
ဘုရားရှင်နဲ့သံဃာတော်များ ဝေသာလီကြွလာတာတယ်။
အမ္ဗပါလီရဲ့ သရက်ခြံထဲမှာ သီတင်းသုံးနေထိုင်နေတယ်။

ဒီသတင်းရတော့
အမ္ဗပါလီ ဘုရားရှင်ထံ ချက်ချင်း ထသွားတယ်။
တရားတော်များနာကြားတယ်။
နောက်နေ့အတွက် အဆင်ပြေမယ်ဆိုရင် ဆွမ်းကပ်လိုကြောင်း
တစ်လက်စတည်း လျှောက်ထားလိုက်တယ်။
ဘုရားရှင်ကလဲ အမ္ဗပါလီရဲ့ လျှောက်ထားချက်ကို လက်ခံလိုက်ပါတယ်။
အမ္ဗပါလီ အတော်လေးကို ၀မ်းသာသွားတယ်။

အမ္ဗပါလီလိုပဲ လိစ္ဆ၀ီမင်းသားတွေလဲ ဘုရားရှင် ဝေသာလီပြည်ရောက်လာပြီး
သရက်ခြံထဲမှာ သီတင်းသုံးနေနေတယ်ဆိုတာသိရတော့ သွားကြတယ်။

အမ္ဗပါလီလိုပဲ လိစ္ဆ၀ီမင်းသားတွေကလဲ ဘုရားရှင်ကို
နောက်နေ့အတွက် ဆွမ်းကပ်လိုကြောင်း လျှောက်ပါတယ်။

ဒါပေမဲ့ ပြည့်တန်ဆာမ ဖြစ်တဲ့ အမ္ဗပါလီက အရင်လျှောက်ပြီးသားဖြစ်လို့
လိစ္ဆ၀ီမင်းသားတွေ ကပ်မဲ့ဆွမ်းကို ငြင်းဆိုလိုက်ပါတယ်။

စဉ်းစားကြည့်ရင်
ပြည့်တန်ဆာမ ကပ်မဲ့ဆွမ်းနဲ့ မင်းညီမင်းသားတွေကပ်မဲ့ဆွမ်း
မင်းညီမင်းသားတွေကပ်မဲ့ဆွမ်းက ပိုကောင်းလောက်ပါတယ်။
ဖွယ်ဖွယ်ရာရာပိုဖြစ်လောက်ပါတယ်။

ဒါပေမဲ့ အရင်လျှောက်တဲ့သူကို ဘုရားရှင် ဦးစားပေးခဲ့ပါတယ်။
မျက်နှာကြီးရာ ဟင်းဖတ်မပါခဲ့ပါဘူး။

ဒါ့ကြောင့် ဘုရားရှင်ရဲ့တပည့်သား သံဃာတွေဖြစ်တဲ့
ကိုယ်တို့တတွေက ဘုရားရှင်ကျင့်သုံးခဲ့သလို
ဘုရားရှင်နည်းတူ ကျင့်သုံးသင့်ပါတယ်။

လိစ္ဆ၀ီမင်းသားတွေ ဘုရားရှင်ကိုလဲ ပင့်လို့မရရော၊
အမ္ဗပါလီနောက်ကို လိုက်ကြပါတယ်။
မနက်ဖန်အတွက် သူတို့ဘဲ ဘုရားရှင်နဲ့ သံဃာတော်တွေကို
ဆွမ်းကပ်ပါရစေလို့ အမ္ဗပါလီကို ပြောပါတယ်။
ဒါကို အမ္ဗပါလီ လက်မခံပါဘူး။

အသပြာတစ်သိန်းပေးပါ့မယ်၊ မနက်ဖန် သူတို့ဘဲ ဆွမ်းကပ်ပါရစေလို့
လိစ္ဆ၀ီမင်းသားတို့က အမ္ဗပါလီကို ငွေနဲ့ စည်းရုံးပြန်ပါတယ်။
မရပါဘူး။ အမ္ဗပါလီရဲ့ စေတနာသဒ္ဓါတရားက ခိုင်မာပြတ်သားပါတယ်။
ခပ်ပြတ်ပတ်ပြောဆိုပြီး မောင်းထုတ်လိုက်ပါတယ်။

ကုတ်ကုတ် ကုတ်ကုတ်နဲ့ထွက်သွားပြီး
ဇိတမှ ၀တ ဘော အမ္ဗကာယာ -
ဟေ့ကောင်တွေ၊ ဒီတစ်ချီတော့ ငါတို့ကို မိန်းမသားက အနိုင်ယူသွားပြီကွ လို့
ပြောဆိုကာ ထွက်ခွါသွားကြတယ်။

ဒီနေရာမှာ သတိပြုမိတာက
မျက်နှာကြီးရာ ဟင်းဖတ်မပါတတ်တဲ့
 ဒို့ဘုရားရှင်ရဲ့ ဂုဏ်ထူးဝိသေသကို တွေ့ရပါတယ်။

နောက် ဘုရားရှင်ကို ဆွမ်းကပ်ခွင့်ရဘို့အရေး
ငွေအသပြာတစ်သိန်းကြီးများတောင် ပေးပြီး
အမ္ဗပါလီထံက တောင်းဆိုခဲ့တဲ့ လိစ္ဆ၀ီမင်းညီမင်းသားတို့ရဲ့
ဘုရားရှင်အပေါ် စေတနာ သဒ္ဓါတရားထက်သန်ပုံကိုလဲ တွေ့ရမှာဖြစ်ပါတယ်။

တစ်ခါပျော်ပါးခ အသပြာ တစ်ရာရတဲ့
ပြည့်တန်ဆာအမ္ဗပါလီ၊
အသပြာတစ်သိန်းပေးတာတောင်
ဘုရားရှင်နဲ့ သံဃာတော်တွေကို ဆွမ်းကပ်ဖို့အခွင့်အရေး
လက်လွှတ် အဆုံးရှုံးမခံနိုင်သူ။

ခြုံကြည့်လိုက်ရင်
အားလုံးဟာ ချီးကျူးစရာ စံပြပုဂ္ဂိုလ်တွေချည်းဘဲ။

အမ္ဗပါလီအတွက် ဒါတင်မကပါဘူး။
အမ္ဗပါလီဟာ ဘုရားရှင်ကို အလွန်ကြည်ညိုသူဖြစ်လာပြီး
သူ့သရက်ခြံထဲမှား ကျောင်းဆောက်လှူဒါန်းပါတယ်။
အလှူရေစက် လက်နဲ့မကွာ ဖြစ်လာပါတယ်။

နောက်ပိုင်း အမ္ဗပါလီမှာ သားတစ်ယောက်ထွန်းကားပါတယ်။
အဲ့ဒီသားတော်လဲ အရွယ်ရောက်တော့ ရဟန်းဘောင်ရောက်လာပါတယ်။
သားတော်ရဟန်းရဲ့ ဟောပြောပြသမှုကြောင့်
မယ်တော်အမ္ဗပါလီ ရဟန်းမ ၀တ်ဖြစ်လာပါတယ်။
နောက်ဆုံးတရားဘာဝနာ အားထုတ်ရင်း
ရဟန္တာမကြီးဖြစ်သွားပါတယ်။

တိုတောင်းလှတဲ့ တခဏတာဘ၀လေးမှာ
မြန်ဆန်ကြီးမားလွန်းတဲ့ အပြောင်းအလဲတွေ
တွေ့ခဲ့ရတဲ့အမ္ဗပါလီဘ၀ကို တွေးမိသလို ရေးမိတာပါ။

Sunday, November 28, 2010

ထင်မိထင်ရာ (၃)


အမ္ဗပါလီ

သရက်ခြံစောင့်တဲ့သူလာတော့ အမ္ဗပါလီကို အိမ်ခေါ်သွားပြီး
မွေးမြူစောင့်ရှောက်ထားတယ်။
အရွယ်ရောက်လာတော့ အဲ့နေရာ အဲ့ဒေသမှာ ကြီးစိုးနေတဲ့
လိစ္ဆ၀ီမင်းသားတွေထံ ဆက်သလိုက်တယ်။

အမ္ဗပါလီက အတော်ချောမောလှပတယ်တဲ့။
ဆိုတော့ အဲ့နေရာမှာ ကြီးစိုးတဲ့ လိစ္ဆ၀ီမင်းသားတွေက
သူလိုချင် ငါလိုချင် သူလက်ထပ်ချင် ငါလက်ထပ်ချင်ဖြစ်ကုန်ရော။
ဘယ်လိုမှ ထိန်းမနိုင် သိမ်းမရဖြစ်နေတော့
နောက်ဆုံး တရားသူကြီးက အမ္ဗပါလီကို ပြည့်တန်ဆာအရာမှာ ထားလိုက်ပြီး
အလှည့်ကျ သုံးဆောင်စေဆိုပြီး စီရင်ချက်ချလိုက်တယ်။

ဆိုတော့
အမ္ဗပါလီ ပြည့်တန်ဆာဘ၀ရောက်သွားရခြင်းဟာ
ထိုခေတ် ထိုအခါက လူမှုရေးအခြေအနေ၊ နိုင်ငံရေးအခြေအနေကြောင့် ဖြစ်တယ်။
သူ ပြည့်တန်ဆာဘ၀ မရောက်ချင်ဘဲ ရောက်သွားရခြင်းဖြစ်တယ်။
မရောက်သင့်ဘဲ ရောက်သွားရခြင်းဖြစ်တယ်။

ကိုယ့်နိုင်ငံတွင်းမှာလဲ ဒီလိုဘ၀မျိုး မရောက်ချင်ဘဲ မရောက်သင့်ဘဲ
ရောက်ကုန်ကြတာ အတော်များနေပြီလို့ သိရပါတယ်။
ကိုယ့်နိုင်ငံ ကိုယ့်အမျိုးသမီးတွေ အိမ်နီးချင်းထိုင်းနိုင်ငံမှာလဲ
ဒီလိုဘ၀မျိုးမရောက်ချင်ဘဲ မရောက်သင့်ဘဲ ရောက်နေကြတာ ဒုနဲ့ဒေးဆိုဘဲ။

ဟိုးအရင်တုန်းက ဂုဏ်သိက္ခာရှိရှိ ဣနြေ္ဒရရ ကိုယ့်နိုင်ငံတွင်းမှာ
နေထိုင်စားသောက်လုပ်ကိုင်လာခဲ့တဲ့ ကိုယ့်အမျိုးသမီးတွေ
ဘာဖြစ်လို့ ဒီလိုဘ၀မျိုး ရောက်သွားကြရတာလဲ။
ဒီလိုဘ၀မျိုးရောက်သွားရခြင်းရဲ့ အကြောင်းတရားက ဘာလဲ။
တရားခံက ဘယ်သူလဲ။

ဒါတင်မကဘူး။
ကိုယ်နေနေတဲ့ဒီနိုင်ငံမှာတောင် ကိုယ့်နိုင်ငံက အမျိုးသမီးတွေ
အတော်အခြေအနေဆိုးနေပြီဆိုတာ ကြားနေရတယ်။
ဒီအကြောင်းကို ဘလော့ဂ်တစ်ခုထဲမှာတောင်
ဒီလိုခေါင်းစဉ်နဲ့ ဒီလိုရေးထားတာ တွေ့လိုက်ရတယ်။

ပြည်ပရောက် မြန်မာအမျိုးသမီးစက်ရုံဝန်ထမ်းအများစု
မိဘမျက်ကွယ်တွင် ပျက်စီးမှုများရှိလာ

အမိနိုင်ငံနှင့် ကင်းကွာ၍ ပြည်ပနိုင်ငံများတွင်
သွားရောက်အလုပ်လုပ်ကိုင်လျက်ရှိသော မြန်မာအမျိုးသမီးစက်ရုံ ၀န်ထမ်းအများစုမှာ
မိဘမျက်ကွယ်တွင် ပျက်စီးမှုများရှိလာကြောင်း သိရသည်။

ဒီကိုရောက်နေတဲ့ မြန်မာအမျိုးသမီးတွေ၊
အထူးသဖြင့် စက်ရုံ၊ အလုပ်ရုံတွေမှာ အလုပ်လုပ်နေတဲ့ မိန်းကလေးတွေပေါ့။
တချို့ ဆို မြန်မာပြည်မှာ အိမ်ထောင်ရှိကြလည်း ဒီရောက်ရင်ထပ်ပြီးတော့
Living together ပုံစံမျိုးအတူနေတာတွေရှိနေတယ်၊

ဒီမှာတော့ ပေါင်းသင်းကြပြီး ပြန်သွားတော့လည်း
ဘာမှမဆိုင်တော့သလိုမျိုးတွေရှိတယ်။

မြန်မာအမျိုးသမီးဆိုတဲ့ ဂုဏ် သိက္ခာကို မထိန်းသိမ်းကြတော့ဘူး။
တချို့ ဆို ကိုယ်ဝန်ရလာတယ်။ ဒီတော့မှ မြန်မာပြည်ပြန်တာတွေရှိတယ်၊
မိဘတွေကတော့ စိတ်ချလက်ချလွှတ်လိုက်တာပဲ။
ဒါပေမယ့် ကျွန်တော်တို့ပတ်ဝန်းကျင်မှာရှိတဲ့ မိန်းကလေးအများစုက
ပျက်စီးနေတာ တွေ့နေတယ်ဟု မလေးရှားနိုင်ငံတွင်
အလုပ်သွားရောက်လုပ်ကိုင်နေသူ ကိုမင်းဦးမျိုးက ပြောပြသည်။

ပြည်ပနိုင်ငံများတွင် မြန်မာနိုင်ငံမှ သွားရောက်အလုပ်လုပ်ကိုင်ကြသော
အမျိုးသမီးများမှာ ဟိုတယ်များ၊ စက်ရုံ အလုပ်ရုံများ၊ အိမ်အကူများ၊
စားသောက်ဆိုင်များတွင် လုပ်ကိုင်ခြင်းကပိုများကြောင်း
ပြည်ပအလုပ်အကိုင်အေဂျင်စီများက သိရသည်။

ပြည်ပကိုသွားတဲ့ မိန်းကလေးတွေက
အသက် ၂၃လောက်ကနေ ၃၈နှစ်ဝန်းကျင်ကများတယ်။
ကျွန်တော်တို့က သူတို့ကလျှောက်ရင်
သင့်တော်တဲ့ကုမ္ပဏီတစ်ခုခုနဲ့ ချိတ်ပေးတယ်။
အများစုကတော့ အိမ်အကူပိုင်းနဲ့
ဟိုတယ် Management ပိုင်းအတွက်သွားကြတယ်။
အလုပ်အတွက်ကတော့ အဆင်ပြေဖို့ တာဝန်ယူပေမယ့်
သူတို့ရဲ့ Biography ပိုင်းကိုတော့ ၀င်မစွက်ဖက်ဘူး။
မဆိုင်ဘူးလို့ ယူဆလို့ပါဟု ပြည်ပအလုပ်အကိုင်လက်မှတ်ရ
အေဂျင်စီတစ်ခုကပြောသည်။

ကျွန်မနဲ့ အလုပ်အတူလုပ်တဲ့အမျိုးသမီးဆိုရင် နယ်ဘက်ကလာတာ၊
သူနဲ့သူကောင်လေးက ကြိုက်တာသုံးနှစ် လောက်ရှိပြီတော့ ပြောတယ်။
တိုက်ခန်းတစ်ခုတည်း အတူနေတယ်၊
ကောင်လေးကို လက်ထပ်ဖို့ပြောတော့ ရှောင်နေတယ်။ စကားလွှဲတယ်၊
နောက်အိမ်ခဏပြန်မယ်ဆိုပြီး သွားလိုက်တာပြန်မလာတော့ဘူး။
မြန်မာအမျိုးသမီးတွေအနေနဲ့ ကိုယ့်ကို ကိုယ်ချစ်သူဘ၀မှာ
တန်ဖိုးထားသင့်တယ်။ စည်းတစ်ခုအတွင်းမှာပဲ ရှိသင့်တယ်။
ဘောင်မကျော်သင့်ဘူးဟု
လှိုင်မြို့ နယ်နေ မသင်းသင်းလှိုင်က ပြောပြသည်။

မိဘများအနေဖြင့် ငွေတစ်ခုတည်းကိုမကြည့်ဘဲ
မိမိသားသမီးအဆင့်အတန်း၊
ဂုဏ်သိက္ခာကို ငဲ့သင့်ကြောင်း၊ မြန်မာ အမျိုးသမီးများအနေနှင့်လည်း
မိမိကိုယ်ကို အလေးထားသင့်ကြောင်း၊
မြန်မာနိုင်ငံတွင် အစဉ်အလာအရ
နှစ်ဖက်မိဘသဘော တူညီပြီးမှသာ
ပုဆိုးတန်းတင်အကြင်လင်မယားအရာကို သတ်မှတ်သည့်အတွက်
ချစ်သူစုံတွဲများအနေဖြင့် အစဉ်အလာကို တန်ဖိုးထားသင့်ကြောင်း
ယဉ်ကျေးမှုတက္ကသိုလ်မှ ပါမောက္ခတစ်ဦးက အကြံပြုပြောကြားသည်။

@foreverfriends

Saturday, November 27, 2010

ထင်မိထင်ရာ (၂)


အမ္ဗပါလီ

အမ္ဗပါလီရဲ့ ဘ၀က စိတ်ဝင်စားစရာကောင်းသလို
စိတ်လှုပ်ရှားစရာလဲ ကောင်းပါတယ်။

အမ္ဗပါလီမှာ အဖေလဲ မရှိဘူး။ အမေလဲ မရှိဘူး။
တခြားလူသားတွေလို အမိဝမ်းတွင်းမှာ
ပဋိသန္ဓေတည်ပြီး မွေးဖွားလာတဲ့သူမဟုတ်ဘူးတဲ့။
သစ်ပင်၊ ကြာတိုက်စတဲ့ စိမ်းစိုတဲ့ အရာတွေကို အမှီပြုပြီး
တဖြေးဖြေးကြီးထွားလာကာ
၁၆ နှစ်သားအရွယ် လူထင်ရှားဖြစ် မွေးဖွားလာတာကို
ဥပပတ်ပဋိသန္ဓေလို့ ခေါ်တယ်။
အမ္ဗပါလီဟာ ဒီ ဥပပတ် ပဋိသန္ဓေနဲ့ မွေးဖွားလာသူဖြစ်တယ်ဆိုဘဲ။

စာပေလာအရပြောရရင်
အမ္ဗပါလီဟာ အရင့်အရင်ဘ၀တွေတုန်းက
ကုသိုလ်ကောင်းမှု မြောက်များစွာပြုလုပ်ခဲ့ပြီး
တစ်ခုသောဘ၀မှာ ရဟန်းမ (ဘိက္ခုနီ) တောင် ၀တ်ခဲ့ဘူးတယ်။
ရဟန်းမဘ၀တုန်းက စေတီတစ်ဆူကို သွားရောက်ဖူးမျှော်ပါတယ်။

စေတီယင်ပြင်ပေါ်မှာ ရဟန္တာမကြီးတစ်ပါး ချောင်းဆိုးရင်း
အမှတ်မထင် လွင့်စင်ကျသွားခဲ့တဲ့
သလိပ်ခဲကို (အမ္ဗပါလီဖြစ်မဲ့) ရဟန်းမက တွေ့တော့
`ဒီယင်ပြင်ပေါ်မှာ သလိပ်ခဲကို ဘယ်ပြည့်တန်ဆာမက ထွေးပစ်ခဲ့ရတာလဲ´လို့
ဆဲဆိုမည်တမ်းခဲ့ဘူးလို့
အခု အမ္ဗပါလီဘ၀မှာ ပြည့်တန်ဆာလာဖြစ်ရတာလို့ဆိုပါတယ်။

ဒါပေမဲ့
အမ္ဗပါလီလောင်း ရဟန်းမဟာ အဲ့ဘ၀တုန်းက ရဟန်းမကျင့်ဝတ်ဖြစ်တဲ့ သီလကို
ကောင်းကောင်းမွန်မွန်စောင့်ထိန်းကျင့်ကြံနေထိုင်ခဲ့ပြီး
`နောက်နောင်သော ဘ၀တွေမှာ အမိဝမ်းထဲမှာ ပဋိသန္ဓေ မနေရသည့်သူ ဖြစ်ရပါစေ´
လို့ ဆုတောင်းခဲ့တယ်လို့ စာပေမှာဆိုပါတယ်။

ဒါ့ကြောင့်
အခုနောက်ဆုံးဘ၀ (အမ္ဗပါလီ ဘ၀) မှာလဲ
အမိဝမ်းထဲမှာ ပဋိသန္ဓေမနေရဘဲ သရက်ခြံထဲက
သရက်ပင်တစ်ပင်မှာ (ဥပပတ်) ပဋိသန္ဓေနဲ့ လူလာဖြစ်ရတယ်တဲ့။
ဒါ့ကြောင့်သူကို အမ္ဗပါလီ လို့နာမည်မှည့်ခေါ်ထားတာတဲ့။
အမ္ဗပါလီ = သရက်ပင်က စောင့်ရှောက်မွေးမြူလာသူလို့ ဘာသာပြန်ရမယ်ထင်တယ်။

ဒီနေရာမှာ စဉ်းစားစရာတွေ အများကြီး။
လူနဲ့ တိရိစ္ဆာန် အကြား မတူတဲ့အချက်က
စဉ်းစားတတ်တဲ့ဦးဏှောက် အကြီးအသေးကွာဟမှုဖြစ်ပါတယ်။

စဉ်းစားကြည့်မိတာက
အိန္ဒိယနိုင်ငံမှာ သုံးနှစ်ကျော် လေးနှစ်နီးပါးနေဘူးလာတော့
စာပေဗဟုဿုတတင်မကဘဲ အိန္ဒိယလူနေမှု ပတ်ဝန်းကျင်ဗဟုဿုတတွေပါ ရလာတယ်။

အိန္ဒိယနိုင်ငံမှာ ယနေ့ထက်တိုင် မိန်းခလေးမွေးရင် သိပ်မပျော်ရွှင်ကြဘူး။
အကြောင်းအမျိုးမျိုးကြောင့် သမီးမိန်းခလေးကို မလိုချင်ကြဘူး။
သားယောက်ကျားလေးကိုဘဲ လိုချင်ကြတယ်။

ဒါ့ကြောင့် အိန္ဒိယနေခဲ့တဲ့ ကာလအတောအတွင်း
သမီးမိန်းခလေး ကလေးပေါက်စလေးတွေကို ရထားသံလမ်းပေါ်မှာ
ခြုံပုတ်တွေထဲမှာ စွန့်ပစ်ခဲ့တဲ့အကြောင်းတွေကို
သတင်းစာတွေထဲမှာ မကြာခဏဖတ်ရပါတယ်။

ပွင့်လင်းတဲ့ ၂၁ ရာစုမှာတောင်
သားမွေးဖွားလာခြင်းကိုသာ မိဘတွေကတောင့်တလိုချင်ကြပြီး
သမီးမိန်းခလေးမွေးဖွားလာတာကို မနှစ်မြို့ကြဘူးဆိုတော့
ဘုရားရှင်လက်ထက်မှာဆိုရင် အခြေအနေက ဒီထက်ပိုဆိုးနိုင်ပါတယ်။

ဆိုတော့ ဒီအမ္ဗပါလီကို ဒီလိုအကြောင်းနဲ့များ
သရက်ခြံထဲ စွန့်ပစ်လေရော့သလားလို့ စဉ်းစားမိပါတယ်။
စဉ်းစားမိတာကို ပြောတာပါ။
တခြားသစ်ပင်ကမွေးဖွားလာတာတွေလဲ ဒီလိုဘဲ စဉ်းစားမိပါတယ်။

Friday, November 26, 2010

ထင်မိထင်ရာ (၁)


အမ္ဗပါလီ
ဗုဒ္ဓဘာသာဝင်အတော်များများ ဗုဒ္ဓဘာသာအကြောင်းစေ့စေ့ငုငု မသိပေမဲ့
ဗုဒ္ဓဘာသာစာပေထဲမှာပါတဲ့ နာမည်အတော်များများနဲ့ ရင်းနှီးကြတယ်။

ကျောင်းထဲမှာဆို
ဇေတ၀န်ကျောင်း၊ ဝေဠုဝန်ကျောင်း

ဘုန်းကြီးထဲမှာဆို
ရှင်အာနန္ဒာ၊ ရှင်သာရိပုတ္တရာ၊ ရှင်မောဂ္ဂလာန်

လူထဲမှာဆို
အနာထပိဏ်၊ ၀ိသာခါ၊

ရှင်ဘုရင်ထဲမှာဆို
ကောသလ၊ ဗိမ္ဗိသာရ
အကြောင်းစုံ အကုန်မသိပေမဲ့ ဒီနာမည်တွေနဲ့ရင်းနှီးပြီးသား။

ဒီ့အပြင် ဗုဒ္ဓဘာသာဝင်အတော်များများသိတဲ့သူ တစ်ယောက်ရှိသေးတယ်။
သူက အမ္ဗပါလီ

အမ္ဗပါလီကို ပြည့်တန်ဆာတစ်ယောက်လို့ အကြမ်းဖျင်းသိထားကြတယ်။

ပြည့်တန်ဆာ ဆိုတဲ့ဝေါဟာရကို အင်္ဂလိပ်လိုတော့
Prostitute, Courtesan လို့ဆိုတယ်။
အငယ်တုန်းက ဒီ Prostitute ကို
အင်္ဂလိပ်ဗန်းစကား (Slang) လို
44 လို့ ခေါ်ကြောင်း စာအုပ်တစ်အုပ်မှာ ဖတ်ဖူးတယ်။
ဘာကြောင့် ဒီလိုခေါ်ကြောင်း အကြောင်းတရားကို မသိရဘူး။

( ဒီ 44 နဲ့ စပ်လို့ ငယ်ငယ်တုန်းက အားကစားဂျာနယ်တစ်ဆောင်မှာ
ဖတ်ဖူးတာလေး ပြောရအုံးမယ်။
တစ်နေ့ ဘောလုံးအကျော်အမော် ဒေးဗစ်ဘက်ခမ်းဆိုသူ
တစ်နေရာသွားဘို့ ဘတ်စ်ကားစောင့်နေတယ်တဲ့။
သူသွားရမဲ့ခရီးကို ဘတ်စ်ကား အမှတ် (44)  စီးပြီး သွားရမှာတဲ့။

နာရီဝက်လောက်ကြာအောင် ဘတ်စ်ကားမှတ်တိုင်မှာ စောင့်နေပေမဲ့
သူစောင့်တဲ့ အမှတ် (44) ဘတ်စ် က ရောက်မလာဘူးတဲ့။
ခဏနေတော့ အမှတ် (22) ဘတ်စ်ကားရောက်လာတယ်တဲ့။

စောင့်ရတာ စိတ်မရှည်တော့တဲ့ ဘက်ခမ်း မထူးတော့ပါဘူးဆိုပြီး
အမှတ် (22) ဘတ်စ်ကားကို နှစ်ခါပြန်စီးပစ်တယ် တဲ့။
22 နှစ်ခါပြန်စီးတော့ 44 ဖြစ်သွားတာကိုး။
44 နဲ့ပတ်သက်လို့ ဒါလေးမှတ်မိလို့ ပြောပြတာပါ။)

ပြည့်တန်ဆာဆိုတာ ခန္ဓာကိုယ်ကိုအရင်းအနှီးပြုပြီး
မိမိခန္ဓာကိုယ်ကို ကာမဂုဏ်ပျော်ပါးလိုသူတို့ကို
တစ်ခဏတာ ရောင်းချတတ်သူ လို့အဓိပ္ပါယ်ဖွင့်ဆိုရမယ်ထင်ပါတယ်။

နောက်ပိုင်းတော့ ဒီမြန်မာစကားလုံးအတွက် ဗန်းစကားတွေ ထွက်ပေါ်လာပါတယ်။
ကြက်
ကြက်ဆိုတာ တိရိစ္ဆာန်သတ္တ၀ါ။
ကြက်ဆိုတဲ့သတ္တ၀ါမှာ အထီးရော အမရောရှိပေမဲ့
ဗမာဘန်းစကားမှာ အမ (လူမ) ကိုသာ ရည်ညွှန်းပါတယ်။
လူမ ဆိုတာတောင် ရိုးရိုးလူမ မဟုတ်တော့ဘူး။
ပြည့်တန်ဆာမ ဖြစ်သွားပါတယ်။
ဒီအမျိုးသမီးက ကြက် ဖြစ်တယ် လို့ပြောလိုက်ရင်
ဒီအမျိုးသမီးက ပြည့်တန်ဆာမ လို့နားလည်ရပါတယ်။

ဘဲ ဆိုတဲ့ဗမာ ဘန်းစကားရှိတယ်။
ဘဲဆိုတာလဲ တိရိစ္ဆာန်သတ္တ၀ါပါဘဲ။
ဘဲဆိုတဲ့သတ္တ၀ါမှာလဲ အထီးရော အမရောရှိပေမဲ့
ဗမာဘန်းစကားမှာ အထီး (လူထီး) ကိုသာ ရည်ညွှန်းပါတယ်။
ဒီနေရာမှာတော့ လူထီး ဆိုတာ ရိုးရိုးလူထီးပါ။
ပြည့်တန်ဆာထီး မဟုတ်ပါဘူး။

ဒီဘဲကြီးနဲ့အဆင်မပြေဘူး လို့ပြောရင်
ဒီလူကြီးနဲ့ အဆင်မပြေဘူးလို့ နားလည်ရပါတယ်။
ရှိစေတော့။

အမ္ဗပါလီနဲ့ဆက်စပ်ပြီး
ဗမာစကား ပြည့်တန်ဆာ ဆိုတာကို
နားလည်ခံစားမိသလောက် ပြောချင်တာပါ။

ပြည့်တန်ဆာဆိုတာ
 ပြည်ရဲ့ တန်ဆာ၊ တိုင်းပြည်ရဲ့ တန်ဆာ၊ တိုင်းပြည်ရဲ့ အသုံးအဆောင်၊
တိုင်းပြည်တစ်ပြည်မှာ ရှိသင့်ရှိထိုက်တဲ့ အင်္ဂါရပ်တွေထဲက အင်္ဂါရပ်တစ်ခု၊
တိုင်းပြည်တစ်ပြည်ရဲ့ လိုအပ်ချက်တစ်ခု။

ဆိုတော့
ပြည့်တန်ဆာ လို့ နာမည်လှလှလေးကို သုံးနှုန်းခြင်းဖြင့်
ဒီလုပ်ငန်းလုပ်တဲ့သူကို ဂုဏ်တင်ပေးရာရောက်ပါတယ်။
ဒီလုပ်ငန်းလုပ်တဲ့သူကို
ပြည့်တန်ဆာလို့ မြန်မာစကားတီထွင်ပေးခဲ့တဲ့သူကို ကျေးဇူးတင်ရမယ်။
အင်မတန် အစပ်အဟတ်တည့်တဲ့ နာမည်ဘဲ။

ဒါ့ကြောင့် ဒီပြည့်တန်ဆာဆိုတဲ့ဝေါဟာရကို
အခြားအကျည်းတန်တဲ့ စကားလုံးတွေ မသုံးဘဲ
ပြည့်တန်ဆာလို့ ခေါ်တာ အကောင်းဆုံးဘဲ လို့ယူဆတယ်။

ပြည့်တန်ဆာဆိုတဲ့ လှပတဲ့ဗမာစကားလိုဘဲ
ပါဠိစာပေမှာလဲ လှပတဲ့ ပါဠိစကားလုံးတွေ ရှိတယ်။

ပါဠိလို ပြည့်တန်ဆာကို
နဂရသောဘိနီ (မြို့ကို သာယာစေတတ်သူ)
ရူပူပဇီဝိနီ (ရုပ်အဆင်းနဲ့ အသက်မွေးဝမ်းကြောင်းသူ) တဲ့။

အတော်အသက်ဝင်တဲ့ စကားလုံးတွေဘဲ။

Wednesday, November 24, 2010

မျက်ရည်ကျတဲ့နေ့


ကဗျာဖွဲ့လည်း မပီ
စာချဲ့လည်း မမီတဲ့အရာ
အမေ့မေတ္တာပါ…။

တဲစုပ်မှာပဲအိပ်
ဖဲထုပ်လို မှောက်လိုက်လှန်လိုက်
လောကဓံက
ဘယ်လောက်ပဲပုတ်ပုတ်
မတုန်လှုပ်တာ
အမေပါ…။

“အသိရှားရင် ရှားပါစေ
အမေ့သားရှိရင်
ပီတိစားပြီး
အားရှိနေပါတယ်” လို့
အမေပြောခဲ့တုန်းက

ကျွန်တော်…
မျက်ရည်ကျခဲ့ဖူးပါတယ်။

မောင်ကိုရင်
၂၀၁၀ - သာသနာ့တက္ကသိုလ် (မန်း) နှစ်လည်မဂ္ဂဇင်း


Monday, November 22, 2010

ကထိန်အောင်ပွဲ


မလေးရှားနိုင်ငံ၊ ကွာလာလမ်ပူမြို့၊ ကပုန်းဒေသရှိ
သမ္မာသမ္ဗောဓိ (ကပုန်း) ကျောင်းတွင်
၁၃ ကြိမ်မြောက် စုပေါင်းမဟာဘုံကထိန်ပွဲတော်ကို
၁၃၇၂ - ခုနစ်၊ တန်ဆောင်မုန်းလပြည့် (၂၁၊ ၁၁၊ ၂၀၁၀) တနင်္ဂနွေနေ့ တွင်
စည်ကမ်းသိုက်မြိုက်စွာကျင်းပခဲ့သည်။

အစီအစဉ်အတိုင်း နံက် ၈ နာရီခွဲတွင် ပဒေသာပင်များနှင့်
လှူဖွယ်ပစ္စည်းများကိုင်ဆောင်ကာ စီတန်းလှည့်လည်ကြသည်။


ထို့နောက် ဆရာတော်ဒေါက်တာအရှင်ဣန္ဒက က ငါးပါးသီလချီးမြှင့်သည်။


ဒေါက်တာပညာသာမိ (ပီနန်း) က တရုတ်ဘာသာဖြင့်
ကထိန်အနုမောဒနာတရားဟောကြားကာ ရေစက်သွန်းချ အမျှပေးဝေသည်။


နေ့ဆွမ်းကို ၁၁ နာရီခွဲကာလတွင် ဘုန်းပေးကြသည်။


မွန်းလွဲ ၁ နာရီတွင် မြန်မာပရိသတ်တို့အတွက် ကထိန်အနုမောဒနာတရားကို
ဆရာတော်ဦးသီလာစာရ က ချီးမြှင့်သည်။


 ယင်းနောက် ပဒေသာပင်အလှူရှင်များက မိမိတို့ ပဒေသာပင်များကို ဆက်ကပ်လှူဒါန်းကြသည်။


ဒီကထိန်ပွဲတွင် သံဃာတော်အရှင်မြတ်များနှင့်
ကြွရောက်လာကုန်သော ဧည့်ပရိသတ်တို့အား
ဒံပေါက်ဆွမ်းထမင်းဖြင့် တည်ခင်းဧည့်ခံပေးသော
ခမ်းမြင့်စားသောက်ဆိုင် မိသားစုကို အထူးကျေးဇူးတင်ကြောင်း။

Saturday, November 20, 2010

Rosy & Thorny (နိမ့်တုံ မြင့်တုံ)


This ill-balanced world is not absolutely rosy.

Nor is it totally thorny.

The rose is soft, beautiful and fragrant.

But the stem on which it grows is full of thorns.

What is rosy is rosy;

What is thorny is thorny.

Because of the rose one will not meddle with the thorns,

Nor will one disparage the rose on account of the thorns.

The Buddha and His teaching - Narada P 642

Friday, November 19, 2010

Kathina Programme (ကထိန်အစီအစဉ်)


13th Kathina Ceremony at Samnak Sambodhi Temple
On 21th Nov 2010 (Sunday)
19, Jalan 38, Desa Jaya, Kepong 52100

Programme

8:30am          Procession

9.15am          Guests or Devotees/taking seat in new building hall

9.30am          Arrival of Sangha Members and taking seats in new building hall

                     Administrating of 5 Precepts by Dr. Ashin Indaka

                     Mangala Sutta Chanting By Sunday Dhamma Class Students

9.45am         Speech by SSBA Chairman Mr. Yip Kum Fook

9.55am         Dhamma Talk in Mandarin by Rev. Dr. Pannasami

10.30am       Karaniya  Sutta Chanting By Reverends.

10.35am       Robes or Requisites Offering

11.00am       Transferring of Merit By Rev. Dr. Pannsami

11.30am       Lunch Dana For Sangha

11.45am       Lunch for Guests or Devotees


Sadhu! Sadhu! Sadhu

Thursday, November 18, 2010

Useless (အချည်းနှီး)


Better than a thousand utterances,
comprising useless words,
is one single beneficial utterance 
by hearing which one is calmed.

Sahassam api ce vaca, 
Anattha padasamhita
Ekam gatha padam seyyo, 
Yam sutava upasammati 

Dhammapada Verse 100

Monday, November 15, 2010

နိဗ္ဗာန်သို့


သစ္စာလေးပါးမှာ နောက်ဆုံးသစ္စာက မဂ္ဂသစ္စာ တဲ့။
မဂ္ဂဆိုတာ လမ်း၊ သစ္စာဆိုတာ အမှန်တရား၊
ဒါ့ကြောင့် မဂ္ဂသစ္စာဆိုတာ လျှောက်လှမ်းရမဲ့လမ်းမှန်။

စဉ်းစားမိတာက
(မဂ္ဂ) လမ်း လို့အဓိပ္ပါယ်ရတဲ့ နောက်ပါဠိတစ်ပုဒ်က ပထ တဲ့။
ပထ - လမ်း။

ဒါကို
Romanized Letter နဲ့ရေးတော့ patha၊
ဒီ patha ရဲ့ နောက်ဆုံး a ကို ဖြုတ်လိုက်ရင် path ဖြစ်တယ်။
လမ်းကို ပါဠိလို patha အင်္ဂလိပ်လို path ပေါ့။
ဒီမဂ္ဂသစ္စာကို အရကောက်တော့ မဂ္ဂင်ရှစ်ပါးဖြစ်တယ်။
မဂ္ဂင်ရှစ်ပါးကို အင်္ဂလိပ်လိုဘာသာပြန်တော့
Noble Eightfold Path တဲ့။

မဂ္ဂသစ္စာကို အင်္ဂလိပ်လို
The Truth of the Way to the Cessatiion of Suffering တဲ့။
ဒီမဂ္ဂသစ္စာ (လျှောက်လှမ်းရမဲ့လမ်းမှန်) ဆိုတာ
ဗုဒ္ဓဘာသာတို့အတွက် ကျင့်စဉ်ကို ပြောတာပါ။
ဟိုတလောက ဒကာလေးတစ်ယောက်ကျောင်းလာတယ်။

သူပြောတယ်။
အခြားဘာသာဝင်ထဲက ဆရာကြီးတစ်ယောက်နဲ့တွေ့ကြောင်း၊
ဘာသာရေးအကြောင်းတွေ ဆွေးနွေးဖြစ်ကြောင်း၊
ဘာသာရေးဆရာကြီးဖြစ်လေတော့ သူယုံကြည်တဲ့ဘာသာရဲ့ ကျင့်စဉ်ဟာ
ဘာဖြစ်ပါသလဲ လို့ မေးဖြစ်ကြောင်း ပြောပါတယ်။
သူတို့ဘာသာမှာ ဘာသာရေးကျင့်စဉ် မယ်မယ်ရရ မတွေ့ရကြောင်း ဆက်ပြောပါတယ်။

မှန်ပါတယ်။
အလွန်ဆုံးသူတို့ဘာသာရေးမှာ ကျင့်စဉ်က သီလကျင့်စဉ်လောက်သာရှိတာပါ။
ဗုဒ္ဓဘာသာမှာ သီလ၊ သမာဓိ၊ ပညာလို့ ကျင့်စဉ်သုံးမျိုးရှိပါတယ်။ သုံးဆင့်ရှိပါတယ်။
သီလက အနိမ့်ဆုံးအဆင့်မှာပဲရှိတယ်။
သီလကို အခြေခံပြီး သမာဓိရအောင် တည်ဆောက်ကာ ပညာဥာဏ်ရအောင်လုပ်ရမှာ။

ဒီသီလ၊ သမာဓိ၊ ပညာ ဆိုတာကလဲ
သစ္စာလေးပါးထဲက အခုပြောတဲ့ နောက်ဆုံးသစ္စာဖြစ်တဲ့ မဂ္ဂသစ္စာလို့ခေါ်တဲ့
မဂ္ဂင်ရှစ်ပါးကို ပြောတာပါဘဲ။
ဒီမဂ္ဂင်ရှစ်ပါးကို
လမ်း
ဆိုတဲ့ခေါင်းစဉ်နဲ့ ဒီလိုရေးပြီး post တစ်ခု တင်ခဲ့ဘူးပါတယ်။

ဘုရားရှင်ကျင့်ခဲ့တဲ့ (အလယ်အလတ်လမ်းစဉ်) မဇ္ဈိမပဋိပဒါကျင့်စဉ်မှာ
အချက် (၈) ချက်ရှိတယ်။
ဒါကို အင်္ဂလိပ်လို Noble Eightfold Path, Middle Way စသဖြင့်
အဆင်ပြေသလို ပြန်ဆိုကြတယ်။

(၁) သမ္မာဒိဋ္ဌိ
ဒီသမ္မဒိဋ္ဌိကို အင်္ဂလိပ်လို
Right View, Right Understanding စသဖြင့် ပြန်ဆိုကြတယ်။
မြန်မာလိုတော့ မှန်ကန်တဲ့အမြင်၊ မှန်ကန်တဲ့ နားလည်မှုပေါ့။

နိဗ္ဗာန်သို့ ချီတက်သူ နိဗ္ဗာန်သို့လျှောက်လှမ်းသူတစ်ယောက်အနေနဲ့
ပထမဦးဆုံးမှန်ကန်တဲ့အမြင် (သမ္မာဒိဋ္ဌိ) (ခြေလှမ်း) ရှိကို ရှိရပါမယ်။

မှန်ကန်တဲ့အမြင်ရှိဘို့အတွက်
အမြင်မှန်ဘို့လိုအပ်တယ်။
အမြင်မှန်ဘို့အတွက် မှန်ကန်တဲ့နားလည်မှု ရှိဘို့လိုပါတယ်။
မှန်မှန်ကန်ကန်နားလည်ဘို့ဆိုတာ
ကိုယ့်ကိုယ်ကို နားလည်တာကို ပြောတာပါဘဲ။

Right Understanding is the understanding of oneself as one really is.

ကိုယ့်ကိုယ်ကို နားလည်တာဆိုတာ
ကိုယ့်မှာရှိနေတဲ့ သိအပ်တဲ့ရုပ်နဲ့ သိတတ်တဲ့စိတ်ကို
ပိုင်းပိုင်းခြားခြား တိတိပပ သိတာကို ပြောတာပါ။

ဒါကို စာပေစကားမှာတော့
နာမ်ရုပ်တို့ကို ပိုင်းခြား၍ သိတတ်သော(နာမရူပပရိစ္ဆေဒ) ဥာဏ်တဲ့။
ဒီမှန်ကန်တဲ့အမြင် မှန်ကန်တဲ့နားလည်မှုဟာ
မဇ္ဈိပဋိပဒါလမ်းစဉ်မှာ အဓိကသော့ချက်ပဲ။
The key-note of Buddhism is this right understanding.

(၂) သမ္မာသင်္ကပ္ပ
မှန်မှန်ကန်ကန်မြင်တတ်တဲ့ မှန်မှန်ကန်ကန်နားလည်မှုရှိတဲ့သူသာ
မှန်ကန်တဲ့အတွေးရှိမှာပါ။
မှန်ကန်တဲ့အတွေးကို ပါဠိလို သမ္မာသင်္ကပ္ပတဲ့။
အင်္ဂလိပ်လိုတော့
Right Resolutions, Right Aspirations, Right Ideas စသဖြင့်
အမျိုးမျိုးပြန်ဆိုကြတယ်။

ပါဠိ၊ အင်္ဂလိပ်တတ်ကျွမ်းတဲ့ ဆရာတော်တစ်ပါးက
မှန်ကန်တဲ့အတွေးဆိုတော့ Right Thoughts လို့ဘာသာပြန်သင့်တယ်တဲ့။

(၃) သမ္မာဝါစာ
မှန်ကန်တဲ့အတွေးအခေါ်ရှိတဲ့သူသာ မှန်ကန်တဲ့စကားကို ပြောမှာ။
မှန်ကန်တဲ့စကားကို ပါဠိလို သမ္မာဝါစာတဲ့။

နိဗ္ဗာန်ကို တက်လှမ်းလိုသူအဖို့
သမ္မာဝါစာ - မှန်ကန်တဲ့စကားကိုသာ ပြောဆိုသင့်ပါတယ်။
မုသာဝါဒ - လိမ်လည်လှည့်ဖြား မပြောကြားသင့်ပါဘူး။
ဒါ့အပြင် ဂုံးချော ဂုံးတိုက်တဲ့စကား၊ ကြမ်းတမ်းတဲ့စကား၊
အရည်မရ အဖတ်မရတဲ့စကားတွေကိုလဲ ရှောင်ကြဉ်ရမှာပါ။
သမ္မာဝါစာ - မှန်ကန်တဲ့စကားဆိုလို့
ကိုယ်ပြောတဲ့စကား မှန်ကန်နေရုံနဲ့ မလုံလောက်ပါဘူး။
နားဝင်ချိုနေရုံနဲ့ မလုံလောက်ပါဘူး။
သာယာနာပျော်ဖွယ်ကောင်းနေရုံနဲ့ မလုံလောက်ပါဘူး။
ကိုယ်ပြောလိုက်တဲ့စကားဟာ သူတစ်ပါးအတွက်
အသုံးတည့်ရပါမယ်၊ အကျိုးဖြစ်ထွန်းစေရပါမယ်။ အကျိုးရှိရပါမယ်။

What one utters is not only true, sweet and pleasant
but also useful, fruitful and beneficial.

(၄) သမ္မာကမ္မန္တ
အပြောမှန်တာနဲ့ အလုပ်မှန်တာ ခွဲခြားလို့ မရပါဘူး။
ဘာ့ကြောင့်လဲဆိုရင် အပြောမှန်တဲ့သူသာ အလုပ်မှန်တတ်လို့ပါဘဲ။
အလုပ်မှန်တာကို ပါဠိလို သမ္မာကမ္မန္တလို့ခေါ်တယ်။
အင်္ဂလိပ်လို Right Action ပေါ့။
အလုပ်မှန်တဲ့ အမှန်လုပ်တဲ့ ဒီ Right Action ဆိုတာ
တခြားထွေထွေထူးထူးမဟုတ်ပါဘူး။

မိုက်မဲမှု(မောဟ) ကြောင့် လောဘစိတ်၊ ဒေါသစိတ်တွေအခြေခံပြီး
သူ့တပါးအသက် သတ်ခြင်း၊ သူ့ဥစ္စာ ခိုးခြင်း၊
သူတပါးသားမယား ပြစ်မှားစော်ကားခြင်းတို့ကို မလွန်ကျူးဘူးဆိုရင်
Right Action ဖြစ်တော့တာပါဘဲ။
It deals with abstinence from killing, stealing and sexual misconduct.

(၅) သမ္မာအာဇီဝ
အတွေးအခေါ် မှန်၊ အပြောမှန်ပြီး အလုပ်မှန်တဲ့သူအတွက်
အကြံအဖန်စီးပွါးရေးလုပ်ငန်းကို လုံးဝ စိတ်မ၀င်စားတော့ပါဘူး။
မှန်ကန်တဲ့စီးပွါးရေးလုပ်ငန်းနဲ့ပဲ သူ့ဘ၀ရပ်တည်တော့မှာ အမှန်ပါ။
မှန်ကန်တဲ့စီးပွါးရေးလုပ်ငန်းကို သမ္မာအာဇီဝလို့ခေါ်တယ်။
အင်္ဂလိပ်လို Right Livelihood ပေါ့။

ဒါနဲ့စပ်လို့ ဗုဒ္ဓဘာသာစာပေထဲမှာ
မလုပ်ရမဲ့စီးပွါးရေးလုပ်ငန်း ငါးမျိုးကို ပြဆိုထားပါတယ်။
(က) လက်နက်ရောင်းဝယ်မှု (Traiding in arms)
(ခ) လူကုန်ကူးမှု (Traiding in human beings)
(ဂ) သားငါးမွေးမြူရေး (Traiding in flesh)
(ဃ) အရက်၊ မူးယဇ်ဆေးဝါး (Traiding in intoxicating drinks)
(င)  အဆိပ် (Trading in poison)

(၆) သမ္မာဝါယာမ
သမ္မာဝါယာမဆိုတာ မှန်ကန်တဲ့ကြိုးစားအားထုတ်မှု။
အင်္ဂလိပ်လိုတော့ Right Effort တဲ့။

နိဗ္ဗာန်သို့တက်လှမ်းလိုသူအတွက် နည်းမှန်လမ်းမှန် ကြိုးစားအားထုတ်ဘို့ လိုအပ်ပါတယ်။
ဒီခေတ်မှာ ဟိုနည်း ဒီနည်းနဲ့ နည်းတွေက နည်းတာမဟုတ်ဘူး။
နည်းမှန်ဘို့ အင်မတန်အရေးကြီးတယ်။
နည်းမှန်မှ လမ်းမှန်မှာပါ။
နည်းမှားနေရင် လမ်းမှားနေမှာ ဖြစ်တဲ့အတွက်
လိုချင်တဲ့ လျှောက်လှမ်းနေတဲ့ပန်းတိုင်ကို ရောက်မှာ မဟုတ်တော့ဘူး။

ဗုဒ္ဓစာပေမှာ မှန်ကန်တဲ့ကြိုးစားအားထုတ်မှုလေးမျိုးရှိတယ်။
(၁) ဖြစ်ပေါ်ပြီးတဲ့မကောင်းမှုအကုသိုလ်တွေကို ပယ်စွန့်နိုင်အောင် ကြိုးစားခြင်း၊
(၂) မဖြစ်သေးတဲ့ မကောင်းမှုအကုသိုလ်တွေကို မဖြစ်မိအောင် ကြိုးစားခြင်း
(၃) မဖြစ်ပြီးသေးကုသိုလ်ကောင်းမှုတွေကို ဖြစ်ပေါ်လာအောင် ကြိုးစားခြင်း၊
(၄) ဖြစ်ပြီးတဲ့ကုသိုလ်ကောင်းမှုတွေကို တိုးပွါးလာအောင် ကြိုးစားခြင်းဆိုပြီး
လေးမျိုးရှိပါတယ်။

မဇ္ဈိမပဋိပဒါ - အလယ်အလတ်လမ်းစဉ် ရှစ်ချက်ထဲမှာ
ဒီသမ္မာဝါယာမ (မှန်မှန်ကန်ကန်ကြိုးစားအားထုတ်မှု) ဟာ အင်မတန်အရေးကြီးပါတယ်။
သံသရာမှ ထွက်မြောက်ဘို့ နိဗ္ဗာန်ကို ရဘို့ ရောက်ဘို့အတွက်
ကိုယ့်အားကို အားကိုးပြီး ကိုယ်ကိုယ်တိုင် ကြိုးစားရမှာပါ။

ပေးကမ်းလှူဒါန်း၊ ဆုတောင်းနေရုံမျှနဲ့
နိဗ္ဗာန်ကို လုံးဝ မရောက်နိုင်ပါဘူးလို့ ဒီအချက်က ရည်ညွှန်းပါတယ်။

(၇) သမ္မာသတိ
မဇ္ဈိမပဋိပဒါ - အလယ်အလတ်လမ်းစဉ် ရှစ်ချက်ထဲမှာ
သမ္မာဝါယာမနဲ့ ကပ်လိုက်လာတာက သမ္မာသတိ (မှန်ကန်တဲ့သတိ) ပါ။
Right Mindfulness လို့ အင်္ဂလိပ်လို ဘာသာပြန်ကြတယ်။

ကိုယ် (body), ဝေဒနာ (feeling), စိတ် (thoughts), နဲ့ ဓမ္မ (mind-objects) လို့ခေါ်တဲ့ အာရုံလေးမျိုးအပေါ်မှာ မိမိရဲ့ သတိကို အမြဲမပြတ်တင်ထားတာကို (အမြဲသတိ ရှိနေခြင်းကို)
သမ္မာသတိ - မှန်ကန်သော သတိလို့ခေါ်ပါတယ်။

ကိုယ့်ကိုယ်ကို
လှတယ် တင့်တယ်တယ်လို့ မမှတ်ယူမိအောင်၊
ချမ်းသာတယ်လို့ မမှတ်ယူမိအောင်၊
မြဲတယ်လို့ မမှတ်ယူမိအောင်၊
အတ္တရှိတယ်လို့ မမှတ်ယူမိအောင်၊
အဆိုပါ အာရုံလေးမျိုးအပေါ်မှာ သတိအမြဲရှိနေရတာ။

Mindfulness on these four objects tend to eradicate the misconceptions
with regard to desirablity (subha), so-called happiness (sukha),
permanence (nicca) and an immortal soul (atta) respectively.

(၈) သမ္မာသမာဓိ
မှန်မှန်ကန်ကန်ကြိုးစားပြီး သတိရှိလာတဲ့သူအဖို့
မှန်ကန်တဲ့သမာဓိတရားရရှိလာမှာ မလွဲပါဘူး။
မှန်ကန်တဲ့သမာဓိကို သမ္မာသမာဓိလို့ခေါ်တယ်။ Right Concentration တဲ့။

သမာဓိရလာရင်တော့ ကိုယ့်ကိုယ်ကို အမှန်အတိုင်းသိမြင်လာမှာပါ။
ကိုယ်ကိုယ့်ကို အသုဘကောင်ကြီးဆိုတာ သဘောပေါက်လာမှာပါ။
သစ္စာလေးပါးကို တကယ်သိလိုသူ၊ နိဗ္ဗာန်ကို ရလိုသူ၊ မျက်မှောက်ပြုလိုသူ
မည်သူမဆို
မဇ္ဈိမပဋိပဒါကျင့်စဉ်ဖြစ်တဲ့  ဒီအချက် (၈) ချက်ကို ကျင့်ရမှာပါ။

photo: google search

Saturday, November 13, 2010

သူ့အတွေ့အကြုံ


မြန်မာပြည်ရှိ ပရိယတ္တိစာသင်တိုက်တွေအတွက်
အားနည်းချက်လေးတွေကို ထောက်ပြကာ
ဘက်စုံမွမ်းမံဆိုတဲ့ခေါင်းစဉ်နဲ့ Post လေးတင်ဖြစ်ပါတယ်။

ဒီ Post လေးအပေါ်မှာ အမြင်အမျိုးမျိုးရှိမှာ သေချာတယ်။
အချို့လဲ ဒီ Post ကို ဖတ်ပြီး သူတို့တွေ့ကြုံခဲတဲ့ သူတို့နေခဲ့တဲ့စာသင်တိုက်ကို
သတိရမိကြတယ်။

သတိရလို့ သူနေခဲ့တဲ့စာသင်တိုက်အကြောင်းကို
အရှင်အရိယ၀ံသ က
Comment နေရာမှာ ဒီလို တင်ပြထားလေရဲ့။
ကျေးဇူးအထူးတင်ပါတယ်
***********

စာကြည့်နဲ့ ပတ်သက်လို့ပြောပြချင်စရာများစွာထဲကမှ
ရန်ကင်းတောင်ရဲ့အခြေအနေကို ပြောရရင်ဖြင့်

ဆရာတော်ဟာ စာသင်တိုက်ဖွင့်ပြီး မကြာမီ စာကြည့်တိုက်အသေးစား စဖွင့်ပါတယ်။
နောက် လေးထပ်တိုက်ဆောက်ကာ စာသင်ခုံ မိုက်ခရိုဖုန်းစသည်ပါတဲ့
စာသင်ခန်းမများအပြင် စာကြည့်တိုက်ကိုပါ ထည့်သွင်းထားပါတယ်။

စာကြည့်တိုက်မှာ ရုပ်ပြ၊ကာတွန်း ပုံပြင်မှစကာ စာကြီးပေကြီး ၊
ကျမ်းကြီး ကျမ်းငယ် ပြည့်ပြည့်စုံစုံ ထားရှိပေးပါတယ်။
စာဖတ်လို့ အသိဥာဏ်တိုးမှာ သေချာပေါက်ပြောနိုင်ပေမယ့်
ဆရာတော်ကိုယ်တွေ့အရ " စာကြည့်တိုက်မတည်ထောင်ခင်တုန်းက
ကိုရင်တွေ အပြင်တွေကို အထွက်များတယ်။

စာကြည့်တိုက်ထောင်လိုက်တော့ အထွက်နည်းသွားတယ်.." တဲ့
အပြင်စာတွေဖတ်ပြီး ပါဠိစာပေဖက် အားမနည်းရအောင်လည်း
အပတ်စဉ် စာမေးပွဲ ကျင်းပပေးခြင်း။
ဆုပေး ဒဏ်ပေးစနစ် ကျင့်သုံးခြင်းတို့ကြောင့် စာလုပ်အား မလျှော့တဲ့ (အပြင်)
အပြောရတောင် သက်သာလာတာ တွေ့ရပါတယ်။

အဲဒါ ဘယ်ကွက်လပ်ကို ဘယ်လိုဖြည့်မယ် စတဲ့
တွေးခေါ်မြော်မြင် တီထွင်ကြံဆမှုတွေပဲလို့ ထင်ပါတယ်။

သာသနာခေတ်မီမီ ပြုနိုင်ဖို့ ရဟန်းတော်တွေကို အရင်ဆုံး ကမ္ဘာကြည့်ကြည့်မြင်တတ်အောင် လုပ်ပေးရအုံးမယ် ထင်ပါတယ်။

Photo: Google Search

Friday, November 12, 2010

သူ့သရော်


မနေ့က ဘက်စုံမွမ်းမံ ဆိုတဲ့ခေါင်းစဉ်နဲ့ ပို့စ်တစ်ခုတင်ဖြစ်ပါတယ်။
အထက်ဖော်ပြပါ Logo နဲ့ ဘလော့ဂ်ရေးနေတဲ့ 
http://mrmrt.blogspot.com
 ဘလော့ဂ်ရှင် အရှင်အာစာရ က အောက်ခြေ Comment မှာ
ဒီလိုသရော်ပြီး ဒီလိုဆော်ထားပါတယ်။
ကျေးဇူးပါ။

အရှင်အာစာရ said...

စာကြည့်တိုက် မထားတာက စာသင်သားတွေ စာကြည့်တိုက်သွားနေရင်
ရုပ်တွက်တို့ သရုပ်ခွဲတို့ အာဘောဖော်တို့ ဥာသ်ကောက်တို့
ဘာတို့ညာတို့ မလုပ်ဖြစ်မှာစိုးလို့၊
အဲဒါတွေ ဘာတွေညာတွေ အားနည်းသွားမှာစိုးလို့ ထင်ပါတယ်။

နောက်တစ်ခုက မလိုအပ်ဘူးထင်လို့
(ရုပ်တွက်တို့ သရုပ်ခွဲတို့ အာဘော်ဖော်တို့ ဥာသ်ကောက်တို့
ဘာတို့ညာတို့က ပိုအရေးကြီးတယ်ထင်လို့)၊
နောက်တစ်ခုက စရိတ်မတတ်နိုင်လို့ (မွဲလို့) ထင်ပါတယ်။

မိတ္တူကူးစက်လည်း မ၀ယ်နိုင်လို့ နေမှာပါ။ မီးမလာတာလည်း ပါမှာပေါ့။

စာသင်ခန်းမထားတာလည်း မတတ်နိုင်လို့ (မြေကြီးပဲ တတ်နိုင်တာမို့၊
လှူမယ့်ဒကာတွေက စိတ်မ၀င်စားလို့၊
နောက်ပြီး အလှူခံမယ့် ဆရာတော်ကြီးတွေကလည်း စိတ်မ၀င်စားလို့) ထင်ပါတယ်။

နောက်တစ်ခု ဖြစ်နိုင်တာက စာချဆရာတော်တွေကိုယ်တိုင်က
စာသင်သား တပည့်တွေ ကြမ်းပြင်ပေါ်မှာ ၀တ်အဲကုန်းပြီး
စာဝါလိုက်နေတာကို ကြည့်ပြီး ပီတိဖြစ်နေကြပုံရပါတယ်။

စာဝါချိန်တစ်နာရီအတွင်းမှာ ဘုန်းတော်နေလထွန်းလင်းတောက်ပတဲ့
ရှင်ဘုရင်ကြီးလိုလို၊ ရွှေဇီးကွက်ကြီးလိုလို အပေါ်စီးက နေခွင့်ရတာကိုး။
တပည့်တွေရဲ့ လေးစားရိုကျိုးမှုကို ဘာသာပြန်လွဲနေကြပုံရပါတယ်။

ဟုတ်ပါတယ်။ ဘက်စုံမွမ်းမံရအုံးမှာ။ လာမယ် ကြာမယ်။
ကြာချင်သလောက် ကြာပါလိမ့်မယ်။
ကြာချင်သလောက် ကြာစမ်းပါစေ။

Thursday, November 11, 2010

ဘက်စုံ မွမ်းမံ


ဗုဒ္ဓဘာသာခေါင်းဆောင်များဖြစ်ကြတဲ့ ရဟန်းသံဃာတို့အလုပ်ဟာ
အကြမ်းအားဖြင့်
(၁) ပရိယတ်လုပ်ငန်းနဲ့
(၂) ပဋိပတ်လုပ်ငန်းလို့ နှစ်မျိုးရှိပါတယ်။

နားလည်သလိုပြောရရင်
(၁) သင်ခြင်းအလုပ်နဲ့ ကျင့်ခြင်းအလုပ်ပေါ့။

စာသံပေသံ၊ စာလာပေလာစကားနဲ့ပြောရရင်
(၁) ဂန္ထဓူရနဲ့ (၂) ၀ိပဿနာဓူရတဲ့။

နံပါတ် (၁) လုပ်ငန်းဖြစ်တဲ့ ဂန္ထဓူရလို့ခေါ်တဲ့
ပရိယတ္တိလုပ်ငန်း၊ စာသင်စာချခြင်းလုပ်ငန်းကို
မြန်မာပြည်အနယ်နယ်အရပ်ရပ် မြို့ကြီးမြို့လေးတွေမှာရှိတဲ့
ပရိယတ္တိစာသင်တိုက်တွေက ထမ်းဆောင်ကြပါတယ်။

သာသနာကို ရေရှည်တည်တံ့အောင် လုပ်ဆောင်ပေးနေတာ
ဒီပရိယတ္တိစာသင်တိုက်တွေပါ။
ပရိယတ်သမားမရှိဘဲ နည်းမှန်လမ်းမှန်ညွှန်ပြပေးနိုင်တဲ့
ပဋိပတ်သမား ပေါ်ထွက်လာနိုင်စရာ အကြောင်းမရှိဘူးဆိုတာ
အားလုံးတညီတညွတ်တည်း လက်ခံထားပါတယ်။

ဒါ့ကြောင့်မို့
ပရိယတ်မကင်းတဲ့ ပဋိပတ်ဖြစ်ရေး၊
ပဋိပတ်မကင်းတဲ့ ပရိယတ်ဖြစ်ရေးမူတွေကို
တတ်သိနားလည်တဲ့ဆရာတော်ကြီးများက
လွန်ခဲ့တဲ့ ဆယ်စုနှစ်လောက်ကတည်းက စတင်ချမှတ်လာခဲ့ပါတယ်။
အောင်မြင်သင့်သလောက် အောင်မြင်လာတယ်လို့ ပြောလို့ရပေမဲ့
လိုအပ်တာတွေ ရှိနေဆဲပါ။

နိုင်ငံတကာမှာ စာသင်ဌာန (Institute) တစ်ခုတည်ထောင်တော့မယ်ဆိုရင်
အရေးအကြီးဆုံးက စာကြည့်တိုက် ပါ။
စာသင်ဌာနတစ်ခုရဲ့ အောင်မြင်မှုဟာ
အဲ့ဒီစာသင်ဌာနမှာရှိတဲ့ စာကြည့်တိုက်မှာ စာအုပ်ဘယ်လောက်စုံစုံလင်လင်ရှိသလဲ၊
စာကြည့်တိုက်စနစ် ဘယ်လောက်ကောင်းသလဲ ဆိုတာပေါ်မှာ မူတည်တယ်လို့
နိုင်ငံတကာပညာသင်ဌာနတွေက လက်ခံယုံကြည်ထားပါတယ်။

ဆိုတော့ မြန်မာပြည်က ဘုန်းကြီးကျောင်းပညာသင်ဌာနတွေဖြစ်တဲ့
ပရိယတ္တိစာသင်တိုက်တွေမှာ
စာသင်ဌာနတစ်ခုရဲ့ အရေးအကြီးဆုံးဖြစ်တဲ့ စာကြည့်တိုက် ရှိပါရဲ့လား။
ရှိခဲ့ရင် စနစ်ဘယ်လောက်ကောင်းပါသလဲ။
စာကြည့်တိုက်မှာ စာသင်သားတစ်ဦးလိုအပ်တဲ့စာရွက်စာတမ်းတွေ မိတ္တူကူးဘို့
မိတ္တူကူးစက်လို အထောက်အကူပြုပစ္စည်းမျိုးတွေ အလွယ်တကူ ထားပေးနိုင်ပါသလား။

ပရိယတ္တိစာသင်တိုက်တွေမှာ စာကြည့်တိုက်မရှိရင် ရှိအောင်လုပ်ရပါမယ်။
စာကြည့်တိုက်နဲ့ဆက်စပ်တဲ့အထောက်အကူပြုပစ္စည်းတွေ
စာသင်သားတွေအတွက် ဖြည့်ဆည်းပေးရပါမယ်။
စာကြည့်တိုက်ဟာ စာသင်သားရဲ့အသက်ဆိုတာကို
နိုင်ငံတကာမှာ နားလည်သဘောပေါက်နေတဲ့အချိန်
ပရိယတ္တိစာသင်တိုက်တွေမှာ စာကြည့်တိုက် ထားပေးရကောင်းမှန်းမသိရင်
ခေတ်နဲ့ရင်ဘောင်တန်းနိုင်တဲ့အသိဥာဏ် ဘယ်လိုလုပ် ရနိုင်မလဲ။

စာမေးပွဲပြဌာန်းစာထဲမှာ မပါတဲ့ ဘာသာကြီးလေးခုအကြောင်း၊
ဗုဒ္ဓဘာသာသမိုင်းစာအုပ်၊ မြန်မာလူမျိုးတို့လက်ခံယုံကြည်တဲ့ဗုဒ္ဓဘာသာနဲ့
တခြားနိုင်ငံက လက်ခံယုံကြည့်တဲ့ဗုဒ္ဓဘာသာတူမတူ စတာတွေကိုဖတ်ဖို့
ပရိယတ္တိစာသင်တိုက်တွေမှာ စာကြည့်တိုက် ရှိကို ရှိရပါမယ်။
ဒါမှသာ ခေတ်နဲ့ရင်ဘောင်တန်းနိုင်လာမှာဖြစ်ပြီး သာသနာကို
အကွက်ကျကျ စွမ်းစွမ်းတမံ ပြုနိုင်မှာပါ။

ခေတ်နဲ့ရင်ဘောင်တန်းနိုင်တဲ့အသိဥာဏ်မရရင်
(၀ါ) သဒ္ဒါရုပ်တွက်နဲ့သဂြိုဟ်သရုပ်ခွဲလောက်ကိုသာ လေ့လာခွင့်ရမယ်ဆိုရင်
ဗုဒ္ဓသာသနာတိုးတက် ပြန့်ပွါးဘို့ ဘယ်လိုလုပ် စွမ်းဆောင်နိုင်မလဲ။

နောက်တစ်ခုက ပရိယတ္တိစာသင်တိုက်တွေမှာ စာသင်ခန်းမရှိတာ။
စာသင်တိုက်လုပ်ပြီး စာသင်ခန်းမရှိတာ အတော်အံ့သြစရာကောင်းပါတယ်။
တချို့စာသင်တိုက်တွေမှာ ကျောင်းဆောင်တွေ မှိုလိုပေါက်အောင် ဆောက်ထားပေမဲ့ စာသင်ခန်းကျောင်းဆောင် မဆောက်တာဟာ အတော်ဝမ်းနည်းစရာကောင်းပါတယ်။

တချို့စာသင်တိုက်တွေမှာဆိုရင်
စားလဲဒီနေရာဘဲ၊ အိပ်လဲ ဒီနေရာဘဲ၊ စာသင်လဲ ဒီနေရာဘဲ။
ဒီလို မဖြစ်သင့်ပါဘူး။

စာသင်တိုက်မှာ စာသင်ခန်းရှိသင့်ပါတယ်။ ရှိရပါတယ်။
ဒီနေရာအိပ်၊ ဒီနေရာစား၊ ဒီနေရာမှာပဲ လေးဘက်ထောက်ပြီး
စာသင်ရတာဟာ စာသင်သားရဲ့ ဦးဏှောက်ကို မရွှင်လန်းစေပါဘူး။
အမြင်မတော်ပါဘူး။ အမြင် မတင့်တယ်ပါဘူး။
လေးဘက်ထောက်ပြီး စာသင်ရတဲ့ခေတ် စနစ်ကြီး ကုန်ဆုံးသင့်ပါပြီ။

အဆင့်မြင့်တဲ့ဘုရားရှင်ရဲ့ စာပေတွေကို သင်ကြား သင်ယူနေတာဖြစ်တဲ့အတွက်
အဆင့်မြင့်မြင့်ဘဲ သင်ကြား သင်ယူသင့်ပါတယ်။
လောကဓာတ်ကျောင်းသားတွေလို
ကိုရင်စာသင်သား ဦးဇင်းစာသင်သားတွေလဲ စာသင်ခန်းထဲမှာ ထိုင်ခုံနဲ့၊ စားပွဲနဲ့၊
စာချဘုန်းကြီးကလဲ စာသင်ခန်းထဲမှာ ထိုင်ခုံနဲ့၊ စားပွဲနဲ့၊ မိုက်နဲ့၊ ဘောနဲ့ စသဖြင့်
လိုအပ်တဲ့အထောက်အကူပြု ပစ္စည်းအပြည့်အစုံနဲ့ဆိုရင် ဘယ်လောက်ကောင်းလိုက်မလဲ။
သင်ပေးသူရော သင်ယူသူရော စိတ်တက်ကြွ ရွှင်လန်းပြီး
ဥာဏ်တွေ နဂိုကထက် ပွင့်လင်းလာမှာ အမှန်ပါ။

ပရိယတ္တိစာသင်တိုက်တွေမှာ ကိုရင်လေးတွေ ဦးဇင်းပေါက်စတွေကို စာသင်ပေးရင်
စာချဘုန်းကြီးလုပ်တဲ့သူက စာချည်းသက်သက် ပို့ချနေရုံနဲ့ မလုံလောက်ပါဘူး။
ဒီကိုရင်လေးတွေ ဦးဇင်းပေါက်စတွေကို
သာသနာပြုချင်စိတ်ဖြစ်ပေါ်လာအောင် အမြဲတမ်း ပြောဆိုပေးသင့်ပါတယ်။
ငယ်ငယ်လေးကတည်းက သာသနာကို စောင့်ရှောက်လိုတဲ့စိတ်ဖြစ်ပေါ်လာအောင်၊
ရောက်ရာအရပ်မှာ ဖြစ်တဲ့နည်းနဲ့ သာသနာပြုချင်စိတ်ဖြစ်ပေါ်လာအောင် ပြောပြသသင့်ပါတယ်။

ဒီလိုလုပ်ပေးခြင်းဖြင့် တောရွာတွေမှာ ဝေးလံတဲ့အရပ်တွေမှာ
သာသနာပြုချင်စိတ်ပေါ်ပေါက်လာမှာဖြစ်ပြီး
အခုလောလောဆယ်တွေ့ကြုံနေရတဲ့ တောရွာတွေမှာ
စာမတတ် ပေမတတ်တဲ့ တောထွက်ရဟန်းတော်ကြီးတွေ
ကြီးစိုးနေတဲ့ဘေးက ကင်းလွတ်သွားမှာပါ။

တကယ်တော့ ဒါတင်မကပါဘူး။
ကိုရင်လေးတွေ ဦးဇင်းပေါက်စလေးတွေကို
(မြင်လိုက်တာနဲ့ ရှိခိုးချင်စိတ်၊ ကြည်ညိုစိတ်ပေါက်လာအောင်)
ဝတ်နည်း ရုံနည်း၊ နေနည်း ထိုင်နည်း၊
စားနည်း သောက်နည်း၊ ပြောနည်း ဟောနည်းတွေကို သင်ပေးသင့်ပါတယ်။

သို့မှသာ အချိုးကျတဲ့ ဦးဆောင်နိုင်တဲ့သူဖြစ်လာမှာပါ။
လူရှေ့သူရှေ့ထွက်ရင် တင့်တယ်သပ်ရပ်တဲ့သူဖြစ်လာမှာပါ။
ရှိခိုးခံရမဲ့သူဟာ ရှိခိုးမဲ့သူထက် အစစအရာရာ သာလွန်နေရပါမယ်။

စားတဲ့နေရာမှာလဲ အဆင့်မြင့်မြင့် စားတတ်မယ်၊
ဝတ်တဲ့နေရာမှာလဲ အဆင့်မြင့်မြင့် ၀တ်တတ်မယ်၊
ပြောတဲ့ ဟောတဲ့နေရာမှာလဲ အဆင့်မြင့်မြင့် ပြောတတ် ဟောတတ်မယ်ဆိုရင်
သူတို့လေးတွေကို ကြည့်ပြီး အထင်သေးမှု မဖြစ်တော့ဘဲ
လေးစားအတုယူအားကျသူတို့အဖြစ် မှတ်ယူလာမှာဖြစ်ပါတယ်။

ဒီလိုလုပ်ပေးခြင်းဟာ သာသနာတော်ကို မြှင့်တင်ပေးရာရောက်တဲ့အပြင်
လူမျိုးကို မြှင့်တင်ပေးရာလဲ ရောက်ပါတယ်။

မြန်မာနိုင်ငံဟာ ဗုဒ္ဓဘာသာအများစုနေထိုင်တဲ့နိုင်ငံဆိုတော့
မြို့ကြီး မြို့လေးတွေရဲ့ ရပ်ကွက်အသီးသီးသီးမှာ
ဗုဒ္ဓဘာသာ ဓမ္မာရုံတွေရှိပါတယ်။
အမြဲတမ်း တံခါးပိတ်ထားတာကို တွေ့ရပါတယ်။

ဒီ ဓမ္မာရုံတံခါးတွေကို ဖွင့်ဘို့ ဖွင့်နိုင်ဘို့က
ပရိယတ္တိစာသင်တိုက် ဆရာတော်တွေရဲ့ တာဝန်လို့ မြင်မိပါတယ်။
ရပ်ကွက်ထဲကဓမ္မာရုံလူကြီး ဂေါပကအဖွဲ့တွေနဲ့တိုင်ပင်ညှိနှိုင်းပြီး
ဥပုသ်နေ့လို ဒါမှမဟုတ် တနင်္ဂနွေနေ့လိုနေ့တွေမှာ
စာသင်တိုက်က အဆင်ပြေလောက်မဲ့ စာချဘုန်းကြီး ဦးဇင်းတွေကို စေလွှတ်ပြီး
(ငှက်ပျောပွဲ၊ အုန်းပွဲကို မကြည့်ဘဲ)
သြကာသမှသည် ငါးပါးသီလ၊ ဗုဒ္ဓ၀င်စသည်တွေကို သင်ကြားပေးသင့်ပါတယ်။

ဒီလို သင်ကြားပေးခြင်းဖြင့် ဗုဒ္ဓဘာသာဝင်တိုင်း ဗုဒ္ဓဘာသာအကြောင်းနားလည်လာပြီး
ဘယ်လိုအကြောင်းကြောင့်ပဲဖြစ်ဖြစ် ဘယ်လိုအခြေအနေမျိုးနဲ့ကြုံကြုံ
အခြားဘာသာကို ကူးပြောင်းတော့မှာ မဟုတ်ပါဘူး။

လောကီဆန်ဆန်အတွေးနဲ့ပြောရရင်လဲ စာသင်တိုက်ဆရာတော် သံဃာတော်များ
(ရိပ်သာက ဘုန်းကြီးတွေလို) ဒကာ ဒကာမတွေနဲ့ တိုက်ရိုက်တွေ့ထိလာနိုင်ပြီး
စာသင်တိုက် စိုပြေရေးအတွက် တစ်ဖက်တစ်လမ်းက အထောက်အကူပြုလာမှာ
မြေကြီးလက်ခတ်မလွဲပါ။

သိသလောက်နဲ့တတ်နိုင်သမျှ အကျဉ်းချုပ်အကြံပြုချင်တာကတော့
ပရိယတ္တိစာသင်တိုက် ဆရာတော်သံဃာတော်များ
မိမိတို့အုတ်တံတိုင်းအတွင်းမှာလဲ တတ်နိုင်သမျှ ခေတ်မီတဲ့ပညာရေးစနစ်ကို ချမှတ်ပြီး
တစ်ပိုင်တစ်နိုင်ထမ်းဆောင်ရပါမယ်။

အုတ်တံတိုင်းအပြင်ထွက်ပြီးတော့လဲ
မိမိတို့နဲ့နီးစပ်ရာ ဒကာ၊ ဒကာမတွေနဲ့ တတ်နိုင်သမျှ နီးစပ်အောင်အားထုတ်ပြီး
ဘာသာအသိ သာသနာအသိတွေကို သူတို့ရဲ့ ဦးဏှောက်ထဲ ထည့်သွင်းပေးသင့်ပါတယ်။

(မြန်မာပြည်၊ မန္တလေး၊ မဟာကုသိုလ်ပရိယတ္တိစာသင်တိုက် ငွေရတုစာစောင်အတွက်
ရေးလိုက်တဲ့ ဆောင်းပါးလေးဖြစ်ပါတယ်)

Tuesday, November 9, 2010

With the Good (သူတော်ကောင်းနှင့်)

 
One should associate only with the good;
With the good one should foster intimacy.
Having learnt the true Dhamma of the good,
One becomes better, never worse.
 
Sabbhireva samasetha
Sabbhi kubbhetha santhavam
Satam saddhamma pannaya
Seyyo hoti na papiyo

 
Samyutta Nikaya - 1:15
Photo: Google search

Monday, November 8, 2010

နိဗ္ဗာန် ဘာနဲ့တူသလဲ


ဆရာတော်
ကဲ၊ ဒုတိယပြဿနာ ရှင်းသွားပြီဆိုရင် တတိယပြဿနာဖြစ်တဲ့
နိဗ္ဗာန်ဟာ  မည်သည့်တရားနဲ့ တူပါသလဲဆိုတဲ့ အချက်ကို 
ဆက်ရှင်းကြရလိမ့်ဦးမယ်။
နိဗ္ဗာန်ဆိုတဲ့တရားဟာ အထက်က ရှင်းပြခဲ့သလိုဘဲ
ဒီလောကကြီးနဲ့ သတ္တိ၊ အရည်အချင်း၊ အသွင်အပြင်၊ ဂုဏ်လက္ခဏာတို့မှစ၍
ဘယ်ဘက်ကမျှ မတူဘဲ လုံးလုံးဆန့်ကျင်နေတဲ့တရား ဖြစ်နေလေတော့
နိဗ္ဗာန်ကို ယခုတွေ့မြင်နေကြတဲ့ အရာဝတ္ထုတွေ၊ ရုပ်ဝတ္ထုတွေနဲ့
ဘယ်လိုမှနှိုင်းယှဉ်ပြလို့တော့ မဖြစ်ပေဘူး ဒကာကြီးရဲ့။
ဒါပေမဲ့ ဥပမာကလေးတစ်ခုနဲ့တော့ ရှင်းပြရလိမ့်မယ်။
ဒကာကြီးနားထောင်ပေတော့။

ဒကာကြီး
မှန်ပါ့၊ နာလျက်ပါဆရာတော်

ဆရာတော်
ရှေးက ဘုရင်ကြီးတစ်ပါးရှိသတဲ့။
ဒီဘုရင်ကြီးဟာ အခြားဘုရင်အဆူဆူက ကြောက်ရွံ့ ရိုသေပြီး
လက်ဆောင်ပဏ္ဏာတွေ ကြို့ရလောက်အောင် ဘုန်းတန်ခိုးကြီးသတဲ့။
ရွေငွေ ကျောက်သံပတ္တမြားတွေဆိုတာကလဲ
ခန့်မှန်းရေတွက်လို့ မရနိုင်အောင် ပေါသတဲ့။

စစ်သည်အင်အားကလဲ အလွန်ကြီးမားတောင့်တင်းသတဲ့။
သူ့ကို လုပ်ကျွေးပြုစုကြတဲ့ မောင်းမမိဿံကလဲ ထောင်သောင်းမကဘူးတဲ့။
အချက်အပြုတ်အကျော်အမော်တွေကလဲ ရသာမျိုးစုံတဲ့
ခဲဘွယ်ဘောဇဉ် ချိုချဉ် ယမကာတွေကို အမျိုးပေါင်း
မရေမတွက်နိုင်အောင် စီမံပြီး ပွဲတော်များ ဆက်သကြရသတဲ့။
ဒီလို အမျိုးမျိုးသော စည်းစိမ်ချမ်းသာတွေကို ခံစား စံစားနေရတဲ့ဘုရင်ကြီးဟာ

တနေ့ကျတော့ ကုဋ္ဌနူနာရောဂါ စွဲကပ်လာသတဲ့။
ဒီရောဂါစွဲကပ်လာတာနဲ့တပြိုင်နက် ဘုရင်ကြီးဟာ အထက်ကပြောခဲ့တဲ့
စည်းစိမ်တွေကိုလဲ မခံစားနိုင်တော့ဘူး။
မောင်းမမိဿံတွေနဲ့လဲ မပျော်ပါးနိုင်တော့ဘူး။
နောက်ဆုံးအာရုံငါးပါးမှာ ဘယ်အာရုံမှ မခံစားနိုင်တော့ဘူး။
ဒီစက်ဆုတ်ရွံရှာဖွယ်ကောင်းလှတဲ့ ရောဂါအတွက် အချိန်ရှိသ၍
စိတ်နှလုံးဆင်းရဲနွမ်းရိနေရသတဲ့။

နောက်ဆုံးတော့ ဘုရင်ကြီးဟာ ကျန်းမာရေးနဲ့ ထီးနန်းစည်းစိမ်ကို
လဲပစ်ရသည်အထိ ကျန်းမာအောင်လုပ်မယ်ဆိုပြီး
သန္နိဋ္ဌာန်ချလိုက်သတဲ့။

အဲဒီလို သန္နိဋ္ဌာန်ချပြီးတဲ့နောက်
ဘယ်သူမဆို သူ၏ရောဂါကို ပျောက်ကင်းအောင် ကုသနိုင်လို့ရှိရင်
ထီးနန်းစည်းစိမ်နဲ့တကွ သူ့ရဲ့ ရတနာရွေငွေတွေကိုပါ
ဆုလာဘ်အဖြစ်နဲ့ရလိမ့်မယ် လို့ တိုင်းပြည်အတွင်း ကျေညာလိုက်သတဲ့။
သူကိုယ်တိုင်ကတော့ ရောဂါဝေဒနာကင်းရှင်းသွားပြီး
အရင်ကလို ကျန်းမာလာဒါနဲ့တပြိုင်နက် ထီးနန်းကို စွန့်ပြီး
ရသေ့အသွင်နဲ့ တောရမှီးနေတော့မယ်လို့ စိတ်ကို ပိုင်းဖြတ်ထားသတဲ့။

ဒီလို ကျေညာလိုက်တော့ သမားတော်ကြီးတွေဟာ
ဘုရင့်ရောဂါကို ပျောက်ကင်းအောင် မကုသနိုင်ကြရှာဘူးတဲ့။
နောက်ဆုံး သမားတော်ကြီးတစ်ဆူရောက်လာပြီး
ဘုရင်ကြီးရဲ့ ရောဂါကို သုံးလနဲ့ပျောက်ကင်းအောင် ကုသနိုင်ပါတယ်၊
တကယ်လို့ သုံးလနဲ့ပျောက်ကင်းရင် အရှင်မင်းမြတ်
ကတိထားတော်မူတဲ့အတိုင်း ထီးနန်းကိုသာ ပေးပါ။

မပျောက်ရင် ကျွန်တော်မျိုးရဲ့ ဦးခေါင်းကို ဖြစ်ပစ်ပါဘုရား လို့
လျှောက်ထားပြီး ကု သတဲ့။
ဒီသမားတော်ကြီးဟာ တကယ့်ကို ကျွမ်းကျင်တတ်မြောက်တဲ့
သမားတော်ကြီးဆိုတော့ ပြောတဲ့အတိုင်းဘဲ သုံးလလဲ ကြာရော
ဘုရင်ကြီးဟာ ပကတိအတိုင်း ကျန်းမာသွားသတဲ့။
ရောဂါနဲ့ပတ်သက်လို့ ဘာအငုတ်အရင်းမှ မရှိတော့ဘူးတဲ့။

ဒါနဲ့ဘုရင်ကြီးက သူ့ကတိအတိုင်း ထီးနန်းနှင့်တကွ
ရတနာ ရွှေငွေတွေကို သမားတော်ကြီးလက်ထဲ အပ်ပြီး တောထွက်ကာ
ရသေ့ဘ၀နဲ့ သစ်တစ်ပင်ရင်း ၀ါးတစ်ပင်အောက်မှာ
ကျောင်းသင်္ခမ်းကလေးဆောက်ပြီး တရားကျင့်နေသတဲ့။
သူ့ရဲ့စိတ်ဓာတ်ဟာလဲ ချမ်းသာသုခနဲ့ အလွန်ပြည့်စုံနေသတဲ့။

ဒီတော့ ဘုရင်ကြီးဟာ ထီးနန်းစည်းစိမ်နှင့်တကွ ရတနာရွေငွေတွေထက်
ကျန်းမာရေးဟာ တကယ်ကျတော့ တယ်ပြီး အဘိုးတန်ပါကလားလို့
ကိုယ်တွေ့သိမြင်နားလည်လာပြီး
အော်၊ လောကတွင် ကျန်းမာခြင်းထက်
အဘိုးတန်တဲ့ရတနာကား မရှိချေတကား လို့
ဥဒါန်းကျူးလိုက်သတဲ့။

(ထို့နောက် ဆရာတော်က ဒကာကြီးအား)
ကဲ ဒကာကြီး၊ တကယ်ဘဲ ကျန်းမာခြင်းဆိုတဲ့တရားဟာ ဒီဘုရင်ကြီး ဥဒါန်းကျူးသလို လူတစ်ဦးတစ်ယောက်အား စိတ်ဓာတ်အားဖြင့်
ချမ်းသာသုခနဲ့ပြည့်စုံအောင် ဖန်တီးနိုင်ရဲ့လား။
ဒီတရားဟာ အမှန်ကော ရှိရဲ့လား။

ဒကာကြီး
ဒီဘုရင်ကြီးပြောသလို တကယ်ပဲ လူတွေရဲ့ စိတ်ဓာတ်ကို
ချမ်းသာသုခပေးနိုင်တဲ့ အဘိုးဖြတ်လို့ မရကောင်းတဲ့
ကျန်းမာခြင်းဆိုတဲ့တရားရှိကြောင်းကို
ကိုယ်တိုင်အတွေ့အကြုံနဲ့ဝန်ခံပါတယ်ဆရာတော်။

ဆရာတော်
ကဲ ဒါဖြင့် ဒီကျန်းမာခြင်းဆိုတဲ့တရားဟာ
ဘယ်လိုပုံပန်းသဏ္ဍာန်ရှိတယ်ဆိုတာကို ဒကာကြီးပြောပြနိုင်ပါ့မလား။

ဒကာကြီး
ဒီကျန်းမာခြင်းဆိုတဲ့တရားမှာ အသွင်သဏ္ဍာန် ရုပ်ဒြဗ်ရယ်လို့
မျက်စိနဲ့ကြည့်လို့တော့ မမြင်ရပါဘူးဘုရား။
ဒါပေမဲ့ ဒီတရားရဲ့ အကျိုးကျေးဇူးကိုတော့ ဘယ်သူမှ မငြင်းပယ်နိုင်ပါဘူးဘုရား။

ဆရာတော်
ကဲ ဒကာကြီးပြောတဲ့အတိုင်း ကျန်းမာခြင်းဆိုတဲ့တရားဟာ တကယ်ရှိပြီး
ဒီတရားရဲ့ အကျိုးကျေးဇူးကို လူသားတွေဟာ ခံစားနေရသော်လည်း
ဘယ်သူကမျှ ကျန်းမာခြင်းဆိုတဲ့တရားဟာ ဘာနဲ့တူတယ်၊
ဘယ်လို ကိုင်တွယ်စမ်းသပ်လို့ရတယ်၊ ဘယ်လို အဖိုးတန်တယ်ဆိုတာကို
ကိုင်တွယ်ပြသလို့ မဖြစ်သလိုပဲ နိဗ္ဗာန်ဆိုတဲ့တရားဟာလဲ
စကြာဝဠာကြီးအတွင်းမှာရှိတဲ့ သတ္တ၀ါအနန္တတို့ခံစားနေကြရတဲ့
ပဋိသန္ဓေနေရခြင်း၊ အိုရခြင်း၊ နာရခြင်း၊ သေရခြင်းဆိုတဲ့ဆင်းရဲဒုက္ခတွေနဲ့တကွ
အခြားဒုက္ခတွေကပါ လွတ်ငြိမ်းအောင်ဖန်တီးနိုင်တာကတော့ မှန်ပါတယ်။

ဒါပေမဲ့ ဒီနိဗ္ဗာန်ဆိုတဲ့တရားဟာ ဖြူတယ် ၀ါတယ် နီတယ် ညိုတယ်လို့လဲ
ပြောပြလို့ မဖြစ်နိုင်ဘူး။ လုံးတယ်၊ ပြားတယ်၊
ရှည်တယ် တိုတယ်လို့လဲ ပြောပြလို့မဖြစ်ဘူး။
ဒီတရားကို ရတဲ့လူမှဘဲ ကိုယ်တိုင်တွေ့ကြုံခံစားပြီးသိအပ်တဲ့ တရားဘဲ ဒကာကြီးရဲ့။

ကဲ နိဗ္ဗာန်ဟာ ဘယ်လိုအဆင်းသဏ္ဍာနဲ့ ပြည့်စုံသလဲ ဆိုတဲ့
ဒကာကြီးရဲ့ ပုစ္ဆာနဲ့ပတ်သက်ပြီး ဒကာကြီး ရှင်းသွားပြီလား။

ဒကာကြီး
မှန်ပါ၊ ဆရာတော် ယခုပြလိုက်တဲ့ ဥပမာနဲ့ဘဲ ရှင်းသွားပါဘီ ဆရာတော်။
ထို့နောက် တရားနာပရိသတ်က သာဓုအနုမောဒနာ ခေါ်ကြလေသည်။

အရှင်အရိယဓမ္မ ၏ ဗုဒ္ဓ၀ါဒပြဿနာမျာ
photo: google search  

Friday, November 5, 2010

နိဗ္ဗာန် ဘယ်မှာလဲ


ဆရာတော်
အခု ဒကာကြီးက နိဗ္ဗာန်ဆိုတဲ့တရားဟာ အဟုတ်အမှန်ရှိကြောင်းကို
ယုံယုံကြည်ကြည်နဲ့လက်ခံပါပြီဆိုတော့ ဦးပဉ္ဇင်းက နိဗ္ဗာန်ဆိုတဲ့တရားဟာ
ဘယ်နေရာမှာ ရှိပါသလဲဆိုတဲ့ ဒုတိယအဆင့် မေခွန်းကို ဖြေကြားရဦးမယ်။

အထက်က ဦးပဉ္ဇင်းရှင်းပြခဲ့တဲ့အချက်အလက်များအရ
နိဗ္ဗာန်ဆိုတဲ့တရားကိန်းဝပ်ဘို့ရာ
နေရာဌာနရှိလို့ မဖြစ်တော့ဘူး။
အကယ်၍ နေရာဌာနတစ်ခုရှိခဲ့လျှင်
ထိုနေရာဌာနရဲ့ မူလဗီဇတရားရှိရမယ်။
မူလဗီဇတရားရှိတာနဲ့ တပြိုင်နက်
ထိုတရားဟာ ပျက်စီးချုပ်ငြိမ်းသွားရမယ်။

အမှန်ကတော့ နိဗ္ဗာန်ဆိုတဲ့တရားဟာ ပထ၀ီ၊ တေဇော၊ အာပေါ၊ ၀ါယောဆိုတဲ့
မဟာဘုတ်ကြီးလေးပါးနဲ့ ဘာမျှ မပတ်သက်ဘူး။ ကင်းလွတ်တယ်။
ဒီမဟာဘုတ်ကြီးလေးပါးနဲ့ ကင်းလွတ်လိုက်တာနဲ့ တပြိုင်နက်
ဘာတရားမျှ မရှိဘူး။ ဘာရုပ်ဝတ္ထုမျှ မရှိဘူး။
ဘာအသွင်သဏ္ဍာန်မှလဲ မရှိဘူး။ ဘယ်နေရာဌာနမှလဲ မရှိဘူး။
ဒီမဟာဘုတ်ကြီးလေးပါးစုပေါင်းဖြစ်ပေါ်ရတဲ့တရားဟူသမျှမှာ
ပျက်စီးချုပ်ငြိမ်းရတာချည်းဘဲ။

ဘာပြုလို့လဲဆိုတော့
စတင်ဖြစ်ပေါ်ခြင်း (ဇာတိ)၊ တိုးတက်ဖွံ့ဖြိုးခြင်း၊ ပျက်စီးယိုယွင်းခြင်း၊
ချုပ်ငြိမ်းခြင်းဆိုတဲ့တရားတွေဟာ
ဒီမဟာဘုတ်ကြီးလေးပါးတို့ရဲ့ မူလဗီဇကပါလာတဲ့ သဘောတွေဖြစ်လို့ဘဲ ဒကာကြီး။

ဒါကိုကြည့်ခြင်းအားဖြင့် နိဗ္ဗာန်ဆိုတဲ့တရားတည်ရှိဘို့အတွက်
နေရာဌာနဆိုတာ မလိုဘူးဆိုတဲ့အချက်ဟာ ထင်ရှားသွားပြီ ဒကာကြီး။

ဒကာကြီး
ဒီလို နိဗ္ဗာန်ဆိုတဲ့တရားကိန်းဝပ်ဘို့နေရာဌာနရယ်လို့ မရှိရင်
ဒီတရားဟာ ဘယ်လိုလုပ်ပြီး ရှိနိုင်ပါ့မလဲဘုရား။

ဆရာတော်
ကဲ ဒါဖြစ်ရင် ဒကာကြီးကို ဦးပဉ္ဇင်းက ပြန်မေးရအုံးမယ်။

ဒကာကြီး
မှန်ပါ့ဆရာတော်

ဆရာတော်
လောကမှာ ဥာဏ်ပညာဆိုတဲ့တရားရှိပါသလား ဒကာကြီး

ဒကာကြီး
ရှိပါတယ်ဆရာတော်

ဆရာတော်
ဒကာကြီး ဒီဥာဏ်ပညာဆိုတဲ့တရားကို မြင်ဘူးသလား

ဒကာကြီး
မမြင်ဘူးပါဘူးဆရာတော်။
ဒီတရားဟာ မမြင်နိုင်၊ မမြင်အပ်တဲ့တရားပါဆရာတော်။

ဆရာတော်
ဒါဖြင့်ရင် ဒီဥာဏ်ပညာဆိုတဲ့တရားဟာ ရှိတယ်လို့ ဒကာကြီး ဘယ်လိုလုပ်ပြီး သိပါသလဲ။

ဒကာကြီး
ဥာဏ်ပညာဆိုတဲ့တရားကို စိတ်အာရုံနဲ့ သညာသဘောနဲ့ သိပါတယ်ဆရာတော်။

ဆရာတော်
ဥာဏ်ပညာဆိုတဲ့တရားဟာ အဘယ်အရပ် အဘယ်ဒေသမှာ  ကိန်းဝပ်ပါသလဲ ဒကာကြီး။

ဒကာကြီး
ဥာဏ်ပညာဆိုတဲ့တရားဟာ ဘယ်နေရာ ဘယ်ဌာနမှ မကိန်းဝပ်ပါဘူးဘုရား၊
ဒါပေမဲ့ အဲဒီတရားဟာ ပေါ်ပေါက်လိုက် ပျောက်ကွယ်လိုက်
တဖန်ပေါ်ပေါက်လိုက်နဲ့ အစဉ်တစိုက်ဖြစ်ပျက်နေပါတယ်ဘုရား။

ဆရာတော်
လေဆိုတဲ့တရားဟာ ရှိပါသလား။

ဒကာကြီး
လေဆိုတဲ့တရားဟာ ရှိပါတယ်။ ဒီလေဆိုတဲ့တရားမရှိဘဲနဲ့
တပည့်တော်တို့ဟာ အသက်ရှင်မနေနိုင်ပါဘူးဆရာတော်။

ဆရာတော်
ဒကာကြီး လေကို မြင်ရသလား
 ဒကာကြီး
မမြင်ရပါဘူးဆရာတော်။ လေဟာ မြင်နိုင်တဲ့တရား မဟုတ်ပါဘူး။
ဆရာတော်
လေဟာ ရှိတယ်ဆိုတာကို ဘယ်လိုလုပ်ပြီး သိအောင်လုပ်သလဲ ဒကာကြီး
ဒကာကြီး
လေကို တပည့်တော်တို့ရဲ့ ခန္ဓာကိုယ်အတွင်းမှာရော၊  အပြင်မှာပါ
လေရဲ့အားကို စမ်းသပ်တွေ့ထိခြင်းအားဖြင့်
လေဆိုတဲ့တရားဟာ တကယ်ရှိတယ်ဆိုတာ သိရပါတယ်ဆရာတော်။

ဆရာတော်
ဒါဖြင့် လေဟာ ဘယ်မှာ ကိန်းဝပ်နေပါသလဲဒကာကြီး။
ဒကာကြီး
ဥာဏ်ပညာဆိုတဲ့တရားလိုပါဘဲ ဆရာတော်၊
လေဟာလဲ အဆက်မပြတ် ဖြစ်ပေါ် ကွယ်ပျောက်နေတဲ့တရားပါဘဲ ဘုရား။

ဆရာတော်
ဥာဏ်ပညာတို့၊ လေ တို့ဆိုတဲ့တရားတွေဟာ တကယ်တမ်းရှိပါလျက်နဲ့
ဘယ်နေရာ ဘယ်ဒေသမှာ ကိန်းဝပ်လျက်ရှိတယ်လို့ မပြနိုင်သလိုဘဲ
နိဗ္ဗာန်ဆိုတဲ့တရားဟာလဲ တကယ်ရှိသော်လဲ
ဘယ်နေရာ ဘယ်ဒေသမှာ ကိန်းဝပ်တယ်လို့ မပြနိုင်ဘူး ဒကာကြီး။
ဥာဏ်ပညာဆိုတဲ့တရားနဲ့ လေဆိုတဲ့တရားတို့
တကယ်တမ်းရှိတယ်ဆိုတာကို
အာရုံခံစားခြင်း၊ တွေ့ထိခြင်းဆိုတဲ့သဘောတို့နဲ့သာ သိနိုင် နားလည်နိုင်သလို
နိဗ္ဗာန်ဆိုတဲ့တရားဟာ တကယ်ရှိတယ်ဆိုတာကိုလဲ
အရဟတ္တမဂ်၊ အရဟတ္တဖိုလ်ရနေကြတဲ့ ပုဂ္ဂိုလ်များရဲ့
လောကုတ္တရာဥာဏ်၊ အာသ၀က္ခယဥာဏ်တို့ဖြင့်သာ
သိမြင် နားလည်နိုင်တယ်။ ကဲ၊ ဒကာကြီး ကျေနပ်ပြီလား။

ဒကာကြီး
ကျေနပ်ပါပြီဆရာတော်၊ ဥာဏ်ပညာနဲ့ လေဆိုတဲ့တရားတွေလိုဘဲ
နိဗ္ဗာန်ဆိုတဲ့တရားဟာ တကယ်ရှိသော်လဲ
ဘယ်နေရာ ဘယ်ဌာနမှာ ကိန်းဝပ်တယ်လို့ ပြလို့
မဖြစ်နိုင်တာကိုလဲ သဘောပေါက်ပါပြီဆရာတော်။

အရှင်အရိယဓမ္မ ၏ ဗုဒ္ဓ၀ါဒပြဿနာမျာ
photo: google search 

Thursday, November 4, 2010

နိဗ္ဗာန်ဆိုတာ


ဒကာကြီး
နိဗ္ဗာန်ဟူသောတရားသည် တကယ်ပင် ရှိပါသလားဘုရား။
အကယ်၍ ရှိပါက ထိုတရားသည် အဘယ်မှာနည်း။
မည်သည့်တရားနှင့် တူပါသနည်းဘုရား။

ဆရာတော်
ဒကာကြီးရဲ့ အမေးပုစ္ဆာဟာ တစ်ချက်ခုတ် သုံးချက်ပြတ် မေးခွန်းဘဲ ဒကာကြီးရဲ့။
မေးခွန်းကို ဖြေရာမှာ ဦးပဉ္ဇင်းဟာ တာဝန်သုံးခုကို တခါတည်း ထမ်းဆောင်ရလိမ့်မယ်။
ပထမတာဝန်က နိဗ္ဗာန်ဆိုတဲ့တရားဟာ တကယ်ရှိကြောင်း ပြဘို့ဖြစ်တယ်။
ဒုတိယတာဝန်ကတော့ နိဗ္ဗာန်ဟာ ဘယ်နေရာမှာရှိတယ်ဆိုတာပြဘို့ ဖြစ်တယ်။
တတိယတာဝန်ကတော့ နိဗ္ဗာန်ရဲ့အသွင်အပြင်လက္ခဏာကို ဖော်ထုတ်ပြဘို့ဖြစ်တယ်။
ပထမဆုံးတာဝန်ဖြစ်တဲ့ နိဗ္ဗာန်ဆိုတဲ့တရားဟာ တကယ်ရှိကြောင်း ပြဘို့ရာ ဒကာကြီးကို
ဦးပဉ္ဇင်းက ပြန်ပြီး မေးရလိမ့်ဦးမယ်။ ကဲ ဒကာကြီးကလဲ ဖြေပါဦး။

ဆရာတော်
ယနေ့ကမ္ဘာပေါ်မှာ ရှိနေကြတဲ့လူတွေ အားလုံးဟာ
အသက်တစ်ရာထိအောင် နေကြရပါ့မလား။

ဒကာကြီး
အသက်တစ်ရာထိအောင် နေကြရမှာ မဟုတ်ပါဘူးဆရာတော်။

ဆရာတော်
သူတို့တတွေ ဘာဖြစ်ကုန်ကြပါမလဲ ဒကာကြီး
ဤတွင် ဆရာတော်က သင်ပုန်းပေါ်၌
တဖက်မှ နိဗ္ဗာန်ဟူသောတရား တကယ်တမ်းတည်ရှိနေပုံနှင့်
အခြားတဖက်မှ စကြာဝဠာကြီးနှင့်တကွ
ဤစကြာဝဠာကြီးပေါ်တွင် ရှိရှိသမျှသောသတ္တ၀ါတို့၏ မတည်မမြဲ ဖောက်ပြန်တတ်သည့်
သဘောတို့ကို အောက်ပါအတိုင်း နှိုင်းယှဉ်ရေးသားပြပါသည်။

စကြာဝဠာကြီးနှင့်ဆန့်ကျင်ဘက်နိဗ္ဗာန်
၁။ သေခြင်းတရားရှိ၏။
၁။ သေခြင်းတရားမရှိ။

၂။ အိုခြင်းတရားရှိ၏။
၂။ အိုခြင်းတရားမရှိ။

၃။ နာခြင်းတရားရှိ၏။
၃။ နာခြင်းတရားမရှိ။

၎။ ဒုက္ခနှင့်ဆင်းရဲခြင်းရှိ၏။
၎။ဒုက္ခနှင့်ဆင်းရဲတို့မှကင်းငြိမ်းသည့်တကယ့်ချမ်းသာသုခရှိ၏။

၅။ မတည်မြဲ။
၅။ တည်မြဲ၏။

၆။ စိတ်နှင့်ကံတို့၏ဖန်ဆင်မှု။
၆။စိတ်နှင့်ကံတို့ကမဖန်ဆင်း (အသင်္ခတဓာတ်)

၇။ ပျက်စီး၏ (အနိစ္စ)
၇။ မပျက်စီးနိုင် (နိစ္စ)

၈။ အစအဆုံးရှိ၏ (အာဒိအနန္တ)
၈။ အစအဆုံးမရှိ (အနာဒိအနန္တ)

၉။ မသန်းရှင်းချေ။
၉။ သန့်ရှင်း၏။

၁၀။ မွေးဖွးကြရ၏ (ဇာတိ)
၁၀။ မွေးဖွားကြရခြင်းမရှိ (အဇာတိ)

၁၁။ မသိမမြင်ခြင်း၊ စွဲလန်းခြင်း၊ လိုချင်တတ်မက်ခြင်း၊ စိတ်ဆိုးခြင်း၊
ကြမ်းတမ်းခြင်း၊ ရန်ငြိုးဖွဲ့ခြင်းစသည့် တရားများရှိ၏။
(အ၀ိဇ္ဇာ၊ ဥပါဒါန်၊ လောဘ၊ ဒေါသ)
၁၁။ ဤတရားများအားလုံးမှ ကင်းစင်၏။
၁၂။ သံယောဇဉ်ကြိုး (၁၀) ချောင်းဖြင့်နှောင်ဖွဲ့ထား၏။
၁၂။ မည်သည့်သံယောဇဉ်ကြိုးမျှ မရှိ။

၁၃။ အနှောင်အဖွဲ့ရှိ၏။
၁၃။ လွတ်လပ်၏။

၁၄။ သံသရာအတွင်း၌ရှိ၏။
၁၄။ သံသရာမှ လွတ်မြောက်၏။

၁၅။ အရသာများရှိ၏။
၁၅။လွတ်မြောက်သည့်အရသာ တစ်ခု တည်းသာ ရှိ၏။

၁၆။ အာသာပြေမှုမရှိ။
၁၆။ အာသာပြေလျက်ရှိ၏။

၁၇။ ချိုးနှိမ်၍ရ၏(သံဝရသဘောရှိ၏)
၁၇။ ချိုးနှိမ်၍ မရ။ အသံဝရသဘောရှိ၏။

၁၈။ အကန့်အသတ်ရှိ၏။
၁၈။ အကန့်အသတ်မရှိ။

၁၉။ ခံစားခြင်း (ဝေဒနာ) နှင့် တတ်မက်ခြင်း (တဏှာ)တရားတို့ဖြင့် အီနေ၏။  
၁၉။ ဝေဒနာနှင့်တဏှာတရားတို့မှ လွတ်မြောက်၏။

၂၀။ တကယ်မရှိ(ပရမတ်မဟုတ်) ၊ မမြဲ။
၂၀။ တကယ်ရှိ၏။ (ပရမတ်) မြဲ၏။

၂၁။ စကြာဝဠာသည် တကယ်မရှိ။
၂၁။ နိဗ္ဗာန်သည် တကယ်ရှိ၏။

ဆရာတော်
(အထက်ပါအတိုင်း သင်ပုန်းပေါ်၌ ရေးသားပြပြီးနောက်)
ကဲ၊ ဒကာကြီး၊ အခု ဦးပဉ္ဇင်းရေးပြထားတဲ့ ဆန်းစစ်ချက်အရ နိဗ္ဗာန်ဆိုတဲ့တရားဟာ
တကယ်တမ်းရှိတယ်ဆိုတာကို လက်ခံနိုင်ရလား။

ဒကာကြီး
နိဗ္ဗာန်ဆိုတဲ့တရားဟာ တကယ်ရှိတယ်ဆိုတဲ့အချက်နဲ့ပတ်သက်လို့
ဆရာတော်ရှင်းပြတဲ့အချက်အားလုံးကို တပည့်တော်လက်ခံပါတယ်။
ဒါပေမဲ့ သတ္တ၀ါတွေမှာ ဇာတိတရားချုပ်ငြိမ်းသွားရတယ်ဆိုတဲ့အချက်ကိုတော့
တပည့်တော်ခေါင်းထဲမှာ မရှင်းသေးဘဲ ဖြစ်နေပါတယ်ဆရာတော်။

ဆရာတော်
ဒါဖြင့် ဦးပဉ္ဇင်းက ရှင်းပြရသေးတာပေါ့။
 ဒကာကြီး၊ မွေးဖွားခြင်း (ဇာတိတရား) ဆိုတာဟာ သေခြင်းရဲ့ အကြောင်းတရားဘဲ။
နိဗ္ဗာန်ရောက်ပြီးမှ သတ္တ၀ါတစ်ဦးဦးဟာ ဖွားရအုံးမယ်ဆိုရင်
ထိုသတ္တ၀ါဟာ သေရမှာ အမှန်ဖြစ်တယ်။
အဲဒီလို သေခြင်းတရားရှိနေရင် နိဗ္ဗာန်ဟာ မွေးဖွားခြင်း၊
အိုခြင်း၊ နာခြင်း၊ သေခြင်းဆိုတဲ့တရားတွေ
ချုပ်ငြိမ်းရာတရားမဟုတ်တော့ဘူး။

မြစ်တစ်စင်းဟာ မြစ်ဖျားခံရာဒေသမှာ မွေးဖွားပြီး မြစ်ဝအထိဟာ
ဒီမြစ်ရဲ့ တစ်သက်တာ ဘ၀ဘဲ။

ဒီနည်းအတိုင်းပါဘဲ၊ သတ္တ၀ါတစ်ဦးဦးရဲ့ ဘ၀တစ်သက်တာဟာ
မွေးဖွားတဲ့အချိန်ကစပြီး သေတဲ့အခါမှာ အဆုံးသတ်ရတယ်။
ဒါ့ကြောင့် နိဗ္ဗာန်ဆိုတဲ့တရားထဲမှာ မွေးဖွားခြင်းဆိုတဲ့တရား မရှိတော့ဘူး။

မွေးဖွားခြင်းနဲ့သေခြင်းဟာ ကြိုးတစ်ချောင်းထဲဘဲ။
အစတစ်ဖက်က  မွေးဖွားခြင်းဆိုတာဖြစ်ပြီး
ကျန်အစတစ်ဖက်က သေခြင်းဘဲ။

သည့်ပြင် အချက်တစ်ချက်လဲ ရှိသေးတယ်။
အဲဒါက မွေးဖွားခြင်းနဲ့ သေခြင်းတို့ဟာ ဒုက္ခတရားတွေလဲဖြစ်တယ်။
မြဲလဲမြဲတဲ့ တရားတွေလဲ မဟုတ်ကြဘူး ဒကာကြီး။

ဒကာကြီး
ဆရာတော်ရဲ့ ရှင်းလင်းချက်ဖြင့် မွေးဖွားခြင်းနဲ့ သေခြင်းတရားတို့အကြောင်းကို
တပည့်တော်ရှင်းရှင်းလင်းလင်း နားလည်ပါပြီ ဆရာတော်။
နိဗ္ဗာန်ဆိုတဲ့တရားဟာလဲ မွေးဖွားခြင်း၊ သေခြင်းဆိုတဲ့တရားတို့ရဲ့
ကင်းငြိမ်းရာဖြစ်တယ်ဆိုတာကိုလဲ သိမြင်နားလည်ပါပြီဆရာတော်။

အရှင်အရိယဓမ္မ ၏ ဗုဒ္ဓ၀ါဒပြဿနာများ


Wednesday, November 3, 2010

Until old age (အိုသည့်တိုင်အောင်)


What is good until old age?
What is good when established?
What is the precious gem of humans?
What is hard for thieves to steal?

Virtue is good until old age;
Faith is good when established;
Wisdom is the precious gem of humans;
Merit is hard for thieves to steal.

Kimsu yava jara sadhu, kimsu sadhu patitthita
Kimsu naranam ratanam, kimsu corehi duharam

Silam yava jara sadhu, saddha sadhu patitthita
Panna naranam ratatam, punnam corehi duharam.

 Jara Sutta: Sagathavagga Pali
Photo: google search

Tuesday, November 2, 2010

ပန်းတိုင်


သစ္စာလေးပါးထဲမှာ တတိယမြောက်သစ္စာက နိရောဓသစ္စာတဲ့။
နိဗ္ဗာန်အမှန်တရားပေါ့။

ဗုဒ္ဓဘာသာဝင်တို့အဖို့
နိဗ္ဗာန်ဆိုတဲ့စကားလုံးကို ငယ်စဉ်ကတည်းက ရင်းနှီးခဲ့ပါတယ်။
ကကြီး ခခွေး မဆိုတတ်ခင် မရေးတတ်ခင်ကတည်းက
သြကာသကန်တော့ချိုးထဲမှာပါတဲ့
“နိဗ္ဗာန် တရားတော်မြတ်ကို ရရပါလို၏ အရှင်ဘုရား” ဆိုတာကို
မိဘတွေနဲ့အတူ လိုက်ဆိုတတ်နေပြီ။

ကလေးသဘာဝ နိဗ္ဗာန်ဆိုတာကြီးက ဘယ်လိုဟာကြီးလဲ၊ ဘာကြီးလဲ လို့ စပ်စုကြည့်တော့
 အလွန်ချမ်းသာတဲ့တရားကြီးပေါ့ကွယ် လောက်သာ မိဘတွေ ဖြေဆိုတတ်တယ်။
ဒီထက်ပို မဖြေတတ်တော့ဘူး။
ဒါပေမဲ့ နိဗ္ဗာန်ဆိုတာ ရယူရမဲ့ လိုအပ်တဲ့ ရှိရမဲ့အရာတစ်ခုလို့တော့ ခံစားမိသလိုပဲ။

ကိုရင်ပေါက်စဘ၀ (အဘိဓမ္မာ) သဂြိုဟ်သင်တော့ စာချဘုန်းကြီးက
ပရမတ်တရား (၄) ပါးကို ပြောပြပါတယ်။
ပရမတ်တရား (၄) ပါးဆိုတာ
စိတ်၊ စေတသိက်၊ ရုပ်၊ နိဗ္ဗာန်တဲ့။
စာချဘုန်းကြီးပြောတဲ့ စိတ်၊ စေတသိက်၊ ရုပ်၊ နိဗ္ဗာန်ဆိုတာ
စိတ္တ၊ စေတသိက၊ ရူပ၊ နိဗ္ဗာန ဆိုတဲ့ပါဠိပုဒ်တွေက လာတာ။
ပရမတ်ဆိုတာကိုက ပရမတ္ထ ဆိုတဲ့ပါဠိပုဒ်က လာတာ။

ဆိုတော့ ငယ်ရွယ်တဲ့ ကိုရင်တစ်ပါးအနေနဲ့
စာချဘုန်းကြီးပြောတဲ့ စိတ်ရဲ့ အဓိပ္ပါယ်ကိုလဲမသိဘူး။
စေတသိက်ရဲ့ အဓိပ္ပါယ်ကိုလဲမသိဘူး။
ရုပ်ရဲ့ အဓိပ္ပါယ်ကိုလဲမသိဘူး။
နိဗ္ဗာန်ရဲ့ အဓိပ္ပါယ်ဆိုတာ ဝေလားဝေး။

စိတ္တကို စိတ်လို့ဘာသာပြန်တာ၊ နိဗ္ဗာနကို နိဗ္ဗာန်လို့ဘာသာပြန်တာဟာ
စရာပေတွာ၊ စရာပေတ်၍။ လို့ဘာသာပြန်တာထက် ပိုပြီးနားလည်ရခက်ပါတယ်။

အဲ၊ ဒါပေမဲ့ သဂြိုဟ်စာအုပ်ရဲ့ တစ်နေရာမှာတော့ နိဗ္ဗာန်နဲ့ပတ်သက်လို့
နိဗ္ဗာန်ဆိုတဲ့သဘောသဘာဝ ခပ်ပျပျ အဓိပ္ပါယ်လေးကို တွေ့လိုက်ရတယ်။
နိဗ္ဗာန်ဆိုတာကို မဂ်ဥာဏ်လေးပါးနဲ့(သာ) မျက်ဝါးထင်ထင် တွေ့မြင်ရတယ်တဲ့။
နိဗ္ဗာန်ဆိုတာ မဂ်ဖိုလ်တို့ရဲ့ အာရုံဖြစ်တယ်တဲ့။
ဝါနလို့ခေါ်တဲ့ တဏှာမှ လွတ်မြောက်တတ်လို့ ထွက်မြောက်တတ်လို့ နိဗ္ဗာန်လို့ခေါ်တယ်တဲ့။
(သဂြိုဟ်-ရုပ်ပိုင်း၊ ပုဒ်ရေ - ၆၂)

ဒါကလဲ ပြီးပြည့်စုံတဲ့ ရှင်းလင်းတဲ့ (သူလို ကိုယ်လို သာမန်လူတွေ)
နားလည်လွယ်တဲ့ ရှင်းလင်းချက်တော့ မဟုတ်သေးပါဘူး။
ဆိုတော့ အဲ့အချိန် သဂြိုဟ်ကို သင်နေရတဲ့အချိန် ကိုရင်ပေါက်စ အရွယ်တုန်းက
နိဗ္ဗာန်ရဲ့ အဓိပ္ပါယ်ကို ဘယ်လိုမှ နားမလည်နိုင်ခဲ့ပါဘူး။

ဒီနိဗ္ဗာန်ကို အင်္ဂလိပ်လိုတော့
Liberation, Deliberance, Emancipation, Cessation, Freedom
 စသဖြင့် အမျိုးမျိုး ပြန်ဆိုကြတယ်။
တချို့က Happiness လို့တောင် ပြန်ဆိုကြသေးတယ်။

ဒါနဲ့စပ်လို့ ရထားပေါ်မှာ ခရီးသွားရင်း ဆုံတွေ့ကြတဲ့
ကြားဘူးတဲ့ ဦးဇင်းလေးတစ်ပါးနဲ့ အင်္ဂလိပ်ကြီးတစ်ယောက်
ဘာသာရေးဆွေးနွေးခဲ့တဲ့အဖြစ်အပျက်လေးကို သတိရမိတယ်။
သူတို့နှစ်ဦး ဟိုဟိုဒီဒီ ပြောရင်းဆိုရင်း နိဗ္ဗာန်အကြောင်းရောက်သွားတယ်တဲ့။
နိဗ္ဗာန်ဆိုတာ ဘာပါလဲ လို့ အင်္ဂလိပ်ကြီးက မေးတာပေါ့။
နိဗ္ဗာန်ဆိုတာ Happiness ကိုပြောတာပါလို့ ဦးဇင်းလေးက ဖြေသတဲ့။
အင်္ဂလိပ်ကြီးကလဲ
အိုး၊ ဂလိုလား၊ ဟုတ်ပါဘီဗျာ တဲ့။

နောက်နာရီဝက်လောက်အကြာမှာ ခရီးဖော်ဦးဇင်းက
ဘာကို သဘောကျတယ်မသိပါဘူး။
အသံထွက်ပြီး ဟက်ဟက်ပက်ပက် ရယ် သတဲ့။

ဒါကို အင်္ဂလိပ်ကြီးက
“ဟိုမှာ ခင်ဗျားသူငယ်ချင်း နိဗ္ဗာန်ရောက်နေပြီ” တဲ့။
သူက နိဗ္ဗာန်ကို Happiness လို့ ပြောခဲ့တာကိုး။

ဒီနိဗ္ဗာန်ဆိုတာကို ပြီးပြည့်စုံတဲ့ နားလည်လွယ်တဲ့ မှန်ကန်တဲ့ 
မြန်မာစကားနဲ့ ဖလှယ်ဘို့ မလွယ်သလို
အင်္ဂလိပ်စကားလုံးနဲ့ ဖလှယ်ဘို့ မလွယ်ဘူး။
မလွယ်ပေမဲ့ အဆင်ပြေသလိုတော့ ပြန်ဆိုနေရတာပဲ။
အဆင်ပြေသလို ပြန်ဆိုပေမဲ့ အဆင်မပြေတဲ့အခါမှာ
အခုနက အင်္ဂလိပ်ကြီးလို နားလည်မှုလွဲသွားရင်တော့
ဒို့နိဗ္ဗာန် ကိုယ်ကျိုးနည်းရချည်ရဲ့။

ဘုရားရှင်ကိုယ်တိုင်ကတော့ ဓမ္မစကြာတရားဦးမှာ
တဏှာယ အသေသ၀ိရာဂနိရောဓော စာဂေါ ပဋိနိဿဂ္ဂေါ မုတ္တိ အနာလယော
လို့ ဟောခဲ့ပါတယ်။
“တဏှာလုံးဝ ကင်းပျောက်ချုပ်ငြိမ်းရာ၊ စွန့်လွတ်ရာ၊ စွန့်ပယ်ရာ၊
လွတ်မြောက်ရာ၊ မကပ်ငြိရာသည် နိဗ္ဗာန်” ပေါ့။

ဘယ်လိုပဲဖြစ်ဖြစ်
နိဗ္ဗာန်ရဲ့ အဓိပ္ပါယ်ကို သိဘို့ ဗုဒ္ဓဘာသာဝင်တိုင်း ကြိုးစားသင့်ပါတယ်။
 ဘာလို့လဲဆိုတော့ ဗုဒ္ဓဘာသာတို့ရဲ့ ပန်းတိုင်က နိဗ္ဗာန်ဖြစ်နေလို့ပါပဲ။
ဗုဒ္ဓဘာသာဝင်တိုင်း နိဗ္ဗာန်ဆိုတာကို
ပြောနေကြပေမဲ့ ကြားနေရပေမဲ့ နိဗ္ဗာန်ဆိုတာရဲ့ အဓိပ္ပါယ်ကို
ဂဃနဏ သိတဲ့သူ ရှားတယ်။

(သူများလာထောင်းရင် ပိုနာမှာစိုးလို့)
ကိုယ့်ပေါင်ကို ကိုယ်လှန်ထောင်းရမယ်ဆိုရင်
ဗုဒ္ဓဘာသာဝင်တို့ရဲ့ ခေါင်းဆောင်များဖြစ်တဲ့ ဘုန်းကြီးတွေတောင်
“အရှင်ဘုရား၊ အရှင်ဘုရားတို့ ပြောပြောနေတဲ့ ဟောဟောနေတဲ့ နိဗ္ဗာန်ဆိုတာ ဘာပါလဲဘုရား” လို့ သွားမေးကြည့်။
အင်း၊ အဲ ဆိုတဲ့စကားလုံးတွေ အကြိမ်များစွာ ကြားရမှာဖြစ်ပြီး
နိဗ္ဗာန်ဆိုတာ နိနဲ့ ၀ါန ပေါင်းစပ်ထားတဲ့ပုဒ်ဖြစ်တယ် စသဖြင့်
အငယ်တုန်းက ဆရာဘုန်းကြီးက ကျက်ခိုင်းလို့ ရထားတဲ့ဟာတွေကို
ရွတ်ပြ ဆိုပြ ပါလိမ့်မယ်။ တချို့ဘုန်းကြီးတွေဆို
ငယ်ငယ်တုန်းက စနစ်တကျ မသင့်ခဲ့ရလို့ ဒါကိုတောင်
ကျကျနန မရွတ်ပြ မဆိုပြနိုင်ပါဘူး။

ပါဠိအဘိဓာန်ဆရာကြီးကတောင် နိဗ္ဗာန်ဆိုတဲ့ပုဒ်ကို
မောက္ခ၊ လွတ်မြောက်ရာ
နိရောဓ၊ ချုပ်ငြိမ်းရာ၊
တဏှက္ခယ၊ တတ်မက်မှုတဏှာကုန်ရာ၊
ဒီပ၊ အလင်းရောင် စသဖြင့် ပရိယာယ်စကားလုံး (၄၀) ကျော် ထုတ်ပြသွားပါတယ်။
ဒါကလဲ နိဗ္ဗာန်ကို နားလည်ဘို့အတွက် အဘိဓာန်ဆရာကြီးရဲ့  ကြိုးပမ်းမှုပါပဲ။

ထိုထိုကျမ်းကြီးကျမ်းငယ်အသွယ်သွယ်ကို ကိုးကားမှီငြမ်းပြီး
မြန်မာဘာသာပြန်ဆရာတော်များကလည်း
အလွန်တရာ မြင့်မြတ်တာ၊ အစဉ်ထာဝရတည်မြဲတာ၊ ဖျက်ဆီးလို့ မရတာ၊
မြေ၊ ရေ၊ လေ၊ မီး ဆိုတဲ့ ဓာတ်ကြီးလေးပါးနဲ့ တည်ဆောက်ထားတာ မဟုတ်တာ။
ဆင်းရဲမှုကို ကျော်လွန်တာ၊ အဖြစ်အပျက် မရှိတာတွေဟာ နိဗ္ဗာန်ဆိုပြီး
ပြောတော့တာပဲ။ ဟောတော့တာပဲ။

ရှင်းရှင်းပြောရရင် ဒီရှင်းပြချက်တွေက
နိဗ္ဗာန်ဆိုတာ ဘာလဲ ဆိုတာ
ရှင်းသွားအောင် လုပ်မပေးနိုင်ပါဘူး။
ရှင်းမသွားတဲ့အပြင် ပိုတောင် ရှုတ်ထွေးသွားပါသေးတယ်။
ဒါကလဲ ရှုတ်ထွေးသင့်လို့ ရှုတ်ထွေးတာပါ။

နိဗ္ဗာန်အဓိပ္ပါယ်ကို ရှင်းပြတဲ့သူကလည်း ရိုးရိုးပုဂ္ဂိုလ်၊
ရှင်းပြတာကို နာယူ၊ လေ့လာ၊ နားထောင်တဲ့သူကလည်း ရိုးရိုးပုဂ္ဂိုလ်ဖြစ်နေတော့
ရိုးရိုးပုဂ္ဂိုလ်တို့အရာမဟုတ်တဲ့ နိဗ္ဗာန် ဆိုတာကို
ဘယ်လိုမှ အပြည့်အ၀ နားလည်နိုင်မှာ မဟုတ်ပါဘူး။
ခန့်မှန်းသိလောက်နဲ့ပဲ နိဗ္ဗာန်ကို နားလည်ကျမှာပါ။

လူတွေဟာ ဝေါဟာရပညတ်တစ်ခုကို အဓိပ္ပါယ်ဖော်ဆောင်ရာမှာ
သူတို့မျက်စိနဲ့ မြင်တဲ့အရာဝတ္ထုကိုသာ
သူတို့စိတ်သိနဲ့ အဓိပ္ပါယ်ဖောင်ဆောင်နိုင်ကြတာမဟုတ်ပါလား။

သူတို့မျက်စိနဲ့မမြင်နိုင်တဲ့အရာဝတ္ထုကို
သူတို့စိတ်အသိနဲ့ အဓိပ္ပါယ် မဖောင်ဆောင်နိုင်ကြပါဘူး။
နိဗ္ဗာန်ဆိုတာကြီးကိုလည်း သူတို့မျက်စိနဲ့ မမြင်နိုင်လို့ အဓိပ္ပါယ်မဖော်ဆောင်နိုင်ကြဘူး။
ခန့်မှန်းယော်ရမ်းပြီး နိဗ္ဗာန်ဆိုတာ ဒီလိုကွ၊ ဟိုလိုကွ နဲ့ ပြောဆိုနေကြတာ။

နိဗ္ဗာန်နဲ့စပ်လို့
ဒေါက်တာရာဟုလာရေးခဲ့တဲ့ What the Buddha Taught
ဆိုတဲ့ စာအုပ်ခလေးတောင် သတိရမိသေး။
(စာအုပ်မှာ ဒီလို)

ငါးသတ္တ၀ါတွင် ကုန်းမြေအကြောင်းဖော်ပြရန် ဝေါဟာရမရှိသကဲ့သို့
လူတို့တွင်လည်း လောကုတ္တရာအတွေ့အကြုံကို ဖော်ပြနိုင်ရန် စကားလုံးမရှိချေ။
လိပ်က ၄င်း၏မိတ်ဆွေ ငါးအား
ကုန်းပေါ်မှာ လမ်းလျှောက်၍ ရေကန်သို့ ပြန်လာကြောင်း ပြောပြသည်။

ငါးက
အော်၊ ဟုတ်လား၊ ရေကူးလာခဲ့တာမဟုတ်လား ဟု ပြန်မေးလေသည်။

လိပ်က
ကုန်းပေါ်တွင် ရေမကူးနိုင်ကြောင်း၊ ကုန်းမြေသည် မာကြောကြောင်း၊
လမ်းလျှောက်၍ သွားရကြောင်း ရှင်းပြသည်။
သို့ရာတွင် ငါးက လိပ်ပြောသော ကုန်းမြေကဲ့သို့ မရှိနိုင်ကြောင်း၊
ရေကန်ကဲ့သို့ပင် လှိုင်းအိကလေးများနှင့် ရေပြင်သာဖြစ်ရမည်ဖြစ်၍
ရေငုတ်နိုင်၊ ရေကူးနိုင်မည်သာဖြစ်ကြောင်း ဇွတ်ငြင်းဆိုလေတော့သည်။


ဟုတ်တယ်။ ရိုးရိုးလူသား (လောကီလူသား) တို့ နိဗ္ဗာန်ဆိုတာကို သေချာ မသိနိုင်။
မျက်မှောက်သိဖြင့် နိဗ္ဗာန်ကို မသိနိုင်။
တရားကျင့်ပြီး သောတာပန်၊ သကဒါဂါမ်၊ အနာဂါမ်၊ ရဟန္တာ ဆိုတဲ့
အရိယာအဆင့်လေးဆင့် တစ်ဆင့်ဆင့်ရောက်မှသာ
နိဗ္ဗာန်သဘောသဘာဝကို သေသေချာချာ အတွင်းသိ အစင်း (အဆင်း) သိ
(၀ါ) မျက်မှောက်သိ သိနိုင်မယ်။

ဆိုတော့ နိဗ္ဗာန်ကို ဂဃနဏ သိဘို့ သောတာပန်ဖြစ်ဖို့လိုတယ်။
သကဒါဂါမ်ဖြစ်ဖို့လိုတယ်။
အနာဂါမ်ဖြစ်ဖို့လိုတယ်။
ရဟန္တာဖြစ်ဖို့လိုတယ်။

ဒါပေမဲ့ ဟိုနေ့က စာအုပ်တစ်အုပ်ဖတ်ဖြစ်တယ်။
(ဆရာတော်အရှင်အရိယဓမ္မရဲ့  ) “ဗုဒ္ဓ၀ါဒပြဿနာများ”  ဆိုတဲ့စာအုပ်။
အဲ့ထဲမှာ နိဗ္ဗာန်ဆိုတဲ့သဘောသဘာဝကို သာမန်လူတစ်ယောက်နားလည်နိုင်လောက်တဲ့
အရေးအသားနဲ့ ရှင်းပြထားတယ်။
ဖတ်ဖူးတဲ့စာအုပ်တွေထဲမှာတော့ အရှင်းဆုံးပဲလို့ ပြောရမလိုပဲ။

photo: google search

Monday, November 1, 2010

မြက်ရိပ်သမား


တစ်နေ့
ကောင်လေးတစ်ယောက် စတိုးဆိုင်လေးမှာ ဆိုဒါ လာဝယ်တယ်၊
ဝယ်ရင်းနဲ့ ဖုန်းတစ်ခါလောက် ခေါ်ခွင့်ပြုဖို့ ဆိုင်ရှင်ကို ခွင့်တောင်းတယ်၊

ဆိုင်ရှင်က ဖုန်းဆိုင်မဟုတ်ကြောင်း
သို့သော်  တစ်ခေါက်တော့ ခေါ်ခွင့်ပြုမည်ဖြစ်ကြောင်း ပြန်ပြောပါတယ်၊
ဆိုင်ရှင်က ကောင်လေးဖုန်းပြောသံကို နားထောင်နေတယ်၊
ကောင်လေးက တစ်ဘက်က အဒေါ်ကြီးတစ်ယောက်နဲ့ ပြောနေပုံရတယ်၊

“အဒေါ်ခင်ဗျား၊ အဒေါ့်ခြံထဲက မြက်ခင်းရိတ်တဲ့အလုပ် ကျွန်တော့်ကို ပေးပါလားခင်ဗျာ”

တစ်ဘက်က ပြန်ပြောတယ်၊
“တို့က တစ်ခြားတစ်ယောက်ကို အလုပ်ခန့်လိုက်ပါပြီကွယ်”

“အဒေါ်ရယ်၊ ကျွန်တော် အဒေါ့်ခြံကို အဒေါ် စိတ်တိုင်းကျဖြစ်အောင် ကြိုးစားပြီး ရိတ်ပေးပါမယ်၊
ဈေးကိုလဲ  အခုလက်ရှိ လုပ်ပေးနေတဲ့သူ ယူတဲ့ ဈေးနှုန်းရဲ့တစ်ဝက် ဈေးဘဲ ကျွန်တော်ယူပါ့မယ်”

တစ်ဘက်ကလဲ ပြန်ဖြေပါတယ်
“အခုလက်ရှိ သူ့ခြံကို ရိတ်ပေးနေတဲ့သူဟာ သူ့စိတ်တိုင်းကျ လုပ်ပေးပြီးသား
သူကျေနပ်ပြီးသားဖြစ်ပါတယ်” တဲ့။

ဒီတစ်ခါတော့ ကောင်လေးက ပိုပြီး ချိုသာ အောက်ကျို့တဲ့လေသံနဲ့
“အဒေါ်ရယ်….. ကျွန်တော် အဒေါ့်ခြံကို မြက်လဲရိတ်ပေးမဲ့အပြင် တစ်ခြံလုံးကို
တံမြက်စည်း လှည်းပေးပါ့မယ်၊ လမ်းတွေကိုလဲ သန့်ရှင်းရေးလဲ လုပ်ပေးပါ့မယ်၊
 ဒီလိုဆို နောက် တစ်ပတ် တနင်္ဂနွေနေ့ရောက်ရင်
အဒေါ်ခြံဟာ ဒီတစ်နယ်လုံးမှာ ဘယ်သူမှ မမှီတဲ့
အလှဆုံးနဲ့ အသန့်ရှင်း အသပ်ရပ်ဆုံး ခြံတစ်ခုဖြစ်လာမှာပါ၊
ကျွန်တော့ကို အလုပ်ခန့်ပါ အဒေါ်ရယ်”

တစ်ဘက်ကလဲ အလုပ်မခန့်ကြောင်းကိုသာ ပြန်ပြောပါတယ်၊
ကောင်လေးက ကျေကျေနပ်နပ်ကြီး ပြုံးလိုက်ပြီးတော့ ဖုန်းကိုချလိုက်ပါတယ်၊

ကောင်လေးရဲ့ ဖုန်းပြောသံကို အစအဆုံး နားထောင်နေတဲ့ ဆိုင်ရှင်က
ကောင်လေးဆီ လျှောက်လာပြီး
“ကောင်လေး၊ ဦးက မင်းရဲ့စိတ်ထားလေးကို သဘောကျတယ်၊
မင်းရဲ့အကောင်းဆုံးလုပ်ပေးချင်တတ်တဲ့သဘောထားကို လေးစားတယ်၊
ဒါကြောင့် ဦးလေး မင်းကို အလုပ်တစ်ခုခု ပေးချင်တယ်၊
မင်း   ဘယ်လိုသဘောရလဲ”

“ကျေးဇူးတင်ပါတယ် ဦးလေးရယ်၊ ကျွန်တော့ အတွက် အလုပ်မလိုပါဘူး၊
ကျွန်တော် လုပ်ပေးလိုက်တဲ့အလုပ်ကို အလုပ်ရှင်က ကျေနပ်မှုရှိမရှိ
ကျွန်တော် ပြန်ဆန်းစစ် ကြည့်တာပါ၊
 ခုနက ကျွန်တော်နဲ့ ဖုန်းပြောတဲ့ အဒေါ်ကြီးက
ကျွန်တော် အခု အလုပ် လုပ်ပေးနေတဲ့ အလုပ်ရှင်ပါ”

@forward mail
photo: google search