Tuesday, October 12, 2010

ကြက်ဖနှင့်နေမင်း


တစ်နေ့နံနက်၊ တစ်မနက်တွင်
ကြက်နှင့်နေမင်း၊ ပြိုင်ဆိုင်ငြင်း၍
အခြင်းများခဲ့ဖူးပါသည်။

အိမ်ခေါင်တန်းထက်၊ တောင်ပံနှက်၍
ရွှေကြက်ဖကြီး၊ အောက်အီးအီးဟု
တွန်ပြီးသရော်၊ ရှေ့ဘက်မျှော်၍
ရဲဘော်နေ၀န်း၊ အိပ်ရာခန်းက
ထွက်မြန်းဖို့သင့်၊ အချိန်လင့်ဟု
ဟန်နှင့်ပန်နှင့် ဆိုလိုက်သည်။

ငါ့သူငယ်တော်၊ ရောင်နီပေါ်၍
ရဲဘော်ကြက်ဖ၊ အိပ်ရာထကာ
တွန်ရပါသည်...
ငါသာမနှိုး၊ သင်မနိုးဟု
မိုးဝရှေ့ဆီ၊ မျက်နှာနီနှင့်
အဆီဝင်းဝင်း၊ ရှင်နေမင်းက
ငြင်းဆန်ချေပလိုက်ပါသည်။

ငါတွန်လို့သင်နိုး၊ ငါနှိုးလို့သင်တွန်
ငြင်းဆန်ချေပ
ချီချပြောကာ၊ နေခိုက်ခါတွင်
လယ်မှာယောက်ကျား၊ လယ်သမားသည်
လယ်နွားကိုဖြုတ်၊ လယ်တင်းကုပ်သို့
လယ်လုပ်နားရန်၊ ခဏပြန်သည်
တာဝန်တခန်းပြီးခဲ့ပြီ။
မင်းသုဝဏ်
မဟေသီ၊ အောက်တိုဘာ
မြ၀င်း (ဒဿန) ငါတွန်လို့သင်နိုး၊ ငါနှိုးလို့သင်တွန် မှ