Thursday, May 20, 2010

ညှိုးတဲ့တေဇာ

“ဇာတိမာန်”ဟူသော စကားကိုကြားရသည့်အခါတိုင်းတွင် ကျနော်၏စိတ်ဝိဉာဉ်သည် ငွားငွားစွင့်စွင့်ပွင့်လန်း လျက်ရှိသော ပဒုမ္မာကြာပွင့်ဆီသို့ ခိုဝင်လိုပါလျက် ပန်းမာလ်ကင်း သော၊လူသူကွယ်ရာ တောအုပ်တွင်းသို့ ညှိုးငယ်စွာ
ပျံသန်း ပြေးလွှားပုန်းအောင်းသွားရ သော ပျားပိတုန်းပမာ ရှိလေ၏။
……………………………
“ဇာတိမာန်”ဟူသည် အမျိုးကိုမှီ၍ တက်ကြွအပ်သော စိတ်ထားဟု ဆိုကြပါ၏။ ကျနော့်မွေး ဇာတိ တိုင်းပြည်ကား သာကီဇာနည်တို့ မင်းလုပ်ခဲ့သောနေပြည်ဟုလည်း ရှေးဆိုရိုးရှိပြန် ပါ၏။ တိုင်းကားပြည်ကြီးရွှေထီးဆောင်းစဉ်ကာလကို ပြန်ပြောင်းတမ်းတကြရင်း “ယိုးဒယားနဲ့တိုင်းခြားကိုပါ တိုက်ခိုက်ကာ အောင်ခဲ့တာ ”ဟူ၍လည်း မကြာခဏ ဟစ်ကြွေးလေ့ရှိပါ၏။ ထို့ပြင်တဝ မျက်မှောက် ကာလတွင် လည်း ခေတ်မီဖွံ့ဖြိုးတိုးတက်သော နိုင်ငံတော် သစ်ကြီးဆီသို့ အောင်မြင်စွာချီတက် နိုင်လျက်ရှိကြောင်း နားနှင့် မဆန့်အောင် ကြားနေရ ဆဲဖြစ်ပါသည် ။
ကျနော်သည် ဇာတိမာန်နှင့် ပတ်သက်လာလျှင် အခြားအခြားသော သာကီနွယ်တို့နည်းတူ မာန်တက်ချင်သူ ဖြစ်လေရာ “ငါတို့လူမျိုးသည် အထက်ကဆိုသကဲ့သို့ မြတ်သောအမျိုးအနွယ်ဟူသည် ဟုတ်မှန်သေးပါ၏လော ” ဟုစေ့ငုမိသည့်အခါတိုင်း နှလုံးစိတ်ဝမ်း မချမ်းမသာဖြစ်ရမြဲ ။
စိတ်ဝိဉာဉ်ပျားပိတုန်း လူဖြစ် ရှုံးသည်ဟု ခံစားရခြင်း၏ အကြောင်းရင်းများစွာအနက် ကျနော် မျက်မြင်ဒိဋ္ဌ ကြားသိခဲ့ရသည့် “ အောင်ချို”အမည်ရှိလူငယ်တယောက်၏ ဘဝ ဇာတ်လမ်းသည်လည်း တခုအပါအဝင် ဖြစ်လေသည် ။
………………………..
အောင်ချိုကား အသက်နှစ်ဆယ့်ငါးနှစ်ဝန်းကျင်၊ မော်လမြိုင်ဇာတိ မွန်မြန်မာကပြား လူငယ် လေးဖြစ်ပါသည်။ မွေးချင်းငါး ယောက်အနက်သူသည် တတိယမြောက်ဟု ဆိုပါသည်။ အကိုအကြီးဆုံးမှာ ဘန်ကောက် တွင် လက်သမားလုပ်သည်ဆို၏။ သူ့အထက်အမကား မော်လမြိုင်တွင်ပင်အိမ်ထောင်  ရက်သားကျခဲ့ပြီး ယခုအချိန် တွင်မူ လင်သားဆုံးပါးသွား လေသဖြင့် မုဆိုးမဘဝနှင့် ရှိနေသည် ။ သူ့အောက်က အငယ်နှစ်ယောက်မှာ မမာ မကျန်း ဖြစ်နေသော မိခင်ကြီးနှင့်အတူနေထိုင်လျက် မော်လမြိုင်မှာ ကျောင်းတက်နေကြဆဲ ။ အငယ်နှစ်ယောက်နှင့်မိခင်ကြီးအတွက်အောင်ချိုကပင် ထောက်ပံ့ပေးနေရသည်။ကျနော်နှင့်အောင်ချို တွေ့စဉ်ကသော် အောင်ချိုတယောက်၊ ဆွေမရှိမျိုးမရှိ ၊ဖူးခက်ကို ရောက်နေသည်မှာ ဆယ်နှစ်ခန့်ရှိခဲ့ပြီ။
…………………………….
ဖူးခက်မြို့မှာ ကျနော်ဖွင့်ထားသော ဈေးဆိုင်ကို ဝင်ထွက်သွားလာရင်း အရောင်းတာဝန်ခံ အာကာတို့နှင့် အလွမ်းသင့်ရာက ကျနော်နှင့်ပါ ရင်းနှီးလာသည်။ နောက်ပိုင်းတွင် အိမ်ခန်းငှားမနေတော့ပဲ တကိုယ်ရည်တကာယ သမားပီပီ ကျနော့်ဆိုင် အပေါ်ထပ်အခန်းလွတ် မှာလာနေသည်။
သူအလုပ်နားသည့်ရက်များတွင် ဆိုင်အလုပ်ကို ဝိုင်းကူသည်။ ဆိုင်တာဝန်ခံအာကာသည် လည်း ထိုင်းစကားကို လည်လည်ပတ်ပတ်မပြောတတ်လေရာ မြန်မာလုပ်ငန်းခွင်များသို့ လှည့်လည်ရောင်းချသော ထိုင်းဈေးကား ၊ထိုင်းဖောက်သည်တို့ ဈေးဝယ်လာသည့်အခါ မြန်မာ့ပစ္စည်းတို့ကို မြန်မာလိုခေါ်ပြောတတ်သော အောင်ချို့ကိုပင် အားကိုးရသည်။ ထို့ပြင်အိမ်မခန်အရပ်က ကျနော်သီးခြားနေသော့အိမ်မှာ ရေပိုက်ပျက်လျှင် မီးပျက်လျှင်ပြင်ဆင် ပေးသည်။ သူသည် သေတ္တာမှောက် အကုန်လုပ်တတ်သည်။
ဖူးခက်ရောက်မျက်နှာဖြူတို့ အိမ်အသစ်ဆောက်လိုလျှင်၊ ပြင်ဆင်လိုလျှင် အောင်ချိုက ပုတ်ပြတ်စံနစ်ဖြင့် လက်ခံဆောင်ရွက်ပေးသည်။ သူ့လက်အောက်မှာ အလုပ်သမား ဆယ်ယောက်ခန့်ရှိသည်။ အောင်ချို့အဖေမှာ လက်သမားဆရာ ဖြစ်၍ အဖေကို ဝိုင်းကူ ရင်း လက်သမားအတတ်ကို သူတတ်မြောက် ခဲ့ဟန်တူသည်။
………………………………..
အောင်ချိုကား ဖူးခက်သို့မရောက်မီ စံခလပူရီအမည်ရှိ ထိုင်းနယ်စပ်မြို့ကလေးရှိ ထိုင်းရဲ တပ်ကြပ်ကြီးတယောက်ပိုင် ကြက်ခြံတွင် နှစ်နှစ်ခန့် အလုပ်လုပ်ခဲ့သည်ဟု ဆိုပါသည်။ ထိုစဉ်က သူ့အသက်မှာ ဆယ့်ငါးနှစ်ဝန်းကျင်ပင် ရှိဦးမည်။အောင်ချိုသည်လစာဟူ၍ မယ်မယ်ရရ မရခဲ့။ သူနေ့စဉ်မှီဝဲရာကား တလုံးကို နှစ်ဘတ်ခန့် တန်သော ကြက်ဥတည်း။
လေးငါးခြောက်လဆက်တိုက် လုပ်ခမရသည့်အခါအောင်ချိုသည် ကြက်ခြံမှ ထွက်ပြေးလျက် ရာဘာခြံတခုတွင်ဝင်ရောက်လုပ်ကိုင်နေရာမှ ကြက်ခြံပိုင်ရှင် ထိုင်းရဲတပ်ကြပ်ကြီးက ပြန်တွေ့သွားပြီး မျက်နှာတခုလုံး စုတ်ပြတ်သတ်ရုံမက ပါးစပ်ထဲမှ သွေးအန်သည်အထိ ရိုက်နှက်ကန် ကျောက်ခြင်းခံရကာ ကြက်ခြံကိုပြန်ရောက်သွားပြန်သည်။ကြက်ခြံတွင် နောက်ထပ်တနှစ်ကျော် ကြာရပြန်သည်။နောက်တကြိမ်တော့ ထိုင်းရဲ၏ ကြက်ခြံမှ အောင်မြင်စွာ ထွက်ပြေးနိုင်ခဲ့ပြီး ဖူးခက်သို့ ရောက်လာသည်။
………………………………
ငယ်ငယ်ရွယ်ရွယ်နှင့်ပင် လောကဓံ၏ ထုထောင်းရိုက်ပုတ်မှုကို ခံစားခဲ့ရခြင်းကြောင့်ပင် ဖြစ်ပေမည်။ အောင်ချိုသည် ကြက်ဥကိုအမုန်းကြီးမုန်းလေ၏။တခါတရံ ဖူးခက်မှ ကုန်တိုက် ကြီးများတွင်ကျနော်ကြက်ဥဝယ်သည့်အခါ “ ဦးလေးရာ၊ စားစရာ ရှားလွန်းလို့ ကြက်ဥမှ ဝယ်စား ရသလား ” ဟုကျနော့်ကို တအံ့တသြမေးတတ်၏။ထို့အပြင် ကျနော့်မိတ်ဆွေထိုင်းရဲများ  ဖုန်းဆက်၍ ကျနော့်ထံမှ အရက်ဘီယာအလှူခံသည့်အခါများတွင် ကျနော်က တောင်းတာ များလွန်းသဖြင့် တလုံးစနှစ်လုံးစလျှော့ရန် ထိုင်းစကားလည်လည်ပတ်ပတ် ပြောတတ်သော အောင်ချို့ကို တယ်လီဖုန်းမှ ပြန်၍ဈေးဆစ်ခိုင်းရသည်။ ကျနော်ထိုင်းဘာသာစကားကို  လုံးစေ့ပတ်စေ့ နားမလည် သော်ငြား ထိုအခါမျိုးတွင် အောင်ချိုသည် ထိုင်းရဲတို့ကို အလိုကို ဆန့်ကျင် ပြောဆိုလိုခြင်းမရှိကြောင်း သိသိသာသာပျက်နေသော သူ့မျက်နှာ ကိုကြည့်ကာ  အကဲခတ်နိုင်လေသည်။သူ ထပ်ချည်းတလဲလဲ တုန့်ပြန်ပြောနေသံကား
“ခပ်ဖုန်” ခပ်ဖုန်” (ဟုတ်ကဲ့ပါခင်ဗျာ) ဟူသတည်း။
………………………….
ရက်စွဲအတိအကျမမှတ်မိသော လွန်ခဲ့သောခြောက်လခန့်က နေ့တနေ့တွင် အိမ်မခန် လမ်းမကြီးပေါ်တွင် အောင်ချို ကားတိုက်ခံရသည်။လာဝိုင်အရပ်က ကိုချာလီတို့အိမ် အ လှူမှာ ကျနော်မုန့်ဟင်းခါးစားနေရင်း အောင်ချို့သတင်းဖုန်းဝင်လာခြင်းဖြစ်သည်။လုပ်ငန်း ခွင်ရှိရာသို့ မော်တော်ဆိုင်ကယ်ဖြင့်အသွား နောက်မှကားက သူ့ကို ဝင်တိုက်သွားသည် ဟု ဆိုပါသည် ။ တိုက်သောကားမှာ မရပ်ပဲထွက်ပြေးသွားပြီး အောင်ချိုမှာဆေးရုံပေါ်တွင် သတိမေ့နေသည်ဆို၏။ကျနော်က စားလက်စမုန့်ဟင်းခါးကို လက်စသတ်၍အောင်ချို ရှိရာ ဆေးရုံ သို့သွားရန်ပြင်ဆင်နေဆဲမှာပင် အောင်ချိုပြန်လာ နေပြီဟု ဖုန်းဝင်လာပြန်ပါ သည် ။ ကျနော့် ဈေးဆိုင်အပေါ်ထပ်က အောင်ချို့အိပ်ခန်းသို့ ကျနော်ရောက်သည့်အခါ အိပ်ရာပေါ်မှာ မှေးနေသော အောင်ချို့ကိုတွေ့ရသည် ။ ဆိုင်ကယ်ပေါ်မှ လွှင့်စင် ကျသွား ပြီး ကတ္တရာလမ်းမနှင့် ဦးခေါင်းရိုက်မိထားသည်ဟု သူ့ ဘေးမှာထိုင်နေသော သူ့ သူငယ် ချင်းကဆိုပါသည် ။ အမှန်စင်စစ် ဦးခေါင်းဒဏ်ရာရရှိ သူအား ဆေးရုံတွင်နှစ်ရက်တန်သည် သုံးရက်တန်သည်  ခေါင်းမူးနေခြင်း ရှိမရှိ အစာ အန်ခြင်း ရှိမရှိ စောင့်ကြည့်ရသင့်သော် လည်း တာဝန်ကျ ဆရာဝန်က
မြန်မာမှန်း သိသည်နှင့် သတိရလျှင်ရခြင်း ပြန်လွှတ်လိုက် ဟန်တူလေ၏။
……………………………………..
အောင်ချိုသည်နောက်နေ့တွင်လည်း ဘာမှစကားမေးမရ၊အူကြောင်ကြောင်ဖြစ်နေလေ၏။ သူက ကျနော့်ကို ပြန်၍ “ဦးလေး ကျနော်ဘာဖြစ်နေတာလဲ၊ ဘာကြောင့်ဦးလေးတို့အခန်း ကို ကျနော်ပြန်ရောက်နေတာလဲဟုသာ ထပ်ချည်းတလဲလဲ မေးရှာသည်။ လေးငါးရက်နေမှ ပုံမှန်အခြေအနေ ပြန်ရောက်သည်။
သူ့ဖြစ်ပုံ နှင့်ပတ်သက်၍အမ်မခန်ဖက်ကို ဆိုင်ကယ်ဖြင့်အသွား နောက်မှတစုံတခုက သူ့ကို အုန်းကနဲနေ အောင်ဝင်တိုက်လိုက်သည်ဟုသာ ပြောနိုင်တော့သည်။
အောင်ချို့ကို တိုက်သွားသည့်ကားကိုလည်း မစုံစမ်းဖြစ်တော့ပါ။ စုံစမ်းနိုင်သည့်တိုင် ယာဉ် မောင်းလိုင်စင်မရှိဘဲ မော်တော်ဆိုင်ကယ်မောင်းသည့် အောင်ချိုအဖို့ လျော်ကြေးရရန် အကြောင်းမမြင်ချေ ။ ဖွတ်သည်ထက်ညစ်စရာ ဖြစ်လာပြန်သည်ကား ရှိစုမဲ့စု ငွေဖြင့်ဝယ်ထားသော ဆိုင်ကယ်ကို အခင်းဖြစ်ပွားရာနေရာတွင်ရဲက သိမ်းသွားပြန်သဖြင့် ဆိုင်ကယ်ပါဆုံးမည့် အခြေအနေဆိုက်လာခြင်းပင် ။ရဲစခန်းကိုလိုက်လျှင်လည်း ကားတိုက်ခံရသော လူနာအမှုပြန်ပတ်ပေတော့မည်။ ကျနော်အသိမိတ်ဆွေထိုင်းရဲများအကူအညီဖြင့် သူ့ဆိုင်ကယ်ပြန်ရွေးပေးမည့် အကြောင်း အောင်ချို့ကို စကားကမ်းသော်လည်း စကားပြန် မရချေ။ အချိန်မှီပြန်မဆပ်နိုင် မည့်အရေးကို သူတွေးပူပန်ဟန်ရှိလေ၏။
……………………………….
ဤသို့လျှင် ဆယ့်ငါးရက်ခန့် အကြာတွင်မူ အောင်ချိုကိုတိုက်သွားခဲ့သည့် ကားသမားသည် ကျနော့်ဆိုင်သို့ ဆိုက်ဆိုက်မြိုက်မြိုက် ရောက်လာပါတော့သည်။ ရောက်လာရသည့် အကြောင်းကား အောင်ချို့ကြောင့် ပျက်စီးသွားသည့် ကားရှေ့ပိုင်းအတွက် လျော်ကြေး ရလိုမှုတည်း။
ကြားစကသော် ကျနော်နားကိုပင် ကျနော်မယုံနိုင်ချေ။ တခုခုမှားယွင်းနေလေသလော။
လူမှားနေလေသလော။ သေချဂဃနဏ စုံစမ်းသိရှိလာရသည့်အခါ လျော်ကြေးလာ တောင်း ကြောင်းသေချာလေသည်။ထိုင်းကားသမားသည် သူတိုက်ခဲ့သော ဆိုင်ကယ်မောင်းသူမှာ မြန်မာဖြစ်ကြောင်း စုံစမ်းမိသွားဟန်ရှိပါ၏။
အကယ်၍ အောင်ချို့နေရာတွင် ထိုင်းလူမျိုးတယောက်ဖြစ်ပါမူ ကားတိုက်ခံရမှုအတွက် သေချာပေါက်လျော်ကြေးရပေလိမ့်မည်။ ယခုမူကား တိုက်သွားသောကားက အတိုက်ခံ ရသော လူနာကို  လျော်ကြေးအဖြစ် ထိုင်းဘတ်ရှစ်ထောင်တောင်းနေလေ၏။မြန်မာဖြစ်ရသော ဒုက္ခကားကြီးလေစွ ။
အောင်ချိုကား ထိုင်းဘတ်ရှစ်ထောင်ပေးလျော်နိုင်သော အခြေအနေမရှိလေရာလျော်ကြေး ကို လျော့ပေါ့ပေးပါမည့်အကြောင်း တိုးလျှိုးတောင်းပန်သော်ငြား ကားပိုင်ရှင်မှာတပြား သားမျှမလျော့ဟုဆိုကာ တင်းခံနေလေသည်။ အဖြစ်အပျက်အလုံးစုံကို ကြားနေမြင်နေရသော ကျနော့်မှာ မခံမရပ်နိုင်လွန်းသဖြင့် ကားမောင်းသူနှင့်ကျနော် ထိပ်တိုက်ရင်ဆိုင်ရန် အောင်ချို့ကိုပြောသော်လည်း “ ဦးလေးဝင်ပါရင် ပိုဆိုးကုန်မယ် ” ဟုဆိုလေသဖြင့် ကျနော့်မှာ ရှေ့မတိုးသာပြန်ချေ ။ နောက်ဆုံးတွင်ကား အောင်ချိုက အမှုဖွင့်လိုလျှင် ဖွင့်စေတော့ ၊ မလျှော်နိုင်ပါဟုတင်းခံလိုက်သဖြင့်
တဖက်မှ အသံတိတ်သွား လေသည်။
………………………………
နောက်သုံးလခန့်အကြာတွင်မူ အောင်ချိုတယောက် သူ့ဇာတိမော်လမြိုင်သို့ အပြီးပြန် သွားပါလေတော့သည် ။သူပြန်ခါနီးအချိန်၌ “ ဦးလေးရယ်၊ အဖေသေတုန်းကလည်း အလောင်းတောင်မမြင်လိုက်ရပါဘူး၊ အခုလည်း အမေက မမာမကျန်းနဲ့ ၊တခုခုဖြစ်သွား ရင် ကျနော်ဖြေနိုင်မှာမဟုတ်ပါဘူး၊ ဗမာပြည်မှာပဲ ရရာအလုပ်လုပ်စားပါတော့မယ်” လေသံ တိုးတိုး ငြိုးငြိုးငယ်ငယ် ပြောသွားခဲ့သည် ။
……………………………..
ကျနော်ရောက်နေသော ဖူးခက်မြို့ကြီးတွင် မြန်မာတို့၏ဘဝသည် လွန်ခဲ့သောအနှစ်လေး ဆယ်ဝန်းကျင်ကသော် ဤသို့မဟုတ်ဟု ဆိုကြပါ၏။
ကျနော့်ထံမှ  မြန်မာပစ္စည်းလက္ကားဝယ်နေသူသော ဦးသိန်းအောင်သည် လွန်ခဲ့သောအနှစ် လေးဆယ်ခန့်က ဖူးခက်သို့ရောက်ကာ
ထိုင်းအမျိုးသမီးတဦးနှင့် အကြောင်းပါခဲ့သူ ဖြစ်သည်။
သူထိုင်းနိုင်ငံရောက်ခဲ့ပုံနှင့်ပတ်သက်၍ “ ဆရာ၊ ကျနော်က ဆင်ကြယ်တံဆိပ် ဖိနပ်ကို သူများနည်းတူစီးချင်တာနဲ့ ထိုင်းရောက်လာတာပါပဲ ဆင်ကြယ်ဖိနပ်စီးချင်တာကို အိမ်ကဝယ်မပေးတာနဲ့ စိတ်ဆိုးပြီး ထွက်လာလိုက်တာ ထိုင်းကိုရောက်လာတာပါပဲ။ အဲဒီတုန်းက ဗမာပြည်မှာ အလုပ်အကိုင်ပိုကောင်းတယ် ဆရာရဲ့။ ငွေရှာရတာလည်း ထိုင်းမှာထက်လွယ်တယ်။ ဗမာငွေတကျပ်ကို ထိုင်းငွေသုံးလေးကျပ်တန်တယ်ဆရာ ။ကျနော်တို့ခေတ်က မြန်မာဆို ထိုင်းအမျိုးသမီး တွေက သိပ်သဘောကျကြတာ ဆရာရဲ့။ထိုင်းတွေဗမာကို အထင်ကြီးနေရတဲ့ အချိန်ပေါ့။ အခုတော့ ဆရာရယ် ၊ ထိုင်းမှာဗမာ တယောက်သေတာ ခွေးတကောင်သေတာလောက်တောင် အရေးမပါတော့ပါဘူး ”ဟု ဆိုဘူးလေသည်။ နှစ်ပြည်ထောင်အခြေအနေတို့ကား မိုးနှင့်မြေပမာ များစွာခြားနားခဲ့လေပြီ 
………………………………
“ဇာတိမာန်”ဟူသော စကားကိုကြားရုံဖြင့်ပင် လိပ်ပြာနှင့် နှိုင်းယှဉ်အပ်သည့် ကျနော်၏စိတ်ဝိဉာဉ်သည် ငွားငွားစွင့်စွင့် ပွင့်လန်းလျက်ရှိသော ပဒုမ္မာကြာပွင့်ဆီသို့ ခိုဝင်လိုပါလျက် ပန်းမာလ်ကင်းသော၊လူသူကွယ်ရာတောအုပ်တွင်းသို့ ညှိုးငယ်စွာ ပျံသန်းပြေးလွှားပုန်း အောင်းသွားရသော ပျားပိတုန်းပမာ ရှိလေ၏။
(အလွန်သဘောကျလို့ တင်လိုက်သည်)
@mindin.info