Friday, December 31, 2010

ဒီလိုလဲ ရှိတယ်


ဘီစီ ၂၃၅ (၂၃၆) ခန့်မှာ ဘုရားရှင်ဟောကြားခဲ့တဲ့
ပိဋကတ်တရားတော်တွေကို စုပေါင်းရွတ်ဖတ်တဲ့ပွဲကို ကျင်းပရပြန်တယ်။
တတိယအကြိမ်မြောက် စုပေါင်းရွတ်ဖတ်တဲ့ပွဲဖြစ်လို့
တတိယသံဂါယနာတင်ပွဲလို့ခေါ်တယ်။

အိန္ဒိယနိုင်ငံ ပါဋလိပုတ်ပြည်ကို
နာမည်ကြီးရှင်ဘုရင် အသောကမင်းကြီးအုပ်ချုပ်နေတဲ့အချိန်ဖြစ်တယ်။
အသောကမင်းကြီးအကူအညီနဲ့ တတိယသံဂါယနာတင်ပွဲကို ကျင်းပခဲ့ပါတယ်။

တကယ်တော့ အသောကမင်းကြီးအမျိုးအနွယ်တွေက
ဗုဒ္ဓဘာသာဝင်တွေ မဟုတ်ကြပါဘူး။
အသောကမင်းကြီးလဲ အစောပိုင်းက ဗုဒ္ဓဘာသာဝင် မဟုတ်ခဲ့ဘူး။
ဂျိန်းဘာသာဝင်ဖြစ်တယ်။

ဂျိန်းဆိုတာ Jina ဆိုတဲ့ပုဒ်ကလာတာ။
Jina ဆိုတဲ့ ရိုမင်အက္ခရာကို မြန်မာအက္ခရာနဲ့ ဖလှယ်တော့
ဇိန ဖြစ်လာတယ်။ အဓိပ္ပါယ်က အောင်နိုင်သူ တဲ့။

ဂျိန်းဘုရား အခုအချိန်အထိ စုစုပေါင်း ၂၄ ဆူရှိတယ်တဲ့။
နောက်ဆုံးဘုရားရဲ့ နာမည်က မဟာဝီရ (သူရဲကောင်းကြီး) ဖြစ်တယ်။
မဟာဝီရ က ဗုဒ္ဓဘာသာဝင်တွေရဲ့ ဗုဒ္ဓဘုရားရှင်နဲ့ ခေတ်ပြိုင်ဖြစ်တယ်။

ဇီဝခေါ်ဝိညာဏ်တိုင်း ဇိနဘုရားရှင်တို့၏ နည်းအတိုင်း လိုက်နာကျင့်ကြံခြင်းအားဖြင့်
လွတ်မြောက်မှု ရရှိနိုင်ပြီး တန်ခိုးအာဏာများရရှိနိုင်သည်ဟု
ဂျိန်းဘာသာဝင်များက ယုံကြည်ကြတယ်။

ဂျိန်းဘုန်းကြီးတွေက အ၀တ်မ၀တ်ဘဲ ကိုယ်တုံးလုံးနေကြတယ်။
အ၀တ်ဝတ်နေရင် အ၀တ်ကို ကပ်ငြိတွယ်တာတဲ့ တဏှာ လောဘရှိနေသေးတယ်။
အ၀တ်ကို ကပ်ငြိတွယ်တာတတ်တဲ့တဏှာလောဘကို သူတို့က ပယ်သတ်ပြီးပြီ။
ဒါ့ကြောင့် သူတို့က အ၀တ်ကို မ၀တ်တော့ဘူးတဲ့။
အ၀တ်ဝတ်စရာ မလိုတော့ဘူးတဲ့။
အ၀တ်ဝတ်ချင်တဲ့စိတ်မရှိတော့ဘူးတဲ့။

အ၀တ်မ၀တ်တဲ့ အ၀တ်မပါတဲ့ ကိုယ်တုံးလုံးတီး
ဂျိန်းဘုန်းကြီးတစ်ပါးကို
ဂျိန်းဘာသာဝင်မိသားတစ်စု ဆွမ်းလှူဒါန်းနေတဲ့ ဗီဒီယိုခွေကြည့်ဘူးတယ်။

ဂျိန်းဘုန်းကြီးက ကိုယ်တုံးလုံးကြီးနဲ့ မတ်တပ်ရပ်၊
လက်နှစ်ဖက်နဲ့ ဆွမ်းထမင်းတွေကို အလှူခံ၊
အဲဒီမိသားစုက ဂျိန်းဘုန်းကြီးလက်ထဲကို ဆွမ်းထည့်ပေး၊ စား။
ကုန်သွားတော့ ဆွမ်းဆက်အလှူခံ၊ စား။
လက်ထဲထည့်ပေးရတာဆိုတော့ အောက်ကို ဆွမ်း၊ ဆွမ်းဟင်းတွေ ဖိတ်တာပေါ့။
အောက်မှာ ပေပွလို့။
မတ်တတ်ရပ်စား၊ မတ်တတ်ရပ်လှူ၊

အမျိုးသမီးဒကာမကြီးတွေရှေ့မှာ၊ တန်းလမ်း တန်းလမ်းနဲ့။
သူတို့အစား မျက်နှာတောင် ပူမိတယ်။
သူတို့ကတော့ မျက်နှာမပူကြဘူးဗျာ။ ခပ်တည်တည်ပဲ။
ဒါမျိုး အိန္ဒိယနိုင်ငံမှာ အခုထိရှိနေပါသေးတယ်။

နောက်ပိုင်းမှာတော့ ဂျိန်းဘာသာမှာ
(၁) သေတမ္ဗရဂိုဏ်း (၂) ဒီဃမ္ဗရဂိုဏ်းဆိုပြီး နှစ်ဂိုဏ်းကွဲသွားတယ်။
သေတမ္ဗရဂိုဏ်းက ခေတ်နဲ့အညီ ပြုမူနေထိုင်ကြတယ်။
အ၀တ်ဖြူဝတ်တယ်။

ဘုံဘေမှာ နေတုန်းက သေတမ္ဗရဂိုဏ်းဝင် ဂျိန်းဘုန်းကြီးတွေ
မနက်စောစော ဆွမ်းခံထွက်တဲ့သဘောမျိုး
တစ်အိမ်ဝင် တစ်အိမ်ထွက် လှည့်လည်သွားလာနေတာ မကြာမကြာတွေ့ဘူးတယ်။

ဒီဂမ္ဗရဂိုဏ်းဝင်ဘုန်းကြီးတွေကတော့ ဒီနေ့ဒီအချိန်အထိ
အ၀တ်မ၀တ်ပဲ ကျင့်ကြံနေတုန်းပဲ။
အခုခေတ် လူတွေနေတဲ့မြို့ရွာတွေနဲ့ နည်းနည်းလှမ်းတဲ့
တောင်ကုန်းတွေမှာ နေတယ်လို့ သိရတယ်။

ဗုဒ္ဓဂယာဘုရားဖူးသွားသူများ ဒီဂမ္ဗရဂိုဏ်းဝင်ဘုန်းကြီးတွေကို
တွေ့လိုရင် ရာဇဂြိုဟ်တို့ ဗာရဏသီမြို့တို့ရောက်တဲ့အခါ
စုံစမ်းမေးမြန်းပြီး သွားရောက်ဖူးတွေ့နိုင်ပါတယ်။
အသောကမင်းကြီးမျိုးနွယ်တွေလဲ ဒီဂျိန်းဘာသာဝင်တွေပဲတဲ့။

အသောကမင်းကြီးလဲ ဗုဒ္ဓဘာသာမဖြစ်ခင်
ဒီလိုဂျိန်းဘုန်းကြီးတွေကို နေ့စဉ် နန်းတော်ထဲကို ပင့်ဖိတ်ပြီး
နေ့ဆွမ်းဆက်ကပ်လှူဒါန်းလေ့ရှိတယ်တဲ့။
ဂျိန်းဘုန်းကြီးတွေ နန်းတွင်းထဲ အပြည့်ဘဲတဲ့။
အ၀တ်မပါတဲ့ ကိုယ်တုံးလုံးတီး ကိုယ်တော်ကြီးတွေ ထောင်နဲ့သောင်းနဲ့ချီပြီး
အသောကမင်းကြီးရဲ့ နန်းတော်ထဲ
နေ့ဆွမ်းစားကြွတဲ့မြင်ကွင်းကို စိတ်ကူးနဲ့ မှန်းကြည့်မိတယ်။
ခုခေတ် အချို့ အချို့ ခပ်ကဲကဲဒကာမတွေလိုဘဲ
‘ဒါတပည့်တော်ချက်ထားတဲ့ ဟင်းလေးပါဘုရာ’ ဆိုပြီး
ကိုယ်တုံးလုံးတီး ဂျိန်းဘုန်းကြီးတွေ လက်ထဲ
ဆွမ်းဟင်းတွေ ကော်ထည့်ပေးနေသေးလားမသိဘူး။

Photo: myanmarmysteriestour

Thursday, December 30, 2010

အေးရာအေးကြောင်း


Do not be angry with yourself
Because of your failure.

Do not be envious of others
Because of their success.

By not losing oneself
in frustration over what happens
one will live fully every moment.

Shi Wuling

Wednesday, December 29, 2010

ညစာစားမှု၊ ခုနစ်


ညစာ စားမှုဆိုတဲ့ ခေါင်းစဉ်နဲ့ ဒုတိယသံဂါယနာအကြောင်း ရေးဖြစ်တယ်။
ဘုရားရှင်သာသနာတော်ရေရှည်တည်တံ့ခိုင်မြဲဘို့
ဘုရားရှင်ရဲ့ တပည့်သားသံဃာတော်တွေ
ဘယ်လောက် ဘယ်လိုထမ်းဆောင်ခဲ့တယ်ဆိုတာ သိစေချင်လို့
ဗုဒ္ဓဘာသာသမိုင်းလေးတွေ ဖတ်မှတ်ပြီး ဖတ်လို့ အဆင်ပြေအောင်
အပိုမဆလာတွေထည့်ကာ ရေးတင်နေပါတယ်။

ဒီလိုရေးတင်နေတာကို စာဖတ်သူတော်တော်များများ
စိတ်ဝင်စားစွာ လာရောက်ဖတ်ရှုနေတာသိရလို့ ၀မ်းသာမိတယ်။

ဖတ်နေတဲ့သူတွေထဲက
နောင်နောင် ဆိုသူက ဒီလိုလေး comment ရေးထားတာတွေ့ရတယ်။

(ဒါအရင်ပို့စ်ထဲကဟာကို ကူးတာ)
သာသနာတော်နှစ် ၁၀၀၊ ခရစ်မပေါ်မီ ( ဘီ၊စီ ) ၃၈၇ အရောက်မှာဘုရားရှင်ဟောကြားခဲ့တဲ့ ပိဋကတ်တရားတော်တွေကို စုပေါင်းရွတ်ဖတ်တဲ့ပွဲကို
ကျင်းပရပြန်တယ်။


(ဒါလဲ အရင်ပို့စ်ထဲကဟာကို ကူးတာ)
ဘီစီ ၃၈၇ အရောက်မှာ (သာသနာနှစ် ၁၀၀) ခန့်အချိန်မှာ
ဝိနည်းလေးစားတဲ့ဘုန်းကြီးတွေက

(အဲ့ဒီအရင်ပို့စ်ထဲက ခုနစ်တွေနဲ့ပတ်သက်ပြီး သူမေးတာက ဒီလို)

သာသနာနှစ်ဆိုတာ ဘုရားပရိနိဗ္ဗာန် စံတဲ့အချိန်က စလို့ ရေတွက်တာမှတ်လားဘုရား၊
ဘုရားရှင်ကို ဘီစီ 623 မှာဖွားတယ်၊
ဘီစီ 588 မှာဘုရားဖြစ်တယ်၊ 
ဘီစီ 543 မှာ ဘုရားပရိနိဗ္ဗာန် စံတယ်လို့ မှတ်သားဖူးတော့
ဘီစီ 387 ဆိုတာ သာသနာနှစ်ပေါင်း 156 နှစ်ဖြစ်နေပြီ ဘုရား..
သာသနာနှစ် ၁၀၀ ခန့်လို့ မဟုတ်ဘဲ ၂၀၀ ခန့်လို့ရေးရင် ပိုသင့်တော်မလားလို့၊
ဒါမှမဟုတ်လည်း ဘီစီတွက်တာပဲ လွဲနေသလားမသိဘူး၊
တပည့်တော် မှားနေတယ်ဆိုရင်လည်း ပြင်ပေးပါဦးဘုရား။

ဒီလိုလေး ရေးပေးတဲ့ နောင်နောင်ဆိုသူကို ကျေးဇူးအထူးတင်ရှိကြောင်း အရင်ဆုံး ပြောပါရစေ။

ဒီပို့စ်ကို ရေးတုန်းက ရေစကြိုအရှင်ဧသိက ရဲ့
ထေရ၀ါဒဗုဒ္ဓဘာသာ စာအုပ်တစ်အုပ်ထဲကို ဖတ်ပြီး ရေးတင်လိုက်တာ။
သူ့စာအုပ်ထဲမှာ ဒုတိယသံဂါယနာနဲ့ပတ်သက်ပြီး ခုနစ်တွေကို ဒီလိုရေးထားတယ်။
သာသနာတော်နှစ် ၁၀၀၊ ခရစ်မပေါ်မီ ( ဘီ၊စီ ) ၃၈၇ အရောက်တွင်
ဝေသာလီပြည် ၀ဇ္ဇိတိုင်းသား ရဟန်းတို့သည် ၀ိနည်းတော်နှင့် မညီသော
အဓမ္မ၀တ္တု ၁၀ ပါး ( ဒသ၀တ္တုက ) အကျင့် ကျင့်ကြံပြုမူလာကြသည်။

http://myanmarengineer.org/forums/showthread.php?2896-%E1%80%B1%E1%80%91%E1%80%9B%E1%81%80%E1%80%AB%E1%80%92%E1%80%97%E1%80%AF%E1%80%92%E1%81%B6%E1%80%98%E1%80%AC%E1%80%9E%E1%80%AC/page2
(ဒီလင့်မှာ သွားဖတ်နိုင်ပါတယ်)

ရေစကြိုအရှင်ဧသိက ရေးတဲ့ ထေရ၀ါဒဗုဒ္ဓဘာသာ စာအုပ်က
ပြိုင်ပွဲမှာ ဆုရထားတဲ့စာအုပ်ဆိုတော့ ယုံကြည်စိတ်ချရမယ်လို့ ယူဆပြီး
မစဉ်းစားမဆင်ခြင်ပဲ ခုနစ်သက္ကရာဇ်တွေကို ကူးရေးထည့်မိသွားတာပါ။

နောင်နောင် ပြောတာမှန်ပါတယ်။
သာသနာနှစ်ကို ဘုရားရှင်ပရိနိဗ္ဗာန်စံတဲ့နှစ်က စပြီး ရေတွက်တာပါ။
ဒါကို ဗုဒ္ဓဘာသာပညာရှင်ဖြစ်တဲ့ နာရဒဆိုတဲ့သီဟိုဠ်ဆရာတော်တစ်ပါးက
သူ့ရဲ့ The Buddha and His Teaching ဆိုတဲ့ စာအုပ်မှာ ဒီလိုရေးထာပါတယ်။

Unlike the Christian Era
the Buddha Era is reckoned from the death of the Buddha,
which occurred in 543 B.C. (in His 80th year),
and not from His birth. (P – 1)
ဆရာတော်ရေးတဲ့ အဲ့စာအုပ်မှာပဲ ဒုတိယသံဂါယနာနဲ့ပတ်သက်ပြီး
စာမျက်နှာ ၂၇၁ မှာ ဒီလို တွေ့ရပါတယ်။
Two other Councils of Arahants were held 100 and 236 years later respectively,
again to rehearse the Word of the Buddha
because attempts were being made
to pollute the pure Teaching.

ဒီမှာ Tow other Councils ဆိုတာ
ဒုတိယသံဂါယနာနဲ့ တတိယသံဂါယနာကို ပြောတာပါ။

ဆိုတော့ ပထမသံဂါယနာတင်ပြီး နောက်နှစ်ပေါင်း ၁၀၀ မှာ
ဒုတိယသံဂါယနာတင်တယ်လို့ မှတ်ယူရမှာ ဖြစ်ပြီး
နောင်နှစ်ပေါင်း ၂၃၆ နှစ်မှာ တတိယသံဂါယနာတင်တယ်လို့ မှတ်ယူရမှာဖြစ်ပါတယ်။

ဒီစာအုပ်ပါ အလိုအရ ဘုရားရှင်ပရိနိဗ္ဗာန်စံတာက ဘီစီ ၅၄၃ ဆိုတော့
အဲ့ထဲက နှစ် ၁၀၀ နှုတ်လိုက်ရင် ဒုတိယသံဂါယနာတင်တဲ့နှစ်ကို ရပြီပေါ့။

ဆိုတော့ ဘီစီ ၄၄၃ ခန့်မှာ ဒုတိယသံဂါယနာတင်တယ်လို့ အကြမ်းဖျင်းပြောလို့ရမယ်။

2500 Years of Buddhism ဆိုတဲ့စာအုပ်ထဲမှာလဲ ဒီလိုဆိုထားပါတယ်။
The Second Council was held at Vaisali a century after the passing of the Master.
The time recorded should be taken as a round number. (P. 41)

ဆိုတော့ ဒုတိယသံဂါယနာကို ဘုရားရှင်ပရိနိဗ္ဗာန်စံပြီး နှစ်ပေါင်း ၁၀၀ လောက်မှာ
ကျင်းပတယ်ပဲဆိုပါတယ်။ အတိအကျတော့ မဟုတ်ဘူးတဲ့။
 သီဟိုဠ်ဆရာတော်နာရဒနဲ့အတူတူပါဘဲ။

ဒါ့ကြောင့် သူတို့အဆိုအရာ ဘုရားရှင်ပရိနိဗ္ဗာန်စံပြီး နှစ်ပေါင်း ၁၀၀ ခန့်
(သာသနာနှစ် ၁၀၀ ခန့်၊ ဘီစီ ၄၄၃ ခန့်) မှာ
ဒုတိယသံဂါယနာတင်တာဖြစ်နိုင်ပါကြောင်း။
ဒီအတွက် နောင်နောင်ကို ကျေးဇူးအထူးတင်ပါကြောင်း ထပ်ပြီးပြောပါရစေ၊။

Photo: google search

Tuesday, December 28, 2010

ညစာ စားမှု


သာသနာတော်နှစ် ၁၀၀၊ ခရစ်မပေါ်မီ ( ဘီ၊စီ ) ၃၈၇ အရောက်မှာ
ဘုရားရှင်ဟောကြားခဲ့တဲ့ ပိဋကတ်တရားတော်တွေကို စုပေါင်းရွတ်ဖတ်တဲ့ပွဲကို
ကျင်းပရပြန်တယ်။ ဒုတိယအကြိမ်မြောက် စုပေါင်းရွတ်ဖတ်တဲ့ပွဲဖြစ်လို့
ဒုတိယသံဂါယနာတင်ပွဲလို့ခေါ်တယ်။

(ဒုတိယ - နှစ်ကြိမ်မြောက်၊ သံ - စုပေါင်း၍၊ ဂါယနာ - ရွတ်ဖတ်ခြင်း။)

ဒုတိယသံဂါယနာတင်ပွဲကျင်းပရခြင်းအကြောင်းက
အဲ့ဒီခေတ် အဲ့ဒီအခါက အိန္ဒိယနိုင်ငံ ဝေသာလီပြည် ၀ဇ္ဇီတိုင်းမှာ
မှီတင်းနေထိုင်ကြတဲ့ဘုန်းကြီးတွေက
ဘုရားရှင်ပညတ်ခဲ့တဲ့ဝိနည်းစည်းကမ်းတွေကို
ကိုယ်လိုသလို ကိုယ်ထင်သလို ကမောက်ကမအဓိပ္ပါယ်ဖွင့်ဆိုပြီး
လိုက်နာကျင့်သုံးနေကြလို့ဘဲ။

ဥပမာ
နေမွန်းတဲ့ပြီးနောက် ဆွမ်းစတဲ့ဘောဇဉ်အာဟာရကို မစားရဘူးလို့
ဘုရားရှင်က သိက္ခာပုဒ်စည်းကမ်းသတ်မှတ်ထားပါတယ်။
နေမွန်းတည့်ဆိုတာက နေထွက်တဲ့အခါ အပြင်ထွက်ရပ်လိုက်ရင်
နေ ကိုယ့်ဦးခေါင်းပေါ်တည့်တည့်ရောက်နေတဲ့အချိန်ကို ပြောတာ။

နေကိုယ့်ဦးခေါင်းပေါ်တည့်တည့်ရောက်နေတဲ့အချိန်မှာ
ကိုယ့်အရိပ်က ကိုယ့်အောက်တည့်တည့်မှာ ရှိနေတယ်။

အဲ့လို ကိုယ့်အရိပ်က ကိုယ့်အောက်တည့်တည့်မှာ ရောက်နေတဲ့အချိန်အထိ
ဆွမ်းစတဲ့ဘောဇဉ်အာဟာရကို ဘုန်းကြီးတွေ စားခွင့်ရှိပါတယ်။

အရိပ်နည်းနည်းလေး ကျော်လွန်သွားတာနဲ့
(၀ါ) နေမွန်းလွဲသွားတာနဲ့ နေစောင်းသွားတာနဲ့ ဘာမှ စားခွင့်မရှိတော့ပါဘူး။
(အခုခေတ် စက်နာရီတွေသုံးတဲ့အချိန်ဆိုရင် နေ့ ၁၂ နာရီတိတိပေါ့။)

ဒါကို အဲ့ဒီခေတ်က ၀ဇ္ဇီတိုင်းသားဘုန်းကြီးတွေက
မွန်းတည့်ပြီးနောက် နေရိပ်လက်နှစ်သစ်လွန်သည်အထိ
ရဟန်းများ ဆွမ်းစတဲ့ ဘောဇဉ် အဟာရကို
စားလို့ရတယ်၊ အပြစ်မရှိဘူးလို့ ပြင်ဆင်ကြတယ်။
ဒီလိုဝိနည်းသိက္ခာပုဒ်ပညတ်ချက်တွေကို လိုသလို ပြင်ဆင်ဖြည့်စွက်လို့
ဒုတိယသံဂါယနာတင်ရတာ။

ဒါနဲ့စပ်လို့ သူငယ်ချင်းဘုန်းကြီးတစ်ပါးပြောပြတာလေးကို သတိရမိတယ်။
သူ ထိုင်းနိုင်ငံကို ကိစ္စတစ်ခုနဲ့ သွားတယ်တဲ့။
ထိုင်းနိုင်ငံက ဘုန်းကြီးတွေရဲ့ အယူအဆက
ဆွမ်းစားနေချိန် ၁၂ နာရီကျော်လွန်သွားလဲ အပြစ်မဖြစ်ဘူးတဲ့။
ဆိုလိုတာက ၁၁ နာရီ ၄၅ မိနစ်ကစပြီး ဘုန်းကြီးတစ်ပါး ဆွမ်းစ စားတယ်။
ဆွမ်းစားတာကြာလို့ မွန်းလွဲ ၁ နာရီအထိ တစ်ထိုင်တည်း ထိုင်စားနေလဲ
ထိုင်းဘုန်းကြီးတွေ အယူအဆက အပြစ်မရှိဘူးတဲ့။

ဒါ သူငယ်ချင်းဘုန်းကြီး ထိုင်းနိုင်ငံသွားတုန်းက
သူတွေ့ခဲ့တဲ့ ဘုန်းကြီးတွေရဲ့ အယူအဆကို ပြောတာပါ။
ဘုန်းကြီးအကုန်လုံးတော့ ဟုတ်ချင်မှ ဟုတ်မှာပေါ့။

တကယ်တော့ ဘယ်လိုပဲဖြစ်ဖြစ်၊
ဝိနည်းစာပေလာအရပြောရရင် နေ့ ၁၂ နာရီကျော်ရင်  စားခွင့်မရှိပါဘူး။
ဒါကို ပုဂ္ဂိုလ်ရေးအရ ကိုယ်မလိုက်နာနိုင်လို့ ကိုယ်မကျင့်သုံးနိုင်လို့
စားလိုက စားပေါ့။ ဘုရားရှင်ပညတ်ခဲ့တဲ့ ၀ိနည်းသိက္ခာပုဒ်ကိုတော့
ကိုယ်စားချင်တာနဲ့ ကိုယ်လိုချင်တဲ့အဓိပ္ပါယ်မျိုး ဖွင့်ဆိုခွင့်မရှိပါဘူး။

၂၀၀၃ - ခုနစ် ၀န်းကျင်ကာလတွေတုန်းက
အိန္ဒိယနိုင်ငံ၊ မွန်ဘိုင်းမြို့ (ယခု ဘုံဘေမြို့) မှာ
ပညာရေးကိစ္စနဲ့ သုံးနှစ်ကျော်ကြာ နေဘူးတယ်။
အဲ့ဒီမှာရှိတဲ့ ဗုဒ္ဓဘာသာဝင်တွေနဲ့ တွေ့ထိဆက်ဆံခွင့်ရတယ်။
သူတို့တတွေက ဗုဒ္ဓဘာသာဝင်သာဆိုတယ်။ ဗုဒ္ဓဘာသာအကြောင်း ဘာမှ မသိဘူး။
အခြေအနေအရ ဗုဒ္ဓဘာသာဖြစ်နေကြတယ်ဆိုပါတော့။

ဗုဒ္ဓဘာသာဝင်မိသားစုအချို့ တခါတရံ ဆွမ်းစားပင့်တတ်တယ်။
မနက်ဖန် မနက် ၁၀ နာရီခွဲလောက် လာပင့်နိုင်ကြောင်း၊
၁၁ နာရီမှာ နေ့ဆွမ်းစားမယ်ဖြစ်ကြောင်း ဒီကပြောတော့

သူက
နေ့ဆွမ်းမကပ်ချင်ကြောင်း၊
သူတို့က နေ့လည်စာ ကောင်းကောင်းချက် မစားကြောင်း။
ညစာသာ ကောင်းကောင်းချက်စားကြောင်း၊
သူတို့ကောင်းကောင်းချက်စားတဲ့
ညစာအချိန်မှာသာ အိမ်ကို ဘုန်းကြီးတွေကို ပင့်ကပ်လိုကြောင်းပြောပါတယ်။
ဒီတော့ ဘုရားရှင်ပညတ်ချမှတ်ထားခဲ့တဲ့
ဝိနည်းသိက္ခာပုဒ်အကြောင်းကို ပြောပြရပါတယ်။
ရှိစေတော့။

ဘီစီ ၃၈၇ အရောက်မှာ (သာသနာနှစ် ၁၀၀) ခန့်အချိန်မှာ
ဝိနည်းလေးစားတဲ့ဘုန်းကြီးတွေက
ဝိနည်းသိက္ခာပုဒ်တွေကို လိုသလို ပြုပြင်ကျင့်သုံးမှုကို ပယ်ရှားလိုလို့
ဒီဒုတိယသံဂါယနာတင်ပွဲမှာ ရဟန္တာမထေရ်ပေါင်း (၇၀၀) ကျော်ပါဝင်ပြီး
(၈) လကြာ ဘုရားဟောပိဋကတ်တွေကို ရွတ်ဖတ်ခဲ့ကြတယ်တဲ့။

အဲ့ဒီအချိန်က ဝေသာလီပြည်ကို အုပ်ချုပ်နေတဲ့ ကာလာသောကမင်းကြီးက
သံဂါယနာတင်ပွဲပြီးစီးအောင်မြင်ဘို့ အစစအရာရာ
တာဝန်ယူစောင့်ရှောက်တယ်လို့ ဆိုပါတယ်။

Photo: google search

Monday, December 27, 2010

ဝါ၊ ရာထူး၊ ရိုသေခြင်း


ဝါလား၊ အရည်အချင်းလားဆိုတဲ့ ပို့စ်တစ်ခု တင်ဖြစ်တယ်။
ရေးနေတဲ့စာရဲ့ ဦးတည်ချက်က
သံဃာကို ဘာကြောင့် ဘယ်လိုကိုးကွယ်ရသလဲ ဆိုတာကို ရေးနေတာပါ။

ဒါကို ပြောင်ကြီး (Plain ကြီး) ရေးထားတာ အများကြီးရှိပြီးသားမို့
သိသင့်သိထိုက်တာလေးတွေနဲ့ တွေးမိတွေးရာလေးတွေကို
ကြားညှပ်ပြီး ရေးနေတာပါ။

သာမန်လူတွေထက် သာသနာ့ ညီတော်၊ နောင်တော်များ
လာပြီး ဖတ်ကြတာ တွေ့ရတယ်။ အားပေးကြတယ်။
အားတက်စရာပဲ။

အဲ့ဒီလို အားပေးတဲ့အထဲမှာ တစ်ယောက်က
(၀ါလား၊ အရည်အချင်းလား) ဆိုတဲ့ ပို့စ်နဲ့ပတ်သက်ပြီး
ဒီလိုလေး မှတ်ချက်ပြုထားပါတယ်။
ကျေးဇူးအရမ်းတင်ပါတယ်။

Anonymous said...
ဘုရားရှင်က ရာထူးပေးတဲ့နေရာမှာ ၀ါကြီးတဲ့ ဆရာဖြစ်တဲ့ ရှင်အဿဇိကို
ကြီးတဲ့ရာထူးမပေးပါဘူး။ တပည့်ဖြစ်တဲ့ ၀ါငယ်တဲ့
ရှင်သာရိပုတ္တရာ၊ ရှင်မောဂ္ဂလာန်တို့ကို ကြီးတဲ့ရာထူးပေးခဲ့ပါတယ်။
ဒါကို ကြည့်ရင် ဘုရားရှင်က အသက်ကြီးတာထက်
အရည်အချင်းရှိတာကို ပို ဦးစားပေးကြောင်း ထင်ရှားပါတယ်။

ဒါ အရင်ပို့စ်ထဲက ဟာကို သူကူးလိုက်တာ။

သူမေးတာက သူသိချင်တာက သူဆန္ဒက

ဒီနေရာမှာ အရည်အချင်းဆိုတာ ပါရမီကို ဆိုလိုတာလား ဘုရား..။ 
တပည့်တော် အမြင်တော့ လက်ဝဲရံ၊ လက်ယာရံ အရှင်မြတ်တို့ ဖြည့်ဆည်းခဲ့တဲ့ 
နောက်ကြောင်း ပါရမီဓာတ်ခံကို (တစ်အသေင်္ချေနဲ့ ကမ္ဘာတစ်သိန်း ကာလ)ကြည့်ပြီး.. 
ဘုရားရှင်က လက်ဝဲရံ၊ လက်ယာရံအဖြစ် ခန့်အပ်တယ်လို့ ထင်တာပဲ ဘုရား..။

ပထမဆုံး တရားသိတဲ့ အရှင်ကောဏ္ဍည အရှင်မြတ် 
လက်ဝဲရံ၊ လက်ယာရံ ဖြစ်ခွင့်မရှိတာလည်း ဒီသဘောပါပဲ..။ 
သို့ပေမယ့်လည်း ကြီးသူကိုရိုသေ၊ ရွယ်တူကို လေးစားသမှုရှိဖို့ကတော့ 
ဘုရားရှင်ရဲ့ အလိုတော်ကျပါ။

ဒါလေးက စာဖတ်သူတစ်ယောက် မှတ်ချက်ပြုထားတာလေးပါ။
မှန်ပါတယ်။ ဗုဒ္ဓဘာသာမှာ (ရဟန်းလောကမှာရော၊ လူ့လောကမှာပါ)
ကြီးတဲ့သူကို အရိုအသေပေးရမှာပါ။

ရဟန်းလောကမှာတော့
တစ်စုံတစ်ယောက် ရဟန်းပြုတဲ့အခါ
ရဟန်းသစ်အတွက် သိမ်ထဲမှာ ပြုလုပ်သင့်ပြုလုပ်ထိုက်တဲ့လုပ်ငန်း၊
ကမ္မ၀ါဖတ်ခြင်းလုပ်ငန်းတွေ ပြီးဆုံးတာနဲ့ တပြိုက်နက်
ရဟန်းဖြစ်တဲ့ အချိန်အခါ၊ ရဟန်းဖြစ်တဲ့နေရာဒေသ
ပြောကြားရပါတယ်။

တာဝဒေ၀ ဆာယာ မေတဗ္ဗာ၊ ဥတုပ္ပမာဏံ အာစိက္ခိတဗ္ဗံ၊
ဒိဝသဘာဂေါ အာစိက္ခိတဗ္ဗော။
(၀ိနည်းမဟာဝါပါဠိတော် စာ၊ ၁၃၃)

ဒီအတွက် ခုခေတ်မှာ ရဟန်းခံရက်ချုပ်ဆိုပြီး
ရဟန်းဖြစ်မှတ်တမ်းလေးတွေကို လုပ်ပေးလေ့ရှိပါတယ်။

ရည်ရွယ်ချက်က ကိုယ်ဘယ်နေ့ ဘယ်အချိန်အခါ ဘယ်ဒေသမှာ
ရဟန်းဖြစ်တယ်ဆိုတာ သိရှိဘို့နဲ့
ဒီလိုသိရှိပြီး
ကိုယ့်ထက် တစ်စက္ကန့်ပင် ကြီးတဲ့ရဟန်းတစ်ပါးပါးကို တွေ့ရှိက
ကိုယ်က အရိုအသေပေးဘို့နဲ့
ကိုယ့်အောက် တစ်စက္ကန့်ပင် ငယ်တဲ့ရဟန်းတစ်ပါးပါးကို တွေ့ရှိက
ကိုယ်က အရိုအသေခံဘို့ပါ။

ဆိုတော့ ကြီးတဲ့သူကို ရိုသေရမယ်ဆိုတာ အထူးပြောဘွယ်လိုမယ်မထင်ပါဘူး။

ဒီပို့စ်နဲ့ဆက်စပ်လို့ ရှင်သာရိပုတ္တရာကြီးအကြောင်းကိုပဲ
ဆက်လေ့လာကြည့်ရအောင်။

ဘုရားရှင်က ရှင်သာရိပုတ္တရာကြီးကို လက်ယာတော်ရံရာထူးခန့်အပ်လိုက်တာဟာ
ရှင်သာရိပုတ္တရာကြီးက ရှင်အဿဇိကို
မင်းက ရာထူးပိုကြီးတယ်ရိုသေစရာမလိုတော့ဘူး၊
ဆိုတဲ့ ရည်ရွယ်ချက်နဲ့
ရာထူး ခန့်အပ်တာ မဟုတ်ပါဘူး။
လုပ်ငန်းလုပ်တဲ့နေရာ အဆင်ပြေအောင်လို့ပါ။

ရာထူးနဲ့ ၀ါကြီးတာနဲ့ ကွဲကွဲပြားပြားသိဘို့လိုပါတယ်။
ရာထူးရှိတဲ့သူက လုပ်ပိုင်ခွင့်ပိုရပါတယ်။
ဒါပေမဲ့ ၀ါကြီးတဲ့သူကိုတော့ အရိုအသေပေးရမှာပါဘဲ။

ဒါ့ကြောင့် ရှင်သာရိပုတ္တရာက သူ့ဆရာရှင်အဿဇိကို
ဘယ်လောက်အရိုအသေပေးသလဲဆိုရင်
သူဘယ်ရောက်ရောက် ရှင်အဿဇိရှိတဲ့ဘက်ကိုဘဲ
ဦးခေါင်းတော်အိပ်တယ်တဲ့။

ရှင်သာရိပုတ္တရာ ကျောင်းတစ်ကျောင်းကို ရောက်ပြီဆိုရင်
အဲ့ဒီကျောင်းတစ်ကျောင်းမှာ ရှင်အဿဇိလဲ ရှိနေမယ်ဆိုရင်
ဘုရားရှင်ပီးရင် ရှင်အဿဇိထံ တန်းသွားပြီး အရိုအသေပေးတာတဲ့။
သူ့ဆရာကို ဒီလောက်တောင် လေးစားတာ။

It is said that every night on going to bed he would do obeisance to the quarter
in which he knew Assaji to be and would sleep with his head in that direction.
DhA.iv.150 f.; cf. SNA.i.328.
If Assaji were in the same vihára, Sáriputta would visit him immediately
after visiting the Buddha.

ရာထူးရထားလို့ လုပ်ငန်းကိုင်ငန်း လုပ်ရရင်တော့
ရှင်သာရိပုတ္တရာက ရှေ့ကပေါ့။ သူက ရာထူးကြီးတာကိုး။

ဝါလား၊ အရည်အချင်းလားဆိုတာနဲ့ ဆက်စပ်လို့
ရှေးဆရာတော်ကြီးတစ်ပါး သုံးသပ်ပြတာကို ကြားဘူးတယ်။

မြန်မာပြည်သာသနာ့သမိုင်းမှာ လယ်တီဆရာတော်ကြီးဟာ
ပါဠိစာပေတဖက်ကမ်းတတ်တဲ့ဆရာတော်ကြီးပါတဲ့။
ဒါပေမဲ့ ဒီနေ့ဒီအချိန်အခါမှာ လယ်တီမျိုးဆက်ဟာ
အတော်လေးမှေးမှိန်သွားတာ တွေ့ရတယ်တဲ့။
ဒါဟာ အရည်အချင်းသမားကို ရှေ့တန်းတင်မှု နည်းခဲ့လို့တဲ့။

မန္တလေး၊ မစိုးရိမ်ကျောင်းကို ကြည့်တဲ့။
သကျသီဟစာမေးပွဲအောင်မှ စာချ၊ နာယက ခန့်အပ်တာဆိုတော့
ဒီနေ့ဒီအချိန်ထိ မစိုးရိမ်ကျောင်းဟာ ‘ကျ’ မသွားဘူးတဲ့။
ဒါဟာ ၀ါကြီးသည်ဖြစ်စေ၊ ၀ါငယ်သည်ဖြစ်စေ
အရည်အချင်းရှိတဲ့သူကို ရာထူးပေးအပ်လို့
သက်တမ်းရှည် ကာလကြာရှည် အောင်မြင်နေတာတဲ့။

ပရိယတ္တိစာသင်တိုက်တွေအတွက် နမူနာယူစရာအချက်ပဲ။
ပရိယတ္တိသာသနာ့တက္ကသိုလ်တွေမှာလဲ ဒီအတိုင်းဘဲ။
ဝါကို ဦးစားပေးမှာလား။ အရည်အချင်းကို ဦးစားပေးမှာလား။
သံဃာ့နာယကဖွဲ့စည်းပုံတွေလဲ ပါတာပေါ့။

Photo: Google Search

Sunday, December 26, 2010

ဝါလား၊ အရည်အချင်းလား


တည်တည်ငြိမ်ငြိမ် ခန့်ခန့်ငြားငြား 
လောဘ ဒေါသ သောကတွေကင်းစင်တဲ့မျက်နှာထားနဲ့
ဆွမ်းခံကြွနေတဲ့ ရှင်အဿဇိသွားရာနောက်က ဥပတိဿဆိုတဲ့သူငယ်လေး
မသိမသာ ကပ်လိုက်သွားတယ်။

တစ်နေရာရောက်တော့ ရှင်အဿဇိ ဆွမ်းဘုန်းပေးတယ်။
ဥပတိဿဆိုတဲ့သူငယ် ဘေးနား အသာလေး ထိုင်နေတယ်။

ရှင်အဿဇိလဲ ဆွမ်းဘုန်းပေးပြီးရော သူသိချင်တာကို မေးပါတော့တယ်။
‘အရှင်၊ အရှင့်ကို ကြည့်ရတာ အတော်ငြိမ်းချမ်းမှုရှိတယ်၊
ဒီတော့ အရှင့်ရဲ့ သန္တာန်မှာ တရားထူးရှိမယ်လို့ ယူဆတယ်၊
အဲ့လို တရားထူးများ ရှိလို့ သိထားတယ်ဆိုရင် ပြောပြ ဟောပြစမ်းပါ’ တဲ့။

ဒီတော့ ရှင်အဿဇိ က
ငါက ရှည်ရှည်ဝေးဝေး မပြောပြတတ်ဘူး။ တိုတိုပဲ ပြောပြတတ်တယ်။
ရှည်ရည်ဝေးဝေးသိချင်ရင်တော့ ငါတို့ဆရာ ဂေါတမရှိတယ်။
သူ့ဆီကို သွားမေးပါလို့ ပြောတယ်။

အရှင်ပြောတတ်သလောက် တိုတိုသာ ပြောပါလို့ ပြောတော့
ရှင်အဿဇိ က
ယေဓမ္မာ ဟေတုပ္ပဘ၀ါ၊
တေသံ ဟေတုံ တထာဂတော အာဟ စတဲ့ဂါထာလေးကို
တိုရှင်းလိုရင်း သူသိသလောက် ဟောပြပါတယ်
အဓိပ္ပါယ်က
“အကြောင်းကြောင့် အကျိုးဖြစ်” ပါဘဲ။
ဒါလေးကြားလိုက်တာနဲ့ ချက်ချင်း အလင်းရသွားတယ်။
သောတာပန်ဖြစ်သွားတယ်။

ဒါနဲ့သူ့သူငယ်ချင်း ကောလိတကို လိုက်ရှာပြီး ပြန်ပြောပြတယ်။
သူငယ်ချင်းဖြစ်သူလဲ သောတာပန်ဖြစ်သွားတယ်။

နောက်ပိုင်းတော့ ဘုရားရှင်နဲ့တွေ့ပြီး ရဟန္တာတွေဖြစ်သွားတယ်။
ရှင်သာရိပုတ္တရာ၊ ရှင်မောဂ္ဂလာန်လို့ ထင်ရှားလာပြီး
ဘုရားရှင်က သူ့ရဲ့ ညာလက်ရုံး၊ ဘယ်လက်ရုံး
အဂ္ဂသာဝက (အကြီးဆုံးတပည့်ကြီးနှစ်ဦး) ရာထူးကို ခန့်အပ်ပါတယ်။

စဉ်းစားမိတာလေး ပြောကြည့်ချင်တယ်။
ဒီနေရာမှာ ရှင်သာရိပုတ္တရာ၊ ရှင်မောဂ္ဂလာန်တို့ ဆရာက
ရှင်အဿဇိဖြစ်တယ်။
ရှင်အဿဇိဆိုတာက ပထမဦးးဆုံးရဟန်းဘောင်ရောက်လာတဲ့
ပဉ္စ၀ဂ္ဂီငါးဦး (ရဟန်းငါးပါးအုပ်စု) ထဲက တစ်ပါးအပါအ၀င်ဖြစ်တယ်။
ရှင်အဿဇိ က ရဟန်းသက် ၀ါအနေအားဖြင့် ကြီးရုံမျှမကဘဲ
ရှင်သာရိပုတ္တရာ၊ ရှင်မောဂ္ဂလာန်တို့ရဲ့ ဆရာလဲ တော်ခဲ့တယ်။

ဒါပေမဲ့
ဘုရားရှင်က ရာထူးပေးတဲ့နေရာမှာ ၀ါကြီးတဲ့ ဆရာဖြစ်တဲ့ ရှင်အဿဇိကို
ကြီးတဲ့ရာထူးမပေးပါဘူး။ တပည့်ဖြစ်တဲ့ ၀ါငယ်တဲ့
ရှင်သာရိပုတ္တရာ၊ ရှင်မောဂ္ဂလာန်တို့ကို ကြီးတဲ့ရာထူးပေးခဲ့ပါတယ်။
ဒါကို ကြည့်ရင် ဘုရားရှင်က အသက်ကြီးတာထက်
အရည်အချင်းရှိတာကို ပို ဦးစားပေးကြောင်း ထင်ရှားပါတယ်။
ထား။

နောက်ပိုင်းတော့ ဘုရားရှင်သာသနာတော်မှာ
ရှင်မဟာကဿပ၊ ရှင်အာနန္ဒာ၊ ရှင်အနုရုဒ္ဓါ၊ ရှင်ဥပါလိ စသဖြင့်
ရဟန္တာတပည့်ကြီးတွေ ထွန်းကားလာပါတယ်။

ဘုရားရှင်သက်တော်ထင်ရှားရှိစဉ် (၄၅) နှစ်တာကာလအတောအတွင်း
ဘုရားရှင်သာသနာ နေလို လလိုမက
နေထက်လထက်ကို ထွန်းကားလာပါတယ်။

မဟာသက္ကရာဇ် ၁၄၈ - ခု (ဘီစီ ၅၄၄) ကဆုန်လပြည့် အင်္ဂါနေ့
(သက်တော် ၈၀ အရွယ်)
ကုသိနာရုံပြည်၊ အင်ကြင်းဥယျာဉ်မှာ ဘုရားရှင် ပရိနိဗ္ဗာန်စံတော်မူတယ်။

အရှင်မဟာကဿပမထေရ်ကြီးက နောက်ပါ ရဟန်း ၅၀၀ နဲ့အတူ
မြတ်စွာဘုရားကို ဖူးမျှော်ဘို့ ပါဝါပြည်မှ ကုသိနာရုံသို့အသွားလမ်းခရီးမှာ
ကုသိနာရုံက ပါဝါပြည်သို့လာတဲ့ တက္ကဒွန်းတစ်ယောက်နဲ့တိုးတယ်။
တက္ကဒွန်းထံမှ မြတ်စွာဘုရား ပရိနိဗ္ဗာန်စံကွယ်လွန်တော်မူကြောင်း သိရတော့
သံဃာအများစု ၀မ်းနည်းပက်လက်ဖြစ်ပြီး ငိုကြွေးကြတာပေါ့။

ဒါပေမဲ့သုဘဒ်လို့ခေါ်တဲ့ရဟန်းကြီးကတော့
ငါ့ရှင်တို့၊ ဘာဝမ်းနည်းစရာရှိတုန်း၊ ရှင်ကြီးဂေါတမ ရှိတုန်းက
ဟိုဟာမလုပ်နဲ့၊
ဟိုမသွားနဲ့၊
ဒီလိုမစားနဲ့၊
ဒီကို မသွားနဲ့ နဲ့ စည်းကမ်းတွေ များလိုက်တာ။
အခုတော့ ငါတို့နေချင်သလိုနေလို့ရပြီ။
လွတ်လပ်ရေး အပြည့်အ၀ရပြီလို့ ပြောဆိုပြီး
ဝမ်းမနည်းတဲ့အပြင် ၀မ်းတောင်သာနေလိုက်သေးတယ်။

သုဘဒ်ရဟန်းကြီးပြောတဲ့စကားကို ရှင်မဟာကဿပကြီးကြားတော့
မသူတော်တရား မပြန့်ပွါးမီ
သူတော်ကောင်းတရား မပျောက်ပျက်မီ
ဘုရားရှင်ဟောကြားခဲ့တဲ့ တရားတော်တွေကို
စုပေါင်းရွတ်ဖတ်သင်္ဂါယနာတင်ရရင် ကောင်းမှာပဲ လို့
တွေးမိပြီး
ဘုရားရှင်ပရိနိဗ္ဗာန်ပြုပြီး ၃ - လအကြာ
မဟာသက္ကရာဇ် ၁၄၈-ခု၊ ၀ါခေါင်လပြည့်နေ့မှာ
ရဟန္တာမထေရ် ၅၀၀ နဲ့အတူ
ပထမဆုံးအကြိမ် စုပေါင်းရွတ်ဖတ်တဲ့ ပထမသံဂါယနာပွဲကို ကျင်းပဖြစ်ခဲ့တယ်။

မြတ်စွာဘုရားဟောကြားတော်မူခဲ့တဲ့ ဓမ္မနဲ့ဝိနယကို
အုပ်စုသုံးစုခွဲတယ်။
ပြန့်ကျဲနေတဲ့ မြတ်စွာဘုရားရဲ့ တရားတော်တွေကို
တူရာတူရာ မျိုးတူစု သုံးစု လုပ်ကြတယ်။
၁။ ၀ိနယပိဋက
၂။ သုတ္တန္တပိဋက
၃။ အဘိဓမ္မပိဋက
ဒီလို စနစ်တကျ မျိုးတူစုတွေပေါင်းပြီး စီစဉ်ခဲ့လို့
နောင်လာနောက်သား ရဟန်းတော်အစဉ်အဆက်
မှတ်သားရတာ လွယ်ကူလာတာပါ။

ပထမဦးဆုံးပြုလုပ်တဲ့ မြတ်စွာဘုရားတရားတော်တွေကို စုပေါင်းရွတ်ဖတ်တဲ့
ဒီသံဂါယနာပွဲမှာ
အမေး (ပုစ္ဆက) ဆရာတော်အဖြစ်
ရှင်မဟာကဿပမထေရ်ကြီးက ဆောင်ရွက်ပြီး
ဝိနည်းပိဋကတ်တော်ကို ရှင်ဥပါလိမထေရ်က ဖြေဆိုရပါတယ်။
သုတ္တန္တပိဋကနဲ့ အဘိဓမ္မပိဋကကိုတော့
ရှင်အာနန္ဒာမထေရ်မြတ်က ဖြေဆိုရပါတယ်။

တကယ်လို့ ရှင်မဟာကဿပကြီးတို့သာ ဘုရားရှင်ဟောကြားခဲ့တဲ့တရားတော်တွေကို
စုပေါင်းရွတ်ဖတ်တဲ့ ပထမသင်္ဂါယနာတင်ပွဲ မကျင်းပခဲ့ရင်
ဒီနေ့ဒီအချိန်အခါ ဗုဒ္ဓဘာသာဆိုတာ ရှိမှာ မဟုတ်တော့ပါဘူး။

 ဒါ့ကြောင့် ဒီလိုအမျှော်အမြင်ကြီးမားတဲ့
ပထမသံဂါယနာမှာ ပါဝင်ခဲ့တဲ့ ရှင်မဟာကဿပ၊ ရှင်ဥပါလိ၊ ရှင်အာနန္ဒာစတဲ့
သံဃာတော် ရဟန္တာအပါးငါးရာကြီးတွေရဲ့ ကျေးဇူးတရားဟာ
အနှိုင်းမဲ့ပါ။

Photo: google search

Friday, December 24, 2010

အပြကောင်းဘို့


ရတနာသုံးပါးထဲက ဘုရားရှင်နဲ့တရားတော်ကို
ဘာကြောင့် ဘယ်လိုကိုးကွယ်ရသလဲဆိုတာနဲ့ပတ်သက်ပြီး
ထင်သာမြင်သာအောင် ပြောပြခဲ့တယ်။

ဒီတခါ သံဃာရတနာလို့ခေါ်တဲ့ သံဃာတော်တွေကို
ဘာကြောင့် ဘယ်လို ကိုးကွယ်ရတယ်ဆိုတာနဲ့ပတ်သက်ပြီး
နည်းနည်း ပြောပြရအုံးမယ်။
ဒီအကြောင်းကို ပြောဘို့အတွက်
ဗုဒ္ဓဘာသာသမိုင်းအနည်းငယ်ကို သိထားဘို့လိုတယ်။

သဗ္ဗညုတဥာဏ်ရပြီး ဘုရားဖြစ်ပြီးတဲ့နောက်
ဘုရားရှင် ခုနစ်ရက်ခုနစ်လီ
(၀ါ) လေးဆယ့်ကိုးရက်ကြာ မဟာဗောဓိပင်အနား သီတင်းသုံးနေထိုင်ခဲ့တယ်။
ပြီးတော့ တရားကို နားထောင်နိုင်စွမ်း၊ လက်ခံနိုင်စွမ်းရှိတဲ့သူ ရှာတယ်။
နောက်ဆုံး ဗုဒ္ဓစာပေမှာ ပဉ္စ၀ဂ္ဂီငါးဦးလို့ ထင်ရှားတဲ့
ကောဏ္ဍည၊ ၀ပ္ပ၊ ဘဒ္ဒိယ၊ မဟာနာမ၊ အဿဇိ လို့ အမည်ရတဲ့
ရသေ့ငါးဦးကို တရားဦးဖြစ်တဲ့ ဓမ္မစကြာနဲ့ အနတ္တလက္ခဏသုတ်ကို ဟောပါတယ်။
အကုန်လုံး ရဟန္တာတွေဖြစ်ကုန်တယ်။ ရဟန်းဘောင်တက်ရောက်ကြတယ်။
သူတို့ငါးဦးဟာ ဘုရားရှင်ရဲ့ တပည့်သားသာဝက ရဟန်းတော်များဖြစ်လာတယ်။

တိုတိုပြောကြပါစို့။
အချိန်တိုအတောအတွင်း ဘုရားရှင်ကြိုးပမ်းအားထုတ်လိုက်တာ
ဘုရားရှင်ထံမှာ တပည့်သံဃာတော်အရေအတွက် (၆၀) ရလာတယ်။

ဘုရားရှင်က သံဃာတော် (၆၀) ကို
စရထ ဘိက္ခဝေ စာရိကံ၊ မာ ဧကေန ဒွေ အဂမိတ္ထ၊ ဒေသေထ ဘိက္ခဝေ ဓမ္မံ
ဒေသစာရီ လှည့်လည်ကြ၊
ခရီးတစ်ကြောင်းကို နှစ်ပါးအတူ မကြွကြနဲ့။
တရားဟောကြပါ လို့မိန့်တယ်။

ဒါ ဘုရားရှင်က သံဃာတော်တွေကို ခရီးထွက်ခိုင်းတာ။
ခရီးသွားတဲ့နေရာမှာလဲ တရားဟောဘို့အတွက်၊ သာသနာပြုဘို့အတွက်
လမ်းခရီးတစ်ကြောင်းကို တစ်ပါးသာကြွခိုင်းတာ၊
ဘုရားရှင်ကိုယ်တော်တိုင်လဲ သာသနာပြုခရီးစတင်ထွက်ပါတယ်။

ဒါကို စဉ်းစားကြည့်ရအောင်။

ဘုရားရှင်အနေနဲ့ ဘုရားဖြစ်အောင် အားထုတ်တယ်။
ထင်သာမြင်သာတဲ့စကားနဲ့ပြောရရင်
ကိုယ့်ကိုယ်ကို တော်အောင် ပထမလုပ်တယ်။

နောက်ပြီး အရည်အချင်းပြည့်မှီတဲ့ တပည့်မွေးတယ်။
ပြီးတော့မှ သာသနာပြုလုပ်ငန်းစတင်တယ်။

ဆိုတော့ သာသနာပြုလုပ်ငန်းကို လုပ်တဲ့နေရာမှာ
ဘုရားရှင်တောင်မှ တစ်ကိုယ်တည်းသာသနာပြုရင်
အောင်မြင်သင့်သလောက် မအောင်မြင်နိုင်လို့
ခရီးရောက်သင့်သလောက် မရောက်နိုင်လို့
တပည့်သံဃာတော်ကို မွေးကာ
တရားတော်ကို သာသနာတော်ကို ပြန့်ပွါးအောင် လုပ်ခဲ့ရတယ်။

ဒါကို ကြည့်ခြင်းအားဖြင့် သံဃာတော်ရဲ့အင်အား၊ သံဃာတော်ရဲ့ ခွန်အား
သံဃာတော်ရဲ့ စွမ်းပကားကို လေ့လာ အကဲခတ်နိုင်တယ်။
သံဃာတော်ကို ဘုရားရှင်အားကိုးကြောင်း သိသာတယ်။

သာသနာပြုခရီးစတင်ထွက်တော့ သံဃာတော်အပါး (၆၀) ထဲမှာ
ရှင်အဿဇိဆိုတာလဲပါတယ်။ ရှင်အဿဇိဆိုတာက အထက်ကပြောခဲ့တဲ့
ပဉ္စ၀ဂ္ဂီငါးဦးထဲက တစ်ဦးအပါအ၀င်ဖြစ်တယ်။
သူသာသနာပြုကြွတဲ့နေရာက ရာဇဂြိုဟ်မြို့ဖြစ်တယ်။
ရာဇဂြိုဟ်မြို့နားမှာ နာလန္ဒာရွာဆိုတာရှိတယ်။
အဲ့ရွာမှာ ဥပတိဿနဲ့ ကောလိတ ဆိုတဲ့လူငယ်နှစ်ဦးရှိတယ်။

တနေ့ ဒီလူငယ်နှစ်ဦး (ဂိရိသမဇ္ဇ လို့ခေါ်တဲ့) တောင်ထိပ်ပွဲသဘင် သွားကြည့်ကြတယ်။
အဲ့နေရာမှာ ဒီပွဲသဘင်ကို အခုခေတ်အထိ သုံးနှစ်တစ်ကြိမ်ကျင်းပဆဲလို့သိရတယ်။
လူငယ်လူရွယ်ကာလသားတွေ အစွမ်းကုန် ‘ကဲ’ ကြတဲ့ပွဲလို့လဲ သိရတယ်။
ပွဲကပြရာမှာ အိုနာသေရေး ဒုက္ခဘေးတွေအကြောင်းလဲ ပါဟန်တူပါရဲ့။
အဲ့ဒီပွဲသဘင်ကို သွားကြည့်ကြတဲ့ နာလန္ဒာရွာသားတွေဖြစ်တဲ့
ဥပတိဿနဲ့ ကောလိတ လူငယ်နှစ်ဦး သံဝေဂရသွားတယ်။

သံဝေဂရပြီး မအိုရာ မနာရာ မသေရာနေရာအတွက် အရှာထွက်ကြတယ်။
နောက်ဆုံး ရာဇဂြိုဟ်မြို့ထဲမှာ ဆွမ်းခံကြွနေတဲ့ ရှင်အဿဇိကို တွေ့သွားတယ်။
ရှင်အဿဇိကို ဂရုပြုမိသွားတယ်။
 ရှင်အဿဇိ ဆွမ်းခံကြွပုံကလဲ အတော်တည်ငြိမ်အေးချမ်းတာကိုး။
ဆွမ်းခံကြွချိန် ရှေ့ကို လေးတောင်ခန့်မျှပဲ ကြည့်တယ်တဲ့။
သူ့ခေတ်သူ့အခါကတော့ ရှေ့ကို လေးတောင်ခန့်မျှကြည့်ပြီး အေးအေးဆေးဆေး
ဆွမ်းခံကြွလို့ရတာပေါ့။ အခုခေတ်လို ကားတွေ ဘာတွေမှ မရှိသေးတာ။

ဒီလို အေးချမ်းတည်ငြိမ်စွာ ဆွမ်းခံကြွမ်းလှမ်းနေတဲ့ ရှင်အဿဇိကို ကြည့်ပြီး
ဥပတိဿဆိုတဲ့ သူငယ် အတော်သဘောကျနေတယ်။
အော်၊ ဒီပုဂ္ဂိုလ်ရဲ့ အမူအယာ အတော်ထူးခြားတယ်၊ အင်မတန်တည်ငြိမ်အေးချမ်းတာပဲ၊
သူ့မှာ တရားထူးတစ်ခုခုတော့ ရှိလောက်တယ် လို့ ဆက်စဉ်းစားတယ်။

ဒီမှာလဲ တစ်ခုသတိပြုမိတယ်။
ဥပတိဿဆိုတဲ့သူငယ်ဟာ ဗုဒ္ဓဘုရားရှင်ကိုလဲ မတွေ့ဘူးသေးပါဘူး။
ဗုဒ္ဓဘာသာဝင် မဟုတ်သေးပါဘူး။
ဒါပေမဲ့ ထူးခြားတဲ့ တည်ငြိမ်တဲ့ အေးချမ်းတဲ့
ဗုဒ္ဓဘာသာရဟန်းတော်တစ်ပါးကို မြင်တွေ့ပြီး စိတ်ဝင်စားသွားတယ်။

ခုခေတ် ဗုဒ္ဓဘာသာ ဘာသာရေးခေါင်းဆောင်ဖြစ်တဲ့ ရဟန်းတော် သံဃာတော်များလဲ
ရှင်အဿဇိကဲ့သို့ Express (အမူအယာ အပြ) ကောင်းဘို့ အရေးကြီးပါတယ်။
အပြင်ထွက်ရာမှာ ခရီးသွားရာမှာ ဆွမ်းခံထွက်ရာမှာ
သေသေချာချာ သပ်သပ်ယပ်ယပ်ဝတ်ရုံသင့်ပါတယ်။
ဒီလို Express ကောင်းမှသာ ဥပတိဿတို့လို ဘာသာခြားတွေကိုရော
ကိုယ့်ဘာသာဝင်တွေကိုရော Impress (သဘောကျစေ)မှာပါ။
Impress ဖြစ်မှ Interest ဆိုတဲ့ စိတ်ဝင်စားမှု ရမှာပါ။

ဒါ့ကြောင့် ရဟန်းတော်သံဃာတော်များ
သပ်သပ်ယပ်ယပ် စားတတ်ဖို့၊ သွားတတ်ဖို့၊ နေတတ်ဖို့၊ ထိုင်တတ်ဖို့
အင်မတန်အရေးကြီးပါတယ်။

ဒီလိုမဟုတ်ဘဲ
လူတွေနဲ့ တန်းတူထိုင်၊ တန်းတူသွား၊ တန်းတူစား၊ တန်းတူကစားနေရင်
ရှိခိုးခံမဲ့ ရဟန်းတော်ကို ရှိခိုးမဲ့ လူတွေက ဘယ်လိုလုပ် အားပါပါ ရှိခိုးချင်မလဲ။
ဝတ်ကျေတမ်းကျေသာ ရှိခိုးတော့မပေါ့။

ရှိခိုးတဲ့သူတွေ အားရပါးရ ရှိခိုးချင်အောင်
ရှိခိုးခံရဟန်းတော်များက သီလ၊ သမာဓိ၊ ပညာ သာလွန်ရုံတင်မကဘဲ
စားတဲ့၊ သွားတဲ့၊ ပြောတဲ့ဆိုတဲ့နေရာတွေမှာလဲ သာလွန်အောင် ကြိုးစားသင့်ပါတယ်။

photo: google search

Wednesday, December 22, 2010

ချမ်းသာရေး


မွဲနေတယ်ဆိုလို့ ချမ်းသာဘို့အတွက် ဗုဒ္ဓဘာသာစာပေကလာတဲ့
စီးပွါးရေးလမ်းညွှန်ချက်လေးတွေ ပြောပြရအုံးမယ်။

လောကီရေးထဲမှာပါတဲ့ ဗုဒ္ဓစာပေကလာတဲ့ ဒီစီးပွါးရေးလမ်းညွှန်ချက်တွေဟာ
ဟိုး လွန်ခဲ့တဲ့နှစ်ပေါင်း ၂၅၀၀ ကျော်က အိန္ဒိယနိုင်ငံမှာ
ဟောကြားထားတာတွေဖြစ်တော့ အခုခေတ်လို ဘဏ်စနစ်တွေ ဘာတွေ ညာတွေ
မရှိသေးတဲ့တဲ့အတွက် ဒီခေတ်ရဲ့ အခေါ်အဝေါ် အသုံးအနှုန်းတွေတော့ ဘယ်ပါမလဲ။
အချိန်အခါနဲ့ နေရာဒေသအလိုက် ဘုရားရှင် ဟောကြားခဲ့ရတာပါ။

တကယ်တော့
စီးပွါးရေးသမားတွေအတွက် ဘုရားရှင်ဟောကြားထားတဲ့
စီးပွါးရေးလမ်းညွှန်ချက်တွေနဲ့အညီ စီးပွါးရေးလုပ်နေတယ်ဆိုရင်
အဆင်ပြေနေဆဲပါဘဲ။

ကြီးပွါးချင်လို့ စီးပွါးရှာနေသူအတွက် နံပါတ် (၁) လိုက်နာရမဲ့ အချက်က
ဥဋ္ဌာနသမ္ပဒါ - ၀ီရိယရှိဘို့၊ မပျင်းဘို့။
ဒါကို ဘုရားရှင်ဟောတာ သူ့ခေတ် သူ့အခါ သူ့ဒေသမှာ
အလုပ်မလုပ်ချင်ဘဲ ပျင်းတဲ့သူတွေ များနေလို့ နေမှာ။
တချုိ့က အလုပ်သာ မလုပ်ချင်တာ၊ ချမ်းသာချင်တာက လွန်ရော။

ဗုဒ္ဓဘာသာစာပေထဲမှာ
အနုဋ္ဌဟံ အ၀ါယာမံ၊ သုခံ ယတြာဓိ ဂစ္ဆတိ။
သုသီမ တတ္ထ ဂစ္ဆာဟိ၊ မဉ္စ တတ္ထေ၀ ပါပယာ
ဆိုတဲ့ သိကြားမင်းက သုသီမ ဆိုသူကို ပြောတဲ့စကားလေးရှိတယ်။

ဝီရိယမရှိဘဲ ချမ်းသာတဲ့အရပ်များရှိတယ်ဆိုလို့ရှိရင်
ထိုအရပ်သို့ မင်းလဲ သွားပါ၊ ငါ့ကိုလဲ ထိုအရပ်သို့ ပို့ပေးပါ တဲ့။
လုံ့လ၀ီရိယမရှိဘဲ ချမ်းသာတဲ့အရပ်ဒေသဆိုတာ
ဒီကမ္ဘာလောကကြီးထဲမှာ မရှိဘူး လို့ ပြောချင်တာပါ။

နည်းနည်းချမ်းသာရင် နည်းနည်းအားထုတ်မှု ရှိရပါတယ်။
များများချမ်းသာရင် များများအားထုတ်မှု ရှိရပါတယ်။

နည်းနည်းချမ်းသာတဲ့နိုင်ငံက နည်းနည်းအားထုတ်မှုရှိရပြီး
များများချမ်းသာတဲ့နိုင်ငံက များများအားထုတ်မှု ရှိရပါတယ်။

မွဲတဲ့နိုင်ငံတွေမှာ အလုပ်သိပ်မလုပ်ရဘဲ (လုပ်စရာမရှိဘဲ အားနေပြီး)
ချမ်းသာတဲ့နိုင်ငံတွေမှာ အလုပ်နဲ့ လက်နဲ့ မပြတ်လုပ်နေရပါတယ်။

နည်းနည်းချမ်းသာရင် များများ အားပြီး
များများများချမ်းသာရင် နည်းနည်းဘဲ အားပါတယ်။
အချိန်ချမ်းသာရင် အလုပ်မွဲပြီး အလုပ်ချမ်းသာရင် အချိန်မွဲတဲ့သဘောပါ။

ပြောချင်တာက
ချမ်းသာတဲ့နိုင်ငံတွေဟာ ဆင်းရဲတဲ့နိုင်ငံတွေထက် အလုပ်ပိုလုပ်ရတာပါ။
လုံ့လ၀ီရိယ ပိုရှိရတာပါ။
လုံ့လ၀ီရိယရှိလို့လဲ ချမ်းသာနေတာပေါ့။
Inter-dependent, Inter-related ဖြစ်နေတာပါ။

ကြီးပွါးချင်လို့ စီးပွါးရှာနေသူအတွက် နံပါတ် (၂) လိုက်နာရမဲ့ အချက်က
အာရက္ခသမ္ပဒါ - ထိန်းသိမ်းစောင့်ရှောက်နိုင်စွမ်း ရှိရပါမယ်။
ကိုယ်ရှာဖွေထားတဲ့ ငွေ၊ စည်းစိမ်ဥစ္စာတွေကို
ထိန်းသိမ်းစောင့်ရှောက်နိုင်တဲ့ အရည်အချင်းရှိရမယ်။
ဒါကတော့ ရှင်းပါတယ်

ကြီးပွါးချင်လို့ စီးပွါးရှာနေသူအတွက် နံပါတ် (၃) လိုက်နာရမဲ့ အချက်က
ကလျာဏမိတ္တ - သူငယ်ချင်း မိတ်ဆွေကောင်းရှိရပါမယ်။
ဒါနဲ့စပ်လို့ ရှင်အာနန္ဒာနဲ့ ဘုရားရှင်တို့ ပြောခဲ့တဲ့စကားလေးကို သတိရမိတယ်။

တခါတုန်းက ရှင်အာနန္ဒာက ဘုရားရှင်ကို
‘အရှင်ဘုရား၊ ဒီလောကကြီးထဲမှာ သူငယ်ချင်းကောင်း မိတ်ဆွေကောင်းများရှိရင်
တပည့်တော်တို့ လုပ်ငန်းကိစ္စ ၅၀% ပြီးစီးအောင်မြင်နိုင်တယ်ဘုရား’ လို့ လျှောက်တယ်။

ဒီတော့ ဘုရားရှင်က
‘ဒီလိုမပြောပါနဲ့ အာနန္ဒာ၊
ဒီလောကကြီးထဲမှာ သူငယ်ချင်းကောင်း မိတ်ဆွေကောင်းများရှိရင်
ရာနှုန်းပြည့် ပြီးစီးအောင်မြင်နိုင်ပါတယ်’ လို့ ဘုရားရှင်က မိန့်ပါတယ်။
ဟုတ်ပါတယ်၊ လောကကြီးထဲမှာ သူငယ်ချင်းကောင်း မိတ်ဆွေကောင်းရှိလို့
ရာနှုန်းပြည့် အောင်မြင်သွားတဲ့သူတွေ အများကြီးပါ။

ဒီနေရာမှာ ဆန့်ကျင်ဘက်အနေနဲ့ စဉ်းစားရမှာက
သူငယ်ချင်းကောင်း မိတ်ဆွေကောင်းမရှိဘူးဆိုရင်
ရာနှုန်းပြည့် ပျက်စီးဆုံးရှုံးသွားနိုင်တာပါ။

ကြီးပွါးချင်လို့ စီးပွါးရှာနေသူအတွက် နောက်ဆုံး နံပါတ် (၄) လိုက်နာရမဲ့ အချက်က
သမဇီဝိက - ၀င်ငွေထွက်ငွေကို အချိုးကျကျ သုံးစွဲတတ်ဖို့ပါ။

ဒါနဲ့ပတ်သက်လို့ ဗုဒ္ဓဘာသာစာပေမှာလာတာက
ဧကေန ဘောဂေ ဘုဉ္ဇေယျ
ကိုယ့်လခကို လေးပုံ ပုံလိုက်ပါ။
တစ်ပုံကို နေ့စဉ်အသုံးစရိတ်ထဲ့ ထည့်ပါတဲ့။
တစ်ထောင်ရတဲ့သူဆို ၂၅၀ ကို နေ့စဉ်အသုံးစရိတ်ထဲ ထည့်ခိုင်းတာပါ။

ဒွီဟိ ကမ္မံ ပယောဇယေ
နှစ်ပုံကို ရင်းနှီးမြှုတ်နှံတဲ့ထဲ ထည့်ပါတဲ့။ Investment လုပ်ခိုင်းတာ။
၁၀၀၀ ရတဲ့သူဆို ၂၅၀ နှစ်ပုံဆိုတော့ ၅၀၀ ပေါ့။

စတုတ္ထမ္ပိ နိဓာပေယျ
၁၀၀၀ ရတဲ့သူအတွက် နောက်ဆုံးတစ်ပုံဖြစ်တဲ့ ၂၅၀ ကိုတော့
သေချာ သိမ်းဆည်းထားပါတဲ့။
အရင်တုန်းက ဘဏ်တွေ ဘာတွေမရှိတော့ လုံခြုံတဲ့နေရာကို သိမ်းဆည်းခိုင်းတာ။
အခုခေတ်ဆိုရင်တော့ ဘဏ်အပ်ထား။ ဘဏ်ထဲမှာပဲ ထားခိုင်းတာပေါ့။

ဘာအတွက်ထားခိုင်းတာလဲဆိုရင်
အာပဒါသု ဘ၀ိဿတိ
ဘေးရန်တွေ ပေါ်ပေါက်လာရင် သုံးစွဲဘို့တဲ့။
ကျန်းမာရေးစသည်တွေ အတွက် ရှိမှာပေါ့။

ဒီလိုလမ်းညွှန်ချက်တွေဟာ သူ့ခေတ် လွန်ခဲ့တဲ့နှစ်ပေါင်း ၂၅၀၀ ကျော်က
အလွန့်ကို ခေတ်မှီတဲ့ လမ်းညွှန်ချက်တွေပါ။
အခုခေတ် အနောက်နိုင်ငံက လခစားများလဲ
လခထဲက ၄၀% ကို ကျန်းမာရေး အာမခံကြေး၊ ဘာကြေး၊ ညာကြေးဆိုပြီး
အစိုးရတွေက စီမံပေးနေတာဟာ ဒီဗုဒ္ဓစာပေလာ လမ်းညွှန်ချက်နည်းတွေအတိုင်း
အကုန်လုံးမဟုတ်တောင် ထိုက်သင့်သလို
ခေတ်နဲ့လျော်စွာ လိုက်နာကျင့်သုံးနေကြတာပါဘဲ။

ဒီလို ဘုရားရှင်ဟောကြားခဲ့တာတွေအတိုင်း လိုက်နာကျင့်သုံးနေတာကို
တရားတော်ကို ကိုးကွယ်ဆည်းကပ်နေတာလို့ ခေါ်တာပါ။
ဒါ ဓမ္မံ သရဏံ ဂစ္ဆာမိ လုပ်နေတာပါ။

Photo: Google Search

Tuesday, December 21, 2010

မွဲခြင်း တရားခံ


ဗုဒ္ဓဘာသာမှာ ကိုးကွယ်ရာ ရတနာသုံးပါးဆိုတာရှိတယ်။
၁။ ဗုဒ္ဓ - ဘုရား ၂။ ဓမ္မ - တရား ၃။ သံဃ - သံဃာ

နံပါတ် (၁) ဖြစ်တဲ့ ဗုဒ္ဓဘုရားရှင်ကို ဘယ်လို ဘာကြောင့်ကိုးကွယ်
ဆည်းကပ်ရတယ်ဆိုတာ ရှင်းပြပြီးပြီ။

အခု နံပါတ် (၂) ဖြစ်တဲ့ ဓမ္မ တရားတော်ကို ဘယ်လို ဘာကြောင့်
ဆည်းကပ်ရတယ်ဆိုတာရှင်းပြအုံးမယ်။

ဗုဒ္ဓဘာသာဝင်တိုင်း
ဓမ္မံ သရဏံ ဂစ္ဆာမိ - တရားတော်ကို ကိုးကွယ်ဆည်းကပ်ပါ၏ လို့
အမြဲတမ်း ဆိုနေကြတယ်။

တရားတော်ကို ကိုးကွယ်ဆည်းကပ်တယ်ဆိုတော့
ဘယ်လိုကိုးကွယ်ဆည်းကပ်တာတုန်း။
တရားတော်ဂုဏ်တော်ဖြစ်တဲ့ သွာက္ခာတော ဘဂ၀တာ ဓမ္မော စတဲ့
တရားဂုဏ်တော် (၆) ပါးကို
နေ့မအား ညမအား ရွတ်ဖတ်သရဇ္ဈာယ်နေရမှာလား။
ဒီလို မဟုတ်ပါဘူး။

တရားတော်ကို ကိုးကွယ်ဆည်းကပ်တယ်ဆိုတာ
ဘုရားရှင်ဟောကြားထားတဲ့တရားတော်အတိုင် လိုက်နာကျင့်သုံးတာကို ပြောတာပါ။

နိဗ္ဗာန်ချမ်းသာကို ခံစားလိုတဲ့ တွေ့ကြုံလိုတဲ့သူအတွက်
နိဗ္ဗာန်ချမ်းသာကို ခံစား တွေ့ကြုံနိုင်တဲ့ အကျင့်ဖြစ်တဲ့
သတိပဋ္ဌာန်တရားအားထုတ်နေတာဟာ
တရားတော်ကို ကိုးကွယ်ဆည်းကပ်နေတာပါဘဲ။

(မဂ်ဖိုလ်နိဗ္ဗာန်ဆိုတဲ့ တရားတွေကို အသာထား)
နိုင်ငံရေးလုပ်နေသူအဖို့ ဘုရားရှင်ဟောကြားထားတဲ့
နိုင်ငံရေးလမ်းညွှန်ချက်တွေနဲ့အညီ နိုင်ငံရေးလုပ်နေတယ်ဆိုရင်
သူလဲ တရားတော်ကို ကိုးကွယ်ဆည်းကပ်နေတာပါဘဲ။

ဒီလိုနည်းနဲ့ တရားတော်ကို ကိုးကွယ်ရင်
တရားက ပြန်လည်စောင့်ရှောက်မှာ အမှန်ပါဘဲ။

ဘာပြုလို့လဲဆိုတော့
ဘုရားရှင်ဟောကြားခဲ့တဲ့ တရား ဆိုတာ
အရှိတရား၊ ဖြစ်တတ်တဲ့ ဖြစ်လေ့ရှိတဲ့ သဘာဝ သဘောတရားတွေဖြစ်နေလို့ပါဘဲ။

ဒါ့ကြောင့် ဒီလို တရားတော်နဲ့အညီလုပ်နေတဲ့
နိုင်ငံရေးသမားတွေရှိတဲ့ နိုင်ငံဟာ
ဗုဒ္ဓဘာသာနိုင်ငံ ဟုတ်ဟုတ်၊ မဟုတ်ဟုတ်၊
ဗုဒ္ဓဘုရားရှင် ဟောကြားထားတဲ့ တရားတော်တွေနဲ့ ညီနေတယ်ဆိုရင်
အဆင်ပြေကြတာပါဘဲ။ ချမ်းသာသုခရကြတာပါဘဲ။

ဗုဒ္ဓဘာသာနိုင်ငံပါလို့ ကြွေးကြော်နေပေမဲ့
နိုင်ငံရေးသမားတွေ နိုင်ငံရေးလုပ်တဲ့နေရာမှာ
ဗုဒ္ဓဘုရားရှင်ဟောကြားထားတဲ့ တရားတော်တွေနဲ့ မညီဘူးဆိုရင်
ဆင်းရဲမှာပါဘဲ။

သဘာဝအတိုင်းဖြစ်နေတဲ့ သဘာဝတရားက
အသားမဲလို့၊ ဖြူလို့ဆိုပြီး ဘက်လိုက်လေ့ မရှိပါဘူး။

ဒီနေရာမှာ နားလည်ရမှာက
ဘုရားရှင်ဟောကြားထားတဲ့ သဘာဝအတိုင်းဖြစ်နေတဲ့သဘောတရား (ဓမ္မ)ကို
နားလည်ပြီး လိုက်နာကျင့်သုံးနေတယ်ဆိုရင်
လိုက်နာကျင့်သုံးသူအဖို့ အဆင်ပြေနေမှာပါ။
ဒါ့ကြောင့် ဘုရားရှင်ကို သိဘို့ထက် သဘာဝဓမ္မကို သိဘို့လိုပါတယ်။
သဘာဝဓမ္မ သဘောတရားတွေကို မသိနိုင်သူတို့အဖို့သာ
ဘုရားရှင်ထုတ်ဖော်ဟောကြားပေးရတာပါ။

နောက်တစ်နည်ပြောကြည့်ရအောင်။
ဗုဒ္ဓဘာသာဝင်ဖြစ်ဖို့မလို၊ ဗုဒ္ဓဘာသာဝင်ပါလို့ ကြေငြာဘို့မလိုပါဘူး။
သဘာဝ သဘောတရားတွေအတိုင်း
(၀ါ) ဘုရားရှင်ကလဲ သဘာဝသဘောတရားတရားတွေကို ဟောကြားထားတာဖြစ်လို့
ဘုရားရှင်ဟောကြားထားတဲ့အတိုင်းကျင့်ကြံလိုက်နာနေတယ်ဆိုရင်
ကုလားရော၊ ဗမာရော၊ တရုတ်ရော၊ အင်္ဂလိပ်ရော ချမ်းသာမှာပါ။

မကျင့်ကြံ မလိုက်နာရင်တော့
ကုလားရော၊ ဗမာရော၊ တရုတ်ရော၊ အင်္ဂလိပ်ရော မွဲကြမှာပေါ့။

ဘုရားဆိုတာ ဘယ်သူဆိုတာတော့ မသိဘူး။ ဘုရားကိုတော့ မသိဘူး။
ဒါပေမဲ့ လောကသဘာဝ သဘောတရားတွေကို သိပြီး
သိတဲ့အတိုင်း ကျင့်ကြံလိုက်နာနေတဲ့သူကို
သူ့ကိုယ်သူ ဗုဒ္ဓဘာသာဝင်လို့ အမည်မခံပေမဲ့
သူဟာ ဗုဒ္ဓဘာသာဝင် အလိုလိုဖြစ်နေတာဘဲ။

ဘာ့ကြောင့်လဲ။
ဘုရားရှင်ဟောကြားခဲ့တဲ့ အရှိတရား၊ သဘာဝသဘောတရားတွေကို
လိုက်နာကျင့်သုံးနေလို့ဘဲ။

ဘုရားရှင်ကိုတော့ သိပါရဲ့။
သဘာဝသဘောတရားတွေနဲ့ ဆန့်ကျင်ပြီး
ပြုမူနေတဲ့သူကိုတော့ ဗုဒ္ဓဘာသာဝင်လို့ သူ့ကိုယ်သူ အမည်ခံပေမဲ့
သူဟာ ဗုဒ္ဓဘာသာဝင်မဟုတ်ပါဘူး။

ဘာ့ကြောင့်လဲ။
ဘုရားရှင်ဟောကြားခဲ့တဲ့ အရှိတရား၊ သဘာဝသဘောတရားတွေကို
ဆန့်ကျင်နေလို့ဘဲ။

ဒီထက်ရှင်းအောင်ပြောရရင်
လူတစ်ယောက်က ငါးပါးသီလဆိုတာကို မသိဘူး။
ဘယ်သူဟောခဲ့တယ်ဆိုတာလဲ မသိဘူး။

ဒါပေမဲ့ သူ့ပင်ကိုယ်အသိစိတ်က
ဒီငါးမျိုးကျူးလွန်လို့ မကောင်းဘူး။ ဒီငါးမျိုးစောင့်ထိန်းမှလို့ သိပြီး
စောင့်ထိန်းတယ်ဆိုရင် သူဟာ အလိုလို ဗုဒ္ဓဘာသာဝင်ဖြစ်သွားတာပါဘဲ။

အဲ၊ နောက်တစ်ယောက်က ငါးပါးသီလကိုသိတယ်၊
ဘုရားရှင်ဟောခဲ့တယ်ဆိုတာလဲ သိတယ်။
လူရှေ့သူရှေ့ဆိုရင် ငါးပါးသီလပါဠိဆိုလိုက်တာပါဘဲ။ ဆောက်တည်လိုက်တာပါဘဲ။
ဒါပေမဲ့ မစောင့်ထိန်းဘူး။ ကျူးလွန်ဖောက်ဖျက်နေတယ်ဆိုရင်
ဗုဒ္ဓဘာသာဝင်လို့ ခေါ်နိုင်ပါ့မလား။

ဒါ့ကြောင့် ဗုဒ္ဓဘာသာမဟုတ်တဲ့တိုင်းပြီတွေ ဘာလို့ ချမ်းသာနေပြီး
ဗုဒ္ဓဘာသာနိုင်ငံတွေ ဘာလို့မွဲနေကြတာလဲ။
အဖြေက ဒါပါဘဲ။

ခရစ်ယာန်နိုင်ငံသာဖြစ်နေတာ။
နိုင်ငံရေး၊ လူမှုရေး၊ စီးပွါးရေးတွေမှာ သူတို့တတွေကျင့်သုံးနေတာက
၇၅% လောက်က ဘုရားရှင်ဟောထားတဲ့ တရားတော်တွေနဲ့ ညီနေတာ။

ဗုဒ္ဓဘာသာနိုင်ငံသာဖြစ်နေတာ
နိုင်ငံရေး၊ လူမှုရေး၊ စီးပွါးရေးတွေမှာ သူတို့တတွေကျင့်သုံးနေတာက
ဗုဒ္ဓဘာသာကျင့်ဝတ်တစ်စက်မှ မတွေ့ရဘူး။
ဒါ့ကြောင့် မွဲနေတာပါ။

Photo: Google Search

Monday, December 20, 2010

အသဲထဲ စွဲမြဲ


ဗုဒ္ဓဘာသာဝင်တွေက ဘုရားရှင်ရဲ့
ရုပ်ပွါးတော် ရုပ်တုတော် ဆင်းတုတော်တွေကို
ကိုးကွယ်ဆည်းကပ်ကြတယ်။ အရိုအသေပေးကြတယ်။
ရုပ်ပွါးတော်ဆိုတာ ဘုရားရှင်ရဲ့ ရုပ်ပုံတော်ကို ပွါးထားတာဖြစ်တယ်။
ရုပ်တုဆိုတာကလဲ ဘုရားရှင်ရဲ့ ရုပ်ပုံတော်ကို တုထားထာဖြစ်တယ်။
ဆင်းတုတော်ဆိုတာကလဲ ဘုရားရှင်ရဲ့ အဆင်းကို တုထားတာသာဖြစ်တယ်။

ဆိုတော့ ဗုဒ္ဓဘာသာဝင်တွေ ဘာလို့ ဒီရုပ်ပွါးတော်၊ ရုပ်တုတော်၊
ဆင်းတုတော်တွေကို ကိုးကွယ်ဆည်းကပ်နေရတာလဲ။
တကယ်တော့ ဗုဒ္ဓဘာသာဝင်တွေက ရုပ်ပွါးတော်၊ ရုပ်တုတော်၊
ဆင်းတုတော်တွေကို ကိုးကွယ်ဆည်းကပ်တာ မဟုတ်ပါဘူး။

ဘုရားရှင်ရဲ့ ရုပ်ပွါးတော်၊ ရုပ်တုတော်၊ ဆင်းတုတော်တွေကို ကြည့်ပြီး
လွန်ခဲ့တဲ့နှစ်ပေါင်း ၂၅၀၀ ကျော်က ပွင့်ခဲ့တဲ့ ပေါ်ပေါက်ခဲ့တဲ့
ဘုရားရှင်ကို အလွယ်တကူ အာရုံပြုနိုင်အောင်လို့၊
အာရုံပြုနိုင်ပြီး ဘုရားရှင်ရဲ့ ဂုဏ်ကျေးဇူးတွေကို လွယ်လင့်တကူ
သတိရနိုင်ဘို့အတွက် ဘာသာရေးကျောင်းတွေ၊ အိမ်တွေမှာ
ရုပ်ပွါးတော်၊ ရုပ်တုတော်၊ ဆင်းတုတော်တွေထားရှိရခြင်းဖြစ်ပါတယ်။

တကယ်လို့
ဘုရားရှင်ရဲ့ ရုပ်ပွါးတော်၊ ရုပ်တုတော်၊ ဆင်းတုတော်တွေ မထားဘဲ
မိမိရဲ့စိတ်က မိမိရဲ့ နှလုံးသားက
ဘုရားရှင်ကို ဘုရားရှင်ရဲ့ ဂုဏ်ကျေးဇူးတွေကို
အာရုံပြုနိုင်၊ အလွယ်တကူ ပြန်လည်သတိရနိုင်တယ်ဆိုရင်
ရုပ်ပွါးတော်၊ ရုပ်တုတော်၊ ဆင်းတုတော်တွေ ထားစရာ မလိုတော့ပါဘူး။
ဦးဏှောက်ထဲဝယ် နှလုံးသားဝယ် အမြဲတမ်း ဘုရာတည်ပြီးသားဖြစ်နေလို့ပါဘဲ။

တချို့က ဒီလို နားမလည်ဘဲ ဗုဒ္ဓဘာသာဝင်တွေက ရုပ်တုကိုးကွယ်သူတွေ
(Idol Worshippers) တွေလို့ ပြောကြတယ်။

တကယ်တော့ ဒီလိုမဟုတ်ပါဘူး။
ရုပ်တုထား၊ ရုပ်တုကို အလေးပေးတယ်ဆိုတာ
ရုပ်တုချည်းသက်သက်ကို အလေးပေးတာမဟုတ်ပါဘူး။
ဒီရုပ်တုနောက်က ဂုဏ်တော်အထိ စိတ်ရောက်အောင်
အာရုံပြုပြီး အလေးပေးတာပါ။
ဘုရားရှင်က ရုပ်တုမပြောနဲ့
ရုပ်အစစ်ဖြစ်တဲ့ သူ့ရဲ့ ခန္ဓာကို အတ္တဘောကိုတောင်
မကိုးကွယ်စေလိုပါဘူး။ သဘောမကျစေလိုပါဘူး။

ဘုရားရှင်သက်တော်ထင်ရှားရှိစဉ်အခါက
ဝက္ကလိဆိုတဲ့ ဘုန်းကြီးတစ်ပါးရှိတယ်။
ဘုရားရှင်ကို ကြည့်ပြီး အတော်သဘောကျနေတယ်။

ဘုရားရှင်ရဲ့ ရူပကာယ ရုပ်ခန္ဓာကိုယ်ကလဲ
အတော်ကြည့်လို့ ဖူးမျှော်လို့ ကောင်းမှာကိုး။
ဘုရားရှင် ဘယ်သွားသွား ဒီဘုန်းကြီးက
နောက်က တကောက်ကောက်လိုက်ပြီး ကြည့်လေ့ရှိတယ်တဲ့။

တစ်နေ့ ဘုရားရှင်က
ဟဲ့ ၀က္ကလိ၊ ငါ့ခန္ဓာကိုယ်ကြီးကို ဘာလို့ ဒီလောက်တောင် ကြည့်နေရတာလဲဟဲ့။
ငါ့ခန္ဓာကိုယ်ကလဲ အပုတ်ကောင်၊
နင့်ခန္ဓာကိုယ်ကလဲ အပုတ်ကောင်၊
အတူတူပဲဟဲ့။
သွား၊ တရားသာအားထုတ်၊
ဒီငါ့ခန္ဓာကိုယ်ကို ကြည့်နေလို့ကတော့ ဘာမှ ထူးခြားလာမှာ မဟုတ်ဘူး။
တရားအားထုတ်လို့
တရားကို သိမှ ငါဘုရား (ဘာဆိုတာ) သိမယ် လို့ပြောပါတယ်။။

ဒါနဲ့စပ်လို့ ကြားဘူးတာလေး ပြောရအုံးမယ်။
တိပိဋက မဟာဂန္ဓာရုံဆရာတော်နဲ့ တိပိဋက ယောဆရာတော်တို့
ကိစ္စတစ်ခုနဲ့ ထိုင်းနိုင်ငံကို သွားဖြစ်တယ်။
နာမည်ကြီးစာတတ်ဆရာတော်ကြီးတွေဆိုတော့
ဘန်ကောက်မှာ နာမည်ကြီးတဲ့ မြဘုရားကိုလဲ လိုက်ပို့ကြတာပေါ့။
တိပိဋက မဟာဂန္ဓာရုံဆရာတော်ကတော့ ကားပေါ်ကဆင်းပြီး သွားဖူးတယ်တဲ့။

တိပိဋက ယောဆရာတော်က သွားမဖူးဘူးတဲ့။
တိပိဋက ယောဆရာတော်က
သူ့ရဲ့ နှလုံးသားထဲမှာ ဘုရားကို အမြဲတမ်း သတိရနေကြောင်း၊
ဘုရားရှင် အမြဲရှိနေကြောင်း၊
သူဟာ ဘုရားနဲ့အတူနေနေသူဖြစ်နေကြောင်း၊
ဒါ့ကြောင့် ဘာဘုရား ညာဘုရားတွေ မလိုကြောင်း၊
ဘုရားဟာ အတူတူဘဲဖြစ်ကြောင်း စသည် စသည်ပြောပြပြီး
လိုက်ပို့တဲ့ကားပေါ်မှာ ဒီလိုပဲ ထိုင်နေခဲ့တယ်တဲ့။
ဒါဟာ ဗုဒ္ဓဘာသာဝင်တွေ ရုပ်တုကို
ကိုးကွယ်တာ မဟုတ်ဘူးဆိုတာနဲပတ်သက်ပြီး
သာဓကတစ်ခုပါဘဲ။

တကယ်တော့ ဒီရုပ်တုကို အလေးပေးတာဟာ
နိုင်ငံတစ်နိုင်ငံမှာ နိုင်ငံကို ကျေးဇူးပြုခဲ့ဘူးတဲ့ သူတွေကို
ရုပ်တုထုလုပ်ပြီး အလေးပေးတာနဲ့ ခပ်ဆင်ဆင်ပါဘဲ။

ဆိုပါစို့။ ဗိုလ်ချုပ်အောင်ဆန်းရုပ်တု။
မြန်မာပြည်ကို လွတ်လပ်ရေးရအောင် ကိုယ့်အသက်ကို မငဲ့ကွက်ပဲ
ကြိုးပမ်းခဲ့တဲ့ ဗိုလ်ချုပ်အောင်ဆန်းဟာ
မြန်မာပြည်သူ ပြည်သားအားလုံး ကျေးဇူးတင်ထိုက်ပါတယ်။
ကျေးဇူးတင်ရမှာပါ။

ဒါကြောင့်မို့လဲ မြန်မာပြည် မြို့အသီးသီးရဲ့ အထင်ကရနေရာတွေမှာ
 ဗိုလ်ချုပ်ရုပ်တုကို ထားရှိပြီး အလေးပြုနေကြတာပါ။
ဗိုလ်ချုပ်ရုပ်တုဟာလဲ ရုပ်တုပါဘဲ။ ဒါပေမဲ့ ဒီရုပ်တုကို ကြည့်ပြီး
ဗိုလ်ချုပ်ရဲ့ ဂုဏ်ကျေးဇူးတွေကို ပြန်လည်အမှတ်ရကာ
ကျေးဇူးတင်တဲ့အနေနဲ့ အလေးပြုနေကြတာပါ။

ကိုယ့်ရဲ့မိခင် ဖခင်တွေရဲ့ ဓာတ်ပုံတွေ ပုံတူတွေ ဧည့်ခန်းတွေထဲမှာ
ထားရှိချိတ်ဆွဲထားတာလဲ အတူတူပါဘဲ။
ဓာတ်ပုံဟာ တကယ်တော့ သက်မဲ့ဖြစ်တဲ့ လူကဖန်တီးထားတဲ့ စက္ကူပါဘဲ။

ဒါပေမဲ့ ဒီဓာတ်ပုံတွေကို ကြည့်ပြီး မိဘတွေရဲ့
ကိုယ့်အပေါ် (သားသမီးတွေအပေါ်မှာ)
ပြုစုစောင့်ရှောင့်ခဲ့တဲ့ ကောင်းခဲ့တဲ့
ဂုဏ်ကျေးဇူးတွေကို ပြန်လည်အမှတ်ရလာအောင်
အလွယ်တကူ ပြန်လည်ကျေးဇူးပြုချင်စိတ်ရှိလာအောင်
မိဘတွေရဲ့ ဓာတ်ပုံလေးတွေကို ချိတ်ဆွဲထားကြတာပါ။

ဘုရားရှင်ရဲ့ ရုပ်တု၊ ဆင်းတုတွေကို
အိမ်၊ ကျောင်းတွေမှာ ထားပြီး အလေးပေးကြ၊ ကိုးကွယ်ကြတာလဲ ဒီနည်းတူပါဘဲ။

ဒါပေမဲ့ ဗိုလ်ချုပ်တို့လို နိုင်ငံ့ကျေးဇူးရှင်တွေက
နိုင်ငံလွတ်လပ်ရေးရအောင် (လောကီလွတ်လပ်ရေးရအောင်)
ကြိုးပမ်းပေးကြလို့ လောကီကျေးဇူးရှင်တွေပေါ့။

ဘုရားရှင်ကတော့ လောကီချမ်းသာ ဆင်းရဲက လွတ်မြောက်အောင်
ချမ်းသာစစ်ဖြစ်တဲ့ လောကုတ္တရာချမ်းသာ နိဗ္ဗာန်ချမ်းသာကို ရရှိအောင်
ညွှန်ပြပေးလို့ တကယ့် ဧရာမကျေးဇူးရှင်ကြီးပေါ့။

ဒီအတွက် အခြားအခြားဘာသာဝင်တွေလို
သောကြာနေ့မှ၊ တနင်္ဂနွေမှ သူတို့ဘုရားကို အမှတ်ရ ရှိခိုးကြသလိုမျိုးမဟုတ်ဘဲ
မိမိတို့ရဲ့ ဦးဏှောက်ထဲ အသဲထဲ နှစ်လုံးသားထဲမှ
မိမိတို့ယုံကြည်တဲ့ဘုရားရှင် ထာဝရ အမြဲတမ်း စက္ကန့်မလတ်
တည်ရှိအောင် ကြိုးစားရပါမယ်။

Photo: google search

Saturday, December 18, 2010

ရော့၊ အင့်လို့မရ


အသက် (၃၅) နှစ်အရွယ်မှာ ဘုရားအဖြစ်သို့ ရောက်ရှိပြီးနောက်
ဘုရားရှင် (၄၅) နှစ်ကြာ တရားတော်များ ဟောကြားတော်မူခဲ့ပါတယ်။

ငါးပါးသီလ၊ ရှစ်ပါးသီလ၊ သစ္စာလေးပါး၊ မဂ္ဂင်ရှစ်ပါး၊ ပဋိစ္စသမုပ္ပါဒ်၊
သတိပဋ္ဌာန် စသဖြင့် အကြောင်းအရာ မျိုးစုံဘဲ။
နောက်ပိုင်းမှာ ဘုရားဟောတရားတော်တွေဟာ
ပိဋကတ်သုံးပုံအဖြစ်ထင်ရှားလာတယ်။

ဘုရားရှင်ဟောခဲ့တဲ့တရားတော်တွေဟာ ဘာမှ တီထွင်ကြဆပြီး
ဟောခဲ့တာမပါဘူး။ အရှိတရားတွေကို ဟောတာ။
ဘုရားရှင်က အရှိတရားကို ပြန်လည်ထုတ်ဖော်ပြောဆိုပြတာ။

ဆိုကြပါဆိုစို့။
ဘုရားရှင်က ပါဏာတိပါတ၊ သူ့အသက်သတ်ခြင်းမှ ရှောင်ကြဉ်ပါလို့ ပြောတယ်။
သူ့တပါးအသက်သတ်တတ်တဲ့ပုဂ္ဂိုလ်ဟာ အသက်တိုတတ်တယ်၊
အနာရောဂါထူပြောတတ်တယ်။
သူ့တပါးအသက်သတ်ခြင်းမှ ရှောင်ကြဉ်တဲ့ပုဂ္ဂိုလ်သာ
အသက်ရှည်တတ်ပြီး အနာရောဂါကင်းရှင်းတတ်တယ် လို့ ဘုရားရှင်ပြောပါတယ်။

ဒီမှာနားလည်ရမှာက
သူတပါးအသက်သတ်တတ်တဲ့ပုဂ္ဂိုလ်ဟာ ဘုရားရှင်ဟောလို့ အသက်တိုတတ်ပြီး
အနာရောဂါထူပြောတာမဟုတ်ဘူး။
ဘုရားရှင် ဟောဟော မဟောဟော၊ သူတပါးအသက်သတ်တဲ့သူ
ဒီအကျိုးတရားတွေနဲ့ ရင်ဆိုင်ရမှာပဲ။

ကုန်ကုန်ပြောရရင်
ဘုရားရှင် ပွင့်ထွန်းခဲ့သည်ဖြစ်စေ၊ မပွင့်ထွန်းခဲ့သည်ဖြစ်စေ၊
သူတပါးအသက်သတ်ရင် သတ်ခြင်းကြောင့် သဘာဝတရားဖြစ်တဲ့
အသက်တိုခြင်း အနာရောဂါထူပြောခြင်း အကျိုးကတော့ ပေးနေမှာ။
ဒါက သဘာဝ သဘောတရားတွေ၊ ဘုရားရှင်နဲ့ မဆိုင်ဘူး။

ဒီပါဏာတိပါတလို့ခေါ်တဲ့ သူတပါးအသက်သတ်လို့ ရလာမဲ့အကျိုးတရားတွေကလဲ
ဗုဒ္ဓဘာသာအတွက်တင် မဟုတ်ဘူး။
မြန်မာလူမျိုးအတွက်တင် မဟုတ်ဘူး။
ပါဏာတိပါတ (သူတပါးအသက်သတ်ခြင်း) ကို
ကုလားကဘဲ ကျူးလွန် ကျူးလွန်
တရုတ်ကဘဲ ကျူးလွန်ကျူးလွန်၊ အင်္ဂလိပ်ကဘဲ ကျူးလွန် ကျူးလွန်။
ကျူးလွန်တဲ့သူ အကျိုးအပြစ်ရနေမှာဘဲ။

ဒီလိုဘဲ။
ခရစ်ယာန်ဘာသာဝင်ကဘဲ ကျူးလွန်ကျူးလွန်၊
ဟိန္ဒူဘာသာဝင်ကဘဲ ကျူးလွန် ကျူးလွန်၊
အစ္စလာမ်ဘာသာဝင်ကဘဲ ကျူးလွန်ကျူးလွန်
ကျူးလွန်သူ အကျိုးအပြစ်ရနေမှာ။

ဒါ့ကြောင့်
ပါဏာတိပါတ (သူတပါးအသက်သတ်ခြင်းမှ ရှောင်ကြဉ်ခြင်း သီလ) အပါအ၀င်
ငါးပါးသီလဟာ ဗုဒ္ဓဘာသာဝင်တွေနဲ့တင် ဆိုင်တာ မဟုတ်ဘူး။
မြန်မာလူမျိုးတွေနဲ့တင် ဆိုင်တာမဟုတ်ဘူး။
လူသားအားလုံးနဲ့ဆိုင်တာ။
လောကထဲမှာ ရှိနေတဲ့ အရှိတရား၊ သဘာဝနိယာမတရားကြီးဖြစ်နေတာကိုး။

ဒါပေမဲ့ ဒီအရှိတရား၊ သဘာဝနိယာမ တရားကြီးကို
ဘုရားရှင်က မပြောပြရင် ဒို့တတွေ သိမှာ မဟုတ်ဘူး။ သိခွင့်ရမှာ မဟုတ်ဘူး။
သူတပါးအသက်ကို သတ်ရင် ဒီလိုဖြစ်တတ်တယ်လို့
အရှိသဘောတရားကို ဘုရားရှင်ကသာ မပြောပြခဲ့ရင်
ဒို့တတွေ သူတပါးအသက် သတ်ဖို့ ၀န်လေးမှာ မဟုတ်ဘူး။

အခုတော့
သူ့သက်သတ်ဖြတ်၊ သက်တိုတတ်၊ မသတ်အသက်ရှည် လို့
ဘုရားရှင်ပြောပြခဲ့လို့ ဒို့တတွေ နားလည်ပြီး ကျင့်သုံးခွင့် လိုက်နာခွင့်ရတာ။

အခြားတရားတော်တွေဖြစ်တဲ့ သစ္စာလေးပါးတို့၊ မဂ္ဂင်ရှစ်ပါးတို့ကိုလဲ
ဘုရားရှင် ဟောကြားပြောကြားခဲ့လို့ သိရတာ။

ကုသိုလ် အကုသိုလ် ကောင်းတာ မကောင်းတာတွေကို
ဘုရားရှင် ခွဲခြားပြခဲ့တော့ သိလာရပြီး ဆောင်တတ် ရှောင်တတ်လာတာ။

ဒီတော့ ဒီလို ဆောင်တတ် ရှောင်တတ်ကျင့်ကြံတတ်အောင်
ပြောပြဟောပြညွှန်ပြခဲ့တဲ့ ဘုရားရှင်ကို ဒို့တတွေ ဗုဒ္ဓဘာသာဝင်တွေက
ဆရာတစ်ဆူအဖြစ်မှတ်ယူပြီး ကျေးဇူးတင်လွန်းလို့
ကျေးဇူးတင်တဲ့အနေနဲ့ အလေးပေးရတာ။
ကိုးကွယ်ရတာ၊ ဆည်းကပ်ရတာ၊ ပူဇော်ရတာ။

ဘုရားရှင်ကို ဆွမ်း၊ ပန်း၊ ရေချမ်းစသည်ကပ်လှူတာကလဲ
ဘုရားရှင်က တစုံတခု ပေးနိုင်လို့
ဘုရားရှင်ထံမှ တစုံတခု မျှော်လင့်ချက်နဲ့ ကပ်လှူရတာမဟုတ်ဘူး။

ဟိုးလွန်ခဲ့တဲ့နှစ်ပေါင်း ၂၅၀၀ ကျော်က
ဘုရားရှင် ပရိနိဗ္ဗာန်စံ (ကွယ်လွန်) သွားပြီဖြစ်တဲ့အတွက်
ပရိနိဗ္ဗာန်စံသွားပြီဖြစ်တဲ့ ဘုရားရှင်က လာပြီး
‘ရော့၊ အင့်’ လို့
ဘာမှ ပေးနိုင်မှာ မဟုတ်ပါဘူး။

အထက်က ပြောခဲ့သလို ဘုရားရှင်ကို
လောကီအရေး၊ သံသရာအရေး ဆောင်ရန် ရှောင်ရန်တွေကို
လမ်းညွှန်ပေးတဲ့ဆရာအဖြစ်မှတ်ယူပြီး ကျေးဇူးတင်လွန်းလို့
ကျေးဇူးတင်တဲ့အနေနဲ့ ကိုးကွယ်ဆည်းကပ်ကြတာပါ။
ကိုးကွယ်ဆည်းကပ်ရမှာပါ။

Photo: Google Search

Friday, December 17, 2010

ဗုဒ္ဓဘာသာ (၂)


ကမ္ဘာပေါ်မှာရှိနေတဲ့ဘာသာကြီးလေးမျိုးကို အကြမ်းအားဖြင့်
(၁) ကိုယ့်ကိုယ်ကို မှီခိုအားကိုးရသောဘာသာနဲ့
(၂) သူများကို မှီခိုအားကိုးရသောဘာသာလို့
နှစ်မျိုးခွဲနိုင်တယ်။
ဒီနှစ်မျိုးထဲမှာ ဗုဒ္ဓဘာသာက နံပါတ် (၁) အမျိုးအစားပါ။

မိမိသည်သာလျှင် မိမိ၏ ကိုးကွယ်ရာဖြစ်၏၊
မိမိမှတပါး အဘယ်သူသည် (မိမိ၏) ကိုးကွယ်ရာ ဖြစ်နိုင်ပါအံ့နည်း၊
(အတ္တာ ဟိ အတ္တနော နာထော၊ ကောဟိ နာထော ပရော သိယာ)
{One is one’s own refuge, who else could be the refuge?}
 လို့ မိမိကိုယ်ကို အားကိုးဘို့အတွက် ဘုရားရှင်က တိတိပပ ပြတ်ပြတ်သားသား
ပြောကြားခဲ့ပါတယ်။

ယုံကြည် ကိုးကွယ် ဆည်းကပ်တာနဲ့ပတ်သက်ပြီး
ကိုယ်ယုံကြည် ကိုးကွယ်ဆည်းကပ်တဲ့
ဘုရားရှင်အကြောင်းလေး နည်းနည်းတော့ သိထားသင့်တယ်။

မျိုးနွယ်အမည် ဂေါတမ၊ ကိုယ်ပိုင်အမည် သိဒ္ဓတ္ထခေါ်တွင်တဲ့
ဘုရားရှင်ကို ဘီစီ ၆ ရာစုနှစ်အတွင်း
အိန္ဒိယမြောက်ပိုင်း၊ သကျမင်းတို့၏ တိုင်းနိုင်ငံ (ယခုနီပေါပြည်) မှာ
ခမည်းတော် ဘုရင်သုဒ္ဓေါဒန၊ မယ်တော် မာယာတို့က မွေးဖွားခဲ့တယ်။

အဲ့ဒီခေတ် အဲ့ဒီအခါ ဓလေ့ထုံးစံအတိုင်း
သိဒ္ဓတ္ထမင်းသားသည် အသက်ငယ်ရွယ်စဉ် ၁၆ နှစ်သားအရွယ်မှာ
ယသော်ဓယာ ဆိုတဲ့အမျိုးသမီးနဲ့ ထိမ်းမြားလက်ထပ်ခဲ့တယ်။

ရှင်ဘုရင့်သားဆိုတော့ သူ့ငယ်ဘ၀ကို ချမ်းချမ်းသာသာဘဲ ဖြတ်သန်းခဲ့ရတာပေါ့။

ဒါပေမဲ့ ဘ၀၏သဘောအစစ်အမှန်ဖြစ်တဲ့
လူလောကရဲ့ ဒုက္ခဆင်းရဲတွေကို တွေ့မြင်သိရှိသွားပြီး
အဲ့ဒီဝဋ်ဆင်းရဲမှ လွတ်မြောက်ရေးနည်းလမ်းကို
ရှာဖွေဖို့ ဆုံးဖြတ်ချက် ချမှတ်ခဲ့တယ်။

တစ်ဦးတည်းသောသား ရာဟုလာကို မွေးဖွားပြီး မကြာမီ
အသက် ၂၉ နှစ်အရွယ်တွင်
သိဒ္ဓတ္ထသည် ထီးနန်းကို စွန့်ပစ်ခဲ့ကာ တောထွက်တော်မူခဲ့တယ်။

တောထွက်လာတဲ့ (သိဒ္ဓတ္ထ) ဂေါတမဟာ အိန္ဒိယနိုင်ငံ ဂင်္ဂါမြစ်ဝှမ်းတကြော လှည့်လည်ပြီး
နာမည်ကြီး ဘာသာရေးတရားဟောဆရာများနဲ့တွေ့ဆုံကာ
သူတို့ရဲ့ နည်းနာနိဿယများကို လေ့လာခဲ့ပါသေးတယ်။
ကိုယ်တိုင်လဲ ပြင်းပြင်းထန်ထန် ခြိုးခြိုးခြုံခြံ ခြောက်နှစ်တိုင်တိုင် ကျင့်ခဲ့ပါတယ်။

ခြောက်နှစ်ကြာ ကျင့်တဲ့ သမရိုးကျလမ်းစဉ်က အဆင်မပြေလို့
ကိုယ်ပိုင်နည်းလမ်း တစ်မျိုး ပြောင်းကျင့်ကြည့်ပါတယ်။

ဒီလိုနဲ့ ညနေချမ်းတချိန်ဝယ် နေရဉ္ဇရာမြစ်ကမ်းပါး ဗုဒ္ဓဂယာ
(ယခုဘီဟာနယ် - ဂယာမြို့အနီး) သစ်ပင်တစ်ပင်အောက်မှာ တရားထိုင်ဖြစ်ပါတယ်။
သက်တော် (၃၅) နှစ်မှာ ဂေါတမရှင်တော်မြတ်
သဗ္ဗညုတဥာဏ်ရပြီး ဘုရားအဖြစ်သို့ ရောက်ပါတယ်။ ဘုရားဖြစ်ပါတယ်။

ဘုရားဖြစ်ပြီးနောက်
ဗာရာဏသီအနီး ဣသိပတန (ယခု ဆာရ်နသ်) ရှိ
ဥယျာဉ်တစ်ခုမှာ တရားအတူကျင့်ဖက်ဖြစ်ခဲ့ဘူးတဲ့
ပဉ္စ၀ဂ္ဂီငါးဦိကို တရားဦး ဟောပါတယ်။

သက်တော် (၃၅) နှစ်မှာ ဘုရားဖြစ်ပြီး (၄၅) နှစ်ကြာ တရားဟောကာ
 သက်တော် (၈၀) မှာ
ကုသိနာရုံပြည်၊ အင်ကြင်းဥယျာဉ်မှာ ပရိနိဗ္ဗာန်ပြုတော်မူတယ်။
ဒါဘုရားရှင်ရဲ့ ဘ၀ အကျဉ်းလေးပါ။

လွန်ခဲ့တဲ့ နှစ်ပေါင်း ၂၅၀၀ ကျော်က ပေါ်ပေါက်ခဲ့တဲ့ ဒီ ဗုဒ္ဓဘုရားရှင်တော်ကို
ဒို့ဗုဒ္ဓဘာသာဝင်တွေ ဘယ်လို စိတ်ကူးတွေနဲ့ ယုံကြည်ကြတာလဲ။
ဘယ်လို စိတ်ကူးတွေနဲ့ ကိုးကွယ်ကြတာလဲ။
ဘယ်လိုစိတ်ကူးတွေနဲ့ ရှိခိုးကြာတာလဲ။

ဒါနဲ့စပ်လို့ တွေ့ဘူးတဲ့ တရုတ်ဒကာကြီးတစ်ယောက်ကို သတိရမိတယ်။
စာရေးသူ အခုနေနေတဲ့ ကျောင်းကို တရုတ်ဗုဒ္ဓဘာသာဝင်တစ်ယောက်
သူအလုပ်မသွားခင် မနက်တိုင်း လာလေ့ရှိတယ်။
ဘုရားကို ဆီမီးပူဇော်တယ်၊ အမွှေးတိုင် ထွန်းတယ်၊ ဘုရားရှိခိုးတယ်။
ဒါသူနေ့စဉ်လုပ်နေတဲ့ အလုပ်။

တစ်နေ့ စာရေးသူထံလာ သူလာတယ်။ လျှောက်တယ်။
သူတဲ့၊
နေ့စဉ် ဘုရားကို ဆီမီးပူဇော်ပါတယ်တဲ့၊
အမွှေးတိုင် ထွန်းပါတယ်တဲ့၊ ဘုရားရှိခိုးပါတယ်တဲ့။

သူ့ရဲ့ အသက်မွေးဝမ်းကြောင်းအလုပ်က အလေးအပင်တွေ မ-ရတာတဲ့၊
 ပြီးခဲ့တဲ့လက အခန့်မသင့်ဖြစ်ပြီး ခါးနာနေတာတဲ့။
ဒါပေမဲ့ ဘုရားထံမှာ သူနေ့စဉ်လုပ်တဲ့ လုပ်ငန်းတွေ မပျက်ကွက်ခဲ့ပါဘူးတဲ့။

သူက နေ့စဉ်ပူဇော်ပသနေပေမဲ့ သူက ဘုရားကို ဂရုစိုက်ပေမဲ့
သူ့ကို ဘုရားက ဂရုမစိုက်ဘူးတဲ့။

စာရေးသူက
‘ဟ၊ ဘုရားက ဒကာ့ကို ဂရုမစိုက်ရအောင် ဘာတွေများဖြစ်နေလို့တုန်း၊ ရှင်းစမ်းပါအုံးဒကာရဲ့’
ဆိုတော့
တပည့်တော်ခါးနာနေတာ အခုထိမပျောက်သေးဘူး တဲ့။

အော်၊ ဒကာ့နှယ်၊
ဒကာခါးနာနေတာကို ဘုရားက ပလ္လင်ပေါ်က ဆင်းလာပြီး နှိပ်ပေးရအုံးမှာလားဟဲ့
လို့ ပြောဆိုပြီး ဗုဒ္ဓဘာသာအကြောင်းရှင်းပြကာ
ကထိန်ပဒေသာပင်ကရထားတဲ့ ရှမ်းဆရာကြီးဦးစိုင်း လိမ်းဆေးလူးခိုင်းလိုက်တာ
ခါးနာ တဖြေးဖြေးသက်သာပြီး ပျောက်သွားတယ်လို့ သိရတယ်။

ဒီတရုတ်ဒကာကြီးလို ခါးနာပျောက်ချင်လို့
ဘုရားရှင်ကို ရှိခိုးကိုးကွယ်ကြတဲ့ ဗုဒ္ဓဘာသာဝင်တွေ အများကြီးနေမှာ။

Photo: Google Search

Thursday, December 16, 2010

ဗုဒ္ဓဘာသာ (၁)


ကမ္ဘာပေါ်မှာ ကိုးကွယ်ရာဘာသာပေါင်းမြောက်များစွာရှိပေမဲ့
ကြီးကျယ်တဲ့ဘာသာကြီး လူသိများတဲ့ဘာသာကြီးအနေအားဖြင့်
လေးမျိုးသာရှိကြောင်း တညီတညွတ်တည်း လက်ခံထားကြပါတယ်။

ဒီဘာသာကြီးလေးမျိုးမှာလဲ
ဘာသာကိုတည်ထောင်သူနဲ့ ဘာသာရေးအဆုံးအမ (တရား) ကို
(၁) စူးစမ်းဝေဘန်သုံးသပ်ပြီးမှ လက်ခံယုံကြည်ရသောဘာသာနဲ့
(၂) စူးစမ်းဝေဘန်ပိုင်ခွင့်မရှိဘဲ လက်ခံယုံကြည်ရသောဘာသာလို့
နှစ်မျိုးရှိပါတယ်။
ဗုဒ္ဓဘာသာက နံပါတ် (၁) အမျိုးအစားပါ။

ဒီဘာသာကြီးတွေကို နောက်တစ်မျိုးပြောကြည့်ရအောင်။

ဒီဘာသာကြီးလေးမျိုးမှာ
(၁) ကိုယ့်ကိုယ်ကို မှီခိုအားကိုးရသောဘာသာနဲ့
(၂) သူများကို မှီခိုအားကိုးရသောဘာသာလို့
နှစ်မျိုးရှိပါတယ်။
ဗုဒ္ဓဘာသာက နံပါတ် (၁) အမျိုးအစားပါ။

ဗုဒ္ဓဘာသာမှာ
ဗုဒ္ဓဘာသာကို တည်ထောင်တဲ့ ဘုရားရှင်ကိုရော၊
ဘုရားရှင်ဟောကြားတော်မူခဲ့တဲ့ တရားတော်တွေကိုရော
စူးစမ်းလေ့လာခွင့် (Right to study, Right to survey)နဲ့
သံသယရှိခွင့် (Right to Doubt) အပြည့်ရှိပါတယ်။

ဗုဒ္ဓစာပေတရားတော်ရဲ့ထူးခြားချက်တွေထဲမှာ
ဧဟိပဿိက (လာကြည့်ပါ) ဆိုတဲ့စကားလုံးပါပါတယ်။
ဗုဒ္ဓဘာသာအရေးနဲ့ ပတ်သက်လို့ လာကြည့်နိုင်ပါတယ်၊
လေ့လာနိုင်ပါတယ်လို့ ဖိတ်ခေါ်တဲ့သဘောပါ။

လာပါ၊ ယုံကြည်လက်ခံပါ လို့ ဗုဒ္ဓဘာသာစာပေက မဆိုပါဘူး။
ဘာမသိ ညာမသိတဲ့ အကန်းယုံ ယုံကြည်မှုမျိုးကို ဗုဒ္ဓဘာသာက လက်မခံပါဘူး။
အကြောင်းအကျိုးမရှိတဲ့ အရမ်းယုံ ယုံကြည်မှုမျိုးကို ဗုဒ္ဓဘာသာက လက်မခံပါဘူး။

ဒါ့ကြောင့် ဗုဒ္ဓဘာသာဝင် ဆိုသူတွေရော၊ ဗုဒ္ဓဘာသာဝင် မဟုတ်သူတွေပါ
ဗုဒ္ဓဘာသာကို စူးစမ်းပါ၊ လေ့လာပါ၊ ကျင့်ပါ၊ ကြံပါ၊
သဘောကျမှ လက်ခံပါ။

ဒါနဲ့ပတ်သက်လို့ ညွှန်းနေကျသုတ်တစ်သုတ်ဖြစ်တဲ့
ဘုရားရှင် ဟောတော်မူခဲ့တဲ့ ကေသမုတ္တသုတ်ကို ဖတ်ခိုင်းပါရစေ။

ကေသမုတ္တိသုတ်ဆိုတာက ဗုဒ္ဓဘာသာနဲ့ ဗုဒ္ဓဘာသာဝင်တွေကို
အရောင်တောက်စေတဲ့ သုတ်တစ်သုတ်ဖြစ်ပါတယ်။

ဘာသာရေးဆိုင်ရာ သမိုင်းတစ်လျှောက်တွင် ထူးထူးရှားရှား ပြိုင်ဘက်ကင်းသည့်
မြတ်စွာဘုရား၏ သြ၀ါဒစကား ဖြစ်ခဲ့ပါတယ်။

အခြားအခြားသော ဘာသာတို့နှင့် နှိုင်းယှဉ်လေ့လာရာတွင်
ဒီကေသမုတ္တိသုတ်ကြောင့်
ဗုဒ္ဓဘာသာအတွက်
ဗုဒ္ဓဘာသာဝင်တို့ ခေါင်းမော့နိုင်ခဲ့ပါတယ်။

ကေသမုတ္တိသုတ်လာ မြတ်စွာဘုရားရဲ့
ကိုးကွယ်ယုံကြည်မှုအပေါ်
သဘောထားအမြင်များဟာ
ဘာသာရေးသုတေသီတို့ လက်ဖျားခါရလောက်အောင် ကောင်းခဲ့ပါတယ်။

Freedom of Religion လို့ ခုခေတ်အော်အော်နေ့တဲ့
ဘာသာရေးယုံကြည်ချက် လွတ်လပ်မှုကို
လွန်ခဲ့သော ဟိုး နှစ်ပေါင်း ၂၅၀၀ ကျော်ကတည်းက
မြတ်စွာဘုရားက အပြည့်အ၀ ပေးထားခဲ့ပြီးပြီ။

ပိဋက စာလုံးနဲ့စပ်တဲ့ မာ ပိဋကသမ္ပဒါနေန
(ဘာသာရေးကျမ်းကြီးများကို ကိုးကားပြော၍လည်း မှန်လှပြီ မထင်လေနှင့်။)
လို့ ပါတဲ့ ကေသမုတ္တိသုတ်ကို
မြန်မာလိုရော အင်္ဂလိပ်လိုပါ အကျဉ်းဖော်ပြပေးလိုက်သည်။

ကေသမုတ္တိသုတ်
အခါတစ်ပါး၌ ကောသလပြည် ကေသပုတ္တိမြို့ငယ် တစ်ခုသို့ ရောက်ရှိလာခဲ့သည်။
ဤမြို့နေလူအပေါင်းကို ကာလာမအမျိုးအနွယ်များဟု ခေါ်တွင်ကြလေသည်။
၎င်းတို့မြို့သို့ ဗုဒ္ဓရောက်ရှိလာကြောင်း ကြားသောအခါ
ကာလာမအမျိုးသားတို့သည်
ဗုဒ္ဓထံသို့ ဆည်းကပ်၍ ဤသို့လျှောက်ထားကြကုန်၏။

အရှင်ဘုရား၊ ကေသမုတ္တိသို့ ရဟန်းပုဏ္ဏားအချို့တို့ ရောက်ရှိလာကြပါသည်။
သူတို့သည် သူတို့၏ အယူဝါဒများကိုသာ ရှင်းလင်းပြကြ၍ ထင်ရှားစေကုန်ကြပါသည်။
သူတပါး၏ အယူဝါဒများကို မထီလေးစား ပြုကြပါသည်။
ရှုတ်ချကြပါသည်။ ပစ်ပယ်ကြပါသည်။

ထို့နောက် အခြားက ရသေ့ပုဏ္ဏားတို့ ရောက်လာကြပြန်ပါသည်။
သူတို့ကလည်း သူတို့၏အယူဝါဒများကိုသာ ရှင်းလင်းပြကြ၍ ထင်ရှားစေကုန်ကြပါသည်။
အခြားသူများ၏ အယူဝါဒများကို မထီလေးစားပြုကြပါသည်။
ရှုတ်ချကြပါသည်။ ပစ်ပယ်ကြပါသည်။

ဘုရားတပည့်တော်တို့မှာ ကြည်ညိုလေးမြတ်ဖွယ်သော ဤရသေ့ပုဏ္ဏားများတွင်
မည်သူက အမှန်စကားပြော၍
မည်သူက မမှန်တရားဟောသွားကြသည်ကို
မဝေခွဲနိုင်အောင် အစဉ်စိတ်ရှုတ်ပွေကာ
သံသယဖြင့် တွေဝေလျက် ရှိကြရပါသည်ဘုရား။

ဟုတ်ပေသည် ကာလာမအမျိုးသားတို့၊
ယုံမှားဖွယ်ရာကိစ္စတွင် သံသယဖြစ်ပေါ်လာသောကြောင့်
သင်တို့သည် ယုံမှားသံသယရှိသင့်ကြပေသည်။
စိတ်ရှုတ်ပွေခြင်း ဖြစ်သင့်ကြပေသသည်။
ယခု ရှုကြပေလော့ ကာလာမအမျိုးသားတို့။
သတင်းစကားကို ကြားရုံမျှဖြင့် နားမယောင်နှင့်။
အစဉ်အလာဖြစ်ပေသည်ဟူ၍လည်း လက်မခံနှင့်။
လူပြော သူပြော တစ်ဆင့်စကားကိုလည်း မယုံလေနှင့်။
ဘာသာရေးကျမ်းကြီးများကို ကိုးကားပြော၍လည်း မှန်လှပြီ မထင်လေနှင့်။
တက္ကနည်းနှင့် ဆင်ခြင်ကြံဆ ယူရုံမျှကိုလည်း နားမယောင်လေနှင့်။
ပုံပန်းအမြင် သဏ္ဌာန်ကြည့်၍လည်း မဆုံးဖြတ်နှင့်။
ရော်ရမ်းမှန်းဆ ယူရသောသဘော ထင်မြင်ချက်ကိုလည်း အမှန်ဟု မမှတ်ယူနှင့်။
ဖြစ်နိုင်ကောင်း၏ဟု ထင်မြင်ရရုံဖြင့်လည်း မယုံကြည်ပါလေနှင့်။
အသင်တို့ ကိုးကွယ်ဆည်းကပ်ရာ ဆရာသမားဖြစ်ပေသည်ဟူသော သဘောကြောင့်လည်း
မှန်လှပြီဟု တထစ်ချ မမှတ်ကြကုန်ရာ။

အို ကာလာမနွယ်ဖွား အမျိုးသားတို့။
အချို့သောအကြောင်းတရားသည်
အကုသိုလ်ဖြစ်သည်၊
မမှန်ကန်၊
မကောင်းကျိုးကို ဖြစ်စေသည်ဟု
သင်တို့ ကိုယ်တိုင်ကိုယ်ကျ သိရှိ၏။
ထိုအကြောင်းတရားများကို စွန့်ပယ်ကြကုန်လော့။

အချို့အကြောင်းတရားများမှာမူ
ကုသိုလ်ဖြစ်သည်၊
မှန်ကန်သည်၊
ကောင်းကျိုးကို ဖြစ်စေသည်ဟု
အသင်တို့ကိုယ်တိုင် ကိုယ်ကျသိ၏။
ထိုအကြောင်းတရားများကို နှစ်သက်စွာလက်ခံ၍
လိုက်နာ ကျင့်ကြံကြပေတော့။

Kesamutti Sutta
Do not believe what you hear just
because you have heard it for a long time.

Do not follow tradition blindly merely
because it has been practiced in that way for many generations.

Do not be quick to listen to rumours.

Do not confirm anything just
Because it agrees with your scriptures.

Do not foolishly make assumptions.

Do not abruptly draw conclusions
by what you see and hear.

Do not be fooled by outward appearances.

Do not hold on tightly to any view or idea just
because you are comfortable with it.

Do not accept as fact anything that
you yourself find to be logical.

Do not be convinced of anything out of respect and deference
to your spiritual teachers.

You should go beyond opinion and belief.
You can rightly reject anything which when accepted, practiced and perfected leads to more aversion, more craving and more delusion. They are not beneficial and are to be avoided.

Conversely, you can rightly accept anything which when accepted and practiced leads to unconditional love, contentment and wisdom. These things allow you time and space to develop a happy and peaceful mind.

This should be your criteria on what is and what is not the truth; on what should be and what should not be the spiritual practice.

ရည်ညွှန်း။
အံ ၁၊ ၁၈၉
ဦးဟုတ်စိန် ပါဠိ မြန်မာအဘိဓာန်
ဦးကိုလေး၊ မြတ်ဗုဒ္ဓဒေသနာ
photo: googlesearch

Wednesday, December 15, 2010

Marriage



Marriage is a social convention, an institution created by man for the well-being and happiness of man, to differentate human society from animal life and to maintain order and harmony in the process of procreation. Even though the Buddhist texts are silent on the subject of monogamy or polygamy, the Buddhist laity is advised to limit themselves to one wife.

The Buddha did not lay rules on married life but gave necessary advice on how to live a happy married life. There are ample inferences in Hissermons that it is wise and advisable to be faithful to one wife and not to be sensual and to run after other women. The Buddha realised that one of the main causes of man’s downfall is his involvement with other women (Parabhava Sutta).

Man must realise the difficulties, the trials and tribulations that he has to undergo just to maintain a wife and a family. These would be magnified many times when faced with calamities. Knowing the farilties of human nature, the Buddha did, in one of His precepts, advise His followers to refrain from committing adultery or sexual misconduct.

The Buddhist views on marriage are very liberal: in Buddhism, marriage is regarded entirely as a personal and individual concern, and not as a religious duty. There are no religious laws in Buddhism compelling a person to be married, to remain as a bachelor or to lead a life of total chastity.

It is not laid down anywhere that Buddhists must produce children or regulate the number of children that they produce. Buddhism allows each individual the freedom to decide for himself all the issues pertaining to marriage.


It might be asked why Buddhist monks do not marry, since there are no laws for or against marriage. The reason is obviously that to be of service to mankind, the monks have chosen a way of life which includes celibacy.

Those who renounce the worldly life keep away from married life voluntarily to avoid various worldly commitments in order to maintain peace of mind and to dedicate their lives solely to serve others in the attainment of spiritual emancipation.


Although Buddhist monks do not solemnize a marriage ceremony, they do perform religious services in order to bless the couples.

What Buddhists Believe by K Sri Dhammananda
Photo: Google Search 

Tuesday, December 14, 2010

သူသိ ကိုယ်သိ


ဇနီးခင်ပွန်း အဆင်ပြေဘို့
နံပါတ် (၁) သမသီလ ဖြစ်ဖို့ လို့ပြောပါတယ်။
နံပါတ် (၂) သမသဒ္ဓါ ဖြစ်ဖို့လို့ပြောပါတယ်။
နံပါတ် (၃) က သမစာဂ ဖြစ်ဖို့လိုပါတယ်။
(အရင်ပို့စ်တွေမှုာ ရှင်းပြပြီး)
နံပါတ် (၄) က သမာပညာဖြစ်ဖို့လိုပါတယ်။

သမပညာမှာ
ပညာကို အသေးစိတ်သိခြင်းလို့ ဘာသာပြန်ဆိုလို့ရမယ်။
အင်္ဂလိပ်လိုတော့ Knowing in detail လို့ပြောရမယ်။
(ပ - အသေးစိတ်၊ ညာ - သိခြင်း)
သမ ကတော့ တူညီတာ။

ဒါ့ကြောင့် သမပညာ - အသေးစိတ်သိမှု တူညီတာ။
အသေးအဖွဲကိစ္စလေးတွေကအစ သိတဲ့နေရာမှာ တူညီနေရမယ်။

ဆိုလိုတာက လင်သွားတဲ့နေရာ လင်စားတဲ့အစားအစာ
လင်လုပ်တဲ့စီးပွါးရေးစတာတွေကို မယားသိပိုင်ခွင့်ရှိရပါမယ်။
သိနေရပါမယ်။
ဒီလိုဘဲ။ မယားသွားတဲ့နေရာ၊ မယားစားတဲ့အစားအစာ၊
မယားလုပ်တဲ့စီးပွါးရေးစတာတွေကို လင်လုပ်တဲ့သူက
သိကို သိနေရပါမယ်။

လင်နဲ့မယားကြားမှာ လျှို့ဝှက်ချက်ဆိုတာ မထားရဘူး။
လင်နဲ့မယားကြား လျှို့ဝှက်ချက်ထားလို့ ပေါက်ကြားလာတဲ့တစ်နေ့
ပြဿနာ စတက်တော့တာပါဘဲ။

လျှို့ဝှက်ချက်ထားတဲ့သူအပေါ်မှာ ယုံကြည်ဘို့မလွယ်တော့ပါဘူး။
နောက်ဘယ်လောက်ကြီးဘဲ ကောင်းတာကို မှန်မှန်ကန်ကန်လုပ်လုပ်
တစ်ခါ မရိုးသားခဲ့တဲ့အတွက် ယုံကြည်မှုရဘို့ရန် ခဲရင်းပါတယ်။
လင်မယားကြား ဒီလို ယုံကြည်မှုမရှိတော့ဘူးဆိုရင်
ဒီလင် ဒီမယား ဘယ်လိုလုပ် ပျော်ရွင်မှု ချမ်းမြေ့မှု သာယာမှု
အပြည့်အ၀ ရနိုင်တော့မလဲ။

ဒါ့ကြောင့်
လင်မယားဖြစ်ပြီဆိုရင် ပျော်ပျော်ရွှင်ရွှင်ချမ်းချမ်းမြေ့မြေ့နဲ့သက်ဆုံးတိုင်
အိုအောင်မင်းအောင်ပေါင်းဆုံဘို့
နှစ်ကိုယ်ကြားလျှို့ဝှက်ချက်လုံးဝမထားဘဲ
သမပညာ - အစစအရာရာမှ တူညီတဲ့အသိ၊ တူညီတဲ့သိခြင်း ရှိနေရပါမယ်။

သမပညာကို နောက်တစ်မျိုး စဉ်းစားကြည့်ရအောင်။

ပညာကို ရိုးရိုးလေး ပညာလို့ဘာသာပြန်ပြီး
သမ ကို တူညီတာလို့ဘာသာပြန်ကြည့်ရအောင်။
အိမ်ထောင်ပြုလိုတဲ့သူတွေ သမပညာလို့ခေါ်တဲ့ ပညာတူညီဘို့လဲ လိုအပ်ပါတယ်။
ပညာဆိုတဲ့နေရာမှာ တက္ကသိုလ်က ပေးလိုက်တဲ့အတတ်ပညာကို ဆိုလိုတာမဟုတ်ပါဘူး။
ကိုယ့်ကိုယ်ပိုင်အသိပညာကို ဆိုလိုတာပါ။

တခါတလေဖြစ်တတ်ပါတယ်။
 အစပထမတော့ အချစ်မှာ မျက်စိမရှိဆိုတဲ့ ဆိုရိုးကို လက်ကိုင်ပြုပြီး
မိုးမမြင်လေမမြင်နဲ့ ချစ်လို့ ယူလိုက်ကြတာ။
အိမ်ထောင်ကျပြီးကာမှ ဇနီး (သို့) ခင်ပွန်းလုပ်တဲ့သူက
ပွဲနေပွဲထိုင် မ၀တ်တတ်တဲ့၊ မစားတတ်တဲ့၊ မသွားတတ်တဲ့၊ မပြောတတ်တဲ့
လူကြားသူကြား မနေတတ်တဲ့ ကိုယ့်အိမ်ထောင်သည်တွေ တွေ့ဘူးမှာပေါ့။
လင်မယားကြား Educational Gap နဲ့ Intellectual Gap ကွာဟလွန်းအားကြီးရင်လဲ
အပြည့်အ၀ ပျော်ရွှင်မှု မရနိုင်ပါဘူး။

လောကုတ္တရာရေးရာမှာလဲ ပညာနဲ့ပတ်သက်ပြီးတူညီရပါမယ်။
ဒါနရေးရာ ဒါနအသိပညာ၊ သီလရေးရာ သီလအသိပညာ၊
ဘာဝနာရေးရာ ဘာဝနာအသိပညာတွေမှာ တူညီရပါမယ်။
ဒါမှသာ ဒီလင်ဒီမယား ဒီဘ၀မှာ ပေါင်းဆုံရရုံတင်မကဘဲ
ဖြစ်လေရာဘုံဘ၀မှာ (ဘုရားအလောင်းတော်တို့လို)
အတူတကွ ပေါင်းဆုံရပြီး ပါရမီဖြည့်ဘက်တွေ ဖြစ်နေမှာပါ။

ကဲ၊ ဒါတွေရေးပြနေရတာကတော့
ဒကာလေး ကိုပြည့်စုံအောင်မေးခဲ့တဲ့မေးခွန်းတွေထဲမှာ
သီလနဲ့ပတ်သက်တာလေးတွေ ပါလာလို့ သိသင့်တယ်ထင်လို့
ဆက်စပ်တွေးတောပြီး ရေးပြလိုက်တာပါ။

အိမ်ထောင်ကျခြင်းဆိုတဲ့ပို့စ်နဲ့ပတ်သက်ပြီး
သူမေးထားတဲ့မေးခွန်းတွေ အများကြီးပါ။
အဲဒီမေးခွန်းတွေရဲ့အဖြေတွေ
အခုရေးပေးလိုက်တဲ့ ပို့စ်တွေထဲမှာ
တစ်နေရာမဟုတ်တစ်နေရာမှာ ပါပြီးသားဖြစ်ကုန်ပါပြီ။

ရေးထားတဲ့ပို့စ်ကို သေချာမဖတ်လို့၊ သေချာဖတ်ပေမဲ့ သူနားမလည်လို့၊
ဒါမှမဟုတ် ကိုယ်ရေးတာ ညံ့ဖျင်းတဲ့အတွက် သူနားမလည်လို့လားတော့ မသိဘူး။
မလိုအပ်တဲ့မေးခွန်းတွေ မြောက်များစွာတွေ့ပါတယ်။

ဘယ်လိုပဲဖြစ်ဖြစ် နောက်ဆုံးသူမေးတဲ့မေးခွန်းလေးကို ဖြေလိုက်ပါအုံးမယ်။

သူမေးတာက
ဘုန်းဘုန်း၊ နောက်ဆုံးအနေနဲ့ တပည့်တော် မရှင်းတာက ကုသိုလ်၊ အကုသိုလ် ဆိုတာ စကားလုံး ပညတ်ဆိုတော့ မြတ်စွာဘုရားရှင်က တပည့်တော်တို့ သန္တာန်မှာ ဘယ်လိုခံစားချက် သဘောတရားကို ကုသိုလ်၊ အကုသိုလ်ဆိုပြီး သတ်မှတ်ခဲ့တာလဲ ဘုရား။

ဒကာလေးကိုပြည့်စုံအောင်ရေ၊
ကုသိုလ်ဆိုတာ
စာအုပ်ကြီးသံနဲ့ပြောရရင်
ကုသလာ အန၀ဇ္ဇ သုခ၀ိပါကလက္ခဏာ
အပြစ်မရှိခြင်း၊ ကောင်းသောအကျိုးကို ပေးခြင်းသဘောသည် ကုသိုလ် တဲ့။

ဒီနေရာမှာ အပြစ်မရှိခြင်းဆိုတာ
ကိုယ်လုပ်တဲ့ အလုပ်၊ ကိုယ်ပြောတဲ့စကား၊ ကိုယ်တွေးတဲ့အကြံတွေဟာ
မိမိအတွက်ရော သူတပါးအတွက်ပါ အကျိုးမယုတ်တဲ့အရာကို ပြောတာပါ။

ဒါ့ကြောင့် ကုသိုလ်ဆိုတာ မိမိသူတပါး အပြစ်မရှိတဲ့လုပ်ငန်း၊
တနည်းအားဖြင့် မိမိသူတပါး အကျိုးမယုတ်တဲ့လုပ်ငန်းပေါ့။

တကယ်တော့ ကုသိုလ်ဆိုတာ
အပြစ်မရှိတဲ့လုပ်ငန်းတင် မဟုတ်ပါဘူး၊ အကျိုးမယုတ်တဲ့လုပ်ငန်းတင် မဟုတ်ပါဘူး။

ခေတ်စကားနဲ့ပြောရရင်
ထုတ်လုပ်လိုက်တဲ့လုပ်ငန်း(Product) တင် ကောင်းရုံတင် မလုံလောက်ပါဘူး။
 (Profit or Result) ရလာဘ်ကလဲ ကောင်းရပါမယ်။

ဒါမျိုးကို ကုသိုလ်လို့ခေါ်ပါကြောင်းနဲ့ အကုသိုလ်ကို အပြန်အားဖြင့် သိစေလိုကြောင်း
ပြောကြားလိုပါတယ်။

အားလုံးအတွက် သာဓုပါ။

Monday, December 13, 2010

သူ့ဘက် ကိုယ့်ဘက်


ဘုရားရှင် သက်တော်ထင်ရှားရှိစဉ်က
ဇနီးမောင်နှံနှစ်ဦးက ဘုရားရှင်ကို လျှောက်တယ်။
ဒီဘ၀မှာလဲ ပျော်ပျော်ရွှင်ရွှင် ချမ်းချမ်းမြေ့မြေ့နဲ့
သက်ဆုံးတိုင် အိုအောင်မင်းအောင် ပေါင်းလိုလှတယ်။
နောင်ဘ၀မှာလဲ ပြန်လည်ဆုံဆည်းလိုလှတယ်။
ဒီအတွက်ကျင့်ဆောင်ရမဲ့နည်းလမ်းလေးရှိရင် ညွှန်ပြစမ်းပါတဲ့။

ဒီတော့ ဘုရားရှင်က
ဒီအတွက် လိုက်နာရမဲ့အချက်က
နံပါတ် (၁) သမသီလ ဖြစ်ဖို့ လို့ပြောပါတယ်။
နံပါတ် (၂) သမသဒ္ဓါ ဖြစ်ဖို့လို့ပြောပါတယ်။
(အရင်ပို့စ်တွေမှုာ ရှင်းပြပြီး)

နံပါတ် (၃) က သမစာဂ ဖြစ်ဖို့လိုပါတယ်။
သမစာဂဆိုတာ
စာဂ - ထောက်ပံ့မှု၊ ပေးကမ်းမှု၊ လှူဒါန်းမှု၊ သမ - တူညီတာ။

ဆိုတော့ သမစာဂဆိုတာ
ထောက်ပံ့မှုတူညီ၊ ပေးကမ်းမှုတူညီတာ၊ လှူဒါန်းမှုတူညီတာကို ပြောတာ။

လင်မယားဖြစ်ပြီဆိုရင် ပျော်ပျော်ရွှင်ရွှင်ချမ်းချမ်းမြေ့မြေ့နဲ့သက်ဆုံးတိုင်
အိုအောင်မင်းအောင်ပေါင်းဆုံဘို့ နောက်အရေးကြီးတဲ့အချက်တစ်ချက်က
သမစာဂ - တူညီတဲ့ထောက်ပံမှုရှိရပါမယ်။ ထောက်ပံ့မှု တူညီရပါမယ်။

အိမ်ထောင်ကျလို့ လင်ရယ် မယားရယ်လို့ဖြစ်လာပြီဆိုရင်
အရင်မိဘနှစ်ဦးသာ ရှိရာက
သူ့ဘက်က မိဘနှစ်ဦး၊ ကိုယ့်ဘက်က မိဘနှစ်ဦးဆိုပြီး
မိဘက လေးဦးဖြစ်လာပါတယ်။

မိဘလေးဦးဖြစ်လာသလို သူ့ဘက် ကိုယ့်ဘက် ညီအစ်ကို မောင်နှမ၊
သူ့ဘက် ကိုယ့်ဘက် ဆွေမျိုး၊ သူ့ဘက်ကိုယ့်ဘက် သူငယ်ချင်းဆိုပြီး
အသိုင်းအ၀ိုင်းလဲ တိုးပွါးလာပါတယ်။

ဒီလို သူ့ဘက်ကိုယ့်ဘက် ရှိလာတဲ့ တိုးပွါးလာတဲ့ အသိုင်းအ၀ိုင်းကို
ထောက်ပံ့တဲ့နေရာမှာ တူညီမှုရှိရပါမယ်။
သို့မှသာ ပျော်ရွှင်ချမ်းမြေ့တဲ့အိမ်ထောင်သည်တွေဖြစ်လာမှာ ဖြစ်ပြီး
သက်ဆုံးတိုင် အိုအောင်မင်းအောင်ပေါင်းဆုံရမှာပါ။

ဟိုတလောက စင်္ကာပူက ဇနီးမောင်နှံအကြောင်းကြားလိုက်ပါသေးတယ်။
ဇနီးလုပ်တဲ့သူက သူ့မိဘတွေကိုတော့ စင်္ကာပူကို အကြာကြီး ခေါ်ထားပြီး
လင်လုပ်တဲ့သူရဲ့ မိဘတွေ တစ်ပတ်လောက်လာလည်တာကို
ဆူကြီးအောင့်ကြီးနဲ့ မကြည်မဖြူဆက်ဆံတာကို တွေ့ရကြောင်း ကြားရပါတယ်။

ဒီမှာရှိတဲ့ ကိုယ်နဲ့သိတဲ့ ဇနီးမောင်နှံလဲ ဒီလိုဘဲ။
သူ့တူလေး ၁၀ တန်းအောင်တော့ ၀ယ်ပေးလိုက်တဲ့ပစ္စည်း
လစာ တစ်လစာနဲ့တောင် မလောက်ဘူးတဲ့။
ကိုယ့်တူ ၁၀ တန်းအောင်လို့
အ၀တ်အစားလေး တစ်စုံဝယ်ပေးတာကို ဒီနေ့အထိပြောလို့မပီးသေးဘူးလို့
ခင်ပွန်းလုပ်တဲ့သူက လာပြောဘူးပါတယ်။

ဒါတွေဟာ သူ့ဘက် ကိုယ့်ဘက် မကြည့်တတ်တာပါ။
သူ့ဘက်ကိုယ့်ဘက် ထောက်ပံ့မှု မတူညီတာပါ။

ဒီလို ထောက်ပံ့မှုမတူညီရင် ဒီလင် ဒီမယား သက်ဆုံးတိုင်
အိုအောင်မင်းအောင် ပေါင်းဆုံရဘို့ မလွယ်ကူပါဘူး။
သက်ဆုံးတိုင်ပေါင်းဆုံရသည်ထား၊၊
(မတတ်သာလို့သာ မျိုသိပ်အောင့်အီးသည်းခံနေရတာ ဖြစ်တဲ့အတွက်)
ပျော်ရွှင်ချမ်းမြေ့တဲ့ အိမ်ထောင်သည်ဘ၀ကို ပိုင်ဆိုင်မှာ မဟုတ်ပါဘူး။

ဒါတင်မကပါဘူး။
သမစာဂမှာရှိတဲ့ စာဂ ဆိုတဲ့စကားလုံးကို
ပေးကမ်းလှူဒါန်းမှုလို့လဲ ဘာသာပြန်ရပါတယ်။ စာဂနဲ့ ဒါန အဓိပ္ပါယ်တူပေါ့။

ဆိုတော့ ပေးကမ်းလှူဒါန်းတဲ့နေရမှာလဲ တူညီဘို့ သမစာဂဖြစ်ဖို့ လိုအပ်ပါတယ်။
ပေးကမ်းလှူဒါန်းတဲ့နေရာမှာ လင်ရော မယားပါ စိတ်တူ ကိုယ်တူ လှူဒါန်းသင့်ပါတယ်။
လင်က သိန်းတစ်ရာလှူဒါန်းလိုပေမဲ့ မယားစိတ်ပါမှ လှူဒါန်းတာ အကောင်းဆုံးပါဘဲ။

ဒီလို လင်ရော မယားပါ စိတ်တူ ကိုယ်တူ အလိုတူလှူဒါန်းပါမှ
(အထက်တစ်နေရာမှာ ပြောခဲ့သလို)
တူညီတဲ့အကျိုးတရားတွေ ရမှာဖြစ်တဲ့အတွက်
ဖြစ်လေရာဌာန၊ ဖြစ်လေရာဘ၀မှာ တစ်နေရာတည်း တစ်ဘ၀တည်းမှာဖြစ်ပြီး
ပြန်လည်ဆုံစည်းရမှာပါ။

Photo: Google search

Sunday, December 12, 2010

ဒီလင် ဒီမယား


ဘုရားရှင် သက်တော်ထင်ရှားရှိစဉ်က
ဇနီးမောင်နှံနှစ်ဦးက ဘုရားရှင်ကို လျှောက်တယ်။
ဒီဘ၀မှာလဲ ပျော်ပျော်ရွှင်ရွှင် ချမ်းချမ်းမြေ့မြေ့နဲ့
သက်ဆုံးတိုင် အိုအောင်မင်းအောင် ပေါင်းလိုလှတယ်။
နောင်ဘ၀မှာလဲ ပြန်လည်ဆုံဆည်းလိုလှတယ်။
ဒီအတွက်ကျင့်ဆောင်ရမဲ့နည်းလမ်းလေးရှိရင် ညွှန်ပြစမ်းပါတဲ့။

ဒီတော့ ဘုရားရှင်က
ဒီအတွက် လိုက်နာရမဲ့အချက်က
နံပါတ် (၁) သမသီလ ဖြစ်ဖို့ လို့ပြောပါတယ်။
(အရင်ပို့စ်မှုာ ရှင်းပြပြီး)

နံပါတ် (၂) သမသဒ္ဓါ ဖြစ်ဖို့လိုပါတယ်။
သမသဒ္ဓါဆိုတာ
သဒ္ဓါ - ယုံကြည်မှု၊ သမ - တူညီတာ၊
ဆိုတော့ သမသဒ္ဓါဆိုတာ ယုံကြည်မှုတူညီတာကို ပြောတာ။

လင်မယားဖြစ်ပြီဆိုရင် ပျော်ပျော်ရွှင်ရွှင်ချမ်းချမ်းမြေ့မြေ့နဲ့သက်ဆုံးတိုင်
အိုအောင်မင်းအောင်ပေါင်းဆုံဘို့ နောက်အရေးကြီးတဲ့အချက်တစ်ချက်က
သမသဒ္ဓါ - လင်မယားအကြား ယုံကြည်မှု တူညီရပါမယ်။

တကယ်ပျော်ရွှင်တဲ့အိမ်ထောင်သည်တွေဖြစ်ဖို့
သက်ဆုံးတိုင်အိုအောင်မင်အောင်ပေါင်းဆုံဘို့
နိုင်ငံရေးယုံကြည်ချက်တွေ၊ စီးပွါးရေးယုံကြည်ချက်တွေ
လူမှုရေးယုံကြည်ချက်တွေ စတဲ့လောကီရေးရာအဖြာဖြာမှာ
လင်မယားနှစ်ဦးစလုံး ယုံကြည်ချက်တူညီရပါမယ်။

ဒီလိုယုံကြည်ချက်တူညီမှသာ လင်မယား ပြုံပျော်ရွှင်စွာ
သက်ဆုံးတိုင်အိုအောင်မင်းအောင် ပေါင်းဆုံနိုင်မှာမို့လား။

နိုင်ငံရေးကိစ္စပဲ ဆိုပါစို့။
တစ်ယောက်က ကြံဖွတ်ပါတီကြိုက်ပြီး
တစ်ယောက်က NLD ကို ကြိုက်တယ်ဆိုရင်
ဒီလိုအကြိုက်ချင်းမတူတဲ့လင်မယားကြား
အမြဲတမ်းငြင်းခုံမှုတွေ တိုးပွါးပြီး လင်မယား ကွဲသွားနိုင်ပါတယ်။
အိုအောင်မင်အောင် ပေါင်းဆုံဘို့ မလွယ်ပါဘူး။
အိုအောင် မင်းအောင်ပေါင်းဆုံရသည်ထားဦး၊
လင်မယားကြား ပျော်ရွှင်မှုတော့ အပြည့်အ၀ရမှာ မဟုတ်တော့ပါဘူး။

ဒီထက်အရေးကြီးတာက
 သမသဒ္ဓါ - ယုံကြည်မှုတူညီတာနဲ့ပတ်သက်လို့
ဘာသာရေးယုံကြည်မှုတူညီဘို့ဘဲ။
ဘာသာရေးမှာ တူညီတဲ့ယုံကြည်မှုရှိမှသာ ဒီလင် ဒီမယား ပျော်ပျော်ရွှင်ရွှင်
ချမ်းချမ်းမြေ့မြေ့ သက်ဆုံးတိုင် အိုအောင်မင်းအောင် ပေါင်းဆုံနိုင်မှာပါ။

တစ်ယောက်က ဗုဒ္ဓဘာသာကို ယုံကြည်တယ်ဆိုရင်
တစ်ယောက်က ဗုဒ္ဓဘာသာကို ယုံကြည်တဲ့သူဘဲ ဖြစ်သင့်ပါတယ်။
အဲ့လိုမဟုတ်ဘဲ တစ်ယောက်က မွတ်စလင်ဘာသာဝင်ဖြစ်ပြီး
တစ်ယောက်က ဗုဒ္ဓဘာသာဝင်ဆိုရင်
ဒီလိုမျိုး လင်မယားတွေ အပြည့်အ၀ ပျော်ရွင်ဘို့
အိမ်ထောင်ရေးသာယာဘို့ မလွယ်ပါဘူး။
အိမ်ထောင်ရေးသာယာဘို့မပြောနဲ့။
ဒူးနဲ့မျက်ရည်သုတ်ရဖို့ အင်မတန်နီးစပ်ပါတယ်။

ဗုဒ္ဓဘာသာဝင်ဖြစ်တဲ့သူက ဘုရားဆင်းတုတော်အိမ်မှာထား ကိုးကွယ်းချင်တယ်။
သောက်တော်ရေ၊ ပန်းစသည်ကပ် လှူဒါန်းချင်တယ်။
မွတ်စလင်ဘာသာဝင်ဖြစ်တဲ့သူက ဒါကို လက်ခံမှာ မဟုတ်ပါဘူး။
မွေးလာတဲ့ခလေးအတွက်ရော၊
ဗလီကို ပို့ရမှာလား။ ဘုန်းကြီးကျောင်းပို့ ရှင်ပြုပေးရမှာလား။
ဘာသာရေးယုံကြည်ချက်မတူတဲ့သူတွေ အိမ်ထောင်ကျပြီဆိုရင်
ပြဿနာတွေ အများကြီး တက်လာနိုင်ပါတယ်။

ဒါတင်မကပါဘူး။
နောင်ဘ၀မှာလဲ ပြန်လည်ဆုံဆည်းလိုတဲ့ ဒီလင် ဒီမယားအတွက်
ဒီ သမသဒ္ဓါလို့ဆိုတဲ့ ယုံကြည်မှုတူညီရမယ်ဆိုတဲ့အချက်ဟာ
အင်မတန်အရေးကြီးပါတယ်။

လောကကြီးထဲမှာ ဘာသာတရားအသီးသီးရှိကြတယ်ဆိုပေမဲ့
အမှန်တရားဟာ တစ်ခုသာရှိတယ်ဆိုရင်
ဘာသာမတူဘဲ အိမ်ထောင်ပြုထားတဲ့လင်မယားနှစ်ဦး၊
ကွယ်လွန်တဲ့အခါ မှားတဲ့ဘာသာအယူရှိတဲ့သူက
ငရဲပြည်သွားရမှာဖြစ်ပြီး မှန်တဲ့ဘာသာအယူရှိတဲ့သူက
ကောင်းတဲ့ဘုံသွားရမှာဖြစ်ပါတယ်။

ဒါ့ကြောင့် ဘာသာရေးမှာ ယုံကြည်မှုမတူတဲ့သူကို
အိမ်ထောင်ပြုရင် နောင်ဘ၀ပြန်လည် မဆုံဆည်းနိုင်တော့ပါဘူး။
ဘုရားရှင်က ဒါကို မြင်လို့
နောင်ဘ၀မှာလဲ ဒီလင် ဒီမယားပြန်လည်ဆုံဆည်းချင်သေးသပဆိုရင်
သမသဒ္ဓါ - ယုံကြည်မှုတူညီကြပါ လို့ပြောတာပါ။

Photo: google search

Saturday, December 11, 2010

အိမ်ထောင်ကျခြင်း နောက်ဆက်တွဲ


အိမ်ထောင်ကျခြင်းဆိုတဲ့ပို့စ်တစ်ခု တင်ဖြစ်တယ်။
အိမ်ထောင်မပြုဘဲ ရဟန်း (သို့) သီလရှင်ဝတ်ပြီးကျင့်ကြံမှ
ဗုဒ္ဓဘာသာတို့ပန်းတိုင်ဖြစ်တဲ့နိဗ္ဗာန်ကို ရနိုင်ပါသလား ဆိုတဲ့
မေးခွန်းကို ဖြေကြားတဲ့ ပို့စ်တစ်ခုဖြစ်ပါတယ်။

ရေးပြီး ဖတ်ကြည့်လိုက်တော့ ငါရေးတဲ့ပို့စ် ကျဉ်းများကျဉ်းလွန်းနေသလား၊
တိုများတိုလွန်းနေသလား၊ ဒီပို့စ်ကို ဖတ်ပြီး လူတွေဇဝေဇ၀ါများဖြစ်နေမလားလို့
စိတ်စနိုးစိတ်နှောင့်ဖြစ်နေမိတယ်။

ထင်ထားတဲ့အတိုင်းပဲ။ ဒကာလေး ကိုပြည့်စုံအောင်က
ဒီပို့စ်နဲ့ပတ်သက်ပြီး ဒီလိုနိဒါန်းခံပြီး မေးထားပါတယ်။
ဘုန်းဘုန်း၊ သိချင်တာလေးတွေနဲ့ အမြင်လေးတွေ ရေးလိုက်တယ် ဘုရား၊
တစ်မျိုးမထင်ပါနဲ့.. သိချင်ရုံသက်သက်ပါပဲဘုရား။

ဒကာလေးကိုပြည့်စုံအောင်ရေ။
ဒကာလေးမေးတာကို တစ်မျိုးမထင်ပါဘူး။
ဒကာလေးမေးတာကို ကျေးဇူးတောင်တင်မိတယ်။
ဒါ့ကြောင့် ဒီလိုမေးတဲ့အတွက် ကျေးဇူးအထူးတင်ပါတယ်လို့ တင်ကြိုပြောပါရစေ။

ဒါက ပို့စ်ထဲမှာ ဘုန်းဘုန်းရေးထားတဲ့စကားလေး။

{ဒီအိမ်ထောင်ပြုခြင်းလို့ခေါ်တဲ့ သားမှတ်မှတ် မယားမှတ်မှတ်ပေါင်းသင်းဆက်ဆံခြင်းဆိုတာ 
လူသားမှာ မရှိမဖြစ်လိုအပ်ပါတယ်။}

အောက်ကဟာက ဒကာလေး ကိုပြည့်စုံအောင်ရေးထားတာ။ မေးထားတာ။

ဒီစာကြောင်းအရဆိုရင်
လူသားတိုင်း အိမ်ထောင်ပြုတာ မရှိမဖြစ်လိုတယ်ဆိုတဲ့ အဓိပ္ပါယ် ဖြစ်နေတယ် ဘုန်းဘုန်း..။
ဘုန်းဘုန်း ဆိုလိုတာက တစ်လင်၊ တစ်မယား စနစ်ကို ဆိုလိုတာ ဆိုရင်
(လူသားတစ်ယောက် အိမ်ထောင်ပြုတော့မယ် ဆိုရင်
သားမှတ်မှတ် မယားမှတ်မှတ် ပေါင်းသင်း ဆက်ဆံခြင်းဆိုတာ မရှိမဖြစ်လိုအပ်ပါတယ်)
အဲလို အဓိပ္ပါယ်မျိုးပါတဲ့ စာကြောင်းပုံစံ ရေးသင့်တယ် ထင်ပါတယ် ဘုန်းဘုန်း။

ရှင်းလင်းချက်။
ဒီလိုပါဒကာလေးရေ။ ဒကာလေးကောက်နှုတ်တင်ပြလိုက်တဲ့ ၀ါကျလေးကိုသာ
ကွက်ပြီး ပြောဆိုရေးသားမယ်ဆိုရင် ဒကာလေးပြောတာ မှန်ပါတယ်။
ဒါပေမဲ့ နောက်တစ်ပိုဒ်မှာ ဘုန်းဘုန်း ဒီလိုရေးထားပါတယ်။
{လူနဲ့ တိရိစ္ဆာန် မတူတဲ့ အချက်တွေထဲမှာ
ဒီအချက်က အဓိကပါဝင်တယ်လို့ ဆိုချင်ပါတယ်။}

ဒါ့ကြောင့် ဒကာလေးကောက်နှုတ်တင်ပြတဲ့ဝါကျနဲ့ ဒီဝါကျလေးကို ပေါင်းစပ်ကြည့်ရအောင်။

ဒီအိမ်ထောင်ပြုခြင်းလို့ခေါ်တဲ့
သားမှတ်မှတ် မယားမှတ်မှတ်ပေါင်းသင်းဆက်ဆံခြင်းဆိုတာ
လူသားမှာ မရှိမဖြစ်လိုအပ်ပါတယ်။
လူနဲ့ တိရိစ္ဆာန် မတူတဲ့ အချက်တွေထဲမှာ
ဒီအချက်က အဓိကပါဝင်တယ်လို့ ဆိုချင်ပါတယ်။
အခုဖော်ပြလိုက်တဲ့ စာနှစ်ပိုဒ်ကို ဆက်တိုက်ဖတ်လိုက်တယ်ဆိုရင်
ဒကာလေး ဘုန်းဘုန်းဘာပြောချင်တယ်ဆိုတာ သဘောပေါက်မှာပါ။

ဒီလိုလေ။
လူဆိုတာ အသိဥာဏ်ရှိတဲ့ပုဂ္ဂိုလ်၊ ယဉ်ကျေးမှုအဆင့်အတန်းမြင့်တဲ့ပုဂ္ဂိုလ်ဖြစ်တယ်။
တိရိစ္ဆာန်ဆိုတာကတော့ အသိဥာဏ်ရှိတာမဟုတ်ဘူး။ ယဉ်ကျေးမှုရှိတာမဟုတ်ဘူး။
လူဖြစ်ရင် လက်ထပ်ပြီးမှ ပေါင်းသင်းနေထိုင်ရမယ်။ လိင်ကိစ္စပြုကျင့်ရမယ်။
တိရိစ္ဆာန်တွေကတော့ ဒီလိုမဟုတ်ဘူး။ တွေ့ကရာနဲ့ အတူနေနေကြတာ။
ဒါ့ကြောင့် လူသားမှာ အိမ်ထောင်ပြုခြင်းဟာ မရှိမဖြစ်လိုအပ်ပါတယ်။
အိမ်ထောင်မပြုဘဲ ပေါင်းသင်းနေလို့ကတော့
တိရိစ္ဆာန်နဲ့မခြားနားတော့ဘူး။

ဆိုတော့ ဒီအိမ်ထောင်ပြုခြင်းဟာ လူသားနဲ့ တိရိစ္ဆာခြားနားချက်လို့ ဘုန်းဘုန်းက ပြောတာပါ။
လူသားတိုင်း မဖြစ်မနေ အိမ်ထောင်ပြုကို ပြုရမယ်လို့ပြောတာမဟုတ်ပါဘူး။
ဒါ့ကြောင့် ဒကာလေးကိုပြည့်စုံအောင်၊ အိမ်ထောင်မပြုဘဲနေလိုက နေနိုင်ပါတယ်ဗျာ။

ဘုန်းဘုန်း ပို့စ်မှာ ဒီလိုလေးပါပါတယ်။

{လူတစ်ဦးတစ်ယောက်အိမ်ထောင်ပြုတာဟာ ကုသိုလ်၊ အကုသိုလ်နဲ့ မဆိုင်ပါဘူး}

ဒီဝါကျကို အခြေခံပြီး မေးခွန်းတစ်ခုမေးထားပါသေးတယ်။

ကုသိုလ် အကုသိုလ်နဲ့ မဆိုင်ဘူး ဆိုရင်
အိမ်ထောင်မပြုဘဲ ရှစ်ပါးသီလ၊ ဆယ်ပါးသီလ
ဒါမှမဟုတ် အိမ်ထောင်ပြုလိုက်သော်လည်း အဗြဟ္မစရိယ သိက္ခာပုဒ်ကို စောင့်ထိန်းနေသူ၊ စောင့်ထိန်းလိုသူတွေအတွက် ကုသိုလ် အကုသိုလ်ကို ဘယ်လိုသဘောမျိုး သတ်မှတ်နိုင်သလဲ ဘုန်းဘုန်း။

အိမ်း။ ဒကာလေးထင်သလို ထင်နိုင်တာပ။
ဒါပေမဲ့ ဘုန်းဘုန်းက ဒီနေရာမှာ အိမ်ထောင်ပြု မပြုဆိုတာပြောနေတာနော်။

ဘုရားရှင်က
အိမ်ထောင်ပြုလို့ကတော့ မင်းတို့ ငရဲပြည်ရောက်မယ်။
အိမ်ထောင်မပြုလို့ကတော့ နတ်ပြည်ရောက်မယ်လို့ မဟောပါဘူး။
ဒါပေမဲ့ အိမ်ထောင်ပြုတဲ့သူတွေ ဆိုင်ရာဆိုင်ရာကျင့်ဝတ်ကိုတော့
ကျေပြွန်အောင်ထမ်းဆောင်ရမယ်လို့ဟောပါတယ်။
လင့်ကျင့်ဝတ်၊ မယားကျင့်ဝတ်လိုဟာမျိုးတွေ ကျင့်သုံးရမယ်ပေါ့။

လင်ဖြစ်တဲ့သူက လင့်ကျင့်ဝတ်နဲ့အညီကျင့်သုံးရင်
မယားဖြစ်တဲ့သူက မယားကျင့်ဝတ်နဲ့အညီ ကျင့်သုံးရင်
ကောင်းတယ်။ ကောင်းတဲ့ဘုံဘ၀ကို ရောက်နိုင်တယ်၊ ကောင်းကျိုးပေးမယ်ပေါ့။
မကျင့်သုံးရင် မကောင်းဘူး။ ကောင်းတဲ့ဘုံဘ၀ကို မရောက်နိုင်ဘူး။ ကောင်းကျိုးမပေးဘူး။

ဒါ့ကြောင့် ဘုန်းဘုန်းက အိမ်ထောင်ပြုတာဟာ
ကုသိုလ် အကုသိုလ်နဲ့မဆိုင်ဘူးလို့ ရေးခဲ့တာပါ။

ဒီနေရာမှာ ဘုန်းဘုန်းပြောခဲ့တာက သီလနဲ့မဆိုင်သေးပါဘူး။
အိမ်ထောင်ပြု မပြုသာပြောတာပါ။

အိမ်ထောင်ပြုတာ ဘာသာရေးနိုင်မဆိုင်ဘူးဆိုတာလဲ အတူတူပါဘဲ။
ဗုဒ္ဓဘာသာကတော့ အိမ်ထောင်ပြုတာကို လက်မခံဘူးလို့ မယူဆစေလိုပါဘူး။

သီလဆိုတာကတော့
အိမ်ထောင်ပြုပြု မပြုပြု၊ ငါးပါးသီလကို ခါးဝတ်ပုဆိုးလို မြဲဘို့ပါဘဲ။
မမြဲရင် အိမ်ထောင်ပြုသူရော မပြုသူပါ မကောင်းကျိုးပေးမှာ အမှန်ပါ။
ရှစ်းပါးသီလလဲ အတူတူပါဘဲ။

ဒါပေမဲ့ ရှစ်ပါးသီလကိုတော့ စွမ်းနိုင်ရင် ဆောက်တည်။
မစွမ်းနိုင်ရင် မဆောက်တည်နဲ့။
ငါးပါးသီလကိုတော့ စွမ်းနိုင်နိုင်၊ မနိုင်နိုင် ဆောက်တည်ရမှာ။

ဒါနဲ့စပ်လို့ တစ်လက်စတည်း သတိရတာလေး ပြောလိုက်အုံးမယ်။
ရှင်းအောင်သာ ထပ်ပြောရတာ၊ ဒကာလေးသိပြီးသားပါ။

ဘုရားရှင် သက်တော်ထင်ရှားရှိစဉ်က
ဇနီးမောင်နှံနှစ်ဦးက ဘုရားရှင်ကို လျှောက်တယ်။

ဒီဘ၀မှာလဲ ပျော်ပျော်ရွှင်ရွှင် ချမ်းချမ်းမြေ့မြေ့နဲ့
သက်ဆုံးတိုင် အိုအောင်မင်းအောင် ပေါင်းလိုလှတယ်။
နောင်ဘ၀မှာလဲ ပြန်လည်ဆုံဆည်းလိုလှတယ်။
ဒီအတွက်ကျင့်ဆောင်ရမဲ့နည်းလမ်းလေးရှိရင် ညွှန်ပြစမ်းပါတဲ့။

ဒီတော့ ဘုရားရှင်က
ဒီအတွက် လိုက်နာရမဲ့အချက်က
နံပါတ် (၁) သမသီလ ဖြစ်ဖို့ လို့ပြောပါတယ်။

သမသီလဆိုတာ
သီလ က အလေ့အကျင့်၊ ၀ါသနာ၊ သမ - တူညီတာ။
ဆိုတော့ သမသီလ ဆိုတာ အလေ့အကျင့် ၀ါသနာတူညီတာ။

လင်မယားဖြစ်ပြီဆိုရင် ပျော်ပျော်ရွှင်ရွှင်ချမ်းချမ်းမြေ့မြေ့နဲ့သက်ဆုံးတိုင်
အိုအောင်မင်းအောင်ပေါင်းဆုံဘို့ အရေးအကြီးဆုံးအချက်က
သမသီလ - လင်မယား အလေ့အကျင့်၊ ၀ါသနာတူညီဘို့ပါဘဲ။

သမသီလဆိုတာကိုဘဲ
သီလ ကို သီလလို့ဘာသာပြန်ပြီး သမကို တူညီတာလို့ ဘာသာပြန်ရင်
သမသီလ ဆိုတာ တူညီသောသီလ လို့ အဓိပ္ပါယ်ရပါတယ်။

ဆိုတော လင်မယားဖြစ်ပြီဆိုရင်
သမသီလ - တူညီတဲ့သီလကို ဆောက်တည်ကျင့်သုံးရပါတယ်။

လင်ယောက်ကျားက ငါးပါးသီလဆောက်တည်တယ်ဆိုရင်
ဇနီးမယားကလဲ ငါးပါးသီလပဲ ဆောက်တည်ရပါတယ်။
ဒီလိုဘဲ၊ တစ်ယောက်က ရှစ်ပါးသီလဆို နောက်တစ်ယောက်က
ရှစ်ပါးသီလ ဆောက်တည်ရပါတယ်။
ဒါကို သမသီလ - တူညီတဲ့သီလ လို့ပြောတာ။

ဒီလို တူညီတဲ့သီလကို ဆောက်တည်မှသာ
ဒီဘ၀မှာ ပျော်ရွှင်ချမ်းမြေ့တဲ့အိမ်ထောင်သည်ဘ၀ပိုင်ရှင်တွေဖြစ်လာမှာ ဖြစ်ပြီး
အိုအောင်မင်းအောင် ပေါင်းဆုံရမှာပါ။

အဲ့လိုမဟုတ်ဘဲ တစ်ယောက်က ငါးပါးသီလကိုစောင့်သုံးပြီး
တစ်ယောက်က ရှစ်ပါးသီလကို စောင့်သုံးတယ်ဆိုရင်
သမသီလ - လင်မယားတူညီတဲ့သီလ မရှိတော့ပါဘူး။
ဒါ့ကြောင့် ညနေစာစားဘို့ကိစ္စတွေလဲ မတူညီတော့ဘူးပေါ့။
မတူညီတော့ ပျော်ရွှင်မှု အပြည့်အ၀ မရနိုင်တော့ဘူးပေါ့။

ဒီထက်ဆိုးတာက ဒကာလေးပြောတဲ့
ဗြဟ္မစရိယ၊ အဗြဟ္မစရိယကိစ္စတွေ။

ဆိုတော့ ဘုရားရှင်ဟောကြားခဲ့တဲ့ လင်မယားကြား
သမသီလ - တူညီတဲ့သီလရှိရမယ်ဆိုတာ အတော်ခရီးရောက်တယ်နော့။

ဒါတင်မကသေးဘူး ဒကာလေးရေ၊
နောင်ဘ၀မှာလဲ ဒီဇနီးမောင်နှံက ပြန်လည်ဆုံဆည်းချင်တာဆိုတော့
ဒီသမသီလ - တူညီတဲ့သီလစောင့်ထိန်းမှုက အရေးပါနေပြန်ရော။

ကိုယ်တို့ဗုဒ္ဓဘာသာမှာ နတ်ပြည်က ခြောက်ထပ်ရှိတာမို့လား။
ဒီလင်ဒီမယား တူညီတဲ့သီလစောင့်ထိန်းမှု သမသီလရှိမှသာ
နောင်ဘ၀မှာ နတ်ပြည်များရောက်ခဲ့ရင် နတ်ပြည်တစ်ထပ်တည်းမှာ
နတ်သားနတ်သမီးဖြစ်မှာမို့လား။

အဲ၊ တစ်ယောက်က ငါးပါးသီလစောင့်ထိန်းပြီး
တစ်ယောက်က ရှစ်ပါးသီလစောင့်ထိန်းတယ်ဆိုရင်နတ်ပြည်ခြောက်ထပ်မှာ
ငါးပါးသီလစောင့်ထိန်းသူက အဆင်းနိမ့်တဲ့နတ်ပြည်မှာ နတ် သွားဖြစ်ပြီး
ရှစ်ပါးသီလစောင့်ထိန်းသူက အဆင့်မြင့်တဲ့ နတ်ပြည်မှာ နတ် သွားဖြစ်မှာပေါ့။
ဒီတော့ ဘယ်လိုလုပ် နောင်ဘ၀မှာ ပြန်လည်ဆုံဆည်းနိုင်မလဲ။

ဒါ့ကြောင့် ဒီဘ၀မှာတင်မက နောင်ဘ၀မှာပြန်လည်ဆုံဆည်းလိုရင်
သမသီလရှိရမယ်လို့ ဘုရားရှင်ဟောခဲ့တာပေါ့ ဒကာလေးရေ။

ကျန်နေတဲ့မေးခွန်းအတွက် မနက်ဖန် (သို့) သဘက်ခါ ပို့စ်မှာ စောင့်ဖတ်ပါလို့ ပြောပါရစေ။
အလုပ်လေးနည်းနည်းရှိနေလို့ပါ။

Photo: Google search

Friday, December 10, 2010

အိမ်ထောင်ကျခြင်း


ဟိုတစ်နေ့က တရုတ်ဗုဒ္ဓဘာသာဝင်တစ်ဦးရောက်လာတယ်။
ဟိုအကြောင်း ဒီအကြောင်းစပ်စုပြီး
ဗုဒ္ဓဘာသာဝင်တို့ရဲ့ပန်းတိုင်ဖြစ်တဲ့နိဗ္ဗာန်အကြောင်းမေးပါတယ်။

တချိန်တည်းမှာဘဲ
ဒီနိဗ္ဗာန်ကို ရောက်ဖို့ ရဖို့ ခံစားရဖို့ တွေ့ကြုံရဖို့ ရဟန်းမဖြစ်မနေပြုရပါသလား။
ဗုဒ္ဓဘာသာရှုဒေါင့်က အိမ်ထောင်ပြုမှုအပေါ် ဘယ်လိုမြင်ပါသလဲလို့ ဆက်မေးပါတယ်။

အိမ်ထောင်ပြုခြင်း ဆိုတာ လူ့မှုလုပ်ငန်းတွေထဲက လုပ်ရိုးလုပ်စဉ်တစ်ခုပါ။
ဒီအိမ်ထောင်ပြုခြင်းလို့ခေါ်တဲ့
သားမှတ်မှတ် မယားမှတ်မှတ်ပေါင်းသင်းဆက်ဆံခြင်းဆိုတာ
လူသားမှာ မရှိမဖြစ်လိုအပ်ပါတယ်။

လူနဲ့ တိရိစ္ဆာန် မတူတဲ့ အချက်တွေထဲမှာ
ဒီအချက်က အဓိကပါဝင်တယ်လို့ ဆိုချင်ပါတယ်။

ဒါ့ကြောင့် လူတစ်ဦးတစ်ယောက်အိမ်ထောင်ပြုတာဟာ
ကုသိုလ်၊ အကုသိုလ်နဲ့ မဆိုင်ပါဘူး၊
အိမ်ထောင်ပြုတာ ကောင်းတယ်၊ အိမ်ထောင်ပြုတာ မကောင်းဘူးလို့ ပြောလို့မရပါဘူး။

ဒီထက်ရှင်းရှင်းပြောရရင်
အိမ်ထောင်ပြုတာဟာ ဘာသာရေးနဲ့လုံးဝ မပတ်သက်ပါဘူး။
အိမ်ထောင်ပြုတယ် မပြုဘူးဆိုတာ ကိုယ့်ရဲ့ ပုဂ္ဂိုလ်ရေး ကိစ္စပါ။

လူဖြစ်လာလို့ လူ့လုပ်ရိုးလုပ်စဉ်တစ်ခုကို လုပ်လိုက်တာပါဘဲ။

ဗုဒ္ဓဘာသာက လူတစ်ဦးတစ်ယောက်ကို အိမ်ထောင်ပြုပါလို့လဲ မတိုက်တွန်းပါဘူး။
ဘုန်းကြီး၊ သီလရှင်ဝတ်ပါလို့လဲ မတောင်းဆိုပါဘူး။

ကိုယ်ဖြစ်ချင် လုပ်ချင်တဲ့အရာကို ကိုယ်ကိုယ်တိုင်ဆုံးဖြတ်ချက်ချကာ
ကိုယ်လုပ်တဲ့လုပ်ငန်းက ဖြစ်ထွန်းလာတဲ့ အကျိုးဆက်ကို
ကိုယ်ကဘဲ တာဝန်ယူရတာ ဗုဒ္ဓဘာသာပါ။

ဒါပေမဲ့လဲ အိမ်ထောင်ရေးမှာ လောလောဆယ်ကျင့်သုံးနေတဲ့
တစ်လင် တစ်မယားဓလေ့ထုံးစံ၊ မယားပြိုင်ဓလေ့ထုံးစံတွေနဲ့ပတ်သက်လို့
ဘယ်ဓလေ့ထုံးစံကို ကျင့်သုံးရမယ်လို့ ဗုဒ္ဓဘာသာစာပေမှာ တိတိပပ မတွေ့ရပေမဲ့
တစ်လင်တစ်မယားစနစ်ကိုသာ ဦးစားပေးအကြံပြုထားတဲ့ သုတ္တန်တွေ အတော်တွေ့ရပါတယ်။

အိမ်ထောင်ကျပြီးသား အမျိုးကောင်းသား အမျိုးကောင်းသမီးဟာ
တစ်ဦးအပေါ် တစ်ဦးသစ္စာရှိဘို့၊
မိမိလင်ယောက်ကျား (သို့) မိမိဇနီးမယားမှတပါး
တခြားသူနဲ့ မကျူးလွန်ဘို့၊ မပစ်မှားဘို့ စတဲ့
ပျော်ရွှင်ချမ်းမြေ့တဲ့အိမ်ထောင်ရေးအတွက် အကြံပေးထားတာတွေ ရှိပါတယ်။

ဗုဒ္ဓစာပေတစ်နေရာမှာ
“ကိုယ့်မိန်းမမှတစ်ပါး တခြားသောမိန်းမတွေနဲ့ ကျူးလွန်ဖောက်ပြန်တာဟာ
 စီးပွါးရေး လူမှုရေးစတဲ့လုပ်ငန်းတွေအဆင်မပြေမှုရဲ့  အဓိကတရားခံဘဲ” တဲ့။

ဒါ့ကြောင့်
လူသားတိုင်း ခါးဝတ်ပုဆိုးလို (ခါးဝတ်ဘောင်းဘီလို)
ခိုင်မြဲအောင်ကျင့်ဆောင်ရမဲ့ငါးပါသီလထဲမှာ
ဒီအိမ်ထောင်ရေးဖောက်ပြန်မှုမှ ရှောင်ကြည်ရမဲ့သီလကို ထည့်သွင်းထားတာလို့ ယူဆနိုင်မယ်။

photo: Google Search

Thursday, December 9, 2010

အမေ မသိလို့ပါ


ရေးသူ - ရွှေကျွန်းသား

မဂ္ဂဇင်း ကာတွန်းတစ်ခုထဲမှာ ဒီလိုဖတ်ဖူးပါတယ်။
မိန်းမနှစ်ယောက် ဈေးက အပြန်လမ်းမှာတွေ့တော့
တစ်ယောက်ကနောက်တစ်ယောက်ကို ပြောနေတာ။

‘ကျွန်မအမျိုးသားက နိုင်ငံခြားမှာ အလုပ်လုပ်နေတာလေ။
သားကလည်း နိုင်ငံခြားမှာပဲ။
သမီးကတော့ အဲဒီမှာပဲ ကျောင်းတက်နေလေရဲ့’
‘ဟင် ဒါဆိုရှင်က ဘာလို့လိုက်မသွားတာလဲ’
‘အဟင်း ကျွန်မကကြွားခြင်လို့နေခဲ့တာလေ’ တဲ့။

အဲဒီ ကာတွန်းလေးက အမေပြောပြတာပါ။
အမေကတော့ ဟုတ်မှာပေါ့လေ။
ဒါပေမယ့် အမေမသိသေးတာတွေ အများကြီးရှိပါသေးတယ်။

‘ဟုတ်တယ် နိုင်ငံခြားမှာ လမ်းတွေတအား ကောင်းတာတဲ့။
တစ်မြို့လုံးလည်း သန့်ရှင်းနေတာပဲတဲ့။
လျှပ်စစ်မီးဆိုတာတော့ ပြောစရာကို မရှိဘူးတဲ့’

အမေကတော့ မိတ်ဆွေတွေနဲ့တွေ့တိုင်း အဲလိုပြောလေရဲ့။
ဒါပေမယ့် အမေပြောပြောနေတဲ့ နိုင်ငံခြားမှာ
တစ်အားကောင်းနေတာတဲ့ ဆိုတာ ကျွန်တော်ကတော့ လက်မခံဘူးအမေ။
တစ်ကယ်တော့ နိုင်ငံခြားက တစ်အားကောင်းဒါ မဟုတ်ဘူးဗျ။
ဒါတွေက ပုံမှန်ပဲ။
ကတ္တရာလမ်း ချိင့်ခွက်မရှိတာ
ကို တကားကောင်းတယ်လို့ ပြောလို့ရမလား။
လမ်းဘေးတွေမှာ အမှိုက်မရှိတာရော တအားကောင်းနေတာလား။
လျှပ်စစ်မီး ခလုတ်ဖွင့် လိုက်တိုင်း ရှိနေတာကရော။
Bus ကားတွေ မြို့ပတ်ရထားတွေ အချိန်မှန်နေတာကရော အထူးအဆန်းပဲလား။
ကျွန်တော်ကတော့ အဲဒါကို အရမ်းကောင်းနေတယ်လို့ မယူဆဘူး အမေ။
ဒါတွေက ပုံမှန်လေ။ တစ်ကယ်တော့ ကျွန်တော်တို့ဆီက ပုံမမှန်ဖြစ်နေတာ။
အဲဒါကြောင့် နိုင်ငံခြား တစ်အားကောင်းနေတယ်လို့ပြောရင် သိပ်ဘ၀င်မကျဘူး အမေ။
နိုင်ငံခြားက ပုံမှန်၊ ကျွန်တော်တို့ဆီက ပုံမမှန်။

သူတို့ဆီမှာ ရုပ်ဝတ္ထုပစ္စည်းတိုးတက်မှုကတော့ ထိပ်ပဲလေ။
ဒါပေမယ့် ကျွန်တော်တော့ ဒီမှာ အရမ်းပျော်နေပြီ။
သူတို့နဲ့ တစ်သားထဲကျနေပြီ။
အင်တာနေရှင်နယ် စတန်းဒက် ဖြစ်နေပြီလို့အမေထင်ရင်တော့ အမေ မှားသွားပြီ။
အမေရေ။
ကျွန်တော်ဆိုတဲ့ ကောင်က အမေ့အိမ်ကို ပြန်လာဖို့ပဲ အမြဲတွေးနေတဲ့သူလေ။
မလာနဲ့၊ 
ဒီမှာနေပူ၊ ဖုန်ထူ၊ ခြင်ကိုက်၊ မီးပျက်လို့တော့ ကျွန်တော့်ကို မပြောပါနဲ့အမေ။
ကျွန်တော်က အဲယားကွန်းခန်းကို မုန်းလို့ နေရောင်ခြည်လေး လိုချင်နေတဲ့သူ၊
လေအဝေ့မှာ ဖုန်နံ့လေး ရှူနေရတာကို air fresher နံ့ထက်ပို ကြိုက်တဲ့သူ၊
အမှောင်ထဲမှာ ထိုင်ပြီး ယက်တောင်လေးနဲ့ ခြင်ရိုက်ပြီး စကားပြောရတာကို
ပို သဘောကျနေတဲ့သူဆိုတာ အမေ မသိပါဘူးလေ။

တစ်ချို့ကတော့ ပြောကြတယ်။
နိုင်ငံခြားမှာက အရည်အချင်းရှိဖို့ပဲ။
အရည်အချင်းရှိရင် အားလုံးတန်းတူပဲတဲ့။
အခုကမ္ဘာကြီးက Globalization ဖြစ်နေပြီတဲ့။
နေရာဒေသလေးတစ်ခုကို စွဲလမ်းနေလို့မဖြစ်ဘူးတဲ့။
ရေကြည်ရာ မြက်နုရာမှာ တိုးတက်အောင်နေရမှာပဲတဲ့။
တစ်ခုတော့ မေးပါရစေ။
ကမ္ဘာကြီးက တစ်ကယ့်ကို ကမ္ဘာ့ရွာကြီး ဖြစ်နေပြီလား။
လူမျိုးရေး ခွဲခြားမှုတွေ မရှိတော့ဘူးလား။ ကျွန်တော့်မေးခွန်းကို သေချာဖြေကြည့်ပါ။
အမေရေ၊ ကျွန်တော်တော့ ကမ္ဘာကြီးက နည်းပညာတစ်ခုကလွဲလို့
ဘယ်နေရာမှ တကယ် Globalize မဖြစ်သးဘူးလို့ထင်တယ် အမေ။
ကျွန်တောတို့လို နိုင်ငံက လာတဲ့သူတွေကို
ရုပ်ဝတ္ထုပစ္စည်း တိုးတက်နေတဲ့ နိုင်ငံတွေက သူတွေက
(လူများစုပါ။ လူအားလုံးကို မဆိုလိုပါ)
ဘယ်လိုမြင်တယ်ဆိုတာ့ အမေ မသိသေးပါဘူးဗျာ။
ဒါတွေထားလိုက်ပါတော့။
အသေးစိတ်တွေ ပြောပြနေရင် အမေ စိတ်မကောင်းဖြစ်နေမှာ။

တစ်ခါတစ်လေကြတော့ ကိုယ့်ကိုကိုယ် စက်ရုပ်တစ်ခုလိုထင်လာမိတယ်။
အလုပ်လုပ်နေတာ တစ်ကယ်ကို ထမင်းစားဖို့အတွက်လိုဖြစ်နေလို့အမေ။
အရင်တုန်းက အမေ့အိမ်မှာ နေရင်းအလုပ်လုပ်ရတာက
အဓိပ္ပာယ် လေးတစ်ခုခု ရှိနေသလိုပဲ အမေ။
အခုတော့ ဘာမှ အဓိပ္ပယ် မရှိသလိုပဲ။
ကိုယ့်နိုင်ငံမှာ လုပ်တာကမှ ကိုယ့်လူမျိုး ကိုယ့်မွေးရပ်မြေအတွက်
ဟုတ်ဟုတ် မဟုတ်ဟုတ် တစ်ခုခုတော့ အကျိုးရှိဦးမယ် အမေ။
ကျွန်တော့်ကိုလူမျိုးရေး အမြင်ကျဉ်းတယ်လို့
ပြောရင်းလည်း ကျေကျေနပ်နပ်ကြီး ခံပါမယ်ဗျာ။
အဲလောက် နိုင်ငံနဲ့ လူမျိုးကို ချစ်နေရင်
ဘာလို့ထွက်လာသေးလဲကွာလို့ အပြစ်တင်မစောပါနဲ့။
လူ့ဘ၀မှာ လူတန်းစေ့လေးတော့ နေချင်တယ်လေ။
အင်း ခက်တာက အခုလိုနေနိုင်စားနိုင်အောင်
အမေ့အိမ်မှာ နေပြီး ကျွန်တော် မရှာနိုင်ဘူး အမေရေ။
ကျွန်တော်ကပဲ ညံ့လွန်းလို့ပဲလား။
ရေကြည်ရာ မြက်နုရာဆိုရင် ကျွန်တော်တို့ဆီမှာ ရေတွေနောက်နေလို့လား။ မြက်တွေကခြောက်နေလို့လား။
ကျွန်တော် မစဉ်းစားတတ်ဘူးအမေရေ။
အမေမသိသေးတာတွေ အများကြီးရှိပါသေးတယ်ဗျာ။

ဥပမာ ဒစ်ဂျစ်တယ် နိုးစက်သံက ဘယ်လောက်မုန်းစရာကောင်းတယ် ဆိုတာ
အမေခံစားဖူးမှ သိလိမ့်မယ် အမေ။
အမေတို့ဆီမှာ လူတွေဂုဏ်ယူဝင့်ကြွားစွာကိုင်နေတဲ့ ဟန်းဖုန်းဆိုတာ
ကျွန်တော့် အတွက်တော့ နွားခလောက် တစ်လုံးနဲ့
ဘာမှ မထူးဆိုတာ အမေ မသိပါဘူး အမေ။
ဒီမှာ ရုပ်ဝတ္ထုပစ္စည်းအရ အများကြီးကောင်းတယ် ဆိုတာတော့
ကျွန်တော် မငြင်းပါဘူးအမေ။
ဒါပေမယ့်ဗျာ စာရေးဆရာတစ်ယောက် ပြောဖူးသလိုပေါ့။

‘ငှက်လှောင်အိမ်ကြီးကိုပဲ ဆေးသုတ်ပြီး
အထဲက ငှက်ကလေးကို အစာမကျွေးရင် ဘာအဓိပ္ပာယ်ရှိမှလဲ’ တဲ့။

ဒီမှာတော့ ရွှေပိန်းချလှောင်အိမ်ကြီးတွေထဲက
ပိန်လှီနေတဲ့ ငှက်ကလေးတွေ အများကြီး တွေ့ခဲ့ရလို၊
အဲလိုတော့ မဖြစ်ချင်ဘူးအမေရေ။

ကျွန်တော်ကတော့ အချိန်တန်ရင် အမေ့အိမ်ကို ပြန်လာနိုင်အောင် ကြိုးစားနေတာ။
အမေရေ။
ငါ့သားက နိုင်ငံခြားမှာ အရမ်းအဆင်ပြေနေတာလို့မကြွားပါနဲ့တော့ဗျာ။
ငါ့သားက အမေ့အိမ်ကို တအားခင်တွယ်တာလို့ပဲ ကြွားလိုက်စမ်းပါ။

အခြေအနေ တစ်ခုရောက်ရင် ကျွန်တော်ပြန်လာမှာပါအမေ။
ဘာအခြေအနေလဲလို့တော့ မမေးပါနဲ့ အမေ။
အခြေအနေတစ်ခုပေါ့။…....

@mutdfan
Photo: Google Search

Tuesday, December 7, 2010

နိုင်ငံခြားပညာတော်သင်


နိုင်ငံခြားပညာတော်သင်ရဟန်းတစ်ပါးရဲ့ အတွေ့အကြုံကို
သိချင်တယ်ဆိုလို့ ပြောပြရအုံးမယ်။
ပထမဦးဆုံးရင်ဆိုင်ရမဲ့အခက်အခဲကတော့
အင်္ဂလိပ်ဘာသာစကား (Language) ပြဿနာပါဘဲ။

နိုင်ငံခြားမှာ ပညာသင်ယူဘို့ ရည်ရွယ်ချက်ရှိတယ်ဆိုရင်
အင်္ဂလိပ်ဘာသာ၊ အင်္ဂလိပ်စကားကို
တတ်ကျွမ်းအောင် လေ့လာထားသင့်ပါတယ်။
ဒါမှမဟုတ်ရင် နိုင်ငံခြားထွက်ဖို့ လေယာဉ်ပေါ် စတက်လိုက်တာနဲ့
ပြဿနာစတွေတော့တာပါဘဲ။

ဒါနဲ့စပ်လို့ပြောရဦးမယ်။
မနှစ်က မြန်မာဘုန်းတော်ကြီးတစ်ပါးနဲ့အတူ
အနောက်နိုင်ငံ အင်္ဂလန်ကို ခရီးထွက်ဖြစ်တယ်။
ရန်ကုန်မှ ဘန်ကောက်၊ ထိုမှ လန်ဒန်၊ လေယာဉ်ခရီးစဉ်ပေါ့။

လေယာဉ်ပေါ်ရောက်ပြီး မကြာမီမှာဘဲ လေယာဉ်မယ်တွေက
စားစရာ သောက်စရာတွေ လာချပေးတယ်။ မျိုးစုံပါဘဲ။
စက္ကူထုပ်လေးတွေအပေါ်မှာ အင်္ဂလိပ်စာတန်းလေးတွေနဲ့။
Sugar, Papper, Coffee mate, Salt စသည်ဖြင့်။
ကော်ဖီကြိုက်သူအတွက် ကော်ဖီ၊ လဘက်ရည်ကြိုက်သူအတွက် လဘက်ရည်၊
ကိုယ့်ရှေ့လာချပေးထားတဲ့ခွက်ထဲကို
နောက်လေယာဉ်မယ်တစ်ဦးက အသီးသီး လိုက်ထည့်ပေးတယ်။
Sugar (သကြား) ထုပ်နဲ့ Coffeemate (နို့မှုန့်) ထုပ်လေးတွေကို ဖောက်၊
ကိုယ်လိုသလောက် ရောစပ်သောက်လိုက်ရုံပါဘဲ။

ဒီလိုသောက်နေစဉ် စာရေးသူဘေးမှာပါလာတဲ့
မြန်မာဘုန်းတော်ကြီးက မျက်နှာရှုံ့တွပြီး
‘ဟ၊ မောင်ဣန္ဒက၊ ငါ့လဘက်ရည်က မချိုဘဲနဲ့ စပ်တယ်ကွ’ လို့ပြောပါတယ်။
စာရေးသူလဲ သူဖောက်ထည့်ထားတဲ့အထုပ်လေးတွေကို
အံ့သြစွာနဲ့လှည့်ကြည့်လိုက်တော့ ‘ဗုဒ္ဓေါ’ လို့အော်လိုက်မိတယ်။
စပ်မှာပေါ့။
Papper လို့ခေါ်တဲ့ ငရုပ်ကောင်းမှုန့်ထုပ်ကိုပါ ဖောက်ထည့်ပြီး
လဘက်ရည်နဲ့ဖျော်သောက်နေတာကိုး။

ဒါဟာ အင်္ဂလိပ်ဘာသာစကားကို မလေ့လာခဲ့တဲ့အတွက်
ကြုံတွေ့ရတဲ့ ပြဿနာတစ်ခုပါဘဲ။
ဒီလို အသေးအဖွဲပြဿနာလေးတွေကအစ မတွေ့ကြုံရလေအောင်
နိုင်ငံခြားမှာ ပညာသင်ယူဘို့ရှိတယ်ဆိုရင်
အင်္ဂလိပ်ဘာသာစကားကို အထူးလေ့လာဘို့ လိုအပ်ပါတယ်။

သာသနတက္ကသီလဓမ္မာစရိယ (သို့မဟုတ်) သာသနဓဇဓမ္မာစရိယဘွဲ့ရပုဂ္ဂိုလ်ဟာ
အင်္ဂလိပ်ဘာသာစကားကို ကျွမ်းကျွမ်းကျင်ကျင် ရေးတတ်ပြောတတ်တယ်ဆိုရင်
သီရိလင်္ကာနိုင်ငံမှာရှိတဲ့
Buddhist and Pali University မှာဖြစ်စေ
University of Kelaniya မှာဖြစ်စေ
M.A သင်တန်းကို တက်ရောက်ခွင့်ရှိပါတယ်။
Fee ကြေး US $ 750 ပေးသွင်းရတယ်။

မြန်မာနိုင်ငံက ရဟန်းတော်တွေအတွက် သင်တန်းကာလက တစ်နှစ်တည်းပါ။
အခြားနိုင်ငံက ကျောင်းသားရဟန်းတော်တွေအတွက်တော့ နှစ်နှစ်တက်ရတယ်။
မြန်မာနိုင်ငံက ရဟန်းတော်တွေကို
ပါဠိစာပေ အတန်အသင့် လေ့လာလိုက်စားဘူးတယ်လို့ ယူဆပြီး
M.A သင်တန်း တစ်နှစ်တည်းသာ တက်ရတာပါ။

မြန်မာပြည်မှာ အင်္ဂလိပ်စာကို အခြေခံလောက်သာ လေ့လာဘူးတဲ့ရဟန်းတော်များကတော့
M.A သင်တန်းမတက်ခင် Aquinas ဆိုတဲ့ကောလိပ်မှာ
အင်္ဂလိပ်စာသင်ယူကြတယ်။

စာရေးသူလဲ အဲဒီကောလိပ်မှာ အင်္ဂလိပ်စာတိုးတက်ဖို့အတွက်
တက်ရောက်ခဲ့ပါတယ်။ အဲဒီကောလိပ်မှာ
1: Preliminary Level (ပထမဆင့်)
2: Intermediate Level (ဒုတိယဆင့်)
3: Final Level (တတိယဆင့်) လို့
အဆင့်သုံးဆင့်ခွဲထားတယ်။

ဒီကောလိပ်ကို တက်ရောက်ပညာသင်ယူနိုင်ဘို့ ၀င်ခွင့်ဖြေဆိုရတယ်။
ဝင်ခွင့်မှာ ကိုယ်ရတဲ့အမှတ်နဲ့ ကိုက်ညီသင့်လျှော်တဲ့ အဆင့်မှာ
တက်ရောက်သင်ယူရတယ်။ US $ 50 ခန့်မျှသာ ပေးသွင်းရတယ်။

အင်္ဂလိပ်စာကိုသာ ဦးစားပေးသင်တဲ့ ကောလိပ်လဲဖြစ်၊
ဈေးနှုန်းလဲ သက်သာ၊ သွားရ လာရတာလဲ လွယ်ကူလို့
မြန်မာရဟန်းတော်တွေအတွက် အသင့်တော်ဆုံး ကောလိပ်ပါဘဲ။
အဆင့်အသီးသီးမှာ အင်္ဂလိပ်ဘာသာ (Language) တစ်ခုကိုဘဲ
1: Grammar
2: Composition
3: Comprehension
4: Speech ဆိုပြီး ဘာသာ (Subject) လေးမျိုးခွဲသင်တယ်။

သင်ကြားတဲ့နည်းစနစ်တွေကတော့ ခေတ်မှီတယ်ပြောရမှာဘဲ။
အနောက်တိုင်းဆန်တယ်။ ငြီးငွေ့ရမဲ့ရက်ဆိုလို့ တစ်ရက်မှ မရှိခဲ့ဘူး။
အရွယ်စုံ၊ လူမျိုးစုံ၊ ဘာသာစုံတက်ရောက်ခွင့်ရှိတယ်။
သင်ကြားပေးတဲ့အကြောင်းအရာတွေကလဲ စုံလို့။
ရှိတ်စပီးယားရဲ့ ပြဇာတ်တွေလဲ ပါတယ်။
ပြဇာတ်တွေကို သင်ကြားပို့ချပြီးတိုင်း အဲဒီပြဇာတ်ရဲ့ ဗွီဒီယိုကားကို ကြည့်ရတယ်။
အဲဒါကတော့ ဗွီဒီယိုကားထဲမှာ ပြောတဲ့စကားတွေကို
ဘယ်လောက်အထိနားလည်သလဲဆိုတဲ့Listening Skill အတွက်ပါဘဲ။

Level တစ်ခုတစ်ခုစီရဲ့ ပညာသင်ကာလကတော့ (၆) လဖြစ်တယ်။
မြန်မာနိုင်ငံကလဲ အင်္ဂလိပ်စာအခြေခံပါလာ၊
ဒီကောလိပ်မှာလဲ Level တစ်ခုလောက်တက်ပြီးတဲ့ မြန်မာရဟန်းတော်တစ်ပါးဟာ
တက္ကသိုလ်မှာ M.A သင်တန်းကို ကောင်းကောင်းတက်ရောက်နိုင်ပါပြီ။
Lecture များကို ကောင်းကောင်းလိုက်နိုင်ပါပြီ။

စာရေးသူတော့ ဒီကောလိပ်မှာ
Intermediate Level တစ်ခုတက်ပြီးနောက်
University of Kelaniya မှာ M.A တက်ဖြစ်ခဲ့တယ်။
၂၀၀၀ - ခုနစ်တုန်းကပါ။
အဲ့ဒီနှစ်တုန်းက ဘာသာရပ် ၁၀ - ခုလိုက်ရတယ်။
စာမေးပွဲဖြေဆိုတဲ့အခါမှာတော့
ကိုယ်လိုက်ထားတဲ့ဘာသာရပ် ၁၀ - ခုထဲက
ကြိုက်ရာငါးဘာသာကို ရွေးချယ်စာရင်းပေးပြီး ဖြေဆိုရပါတယ်။

သင်ကြားပို့ချတဲ့ဆရာတွေကတော့ Ph.D ဘွဲ့ရတွေချည်းပါဘဲ။
ဆရာတိုင်းဟာ သူတို့ရဲ့ Lecture ကို ပို့ချပြီးတိုင်း
မေးလိုရာ မေးနိုင်ကြောင်း အမြဲပြောပါတယ်။

ဒီလိုပြောတိုင်း စာရေးသူရဲ့ ငယ်ဆရာဖြစ်တဲ့
ဘုန်းတော်ကြီးတစ်ပါးကို သတိရမိတယ်။
ပထမငယ်တန်းတက်စဉ်အခါတုန်းက
စာချဘုန်းကြီးက ဘုရား ရဟန္တာတို့ ရယ်ရွှင်တဲ့အခါ
ဟသိတုပ္ပါဒ်စိတ်နဲ့ရယ်ရွှင်တဲ့အကြောင်းပြောပြတယ်။
ဒါဆိုရင် ဘာဖြစ်လို့ ဒီဟသိတုပ္ပါဒ်စိတ်ကို
အသောဘန (မတင့်တယ်တဲ့) စိတ်ထဲ ထည့်သွင်းထားရတာလဲ ဘုရား လို့

စာရေးသူက မေးမိတော့
သားရေဖုံးစာအုပ်အနှောင့်နဲ့ ခေါင်းအထုခံခဲ့ရတယ်။
သီရိလင်္ကာနိုင်ငံ ပညာသင်ကြားရေးစနစ်မှာတော့
မသိတာ မရှင်းတာရှိရင် မေးမြန်းနိုင်ပါတယ်။
သူတို့နိုင်ငံက ဆရာတွေက ဒီလိုမေးတာဟာ
ကျောင်းသားတစ်ယောက်တိုးတက်ဖို့၊ ပညာတတ်ဖြစ်ဖို့
အခြေခံလိုအပ်ချက်လို့ သဘောထားကြတယ်။

M.A တန်းမှာ ၀ိနည်း၊ သုတ္တန်၊ အဘိဓမ္မာထဲက
အကြောင်းအရာတွေကို သင်တယ်ဆိုပေမဲ့ မြန်မာပြည်သင်နည်းစနစ်နဲ့မတူဘူး။
သီရိလင်္ကာက ဆရာတွေက မြန်မာပြည်က စာချဆရာတော်တွေ
တွေးခေါ်လေ့မရှိတဲ့ အရာလေးတွေကို တွေးခေါ်ကြံဆပြီး
ပို့ချကြတာဟာ စိတ်ဝင်စားဖွယ် တစ်မျိုးဖြစ်နေပါတယ်။

ဥပမာ၊ ၀ိသုဒ္ဓိမဂ်နှင့် ရှင်မဟာဗုဒ္ဓဃောသ ဆိုတဲ့ခေါင်းစဉ်နဲ့ ပို့ချချက်ထဲမှာ
ဝိသုဒ္ဓိမဂ်ကျမ်းအရင် ၀ိမုတ္တိမဂ်ဆိုတဲ့ကျမ်းရှိခဲ့ဘူးကြောင်း၊
ဝိသုဒ္ဓိမဂ်ကျမ်းနှင့် ၀ိမုတ္တိမဂ်ကျမ်းတို့ဟာ အကြောင်းအရာတူညီရုံမျှမက
အခန်းဖွဲ့စည်းပုံများလဲ တူကြောင်း၊
ရှင်မဟာဗုဒ္ဓဃောသ ၀ိသုဒ္ဓိမဂ်ကျမ်းရေးစဉ်အခါက
သူ့ရဲ့လက်ထဲမှာ ၀ိမုတ္တိမဂ်ကျမ်း ရှိနှင့်နေပြီဟု ယူဆနိုင်ကြောင်း၊
ဒါ့ကြောင့် ရှင်မဟာဗုဒ္ဓဃောသအနေဖြင့်
သူရေးထားတဲ့ဝိသုဒ္ဓိမဂ်ကျမ်း အကြိမ်ကြိမ်ပျောက်ဆုံးသော်လဲ
အလားတူကျမ်းမျိုး ထပ်မံရေးနိုင်ခြင်းဖြစ်ကြောင်း၊
ဝိသုဒ္ဓိမဂ်ကျမ်းရေးစဉ် ပျောက်ဆုံးသည်ဆိုသည်မှာလဲ မဖြစ်နိုင်ကြောင်း၊
ထိုသို့ မှတ်တမ်းတင်ကြခြင်းမှာ ရှင်မဟာဗုဒ္ဓဃောသ ဥာဏ်ကောင်းကြောင်းကို
လွန်လွန်ကဲကဲ ချီးမွှမ်းချင်လို့သာဖြစ်နိုင်ကြောင်း စသည်ဖြင့်
ဆရာတစ်ယောက်က လွတ်လပ်စွာ တွေးခေါ်ပြီး
ဝေဘန်ထောက်ပြသွားခြင်းဟာ
မြန်မာရဟန်းတော်တစ်ပါးအနေဖြင့် စိတ်ဝင်စားဖွဲရာလဲ ဖြစ်သကဲ့သို့
အံ့သြဖွယ်ရာလဲ ဖြစ်နေပါတော့တယ်။

သူတို့တက္ကသိုလ်က ဘာသာရပ်နာမည်တွေကို
ကမ္ဘာ့တက္ကသိုလ်တွေနဲ့ ရင်ဘောင်တန်းနိုင်အောင် အဆင့်မှီမှီပေးထားတာကိုလဲ
1: Buddhist Philosophy of Education and Communication
2: The Bodhisatta Ideal in Theravada and Mahayana Buddhism
3: An Introduction to Pali Commentarial Literature
4: Buddhist Vinaya and Modern Legal Philosophy
5: Social Dimensions of Buddhism
စသဖြင့် စိတ်ဝင်စားဖွယ်ရာတွေ့ရပါတယ်။

အဲ့ဒီလို ဘာသာရပ်နာမည်တွေ အမျိုးမျိုးပေးထားပေမဲ့
ဗုဒ္ဓဘာသာကျမ်းဂန်ဖြစ်တဲ့ ၀ိနည်း၊ သုတ္တန်၊ အဘိဓမ္မာတွေထဲက
အကြောင်းအရာတွေကို သင်တာပါဘဲ။
ဘာသာရပ်နာမည်ဆန်းသည့်အားလျှော်စွာ
ခေတ်အမြင်၊ ခေတ်အတွေးအခေါ်၊ ခေတ်အခြေအနေတွေနဲ့
ညှိနှိုင်းပြီးသင်တော့ စိတ်ဝင်စားဖွယ်ရာ ပိုကောင်းပါတယ်။

M.A တန်းစာမေးပွဲမဖြေဆိုခင် စာမျက်နှာ (၂၅-၃၀) ခန့်ရှိတဲ့
စာတမ်းငယ် (Dissertation) တစ်ဆောင် တင်သွင်းရတယ်။
ဗုဒ္ဓဘာသာနဲ့ပတ်သက်တဲ့ ကိုယ်စိတ်ဝင်စားတဲ့အကြောင်းအရာကို ရေးတင်ရုံပါဘဲ။
စာတမ်းအကောင်းအဆိုးပေါ်မူတည်ပြီး အမှတ်အနည်းအများပေးတယ်။

စာမေးပွဲမဖြေခင် စာမေးပွဲအတွက်ပြင်ဆင်ဘို့ တစ်လခန့်ကြိုတင် ကျောင်းပိတ်ပေးတယ်။
ဘာသာရပ်ငါးမျိုးဖြေဆိုရပြီး တစ်ဘာသာမှာ လေးပုဒ်ဖြေဆိုရတယ်။
တစ်ပုဒ်ကို ၂၅ - မှတ်ပေးတယ်။
အကြောင်းအရာပေါ်မူတည်ပြီး အနည်းဆုံး တစ်ပုဒ်ကို
(A4 Size) စာမျက်နှာ သုံးမျက်နှာခန့်ဖြေဆိုရတယ်။
အဖြေလွှာပေါ်မှာ Mergin၊ မျဉ်းကြောင်းတွေက အစီစဉ်တကျ ရှိနှင့်နေပြီးသားမို့
အဖြေလွှာစာရွက်ဝေရင် ဘာမှလုပ်စရာမလိုဘူး။ အဖြေရေးရုံပါဘဲ။

အမှတ် (၁၀၀)ဖို့ ဖြေဆိုရတဲ့အထဲမှာ အမှတ် (၅၀) ရရင် အောင်မြင်သူလို့သတ်မှတ်ပြီး
(၆၅) မှတ်ရသူကိုတော့ ဂုဏ်ထူးဖြင့် အောင်မြင်သူလို့ သတ်မှတ်တယ်။
ဒီနေရာမှာ မြန်မာနိုင်ငံ ပရိယတ္တသာသနာ့တက္ကသိုလ်နဲ့ မတူတဲ့ ထူးခြားချက်ကတော့
အောင်မှတ် (၅၀) ကို ပျမ်းမျှအားဖြင့် ယူခြင်းပါဘဲ။

ဆိုပါစို့။
ဘာသာတစ်ခုက (၆၀) မှတ်ရပြီး အခြားဘာသာတစ်ခုက (၄၀) မှတ်သာ ရတယ်ဆိုရင်လဲ
ပျမ်းမျှအားဖြင့် (၅၀) မှတ်ဖြစ်သည့်အတွက် အောင်မြင်သူလို့ သတ်မှတ်ပါတယ်။

ဘာ့ကြောင့် ဒီစနစ်ကို ကျင့်သုံးရတာလဲ ဆိုတာနဲ့ပတ်သက်လို့
ဆရာတစ်ယောက်ထံ ချဉ်းကပ်ပြီး မေးမြန်းဘူးတယ်။
စာသင်သားကျောင်းသားတစ်ယောက်ဟာ ဘာသာရပ်အားလုံးမှာ မတော်နိုင်ဘူး။
လူတစ်ယောက်ဟာ ဘာသာရပ်တစ်မျိုးမှာ တော်တယ်ဆိုရင်ပဲ
လောကကြီးမှာ အသုံးဝင်တော့တာဘဲ။
ဒါ့ကြောင့် ဒို့က ဒီစနစ်ကို ကျင့်သုံးရတာ။

တကယ်တော့ ဒီစနစ်ဟာ ဒို့တက္ကသိုလ်တစ်ခုတည်း ကျင့်သုံးနေတာ မဟုတ်ဘူး။
ပညာရေးမှာ ထိပ်တန်းရောက်နေပါတယ်ဆိုတဲ့
နိုင်ငံကြီးတွေက တက္ကသိုလ်အသီးသီးမှာလဲ ဒီစနစ်ကို ကျင့်သုံးနေတာဘဲ လို့ သူက ရှင်းပြပါတယ်။
ဒီတော့ စာရေးသူကို လမ်းပြပေးခဲ့တဲ့ မျက်စိဖွင့်ပေးခဲ့တဲ့
အမိပရိယတ္တိသာသနာ့တက္ကသိုလ် (မန္တလေး)မှာ
ပိဋကတ်စာပေမှာတော်ပြီး အင်္ဂလိပ်စာမှာ ချော်လို့ စာမေးပွဲ ကျသွားသူ၊
မြန်မာစာပေမှာ တော်ပြီး ပါဠိစာပေမှာ ချော်လို့ တက္ကသိုလ်မှ ထွက်သွားရသူစတဲ့
ညီတော်နောင်တော်တွေကို ပြန်လည်သတိရ မြင်ယောင်နေမိပါတော့တယ်။

သီရိလင်္ကာနိုင်ငံမှာ M.A အောင်တော့ အနည်းဆုံးနှစ်နှစ်ကြာတဲ့
M.Phil (Master of Philosophy) တန်း တက်ရပါမယ်။
တက္ကသိုလ်စည်းမျဉ်းအရ တိုက်ရိုက် PhD ဆက်လုပ်ခွင့် မရှိပါဘူး။

အိန္ဒိယနိုင်ငံမှာ ကျောင်းတက်နေတဲ့ သူငယ်ချင်းတွေထံ စုံစမ်းကြည့်တော့
M.A ပြီးရင် M.Phil လုပ်စရာမလိုဘဲ PhD တိုက်ရိုက်ဆက်တက်ခွင့်ရှိကြောင်း
သိရပါတယ်။ ဒါ့ကြောင့် အချိန်နဲ့ငွေ အကုန်သက်သာအောင်
အိန္ဒိယနိုင်ငံမှာရှိတဲ့ တချိန်က ဘုံဘေလို့ ခေါ်တဲ့ Mumbai မြို့ကို ပြောင်းဖြစ်သွားတယ်။
ဆရာကြီးဦးရွှေအောင်နဲ့ ဦးအံ့မောင်တို့တက်ခဲ့တဲ့ တက္ကသိုလ်ပါဘဲ။

တက္ကသိုလ် Fee ကြေးကတော့ တစ်နှစ်မှာ US $ 150 ခန့်သာ ကုန်ကျပါတယ်။
ဒါပေမဲ့ အဆောင်စရိတ်က တစ်နှစ်ကို US $ 500 ခန့်ကုန်ကျပြီး
သွားလာစရိတ် စားစရိတ်အပါအ၀င် စုစုပေါင်းတစ်နှစ်လျှင်
US $ 1500 နဲ့ 2000 ကြားမှာ ရှိပါတယ်။

PhD တန်းဆိုတော့ Thesis ရေးရတယ်။
Thesis ရေးဘို့အတွက် ကိုယ့်ကို Guide လုပ်မဲ့ ဆရာတစ်ယောက်ကို ရှာရတယ်။
ဘုံဘေတက္ကသိုလ်မှာ Buddhist Studies မရှိသေးတော့
ကိုယ့်ဗုဒ္ဓဘာသာနဲ့ အနီးစပ်ဆုံးဖြစ်တဲ့ Philosophy (ဒဿနိကဗေဒ) ဌာနမှာ
ကျောင်းဝင်ခွင့်လျှောက်ထားရတယ်။

စာရေးသူဟာ သီရိလင်္ကာနိုင်ငံ University of Kelaniya က M.A နဲ့
ဘုံဘေတက္ကသိုလ်ကို ပထမဦးဆုံး ၀င်ခွင့်လျှောက်ထားသူဆိုတော့
Guide လုပ်မဲ့သူက အသေးစိတ်မေးမြန်းစုံစမ်းတယ်။
သာသနာ့တက္ကသိုလ်က
သာသနတက္ကသီလဓမ္မစရိယ (B.A Buddhism) အောင်လက်မှတ်နဲ့
M.A အောင်လက်မှတ်ကို ကြည့်တယ်။
အမှတ်စာရင်း အပြခိုင်းတယ်။
ပြဌာန်းစာ (syllabus) ကို စစ်ဆေးတယ်။

သီရိလင်္ကာနိုင်ငံ တက္ကသိုလ်က ပြဌာန်းစာကတော့ ပြောစရာမလိုပါဘူး။
ဒါပေမဲ့ မြန်မာနိုင်ငံ သာသနာ့တက္ကသိုလ်က ပြဌာန်းစာကို စစ်ဆေးတဲ့အခါ
နိုင်ငံခြားသား ဆရာတစ်ယောက်အနေနဲ့ နားမလည်နိုင်တဲ့ ဘာသာရပ်နာမည်၊
နားမလည်နိုင်တဲ့ စာအုပ်နာမည်တို့ကို တွေ့ရတယ်။
စာရေးသူက အမျိုးမျိုးအဖုံဖုံရှင်းပြလိုက်မှ သူနားလည်ပြီး လက်ခံသွားပါတယ်။
ဒီတော့ မြန်မာနိုင်ငံ သာသနာ့တက္ကသိုလ်က ဘာသာရပ်နာမည်နဲ့
ပြဌာန်းစာအုပ်နာမည်တို့ကို အပြည်ပြည်ဆိုင်ရာ တက္ကသိုလ်အသီးသီးရှိ
ဆရာများ အလွယ်တကူ သိရှိနားလည်စေရန်
သီရိလင်္ကာနိုင်ငံမှာ ရှိတဲ့ ပြဌာန်းစာ နာမည်တို့လို စနစ်တကျ ဖြစ်နေရင်တော့ ပိုကောင်းပါတယ်။

မြန်မာနိုင်ငံ သာသနာ့တက္ကသိုလ် သင်ကြားပို့ချမှုဟာ
နိုင်ငံတကာအဆင့်မှီပေမဲ့ ပြဌာန်းစာအုပ်ပြင်ဆင်မှု အားနည်းချက်ကြောင့်
အခြားနိုင်ငံ တက္ကသိုလ်ရှိဆရာတွေရဲ့ ယုံကြည်အားရမှုကို လျော့နည်းစေပါတယ်။
ပြဌာန်းစာအုပ်တွေနဲ့ B.A, M.A အောင်လက်မှတ်တို့ကို စစ်ဆေးပြီးတဲ့အခါ
ကိုယ့်ဌာနဖြစ်တဲ့ ဒဿနိကဗေဒဌာနရဲ့ အကြီးဆုံး Head ရဲ့ လက်မှတ်ထိုးနဲ့
စာရေးသူမှာရှိတဲ့ BA, MA နဲ့ပတ်သက်တဲ့ စာရွက်စာတမ်းအားလုံးကို
မော်ကွန်းထိန်းဌာနကို ပို့ပါတယ်။

အကြောင်းက မြန်မာပြည်က ရခဲ့တဲ့ BA နဲ့ သီရိလင်္ကာက ရခဲ့တဲ့ MA တို့ဟာ
ဘုံဘေတက္ကသိုလ်က BA, MA တို့နဲ့ ညီမျှမှု ရှိမရှိ စစ်ဆေးဖို့ပါဘဲ။
နှစ်ပတ်လောက်ကြာတော့ ညီမျှမှု ရှိတယ်ဆိုတဲ့အဖြေရလာပါတယ်။
ဒီတော့ Guide လုပ်မဲ့သူက ကိုယ်ရေးမဲ့ Thesis ခေါင်းစဉ်ကို မေးပြီး
၁၀ - မျက်နှာခန့် အကျဉ်းချုပ်ရေးပြခိုင်းပါတယ်။
Proposed Thesis ဆိုပါတယ်။
သဘောတူ ကြိုက်နှစ်သက်ပြီဆိုရင် အဲဒီ Proposed Thesis ကို
မိတ္တူ ၁၅ - မူပွါးပြီး ဘုံဘေတက္ကသိုလ်မှာရှိတဲ့
Research and Recognition Committee (RRC) သို့တင်ရတယ်။
RRC ကလက်ခံတယ်ဆိုရင် Research Visa ရဖို့အတွက်
မော်ကွန်းထိန်း၊ သို့မဟုတ် ပါမောက္ခချုပ်လက်မှတ်ရအောင် ကြိုးစားရပါတယ်။
လက်မှတ်ရပြီးရင် နယူးဒေလီမြို့မှာရှိတဲ့ ပြည်ထဲရေးဝန်ကြီးဌာနကို သွားပြီး
Research Visa လျှောက်လွှာများတင်ရတယ်။

ပြီးတော့ မြန်မာပြည်က ပြန်စောင့်ရတယ်။
၈ လလောက်အကြာမှာ မြန်မာနိုင်ငံက အိန္ဒိယသံရုံးနဲ့ ကာယကံရှင်ကျောင်းသားထံ
Research Visa လျှောက်ထားနိုင်ပြီဆိုတဲ့အကြောင်းကြားစာ ပို့ပေးတယ်။
အဲ့ဒီစာရတာနဲ့ အိန္ဒိယသံရုံးမှာ Research Visa ရယူပြီး
ဘုံဘေတက္ကသိုလ်သို့ ပြန်လာကာ တရားဝင်ကျောင်းသားဖြစ်ဖို့ မှတ်ပုံတင်ရပါတယ်။
Research Visa မပါရင် PhD ကျောင်းသားအဖြစ် လက်မခံပါဘူး။
ကျောင်းသားဖြစ်ပြီဆိုရင်တော့ Thesis စတင်ရေးလို့ရပြီပေါ့။

တစ်လတစ်ခါ နှစ်လ တစ်ခါ ကိုယ့်ရဲ့ Guide နဲ့တွေ့ပြီး ကိုယ်ရေးထားတာကို ပြ၊
ဆွေးနွေးစရာရှိတာ ဆွေးနွေး၊ ပြင်စရာရှိတာ ပြင်ဆင်ရပါတယ်။
ဒီလိုနဲ့ ကျမ်းရေးပြီးပြီဆိုပါစို့။
ကျောင်းသားဖြစ်ပြီး ၂၂ လ အကြာမှာ ၁၅ - မျက်နှာခန့် Synopsis ရေးတင်ရပါတယ်။
နောက် ၂ - လအကြာမှာမှ ကျမ်းတင်သွင်းခွင့်ရှိပါတယ်။
PhD တန်းအတွက် သတ်မှတ်ထားတဲ့ သင်တန်းကာလကတော့
အနည်းဆုံး ၂၂ လဖြစ်ပြီး အများဆုံး ငါးနှစ်လို့ သတ်မှတ်ထားတယ်။
ကျမ်းတင်ပြီး ၂ - လမှ ၆ - လအတွင်း Viva voce ထိုင်ရတယ်။
Viva ထိုင်ပြီး နှစ်ပတ်လောက်အကြာမှာ PhD စာမေးပွဲ အလုံးစုံ
ပြီးမြောက်အောင်မြင်သွားပြီဖြစ်ကြောင်းနဲ့ PhD ဘွဲ့နဲ့ ထိုက်တန်တဲ့အကြောင်းတို့ကို
ကြေငြတဲ့ Declaration စာတစ်ဆောင်ပို့ပေးတယ်။

ဒီ စာရတဲ့နေ့ကစပြီး ကိုယ့်ရဲ့နာမည်ရှေ့မှာ Dr. စတတ်လို့ရပါပြီ။
Dr. Ashin Indaka စသည်ဖြင့်ပေါ့။

၂၀၀၆ - ခုနစ်တုန်းက သာသနာ့တက္ကသိုလ် (မန္တလေး) နှစ်ပတ်လည်မဂ္ဂဇင်းအတွက်
ရေးပေးတာလေးပါ။

နိုင်ငံခြားပညာသင်ကိစ္စနဲ့ပတ်သက်ပြီး
စာရေးသူနဲ့ BBC တွေ့ဆုံမေးမြန်းခန်းကို ဒီလင့်မှာ ကြည့်ရှုနားထောင်နိုင်ပါတယ်။
http://www.bbc.co.uk/burmese/learning/story/2006/05/060420_monkeducation.shtml